\v 3 smalkankiba mistik apu kan, taski laka apu, kunin laka apu. \v 4 Dawan dia want bakat daukri, baku lika kasak lukma turi yamnira, ba taka ba mita aisari. Waitna brin daukiba lika apia, sakuna Dawan brin daukiba. Dawan (WINTIN) sika kupia kat kaikiba.
\v 7 Ba taka ba mita yang nani wari man nani tilamra yapti kum ailuhpia silpira ra maisan iki ba baku. \v 8 Baku man nani ra maikaikri. Yang nani lilia katna man nani wal, Dawan, turka yamni baman apia sakuna rayaki ba sin nanara man nani laituakira takram. \v 9 Muiki nani, kupian kraukibas, war ki karna. Taki ban wi katna timiara an kaknara man nanira wiriki kumisi maikaya lukraskapri, Dawan turka yamni smalki kapri yuara.
\v 10 Manani ba witniskisma, an Dawan sim, nahki hulisa, daukan kiba kasak kata man nani lalukriki mam wanra. \v 11 Baku sim nahkara, man nani nusma yang nani maismalkri an tambaikri man nani kumi banira. Sin aisa kum ailuhpiara smalkiba baku, maisanikamna an witnikam aisikamna. \v 12 Man nani daukan kam ba dawan ra kulki tauki kama, Witin wan paiwan ai kingka laka praina ba sin Witin dukiasa.
\v 13 Baha takaba mita yang nani sin Dawan ra tinki wisna takas kras. Man nani Dawan turka yamni maikri walram yang nani wina, alki briram upla bila baku lika briras katma, sakuna, alki briram kasak aihwa, bilana na Dawan bila. Naha bila man nani tilam ra wark daukisa ya kasak lukibara.
\v 14 Bahamna muihki nani, Dawan sutska Judia ra takan ba baku man nanira sim satka maitakan, man nanîba sim natkara pat wauhra kantri, uplika iu nani mita nina bliki rou saukan baku. \v 15 nahayu nani sika Dawan Jisas ban ikan prapit nanira ikan ba baku. Bara yu nani bui kanbi aisakan. Witin nani ba Dawan want ba daukras, upla sut mapara bui ban wisa. \v 16 Witin nani bui aikan Asaras kat yantin (yuapra) nanira swaki sakan kabia ba mata. Baku natkara ai saurkaba bankan sakuna laskat Dawan klalka kaubia.
\v 17 Muihki yang nani man nani wina yu wiria dakwi takri, la mawina, kupi wina lika apia. yang nani wih maikaikan aidaukikan. \v 18 Bahamna brin aidaukibanwikan man nani waya yang pâl aima manis waya lukri sakuna Sitan ba mita alki aitakaskan. \v 19 Sakuna ¿Aniba sa yang nani kainira diara bila kaikisnaba, liliakiba, u mayunra kraunkaba, wan Dawan Jisas balbia mawan ra? ¿Man nani wala ba baku apiasma? \v 20 Kan man nani lika yang nani prainasma an liliakiba.