Tue Apr 09 2024 12:53:30 GMT+0300 (East Africa Time)

01/01.txt

@@ -0,0 +1 @@
+\v 1 Mwandyo negwina ukhani, na ukhani newi itambimwe na Mungu. \v 2 Ukhani uyui, mwandyo newiitrambimwe na Mungu. \v 3 Mantu ong'e ikatrendeka ukiria mweso, na mwese tri mweso gutrii hata intu rimwedu nerutrendeka.

01/04.txt

@@ -0,0 +1 @@
+\v 4 Mung'ii akwe negwina ufanga, na ufanga usuu newueriye gwaantu vong'e. \v 5 Weeru uguerya ukitri, unoo kitri ritrinarimiaa.

01/06.txt

@@ -0,0 +1 @@
+\v 6 Unoo negwina muntu neutrumiwe ufuma guni Mungu, rina rakwe nee Yohana. \v 7 Akaja gina masudanga usudangia uhusu weeru usuu, unoo vong'e vadahe uhuvia ukiria mweso. \v 8 Yohana neatrina weeru uroo, unoo akaja asudangie uhusu weeru

01/09.txt

@@ -0,0 +1 @@
+\v 9 Uyi ukatrendeka weeru wa tutri neujie uguurimi unoo ugumueria muumuntu.

01/10.txt

@@ -0,0 +1 @@
+\v 10 Newifo uguurimi, na urimi ukaumwa ukiria mweso, na urimi utrinamumanyaa. \v 11 Akaja gwa mantu akwe, na antu vakwe vitrinamufokeaaa.

01/12.txt

@@ -0,0 +1 @@
+\v 12 Unoo gwa avoo nivamufokee, novahuvie rina rakwe, vasaa vikafewa haki otrendeka ana vama Mungu, \v 13 avoo nivafafiwee tri gwa saghami, wala gwa mafenji a mwiri, wala gwa mafenji a muntu, unoo gwa Mungu mweso.

01/14.txt

@@ -0,0 +1 @@
+\v 14 Unoo ukhani ukatrendeka mwiri na ukhagikhaa ukhatri itru, gwaonaa weeru wakwe, weeru ginya wa muntu wa gipekee niwajie ufuma guni Baba, ugijue neema atutri. \v 15 Yohana akasudangia uhusu mweso na akahanya, "Uyui ndie nenahanyiyee nkhani yakwe nahanya, 'Uyoo niujie baada ane ni mukuu guliko nene, gwasoko wakuriee kabla ane'.

01/16.txt

@@ -0,0 +1 @@
+\v 16 Gwasoko ufumu gu ukhondeki wakwe sese song'e gwafokee ndende udaho aada a udaho. \v 17 Gwasoko seria aetriwe ukiria Musa. Neema a tutri ikaja ukiria Yesu Kristo. \v 18 Gutrii muntu niwamuoniee Mungu makhondo ong'e. Muntu usuu ni Mungu, niugugikua gama Baba, wamutrendiee mweso amanyike.

01/19.txt

@@ -0,0 +1 @@
+\v 19 Na urui ndio usudanga wama Yohana ikhondo makuhani na alawi nevatrumiwee guni mweso na Ayahudi umuwiya, "veve wii anyu?" \v 20 Unoo bila ukhakhatra akahanya, "Nene nti Kristo" \v 21 Unoo vamuwiya "unoo veve wianyu fanoi" Veve wi Eliya? Wahanya "Nene nti mweso" Vahanya, Veve u mughanga? Akajibu "Gutrii".

01/22.txt

@@ -0,0 +1 @@
+\v 22 Vikamukhania, "Veve wianyu unoo guvafe ijibu avoo nivagutrumaa?" Visudangie uri veve umweso?" \v 23 Wahanya, "Nene ni ruri wakwe niuguria umbugha: 'Ghoori njia ama Bwana', ginya mughanga Isaya neakahanya".

01/24.txt

@@ -0,0 +1 @@
+\v 24 Unoo negwinaantu nevatrumwaa hafo ufuma u Mafarisayo. Vamuwiya na uhanya, \v 25 Nintuni ugubatiza unoo veve tri Kristo wala Eliya wala mughanga?"

01/26.txt

@@ -0,0 +1 @@
+\v 26 Yohana akavajibu, "Nubatiza gwa maji. Unoo ukhatri anyu uguimika muntu nimutrimumanyie. \v 27 Uyii ndio niujie baada ane. Nene ntinoneye ulegeza kamba ya matru akwe". \v 28 Mantu ayai ikatrendeka  u Bethania, umpeo a Yorodani, neyohana ugubatiza.

01/29.txt

@@ -0,0 +1 @@
+\v 29 Itriku nerifuatie Yohana akamwona Yesu ujie guni mweso uguhanya, "Rava mwankhoo wa Mungu ahoe mahutye a urimi! \v 30 uyui ndio nenahanyiyee nkhani yakwe, "mweso niujie unyuma ane ni mukuu guliko nene, gwasoko newifo kabla ane' \v 31 Ntinamumanyaa  mweso, nyeso ikatrendeka uyi ili akunukuwe u Israeli, unoo najie ubatiza gwa maji".

