Mon Mar 15 2021 20:48:24 GMT+0200 (South Africa Standard Time)

19/01.txt

@@ -0,0 +1 @@
+\c 19 \v 1 Djeso adapinda ku Djeriko ese adagwanda napa luwani. \v 2 Ese kuti penepo pakana mwamuna mubodzi akadaidziwa Zakewu, kuti akali mukulu walongpsi wamisonko futi akali mupfumi.

19/03.txt

@@ -0,0 +1 @@
+\v 3 Iye akaesera kuwona kuti akali wani Djeso, apo akakwanisa lini Kumuwona na padzaulu pa mbumba, thangwe akali mufupi pakulapha. \v 4 Napenepo, Zakewu adathamanga kumberi kwa mbumba ese adakwira mumukuiyu kuti awone Djeso, thangwe Iye akaliduze apinde napenepo.

19/05.txt

@@ -0,0 +1 @@
+\v 5 Patche Djeso adaswika pambuto ineyo, adalingisa mudzaulu ese adamuti: "Zakewu, tchitha tchimbiza thangwe nyamuntsi ndikuda kuti ndigale munyumba mwako". \v 6 Napenepo, iye adatchitha nakutchimbiza ese Adamutambira adadzala nakudekerha. \v 7 Pawo wanhu wadawona izvi,

19/08.txt

@@ -0,0 +1 @@
+\v 8 Zakewu adamuka ese adati kuna Tchangamire: "Wonani, Tchangamire, hafu iya zvamuche zvangu ine nditchapasa kuna walombo ese ndingati ndidatolera unango tchinhu tchakusiyana, ine nditcha muhirindzira zviri zvinai". \v 9 Djeso adamuti: "Nyamuntsi luponeso laswika pamuyi uno, thangwe iye basi ndi mwana wa Abrahama. \v 10 Thangwe Mwana wa Munhu auya kuti atole na kuponesa wakutsaika".

19/11.txt

@@ -0,0 +1 @@
+\v 11 Wakati iwo walikubva zvinhu izvi, Djeso adaenderera kulanga. Adawatsanangulira mutsazaniso, pakuti wakaliduze na Djerusalema ese thangwe wanhu wakafunga kuti Ukulu wa Mulungu utchaswika tchilipolipotcho. \v 12 Iye adati: "Mwamuna mubodzi mufpumi adaenda kudziko lakutali kiti agale mukulu wamupando ese ahirire.

19/13.txt

@@ -0,0 +1 @@
+\v 13 Iye adadaidza kumi wanyamubasa watche, ese adawapasa kumi male futi adawati: 'Itani muphindupindu kuswikira ine ndahirira'. \v 14 Apo wakalisani watche wadamuzonda ese wadatuma mukumbi ubodzi kumasule kwatche watchilanga: 'Atisikuda kuti mwamuna uyu atonge pamusolo panu'. \v 15 Pakupeza kugazikwa mukulu, adahirira ese adatemera kuti adaidzise wanyamubasa watche watche akadapasa male, kuti adziwe ngwanyi mubaibai watche akanawo pumuphinduphindu.

19/16.txt

@@ -0,0 +1 @@
+\v 16 Wakutanga adauya pamberi patche atchiti: 'Tchangamire, male iyanu iyaita mubaibai  male kumi'. \v 17 Adamudaira: 'Zvamuche maningi, nyamubasa wamuche. Thangwe wagala watenda nazvidoko, iwe utchadzatonga pamusolo pamaluwani kumi'.

19/18.txt

@@ -0,0 +1 @@
+\v 18 Watchiwiri adauya atchiti: 'Tchangamire, male iyanu iyaita mubaibai wamale zichanu'. \v 19 Ese mupfumi adamuti: 'Iwe utchadzatonga pamusolo pama luwani machanu'.

19/20.txt

@@ -0,0 +1 @@
+\v 20 Ese adauya unango atchiti: 'Tchangamire, iri pano male iyanu kuti ndidalambirira ndidaikoya idafumbukidziwa paduku, \v 21 thangwe ndikana urchi wa iwe thangwe ndimwe mwanuna mubodzi wakurchisa. Imwe munabudisa kuti apakalibe kukoywa, munakolora kuti apakalibe muzvaliwa'.

19/22.txt

@@ -0,0 +1 @@
+\v 22 Mupfumi adamuti: 'Namasoko iyako tchayo nditchadza kutona, nyamubasa wakunyangala. Ukadziwa kuti ndine mwamuna mubodzi wakurchisa, kuti ndinabudisa kuti andilibe kukoya ese ndina kolola zvangu andilibe kusima. \v 23 Thangweranyi aulibe kuiga male iyangu munkozi? Nadyali, pakuhirira pangu, ndingadadzaitambira na mubaibai'.

19/24.txt

@@ -0,0 +1 @@
+\v 24 Ese adati kukana wakali penepo: 'Tolani kuna iye male ese pasani kuna akana male kumi'. \v 25 Iwo wadamuti: 'Tchangamire, iye adina kumi kale male'.

19/26.txt

@@ -0,0 +1 @@
+\v 26 Ine ndina kubvundzani: 'Wenewale kuti wana, zvakuwanda atchadzapasiwa, apo wenewale kuti awalibe, kuswika zvawo wanazvo watchadzatolerha. \v 27 Kwa awa wanyamarha wangu, kuti wakadalini kuti ine nditonge pamusola pawo, wawiseni pano ese waulaiyeni pamberi pangu"'.

