tbl-x-southtboli_heb_text_reg/10/11.txt

\v 11 Yó kem Ju gel demsù ebè Dwata, ket kdaw le mò du yóm kul nmò. Deng hónô solò yóm gel kedsù le, ewenem, là kô gbeken mkó du yó kem salà le. \v 12 Okóm ke Krays, tek suléken demsù klowilen mò hkó salà yó kem tau, ne wen ktueden yóm dsuen yó efet kól bè hol sónen. Ne kogol yóm kedsuen, ominen tódô myón fi bè kwanan Dwata, \v 13 hangaten kehto yóm buteng angat gotu kdà Dwata kul elaan yó kem hmohon du. \v 14 Duhen yó, olo tek suléken demsù, sana gotu hguliten yó kem tau deng hólósen bè yó kem salà le. Bè yóm kehguliten kul yó, laen dù tul sónen.