Mon Mar 20 2023 09:54:15 GMT-0700 (Pacific Daylight Time)

01/01.txt

@@ -0,0 +1 @@
+\v 1 Ishitabu ishashikholo isha Yesu Klisiti umwana wa Daudi, umwana wa Ibrahimu. \v 2 U Ibrahimu ahali yise wa Isaka, Uisaka ahali yise wa Yakobo, u Yakobo ahali yise wa Yuda na bhaholo bhakwe. \v 3 U Yuda ahali yise wa Peresi nu Sera hwa Tamari, Peresi yise wa Hezeroni, u Hezeroni yise wa Ramu.

01/04.txt

@@ -0,0 +1 @@
+\v 4 U Ramu ahali yise wa Aminadabu, u Aminadabu ahali yise wa Nshoni, u Nashoni yise wa Salimoni. \v 5 U Salimoni ahali yise wa Boazi hwa Rahabu, u Boazi yise wa Obedi hwa Ruth, U Obedi yise wa Yese, \v 6 u Yese ahali yise wa mfalume u Daudi. U Daudi ahali yise wa Sulemani hwa nshi wa Uria.

01/07.txt

@@ -0,0 +1 @@
+\v 7 Usulemani ahali yise wa Rehoboamu, u Rehoboamu yise wa Abiya, u Abiya yise wa Asa. \v 8 U Asa ahali yise wa Yehoshafati, u Yehoshafati yise wa Yoramu, u Yoramu yise wa Uzia.

01/09.txt

@@ -0,0 +1 @@
+\v 9 U Uzia ahali yise wa Yothamu, u Yothamu yise wa Ahazi, u Ahazi yise wa Hezekia. \v 10 U Hezekia ahali yise wa Manase, u Manase yise wa Amoni u Amoni yise wa Yosia. \v 11 U Yosia ahali yise wa Yekonia na kaka bhakwe lwebhahegwaga abhale hu Babeli.

01/12.txt

@@ -0,0 +1 @@
+\v 12 Baada ya hwegwe abhale hu Babeli, u Yekonia ahali yise wa Shatieli, u Shatieli ahali mwizukulu wa Zerubabeli. \v 13 u Zerubabeli ahali yise wa Abiudi, u Abiudi yise wa Eliakimu, u Eliakimu yise wa Azori. \v 14 U Azori ahali yise wa Zadoki, u Zadoki yise wa Akimu u Akimu yise wa Eliudi.

01/15.txt

@@ -0,0 +1 @@
+\v 15 U Eliudi ahali yise wa Elieza, u Elieza yise wa Matani u Matani yise wa Yakobo. \v 16 U Yakobo ahali yise wa Yusufu unume wa Mariamu, yehwamwene u Yesu ahapapwilwe, yahwitwa Klisiti. \v 17 Impapo zyonti afume hwa Ibrahimu hadi hwa Daudi zyahali impapo kumi na nne, afume hwa Daudi hadi hwegwe abhale hwa Babeli impapo kumi na nne, na afume ahwegwe afume hu Babeli hadi hwa Klisiti impapo kumi na nne.

01/18.txt

@@ -0,0 +1 @@
+\v 18 Apapwe hwa Yesu Klisiti hwahali ishi. Unyina wakwe u Mariamu, ahazinjiwilwe nu Yusufu, ishi shebhasili alolane ahaloleshe aje alinivyanda hwa mpepo umfinjile. \v 19 Unume wakwe u Yusufu, ahali muntu wi lyoli zaga ahauzaga hukenyesye hubhantu. Ahamuye ahwimilisye husili.

01/20.txt

@@ -0,0 +1 @@
+\v 20 Nahasibhaga ahusu amamba iga, uwantumi uwa ngumbhi ahamfumiiye hunjozi, ahaga, "Yusufu mwana wa Daudi, usahogope humweje u Mariamu unshi waho pipo ulwanda lwali nalwo lufumiline nu Mepo umfinjile. \v 21 Abhapape umwana unsahala ubhalunkwize itawa lyakwe yu Yesu, papo anzahubhokole abhantu bhakwe ni dhambi zyabho."

01/22.txt

@@ -0,0 +1 @@
+\v 22 Gonti gahafumiye aje nkezibhombeshe zyezyayangwile nu gosi hwidala lya kuwa aje, \v 23 "Enya, u bikira ahayibha ni vyanda ahayipapa umwana uwishilume itawa lyakwe abhahukwizye yu Imanueli" -- imaana yakwe, "Ungulubhi ali natwi."

01/24.txt

@@ -0,0 +1 @@
+\v 24 U Yusufu ahadamushe mutulo na bhombe ndeshe abhantumi ngosi she bhahamuzizye na ahamwejile unshi wakwe. \v 25 Hata shinisho, sagahagonile nawo mpaka lwahapapa umwana uwishilume ahankwizya itawa lyakwe yu Yesu.

01/title.txt

@@ -0,0 +1 @@
+Sura ya 1

02/01.txt

@@ -0,0 +1 @@
+\v 1 Baada ya Yesu apapwe Mubethelehem iya Huuyahudi hu nsiku izya mwene u Herode, abhantu bhebhazizye afume humashariki iya patali bhahafishile hu Yerusalemu bhahaga, \v 2 "Ali hwoshi yapapilwe umwene wabhayahudi? Tahayilolile inzota ya humashariki nati tinzile humpute." \v 3 Umwene u Herode la ahumvwa iga ahalalamushe ni Yerusalemu youti peka nu mwene.

