Sat Apr 13 2024 08:54:54 GMT+0300 (East Africa Time)

12/01.txt

@@ -0,0 +1 @@
+\v 1 Gwa ikhondo risii maelfu aantu vikagirunda itrambimwe, na uandia ugiheyeya, akaandya uhanya na anafunzi vakwe, "Giravi na ululu wa Mafarisayo ni uvi".

12/02.txt

@@ -0,0 +1 @@
+\v 2 Na gutrii gimpihi nigijofihwa ni gitrijorughuwa, uu intu nirifihiwee niritrijomanyika. \v 3 Na gikaku nimwarihanyiyee ukitri, rijotregheywa u weeru. Na gikaku nimuyahanya u matrwi anyu na mung'ii anyu niitrungiwee ijohanywa unto a nyumba.

12/04.txt

@@ -0,0 +1 @@
+\v 4 Nuvakhania anyandughu vane, mutratrije avoo niviuuragha mwiri na vitrina intu riuya rotrenda, \v 5 nyeso nuvaonya nimujomutrija. Mutriji uyoo niwajouragha, wina udaho wojughutrwa u jehanamu. Uu  nuvakhania nyenye, mutriji usuu.

12/06.txt

@@ -0,0 +1 @@
+\v 6 Shomoro itrano itrurinjwa gwa sarafu iviri? Uyi noo gutrii ata umwedu niujovitrwa usonge a Mungu. \v 7 Nyeso mumanye vii njii ya mitrwe anyu ivariywee. Mutatrije. Nyenye mwi va samani

12/08.txt

@@ -0,0 +1 @@
+\v 8 Nuvakhania gikaku niwajonkiri usonge a antu, Mwana wama Adamu ujomukiri usonge a malaika va Mungu. \v 9 Nyeso gikaku niwajong'itra usonge a antu na mweso ujohitrwa usonge a malaika va Mungu. \v 10 Gikaku niwajohanya ukhani ni uvi u mwana wama Adamu ujosamehewa, nyeso niwajomukufuru Roho Mtakatifu atrijosamehewa.

12/11.txt

@@ -0,0 +1 @@
+\v 11 Nivajovatroa usonge a akuu va masinagogi, atrawala, na ni vina udaho, mutatrije gino mujoighitya ugitetea au ntuni nimujohanya, \v 12 gwasoko Roho Mtakatifu ujovafundisya ginya mujohanya".

12/13.txt

@@ -0,0 +1 @@
+\v 13 Muntu umwedu akamkhania, "Mwalimu, mukhanie muna wane ampe sehemu a urindi wane". \v 14 Yesu akamujibu, "ni anyu niwanyikiee utrendeka muramui au munyovarakanwiya nyenye?" \v 15 Akavakhania, giravi na kila namna a tamaa, gwasoko ufanga wa muntu utrifoo u mantu niuyakwetre".

12/16.txt

@@ -0,0 +1 @@
+\v 16 Yesu akavakhania ndolio, isamba ra muntu umwedu nee mughwai rikaviya ino, \v 17 na akagiwiya wahanya, nutrenda uri soko ntina sehemu oika mantu ane? \v 18 Akahanya, nutrenda vii. Nijovunja ghala yong'r ninyuii na ujenga imwedu ninkuu, na uyaika mazao ane ong'e. \v 19 Nijomikhania nkhoo ane, "Nkhoo wagiikiyaa mantu maingi gwa miakha miingi. Tuya ulie, unyue na uyanje".

12/20.txt

@@ -0,0 +1 @@
+\v 20 Nyeso Mungu akamukhania, veve mufutru utriku wa rio visighitre nkhoo ako, na mantu niifo ijotrendeka a ntuni? \v 21 Ndio gujotrendeka guuyi u mumuntu niugiikiye mali na tri gwa ughwaifa gwasoko ama Bwana.

12/22.txt

@@ -0,0 +1 @@
+\v 22 Yesu akavakhania anafunzi vakwe, uyi nuvakhania mutatrije u maisha anyu soko mujolia ntuni au mujoyaa ntuni. \v 23 Gwasoko maisha  ni zaidi a maliwa, na mwiri ni zaidi a masaa.

12/24.txt

@@ -0,0 +1 @@
+\v 24 Rava nnyonyia gunto, itrurimaa wala uvuna. Itrina nyumba wala ghala oikia maliwa, nyeso Baba wanyu uguilisyaa. Nyenye mwi bora hiya na nyonyi. \v 25 Wifei ukhatri anyu niugugikhasya ujodaha uongeywa dhiraa imwedu u maisha akwe? \v 26 Mwese mutrudaha utrenda isii nirinyuii ntuni uu ukhasika na mauya?.

12/27.txt

@@ -0,0 +1 @@
+\v 27 Ravi maua ni maja. Itutrenda mwimo. Nyeso nuvakhania, Sulemani ugu weeru wakwe wong'e atrinayechwaa ayai, \v 28 Mwese Mungu uguyayecha ija mahwa o mbugha, ni irifo, na fadiu ajughutrwa u motro. Uu nyenye mujoyaa ntuni? nyenye ni mwina imani nkeii!

