mta-x-sulitmanob_luk_text_reg/10/25.txt

\v 25 Nu nigdani ka sagbuka nu talagpanulu to balaud oyjow to pog-olog-olog ki Hisus. Hoy nanginso kandin, “Talagpanulu nokoy ka kinaanglan nug himowon ko oyjow makadawat a to kinabuhi no waro katamanan?” \v 26 Si Hisus migtabak, “Nokoy man ka innangon diyo to kasulatan? Hoy nokoy man ka inpasabut to soin?” \v 27 Ka Talagpanulu to balaud nigtabak, “Goynawai nu ka magbabayjo no koykow nu Diyus to tibo nun pusung hoy to tibo nu gimukud nu, hoy to tibo nu duson nu, hoy to tibo nu salabotan nu, hoy goynawai nu ka isigka otow iling to poggoynawa nu to kougalingon nu.” \v 28 Migtabak si Hisus, “Olog dod iyan sikan tabak nu! Himowa nu sikan oyjow ogmakarawwat ka to kinabuhi.”