19/28.txt

@@ -0,0 +1 @@
+\v 28 Ese patche adati alanga zvinhu izvi, adaenderera naulendo kumberi kwawo, watchikwira ku Djerusalema.

19/29.txt

@@ -0,0 +1 @@
+\v 29 Zvidaitika kuti, patche Iye adaswika paduze na Betfage na Betania, pabodzi na bango kuti linakadaidziwa Oliveira, adatuma wairi wawapfunzi, \v 30 atchiti: "Endani kuwalalami wapaduze. Nadyali kuti ungapinda munadzasanganiza donki adasungiwa kuti apalibe adimusenzesa. Mupudzumuleni ese muiseni kuna Ine. \v 31 Mungabvunzisiwa: 'Thangweranyi muli kuli pudzumula?' Mubvunzeni: ' Tchangamire alikulida'".

19/32.txt

@@ -0,0 +1 @@
+\v 32 Wenewale kuti wadatumiwa wadasanganiza donki dyali ninga Djeso akadawabvundza. \v 33 Pawo wakaliphudzumula, mwenekatchiro adawati: "Thangweranyi muliphudzumula donki?" \v 34 Iwo wadadaira: "Tchangamire alikulida". \v 35 Iwo wadaliwisa kuna Djeso, wadaiga nguwo zawo padzaulu padonki ese wadaiga Djeso padzaulu palo. \v 36 Pawo wakati wakaenda, wanhu wakathasika nguwo zawo munjira.

19/37.txt

@@ -0,0 +1 @@
+\v 37 Ese pawo wakafedzera pamatereru iya Bango la Oliveira, yense mbumba iya wapfunzi wadatanga kudekerha ese watchikuza Mulungu na pfala likulu namabasa iya ntsimba kuti wakadawona, watchiti: \v 38 "Ngalangwe muche Ndiye Mukulu kuti alikuuya mudzina la Tchangamire. Mutendere Kudzaulu ese kukuziwa kudzaulu dzaulu!"

19/39.txt

@@ -0,0 +1 @@
+\v 39 Wenango wawafalisi pakati pambumba wadamati: "Mudziwisisi, watamiza wapfunzi wanu". \v 40 Djeso adadaira, atchiti: Ndikuku bvundzani, wangati wamuna awa wawatame, mauwe iyanakuwa!".

19/41.txt

@@ -0,0 +1 @@
+\v 41 Patche Djeso adafedzera paluwani, adamuwona, adalira kuna iye, atchiti: \v 42 "Ungati nyamuntsi ulikudziwa zvanezvire kuti zvidakuwisira mutendere! Apo tchintchino zvinhu izvi zvidaswisika mupatso mwako.

19/43.txt

@@ -0,0 +1 @@
+\v 43 Thangwe pamusolo pako zitchadzauya ntsiku kuti wanyamarha wako watchadzalondza tsose mukundu mwako, watchadzakuteya, watchadzakutswinyiza mumakundu mwense. \v 44 Ese watchadzakupfuwa, matso iyako mukati mwako.Awadzasiyi buwe padzaulu pabuwe thangwe aulibe kudziwa nguwa kuti udafambirha".

19/45.txt

@@ -0,0 +1 @@
+\v 45 Ese Djeso atchipinda mutembere, adatanga kubudisa kuti wakagulisa, \v 46 atchiwati: "Zvida nembiwa: 'Nyumba iyangu inadzagala nyumba iyakunamatira', apo maiita mhako iyazi mbava".

19/47.txt

@@ -0,0 +1 @@
+\v 47 Djesoakapfunzisa ntsiku zense mutembere. Apo wakulu wamaprisita, wanembi na wanyakwawa wambumba wadatswaga Kumuulaya. \v 48 Awalibe kusanganiza, nazvinezvi, maitirhe iyakumuita, thangwe yense mbumba Wakamubva atchinyengezikha.

19/title.txt

@@ -0,0 +1 @@
+Kunza 19

20/01.txt

@@ -0,0 +1 @@
+\c 20 \v 1 Zvidaitika kuti, ntsiku ibodzi, Djeso akadzapfunzisa mbumba mutembere ese akadzaparidza masoko; wadaswika wakulu wamaprisita na wanembi, pabodzipene nawadikoni \v 2 ese Wadamubvundzisa: "Tibvundze, nantsimba ipi kuti Iwe unaita zvinhuizvi? Ese mbani Adakupasa ntsimba inei?".

20/03.txt

@@ -0,0 +1 @@
+\v 3 Iye adawadaira: "Ine basi nditchapasa mubvundzo mubodzi:   Ndibvundzeni \v 4 lubabatizo la Juwau likali la kudzaulu kana kuti likali lawanhu?".

20/05.txt

@@ -0,0 +1 @@
+\v 5 Iwo wadapangana wogawoga, watchiti: "Tingadaira: 'nda kudzaulu,' Iye analanga: 'thangweranyi amulibe kutenda kunaiye?' \v 6 Apo tingadaira: 'ndawanhu,' yense mbumba inatiphaya, thangwe tirikutendera kuti Juwau Mubatizi akali muprofiti".

20/07.txt

@@ -0,0 +1 @@
+\v 7 Napenepo iwo wadadaira kuti awadziwi kwalo lidabuda. \v 8 Ese Djeso adawati: "Kana inewo andikubvundzini nantsimba ipi nangu ndinaita zvinhu izvi".