12/29.txt

@@ -0,0 +1 @@
+\v 29 Mutrakhasike mujolia ntuni au mujonyua ntuni, mutatrije. \v 30 Gwasoko mataifa ong'e a urimi iukhasikiaa mantu awe. Na Baba wanyu umanyiee musighitre asaa.

12/31.txt

@@ -0,0 +1 @@
+\v 31 Nyeso fenji utremi wakwe tranchu, na mauya mujofewa, \v 32 mutatrije, nyenye gwasoko Baba wanyu uyanjitre uvafa nyenye utremi usuu.

12/33.txt

@@ -0,0 +1 @@
+\v 33 Rinji mali yanyu na muvafe atruki, mugitreneye mifuko niitruhia, hazina a girunde niitruhia, kuko ahimbi na nondo itruruvanga. \v 34 Gwasoko guni gwina hazina ako, uu na nkhoo ako ijoenda kuko.

12/35.txt

@@ -0,0 +1 @@
+\v 35 Masaa anyu ni marifu itrungwe na mukanda, na traa yanyu iendelee uaka, \v 36 na mutrendeke mwi antu nivumuindie Bwana wawe ufuma u harusi, uu niwaja ukhua hodi, vijomurughwira uri.

12/37.txt

@@ -0,0 +1 @@
+\v 37 Vibarikiwe atrumami avoo, ni Bwana ujovahanga virangue. \v 38 Mwese Bwana ujoja gwa zamu a gaviri a ulinzi utriku ijotrendeka guja gwa atrumami vasaa.

12/39.txt

@@ -0,0 +1 @@
+\v 39 Ino a ayai, mumanye vii, mwese bwana wa nyumba niwajomanya saa ni muhimbi ujie, atrijoyanja nyuba akwe ivunjwe. \v 40 Trendeki mwi tayari pia soko mutrunee ni wakati iki mwana wama Adamu ujosuka.

12/41.txt

@@ -0,0 +1 @@
+\v 41 Petro akahanya, "Bwana ugugukhania sese ndolio iyii au ugumukhania mumuntu? \v 42 Bwana akamukhania, "Ni anyu mutumwa mwaminifu niwina hekima ambaye Bwana wakwe ujomuika unto a atrumami vauya, uu avagawie maliwa awe gwa ikhondo mwafaka? \v 43 Ubarikiwe mutrumami uyoo ni Bwana wakwe waja ujomuhanga ugutrenda ayoo niwahanyiyee. \v 44 Hakika nuvakhania nyenye soko ujomuika unto a mali yakwe yong'e.

12/45.txt

@@ -0,0 +1 @@
+\v 45 Nyeso Mutrumami uyoo akahanya unkhoo akwe, "Bwana wane ugutrinya usuka; akaandia uvakhua atrumami va gighosya na va gikhema, uu wandia ulia na ughara, \v 46 bwana wakwe niwajoja itriku niatrunee na saa niatrimanyie ujomuaghaia na umuika sehemu aaavoo nitri aamin ifu.

13/01.txt

@@ -0,0 +1 @@
+\v 1 Gwa ikhondo iriro, nee gwina antu nevamukhanie unto a Agalilaya nee Pilato akavauragha na ukhanja saghami awe na sadaka yawe. \v 2 Yesu akajibu na uvakhania, "Uu mumanyie uu Agalilaya vasaa nevina mahutye hiya na Agalilaya vauya vong'e uu vihangwe na uvi usuu? \v 3 Gutrii nuvakhania, nyeso nimwadiotubu nanyee mujoyaghaa viuyi.

13/04.txt

@@ -0,0 +1 @@
+\v 4 Au antu avoo ikumi na mutrandatru u Siloamu nee munara ukagwa vauraghwa, mughema vasaa nevina mahutye hiya na antu vauya u Yerusalemu? \v 5 Gutrii, nene nuhanya, nyeso nimwadiotubu nyenoo mujoyaghaa".

13/06.txt

@@ -0,0 +1 @@
+\v 6 Yesu akavakhania ndolio iyii, "Muntu umwedu newina mtini wafandiee u mughunda wakwe ma akaenda u mughunda wakwe ufenja mbisya nyeso atrinahangaa. \v 7 Wamukhania munyotunza bustani, 'Rava gwa miakha itatru najaa ufenja mbisya u mutini nyeso ntinahanga. Wuutreme. Uguruvanga fang'i.

13/08.txt

@@ -0,0 +1 @@
+\v 8 Mtunza bustani akajibu wahanya, 'Ureke mwakha urui uno niufarie ija na utrendea mbolea. \v 9 Unoo niwafafa mbisya mwakha niujie, ni guja; nyeso niwadia ufafa wuutreme".

13/10.txt

@@ -0,0 +1 @@
+\v 10 Yesu neugufundisya u Masinagogi ikhondo ra Sabato. \v 11 Rava, negwina mukhema nee miakha ikumi na minane newina roho mchafu wa uzaifu, unee ugikunyie atrudaha uimika.

13/12.txt

@@ -0,0 +1 @@
+\v 12 Yesu newamuona, akamukhania, "Mama waikwaa huru ufuma ugu uzaifu wako". \v 13 Akaika mikhono unto akwe, unoo waghoka wamurumba Mungu. \v 14 Nyeso mukuu wa Sonagogi akakiwa gwasoko Yesu akamuforya itriku ra Sabato. Uyi mutrawala akavakhania antu, "Gwina matriku sita ni lazima mutrende mwimo. Njii mujoforywa na tri u gitriku ra sabato".