02/04.txt

@@ -0,0 +1 @@
+\v 4 Uherode ahabhabhunginye agosi bhaadimi bhonti na asimbi bha bhantu, ahabhabhuzya, "Klisiti abhapapwe hwi?" \v 5 Bhamuzya, "Hu Bethelehemu iya Huyahudi, ishi sheyahasimbilwe na akuwa, \v 6 Naawe Bethelehemu, munsi iya Yuda, siga ndodo peka na alongozi abha hu Yuda, pipo afume huliwe abhahwinze umwene yahayibhadima abhantu bhani abha Israeli."

02/07.txt

@@ -0,0 +1 @@
+\v 7 Isho u Herode ahabhakwizizye bhala abhazyi hu siri na hubhabhuzye aje habhalilizyo bhuli inzota iloleshe. \v 8 Ahabhatuma hu Bethelehemu, ahaga, "Bhalaji na hwenyelezye mumwanze umwana ya papilwe. Nkemwanola mundetele ihabari aje nani nkininze humpute."

02/09.txt

@@ -0,0 +1 @@
+\v 9 Baada ya manye aje bhamwimvwizye umwene bhahendeliye ashule, ni mota ila yebhahayilolile humashariki yahabhalongoleye mpa lweyahimilila pala pa mwanya umwana ahapapilwe pansi yakwe. \v 10 Lwe bhahayilola inzota bhahashiye hani.

02/11.txt

@@ -0,0 +1 @@
+\v 11 Bhahinjiye munyumba nahunole umwana yapapilwe nu Mariamu unyina wakwe. Bhamwinamiye na humpute. Bhahiguye ivintu vyabho nahumfumizye izawadi zyabho izahabu nu uvumba ni manemane. \v 12 U Ngulubhi ahabhasoshile mndoto aje bhasahawele hwa Herode, kwa hiyo bhahasoguye abhale hunsi yabho hwidala ilyinji.

02/13.txt

@@ -0,0 +1 @@
+\v 13 Baada ya sogole abhantumi bha Ngulubhi bhahamfumiye u Yusufu hunjozi ahadamushe, "Ua, humweje umwana nu nyina wakwe nu mwana na ahashimbiliye hu Misri. Mukhale hunuhwo mpaka lwe nahayibha bhuzya pipo u Herode ahumwana ili agoje. \v 14 Nunsiku u Yusufu ahadamusha na humweje umwana nu nyina wakwe ashimbilile Humisri. \v 15 Ahakhiye uhwo mpa u Herode nahafwa. Izi zyahafishiye shila Ungulubhi shahayinje ashilile hwa nkuwa, "Afume humisri inkwizizye mwana wani."

02/16.txt

@@ -0,0 +1 @@
+\v 16 U Herode, laahalola bhansufizye na bhantu abhazya, ahavitilwe hani. Ahalajizizye agoje abhana na bhonti abhishilume bhebhahali hu Bethelehemu na bhonti bhebhali pala ahwaudile amaha gabhili ahwishe pansi afume shebha yinje abhazyi.

02/17.txt

@@ -0,0 +1 @@
+\v 17 Pe twalibhombile izwi lila lyelyaha yangwilwe nukuwa u Yeremia, \v 18 "Izi lyahimvwiha hu Ramah, impungo na zonde hani, u Raheli ahabhalililaga abhana bhakwe, na ahakhanile apumilizwe pipo abhana nabhamo."

02/19.txt

@@ -0,0 +1 @@
+\v 19 U Herode lwa hafwa abhantumi bha Ngulubhi bhahamwinziye u Yusufu mutulo uhwo hu Misri na yanje. \v 20 "Bhuha umweje umwa nu nyina wakwe mubhale hunsi iya hu Israeli pipo bhahanzaga uwumi wa mwana aje bhasahagoje." \v 21 U Yusufu ahimiliye, amwega umwana nu mayi wakwe, ahinza munsi iyamu Israeli.

02/22.txt

@@ -0,0 +1 @@
+\v 22 Ishi la ahwumvwa aje u Arikelau ahali mwini wa hu Yuda pala pa yise wakwe u Herode, ahogope abhale uhwo. Baada ya Ngulubhi hunsoshe mutulo, ahasogoye abhale humukoa ugwa hu Galilaya, \v 23 ahabhalile akhale munsi yihwitwa Nazareti. Ili lyahatimiye hu zila zyezyahayangwilwe hwi dala lya kuwa aje bhasiakwizye Mnazareti.

02/title.txt

@@ -0,0 +1 @@
+Sura ya 2

03/01.txt

@@ -0,0 +1 @@
+\v 1 Munsiku zila u Yohana Umwozyo ahinzile alumbilile hunyika iya hu Yuda ahaga, \v 2 "Mulambe pipo ubhumwini uwahumwanya bhusojeliye." \v 3 Pipo unu yahayangwilwe nukuwa u Isaya ahaga, "Izwi lya muntu ya kwizya afume hujangwani; 'mubhishe tayari idala lya gosi, mugagoloshe amashilo gakwe."

03/04.txt

@@ -0,0 +1 @@
+\v 4 Ishi Uyohana ahakwite amasepe agingamia ni lamba ilyingozi musana wakwe, ishalye shakwe shahali nzije nu woshi uwa mwisengo. \v 5 Habhili Muyerusalemu, Iyuda yonti, ni sehemu yonti yeyahazyangulile isoho Iyordani bhahabhala hukwakwe. \v 6 Bhahozewaga nawo mwisoho mu Yordani bhalambaga hwangwubhi imbibhi zyabho.

