mta-x-sulitmanob_act_text_reg/04/21.txt

\v 21 Di inpatahanan man do kandan no konad iyan og pamatbat, hoy pogkatapus inlukaan kandan. Agad og kaliyagan dan purun og hisakitan ka daruwa kono dan soi ogkohimo tongod so ogkahaldok kandan to mo otow, so ka mo otow nigsayju to Diyus tongod to kabulunganan no nuhitabu. \v 22 So ka otow no inpu-ulian pinabayju to kabulunganan ligad on to 40 no tuig.