auto save

01/01.txt

@@ -1 +1 @@
-\v 1 \v 2 \v 3 This is Chuck typing in this chunk.
+\v 1 chuck changing a chunk....Tabea waki si Yakobus, hamba ni Empung wo ni Tuhan Yesus Kristus, wia se mapulu’ o rua suku waki pasengkotan. \v 2 Patuariku waya, papokeiy mola tanume e nesa ka’aruiyan, sakawisa kouw i kawolon witu e reiy’ sa mina’asa pewa’awa’an, \v 3 karengan nikouw kouw mete’u, kaa e nujian witu e imanmu i ti’i e minua’la katenteman.

01/04.txt

@@ -0,0 +1 @@
+\v 4 Wo i waya mola eng katenteman i ti’i  maka’ato  wu’ana  wowos, rio kouw mamuali  reiy’ siperoan wo lekep wo  reiy’ sikinakurangan  sapa i te tu’u. \v 5 Ta’an sakawisa witu e nelet miouw  wawean sikinakurangan hikmat, satorona nisia si makiweela  nyi’a wia si Empung, – si mineela wia em baya ne tou ampit e mura ate wo ampit e reiy’ mebangki-bangkil –, takar eng kapualitan i ti’i e laa i weela wia nisia.

01/06.txt

@@ -0,0 +1 @@
+\v 6 Satorona sia si kumiwee nyi’a witu e iman, wo kasa reiy’ toro meware-wareng, karengan sitou meware-wareng si masuat ampit em balolongan en tasik, si’i   pelengki-lengki’la e reghes mea o meiy. \v 7 Sitou tuana te’a mouw sia mawona’la, kaa nisia si laa maka’ato wo’o sapa wia si Tuhan. \v 8 Karengan sitou rimua ate si reiy’ laa lumompon witu em patou-touanna.

01/09.txt

@@ -0,0 +1 @@
+\v 9 Le’osouw si patuari witu eng ka’ada’an kakumengan si sumawa’ karengan eng kinaruberanna e rakek, \v 10 wo sitou kaya karengan eng kinaruberanna eng kumeng karengan nisia si laa mere’i tanu wungangna e rukut. \v 11 Karengan si endo si rimetik ampit em pasu’na te’etel wo minelesla e rukut i ti’i, i ka’ayo rima’araghouw em bungangna wo mina’apu mouw en sena’na. Tuana mouw kangkasi eng kapualitanna ampit sitou kaya; witu eng keuneran e reiy’ sa mina’asa  pe’inakutanna nisia si laa mere’i.

01/12.txt

@@ -0,0 +1 @@
+\v 12 Ma’aruiyola sitou timaang witu em pewa’awa’an, karengan sakawisa sia taangouw uji, nisia si laa maka’ato mahkota em patou-touan neiy i ta’arla ni Empung wia si seiy i te si meupusla Nisia. \v 13 Sakawisa siesa tou si wina’awa’ala, te’a mouw sia lumila’: “Em pewa’awa’an i yi’i e waki si Empung o meiy!” Karengan si Empung si reiy’ mete’u i pewewa’awa’la ni lewo’, wo Nisia nuesa si reiy’ mewewa’awa’la si seiy i te tu’u.

01/14.txt

@@ -0,0 +1 @@
+\v 14 Ta’an susur tou si’i pewa’awa’la eng kepa’aranna nuesa karengan nisia si kineong wo niaruiy nyi’a. \v 15 Wo sakawisa eng kepa’aran i ti’i e winu’anola, nisia si mapatoula en dosa; wo sakawisa en dosa i ti’i minawowosola, nisia si tumiea’la e maut. \v 16 Patuari waya si’i koupusku, te’a mouw seip!

01/17.txt

@@ -0,0 +1 @@
+\v 17 Susur en tetaber le’os wo susur e anugerah lekep, waki atas o meiy, neiy i tumpami waki si Ama’ e reiy’ sa mina’sa terang; wia-Nisia reiy’la peroba’an ka’apa bayangan karengan e mineteto’oran. \v 18 Witu eng kepa’aran-Na nuesa Nisia si simiwo mola nikita kaa e nuwu’ eng kaulitan, rio kita witu e ransun neiy i ketantu kita mamuali oki’ polon witu e nelet em baya en siniwo-Na.

