tbl-x-southtboli_act_text_reg/16/19.txt

\v 19 Timbow tngón yó kem tau mfun du yóm ngà libun ni yóm klaen dù bud lan le gemwa filak béléen, tódô kenfô le Pol ne Silas, nit le lu ebè yó kem tau genlal gel kmukum bélê le. \v 20 Hdà le lu bè solu yó kem tau mogot kukum bélê le lemwót bè Rom, ne mon le mò kul, “Ni kem tau Ju ni, sónmò le hmala yó kem tau bè yóm syudad tekuy. \v 21 Gel tolok le yóm tólóng adat igoen là hyu bè yóm kut udin. Tau me Rom se kum, là hyuhen bélê me yó kem adat gel tolok le.”