\v 36 Inabat din se pito ke pan aw menge ikan aw negpasiontong te Timanem aw kidoen pigbelabeka din ini aw pigbegay din te menge Tinoladaan. Aw si kandan human se negtepeptepep nini doton te menge otaw. \v 37 Nekekaen dan kelahat aw nabesog aw kidoen, pigtigom dan se pan nga sama, aw napepa se pito ke been. \v 38 Menge epat melalan ke menge meama se kikemaen wadad pa labot niyan se menge bayi aw menge mengisu. \v 39 Penga niyan pigpauli i Jesus se menge otaw. Nayan semakay si Jesus te balangay aw minatas te tepad te magadan.
See in Reader