01/19.txt

@@ -0,0 +1 @@
+\v 19 Heiy patuari waya i koupusku, ghenangenouw eng kapualitan i yi’i: susur tou satorona si repet laa luminga, ta’an si ngerer laa matoto-totor, wo kangkasi ngerer laa meupi’; \v 20 karengan e nupi’ ni tou e reiy’ mepa’ayangla eng kaulitan witu en sinaru ni Empung. \v 21 Kaa ni’itu i tea’ mouw e reiy’ sa mina’asa wo’o sapa eng kotor wo eng kalewo’an tuana eng kelaker i ti’i wo sungkulenouw ampit e rinda e nuwu’ neiy i ketanem witu natemu, e makakuasa melelawirla e imukurmu.

01/22.txt

@@ -0,0 +1 @@
+\v 22 Ta’an satorona kouw mamuali tumetuana e nuwu’ wo reiy’ lumelinga i te; karengan sa reiy’ tuana nikouw kouw lime’ekok en tou nuesa. \v 23 Karengan sa siesa tou si malinga e nuwu’ i te wo si reiy’ matuanala nyi’a, nisia nyi’a mouw si peulurela siesa tou kasuatan mengeti-ngetip eng giona ulit witu en sinaru en sereming. \v 24 En tare mouw i te sia nu limoo’ eng giona, nisia si minea mouw ka’apa si makarengan lumiurla sa kumura eng giona. \v 25 Ta’an seiy i te si sumoisap e nukum kalekep, nyi’a i ti’i e nukum mamerdekala sitou wo nisia si timentem witu nyi’a, jadi  reiy’kan i te liminga kaa laa meleliurla  nyi’a, ta’an si kasa uli-ulit matuanala  nyi’a, nisia si laa ma’aruiy kaa em pasiwo-siwonna.

01/26.txt

@@ -0,0 +1 @@
+\v 26 Sa wona’ wawean siesa tou mapokeiyla en touna e meraghes, ta’an si reiy’ tumaang e lila’na, nisia si male’ekok en touna nuesa, takar e minaghio mouw e raghesna. \v 27 E raghes murni wo e reiy’ siwalulang witu en sinaru ni Empung, Ama’ ta, nyi’a mouw e melalesla se ula wo se balu-balu witu eng kasusa’an nea, wo mategha-tegham rio en touna nuesa e reiy’ kewurela eng kaoatan.

01/title.txt

@@ -0,0 +1 @@
+Pasal 1

02/01.txt

@@ -0,0 +1 @@
+\c 2 \v 1 Patuariku waya, tanume sitou maka iman wia si Yesus Kristus, Tuhan ta si mulia, te’a mouw e iman i ti’i  patuanan niouwla ampit  maloo’ eng gio. \v 2 Karengan, sa wawean siesa tou si ghumorem witu eng gorem em pengengerurannu ampit  minake  sesolong mas wo e labung wangun wo  mineiy kangkasi witu siesa tou miskin si minake  labung wuruk, \v 3 wo nikouw kouw maormatla sitou minake  labung wangun i ti’i wo lumila’ wia nisia: “I laa mouw tuang rumuberouw witu en tampa  le’os i yi’i!”,  kasuatan wia sitou  miskin i ti’i kouw limila’: “Rumedeiy mouw weti’ila!” ka’apa: “Rumuberouw wia em bela i yi’i  reten eng kinontoiyan ne’aku!”, \v 4 reiy’ ku’a re’en nikouw kouw simiwo mouw em pemange’anan witu eng gorem e natemu wo mawinta’ tanume si akim ampit eng genang  lewo’?

02/05.txt

@@ -0,0 +1 @@
+\v 5 Linganola, heiy patuari waya neiyku i koupusla! Reiy’ ku’a re’en si Empung si mineleng se tou-tou i papokeiyla miskin eng kaoatan i yi’i kaa se laa mamuali kaya witu e iman wo se mamuali ahli waris eng Keraja’an neiy mouw i ta’ar-Nala wia si seiy i te si meupusla Nisia? \v 6 Ta’an nikouw kouw simero’ mola se tou-tou miskin. Reiy’ ku’a re’en kaa awes tare se tou-tou kaya se lume’ek nikouw wo se kumeong nikouw witu em paadilan? \v 7 Reiy’ ku’a re’en nisea se minojat e Ngaran  mulia, kaa-Nyi’a  kouw minamuali kapunya’an ni Empung?