03/07.txt

@@ -0,0 +1 @@
+\v 7 Lwahabhalola abhinji abhamafalisayo na masadukayo lwebhahwuzya, "Amwe mwimpapo izyi nzoha izyi sumu wenu yabhasoshile huyishimbile inkuni yihwinza? \v 8 Mupape amadondo gegahwanziwa alaabe. \v 9 Mgandi asibhe na ayanjizanye hulimwe mwe, 'Tulinawo u Ibrahimu ye yise witu.' Pipo imbabhuzya aje Ungulubhi angamwimishizya u Ibrahimu abhana afumilane na mawe iga.

03/10.txt

@@ -0,0 +1 @@
+\v 10 Intemu iliho ibhihwile hunzizi ugwi kwi. Ishi ikwi lyolyonti lyesalipapa amadondo lidumulwa na tajilwe mu mwoto. \v 11 Ihubhozya na manzi hunongwa ya lambe. Ishi umwene yahwinza badala yani ngosi kuliko ani. Nanisihwanziwa abhusye iyilyatu vyakwe. Umwene asibhozye hwa mpepo umfinjile na humwoto. \v 12 Na ulupapike lwakwe lulimunyobhe zyakwe lupepeta nziila na hwozye na abhunganye ingano zyakwe mushanga. Nantele abhapembe amakapi mumwoto wesebhuzimiha.

03/13.txt

@@ -0,0 +1 @@
+\v 13 Nantele u Yesu ahinza afume hu Galilaya mpaka mwisoho Iyorodani ahwozewe nu Yohana. \v 14 Uyohana ahandaga akhane aje, "Asahamwozye pipo u Yesu gosi ashile u Yohana?" \v 15 U Yesu ahayanga ahaga, "Nini ihurusu awe unozye, maana ihwanziwa aje inkamilisye ilyoli yonti." U Yohana pa ahamwozya u Yesu.

03/16.txt

@@ -0,0 +1 @@
+\v 16 Baada ya hwozewe u Yesu ahafumile muminzi ahenya imwaaya zyahamwigushiye, nantele ahanola umpepo wa Ngulubhi ahwiha hushifwani shinjibha na ahwimilile pamwanya yakwe. \v 17 Izwi, lyahafumile humwanya lyahaga, "Unu mwana wani uganwa. Indi ni insungwo nawo hani."

03/title.txt

@@ -0,0 +1 @@
+Sura ya 3

04/01.txt

@@ -0,0 +1 @@
+\v 1 U Yesu ahalongozowilwe nu Mpepe mpaka hujangwa ili ajelwe nu setano. \v 2 Ahafunjile insiku arobaini nunsanya na nunsiku ahali ni nzala. \v 3 Uwinjelo ahinza ahamuzya, "Ahaga awe ukewe mwana wa Ngulubhi ugobhuzye amawe iga gabhe makati." \v 4 Lelo u Yesu ahaga ahamuzya, "Iyandihwilwe, 'Umuntu sangakhala munsi umu alyanje gamakati gini, hata hwizwi lyolyonti lyelifuma hwa Ngulubhi."

04/05.txt

@@ -0,0 +1 @@
+\v 5 Habhili usetano ahantwalile mpaka munsi nyinza na humishe pamwanya hani pinyumba iyishibhanza, \v 6 na humuzye, hujenkushe awe uli mwana wa Ngulubhi, yidomosye mpaka pansi, pipo isimbilwe bhakwe bhinze bhatone nantele bhasibhusye humakhono gabho nkusahabumile mu mawe."

04/07.txt

@@ -0,0 +1 @@
+\v 7 U Yesu ahambula, "Ahaga habhili ahaga, 'Uganje hunjele u Ngulubhi waho." \v 8 Habhili, usetano ahamwega na huntwale pigamba pamwanya hani ahanolesya insi zyontiinyinza. \v 9 Ahaga, "Inzahupele ivintu vyonti ivi nkewaninamila na humpute ani."

04/10.txt

@@ -0,0 +1 @@
+\v 10 U Yesu ahabhula, "Sogolaga uyepe ipa, setano! Pipo isimbilwe ihwanziwa humpute Ungulubhi waho, umombele yuyo mwimi." \v 11 Usetano ahaneha, nahabhalola, abhantumi bhahinza humpute na humbhombele.

04/12.txt

@@ -0,0 +1 @@
+\v 12 U Yesu naahanvwa aje u Yohana akhitwe, ahasoguye mpaka hu Galilaya. \v 13 Ahasoguye Hunazareti ahabhalile akhale Hukapernaumu, yilimunshinji mu bahari ya Hugalilaya, mumpaha mmajimbo ga Zabuloni nu Naftali.

04/14.txt

@@ -0,0 +1 @@
+\v 14 Ili lyahafumiye aje likamiliswe lyelyahayangwile nu kuwa u Isaya, \v 15 "Munsi iya Zabuloni na munsi iya Naftali, abhale munsumbi mwisyila ilya Huyorodani, Hugalilaya iya hubhinsi! \v 16 Abhantu bhebhakhiye muhisi bhabhulolile umwanga ungosi hawi, na bhala bhebhahakhiye mwidala ilyifwe pamwanya ulukhozyo lukhozizye."

