forked from WA-Catalog/lo_bible
See in Reader
435 lines
87 KiB
Plaintext
435 lines
87 KiB
Plaintext
\id HOS
|
||
\ide UTF-8
|
||
\h ພຣະທຳ ໂຮເສອາ
|
||
\toc1 ພຣະທຳ ໂຮເສອາ
|
||
\toc2 ພຣະທຳ ໂຮເສອາ
|
||
\toc3 hos
|
||
\mt ພຣະທຳ ໂຮເສອາ
|
||
|
||
\s5
|
||
\c 1
|
||
\p
|
||
\v 1 ນີ້ແມ່ນ ຖ້ອຍຄໍາ ທີ່ອົງພຣະຜູ້ເປັນເຈົ້າ ໄດ້ໃຫ້ແກ່ ໂຮເສອາ ລູກຊາຍຂອງ ເບເອຣີ ເວລາທີ່ ອຸດຊີຢາ, ໂຢທາມ, ອາຮາດ ແລະ ເຮເຊກີຢາ ເປັນກະສັດແຫ່ງຢູດາຍ; ແລະ ເວລາທີ່ ເຢໂຣໂບອາມ ລູກຊາຍຂອງ ເຢໂຮອາດ ເປັນກະສັດແຫ່ງອິດສະຣາເອນ.
|
||
\v 2 ເມື່ອອົງພຣະຜູ້ເປັນເຈົ້າ ກ່າວຕໍ່ຊາດອິດສະຣາເອນ ຄັ້ງທາໍອິດຜ່ານທາງ ໂຮເສອາ ນັ້ນ ພຣະອົງໄດ້ກ່າວແກ່ເພິ່ນວ່າ, “ຈົ່ງໄປແຕ່ງງານ ແຕ່ເມຍຂອງເຈົ້າ ຈະບໍ່ສັດຊື່ ແລະ ລູກໆ ຂອງເຈົ້າ ກໍຈະເປັນດັ່ງແມ່. [ກ] ລັກສະນະ ດຽວກັນນີ້ແຫລະ ປະຊາຊົນຂອງເຮົາໄດ້ໜີປະເຮົາ ແລະ ບໍ່ສັດຊື່ຕໍ່ເຮົາ.”
|
||
|
||
\s5
|
||
\v 3 ສະນັ້ນ ໂຮເສອາ ຈຶ່ງໄດ້ແຕ່ງງານ ກັບຍິງຄົນໜຶ່ງຊື່ວ່າ ໂກເມ ລູກສາວຂອງ ດິບລາອິມ. ເມື່ອນາງໄດ້ລູກຊາຍ ຄົນທໍາອິດ
|
||
\v 4 ອົງພຣະຜູ້ເປັນເຈົ້າ ໄດ້ກ່າວແກ່ ໂຮເສອາ ວ່າ, “ຈົ່ງຕັ້ງຊື່ໃຫ້ລາວ ວ່າ, ‘ຢິດສະເຣນ’ ເພາະຍັງອີກບໍ່ດົນເຮົາຈະລົງໂທດ ກະສັດແຫ່ງອິດສະຣາເອນ ເນື່ອງຈາກວ່າ ເຢຮູ ບັນພະບຸລຸດຂອງລາວ ໄດ້ຂ້າຫລາຍຄົນທີ່ ຢິດສະເຣນ. [ຂ] ເຮົາຈະເຮັດໃຫ້ເຊື້ອວົງຂອງ ເຢຮູ [ຄ] ສິ້ນສຸດລົງ.
|
||
\v 5 ໃນເວລານັ້ນ ເຮົາ ຈະທາໍລາຍອໍານາດ ທາງທະຫານ ຂອງຊາດອິດສະຣາເອນ ທີ່ຮ່ອມພູ ຢິດສະເຣນ.”
|
||
|
||
\s5
|
||
\v 6 ຕໍ່ມານາງ ໂກເມ ໄດ້ຖືພາອີກ; ຄາວນີ້ ນາງໄດ້ລູກເປັນແມ່ຍິງ. ອົງພຣະຜູ້ເປັນເຈົ້າ ຈຶ່ງໄດ້ກ່າວແກ່ ໂຮເສອາ ວ່າ, “ຈົ່ງຕັ້ງຊື່ໃຫ້ນາງ ວ່າ, ‘ຂາດຮັກ ’ ເພາະເຮົາຈະບໍ່ສະແດງ ຄວາມຮັກ ຫລື ອະໄພໃຫ້ປະຊາຊົນອິດສະຣາເອນ ອີກຕໍ່ໄປ.