02/08.txt

@@ -0,0 +1 @@
+\v 8 Ta’an laa, sa wona’ kouw makelangla e nukum kasa i paketa-ketare neiy i kepatik witu eng Kaol Suci: “I koupusola si kasuat en toumu tanukan en toumu nuesa”, nikouw kouw simiwo e le’os. \v 9 Ta’an, sa wona’ kouw maloo’ eng gio, kouw simiwo en dosa, wo kaa e nukum i ti’i minamuali pakaloo’o-loo’ola, kaa nikouw kouw timuanala eng kaselokan.

02/10.txt

@@ -0,0 +1 @@
+\v 10 Karengan seiy i te si maki’itla e minapekasa ukum i ti’i, ta’an si kimawila e nesa weteng witu nyi’a, nisia si simelok witu e minapekasa nyi’a. \v 11 Karengan Nisia si limila’la: “Te’a masiwo en zinah”, Nisia si limila’la kangkasi: “Te’a mawunu’”. Jadi sa kouw reiy’ masiwo en zinah ta’an kouw mawunu’, takar nikouw kouw minamuali lumelangkoiy e nukum kangkasi.

02/12.txt

@@ -0,0 +1 @@
+\v 12 Lumila’ mouw wo matuana mola tanu se tou-tou laa pa’akimen e nukum mamerdekala sitou. \v 13 Karengan em paakiman e reiy’ maka tongkoupusen e laa paken wia sitou reiy’ maka tongkoupusen. Ta’an en tongkoupusen e laa muntung witu em paadilan.

02/14.txt

@@ -0,0 +1 @@
+\v 14 Sapa ku’a re’en eng ka’ara’anna, patuariku waya, sa siesa tou si lumila’la, kaa nisia si makapunyala iman, e nulitna nisia si reiy’ makapunya em pasiwo-siwon? Toro ku’a re’en e iman i ti’i lumawirla nisia? \v 15 Sa siesa kalo ka’apa karia si reiy’ makapunya  labung wo  reiy’ awes eng kumaan susur nendo, \v 16 wo siesa witu e nelet miouw si limila’: “Tabea i kelangouw, Pakenola e roko’ pasu’ wo kumaanola i ka’ayo mawesu!”, ta’an nisia si reiy’ mineela wia nisia sapa em pemandungen e nouwakna, sapa ku’a re’en eng ka’ara’anna  e ni’itu? \v 17 Tuanakan kangkasi eng kapualitanna ampit e iman: sa e iman i ti’i e reiy’ rinapitla em pasiwo-siwon, takar e iman i ti’i witu e nulitna nyi’a mouw e minate.

02/18.txt

@@ -0,0 +1 @@
+\v 18 Ta’an wo’o wona’ wawean tou si limila’: “Wia nikoo wawean e iman wo wia niaku wawean em pasiwo-siwon”, niaku ku laa mingkot nisia: “I papa’ato mola wia niaku e imanmu i ti’i sa reiy’ ampit em pasiwo-siwon, wo niaku ku laa mapa’atola wia nikoo e imanku witu em pasiwo-siwon – pasiwo-siwongku.” \v 19 Nikoo koo ma’eman, kaa wawean i te esa Empung? Ni’itu e le’os! Ta’an se setang-setang tu’u kangkasi se ma’eman witu eng kapualitan i ti’i wo nisea se matenggo’ogho’. \v 20 Heiy tou ba’abal, pa’ar ku’a re’en koo maakula en teakan, kaa e iman reiy’ ampit em pasiwo-siwon nyi’a mouw e iman reiy’ sisapa?