20/09.txt

@@ -0,0 +1 @@
+\v 9 Djeso adathanga kutsanangula kuna mbumba mutsazaniso uyu: " mwamuna mubodzi adatcheka mivinyu, adapasa kuna walimi ese adabuda mudzikomo panguwa ikulu. \v 10 Payo nguwa idakwana, iye adatuma  wanyamubasa kuna walimi, kuit wapasiwe misapho iyamivinyu. Apo iwo wadamunera ese wadamuhirindza alibe zvinhu.

20/11.txt

@@ -0,0 +1 @@
+\v 11 Nepenepo adatuma unango nyamubasa ese wadamunera basi,  wadamutcheswa futi wadamuhirindza alibe zvinhu. \v 12 Iye adatumazve watchitatu, apo iwo wadamtuka ese watchimuthamangisa.

20/13.txt

@@ -0,0 +1 @@
+\v 13 Napenepo mwenekatchiro mivinyu adati: 'Ndiitetani? Nditchawatumira mwana wangu ndinada. Penango iye wangadzamukodze'. \v 14 Apo pawo walimi wadamuwona, wadapangana pakati pawo, watchiti: 'Uyu ndiye nyanhaka. Mbatimuulaiye, kuitira kuti nhaka igare iyathu'.

20/15.txt

@@ -0,0 +1 @@
+\v 15 Iwo wadamudisa mumunda ese wadamuulaiya. Anawadzaitatani, napenepo mwenekatchiro munda?  \v 16 Iye anadzauya ese anadzafudza walimi wenewa futi anadzapasa wenango walimi". Pawo wadabva izvi, wadalanga: "Kuti izvi ngazvileke kuitika!"

20/17.txt

@@ -0,0 +1 @@
+\v 17 Apo Djeso adawalingisisa, adati: "Zvirikuda kulanganyi izvi kuti zvidanembiwa: 'Buwe lakuti walonzi wadalilamba lidadzagala buwe lapakona'? \v 18 Wense weneule kuti  adagwa padzaulu pabuwe iri anadzagala wamaphisi; weneule andzagwirha nalo anadzatcheswiwa kuita pfumbi".

20/19.txt

@@ -0,0 +1 @@
+\v 19 Panguwa ineyo, wanembi nawakulu wakulu wamaprisita wadatswaga maiitirhe kuti wamusunge, thangwe wakadabva kuti mutsazaniso kuti Iye akadatsanangula ukana tchizoni nawo. Apo wakarcha mbumba. \v 20 Ese watchimulingisisa nanhereka, wadatuma wakazitape, kuti wakazviita ninga wamuche, kuti wakwanise kumubata paenango masoko Iyatche, ese dyali wamupereke kubato  na watongi wa mhanda mhanda.

20/21.txt

@@ -0,0 +1 @@
+\v 21 Napenepo iwo Wadamubvundzisa, watchiti: "Mupfunzisi, tikudziwa kuti munalanga na kupfunzisa zvatchaizvo, ese amuna basa natchimiro tchamunhu, apo munapfunzisa njira iyaMulungu ninga tchadiko. \v 22 Tidatenderha kulipa musonko kuna Cezar kana kuti nkabe?"

20/23.txt

@@ -0,0 +1 @@
+\v 23 Apo Djeso adadziwa kunyoza kwawo ese adati: \v 24 "Ndipangizeni denari libodzi. Njawani nkope iyi na zvinembwa izvi?" Ese iwo wadadaira: "Nja Cezar".

20/25.txt

@@ -0,0 +1 @@
+\v 25 Adawati Djeso: "Napenepo pasani Cezar zva Cezar ese kuna Mulungu zva Mulungu". \v 26 Ese awalibe kukwanisa kumubata pamasoko ene'ango pamberi pambumba, apo wadachamisika na mhindulo Iyatche, wadawatama.

20/27.txt

@@ -0,0 +1 @@
+\v 27 Watchifedzera enango masadusi, kuti wanakalanga kuti akulibe kumuka, \v 28 wadamubvundzisa wacthiti: "Mupfunzisi, Mozisi adasiya adatinembera kuti, angati mubale wako atchifa, atchinge akadalora ese alibe kubala wana, iye anadikana kutola mukadziyo muzvitche ese abale wana kuna mubale watche.

20/29.txt

@@ -0,0 +1 @@
+\v 29 Wakalipo wabale wanomwe. \v 30 Wakutoma adalora ese adafa nkabe mwana; \v 31 watchiwiri basi ese adateera watchitatu adalolawo muzvitcheiyo, ese wense wanomwe, ese awalibe kusiya mwana basi, futi wadafa. \v 32 Pezesere, mukadziyo adafawo basi. \v 33 Napenepo, pakumuka pawanyakufa anadzagala mukadzi wawani wawo? Thangwe wense wanomwe wadamuitita mukadzi".

20/34.txt

@@ -0,0 +1 @@
+\v 34 Ese adawati Djeso: "Wana wadziko lino walikulorana futi watchitchata. \v 35 Apo wenewale kuti wadatongeka kuti wadatendeka wasangane nazvo ese na kuwona kumisiwa pakati pawanyakufa awadzalorani futi awadzatchati. \v 36 Iwo awadzadikani kufa, thangwe wadatsazana na ngirozi ese mbana waMulungu, watchinge mbana wakumuka.