|
||
\v 7 ແຕ່ເຮົາຈະ ສະແດງຄວາມຮັກ ຕໍ່ປະຊາຊົນຢູດາ. ອົງພຣະຜູ້ເປັນເຈົ້າ ພຣະເຈົ້າຂອງພວກເຂົາ ເຮົາຈະຊ່ວຍພວກເຂົາໃຫ້ພົ້ນ; ແຕ່ບໍ່ແມ່ນດ້ວຍ ເສິກສົງຄາມ ຄື ດ້ວຍດາບ ຫລື ໜ້າທະນູ ແລະລູກສອນ ຫລື ດ້ວຍມ້າ ແລະ ເຫລົ່າທະຫານມ້າ.”
|
||
|
||
\s5
|
||
\v 8 ຫລັງຈາກນາງໂກເມ ໃຫ້ລູກສາວຢ່ານົມ ແລ້ວ ນາງກໍຖືພາອີກ ແລະ ໄດ້ລູກຊາຍຕື່ມ ຜູ້ໜຶ່ງ.
|
||
\v 9 ອົງພຣະຜູ້ເປັນເຈົ້າ ຈຶ່ງກ່າວແກ່ ໂຮເສອາ ວ່າ, “ຈົ່ງຕັ້ງຊື່ໃຫ້ລາວ ວ່າ, ‘ບໍ່ແມ່ນ ປະຊາຊົນຂອງເຮົາ’ ເພາະປະຊາຊົນອິດສະຣາເອນ ບໍ່ແມ່ນປະຊາຊົນຂອງເຮົາ ແລະ ເຮົາບໍ່ແມ່ນພຣະເຈົ້າຂອງພວກເຂົາ.”
|
||
|
||
\s5
|
||
\v 10 ປະຊາຊົນອິດສະຣາເອນ ຈະມີຫລາຍ ດັ່ງເມັດຊາຍ ໃນແຄມທະເລ ຊຶ່ງເກີນທີ່ຈະນັບ ຫລື ຕັກຕວງໄດ້. ບັດນີ້ ພຣະເຈົ້າກ່າວແກ່ ພວກເຂົາວ່າ, “ພວກເຈົ້າ ບໍ່ແມ່ນປະຊາຊົນ ຂອງເຮົາ” ແຕ່ໃນມື້ໜຶ່ງ ພຣະອົງຈະກ່າວແກ່ ພວກເຂົາວ່າ, “ພວກເຈົ້າເປັນລູກຂອງພຣະເຈົ້າ ອົງຊົງຊີວິດຢູ່. ”
|
||
\v 11 ປະຊາຊົນ ຢູດາ ແລະ ອິດສະຣາເອນ ຈະຮ່ວມເຂົ້າກັນ ອີກ. ພວກເຂົາຈະເລືອກເອົາ ຜູ້ນາໍຄົນດຽວ ສໍາລັບພວກຕົນ ພວກເຂົາຈະຮຸ່ງເຮືອງແລະອຸ ດົມສົມບູນອີກເທື່ອໜຶ່ງ. ແມ່ນແລ້ວ ມື້ຂອງ ຢິດສະເຣນ [ງ] ຈະເປັນມື້ຍິ່ງໃຫຍ່!
|
||
|
||
\s5
|
||
\c 2
|
||
\p
|
||
\v 1 ສະນັ້ນ ຈົ່ງເອີ້ນໝູ່ເພື່ອນຂອງເຈົ້າ ວ່າ, “ປະຊາຊົນຂອງພຣະເຈົ້າ ” ແລະ “ຜູ້ໄດ້ຮັບ ຄວາມຮັກຈາກອົງພຣະຜູ້ເປັນເຈົ້າ.”
|
||
|
||
\s5
|
||
\v 2 ລູກເອີຍ ຈົ່ງຮ້ອງຂໍ ຕໍ່ແມ່ຂອງເຈົ້າ ເຖິງແມ່ນວ່ານາງ ບໍ່ແມ່ນເມຍຂອງເຮົາ ອີກຕໍ່ໄປ ກໍຕາມ ແລະ ເຮົາກໍບໍ່ແມ່ນຜົວຂອງນາງອີກ ກໍດີ. ຈົ່ງຮ້ອງຂໍໃຫ້ນາງ ເຊົາຫລີ້ນຊູ້ ແລະ ເຊົາເປັນໂສເພນີ.