01/32.txt

@@ -0,0 +1 @@
+\v 32 Yohana akasudia, "Nkaona nkhoo iusima ufuma girunde ndolio a nkunde na ikasagha unto akwe. \v 33 Nene ntinamumanyaa nyeso mweso newantumiee ili nibatize gwa maji akambwira, 'uyoo niujoona nkhoo iusima na ugikhaa unto akwe, usuu ndio ugubatizaa gwa mwahu mweru'. \v 34 Naonaa na nasudiaa kwamba muntu uyii ni mwana wa Mungu".

01/35.txt

@@ -0,0 +1 @@
+\v 35 Kanki itriku nirijie Yohana newiimikie itambimwe na anafunzi vakwe vaviri, \v 36 vikamwona Yesu uguenenda na Yohana akahanya, "Rava, mwankhoo wa Mungu!"

01/37.txt

@@ -0,0 +1 @@
+\v 37 Anafunzi vaviri vikamutregheya Yohana uguhanya ayai vikamusambiya Yesu. \v 38 Kanki Yesu akagikengeya na waona anafunzi vasaa vimusambiye, akavakhania, "Musighitre ntuni?" vikajibu "Rabi" ugugikhaa gufei?" \v 39 Wavakhania, "Njii na muone". Unoo vikaenda na uona guni ugugikhaa; vikagikhaa nayo itriku risii, unoo nee saa kumi.

01/40.txt

@@ -0,0 +1 @@
+\v 40 Umwedu wawe akamutregheya Yohana newiighitriye na akamusambiya Yesu ne Andrea, muna wakwe Simoni Petro. \v 41 Akamwona muna wakwe Simoni na akamukhania, "Gwamuhangaa masihi". \v 42 Wamuetra guni Yesu. Yesu wamurava wahanya, "Veve wi Simoni mwana wama Yohana' ujoitranwa Kefa".

01/43.txt

@@ -0,0 +1 @@
+\v 43 Itriku nerifuatie Yesu newasigha ufwaya uenda Galilaya akamuhanga Filpo wamukhania, "Nsambiya nene". \v 44 Filipo ne mwenyeji wo Bethsaida, muji wama Andrea na Petro. \v 45 Filipo akamuhanga Nathanaeli na umukhania, gwamuhangaa uyoo ni Musa akahadia nkhani yakwe u seria na aghanga. Yesu mwana wama Yusufu, ufuma Nazareti.

01/46.txt

@@ -0,0 +1 @@
+\v 47

02/01.txt

@@ -0,0 +1 @@
+\v 1 Baada amatriku atatru negwina harusi kuko Kana ya Galilaya na yiu wakwe Yesu newikuko. \v 2 Yesu na anafunzi vakwe neviraikiwe u harusi.

02/03.txt

@@ -0,0 +1 @@
+\v 3 Unoo nevakefewa divai, yiu wakwe Yesu akamukhania, "Vitrina divai" \v 4 Yesu akajibu, "Mukhema isii ihusu ntuni guni nene? Muda wane kii utrinaghea" \v 5 Yiu wakwe wamukhania  atrumami, "Gikaku niwavakhania trendi".

02/06.txt

@@ -0,0 +1 @@
+\v 6 Unee gwina nyungu sita ya magwe hafo nyaikiwe gwasoko o nawa u sikunkuu ya Ayahudi, kila imwedu na ina wiijuo wa sio iveri itatru. \v 7 Yesu akavakhania, "Tendei maji u nyungu ya magwe". Vatrendea faka gunto. \v 8 Unoo akavaira atrumami avoo, "Hoi giasi mutroe u muhudumu mukuu wa meza". Vatrendaa ginya vakhaniwaa.

02/09.txt

@@ -0,0 +1 @@
+\v 9 Muhudumu nimukuu akawonja maji asaa neabadilikaa na utrendeka divai, uno atrinamanyaa guni ifumie. unoo akamwiitrana bwana harusi wamukhania, \v 10 "Muumuntu aandie uhudumia divai ninjija unoo nivaghara viuvafa divai nitrinjija. Nyeso veve umiikie divai ninjija faka fanoi".

02/11.txt

@@ -0,0 +1 @@
+\v 11 Muujiza urui wa Kana a Galilaya, suu ne mwandio wa isara ya miujiza newamitrendiee Yesu, ugukunukua weeru wakwe, unoo anafunzi vikamwamini.

02/12.txt

@@ -0,0 +1 @@
+\v 12 Baada a iriii, Yesu, yiu wakwe, auna vakwe na anafunzi vakwe vikaenda u muji wa Kapernaum na vagikhaa kuko gwa matriku makeii.