04/17.txt

@@ -0,0 +1 @@
+\v 17 Afume ahabhalilizyo iho u Yesu ahandile alumbilile aje, "Mulambe pipo ubhumwini uwahumwanya bhusojeliye."

04/18.txt

@@ -0,0 +1 @@
+\v 18 Lwahajendaga mushinji munsunbi iya Hugalilaya, ahabhalola aholo bhabhili, u Simoni yebhahakwizyaga yu Petro, nu Andrea ukaka wakwe, bhahatega inyavu mwusumbi pipo bhahasukulaga inswi. \v 19 U Yesu ahabhabhula ahaga, "Inzaji munfwate, imbabhabhishe mubhebhasukule abhantu." \v 20 Pinipo bhahaluleha ulwelo bhaufwata u Yesu.

04/21.txt

@@ -0,0 +1 @@
+\v 21 U Yesu lwahajendelelaga afume ipo ahabhalola aholobbhabhili abhamwabho, Yakobo umwana wa Zebedayo, nu Yohana ukaka wakwe. Bhahali mwitoli peka nu Zebedayo uyise wabho bhahasonaga ulwelo lwabho. Ahabhakwizwa, \v 22 pinipo bhahalileha itoli nu yise wabho bhope bhahanfuata.

04/23.txt

@@ -0,0 +1 @@
+\v 23 U Yesu ahabhalile Mugalilaya yonti, ahamanyizyaga mu Masinagogi gabho, ahalumbililaga ibhangili ubhumuini aponye impungo ni mbina zyonti zya bhantu. \v 24 Inongwa zyakwe zyahayeshile Isiria yonti na abhantu bhahaleta abhabhinu bhebhali ni inpungo zinyinji, bhebhahali ni mpepo izyi shifafa na bhebhapoozizye. U Yesu ahabhaponizye. \v 25 Impuga ya bhantu yahali ngosi abhantu bhebhafuataga afume hu Galilaya, na Dekapoli, na Huyerusalemu na Huyahudi na afume mwisyila ilya hu Yorodani.

04/title.txt

@@ -0,0 +1 @@
+Sura ya 4

05/01.txt

@@ -0,0 +1 @@
+\v 1 U Yesu lwahayilola impuga, ahasoguye abhale hwigamba. Lwahakhiye pansi asambilizyi bhakwe bhalinza. \v 2 Ahigula ilomu lyakwe ahabhamanyizya, ahaga, \v 3 "Hwashi abhapina bhi mwoyo pipo ubhumwini uwahumwanya wabho. \v 4 Hwashi abhaswimilizu pipi bhahayisubhizwa.

05/05.txt

@@ -0,0 +1 @@
+\v 5 Hwashi abhapole, bhahayibha bhapyani bhi insi. \v 6 Hwashi abhinzala ni shumwilwa shilyoli pipo bhahayikuta. \v 7 Hwashi abhirehema pipo bhayibha ni rehema. \v 8 Hwashi abhimwoyo umwinza pipo bhayinola Ungulubhi.

05/09.txt

@@ -0,0 +1 @@
+\v 9 Hwashi akundanyi, pipi bhabhabhe bhana bha Ngulubhi. \v 10 Hwashi bhebhayimba kwa ajili yi lyoli pipo ubhumwini uwahumwanya wabho.

05/11.txt

@@ -0,0 +1 @@
+\v 11 Hwashi amwi yemuligwa na bhantu ua yimbe na yangwe hwilenga ubhibhi kwa ajili yani. \v 12 Mushanje ua lulutile pipo amasombo ginyu magosi hwa Ngulubhi. Pipo abhantu abhahwande bhahabha yimvizye akuwa bhebhali kabla yinyu.

05/13.txt

@@ -0,0 +1 @@
+\v 13 Amwi libheya lyinsi ishi ibheya nkelitezizye uwinza wakwe selibhabhe libhe ya habhili? Selingabha lyinza habhili hu hantu hohonti, hulitaje hunzi ua akhanywe ni vinama vya bhantu. \v 14 Amwi lukhozyo lwinsi. Ikhaya yizengwilwa pamwanya pi gamba sihuyifisa.

05/15.txt

@@ -0,0 +1 @@
+\v 15 Abhantu sebhahwansya itala nahuyibhishe pansi yishikapu, ila bhabhiha pamwanya imuliha bhonti bhebhali muhati munyumba. \v 16 Muleshe ulukhozyo lwinyu lukhozye hwilongolela hwa bhantu ihwanziwa huje abhantu bhagalole amatendo ginyu aminza na huutime u Ngulubhi uwahumwanya.

05/17.txt

@@ -0,0 +1 @@
+\v 17 Msahaje ininzile ananganye indajizyo wa akuwa. Sininzile ananganye ininzile atomizye. \v 18 Amba lyoli ihumbabhuzya huje mpaka imwanya ninsi zyonti zishile nimo iyodi yeka wala inukuta yeka iyi sheria seyahayiyepa kila hantu lwehayibha tiyari.

05/19.txt

@@ -0,0 +1 @@
+\v 19 Ishi wowonti yavunza iamuli indodo mojawapo yi amli izi na hubhamanyizye abhanji abhombe isho ahwitwa ndodo hubhumwini uwahumwanya. Lakini yeyote azishikaye na kuzifundisha ataitwa mkubwa katika ufalme wa mbinguni. \v 20 Pipo ihumbabhuzya ihaki yinyu nkeseyabhashila abhaandishi ya Mafalisayo, shoshonti shila semwahayiyinjila humwanya.