13/15.txt

@@ -0,0 +1 @@
+\v 15 Bwana akamujibu wahanya, "Anafiki! Gutrii mumuntu urughua ndoghwe au ng'ombe ufuma u musae na uvatoa unyua maji itriku ra sabato? \v 16 Uyi noo binti wa Abrahamu, nii setani wamutrungie uu jaitrinoneye gitrungo gakwe gitrarughuwe itriku ra sabato?"

13/17.txt

@@ -0,0 +1 @@
+\v 17 Nee uguhanya nkhani isii, avoo vong'e niviumuhitra vikaona minyaa, unoo antu vauya vong'e vikayanja gwasoko a mantu newayatrendaa.

13/18.txt

@@ -0,0 +1 @@
+\v 18 Yesu akahanya, "Utremi wa Mungu ugikhwetre na ntuni na nudaha uwiikhoya nantuni? \v 19 Ginya mbeyu a haradani neakamihoa muntu umwedu wafandia u mughunda wakwe, unoo akinda atrendeka mutri ukuu, na nyonyi ya girunde ikajenga irurio yawe u masanja ayo".

13/20.txt

@@ -0,0 +1 @@
+\v 20 Kanki akahanya, "Niwiikhoye na ntuni utremi wa Mungu? \v 21 Ni ginya usasu ni mukhema akahoa watrendea ugu utru unoo waumuka".

13/22.txt

@@ -0,0 +1 @@
+\v 22 Yesu akaenda kila gijiji newinji u Yerusalemu uvafundisya. \v 23 Muntu umwedu akawiya, "Bwana ni antu vakeii nivijochowa?" Uyi wavakhania, \v 24 Gihumbue ino ukiri mulango niunyuii, gwasoko vaingi vijosoya vitrijodaha ukia.

13/25.txt

@@ -0,0 +1 @@
+\v 25 Unoo munyanyumba niwajoimika na urughua mulango, mujoimika unji na ukhua hodi muhanye, Bwana, Bwana gurughwire, ujovakhania, 'ntivamanyie nyenye na guni mufumie'. \v 26 Unoo mujohanya, "Gukalia na unyua usonge ako venoo ukafundisya guni sese". \v 27 Nyeso mweso ujovajibu, 'nuvakhania, ntivamanyie guni mufumie, fwayi guni nene nyenye anyotrenda mahutye!'

13/28.txt

@@ -0,0 +1 @@
+\v 28 Gujotrendeka gwina girio gikuu nimwajovaona Abrahamu, Isaka, Yakobo na manabii vong'e ugu utremi wa Mungu, nyeso nyenye mwajughutrwaa unji. \v 29 Vijoghea ufuma ukiya, umwei ukuma na utraghama, na utuya u meza a maliwa ugu utremi wa Mungu. \v 30 Na manya irii, wa nyuma ugutrendeka wa mwandio na wa mwandio ujotrendeka wa nyuma".

13/31.txt

@@ -0,0 +1 @@
+\v 31 Muda ukufii baadae, baadhi a mafarisayo vikaja na umukhania, "Enda na ufwaye hafai gwasoko Herode ugusigha uguuragha". \v 32 Yesu akahanya, "Endi mwendomukhania mura usuu, 'Rava nujuncha fefo na uforya rio na fadiu, na itriku ra gatatru nijokhondeya ndolio ane. \v 33 Ni guja gwasoko ane uendelea rio, na itriku nirijie, gwasoko itriyanjiywe umuuragha nabii kwengi na Yerusalemu.

13/34.txt

@@ -0,0 +1 @@
+\v 34 Yerusalemu, Yerusalemu, anyu niuguvauragha manabii na uvakhua na magwe avoo nivatrumiwe guni nyenye. Mara ngapi nusighaa uvarundaana vanyu ginya nkuku niurundaa anankuku vakwe u mbaya yakwe, unoo mutrinasighaa. \v 35 Rava, nyumba ako arekwaa. Nanee nuvakhania, mutrudaha unyona hata mujohanya, 'Ubarikiwe usuu niujie gwa rina rama Bwana".

14/01.txt

@@ -0,0 +1 @@
+\v 1 Ikagighea itriku ra Sabato neewinji ukhaya u gionzozi wa Mafarisayo ulia mukatre, unoo nevimuraviee ija. \v 2 Rava, hafoo usonge akwe neegwina muntu wiimbi. \v 3 Yesu akawiya u seria a Ayahudi na Mafarisayo, "Uu ni guja u muforya itriku ra Sabato?"

14/04.txt

@@ -0,0 +1 @@
+\v 4 Nyeso nevikiire, uu Yesu akamuforya  na wamuyanjiya ende. \v 5 Wavakhania, "Anyu ukhatri anyu niwina mwana au ng'ombe niwagwira u gisime itriku ra sabato atrijomufunya unji?" \v 6 Antu vasaa nevitrina udaho wofunya ijibu gwa   mantu ayai.