02/13.txt

@@ -0,0 +1 @@
+\v 13 Unoo Pasaka a Ayahudi neahuviaa, unoo Yesu akaenda Yerusalemu. \v 14 Akavahanga anyorinja ng'ombe, nkhoo, na nkunde mung'i a hekalu. Unoo na anyokhavisya hela nevifo mung'ii.

02/15.txt

@@ -0,0 +1 @@
+\v 15 Yesu akatrenda mujeledi niwina makundo, akavafunya vong'e nevi mung'ii, na ng'ombe na nkhoo yayo. Akahunua hela ya anyokhavisya hela. \v 16 Gwa anyorinja nkunde akavaira, "Heyi mantu ayai hafai, reki utrenda nyumba ama baba wane isoko".

02/17.txt

@@ -0,0 +1 @@
+\v 17 Anafunzi vakwe vikakumbukwa nee ihadiwe, "Wiru wa nyumba ako ujolia". \v 18 Akuu va Giyahudi vikajibu, vamukhania, "Ni isara iki ujomiigheya gwasoko ugutrenda mantu ayai" \v 19 Yesu akavajibu, "rikhononti i hekalu irii nanee nijorijenga baada a matriku atatru".

02/20.txt

@@ -0,0 +1 @@
+\v 20 Unoo akuu va Ayahudi vikahanya, "Ahoriee miakha arobaini na sita ujenga ihekalu irii navee uguhanya ujojenga gwa matriku atatru?" \v 21 Mweso akaighitya ihekalu ugumaanisha mwiri wakwe. \v 22 Uyi baada ofitya ufuma gwa akuyi, anafunzi vakwe vikakumbukwa akahanya uyi, vikaamini mahada na ayoo nee Yesu akahanya.

02/23.txt

@@ -0,0 +1 @@
+\v 23 Neugu Yerusalemu u Pasaka, ikhondo ra sikunkuu antu vaingi vikaamini rina rakwe, nevaonaa ishara ya miujiza newamitrendaa. \v 24 Nyeso Yesu neatrina imani nayo gwasoko akavamanya antu vong'e. \v 25 Atrinasighaa umukhania muntu gikaku gina antu viiri gwasoko wuune niri mung'i awe.

03/01.txt

@@ -0,0 +1 @@
+\v 1 Unoo negwina Farisayo rina rakwe Nikodemo, umwedu wa ajumbe va ibaraza ra Ayahudi. \v 2 Muntu uyui akaenda guni Bwana Yesu utriku na akamukhania, "Rabi, gumanyie ya kuwa u mwalimu ufuma guni Mungu, gwasoko gutrii muntu niugudaha utrenda isara iyii yong'e Mungu niwadiotrendeka itrambimwe nayo".

03/03.txt

@@ -0,0 +1 @@
+\v 3 Yesu akamujibu, "Amini, muntu atrudaha uhefea uguutremi wa Mungu newadiofafwa gaviri". \v 4 Nikodemo akahanya, "Muntu ugudaha uru ufafwa ni munyampaa? Atrudaha uhefea undaa ama yiu wakwe mara a gavii na ufafwa, ugudaha?"

03/05.txt

@@ -0,0 +1 @@
+\v 5 Yesu akajibu, "Amini, amimi muntu niwadia ufafwa gwa maji na gwa Roho, atrudaha ukia ugu utremi wa Mungu. \v 6 Nigafafiwe na mwiri ni mwiri, na nigafafiwe na Roho ni nkhoo.

03/07.txt

@@ -0,0 +1 @@
+\v 7 Utrasangae gwasoko nagukhaniaa, 'ni guja ufafwa gaviri' \v 8 Mpefo iufumaa gikaku na ruri wayo muutregheya, nyeso mutrimanyie guni ugufumaa wala guni winji. Unoo gwiuyi umuntu niwafafwa na Roho.

03/09.txt

@@ -0,0 +1 @@
+\v 9 Nikodemo akajibu, "Mantu ayai iudahika uri?" \v 10 Yesu akamujibu, "Veve u mwalimu wa Israeli, utrimanyie mantu ayai? \v 11 Amini, amini, nugukhania, igoo nigumanyie gusudia gwa iroo nigwaonaa. Nyeso mutrufokeaa usudanga witru.

03/12.txt

@@ -0,0 +1 @@
+\v 12 Mpese navakhaniaa mantu a hafai uguurimi na mutriamini, mudaha uri uamini mpese nivakhanie mantu a girunde? \v 13 Maana gutrii niunatrie gunto ufuma girunde hiya na uyoo niwasimaa, mwana wama Adamu.

03/14.txt

@@ -0,0 +1 @@
+\v 14 Ginya Musa neakahumbua njokha gijangwa, uyo no Mwana wama Adamu lazima ahumbuwe, \v 15 ili vong'e nivimuhuvie vahange ufanga wa khae na khae.

