tbl-x-southtboli_act_text_reg/15/03.txt

\v 3 Tahu se, hewót le lu le Pol yó kem tau hemtahu bè Antyok. Bè yóm kógów le, melan le bè prubinsya Funisya ne Samarya. Ket benwu gónó le selob, gel tulón le yóm deng kehtahu le bè Dwata yó kem tau là Ju le. Ya tey kligal le yó kem tau hemtahu bè yóm kungol le du yóm tulón le ni. \v 4 Timbow le kól bè Jirusalim, tey kehódó le kul yó kem tau hemtahu bè yó, dalang se yó kem tehe hógów Jisas, kekólen bè yó kem tuha malak kul bè yó. Gotu tulón le Pol kul se yóm kdê deng nmò Dwata helanen bélê le.