05/21.txt

@@ -0,0 +1 @@
+\v 21 Mwinvwizye yahayangwilwe imandi aje, "usahagoje" 'wowonti yagoga ahayilongwa.' \v 22 Ishi ihumbabhuzya wowonti yahumvitwa uholo wakwe ahayilongwa. Na yeyote amwambiaye ndugu yake kuwa, 'Wewe ni mtu uisyefaa!' atakuwa katika hatari ya baraza. Na yeyote asemaye, 'Wewe mjinga!' atakuwa katika hatari ya moto wa jehanamu.

05/23.txt

@@ -0,0 +1 @@
+\v 23 Nkufumya isadaka yaho pashiputo ukumbuha huje uholo waho alininongwa nawe, \v 24 yileshe isadaka paushiputo ubhale ukundane nawo uholo waho nkuyinze ufumye isadaka yaho.

05/25.txt

@@ -0,0 +1 @@
+\v 25 Kundana nu unongwi waho lubhilo lulipeka nawo mwidala lwemubhala humahakama, mukundane ili usahakungwe mwigereza. \v 26 Mwitishe ihumbabhuzya semwahayibha ahinza mpaka musombe amalando gemlongwa.

05/27.txt

@@ -0,0 +1 @@
+\v 27 Mwinvwizye aje iyandihwilwe, 'Usahazini.' \v 28 Lelo ihubhabhuzya wowonti ya humwenya unshi hwahunsungwe uyo azinile nawo mumoyo wakwe.

05/29.txt

@@ -0,0 +1 @@
+\v 29 Nki ilinso lyaho ilya hulilo lihusababisya abumile ulikunye ulitaji apatali nawe. Pipo hwashi ishilungo sheka mumbili waho shinanjishe kuliko ubili ngwonti gubhale hujehanamu. \v 30 Na nkushe inyobhe yaho indilo isababisya aje ubumile, udumule yoonti uyitajle apatali nawe. Pipo hwashi ishilungo sheka shinanjishe kuliko ubili gwonti gubhale hujehanamu.

05/31.txt

@@ -0,0 +1 @@
+\v 31 Isimbilwe wowonti ya huminga unshi wakwe ampele italaka.' \v 32 Lelo ani ihumbabhuzya wowonti yahuneha unshi wakwe hunongwa yizanaa uyo amishile aje muzinzi. Na wowonti yahumwega unshi uyo wope uzinzi.

05/33.txt

@@ -0,0 +1 @@
+\v 33 Tena, mwinvwizye aje yahayangwilwe hubhala abhimandi, 'Musaha lape ilenga lelo muntwalile Ungulubhi ilape hwinyu.' \v 34 Lelo ihumbabhuzya musahalape hata hadodo hata hwimwanya pipo imwanya enzi ya Ngulubhi; \v 35 Wala hunsi pipo mahali pakwe pabhishe itengo ilyakhanyile ivinama vyakwe, wala hwa Yerusalemu, maana khaya yamwini ugosi.

05/36.txt

@@ -0,0 +1 @@
+\v 36 Usahalape hwitwe lyaho maana sungabhomba ulusisi lweka lubhe zeru au lwiru. \v 37 Lelo inongwa zyinyu zibhanje, 'Ena, ena, Ndali, ndali.' Pipo nkegonjela ipo gafuma hwa nugu.

05/38.txt

@@ -0,0 +1 @@
+\v 38 Mwinvwizye aje iyangwilwe aje, "Jicho kwa jicho, na jino kwa jino.' \v 39 Lelo ani ihumbabhuzya mugandi atolane nu muntu umibhi; Lelo umuntu nkahukhoma imbuguzi iya hulilo umpele ni lya humongo.

05/40.txt

@@ -0,0 +1 @@
+\v 40 Nu muntu wowonti yasungwa abhale nawe humahakama na afyula inkanzu yaho neshele ni joho lyaho. \v 41 Wowonti yahulazimisya ibhale umaili yeka bhala umaili zibhili. \v 42 Wowonti yahulabha umpele, yakhopa khopele.

05/43.txt

@@ -0,0 +1 @@
+\v 43 Mwinvwizye iyangwile ugane, 'Umpalamani waho, unvitwe unugu waho.' \v 44 Lelo imbabhuzya mubhagane alugu bhinyu mubhaputile bhebhalubhavisya, \v 45 Nkemubhe bhana bha daada uwahumwanya. Pipo alamya isaya likholo hwabhibhi na bhinza, imvula itonya hwa bhabhibhi na bhinza.

05/46.txt

@@ -0,0 +1 @@
+\v 46 Nkemwabhagana bhebhabhaganile amwi, mubhapate faida nshii? Mbona bhebhasongozya insoho sebhabhomba isho. \v 47 Nke mwabhalamuha aholo bhinyu bhini mubhapa ahenu ashile abhanji? Ishi!, abhantu bhinsi sebhabhomba isho? \v 48 Ishi ihwanziwa huje mubhe bhagolosu ndeshe Udada winyu uwahumwanya shali golosu.

05/title.txt

@@ -0,0 +1 @@
+Sura ya 5

06/01.txt

@@ -0,0 +1 @@
+\v 1 Uyenyaje ungandi abhombe imbo inyinza hubhantu ili huyilolesye, subhapate ifaida hwa Dada uwahumwanya. \v 2 Ishi nufumya isadaka usahayitufye sana usahabhe ndeshe abhanafiki shebhabhomba mumasinagogi na mumitaa, nkaabhantu bhabhatime semubhapae ifaida nkiimo.