03/16.txt

@@ -0,0 +1 @@
+\v 16 Gwasoko iyii Mungu akauyanja urimi, unoo wamufunya mwanakwe, ili mumuntu niumuhuvie atrayaghae unoo ahange ufanga wa khae na khae. \v 17 Gwasoko Mungu atrinamutrumaa mwanakwe guurimi ili auhukumu urimi, unoo urimi uchowe ukiria mweso. \v 18 Niumuhuvie mweso atrijohukumiwa. Usuu niatrimuhuvie unoo wahukumiwaa gwasoko atrinahuvia rina ra mwana wama Mungu.

03/19.txt

@@ -0,0 +1 @@
+\v 19 Iyii ndio soko a hukumu, weeru ujie uguurimi, nyeso antu vajoyanja utriku ino aweeru gwasoko ntendo yawe nee mbi. \v 20 mumuntu niugutrenda nimavi uguhoa weeru unoo atrijie uweeru ili ntendo yakwe itajogighea uweeru. \v 21 Nyeso niugutrendaa tutri ujie u weeru ili ntendo yakwe igighee yatrendwaa gwa utimilifu wa Mungu,

03/22.txt

@@ -0,0 +1 @@
+\v 22 Baada a ayai, Yesu itrambimwe na anaafunzi vikaenda u ng'ii a Yudea. Kuko akatrumia muda nayo unoo neugubatiza. \v 23 Fanoi Yohana noo neugubatiza  kuko Ainea fifi na Salim gwasoko negwina maji maingi. Antu neviuja guni mweso ubatizwa, \v 24 gwasoko /yohana neatrinajughutrwaa ugigereza.

03/25.txt

@@ -0,0 +1 @@
+\v 25 Unoo gukagighea mabishano ukhatri a anafunzi vama Yohana na Myahudi uhusu sikunkuu ya utakaso. \v 26 Vikaenda guni Yohana vamukhania, "Rabi, uyui nemwinakwe u ng'ambo a mongo wa Yorodani, mweso niwasudie nkhani yakwe, rava, ugubatiza na vong'e viumusambiya".

03/27.txt

@@ -0,0 +1 @@
+\v 27 Yohana akajibu muntu atrudaha ufokes intu gikaku hiya ayo mpese wafewaa ufuma girunde. \v 28 Nyenye veso musudia kuwa nahanyaa, 'nene nti Kristo' hiya ayo nahanyaa, 'natrumwaa usonge akwe'.

03/29.txt

@@ -0,0 +1 @@
+\v 29 Mweso ni bibi arusi ni bwana arusi. Fanoi rafiki waa Bwana arusi, wiimikie ughimba uguyanjaa ino gwasoko a sauti ama bwana harusi. Iriyi ni iyanja nirikhondekiw. \v 30 Unoneye ino nikefewe.

03/31.txt

@@ -0,0 +1 @@
+\v 31 Mweso niugufumaa gunto unto a ong'e. Mweso ni wa urimi ufumie uguurimi na uguighitya mantu a urimi. Mweso niufumie girunde wigunto a ong'e. \v 32 Mweso ugusudia ayoo niwayaonie na uyatregheya, nyeso gutrii niugufokea usudanga wakwe. \v 33 Mweso niwafokeaa usudanga wakwe wahakikishaa kuwa Mungu ni wa tutri,

03/34.txt

@@ -0,0 +1 @@
+\v 34 Gwasoo mweso niwatrumwaa na Mungu uguighitya nkhani ya Mungu. Gwasoko atrumufa roho gwa gifimo. \v 35 Unoo ugumuyanja mwana na wamufaa mantuvong'e umikhono akwe. \v 36 Mweso niumwamini mwana wina ufanga wa khae na khae, nyeso gwa usuu niatrimutii mwanakwe atrijoona ufanga bali ikuo rama mungu rijomuhanga.

04/01.txt

@@ -0,0 +1 @@
+\v 1 Yesu neakamanya Mafarisayo vatregheyaa ni mweso uguvabatiza ino ama Yohana, \v 2 (Yesu neatrubatizaa nee anafunzi vakwe), \v 3 akafuma Judea wenda Galilaya.

04/04.txt

@@ -0,0 +1 @@
+\v 4 Unoo neguja ukiria Samaria. \v 5 Na akafika u Samaria, uu Sikari, fifi na gini Yakobo.

04/06.txt

@@ -0,0 +1 @@
+\v 6 Na ruji wama Yakobo newihafo. Yesu newakhatraa na muhinjo wakwe akagikhaa fifi na ruji. Unoo ne mumwi. \v 7 Mukhema Musamaria akaja utrafa maji, na Yesu akamukhania, "Nampa maji ninyue". \v 8 Gwasoko anafunzi vakwe nevendaa ughurya maliwa.

