tbl-x-southtboli_heb_text_reg/02/13.txt

\v 13 Ne wen bud monen, “Dwata se yóm hol snaligu.” Ne bud ni sii yóm sotu tehe monen, “Ni ou, Dwata, gotu le mung do yó kem ngà deng blayem do.” \v 14 Yó kem ngà mon Jisas yó koni, kem tau te tonok se yó, wen unged le ne wen litô le. Ne ke Jisas kun, hbaling tau mkél bélê tekuy. Yó gónón mò du anì fen matay bélê tekuy. Lemwót bè yóm katayen yó mò lanen gemlà ke Seitan, yóm fen mogot yóm hatay. \v 15 Bè yóm katayen yó, yó gónón lemwà tekuy kem tau alì likò matay, abay se monem tolo kuy gfét du bè yóm igò tekuy mowil.