mbs_mat_text_reg/13/36.txt

\v 36 Penga niyan tinenanan i Jesus se menge otaw aw minawop sikandin te balay. Minawop heman se kandin Tinoladaan aw mig-insa kandin, "Indani kay kon eden se kehologan te sombingay tepad te sagbet." \v 37 Minikagi sikandin, "Se menge otaw nga negsabog te mepiya beni wedad lain kon kena siak se Bata te Otaw. \v 38 Se tana te pigsebogan yan se keneyonan, se mepiya beni yan se menge otaw nge negpesakop te peghari te Timanem. Aw se menge sagbet yan se menge otaw nga sakop i Satanas. \v 39 Si Satanas yan se kelaban kontra nga negsabog te menge sagbet. Se peglegani yan se keteposan te keneyonan, aw sen meglegenihay yan se menge Anghil.