14/07.txt

@@ -0,0 +1 @@
+\v 7 Yesu newamanya avoo neviraikiwe vahwaniaa matrumbi a hesima, akavakhania ndolio wahanya, \v 8 "ikhondo nemuraikiwee  na muntu u harusi, utragikhae sehemu ya hesima, fangi uraikiwe muntu wohesimiwa ino hiya navee. \v 9 Uu muntu niuvaraikiee nyenye niwaghea, ujogukhania veve, "mufe muntu uyui nafasi ako", unoo gwa minyaa ujohoa nafasi a mwisio.

14/10.txt

@@ -0,0 +1 @@
+\v 10 Nyeso veve niwaraikwa enda wendogikhaa u mwisio, unoo uyoo niuguraikie niwaja, adahe ugukhania veve, 'Rafiki enda usonge', ujotrendeka wahesimikaa usonge a vong'e nivigikhee navee. \v 11 Gwasoko uyoo niugugihumbua ujosimywa, na uyoo niugugisimywaa ujohumbuwa.

14/12.txt

@@ -0,0 +1 @@
+\v 12 Yesu noo akamukhania muntu neumuraikie, 'Niugfunya maliwa a mumwi, utravaraike marafiki ako au anyandughu vako.

14/13.txt

@@ -0,0 +1 @@
+\v 13 Hiya ayo, niugutrenda sherehe, raika atruki, vilema na afoku, \v 14 navee ujobarikiwa gwasoko vitrudaha ugurifa. Gwasoko ujorifwa gwa ufityo wa nivina haki".

14/15.txt

@@ -0,0 +1 @@
+\v 15 Ikhondo avoo nevigikhee u meza vina Yesu neakatregheya ayai, akavakhania, "Ubarikiwe uyoo niujolia mukatre ugu utremi wa Mungu!" \v 16 Nyeso Yesu akamukhania, "Muntu umwedu akatrenda sherehe nkuu waraika antu vaingi. \v 17 Sherehe neikaandia, akamutruma mutrumami wakwe avakhaniw, 'Njii gwasoko mantu ong'e akhondekaa'.

14/18.txt

@@ -0,0 +1 @@
+\v 18 Vong'e vikaandia uromba radhi. Wa mwandyo akamukhania mutrumami, 'Naghuaa mughunda unoo ninji uwuona. Unsamehe'. \v 19 Na muuya akahanya, 'Naghuaa ng'ombe unoo ninji uvafundisya. Unsamehe'. \v 20 Na muntu muuya akahanya, 'Naroghoaa, ntudaha uja'.

14/21.txt

@@ -0,0 +1 @@
+\v 21 Mutrumami akasuka na umukhania bwana wakwe mantu ayai. Akakhaifa na umukhania mutrumami wakwe, 'Enda uri u mutraa wendovaetra atruki vilema na afoku". \v 22 Mutrumami akahanya, 'Bwana asaa niwaraghiyaa atrendekaa unoo kii gwina nafasi'.

14/23.txt

@@ -0,0 +1 @@
+\v 23 Bwana akamukhania mutrumami, 'Enda u njia na vichochoro uvakhanie vikie, unoo nyumba ane igijue. \v 24 Gwasoko navakhaniaa, avoo nevaraikwaa mwandiogutrii niujowonja sherehe ane'.

14/25.txt

@@ -0,0 +1 @@
+\v 25 Unoo antu vaingi nevienda nayo akageuka na uvakhania, \v 26 'Mpese muntu niwaja guni nene atrumukiwa baba wakwe, mama wakwe, mukhema wakwe, anakwe, auna vakwe va gighosya na akhema, ndio na hata maisha akwe atrudaha utrendeka mwanafunzi wane. \v 27 Muntu niwadia uhoa musalaba wakwe na uja unyuma ane atrudaha utrendeka mwanafunzi wane.

14/28.txt

@@ -0,0 +1 @@
+\v 28 Gwasoko ni anyu ukhatri anyu niusighitre ujenga munara atrijogikhaa agheme mahesabu mwese ukwetre iroo niusighitre adahe ukhondeya risii? \v 29 Hiya ayo niwaika musingi na waremwa ukhondeya, vong'e nivaoniee vijoandia umuzihaki, \v 30 vijohanya, 'Muntu uyui akaandia ujenga, wauriaa nguu yokhondeya'.

14/31.txt

@@ -0,0 +1 @@
+\v 31 Au mutremi iki, niwasigha ugikhua  na mutremi muuya u fitra, niujogikhaa fang'i  na uandia uhoa ushauri mwese ujodaha, itrambmwe na antu makumi elfu ugikhua na mutremi muuya niujie unto akwe na antu elfu ishirini? \v 32 Mwese tri uyi ijeshi ra vauya kii ri kwengi ugutruma balosi gwa masharti a amani. \v 33 Uyi, gikaku ukhatri anyu niatrijoreka ong'e niuyakwetre, atrudaha utrendeka mwanafunzi wane.

14/34.txt

@@ -0,0 +1 @@
+\v 34 Munyu ni uja, nyeso munyu niwaurya lombe ayo ugudaha utrendeka uri kanki munyu? \v 35 Itrina matumizi kanki ugu udongo au gwa mbolea. Ugujughutrwa kwengi. Usuu niwina matrwi otregheya atregheye".

15/01.txt

@@ -0,0 +1 @@
+\v 1 uu atoza usuru vong'e na avoo nivina mahutye vikaja umughimba Yesu. \v 2 Mafarisayo vong'e na anyohadia vikahanya, "muntu uyui uguvakaribisya anya mahutye na uulia nayo".