04/09.txt

@@ -0,0 +1 @@
+\v 9 Mukhema usuu akamkhania, "Uri veve muyahudi ugunyomba nene musamaria intu ronyua?" Gwasoko Ayahudi vitrigidahitre na Asamaria. \v 10 Yesu akamujibu, "Mpese newuune karama a Mungu, na uyui niugugukhania, 'nampa maji ninyue', jaugumuromba agufe maji a ufanga",

04/11.txt

@@ -0,0 +1 @@
+\v 11 Mukhema akajibu, "Bwana utrina ndoo otrafia, na ruji urifu. Ujoyahanga gufei maji a ufanga? \v 12 Uu veve u mukuu, hiya na baba witru Yakobo, niwagufiee ruji urui, na mweso na anakwe na mitrugho akwe ikanyua maji a gisime igii?"

04/13.txt

@@ -0,0 +1 @@
+\v 13 Yesu akajibu, "Gikaku niwanyua maji ayai ujohanga nyuetra kanki, \v 14 nyeso uyoo niwanyua maji ninamufa ne ginye ga milele".

04/15.txt

@@ -0,0 +1 @@
+\v 15 Mukhema usuu akamukhania, "Bwana nuyaromba maji asaa ntahange nyuetra, na ntakhasike uja hafai utrafa maji". \v 16 Yesu wamukhania, "Endomwiitrane mughosia wako usuke".

04/17.txt

@@ -0,0 +1 @@
+\v 17 Mukhema akahanya, "Ntina mughosya". Yesu akajibu, "Wahanyaa ija, 'ntina mughosya'; \v 18 gwasoko wina aghosya vatrano, na uyui niumukwetre fanoi tri wako. Uguirii wahanyaa tutri!"

04/19.txt

@@ -0,0 +1 @@
+\v 19 Mukhema wamukhania, "Bwana naonaa veve wi nabii. \v 20 Baba vitru vikaabudu u mulima urui. Nyeso nyenye muhanya Yerusalemu ndio gunoneye uabudu".

04/21.txt

@@ -0,0 +1 @@
+\v 21 Yesu akamujibu, "Mukhema, nyamini, ikhondo rijie, mutrijomwabudau Baba u mulima urui au Yerusalemu. \v 22 Nyenye antu muabudu igoo nimutrigimanyie, nyeso sese gumwabudu nigumumanyie, gwasoko wokovu ufumiee gwa Aahudi".

04/23.txt

@@ -0,0 +1 @@
+\v 23 Uyi noo, ikhondo rijie, na fanoi niviabudu tutri vijomwabudu Baba gwa roho na tutri, gwasoko baba uguvafenja antu niviuyi utrendeka antu vakwe. \v 24 Mungu ni Roho, na avoo nivumwabudu vinoneye umwabudu gwa tutri".

04/25.txt

@@ -0,0 +1 @@
+\v 25 Mukhema wamukhania, "Nimanyie Masihi ujie. Usuu niwaja ujogukhania ong'e". \v 26 Yesu wamukhania, "Usuu niugumuhanya uu ndio nene".

04/27.txt

@@ -0,0 +1 @@
+\v 27 Ikhondo iriro anafunzi vakwe vikasuka. Unoo vikashangaa nintuni newiighitriye na mukhema, nyeso gutrii niwamuwiye, "Usighitre ntuni" uu "Nintuni niuguighitya nayo.."

04/28.txt

@@ -0,0 +1 @@
+\v 28 Unoo mukhema akareka ng'ufa akwe wenda u mujini wakhania antu, \v 29 "Njii muone muntu niugunkhania mantu ane ong'e ninayatrendiee, unoo ugutrendeka ndio Kristo?" \v 30 Vikafuma vaja guni mweso.

04/31.txt

@@ -0,0 +1 @@
+\v 31 Mumwi anafunzi vakwe vikamusiya vahanya, "Rabi lia maliwa". \v 32 Nyeso mweso akavakhania, "Nene niketre maliwa nimutriyamanyie nyenye". \v 33 Anafunzi vagikhania, gutrii niwamuetrea intu rolia, "Uu vikaetra?"

04/34.txt

@@ -0,0 +1 @@
+\v 34 Yesu akavakhania, "Maliwa ane ni utrenda mafenji akwe uyoo niuntumiee utrenda mwimo wakwe. \v 35 Uu mutruhanya, 'kii mieri itrano na mavuno iutrendeka adahikaa?' Nuvakhania ravi mighunda niidahukie gwa mavuno! \v 36 Usuu niuguvuna ugufokea musahaa na urunda mbisya gwasoko a ufanga wa khae na khae, unoo uyoo niugufandia nayo avune viyanje vong'e.

04/37.txt

@@ -0,0 +1 @@
+\v 37 Gwasoko ihanyo irii ra tutri, 'Umwedu ugufandia muuya uguvuna'. \v 38 Nikavatruma uvuna iroo nimwinarikhasikia, vauya vatrendaa mwimo nanyee mwahefeaa ufuraha a mwimo wawe".

04/39.txt

@@ -0,0 +1 @@
+\v 39 Asamaria vaingi u muji uroo vikamwani gwasoko a ihanyo ra mukhema uyooo neugusudia, "Newankhania mantu ong'e ninayatrendie". \v 40 Unoo Asamaria nevikaja vikamusiya agikhee itrambimwe gwa matriku aviri".

