tbl-x-southtboli_heb_text_reg/07/27.txt

\v 27 Là kóen na a mkél bè yó kem dumu tau tehe gel blóng le ebè Dwata. Ke bélê le kul, sal gel wen dsù le ket kdaw. Tanay gónó le gel demsù bè yóm kul salà, omin le tmodol demsù bè salà yó kem dumu tau. Okóm là ke Jisas kun. Tek suléken demsù, bede yó dsuen, kun lówó. Yóm kun kedsù yó, laen kô bud seefen. \v 28 Yóm tau tehe gel nélék le mò blóng le ebè Dwata, gel lolò le yóm hlau Musis. Bede sal wen gónó le là gulit yó kem tau nélék le yó. Okóm wen fasad Dwata tekuy tukô huli yóm hlau Musis, bud hlanen bè yóm boluyen mò hemget du. Lemwót bè yóm fasaden tekuy yó, yó gónón mélék yóm hol Ngaen mò fen blóng tekuy ebéléen. Yóm Ngaen yó, laen kô dù gónón là gulit bè yóm keseblóngen tekuy ebè Dwata, ne laen dù tul sónen snéen yóm kguliten yó.