15/03.txt

@@ -0,0 +1 @@
+\v 3 Yesu akahanya ndolio iyii, wahanya, \v 4 "Anyu guni nyenye, mwese wina nkhoo ighana na wayaghaya imwedu, atrijorika iyoo tisini na tisa umbugha, endo mifenja iyoo niayaghaa faka amione? \v 5 Mweso niwamihanga ugumiika u maegha akwe na uyanja.

15/06.txt

@@ -0,0 +1 @@
+\v 6 Ni waghea unyumba, uguvaitrana marafiki vakwe na jirani vakwe wavakhania yanji nanee, gwasoko nahangaa nkhoo ane neayaghaa, \v 7 nuvakhania uyi gujotrendeka gwina uyanjo girunde gwasoko a munya mahutye umwedu niwatubu, ino a anya haki tisini nivirtina nkumbu otubu.

15/08.txt

@@ -0,0 +1 @@
+\v 8 Au gwina mukhema iki niwina sarafu ikumi na hela, niwayaghaya sarafu imwedu atrijoacha traa amifenje gwa bidii faka amihange? \v 9 uu niwamiona uguvaitrana marafiki vakwe na jirani vakwe avakhanie yanji nanee, nahangaa sarafu ane neayaghae. \v 10 Uyi nuvakhania gwina furaha usonge a malaika wa Mungu gwasoko a munya mahutye umwedu niwatubu".

15/11.txt

@@ -0,0 +1 @@
+\v 11 Na Yesu akahanya, "Muntu umwedu nee wina ana vaviri, \v 12 uyoo nimunyuii akamukhania ihe, Baba nampa mali ninoneye urisi. Uu akavaaghania mali yakwe.

15/13.txt

@@ -0,0 +1 @@
+\v 13 Matriku tri maingi akarunda ong'e niuyakwetre wenda ng'ii a kwengi, uu kuko akafaghatya hela yakwe waghua mantu niitrinoneye, na ulia hela gwa anasa. \v 14 Uu newatrumia ong'e njaa nkuu ikahefea ung'ii isii namweso wakhasika.

15/15.txt

@@ -0,0 +1 @@
+\v 15 Akaenda na ugiajiri mweso u raia umwedu wa ng'ii isii, uu akamutroa umughunda ulisya nguma. \v 16 Unoo akasigha ugiikutya gwa mabada ni nguma yalilee gwasoko gutrii muntu gikaku niwamufiee intu rolia.

15/17.txt

@@ -0,0 +1 @@
+\v 17 Unoo mwana nimunyuii neakaika unkhoo akwe, akahanya ni atrumami vanga vama baba wane vina maliwa maingi odaha nanee nifo hafai, nukuya  na njaa! \v 18 Nijofwaya na uenda guni baba wane na umukhania, "Baba nakoseaa unto a irunde na usonge a miho ako. \v 19 Ntinoneye uitranwa mwana wako kanki; ntenda ginya umwedu wa atrumwa vako".

15/20.txt

@@ -0,0 +1 @@
+\v 20 Uu akafwaya wenda guni baba wakwe. Nekii wi kwenngi akamuonea huruma wadua wendomukumbatria na umutomya. \v 21 Mwana usuu akamukhania, 'baba nahutyaa girunde na usonge a miho ako ntinoneye uitranwa mwana wako'.

15/22.txt

@@ -0,0 +1 @@
+\v 22 Baba usuu akavakhania atrumami vakwe, 'rietri uri isaa ni rija, mumuyeche mutrendeye na fetre u mwancha na matru u mighuu. \v 23 Uu etri mwang'ombe niughinie mumukikitre gulie na guyanje. \v 24 Gwasoko mwanane newakuyaa unoo fanoi mufanga. Neuyaghae wagigheaa vayanja ino.

15/25.txt

@@ -0,0 +1 @@
+\v 25 Mwanakwe ni mukuu nee ugumughunda. Nee uguenda ujie akatregheya ruri ya nyimbo na miinisyo. \v 26 Akaitrana mutrumami umwedu wamuwiya mantu ayai ni ntuni? \v 27 Mutrumami akamukhania muna wako wajaa na baba wako wamukikitriaa mwang'ombe niughiniee gwasoko wasukaa ija'.

15/28.txt

@@ -0,0 +1 @@
+\v 28 Mwana ni mukuu akakiwanwahitra uhefea mung'ii uu ihe akafuma unji umusiya. \v 29 uu akamujibu ihe wahanya, 'Rava nene nagutrumamiaa miakha miingi, unoo ntinahutya amri ako, uu utrinampaa ata mwamburi uu nidahe usherekea na marafiki vane. \v 30 Nyeso nee waja mwana wako uyui niwayaghayee mali ako ong'e na makahaba wamuhinjiaa mwang'ombe niughinie.

15/31.txt

@@ -0,0 +1 @@
+\v 31 Baba akamukhania, 'Mwanane, veve wiitrambimwe nanee matriku ong'e na ong'e ninikwetre ni ako veve. \v 32 Unoo jainoneye sese utrenda sherehe na uyanja, uyui muna wako newakuree, uu fanoi mufanga; newayaghae fanoi wagigheaa".