|
||
\v 3 ຖ້ານາງບໍ່ເຊົາ ເຮົາຈະເປືອຍກາຍນາງ ໃຫ້ເປັນດັ່ງມື້ທີ່ນາງໄດ້ເກີດມາ. ເຮົາຈະເຮັດໃຫ້ນາງ ເປັນດັ່ງດິນທີ່ແຫ້ງແລ້ງ ແລະ ທຸລະກັນດານ ນາງຈະຕາຍ ເພາະຫິວນາໍ້.
|
||
|
||
\s5
|
||
\v 4 ເຮົາຈະບໍ່ສົງສານລູກຂອງນາງ; ເພາະ ພວກເຂົາເປັນລູກຂອງໂສເພນີ. [ຈ]
|
||
\v 5 ນາງເອງໄດ້ເວົ້າ ວ່າ, “ຂ້ອຍຈະໄປຫາຄົນຮັກ ຂອງຂ້ອຍ ເພາະພວກເຂົາໄດ້ນາໍເອົາສິ່ງເຫລົ່ານີ້ມາໃຫ້ຂ້ອຍ ເຊັ່ນ: ອາຫານ ແລະ ນາໍ້, ເຄື່ອງຂົນແກະ, ຜ້າເນື້ອລະອຽດ, ນາໍ້ມັນ ໝາກກອກເທດ ແລະ ເຫລົ້າອະງຸ່ນ.”
|
||
|
||
\s5
|
||
\v 6 ສະນັ້ນ ເຮົາຈຶ່ງຈະກີດກັ້ນນາງ ດ້ວຍພຸ່ມໜາມ ແລະ ຈະສ້າງກາໍແພງ ຕັນທາງຂອງນາງໄວ້.
|
||
\v 7 ນາງຈະແລ່ນຕິດຕາມ ຄົນຮັກໄປ ແຕ່ກໍຈະບໍ່ທັນພວກເຂົາ; ນາງຈະຊອກ ຫາພວກເຂົາ ແຕ່ຈະບໍ່ພົບ. ແລ້ວນາງ ກໍຈະ ເວົ້າວ່າ, “ຂ້ອຍຈະກັບຄືນໄປຫາຜົວເກົ່າຂອງຂ້ອຍ ເພາະແຕ່ກ່ອນ ຂ້ອຍເຄີຍສະໜຸກ ສະບາຍ ກວ່າດຽວນີ້.”
|
||
|
||
\s5
|
||
\v 8 ນາງບໍ່ຮູ້ເລີຍວ່າ ເຮົາເປັນຜູ້ເອົາເຂົ້າສາລີ, ເຫລົ້າອະງຸ່ນ, ນາໍ້ມັນໝາກກອກເທດ ແລະ ເງິນຄໍາທັງໝົດ ຊຶ່ງນາງໃຊ້ຂາບໄຫວ້ ພະບາອານ ນັ້ນໃຫ້ແກ່ນາງ.
|
||
\v 9 ດັ່ງນັ້ນ ໃນເວລາເກັບກ່ຽວ ເຮົາຈຶ່ງຈະເອົາເຂົ້າສາລີ ແລະ ເຫລົ້າອະງຸ່ນ ທີ່ເຮົາໃຫ້ແກ່ນາງນັ້ນ ຄືນມາ ທັງຈະເອົາຂົນແກະ ແລະ ຜ້າເນື້ອລະອຽດ ທີ່ເຮົາໃຫ້ນາງນຸ່ງ ນັ້ນຄືນມາດ້ວຍ.
|
||
|
||
\s5
|
||
\v 10 ແລ້ວເຮົາ ກໍຈະແກ້ເຄື່ອງນຸ່ງ ຂອງນາງອອກ ຕໍ່ໜ້າຄົນຮັກຂອງນາງ ແລະ ຈະບໍ່ມີຜູ້ໃດຊ່ວຍນາງໃຫ້ພົ້ນຈາກອໍານາດຂອງເຮົາ ໄດ້.
