tbl-x-southtboli_act_text_reg/16/16.txt

\v 16 Sotu kdaw bè yó, yóm igò me tolo mógów ebè yóm gónó me gel stifun mni bè Dwata, geslong me yóm sotu ngà libun sideknmoen, okóm wen genbeken. Tey filak gel guta yóm tau gónón sideknmoen, abay se wen kegbeken tmulón yóm angat sut elem haya lemwót bè yóm gel malak du. \v 17 Bè yóm igò me mógów, tódô lemangat huli kum, yó udélen, monen, “Ni se kem tau tóbóng lówó yóm Dwata hol geta bè kdéen. Yó nógów le ni,” monen, “na le e tulón kuy yóm gónó ye gewà gu lem hatay.” \v 18 Hilu kdawen todo gel semsulit du yóm monen yó efet tmakas Pol. Tódô beklil ebéléen, monen ebè yóm busaw malak du, “Lemwót bè kun boluy Jisas Krays, mdóhi béléen yóm ngà libun nalakem ni.” Tahu se, sen  gengen se tódô mdó béléen yóm busaw malak du.