16/01.txt

@@ -0,0 +1 @@
+\v 1 Yesu akamukhania kanki mwanafunzi wakwe, "Nee gwina muntu umwedu mughwai nee wina meneja, akakhaniwa meneja ugufaghatya mali yakwe. \v 2 Uu mughwai akamuitrana wamukhania, "Ni ntuni iyii ninimitregheye guni veve? Funya hesabu ya umeneja wako, gwasoko utrudaha utrendeka meneja kanki".

16/03.txt

@@ -0,0 +1 @@
+\v 3 Meneja usuu wahanya unkhoo akwe, Nitrende ntuni, gwasoko bwana wane wong'eyeya mwimo wane wa umeneja? Ntina nguu yorima, na uromba naonaa ayai. \v 4 Nimanyie ninajotrenda uu ninajoheywa u mwimo wane wa uwakili antu vijonkaribisha u makhaya awe.

16/05.txt

@@ -0,0 +1 @@
+\v 5 uu wakili akavaitrana adeni vama bwana wakwe kila umwedu wa mukhania wa mwandyo, 'Ugudaiwa uri na bwana wane?' \v 6 Wahanya ifimo ighana rimwqedu vya makutra wamukhania, 'hoa ketri ako andika hamsini. \v 7 uu wamukhania muuya, ' venoo ugudaiwa giasi iki?' wahanya, 'ifimo ighana rimwedu vya ngano wamukhania hoa ketri ako andika semanini'.

16/08.txt

@@ -0,0 +1 @@
+\v 8 Bwana usuu akamusifu meneja zalimu ginya watrendaa. Gwasoko ana va urimi urui vahughu vaingi viuloaa gwa uhughu na antu va ufande wawe hiya na ana va weeru. \v 9 Nanee nuvakhania gitrendi mu marafiki na mali ya uzalimu uu nirajourika vivakaribisye u miikhao a khae na khae.

16/10.txt

@@ -0,0 +1 @@
+\v 10 Ni mwaminifu ugu iroo nirinyuii ino ugutreneka mwaminifu u iroo nirikuu. \v 11 Mpese nyenye ne mutri aaminifu u mali ya uzalimu ni anyu niujovaamini u mali a tutri? \v 12 Na mpese nee mutri aaminifu utrumia mali ya muntu muuya ni anyu niujovafa ni anyu nyenye?

16/13.txt

@@ -0,0 +1 @@
+\v 13 Gutrii mutrumami niugudaha utrumikia mabwana vaviri, gwasoko ujomukiwa umwedu na umuyanja muuya. Uu mutrudaha umutrumikia Mungu na mali".

16/14.txt

@@ -0,0 +1 @@
+\v 14 Uu Mafarisayo, neviyanjitre hela vikayatregheya ayai uu vamuzihaki. \v 15 Na wavakhania, "Nyenye ndio ni mugisighaa mwi haki usonge aantu nyeso Mungu ukengee nkhoo yanyu. Gwasoko nirifumiee gwaantu rumukiwisyaa Mungu.

16/16.txt

@@ -0,0 +1 @@
+\v 16 Seria na manabii neeifo faka Yohana neewaja. Ufuma ikhondo risii, nkhani ninjija ya utremi wa Mungu yuhanywaa, na muumuntu ugusoyaa ugihefeya gwa nguu. \v 17 Nyeso ni guoro gwa irunde na ng'ii iyaghae guliko herufi imwedu a seria iyaghae.

16/18.txt

@@ -0,0 +1 @@
+\v 18 Niugurekaa mukhema wakwe na uroghoa muuya ni mufumbu, uu niugumuroghoa usuu niwarekiweee na mughosya wakwe ni mufumbu.

16/19.txt

@@ -0,0 +1 @@
+\v 19 Nee gwina muntu umwedu mughwai neuguyaa masaa a rangi ya zambarau na kitani nigija uu neuyanjitre muu itriku ughwai wakwe niukuu. \v 20 Na mmutruki umwedu rina rakwe Lazaro nee ugu geti rakwe na wina idonda. \v 21 Mweso noo ne usighitre uikutra gwa maliwa ni neiugwaa u meza a mughwai usuu uu mbwa yaja yaramba madonda akwe.

16/22.txt

@@ -0,0 +1 @@
+\v 22 Uu mutruki usuu akakuya na wahowa na malaika faka ugikua gama Ibrahimu. Mughwai usuu noo wajokuya waikwa. \v 23 Uu kuko kuzimu nee ugu makhasiko akahumbua miho akwe wamuina Ibrahimu gwa kwengi na Lazaro u gikua gakwe.

16/24.txt

@@ -0,0 +1 @@
+\v 24 Waria wahanya, "Baba Ibrahimu ng'urumia umutruma Lazaro atrendee mwancha wakwe u maji auyanjisye urimi wane; gwasoko nukhasywaa u  motro urui.

16/25.txt

@@ -0,0 +1 @@
+\v 25 Nyeso Ibrahimu akahanya, 'Mwaname kumbukwa u maisha ako ukayafokea mantu ayai ni maja uu Lazaro noo akahanga ni mavi. Uu fanoi wihafai ugufarijiwa venoo uguvara. \v 26 Na ino a ayai, guikiwee ikhombo ririfu inoo ufuma kunui uja guni nyenyeunoo antu vitradahe uvuia vije guni sese'.

