mbs_1co_text_reg/07/12.txt

\v 12 Se kenak ikagihen doton te doma ya ini (siak olo ini, so wedad inikagi se Timanem tepad nini): aw se egpemenal doen esawa kena egpemenal meneng neibeg meg-ogpa gihapon doma kandin, eked din ini angay'ng sibwani. \v 13 Aw kon se egpemenal doen bana kena egpemenal meneng neibeg heman mogpa doma kandin, eded din heman kepakay sibwanen. \v 14 So se kena egpemenal bana dinawat den te Timanem tanda te egpemenal esawa aw se kena egpemenal esawa dinawat den heman te Timanem tanda te egpemenal se bana din. So aw kena iling kani, lamig pa se kandan menge bata eked heman dewati te Timanem. Meneng se benal, dinawat den dan te Timanem.