06/03.txt

@@ -0,0 +1 @@
+\v 3 Lelo awe lufumya ukhona gwaho ugwa humongo gusahamanye sheshibhombeha hundilo, \v 4 ili huje isadaka yaho ufumye hu siri. Nkhu Udada waho yalola muhati abhalupele ithawabu yaho.

06/05.txt

@@ -0,0 +1 @@
+\v 5 Na luputa usahabhe, udeshe anafiki, pipo abhene bhasungwa ahwimilile na pute, mumasinagogi na mukona izya mukhaya zyabho nka abhantu bha bhenye. Lelo ihumbabhuzya bhapite ithawabu yabho. \v 6 Awe luputa injila hu hati ufunje ulwiji upuute hwa Daada uwamumwoyo udaada ya lola muhati asipele ithawabu yaho. \v 7 Nu puta ungandi pyanile inongwa zyesezili ni maana, ndeshe abhamunsi shebhabhomba pipo bhasibha abhantu bhabhahubhiuvwe pipo bhayanga inongwa inyinji.

06/08.txt

@@ -0,0 +1 @@
+\v 8 Ishi usahabhe ndeshe abhene pipo uDada aminye uhwanza henu shusile alabhe hukwakwe. \v 9 Uputaje ishi: Dada witu uwahumwanya itawa lyaho lyimishilwaje. \v 10 Ubhumwini waho winze, ulugano lwaho lubhombeshe pansi na humwanya.

06/11.txt

@@ -0,0 +1 @@
+\v 11 Utipele ishalye shitu insiku zyonti. \v 12 Utukhobhoshele amalando gitu, ndeati shetihubhakhobhoshela abhimalando bhitu. \v 13 Usahatipe injelo, utidime nu setano.

06/14.txt

@@ -0,0 +1 @@
+\v 14 Nkemwabhakhobhoshela abhantu amalando gabho, Udada winyu uwahumwanya abhahubhakhobhoshele namwi. \v 15 Nkushe mubhabhakhobhoshele abhantu Udada abhabhakhobhoshele makosa ginyu.

06/16.txt

@@ -0,0 +1 @@
+\v 16 Hu gonti, lufunga usahalolesye uzugunizu humaso ndeshe abhanafiki shebhabhomba bhazugumila humiso nke abhantu bhamanye aje bhafunjile. Lyooli ihubhuzya bhapite ithawabu yabho. \v 17 Lelo, lufunga pahala amafuta hwitwe lyaho uyoje hunaso. \v 18 Subhaloleshe humaso gabhantu aje ufunjile, u Ngulubhi mweene yabhamanye Udada yamanya muhati abhahupele ithawabu yaho.

06/19.txt

@@ -0,0 +1 @@
+\v 19 Usahabhishe amali gaho munsi umu zinanjiha na bhole na bhibha bhahwibha. \v 20 Badala yakwe, abhishe amali gaho hwa Ngulubhi, sibhahwibha, sigabhola wa segananjiha. \v 21 Pipo amali gaho pegali umwoyo waho pebhubhabhe.

06/22.txt

@@ -0,0 +1 @@
+\v 22 Ilinso lukhozyo lwi bili. Nkushele, ilyinso lyaho lyumi ubili wonti, bhubhabhe nulukhozyo. \v 23 Nkushele ilyinso lyaho lifwiye, ubili waho wonti bhuli hisi haani. Ishi nkulukhozyo lweluli muhati muliwe hisi ahagosi ndeshe bhuli! \v 24 Numo nka weka yangabha na lume bha bhili, pipo abhahunvitwe unu na hugane uwinji lumo abhahwepe hwunu abhahu sufye uwinji. Hamuwezi kumtumikia Mungu na mali.

06/25.txt

@@ -0,0 +1 @@
+\v 25 Ishi ihuhabhe nu sanje ahusu amaisha gaho aje ubhalyeshi, ubhamweleshi, ahusu ubili waho ubhakwate shi! Amaisha se haani yi shalye ubili haani yi meenda? \v 26 Enya inyonyi zyezipuluha humwanya. Saazitota sazivunza sazibhunganya na bhishe mushanka, lelo Udada uwahumwanya ahuzilisya. Je amwisemulibhi maana hani kuliko inyonyi?

06/27.txt

@@ -0,0 +1 @@
+\v 27 Weemu hulimwe uwahuyitamye ankayonjezya idhiraa yeka huwomi wimaisha gakwe? \v 28 Ye enu mubha musaga aje yibhakwate nshi? Msubhilile amaua mmashamba shegabha segabhomba imbombo segahuyikwatizya. \v 29 Bado ihumbabhuzya hata yu Sulemani nu tuntumu wakwe saga ahakwatiziwilwe mojawapo yiga.

06/30.txt

@@ -0,0 +1 @@
+\v 30 Nkushele Ungulubhi ahugakwatizya amasole agamumagunda, gegakhala isiku lyeka ni ndabhi gatagwa mumwoto je bhulibhuli angabhakwatizya amwi mwemuli nulwitiho uludodo? \v 31 Eshi musahasaje aje, 'Je tibhalyeshi?' au "Je tibhamweleshi?" au "Je tibhakhwate menda bhuli?"