16/27.txt

@@ -0,0 +1 @@
+\v 27 Mughwai usuu akahanya, "Nuguromba baba Ibrahimu, umutrume unyumba guni baba wane \v 28 gwasoko nina auna vatrano avaonye gwa woova uu veso noo vijoja hafai u makhasiko'.

16/29.txt

@@ -0,0 +1 @@
+\v 29 Nyeso Ibrahimu akahanya, 'Vina Musa na manabii vaeke vavaghimbe veso. \v 30 Mughwai usuu akahanya, 'gutrii, Baba Ibrahimu nyeso mwese ende muntu ufuma gw akuyi vijotubu'. \v 31 Nyeso Ibrahimu akamukhania, 'Nivadiovatregheya Musa na manabii vitrijodaha ushawishiwa na muntu hata afume gwa akuyi.

17/01.txt

@@ -0,0 +1 @@
+\v 1 Yesu akavakhania anafunzi vakwe, "mantu niusababishaa antu vitrende mahutye itrina budi ugighea, nyeso ole wakwe muntu niuguyasababishaa! \v 2 Ni guja mweso muntu usuu ajotrungiywa igwe niriitro rosiera unkingo akwe na ujoghutrwa u bahari, hiya na umutrenda umwedu wa avai ni vanyuii vitrende mahutye.

17/03.txt

@@ -0,0 +1 @@
+\v 3 gilindi. Mpese muna  wagukoseaa muonye, unoo niwatubu musamehe. \v 4 Uu niwagukosea mara saba gwa itriku rimwedu waja wahanya, 'nutubu' musamehe!".

17/05.txt

@@ -0,0 +1 @@
+\v 5 Mitrume vakwe vikamukhania, "Guonyeye imani itru". \v 6 Bwana wahanya, "mpese nijotrendeka nina imani ginya mbeyu a haradani nee nijodaha uukhania mutri urui wa mukuyu, 'hegha wendokinda u bahari' uu ujovatii.

17/07.txt

@@ -0,0 +1 @@
+\v 7 Nyeso ni anyu ukhatri anyu, niwina mutrumami niugurimaa mughanda au udima nkhoo, ujomukhania ni usukiee u mughunda, 'Njuu uri ugikhae ulie maliwa? \v 8 Uu atrijomukhania, "Ntendeya maliwa nilie na gitrunge mukanda na untumikie faka ninijodaha ulia na unyua. Baada a hafo ujolia na unyua?

17/09.txt

@@ -0,0 +1 @@
+\v 9 Atrijomushukuru mutrumami usuu gwasoko watrendaa ayoo niwakhaniwaa? \v 10 Uyi nanyee ni mwatrenda ninatrumiwee hanyi, 'sese gu atrumami nivitrinoneye. Gwatrenda ayoo tu niinoneye utrenda.

17/11.txt

@@ -0,0 +1 @@
+\v 11 Ikagighea kwama nee usafiri winji Yerusalemu akikira u mfaka wa Samaria na Galilaya. \v 12 Nee uguhefea u gijiji gimwedu akatrana na antu ikumi nee vina ukoma. Vikaimika kwengi. \v 13 Vahanya, "Yesu, Bwana guhurumie".

17/14.txt

@@ -0,0 +1 @@
+\v 14 Nee wavaona wavakhania, "Endi mwendogighea u makuhani". \v 15 Umwedu wawe nee waonaa wadfoa wasuka gwa ruri ukuu ugumukurys Mungu. \v 16 akztrungama u mighuu ama Yesu wamurumbs. Mweso nee Musamaria.

17/17.txt

@@ -0,0 +1 @@
+\v 17 Yesu akajibu wahanya, "Uu vitrinaeraa vong'e ikumi? Vigufei avoo vauya tisa? \v 18 Gutrii ata umwedu niwagigheiree usuka na umutukuza Mungu hiya na mughenyi uyui?" \v 19 Akamukhnia, "Imika wende imani ako aguforyaa".

17/20.txt

@@ -0,0 +1 @@
+\v 20 Nee wawiywa na mafarisayo utremi wa Mungu ujie nanai? Yesu akajibu wahanya, "Utrmi wa Mungu tri intu nirugigheaa. \v 21 Wala antu vitrijohanya, 'rava hafai' gwasko utremi wa Mungu wi mun'ii ane".

17/22.txt

@@ -0,0 +1 @@
+\v 22 Yesu akavakhania anafunzi vakwe, "Ikhondo rijoghea mujosogha uona itriku ra Mwana wama Adamu nyeso mutrijoona. \v 23 Vijovakhania, 'Rava kukoo! Rava hafai!' nyeso mutrende urava wala uvasambiya, \v 24 ginya umeme wa ufitro niugumwikaa u anga uandya ufande umwedu faka wuuya.

17/25.txt

@@ -0,0 +1 @@
+\v 25 Nyeso mwandio ijomunoneya uhasika u mantu maingi na uhitrwa na gizazi igii. \v 26 Ginya matriku ama Nuhu, uu ndio gujotrendeka guuyi u matriku a Mwana wama Adamu. \v 27 Vikalia, vanyua, varoghoa na uroghwa faka itriku iroo ni Nuhu wahefea u safina na gharika aja avayaghaya vong'e.