20/37.txt

@@ -0,0 +1 @@
+\v 37 Thangwe wadafa watchadzamuka, ninga basi Mozisi adadudzira pambuto iya sarsa iyakugaka, kwatche iye adadaidza Tchangamire Mulungu waAbrahama, Mulungu waIzaki na Mulungu waDjakobo. \v 38 Mulungu hasi Mulungu wanyakufa, apo wa wapenyu, thangwe kuna Iye wense  walikulalama".

20/39.txt

@@ -0,0 +1 @@
+\v 39 Wenango wanembi wadati: "Mupfunzisi, wadaira muche". \v 40 Awakadzapuma lini kumuyitira mibvudzo iyakuwanda.

20/41.txt

@@ -0,0 +1 @@
+\v 41 Apo Djeso adawabvundzisa: "Ninga munalangatani kuti Krisitu ndi mwana waDavid? \v 42 Thangwe tchaiye David analanga mubuku laMapisalema: 'Thangamire adati kuna Thangamire wangu: Gala kumarjo kwangu, \v 43 kuswikira kuti ine ndaiga wanyamarha wako tchitsikiro tchamwendo iyako'. \v 44 Angati David alikudaidza Krisitu 'Thangamire', zvinaitatani kuti Iye agale mwana watche?".

20/45.txt

@@ -0,0 +1 @@
+\v 45 Ese ninga yense mbumba ikamubva, Iye adati kuna wapfunzi watche: \v 46 "Mhole nawanembi, kuti wambada kufamba na kapote, wambada kukwaidzisiwa mumigwagwa, mipando iyakumberi musinagoga futi na mbuto zakutoma mumaphwando, \v 47 kuti wanafudza mamii iya wazvitche, naminamato mikulu. Wenewa watchadzatambira phanitchi likulu".

22/01.txt

@@ -0,0 +1 @@
+\c 22 \v 1 Zvidaitika kuti phwando laMapawu alibe Isiti, kuti ikadaidziwa Phasika, zikafedzera. \v 2 wakulu wamaprisita nawanembi wakapangana kuti iwo wangaitetani watole Djeso afe, thangwe iwo wakarcha mbumba.

22/03.txt

@@ -0,0 +1 @@
+\v 3 Satani adapinda kuna Djudas Iskarioti, mubodzi wawa kumi nawairi. \v 4 Ese Djudas adaenda kapangana nawakulu wamaprisita na wakulu watembere pamusana ninga angakwanise tani iye kuwapasa Djeso.

22/05.txt

@@ -0,0 +1 @@
+\v 5 Iwo wadadekerha futi wadapangana kuti wamupase male. \v 6 Iye adatendera ese adaswaga mukana kuti Amupereke, kutali na mbumba.

22/07.txt

@@ -0,0 +1 @@
+\v 7 Idaswika ntsiku iyaphwando iya Pawu aziribe Isiti, iyakuti bira laphasika likadikana kutcheneskha, \v 8 Djeso adatuma Pedro na Juwau, atchiti: "Ndokoni ese longedzerani kuna ife mbuto iya Phasika, kuitira kuti tingakwanise kurja". \v 9 Iwo Wadamubvunzisa: "Kuponi Iwe kuti mulikuda tilongedzere?".

22/10.txt

@@ -0,0 +1 @@
+\v 10 Iye adawadaira: "Kana kuti, panu mungapinda muluwani, mwamuna mubodzi adadzusa kankali kamadzi munasangana naye. Muteereni kuswika nyumba inapinda iye. \v 11 Ese langani kuna mwenekatchiro muyi: 'Mupfunzisi alikukuti: Njiponi mbuto iyakuti Ine ndinadzaenda karjira Phasika nawa pfunzi Wangu?'.

22/12.txt

@@ -0,0 +1 @@
+\v 12 Iye adadzawapangiza mbuto ibodzi ikulu iyakulongedzeka panyumba iyakudzaulu. Itani malongedzero kweneko". \v 13 Napenepo iwo wadaenda ese wadasanganiza zvense ninga Iye zvikakadawabvundza. Ese wadalongedza mbuto iya pasika.

22/14.txt

@@ -0,0 +1 @@
+\v 14 Payo nguwa idauya, Iye adagala nawapfunzi. \v 15 Napenepo adawabvunza: "Ine ndikada zvikulumaka kurja naiwe iyi Phasika andasati kuti Ine ndibonere. \v 16 Thangwe Ine ndikuku bvunzani: 'Ine andidzarjizve patswa, kuswikira kuti iro lateezeka ku Ukulu waMulungu"'.

22/17.txt

@@ -0,0 +1 @@
+\v 17 Napenepo, Djeso adatola ndiko ese, adapa ntsisi, adati: "Utolani ese goweranani pakati panu. \v 18 Thangwe Ine ndikuku bvundzani kuti amudzamwi musapho wamuvinyu patswa, kuswikira kuti Ukulu wa Mulungu wauiya".

22/19.txt

@@ -0,0 +1 @@
+\v 19 Napenepo Iye adatola pawu ese, adazinamatira, adaigwanda futi adawapasa, atchiti: "Uyu ndiwo mwuiri Wangu, ndiwo udaperrekiwa naiwe. Itani izvi kuti Mukanditsalakane". \v 20 Zvibodzi bodzi, pakupeza kurja, Iye  adatola ndiko, atchiti: "Iyi ndiko ndi  lubatano litswa mugazi Langu, kuti lidaereziwa naiwe.

