\v 3 Nayan doen doton megtetolada e punu se nekedineg, aw minikagi sikandan diya te kandan aneng-aneng, "Pegtompeyus te timanem se inikagi te otaw siini." \v 4 Netagataga si Jesus se kandan aneng-aneng, nayan minikagi sikandin kandan, "Ngalay meg-aneng-aneng kaw te medaet? \v 5 Eden lay se mola se peg-ikagi, 'Pigwedad dan se kamno menge sala,'  aw te peg-ikagi, 'Tindeg kaw ipanaw ka?' \v 6 Seini, ipekita ko kenyo na siak bata te otaw doen tolos dini te keneyonan te pegwedad te menge sala." Aw minikagi te kena egpekeipanaw, "Tindeg, ibingi se kamno ibetanan aw oli ka!"