tbl-x-southtboli_act_text_reg/15/07.txt

\v 7 Timbow deng legen yóm tey kestulón le du, omin Pitér hebekó mdà lem blóng le, monen, “Ó kem dumuhu setwoli, deng tengón ye se yóm tehe kélék Dwata do lem blóng ye mò heglalag du bè yó kem tau là duhen yóm Tulón hyu anì gungol le, ne hentahu le se kul. \v 8 Tódô gotu tngón Dwata se yóm kmò kehedem tau,” men Pitér, “ne hegefanen se yóm tey kehemóyóen kul, ngem yó dém Tulusen tódô belayen kul, hol lómón se yó nem keblayen du tekuy. \v 9 Laen kô gónó Dwata semtólóng tekuy bélê le. Deng hnifóten salà le lemwót bè yóm deng kehtahu le bè Jisas.