06/32.txt

@@ -0,0 +1 @@
+\v 32 Pipo abhinsi bhahuganza amambo iga, nu Dada winyu uwahumwanya aminye aje muhuganza igo. \v 33 Ishi nasuti mwanze ubhumwini wakwe ni lyoli yakwe nigo gonta gabhahwonjeleshe huliwe. \v 34 Ishi usahalole usahasaje kwa ajili yi ndabhi, pipo indabhi zibhamanyishe hunuhwo. Isiku lyolyonti likwiliye hwi tatizizo lyakwe.

06/title.txt

@@ -0,0 +1 @@
+Sura ya 6

07/01.txt

@@ -0,0 +1 @@
+\v 1 Nkulonga, nawe wahayilongwa. \v 2 Alonje shuloonga nawe wahayilongwa na shuhubhapimila abhantu nawe wahayi pimilwa shinisho.

07/03.txt

@@ -0,0 +1 @@
+\v 3 Yeenu uhwenya ishipande shikwi sheshili mwilyinso holo waho suminye ishipande shikwi shesheli mwilyinso lyaho ikwi liliho mwilyinso lyaho? \v 4 Unganda bhuli ayanje hwa holo waho aje ambaihwefwe ishipande sheshili mwilinso lyaho, wakati nawe wayo ulinasho mwilinso lyaho? \v 5 Ulinilenga awe; kwanza uyefwe ishipande sheshili mwilinso lyaho, nkubhahwefwe ahinza ishipande isha mwilinso lyaholo waho.

07/06.txt

@@ -0,0 +1 @@
+\v 6 Usahazipele imbwa ivintu ivyinza usahazisumbile ungurubhi ishalye ishinza zinzananganye na khanye ni vinama habhili bhanza hulye nawe.

07/07.txt

@@ -0,0 +1 @@
+\v 7 Labha ubhaposhele. Anza, nawe ubhapate. Khoma ihodi, anzahuhwigulile. \v 8 Pipo ya labha aposhela, na wowonti yahwanza aposhela. Umuntu yakhoma ihodi, ahumwigulila. \v 9 Aliho humwinyu umuntu umwana wakwe nkalabha umukate ahupela iwe? \v 10 Au nkanabha isamaki ahupela inzoha?

07/11.txt

@@ -0,0 +1 @@
+\v 11 Nkushele, mubhimbibhi muminye hubhapele abhana bhinyu ivintu ivyinza, Je! Ungulubhi wenyu uwahumwanya sangabhapela hanii ivyinza bhebha hunabha umweene? \v 12 Ishi shuhwanza huje ubhombelwe na bhanji, nawe shubhombaje hwamwinyu, pipo izyo ndajizyo zya kuwa.

07/13.txt

@@ -0,0 +1 @@
+\v 13 Mwinjile mulwiji unyeela. Pipo ulwiji lugosi idala ligosi lyelilongozya humwoto abhantu bhinji bhebhabhala idala ilyo. \v 14 Ulwiji unyeela lwa huwomi, abhantu bhadodo bhebhahwinjila umwo.

07/15.txt

@@ -0,0 +1 @@
+\v 15 Muyenyaje na kuwa abhilenga, bhebhahwinza bhakwite ikwembe ilyingole, lakini muhati mbwa londe ihali. \v 16 Mubhabhamanye amadondo gabho. Je abhantu bhangatungula amadondo muminvwa, au mwikwi humbeyu iyi mbaruti? \v 17 Ishi ikwi lyolyonti, ilyinza lipapa amadondo aminza, lakini ikwi ibhibhi lipapa amadondo amabhibhi.

07/18.txt

@@ -0,0 +1 @@
+\v 18 Ikwi ilyinza salingapapa amadondo amabhibhi, wala ikwi ibhibhi selingapapa amadondo aminza. \v 19 Ikwi lyolyonti lyesagalipapa amadondo aminza litemwa na pembele umwoto. \v 20 Abhantu abha bhibhi ubhabhamanye amadondo gabho.

07/21.txt

@@ -0,0 +1 @@
+\v 21 Siga muntu wowonti yayiga, 'Ngurubhi, Ngulubhi,' yahayiyinjila hubhumwini uwahumwanya, ila yuyula yabhomba inyinza zya Ngulubhi uwahumwanya. \v 22 Abhantu abhinji isiku ilyo bhahayiyiga 'Ngulubhi, Ngulubhi, twahafumizye ukuwa hwitawa lyaho, hwitawa lyaho twahabhombile amambo minji aminza amagosi?' \v 23 U Ngulubhi ahayibhabhu aje, 'simbaminye mwepe! Ipa amwe, mubhabhomba imbibhi!'

07/24.txt

@@ -0,0 +1 @@
+\v 24 Ishi kila muntu yahwinvwa amazwi gani na hugitishe alingana nu muntu uwihekima yazenjile inyumba yakwe pamwanya pa mawe. \v 25 Invura yatonya, awinzi gamema ahanvulungwe hinza hayikhoma inyumba iyo seya, gwa pansi pipo yahazengwilwe pamwanya pamawe.

07/26.txt

@@ -0,0 +1 @@
+\v 26 Lelo umutu wowonti yahwunvwa uzwi lyani lyani sahulyitiha uyo abhafane nu muntu umpumbavu yazenga inyumba yakwe pamwanya pansanga. \v 27 Invula yinza, na minzi gamema na hamvulungwi hinza hayikhoma inyumba iyo yagwa na malishe pepala."

07/28.txt

@@ -0,0 +1 @@
+\v 28 U Yesu lwa hamala ayanje amazwi iga, abhantu bhahaswijile lwa hamanyizyaga. \v 29 Pipo ahamanyizyaga ndeshe umuntu uwimamlaka siyo ndeshe asimbi bhabho.