04/41.txt

@@ -0,0 +1 @@
+\v 41 Vaingi vikamwamini gwasoko a ukhani wakwe. \v 42 Vikamukhania mukhema uyoo, "guhuvie tri gwa nkhani yako gwasoko see gwatregheyaa, na fanoi gukengee rutri mweso ni muchoi wa urimi".

04/43.txt

@@ -0,0 +1 @@
+\v 43 Baada amatriku aviri, akafwaya na uenda Galilaya. \v 44 Gwasoko mweso wayo newatangazaa mughanga atrina hesima u ng'ii akwe mweso. \v 45 Neakaja ufuma Galilaya, Agalilaya vikamkaribisia. Nevaonaa mantu ong'e neakayatrenda u Yerusalemu u sikunkuu, gwasoko naveso nevikuko.

04/46.txt

@@ -0,0 +1 @@
+\v 46 Neakaja kanki Kana a Galilaya kuko neakabadilisia maji atrendeka divai. Negwina ofisa mwanakwe nee murue kuko Kapernaumu. \v 47 Neakatregheys Yesu wafumaa kuko Judea na uenda Galilaya, akaenda guni Yesu na umusiya asime amuforye mwanakwe, neewififi ukuya.

04/48.txt

@@ -0,0 +1 @@
+\v 48 Yesu akamukhania, "Nyenye nimwadia uona isara na maajabu mutruhuvia. \v 49 Giongozi akahanya, "Bwana sima fang'i nikii mwanane atrinakuya". \v 50 Yesu akamukhania, "Enda mwanako mufanga". Muntu usuu akahuvia ukhani newahanyaa Yesu wafwaya.

04/51.txt

@@ -0,0 +1 @@
+\v 51 Neeugusima, atrumami vakwe vikamufokea na umukhania mwana wakwe nee mufanga. \v 52 Uyi akavawiya ni muda iki akahanga bahu. Vikajibu "Ighoo muda wa saa saba homa amurekeaa".

04/53.txt

@@ -0,0 +1 @@
+\v 53 Unoo baba wakwe akamamya ni muda ururo ne Yesu wahanyaa, "Mwanako mufanga". Uu mweso na famlia akwe vikaamini. \v 54 Iyii nee isars a gavii akatrenda Yesu neufunieeJudea uenda Galilaya.

05/01.txt

@@ -0,0 +1 @@
+\v 1 Baada a hafo negwina sikunkuu a Ayahudi, Yesu akanatria wenda Yerusalemu. \v 2 Na kuko Yerusalem neegwina ibirika u mulango wa nkhoo, neruitranwaa gwa Kiebrania Bethzatha, unoo rina matao atrano. \v 3 Antu ni arue nee vaingi, afoku ,viwete, na avoo nivipoozie nevireee u matao asaa. \v 4 Unoo uyoo ne wa mwandio uhefea mung'ii baada a maji utrendewa akatrendwa mufanga ufuma na iroo nerumukhasya.

05/05.txt

@@ -0,0 +1 @@
+\v 5 Na muntu umwedu neuwire gwa miakha selasini na nane newifo mung'ii a matao. \v 6 Yesu neakamwona uree mung'i a matao akamanya uree hafo muda urifu Yesu akamukhania, "Uuu usighitre utrendeka u mufanga?"

05/07.txt

@@ -0,0 +1 @@
+\v 7 Murue usuu akamukhania, "Bwana ntina muntu, wontendea ugibirika ni maji atibuliwa. Unoo ninusoya uhefea muntu muuya wantongea". \v 8 Yesu wamukhania, "Imika uhoe igodoro rako ufwaye".

05/09.txt

@@ -0,0 +1 @@
+\v 9 Muntu usuu akaforywa wahoa gitranda gakwe wenda. Unoo itriku risii nee Sabato.

05/10.txt

@@ -0,0 +1 @@
+\v 10 Uyi Ayahudi vikamukhania, "Rio itriku ra Sabato na utruyanjiywa uucha igodoo rako". \v 11 Akajibu uyoo niwamporyaa ndio wankhaniaa, "Hoa igodoo rako wende".

05/12.txt

@@ -0,0 +1 @@
+\v 12 Vawiya, "Anyu niwagukhaniaa?" \v 13 Unoo uyoo newaforywaa atrinamumanyaa, gwasoko Yesu newafwayaa gwa gimpihi.

05/14.txt

@@ -0,0 +1 @@
+\v 14 Yesu akamuhanga muntu usuu u hekalu wamukhania, "Rava wafoaa! Utatrende mahutye kanki ujohangwa na intu nirivi ino". \v 15 Muntu usuu akaenda uvakhania Ayahudi Yesu ndio wamuforyaa.

