miq-HN-miskitu_mrk_text_reg/14/43.txt

\v 43 Kau Jîsas aisi kan taim, Judas balan, witika disaepel tuep (12) tilaba wina kum kata,  bara upla ailal sord nani dus nani brih witin wal aula kan; baha nani ba prîs wihta wina, Lâ Smamalkra wina, bara Ju almukka wina sin. \v 44 Judas witinka miha Jîsas waihla mihtara manki kanba, sain kum yaban naku wisi: "Yaura kiawalamna ba baha sika; man nani alcks, bara pain pali priski brih was". \v 45 Bara Jîsas lamara bal, win:  "¡Smamalkra!" Bara witinra kiawalan. \v 46 Bamna waihla nini mita Jîsas ra alki, wilki muni Prîs tara ba watlara  brihwan.