02/21.txt

@@ -0,0 +1 @@
+\v 21 Reiy’ ku’a re’en si Abraham, ama’ ta, si neiy i ulitla karengan em pasiwo-siwon – pasiwo-siwonna, katoroan nisia nu mesesempela si Ishak, urangna, witu natas e mezbah? \v 22 Loo’on niouw, kaa e iman   mepa’ayang mewali-wali ampit em pasiwo-siwon – pasiwo-siwon wo kaa em pasiwo-siwon – pasiwo-siwon i ti’i   iman e minalekep. \v 23 Ampit e lalan tuana mina lekepouw e nats  limila’la: “Laa o ma’emanouw si Abraham wia si Empung, takar si Empung si minaparekenla eng kapualitan i ti’i wia nisia  tanume eng kaulitan.” Kaa ni’itu si Abraham si tinotor: “Kalo ni Empung.” \v 24 Jadi loo’on niouw, kaa sitou neiy i ulitla karengan em pasiwo-siwon – pasiwo-siwonna wo reiy’ i te karengan e iman.

02/25.txt

@@ -0,0 +1 @@
+\v 25 Wo reiy’ ku’a re’en tuana kangkasi si Rahab, si pelacur i ti’i, si neiy i ulitla karengan em pasiwo-siwon – pasiwo-siwonna, katoroan nisia nu kimirongla se tou-tou neiy i reo i ti’i witu eng gorem em balena, laa o tumulung nisea limempot timoro  e lalan walina? \v 26 Karengan tanu e nouwak reiy’ ampit e roh nyi’a mouw e minate,  tuana mouw kangkasi e iman reiy’ ampit em pasiwo-siwon – pasiwo-siwon  nyi’a mouw e minate.

02/title.txt

@@ -0,0 +1 @@
+Pasal 2

03/01.txt

@@ -0,0 +1 @@
+\c 3 \v 1 Patuariku waya, te’a mouw laker tou witu e nelet miouw o pa’ar mamuali guru; Karengan nikita ta mete’u, kaa sa kita tanume si guru kita laa akimen i ki’it e nukuran lebe wuter. \v 2 Karengan nikita nu waya kita simelok witu e laker kapualitan; seiy i te si reiy’ simelok witu e lelila’anna, nisia nyi’a mouw sitou lekep, si toro kangkasi mengulinla e minapekasa nouwakna.

03/03.txt

@@ -0,0 +1 @@
+\v 3 Nikita ta minakela en tom witu en semur ni kawalo, i ka’ayo sia maki’itla sapa eng kepa’aran ta, ampit e lalan tuana nikita ta toro kangkasi mengulinla e minapekasa nouwakna. \v 4 Wo loo’on i tela eng kapal-kapal, ma’anouw tu’u tu kasa sela wo ni’i paoghela e reghes ente’, ta’an en toro ulinen e ne’ulin kasa rintek kumi’it eng kepa’ar ni mengulin.

03/05.txt

@@ -0,0 +1 @@
+\v 5 Tuanakan kangkasi e lila’, ma’anouw tu’u tu esa weteng rintek witu e nouwak, ta’an en toro mesawa’la em perkara-perkara wangko’ Loo’onouw, kumura tu’u eng karintekna e napi, nisia si toro tumunu en talun kasela. \v 6 E lila’ tu’u nyi’a mouw e napi; nisia si tanula e nesa kaoatan eng kalewo’an wo e minedo tampa witu nelet e weteng-weteng e nouwak ta tanume sapa en toro sumeringla e minapekasa nouwak wo lumayasla e wola patou-touan ta, kasuatan nisia nuesa si linayasla e napi naraka.

03/07.txt

@@ -0,0 +1 @@
+\v 7 Em baya en jenis ne tekapen siru, burung-burung, ma’an se tekapen-tekapen maanap wo se tekapen-tekapen en tasik se toro ninaramla wo se ninaramola en sifat ni tou, \v 8 ta’an reiy’la siesa tou tu’u si makakuasa menenaramla e lila’; nisia nyi’a mouw si wo’o sapa lela’, si reiy’ kakuasa’ala, wo si wuta e racung mekepaten.

03/09.txt

@@ -0,0 +1 @@
+\v 9 Ampit e lila’ ta malo’or si Tuhan, Ama’ ta; wo ampit e lila’ ta makutok sitou siniwola neiy i ki’it e rupa ni Empung, \v 10 witu en suma esa  rime’umi em berkat wo eng kutok. Eng kapualitan i yi’i, patuariku waya, reiy’ toro tuana e mamuali.