07/title.txt

@@ -0,0 +1 @@
+Sura ya 7

08/01.txt

@@ -0,0 +1 @@
+\v 1 U Yesu lwahiha pansi afume mwigamba, impuga ya bhantu yahasojeliye. \v 2 Umukoma umo ahasugamiye hwilongolela lyakwe ahaga gosi inlabha umponye." \v 3 U Yesu agolosyaa inyabhe yakwe ankhata amponya apona unkoma wepa.

08/04.txt

@@ -0,0 +1 @@
+\v 4 Uyesu amuuzya aga, "Usahayanje hwa muntu wowonti. Bhalaga uyilolesye hwa mputi ufumye ni sadaka ye u Musa ahalajizizye ajili yiushuhuda hubhabhinu bhebhaponile mbina"

08/05.txt

@@ -0,0 +1 @@
+\v 5 U Yesu lwahafiha hu Kapernaumu, un'gosi umo ahinza ahamuuzya \v 6 ahaga, "Gosi uwimbombo wani agonile hukhaya apoozizye ivinama vibhabha haani." \v 7 U Yesu aga ishi, "Imbahwinze humponye."

08/08.txt

@@ -0,0 +1 @@
+\v 8 Ugosi ayanga aga, 'Yesu, ani si ndinithamani mapaka uyinjile muhati munyumba yani yanga izwi lwene uwimbombo abhapone. \v 9 Pipo ani indi na mamlaka, indina sikari bhebhali pansi yani. Nkenaga bhala 'nkenaga inza ahwinza nuuwimbo wani abhomba shinisho.' \v 10 U Yesu lwaahinvwa iga, ahaswijile nahubha bhuzye bhala bhebhahafwataga, "Lyoli ihumbabhuzya sindolile nkalumo umuntu uwilwitiho mu Israeli.

08/11.txt

@@ -0,0 +1 @@
+\v 11 Ihubhabhuzya, bhinji bhahayiyinza afume humashariki na humagharibi, bhabhakhale pameza peka nu Abrahimu, Isaka, nu Yakobo, hu bhumwini uwahumwanya. \v 12 Lelo abhana bhibhumwini bhahayitagwa huhisi ha hunzi, hwehwaha yibha na lile na sye amino." \v 13 U Yesu ahamuzya ugosi, "Bhalaga! ndeshe shuyitishe zibhombeshe shinisho huliwe uwimbombo ahaponile isaa yiyila.

08/14.txt

@@ -0,0 +1 @@
+\v 14 U Yesu lwahafiha hukhaya hwa Petro, ahanola umayivyala wakwe wa Petro agonile abhinile inzegema. \v 15 U Yesu ahakhata inyobhe yakwe ni nzegema yepa apona. Adamuha ahande humpute hubhombele imbombo.

08/16.txt

@@ -0,0 +1 @@
+\v 16 Lwe hwabha lyabhela, bhahabhaleta hwa Yesu abhantu abhimpepo. Abhaputila impepo zyepa bhapona. \v 17 Pepinipo gahaloleshe gala gegahayangwilwe nu ukuwa u Isaya aje, "U Yesu ahejile inpungo zyitu na ahazibhusizye imbina zyitu"

08/18.txt

@@ -0,0 +1 @@
+\v 18 U Yesu lwahalola abhantu bhabhungine bhanzyunguliye, ahajile bhabhale uupande uwinji uwi nsumbi iya hu Galilaya. \v 19 Unsimbi ahinza hwa Yesu ahaga, "Mwalimu, imbahufwate poponti pubhala." \v 20 U Yesu amuzya imbweha zilina mina ni uyonyi zilinivyanswi, lakini u Yesu sali ni nyumba na pagone na pamo."

08/21.txt

@@ -0,0 +1 @@
+\v 21 Umwanafunzi uwamwabho ahamwuzya ahaga, "Gosi ilabha uruhusa imbale insyile uyise wani." \v 22 Lakini u Yesu ahamuzya ahaga, "Unifwate, bhaleshe abhafwe bhasyilane bhibho."

08/23.txt

@@ -0,0 +1 @@
+\v 23 U Yesu na ahinjila mwitooli, abhanafunzi bhakwe bhahinjiye mwitooli. \v 24 Aminzi, gaha yingana munsumbi mpaka itooli lyahagubishilwe na minzi, lakini u Yesu ahagonile. \v 25 Abhanafunzi bhakwe bhahinza hudamusye bhahaga twokole tihwanda afwe!"

08/26.txt

@@ -0,0 +1 @@
+\v 26 U Yesu ahaga, "Muhwogopanshi, mubhilwitiho uludodo?" Ahadamuha na huyikhajile impepo ni nsumbi pamandi hwabha myee, \v 27 abhalume bhahaswijile bhaga, "Umuntu unu alibhulibhuli huje ni mpepo izya munsumbi zihumwitiha umwene?"

08/28.txt

@@ -0,0 +1 @@
+\v 28 U Yesu lwa ahinza hunsi iya Magadala, abhalume bhabhili bhahali ni mpepo bhahakhomana nawo. Bhahafumiye humbipa bhahali bhakhali haani numo umuntu wahashilaga idala lila. \v 29 Bhahakholile na jeishi, tilinahenu nawe mwana wa Ngulubhi? Uyinzile ipa hutiyinvye ahabhalilizyo she hasili?"