|
||
\v 11 ເຮົາຈະເຮັດໃຫ້ຄວາມມ່ວນຊື່ນ ທັງໝົດ ສິ້ນສຸດລົງເຊັ່ນ: ບຸນປະຈາໍເດືອນ, ປະຈາໍອາທິດ ແລະ ການຊຸມນຸມໃນເທດສະການ ຕ່າງໆ.
|
||
|
||
\s5
|
||
\v 12 ເຮົາຈະທໍາລາຍ ເຄືອອະງຸ່ນ ແລະ ກົກ ໝາກເດື່ອເທດຂອງນາງ ຊຶ່ງນາງເວົ້າວ່າ, ແມ່ນຄົນຮັກທີ່ເອົາໃຫ້ນາງ ເພາະນາງຮັບໃຊ້ ບໍລິການພວກເຂົາ. ເຮົາຈະເຮັດໃຫ້ສວນ ໝາກອະງຸ່ນ ແລະ ສວນໝາກໄມ້ທັງຫລາຍ ຂອງນາງ ເປັນຖິ່ນແຫ້ງແລ້ງ ກັນດານ; ຝູງສັດປ່າ ຈະທາໍລາຍສິ່ງເຫລົ່ານັ້ນຖິ້ມ.
|
||
\v 13 ເຮົາຈະລົງໂທດນາງ ສໍາລັບເວລາ ທີ່ນາງໄດ້ລືມໄລເຮົາ ຄືເມື່ອນາງເຜົາເຄື່ອງຫອມບູຊາ ໃຫ້ແກ່ພະບາອານ ແລະ ໃສ່ເຄື່ອງເພັດ ພອຍ ໜີຕາມຄົນຮັກໄປ. ອົງພຣະຜູ້ເປັນເຈົ້າ ໄດ້ກ່າວ ດັ່ງນີ້ແຫລະ.
|
||
|
||
\s5
|
||
\v 14 ດ້ວຍເຫດນີ້ ເຮົາຈະພານາງໄປ ຍັງຖິ່ນແຫ້ງແລ້ງ ກັນດານອີກ ແລະ ໃນທີ່ນັ້ນ ເຮົາຈະເວົ້າ ເກ່ຍກ່ອມນາງຄືນ ດ້ວຍຖ້ອຍຄໍາແຫ່ງຄວາມຮັກ.
|
||
\v 15 ເຮົາຈະຄືນສວນອະງຸ່ນ ໃຫ້ແກ່ນາງ ແລະ ຈະເຮັດໃຫ້ຮ່ອມພູ ລໍາບາກ ເປັນປະຕູແຫ່ງຄວາມຫວັງ. ນາງຈະ ຕອບສະໜອງເຮົາ ຢູ່ທີ່ນັ້ນ ດັ່ງນາງໄດ້ເຄີຍ ເຮັດມາໃນຄາວຍັງໜຸ່ມ ຄືເມື່ອຄາວໜີອອກ ມາຈາກປະເທດ ເອຢິບ ນັ້ນ.
|
||
|
||
\s5
|
||
\v 16 ແລ້ວນາງ ກໍຈະເອີ້ນເຮົາ ອີກຄັ້ງໜຶ່ງວ່າ ເປັນຜົວຂອງນາງ ນາງຈະບໍ່ເອີ້ນເຮົາຕໍ່ໄປວ່າ ພະບາອານ ຂອງນາງ. [ສ]
|
||
\v 17 ເຮົາຈະບໍ່ໃຫ້ນາງເອີ່ຍເຖິງຊື່ ພະບາອານ ອີກຈັກເທື່ອ.
|
||
|
||
\s5
|
||
\v 18 ໃນເວລານັ້ນ ເຮົາຈະເຮັດພັນທະສັນຍາ ກັບສັດປ່າ ແລະ ຝູງນົກທັງປວງ ເພື່ອ ວ່າພວກມັນຈະບໍ່ທາໍຮ້າຍປະຊາຊົນຂອງເຮົາ. ເຮົາຈະເອົາອາວຸດ ແຫ່ງການຮົບເສິກ ໜີໄປ ຈາກດິນແດນ ຄື ດາບ ແລະ ລູກທະນ ູ ແລະ ຈະໃຫ້ປະຊາຊົນຂອງເຮົາ ມີຊີວິດຢູ່ຢ່າງສຸກ ສະບາຍ ແລະ ປອດໄພ.