05/16.txt

@@ -0,0 +1 @@
+\v 16 Unoo, gwasoko a mantu ayai Ayahudi vikamukhasya Yesu, gwasoko akatrenda mantu atai itriku ra Sabato. \v 17 Yesu akavakhania, "Baba wane ugutrenda mwimo nanee fanoi nutrenda mwimo". \v 18 Gwasoko iyii Ayahudi vikazidi umufenja vimuuraghe tri gwasoko ovunja Sabato, unoo gwa umwiitrana Mungu Baba wakwe, ugugitrenda wi sawa na Mungu.

05/19.txt

@@ -0,0 +1 @@
+\v 19 Yesu akavakhania, "Amini, amini ,mwana atrudaha utrenda intu gikaku hiya na iroo niwamuonaa Baba wakwe ugutrenda, gwasoko intu gikaku ni Baba uguritrenda unoo mwana neujotrenda. \v 20 Gwasoko Baba umuyanjitre mwana , na ugumuraghia muu intu niugutrenda na ujomuaghia mantu nimakuu guliko ayai unoo muzidi usangaa".

05/21.txt

@@ -0,0 +1 @@
+\v 21 Gwasoko ginya Baba uguvafityaa akuyi, unoo mwanakwe noogumufaa niumuyanjitre. \v 22 Gwasoko Baba atrumuhukumu gikaku, unoo wamufaa mwana hukumu ong'e \v 23 unoo vong'e vimuhesimu Mwana ginya mwana niumuhesimu Baba. mweso niwadiomuhesimu mwana atrumuhesimu Baba niwamutrumie.

05/24.txt

@@ -0,0 +1 @@
+\v 24 Amini, amini, gikaku niugutregheya ukhani wane na umuhuvia uyoo niuntumiee wina ufanga wa khae na khae na atrijohukumiwa. Hiya ayo, wakiaa ufuma ugu ukuyi na uhefea ugu ufanga.

05/25.txt

@@ -0,0 +1 @@
+\v 25 Amini, amini, nuvakhania ikhondo rijiena fanoi akuyi vijotregheya ruri wa Mwana wa Mungu, na vong'e nivajotregheya vijoishi.

05/26.txt

@@ -0,0 +1 @@
+\v 26 Gwasoko ginya Baba niwina ufanga mung'i akwe mweso, \v 27 uno umufiee Mwana atrendeke wina ufanga mung'ii akwe, na Baba umufiee mwana mamlaka unoo ahukumu gwasoko ni Mwana wama Adamu.

05/28.txt

@@ -0,0 +1 @@
+\v 28 Mutrasangazwe na irii, gwasoko wakati ujie akuyi vong'e niviu makaburi vijotregheya ruri wakwe \v 29 veso vijofuma unji: gwa nivatrendiee nimaja gwa ufityo wa ufanga, nanivatrendiee nimavi gwa ufityo wa hukumu.

05/30.txt

@@ -0,0 +1 @@
+\v 30 Ntiudaha utrenda intu gikaku ufuma guni nene. Ginya nutregheyaa, ndio giya nuhukumuu na hukumu ane ni ahaki gwasoko ntufenja mafenji ane, unoo mafenji ama uyoo niuntumiee. \v 31 Mpese nugisudia nene, usudanga wane ujotrendeka wa tutri. \v 32 Gwina muuya ugusudia uhusu nene na nimanyie gwa hakika usudanga niugusudia ni wa tutri.

05/33.txt

@@ -0,0 +1 @@
+\v 33 Mwatrumaa guni Yohana unoo wasudiaa tutri. \v 34 Uyi noo, usudanga ninuufokea utrufuma u muntu. Nuyahanya ayai unoo mudahe uchowa. \v 35 Yohana nee traa niieriye, unoo nevayanjiyee ueru wakwe.

05/36.txt

@@ -0,0 +1 @@
+\v 36 Usudanga niniukwetre ni ukuu hiya na uroo wama Yohana, gwa mwimo ninafeiwee na Baba, mimo isii ninumitrendaa yusudia kuwa Baba wantumaa. \v 37 Baba newantumiee mweso wasudiaa uhusu nene. Mutinawahii utregheya ruri wakwe wala uona umbo rakwe. \v 38 Gutrii ukhani wakwe ujogikhaa mung'ii itru gwasoko mutrimuhuvie niwatrumiwe.

05/39.txt

@@ -0,0 +1 @@
+\v 39 Muyachunguza mahada mutrendiee mung'i ayo gwina ufanga wa khae na khae, na mahada asaa iusudia nkhani yane na \v 40 mutrisighitre uja guni nene ili muhange ufanga wa khae na khae.

05/41.txt

@@ -0,0 +1 @@
+\v 41 Ntufokea sifa ufuma gwaantu, \v 42 nyeso nimanyie gutrii uyanjo wa Mungu mung'ii anyu nyenye.

05/43.txt

@@ -0,0 +1 @@
+\v 43 Najiee gwarina rama Baba wane, mutrinadahaa umpokea. Ginya muya mpese wajie gwarina rane nemujomufokea. \v 44 Uu mudaha uri uamini nyenye nimufokea sifa ufuma kwa kila umwedu wanyu nyeso mutrufenja sifa niifumie guni mngu?