22/21.txt

@@ -0,0 +1 @@
+\v 21 Apo kuti boko laweneule kuti Alikundinyengeza alipabodzipo patchirjiro. \v 22 Thangwe Mwanawa Munhu, tchayizvo, alikuita ninga zvikadatemerha. Apo kwa munhu kuti Iye ananyengeziwa naye!". \v 23 Ese iwo wadatanga kubvundzisana wogawoga mbani kwaiwo angale kuti angaite izvi.

22/24.txt

@@ -0,0 +1 @@
+\v 24 Napenepo kudamuka basi kugwengezana pakati pawo pamusana pakuti mbani angakodzere kuita mukulu. \v 25 Iye adawati: " Wakulu wamahedeni anawakunda pamusana pawo, ese weneule kuti anantsimba pamusolo pawo wanadzaidziwa waiti wamuche.

22/26.txt

@@ -0,0 +1 @@
+\v 26 Apo izvi azvidikani kuita dyali pakati panu. Zvakutchintchika, weneule kuti ndi mukulu pakati panu ngagale ninga mwana mudoko. Ese weneule kuti ndi wakukodzera ngagale ninga mutsidziri. \v 27 Nadyali mbani ndiye mukulu, weneule kuti adagala patchirjiro, kana kuti weneule anatsidzira? Hasi weneule kuti adagala patchirjiro? Nazvinezvi, Ine ndiri pakati panu ninga kuti nyakutsidzira.

22/28.txt

@@ -0,0 +1 @@
+\v 28 Apo iwe ndiwe wenewale kuti wambalambirira nayine mukubonera Kwangu. \v 29 Ine ndawatemba muUkulu umbodzi, dyali ninga Baba Wangu adatemba Ine, \v 30 kuitira kuti mukwanise kurja na kumwa patchirjio Tchangu, mu Ukulu Wangu. Ese iwe munadzagala pawutongi mutchitonga mitupo kumi na miwiri iya Izirael.

22/31.txt

@@ -0,0 +1 @@
+\v 31 Simawu, Simawu, gala udatanda, Satani akumbira kuiti mugale watche, kuti akupepeteni ninga tirigu. \v 32 Apo Ine ndakumbira kuna iwe, kuitira kuti kutenda kwako kuleke kuponya. Ese pako unatendeuka, ipantsimba wabale wako".

22/33.txt

@@ -0,0 +1 @@
+\v 33 Pedro Adamuti: "Tchangamire, ine ndinadzipira kuti ndiende kana muperezo kana pakufa". \v 34 Djeso adadaira: "Ine ndikuku bvundza, Pedro, djongwe alidzaliri katatu ntsiku ineyo, ausati kuti, katatu, utchandiramba kuti aundidziwi".

22/35.txt

@@ -0,0 +1 @@
+\v 35 Napenepo Djeso adati: "Pangu Ine ndidakutumani nkabe masakola, zvikhwama kana zvakutsimira, kmudazva choti iya zvinhu?" Ese iwo wadadaira: "Nkabe". \v 36 Napenep Iye adawati: "Nadyali tchintchino weneule kuti ana sakola ngatole ese basi khwama. weneule kuti alibe dipa ngagulise batchi watche ese ngagule libodzi.

22/37.txt

@@ -0,0 +1 @@
+\v 37 Thangwe Ine ndikuku bvundzani kuti zvense kuti izvi zvidanembiwa pamusana paIne zvinadadikana kuti zviteezeke: 'Ese iye adakodzikwa ninga munyangazi'. Thangwe, zvense kuti zvidanembiwa pamusana Pangu zvirikuteezeka". \v 38 Napenepo, iwo wadalanga: "Tchangamire, alipano madipaa mairi". Ese Iye adati: "Ndizvo zvidakwanirana".

22/39.txt

@@ -0,0 +1 @@
+\v 39 Pakupera kwa phasika, Djeso adaenda ku Bango la Oliveiras, ninga musambo umbaita Iye, ese wapfunzi Watche Wakamuteera. \v 40 Pawo iwo wadaswika, Iye adawati: "Namatani kuitira kuti mureke kupinda mukueseriwa".

22/41.txt

@@ -0,0 +1 @@
+\v 41 Iye adafundukira kunaiwo kuthanhaira mupambo wabuwe ese, atchigodama, adanamata \v 42 atchiti: "Baba, mungati Iwe mukuda, fundusani Kwaini iyi ndiko. Nadyali ngazvireke kuita kuda Kwangu, apo Kwanu".

22/43.txt

@@ -0,0 +1 @@
+\v 43 Napenepo, Idamufumhukira ngirozi ibodzi iya kudzaulu, Itchimuchingisa. \v 44 Patche akaphupha, Iye akanamata kazinji, ese kaluma Iyatche iadatsanduka mathotho makulu ninga kuita iyamagazi iyatchigwa pantsi.

22/45.txt

@@ -0,0 +1 @@
+\v 45 Napenepo, Pakumuka pakunamata Kwatche, Iye adauiya kuna wapfunzi ese adawasanganiza wadagona, nakuda kwakugumbuka kwawo, \v 46 futi adawabvundza: "Thangwerani mudagona? Mukani ese namatani,  kuitira kuti muleke kupinda mukueseriwa".