17/28.txt

@@ -0,0 +1 @@
+\v 28 Ndio negwi uyi matiku ava Lutu, vikalia, vanyua, vaghua na urinja varima na vajenga. \v 29 Nyeso itriku risii Lutu nee wafwaya Sodoma, ikakhua mbua a motro

17/30.txt

@@ -0,0 +1 @@
+\v 30 Uyi ndio gujotrenda guuri itriku ni mwana wama Adamu niwajorughuwa. \v 31 Itriku risii utramuyanjiye niugu dari a nyumba asime uhoa bizaa yakwe mung'ii a nyumba. Na utramuyanjiye nii ugu mughunda suke ukhaya.

17/32.txt

@@ -0,0 +1 @@
+\v 32 Mukumbukwe mukhema wama Lutu. \v 33 Gikaku niugusoya uyachoa maisha akwe ujoyayaghaya, nyeso nwajoyayaghaya ujoyahanga.

17/34.txt

@@ -0,0 +1 @@
+\v 34 Nugukhania, utriku usuu utrijotrendeka ina antu vaviri u gitranda gimwedu. Umwedu ujohowa na muuya ujorekwa. \v 35 Gujotrendeka gwina akhema vaviri viusia. Umwedu ujohowa na muuya ujorekwa". \v 37 Vikamuwiya, "Gufei, Mungu" Wavakhania, "Hafoo guni gwina muzoga, unoo trai viugirundaa itrambimwe".

18/01.txt

@@ -0,0 +1 @@
+\v 1 Uu akavakhania ndolio ginya nee inoneye uromba ino, na vitrakate tamaa. \v 2 wahanya, "nee gwina hakimu u muji fulani, uu neatrumutrija Nungu na atrihesimu antu.

18/03.txt

@@ -0,0 +1 @@
+\v 3 Nee gwina mujane hafo fifi, uu akamwwndea mara nyingi, 'njariya uhanga haki ane u mupinzani wane. \v 4 Gwa muda urifu nee atri tayari umuariya, nyeso baada a muda urifu akahanya unkhoo akwe, 'ingawa nene ntumutrija Mungu wala umuhesimu  muntu, \v 5 nyeso gwasoko mujane uyui ugunsumpuanumuariya uhanga haki akwe, uu atraje ajonkhatraya gwa uja mara kwa mara".

18/06.txt

@@ -0,0 +1 @@
+\v 6 Bwana akahanya, Tregheya gina uguhanya hakimu usuu zalimu. \v 7 Uu Mungu atrijoetra haki gwa ateule vakwe avoo niviumuriria mumwi na utriku? UU mweso atrijoghimiya guni mweso? \v 8 Nuvakhania ujoetra haki uri guni veso. Nyeso ikhondo Mwana wama Adamuniwajoja, uu ujohanga imani guurimi?'

18/09.txt

@@ -0,0 +1 @@
+\v 9 Uu akavakhania ndolio iyii gwa baazi aantu niviugionaa veso ndio vina haki na uvazarau  antu vauya, \v 10 antu vaviri vikanatria hekaluni venda usali: umwedu wa mafarisayo muuya mutoza ushuru.

18/11.txt

@@ -0,0 +1 @@
+\v 11 Farisayo akaimika waromba mantu ayai unto akwe mweso. 'Mungu nushukuru gwasoko nene nti finya antu vauya ni ahimbi, antu nitri vaadilifu, afumbu au ginya uyui mtoza usuru. \v 12 Nufungaa mara mbili muuwiki. Nufunyaa zaka u mapato ong'e ninuhangaa'.

18/13.txt

@@ -0,0 +1 @@
+\v 13 Nyeso mutoza ushuru, akaimika kwengi, atrinadahaa uhumbua miho akwe girunde, wakhua gikua gakwe wahanya, 'Mungu rehemu nene nina mahutye'. \v 14 Nuvakhania Muntu uyui akasuka ukhaya wina haki hiya na uyoo muuya gwasoko niuguginatriyaa ujosimywa nyeso niuguginyenyesya ujohumbuwa'.

18/15.txt

@@ -0,0 +1 @@
+\v 15 Antu vikamuetrea na avawe vanyuii uuv adahe uvagusa, nyeso anafunzi vakwe nevaona uyi vikavaghiya. \v 16 Nyeso Yesu akavaitrana wahanya, "Vareki ana ni vanyuii vije guni nene gwasoko utremi wama Mungu ni wa antu ginya vasaa. \v 17 Amin nuvakhania muntu gikaku niwadia ufokea utremi  wa Mungu ginya mwana ni dhahiri atrijohefea'.

18/18.txt

@@ -0,0 +1 @@
+\v 18 Mutrawala umwedu akamuwiya, 'Mwalimu ni muja nitrende ntuni uu niurindie ufanga wa khae na khae?' \v 19 Yesu akamukhania, 'Nintuni niugunyintana mwema? Gutrii muntu ni muja uu Mungu imwene. \v 20 Uimanyie amri- utazini, utrauraghe, utrahimbe, utraregheghe vahesimu baba na mama wako. \v 21 Mutrawala usuu akahanya, 'mantu ing'e ayai niyakwatrie ufuma nee ni gijana'.