05/45.txt

@@ -0,0 +1 @@
+\v 45 Mutrazani nene nijovasitraka usonge ama Baba. Niuguvasitraka nyenye ni Musa, ninyenye muikiee matumaini anyu guni mweso. \v 46 Mpese nemumwamini Musa, nemunyamini nene gwasoko wahadiee uhusu nkhani yane. \v 47 Mwese mutriamini mahada akwe, mujodaha uri uamini nkhani

06/01.txt

@@ -0,0 +1 @@
+\v 1 Baada a mantu ayai, Yesu akaenda u bahari a Galilaya, unoo iitranwa bahari a Tiberia. \v 2 Mukutrano ukuu neumusambiye gwasoko vikaona isara neakaitrenda gwa arue. \v 3 Yesu akanatria unto faka gunto a mulima na akagikhaa kuko na anafunzi vakwe.

06/04.txt

@@ -0,0 +1 @@
+\v 4 (Na pasaka, sikunkuu a Ayahudi neahuviaa). \v 5 Yesu neakahumbua miho akwe gunto na uona antu vaingi vijie, akamukhania Filipo, "Gujendoghua mikatre gufei ila avai vidahe ulia?" \v 6 (Nyeso Yesu akayahanya ayai guni Filipo gwa umusoya gwasoko mweso newuune niuguritrenda).

06/07.txt

@@ -0,0 +1 @@
+\v 7 Filipo akamujibu, "Hata mikatre a samani a dinari maghana aviri itrinatoshaa unoo kila umweduuhanga hata gifande ginyuii". \v 8 Andrea na anafunzi vakwe muna wakwe Simoni Petro wamukhania Yesu, \v 9 Gwina muhumba hafai wina mikatre itrano na samaki vaviri, nyeso iyii inoneye uri gwa antu nivaingi vii?"

06/10.txt

@@ -0,0 +1 @@
+\v 10 Yesu wamukhania, "Vaikhechi antu fang'i". Unoo aghosya elufu itrano vikagikhaa fang'i. \v 11 Yesu akahoa mikatre iyoo itrano akasukuru wavagawia avoo nevigikhee fang'i. Akavagawia na samaki ginya nevisighitre. \v 12 Antu nevikaikutra, akavakhania anafunzivakwe, "Rundi ifande niyasaghaa ili gitrayaghae ikaku".

06/13.txt

@@ -0,0 +1 @@
+\v 13 Unoo vikarunda na uijwiya makafu ikimi na gaviri, ifande ya mikatrea shayiri - ifande niitrusaywa na avoo nivaliaa. \v 14 Unoo avoo nevaonaa isara iyii nevaitrendiee, "Tutri uyui ndio mughanga niujie uguurimi". \v 15 Yesu newamanyaa visighitre umukwatra ili itrendeke mutremi wawe akagibaghua, kanki na akaenda u mulima mweso imwene.

06/16.txt

@@ -0,0 +1 @@
+\v 16 Unoo nee yampindi anafunzi vakwe vikasima venda giambo. \v 17 Vikanatria u gifango unoo neviuvuka uenda Kapernaumu. \v 18 Ikhondo risii mpefo nenkuru, na bahari neachafukaa.

06/19.txt

@@ -0,0 +1 @@
+\v 19 Anafunzi vakwe nevakhua makasia, vikamwona Yesu uguenenda unto a bahari na wahuvia ifango, na vikatrija. \v 20 Nyeso akavakhania, "Ni nene mutatrije". \v 21 Unoo nevitayari umufafa u gifango , unoo ifango rikaghea guni nevinji.

06/22.txt

@@ -0,0 +1 @@
+\v 22 Itriku nerifuatie mukutrano newiimikie u bahari vikaona gutrii mutumbwi wuuya isipokuwa uroo ne Yesu na anafunzi vakwe vitriunatrie nyeso anafunzi vakwe nevafwayaa. \v 23 (Ne gwina antu na mafango awe nevifumie Tiberia fifi na guni nevaliaa mikatre baada ama Bwana ufunya shukurani).

06/24.txt

@@ -0,0 +1 @@
+\v 24 Ikhondo makutano nevamanya tri Yesu wala anafunzi vakwe nevi kuko, veso vayo vikanatria u mafango venda Kapernaumu viumufenja Yesu. \v 25 Baada o umuhanga ufande wuuya wa irambo vikamuwiya, "Rabi wajiee nanai kunu?"

06/26.txt

@@ -0,0 +1 @@
+\v 26 Yesu akavajibu, Amini, amini, mumpenja nene, tri gwasoko mwayionaa isara, unoo gwasoko mwaliaa mikatre na uikutra. \v 27 Reki utrendea mwimo maliwa niaruvikaa, uu mutrendee mwimo maliwa niifo khae na khae ni Mwana wama Adamu ujovafa, gwasoko Mungu Baba waikaa muhuri unto ayo".