03/11.txt

@@ -0,0 +1 @@
+\v 11 Wawean ku’a re’en eng kembu’an makeresoti rano tewang wo e rano pe’it witu eng kembu’an masuat? \v 12 Patuariku waya, wawean ku’a re’en e nakana ara en toro mua’la wu’ana en zaitun wo wawean ku’a re’en e nakana nanggor en toro mua’la e wu’ana ara? Tuanakan kangkasi eng kembu’an wurasen e reiy’ mete’u rumeu’mi rano tewang.

03/13.txt

@@ -0,0 +1 @@
+\v 13 Seiy ku’a re’en si witu e nelet miouw si sama’ wo makabudi? Le’osouw sia ampit eng kenaramen em patou-touan le’os si mapaloo’o-loo’ola em pasiwo-siwonna kaa eng hikmat timoumi waki karinda’an. \v 14 Sa kouw minee’la em pedaman iri ate wo kouw me’ukum i tela en tou nuesa, te’a mouw kouw mesesawa’la en tou wo te’a mouw matowo masu’usuk eng kaulitan!

03/15.txt

@@ -0,0 +1 @@
+\v 15 Ni’itu e reiy’ mouw hikmat waki atas o meiy, ta’an e waki  kaoatan, waki e nafsu ni tou,  waki se setang-setang. \v 16 Karengan wisa wawean iri ate wo me’ukumla en tou nuesa  witu  wawean eng karungkea’an wo e reiy’ sa mina’asa  pasiwo-siwon  lewo’. \v 17 Ta’an eng hikmat ni waki atas nyi’a mouw eng ketare-tare murni, tumodongla  nyi’a,  en dumedame, rinda, maki’i-ki’it,  wuta en tongkoupusen wo e wu’ana-wu’ana le’os, reiy’ mesangaweka wo  reiy’ munafik. \v 18 wo e wu’ana neiy i karedeiy witu eng kaulitan neiy i wu’uwurla witu en dame i wee nisea se timuanala en dame.

03/title.txt

@@ -0,0 +1 @@
+Pasal 3

04/01.txt

@@ -0,0 +1 @@
+\c 4 \v 1 Waki wisa ku’a re’en eng kine’e eiy  em pesali’isi’an wo em pe’isingan witu e nelet miouw? Reiy’ ku’a re’en eng kine’e eiyna witu eng hawa nafsumu e mame’inakutan witu eng gorem e nouwakmu? \v 2 Nikouw kouw mepa’arla e nesa wo’o sapa, ta’an kouw reiy’ minaka’atola nyi’a, laa o kouw munu’; kouw iri ate, ta’an kouw reiy’ mina’ayola em pela’annu, laa o kouw me’ising wo kouw matokol. Nikouw kouw reiy’ minaka’ato sapa-sapa, karengan nikouw kouw reiy’ simombayang. \v 3 Ka’apa kouw simombayang kangkasi, ta’an kouw reiy’ minaka’ato sapa-sapa, karengan nikouw kouw selok masombayang, karengan em pengiween niouw i ti’i e laa pekeka’apun niouwla kaa laa mepateu-teula eng hawa nafsumu.

04/04.txt

@@ -0,0 +1 @@
+\v 4 Heiy kouw, tou-tou reiy’ lale’! Reiy’ ku’a re’en kete’uan niouw, kaa em pekaloan ampit eng kaoatan nyi’a mouw em pasu’usukan ampit si Empung? Jadi seiy i te si pa’ar laa mamuali kalo eng kaoatan i yi’i, nisia si simiwola en touna kasu’usuk ni Empung. \v 5 Te’a mouw kouw mapokeiyla, kaa eng Kaol Suci reiy’ ampit en to’otolan e lumila’: “E Roh neiy i tampala ni Empung witu eng gorem en tou ta, ni’i kepa’ar-Nala ampit en tetayur!”

04/06.txt

@@ -0,0 +1 @@
+\v 6 Ta’an e nupus karunia, neiy i anugerah-Nala wia nikita, en sumelala ta’an e ni’itu. Kaa ni’itu Nisia si  limila’la: “Empung si mapero se tou tingkeiy, ta’an si mineupusla se tou kumeng ate.” \v 7 Kaa ni’itu tu’utukouw wia si Empung, wo su’usukenouw si Iblis, takar nisia si laa tumingkasla wia nikoo!