|
||
|
||
\s5
|
||
\v 19 ຊາດອິດສະຣາເອນ ເອີຍ ເຮົາຈະໃຫ້ ເຈົ້າເປັນເມຍຂອງເຮົາ ເຮົາຈະຈິງໃຈ ແລະ ສັດຊື່ຕໍ່ເຈົ້າ; ເຮົາຈະໃຫ້ຄວາມຮັກໝັ້ນຄົງແກ່ ເຈົ້າ ແລະ ຄວາມເມດຕາແກ່ເຈົ້າສະເໝີ ແລະ ຈະໃຫ້ເຈົ້າເປັນຂອງເຮົາ ຕະຫລອດໄປເປັນນິດ.
|
||
\v 20 ເຮົາຈະຮັກສາຄໍາສັນຍາວ່າ ເຈົ້າ ເປັນຂອງເຮົາ ແລ້ວເຈົ້າກໍຈະຮັບຮູ້ອົງພຣະຜູ້ ເປັນເຈົ້າ.
|
||
|
||
\s5
|
||
\v 21 ໃນເວລານັ້ນ ເຮົາຈະຕອບຄໍາພາວັນ ນາ ອະທິຖານ ທີ່ອິດສະຣາເອນ [ຊ] ປະຊາຊົນຂອງເຮົາທູນຂໍນັ້ນ.
|
||
\v 22 ເຮົາຈະ ເທຝົນແກ່ ແຜ່ນດິນໂລກ ແລະ ໃຫ້ເກີດມີ ເຂົ້າສາລີ ໝາກອະງຸ່ນ ໝາກກອກເທດ.
|
||
|
||
\s5
|
||
\v 23 ເຮົາຈະໃຫ້ປະຊາຊົນຂອງເຮົາ ຕັ້ງຫລັກແຫລ່ງ ຢູ່ໃນດິນແດນ ແລະ ໃຫ້ອຸດົມສົມບູນ ຍິ່ງໆ ຂຶ້ນ. ເຮົາຈະໃຫ້ຄວາມຮັກ ຕໍ່ຜູ້ທີ່ຖືກເອີ້ນວ່າ, “ຂາດຮັກ” ແລະ ຜູ້ທີ່ຖືກເອີ້ນ ວ່າ, “ບໍ່ແມ່ນປະຊາຊົນຂອງເຮົາ” ດ້ວຍ. ເຮົາ ຈະກ່າວວ່າ, “ພວກເຈົ້າເປັນປະຊາຊົນຂອງເຮົາ. ” ພວກເຂົາຈະຕອບວ່າ, “ພຣະອົງຊົງ ເປັນພຣະເຈົ້າຂອງພວກຂ້ານ້ອຍ.”
|
||
|
||
\s5
|
||
\c 3
|
||
\p
|
||
\v 1 ອົງພຣະຜູ້ເປັນເຈົ້າ ໄດ້ກ່າວຕໍ່ຂ້າພະເຈົ້າ ວ່າ, “ຈົ່ງໄປ [ຍ] ແລະ ສະແດງຄວາມຮັກກັບ ຍິງຄົນໜຶ່ງອີກ ທີ່ມີຄົນຮັກແລ້ວ ແຕ່ໄປຫລີ້ນຊູ້. ໃຫ້ເຈົ້າຮັກນາງ ດັ່ງເຮົາຍັງຮັກປະຊາຊົນ ອິດສະຣາເອນ ເຖິງແມ່ນວ່າ ພວກເຂົາຫັນໄປ ຫາພະອື່ນ ແລະ ນິຍົມກັນຖວາຍໝາກອະງຸ່ນ ແຫ້ງແກ່ຮູບເຄົາຣົບ ທັງຫລາຍກໍຕາມ. ” [ດ]
|
||
\v 2 ສະນັ້ນຂ້າພະເຈົ້າ ຈຶ່ງຈ່າຍເງິນ ສິບຫ້າ ຫລຽນ ກັບເຂົ້າເດືອຍ 150 ກິໂລກຼາມ ເພື່ອຊື້ ເອົານາງຄືນມາ.