22/47.txt

@@ -0,0 +1 @@
+\v 47 Akati uku Iye alikulanga, kudaswika mbumba ikulu na Djudasi, mubodzi wawakumi na wairi, kuti akauiya kumberi ese adafedzera kuna Djeso kuti Amuntswode, \v 48 apo Djeso adamuti: "Djudasi, iwe ulikunyengeza Mwana Wamunhu nakumuntswoda?".

22/49.txt

@@ -0,0 +1 @@
+\v 49 Pawo wenewale kuti wakali mukundu wa Djeso wadawona zvikaitikazvo, wadalanga: "Thangamire, tiwakuwaze na dipa?". \v 50 Napenepo mubodzi wawo adakuwaza nyamubasa wamukulu wamaprisita ese adamugwanda kutu latche lamarjo. \v 51 Ese Djeso adati: "Zvakwana, wasiyeni". Ese Iye adamukuiya kutu futi adawoma.

22/52.txt

@@ -0,0 +1 @@
+\v 52 Djeso adati kuwakulu wamaprisita, wakulu watembere nawadikoni kuti wadauiya natchizondi Naye: "Mauiya ninga munatchizondi tcha mbava, namadipa na phisi iyamiti? \v 53 Pangu Ine ndikanamwe zense ntsiku mutembere, amulibe kuiga manja iyanu pamusolo Pangu. Apo iyi ndiyo nguwa iyanu ese nakukunda kwamakuti".

22/54.txt

@@ -0,0 +1 @@
+\v 54 Watchimusunga, Wadamutola ese Wadamuyisa kumuyi wamukulu wamaprisita. Apo Pedro, nakutali adateera. \v 55 kalise, iwo wadabatiza moto pakati pathambwe ese wadagala pabodzi. Pedro adagala pakati pawo.

22/56.txt

@@ -0,0 +1 @@
+\v 56 Mwana mubodzi adawona patche iye akagala paduze na tchiezera tchamoto, adalingisa ndata kuna iye ese adati: "Mwamuna uyu akali pabodzi basi na Iye". \v 57 Apo Pedro adalamba, atchiti: "Mukadzi, ine Andimudziwi". \v 58 Pakupinda nguwa, munhu unango adamuwona ese adati: "Iwe ndiwe mubodzi wawo basi". Apo Pedro adamuti: "Mwamuna, ine handisi".

22/59.txt

@@ -0,0 +1 @@
+\v 59 Ikafedzera kupinda nguwa ibodzi, adamanikidza unango atchiti: "Tchaditchadi mwamuna uyu akali pabodzi na Iye basi, thangwe Iye ndi mugalileu". \v 60 Apo Pedro adati: "Mwamuna, ine andizvidziwi zvako ukulangazvi". Ese tchilipolipotcho, akati uku alikulanga, djongwe lidalira.

22/61.txt

@@ -0,0 +1 @@
+\v 61 Tchangamire adazungunuka ese adalinga kuna Pedro. Ese Pedro adatsalakana masoko iya Tchangamire, patche adamuti: "Nyamuntsi, alisati kuti lilire djongwe, iwe unandiramba ulendo utatu". \v 62 Adabuda, Pedro adalira nakukondzeka.

22/63.txt

@@ -0,0 +1 @@
+\v 63 Napenepo wamuna kuti wakadasunga Djeso Wadanyoza Kunaiye futi Wadamunera. \v 64 Pakupeza kumufumbukidza matso Iyatche, wakamubvundzisa, watchiti: "Profita! Mbani akunerayi?" \v 65 Iwo wadamunyaza watchilanga zvinhu zvinango zvakuwanda watchizonda Djeso.

22/66.txt

@@ -0,0 +1 @@
+\v 66 Nakutchimbiza ntsiku idaetcha, madikoni iya mbumba iyadaungana, pabodzi wakulu wamaprisita na wanembi. Iwo Wadamutola kuna Wapangi wamadjuda, \v 67 watchiti: "Ungati Iwe ndiwe Krisitu, tibvundze". Nazvinezvi Iye adadaira: "Ndingati Ine ndikubvundzeni, amutendi; \v 68 ndingati Ine ndikubvundziseni, amundidairi.

22/69.txt

@@ -0,0 +1 @@
+\v 69 Apo, kubuda tchintchino kwenda kumberi, Mwana Wamunhu atchagala kumarjo kwantsimba iya Mulungu". \v 70 Wense iwo wadalanga: "Napenepo, Iwe ndiwe Mwana wa Mulungu?". Ese Djeso adawadaira: "Imwe mukulanga kuti Ine Ndine". \v 71 Iwo wadalanga: "Thangweranyi ife tirikuda waemereri? Thangwe ife wabodzibodzi tabva kubudira pamulomo Wanu tchaiwo".

23/01.txt

@@ -0,0 +1 @@
+\c 23 \v 1 Napenepo, wense wanyakwawa wamadjuda wadamumukira Iye futi Wadauiysa kuna Pilato. \v 2 Ese wadatanga Kumupomhera watchiti: "Tasanganiza mwamuna uyu atchitchinjanisa dziko lathu, atchilambiza kupheesa musonko kuna Cezar, atchizviti kuti Iye tchaiye ndiye Krisitu, mukulu mubodzi".

23/03.txt

@@ -0,0 +1 @@
+\v 3 Pilato Adamubvundzisa: "Iwe ndiwe Mukulu wa Madjuda?". Ese Djeso adadaira: "Iwe ukulanga". \v 4 Ese adati Pilato kuna wakulu wamaprisita na kuna mbumba: "Andisi kusanganiza kunyangaza kubodzi kuna mwamuna uyu". \v 5 Apo iwo wadamanikidza, watchiti: "Iye anafulira mbimba, atchipfunzisa na yense Djudeia, atchitangira Galileia kuswikira pano".