04/08.txt

@@ -0,0 +1 @@
+\v 8 Tumawi mouw wia si Empung, wo Nisia si laa tumawi wia nikoo. Lenasenola e lawasmu, heiy kouw tou-tou makadosa! Wo sucinola e natemu, heiy kouw si rimua ate! \v 9 Weeanola ghenang en cilakamu, mengasi’ wo ma’aripouw; satorona eng ke’eke’annu en sawelannu ampit e narip wo e mepa’a-pa’armu ampit e mengasi. \v 10 I kumengola en toumu witu en sinaru ni Tuhan, wo Nisia si laa rumakekla nikouw.

04/11.txt

@@ -0,0 +1 @@
+\v 11 Patuariku waya, te’a mouw kouw mesesero’an! Seiy i te si masero’la si patuarina ka’apa maakimla nisia, nisia si makelong e nukum wo maakimla nyi’a; wo sa koo maakimla e nukum, takar nikoo koo reiy’ mouw maki’i-ki’it e nukum ta’an si akimna. \v 12 Wawean i te siesa si Sumesiwo e nukum wo si Akim, nyi’a i ti’i Nisia si makakuasa melelawirla wo mepepunengla. Ta’an seiy ku’a re’en nikoo, i ka’ayo koo pa’ar ma’akimla si kasuatmu en tou?

04/13.txt

@@ -0,0 +1 @@
+\v 13 Jadi en teakan, heiy kouw si limila’: “E nendo i yi’i ka’apa wo’odo nikeiy keiy ma’e waki kota anu, wo maname keiy laa mena’ esa nge te’un wo melante’ ma’an maka’ato untung”, \v 14 kasuatan nikouw kouw reiy’ mete’u en sapa e laa mamuali wo’odo. Sapa ku’a re’en em penoron em patou-touannu? Em patou-touannu i ti’i masuat tanu en segor reiy’ ure i te kinaloo’ala o mere’ila.

04/15.txt

@@ -0,0 +1 @@
+\v 15 E nulitna nikouw kouw lewo’ sa reiy’ lumila’: “Sa si Tuhan si mekepa’arla nyi’a, nikeiy keiy laa matou-tou wo sumiwo e nyi’i wo e ni’itu.” \v 16 Ta’an en teakan nikouw kouw mesawa’la en tou witu en sendoyomu, wo em baya eng kesawa’an tuana nyi’a mouw en selok. \v 17 Jadi sa siesa tou si mete’u eng kumura sia lewo’ sa reiy’ sumiwo le’os, ta’an nisia si reiy’ matuanala nyi’a, nisia si makadosa.

04/title.txt

@@ -0,0 +1 @@
+Pasal 4

05/01.txt

@@ -0,0 +1 @@
+\c 5 \v 1 Jadi en teakan heiy nikouw nu tou-tou kaya, mame’ mouw wo ma’aripouw witu em peme’itan laa tumoro nikouw! \v 2 Eng kakaya’annu em bu’ulouw, wo e labungmu eng kinaanouw ne mo’omot! \v 3 E mas wo em perakmu en time’i mouw, wo en te’ina e laa mamuali kasairian witu nikoo wo e laa kumaan e le’onamu tanu e napi. Nikoo koo minerurola eng harta witu e nendo-nendo   kasuatan   mesampetouw.

05/04.txt

@@ -0,0 +1 @@
+\v 4 Eng kaulitna e lininga mola e rekeiyan wangko’, karengan en tetoro tinaang miouw wia se memema’ayang minupu’ mola e wua’na em pengumannu, wo e mina’ayo mola witu en talinga ni Tuhan e minapekasa alam e nga’angal nea se simampur e niupu’mu. \v 5 Witu eng kamewa’an kouw timou mouw wo memoya-moya wia em bumi, nikouw kouw minapateu-teu mola e natemu masuat tanu witu e nendo pareretan. \v 6 Nikouw kouw minukumola, awes tare minunu’la sitou ulit wo nisia si reiy’ mete’u sumu’usuk nikouw.

05/07.txt

@@ -0,0 +1 @@
+\v 7 Kaa ni’itu, patuari waya, sumabaarouw i ka’ayo witu eng ke’e eiy ni Tuhan! Eng kaulitna si metani’ si mengena-ngena’la e wua’na wawean arga witu en tana’na wo nisia si sabaar i ka’ayo tu tumumpa mouw e naro noras mera’aragh wo e naro noras masuru. \v 8 Nikouw kangkasi kouw lewo’ sa reiy’ sumabaar wo lewo’ sa reiy’ tume’etepla e natemu, karengan eng ke’e eiy ni Tuhan en tawi mouw!

05/09.txt

@@ -0,0 +1 @@
+\v 9 Patuari waya, te’a mouw kouw mengu’ungu-ngu’ungul wo manginseselokala, rio te’a kouw ukumen. Eng kaulitna si Akim si rimedeiy mouw witu en tawi em pepalen. \v 10 Patuari waya, ki’itanola em patoka’an witu em peme’itan wo eng kasabaaran ne nabi se simusuiyola demi e ngaran ni Tuhan. \v 11 Eng kaulitna nikeiy keiy matotor nisea  mina’aruiy,  nyi’a i ti’i nisea se timentem mola; nikouw kouw liminga mola  tanume eng katenteman ni Ayub wo nikouw kouw minete’u mola sapa em bitu eng kesampetanna  sinadiala ni Tuhan i wee nisia, karengan si Tuhan si kasa tongkoupusen  wo si wuta en tongkoupusen.

05/12.txt

@@ -0,0 +1 @@
+\v 12 Ta’an eng kasa i paketa-ketare, patuari waya, te’a mouw kouw matiwa’ demi en sorga ka’apa tu’u demi em bumi ka’apa demi e nesa wo’o sapa walina. Sa iyon, satorona kouw lumila’la iyon, sa reiy’ satorona kouw lumila’la reiy’, rio kouw reiy’ tena’an e nukuman.

05/13.txt

@@ -0,0 +1 @@
+\v 13 Sa wawean siesa tou witu e nelet miouw si peme’itan, le’osouw sia sumombayang! Sa wawean siesa tou melaya-laya’  le’osouw sia kumantar! \v 14 Sa wawean siesa tou witu e nelet miouw si rara’an, le’osouw sia kumeret se penatua jema’at, rio sea sumombayangla nisia ma’an misu’la nisia ampit e lana witu e ngaran ni Tuhan. \v 15 Wo en sesombayangen timoumi witu e iman e laa lumawirla sitou rara’an i ti’i wo si Tuhan si laa mongkela nisia; wo sa sia simiwo mouw en dosa, takar en dosana i ti’i e laa ampungala.

05/16.txt

@@ -0,0 +1 @@
+\v 16 Kaa ni’itu satorona nikouw kouw mememakaredeiyala en dosamu wo mesesombayangala, rio kouw male’os. En sesombayangen ni tou ulit, sa ampit e neman ni’i sombayangla, eng kasa wangko’ eng  kuasana. \v 17 Elia nyi’a mouw sitou karengan masuat   tanu nikita, wo nisia si kasa mouw minakauli-ulit masombayang, rio e naro  te’a metetumpa, wo e naro tu’u e reiy’ timumpami wia em bumi  keurean en telu nge te’un wo enem nga sumedot. \v 18 Laa o sia sumombayang kangkasi wo langit en timumpami e naro wo em bumi tu’u eng kimaluari wu’ana.

05/19.txt

@@ -0,0 +1 @@
+\v 19 Patuariku waya, sa wawean witu e nelet miouw si sime’epang witu eng kaulitan wo wawean siesa tou si simiwo nisia minurikit, \v 20 kete’uanola, kaa seiy i te si simiwola sitou maka dosa minurikiti waki lalanna  seip, nisia si laa lumawirla e imukur ni tou i ti’i witu e maut wo mi’otla e laker dosa.