23/06.txt

@@ -0,0 +1 @@
+\v 6 Napenepo Pilato adabva izvi adabvundzisa kuti mwamuna weneyo akali mugalileu. \v 7 Patche adawona kuti Iye akali mutongi wa Herodi, Wadamutumira kwa uyu, kuti wakali muDjerusalema pantsiku zinezo basi.

23/08.txt

@@ -0,0 +1 @@
+\v 8 Patche Herodi adawona Djeso, adadekerha maningi, thangwe, kukana nguwa ikulu, akada Kumuwona. Iye akabva kulangwa pamusana pa Djeso futi akada kuwona midzaidzai inango itchiitiwa na Iye. \v 9 Herodi akabvundzisisa Djeso namasoko mazinji, nazvinezvi Uyu akadairalini zvinhu. \v 10 Wakulu wamaprisita na wanembi wadamuka, Watchimupomhera zvizinji.

23/11.txt

@@ -0,0 +1 @@
+\v 11 Herodi, na wanyankondo watche wadamubata zvakunyozeka ese Wadamunyoza, Watchimupfekeza batchi ikulu futi, zvidadzateera, wadamutumira Djeso kuhirindza kuna Pilato. \v 12 Pilato na Herodi wadagala wachamwali mubodzi kuna unango pantsiku ineyo ibodzibodziyo. Kumasure kwa izvi wakali wanyamarha.

23/13.txt

@@ -0,0 +1 @@
+\v 13 Pilato, napenepo, adadaidza wakulu wamaprisita, watongi wambumba na mbumba, \v 14 ese adawati: "Iwe mandiwisira mwamuna uyu ninga munhu kuti alikutola mbumba itchipanduka, apo wonani: ine, Ndati ndamubvundzisa pamberi panu, andina kusanganiza kuponya kubodzi kuna mwamuna uyu pamusana pazvinhu kuti iwe Mwamupomhera.

23/15.txt

@@ -0,0 +1 @@
+\v 15 Kana tchaiye Herodi, thangwe adamuhirindza. Wonani kuti Iye alibe kuita zvinathemera kuti afe. \v 16 Ine, nazvinezvi, nditcha Mupasa nyatya ese nditcha Mulekerera". \v 17 [Pilato zvikali zvakumanikidziwa kuti alekerere mubodzi nyaperezo kuna wadjuda panguwa iya phwando].

23/18.txt

@@ -0,0 +1 @@
+\v 18 Apo iwo wadakuwa wense pabodzi, watchiti: "Kundza kwapano na mwamuna uyu ese tirekerereni Barrabasi!". \v 19 Barrabasi akali mwamuna kuti akali perezo nathangwe la umhandu muluwani ese basi naku ulaiya.

23/20.txt

@@ -0,0 +1 @@
+\v 20 Ulendo unango Pilato adalanga, atchida kulekerera Djeso. \v 21 Apo iwo wadakuwa, watchiti: "Mukomerereni, Mukomerereni". \v 22 Ese adawati ulundo watchitatu: "Thangweranyi? Unyangazi zvanyi waita mwamuna uyu? Ine andilibe kusanganiza Kunaiye kuti zvingadatendera kuti afe. Ndati, ndapeza Kumupasa nyatya, ine Nditchamununula".

23/23.txt

@@ -0,0 +1 @@
+\v 23 Apo iwo wadalambirira watchikuwa, watchikumbira kuti Iye akangakomerhe. Ese kukuwa kwa mbumba kudakunda Pilato. \v 24 Napenepo, Pilato adaphasisa kulongosa kwawo. \v 25 Iye adalekerera weneule wawo wadakumbira, wakuti akadaigiwa muperezo nathangwe la umhandu na kuulaiya. Nazvinezvi, adapereka Djeso kuda kwawo.

23/26.txt

@@ -0,0 +1 @@
+\v 26 Pawo wakati Wakutola penepo, wadabata mubodzi kuti akali Simawu, waluwani laSirene, kuti akabuda kumunda, ese wadamuiyga mutchinjikwa pamusana pa iye kuti audzuse, atchiteera Djeso.

23/27.txt

@@ -0,0 +1 @@
+\v 27 Mbumba ibodzi ikulu iyawanhu ese iyawakadzi kuti ikadandaula futi wakalira kuna Iye Watchimuteera. \v 28 Apo adazungunuka kuna iwo, Djeso adati: "Wana waDjerusalema, lekani kulira Kunaine; lirani kuna iwe wabodzibodzi futi na kuna wana wanu.

23/29.txt

@@ -0,0 +1 @@
+\v 29 Zitchadzauiya ntsiku zakuti mutchadzalanga: 'Zidakombolerha  ntswenje na mimba kuti aziribe kubala, na masuku kuti alibe kumamisa'. \v 30 Napenepo, mutchadzatanga kulanga kuna mabango: 'Igwani kuna ife', ese mhako: 'Tifukize'. \v 31 Thangwe, wangati iwo wanaita izvi payo miti itchiri miisi, ntswanyi zvinadziitika payo ingadzati iyawoma?".

23/32.txt

@@ -0,0 +1 @@
+\v 32 Wamuna wenango, wanyangazi wairi, wadatoliwa na Djeso kuti waulaiwe.