05/title.txt

@@ -0,0 +1 @@
+Pasal 5

LICENSE.md

@@ -1,4 +1,48 @@
 
+<<<<<<< HEAD
+<<<<<<< HEAD
+=======
+>>>>>>> 8886679b9322d60ce3c41cc87b0de86d4f382830
+## Creative Commons Attribution-ShareAlike 4.0 International
+
+### Human-Readable Summary 
+  
+
+The Creative Commons Attribution-Share Alike 4.0  International  License is available at
+http://creativecommons.org/licenses/by-sa/4.0/.
+
+#### This is a human-readable summary of (and not a substitute for) the License.
+  
+
+### You are free to:
+
+
+*  **Share** — copy and redistribute the material in any medium or  format.
+
+*  **Adapt** — remix, transform, and build upon the material for any purpose, even commercially.
+
+   The licensor cannot revoke these freedoms  as long as  you follow the license terms.  
+
+### Under the following terms:
+
+*  **Attribution** —You must give appropriate credit, provide a link to the license, and indicate if changes were made. You may do so in any reasonable manner, but not in any way that suggests the licensor endorses you or your use.
+
+*  **ShareAlike** — If you remix, transform, or build upon the material, you must distribute your contributions under the same license as the original.  
+
+*  **No additional restrictions** — You may not apply legal terms or technological measures that legally restrict others from doing anything the license  permits.
+
+
+### Notices:
+
+* You do not have to comply with the license for elements of the material in the public domain or where your use is permitted by an applicable exception or limitation.
+
+* No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.
+
+  
+
+<<<<<<< HEAD
+This PDF was generated using Prince (https://www.princexml.com/).
+=======
 # License
 ## Creative Commons Attribution-ShareAlike 4.0 International (CC BY-SA 4.0)
 
@@ -25,3 +69,7 @@ The licensor cannot revoke these freedoms as long as you follow the license term
 You do not have to comply with the license for elements of the material in the public domain or where your use is permitted by an applicable exception or limitation.
 
 No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.
+>>>>>>> cb1e3db33e4fe86e6b15f54f9e374f8983747a37
+=======
+This PDF was generated using Prince (https://www.princexml.com/).
+>>>>>>> 8886679b9322d60ce3c41cc87b0de86d4f382830

front/title.txt

@@ -0,0 +1 @@
+YAKOBUS

manifest.json

@@ -1 +1 @@
-{"project":{"id":"jas","name":""},"type":{"id":"text","name":"Text"},"generator":{"name":"ts-android","build":15},"package_version":7,"target_language":{"name":"Tondano","direction":"ltr","anglicized_name":"Tondano","region":"Asia","is_gateway_language":false,"id":"tdn"},"format":"usfm","resource":{"id":"reg"},"translators":["Chuck Liesch"],"source_translations":[{"language_id":"id","resource_id":"ayt","checking_level":"3","date_modified":20230511,"version":"1.3"}]}
+{"project":{"id":"jas","name":""},"type":{"id":"text","name":"Text"},"generator":{"name":"ts-android","build":15},"package_version":7,"target_language":{"name":"Tondano","direction":"ltr","anglicized_name":"Tondano","region":"Asia","is_gateway_language":false,"id":"tdn"},"format":"usfm","resource":{"id":"reg"},"translators":["Chuck Liesch","Meldha Suwantoro"],"source_translations":[{"language_id":"id","resource_id":"ayt","checking_level":"3","date_modified":20230511,"version":"1.3"},{"language_id":"el-x-koine","resource_id":"ugnt","checking_level":"3","date_modified":"2024-02-07T22:48:15.9788421+00:00","version":"0.17"},{"language_id":"id","resource_id":"ayt","checking_level":"3","date_modified":"2024-02-07T22:45:07.0934418+00:00","version":"1.3"},{"language_id":"id","resource_id":"ulb","checking_level":"3","date_modified":"2024-02-07T22:46:29.4244298+00:00","version":"9.1"}],"finished_chunks":["front-title","01-title","01-06","01-09","01-12","01-14","01-17","01-19","01-22","01-26","02-title","02-01","02-05","02-08","02-10","02-12","02-14","02-18","02-21","02-25","03-title","03-01","03-03","03-05","03-07","03-09","03-11","03-13","03-15","04-title","04-01","04-04","04-06","04-08","04-11","04-13","04-15","05-title","05-01","05-04","05-07","05-09","05-12","05-13","05-16","05-19"],"parent_draft":{}}