23/33.txt

@@ -0,0 +1 @@
+\v 33 Pawo wadaswika pambuto inadadziwa "Kaveira", penepo Wadamukomera, muche ninga wanyangazi, mubodzi kumarjo Kwatche ese unango kubvhwere Kwatche. \v 34 Djeso adati: "Baba, walekerereni, iwo awadziwi zvawo walikuita". Ese wathusireni laki, watchigawana nguwo Zatche.

23/35.txt

@@ -0,0 +1 @@
+\v 35 Mumba idagala itchilingisisa pawo watongi Wakamuseka, watchiti: "Iye adaponesa wenango,  siyani kuti azviponese Ega tchaiye,  angati Iye ndiye Krisitu, Wakusankurha wa Mulungu".

23/36.txt

@@ -0,0 +1 @@
+\v 36 Wanyankondo kuti wakanyoza Kunaiye, Wadamupasa nyongo, \v 37 watchiti: "Ungati Iwe ndiwe Mukulu wamadjuda, Zviponese". \v 38 Kukana basi zvinembwa padzaulu pa Iye: "UYU NDIYE MUKULU WA MADJUDA".

23/39.txt

@@ -0,0 +1 @@
+\v 39 Mubodzi wawanyangazi kuti adakomererha, Adamutuka atchiti:  "Ausi Iwe muKrisitu? Zviponese Kwaiwe mubodzibodzi futi kuna ife". \v 40 Apo unango adaira ese, atchimutsiula, adati: "Ausatuki Mulungu, iwe kuti uli kubonera kubodziko? \v 41 Ife,  ndizvo, tiripano pabodzipo, tirikutambira zvidaenderana na mabasa iyathu. Apo mwamuna uyu alibe kuita zvakunyangala tchibodzi".

23/42.txt

@@ -0,0 +1 @@
+\v 42 Ese adathimizira: "Djeso, Tsalakanani kwaine, panu munapinda kuukulu Wanu". \v 43 Adamuti Djeso: "Tchadi ndinakubvudza, nyamuntsi tchaiye  iwe utchagala naine kuparadaizo".

23/44.txt

@@ -0,0 +1 @@
+\v 44 Nanga ikafedzera kuita nguwa iytchitanhatu, kudawoneka makuti pense pantsi kuswikira nguwa iyatchipfemba, \v 45 dzuwa lidasiya kuetimira futi nguwo iya mutembere idan'gambika napakati.

23/46.txt

@@ -0,0 +1 @@
+\v 46 Ese, adakuwa napfala likulu, Djeso adati: "Baba, mumanja Mwanu ndirikupereka muzimu Wangu". Adalanga izvi, Iye adafa. \v 47 Patche mukulu wanyankonda adawona zvidaitikazvo, adakuza kuna Mulungu, atchiti: "Tchaizvo mwamuna uyu akali wakutendeka".

23/48.txt

@@ -0,0 +1 @@
+\v 48 Payo yense mbumba iadauya kuti iwone zvidaitikazvo, pawo wadapeza kuzviwona, wadahirira watchinera paditi. \v 49 Apo wense wadziwirikani wa Djeso, na wakadzi kuti Wakamuteeera kubudira Galileia wadalambirira walikutali, watcilingisisa zvinhu izvi.

23/50.txt

@@ -0,0 +1 @@
+\v 50 Pakana mubati mubodzi wa Wapangi wamadjuda akadaidziwa Joze, mwamuna wamuche futi wakutendeka, \v 51 waku Arimateia, luwani libodzi laku djudeia. Iye akaemera kuUkulu wa Mulungu (iye akalibe kutendera nakuphasisa na basa la Wapangi).

23/52.txt

@@ -0,0 +1 @@
+\v 52 Mwamuna uyu, adaenda kuswika kuna Pilato, adakumbira mwuiri wa Djeso. \v 53 Iye Adautchithisa, Adaufumbukida munguwo ese Adauiga muguwa lakutcheriwa pabuwe, pakuti kalepo apakalibe kuigiwa unango.

23/54.txt

@@ -0,0 +1 @@
+\v 54 Ikali Ntsiku iyakulongedzera, ese Mugobera ukadakutanga. \v 55 Wakadzi kuti wakafamba na Iye kubudira Galileia wadawona guwa  futi ninga tani mwuiri Watche udaigiwa penepo. \v 56 Iwo wadahirira wadalongedzera maluwa na zvakununkirira. Napenepo, pamu gobera wadapuma ninga mutemo.

24/01.txt

@@ -0,0 +1 @@
+\c 24 \v 1 Apo, pantsiku iyakutanga iyasondo, pakati pausiku, iwo wadaenda kuguwa, tchitola zvawo kuti wakadalongedzera. \v 2 Iwo wadasanganiza buwe lapa guwa lidazungunusiwa; \v 3 apo, pakupinda, awalibe kusanganiza mwuiri wa Tchangamire Djeso.

24/04.txt

@@ -0,0 +1 @@
+\v 4 Ese widaitika kuti iwo wakali  wakuchamissika pamusana pazvidaitikazvo. Napenepo, wamuna wairi wadafumhuka pabodzi na iwo nanguwo zakuetimira. \v 5 Wakadzi wadagala wakudzala naurchi ese, wadakotamisa nkope pantsi, iwo wadalanga kuna wakadzi: "Thangweranyi mulikuswaga pakati pawanyakufa Weneule kuti alikulalama?