|
||
\v 3 ຂ້າພະເຈົ້າບອກນາງ ວ່າ ນາງຕ້ອງຄອຍຖ້າຂ້າພະເຈົ້າ ເປັນເວລາ ນານ ໂດຍບໍ່ຕ້ອງເປັນໂສເພນີ ຫລື ຫລີ້ນຊູ້ ແລະ ໃນລະຫວ່າງນີ້ ຂ້າພະເຈົ້າຈະຄອຍຖ້ານາງ.
|
||
|
||
\s5
|
||
\v 4 ໃນລັກສະນະ ດຽວນີ້ແຫລະ ປະຊາຊົນ ອິດສະຣາເອນ ຈະຢູ່ຢ່າງບໍ່ມີກະສັດ ຫລື ຜູ້ນາໍເປັນເວລານານ ແລະ ຈະບໍ່ມີເຄື່ອງເຜົາບູຊາ ຫລື ຫິນສັກສິດ ບໍ່ມີຮູບເຄົາຣົບ ຫລື ເທວະຮູບ ເພື່ອບອກເຖິງເລື່ອງອະນາຄົດ.
|
||
\v 5 ແຕ່ຫລັງຈາກນັ້ນ ປະຊາຊົນອິດສະຣາເອນ ຈະກັບຄືນມາຫາອົງພຣະຜູ້ເປັນເຈົ້າ ພຣະເຈົ້າຂອງພວກເຂົາ ອີກເທື່ອໜຶ່ງ ແລະ ຈະກັບຄືນໄປຫາເຊື້ອສາຍ ຂອງ ດາວິດ ກະສັດຂອງພວກເຂົາ. ໃນເວລານັ້ນແຫລະ ພວກເຂົາຈະຢໍາເກງ ອົງພຣະຜູ້ເປັນເຈົ້າ ແລະ ຈະໄດ້ຮັບສິ່ງດີ ທີ່ພຣະອົງຈະໂຜດໃຫ້.
|
||
|
||
\s5
|
||
\c 4
|
||
\p
|
||
\v 1 ອົງພຣະຜູ້ເປັນເຈົ້າ ມີຄະດີກ່າວຟ້ອງ ຕໍ່ ສູ້ປະຊາຊົນ ທີ່ອາໄສຢູ່ໃນດິນແດນນີ້ ຊາວອິດສະລາເອນເອີຍ ຈົ່ງຟັງຖ້ອຍຄຳທີ່ພຣະອົງກ່າວ: "ຄວາມສັດຊື່ ຫລື ຄວາມຮັກບໍ່ມີຢູ່ໃນດິນແດນນີ້ ແລະ ບໍ່ມີຄວາມຮັບຮູ້ພຣະເຈົ້າ.
|
||
\v 2 ພວກເຂົາເຮັດຄໍາສັນຍາ ແລະ ລະເມີດ ຄໍາສັນຍານັ້ນ. ພວກເຂົາຂີ້ຕົວະ, ເປັນ ຄາດຕະກອນ, ຂີ້ລັກ ແລະ ຫລີ້ນຊູ້ສູ່ຜົວເມຍ ຄົນອື່ນ. ອາຊະຍາກໍາ ມີເພີ່ມຂຶ້ນ ແລະ ການ ຂ້າຟັນກັນ ກໍມີຢູ່ທຸກມື້ທຸກວັນ.
|
||
|
||
\s5
|
||
\v 3 ສະນັ້ນດິນແດນ ຈະແຫ້ງແລ້ງ ທຸກສິ່ງທີ່ ມີຊີວິດ ຢູ່ໃນນັ້ນຈະຕາຍໄປໝົດ. ສັດແລະ ນົກທັງປວງ ແມ່ນແຕ່ປາ ກໍຈະຕາຍດ້ວຍ.”
|
||
|
||
\s5
|
||
\v 4 ອົງພຣະຜູ້ເປັນເຈົ້າ ກ່າວວ່າ, “ຢ່າໃຫ້ຜູ້ໃດກ່າວໂທດ ຫລື ຕິຕຽນປະຊາຊົນ ເພາະຄໍາຈົ່ມຂອງເຮົາ ແມ່ນຕໍ່ສູ້ພວກເຈົ້າ ຜູ້ເປັນປະໂຣຫິດ. [ຕ]
|
||
\v 5 ພວກເຈົ້າເຮັດຜິດ ທັງກາງເວັນ ແລະ ກາງຄືນ ພວກຜູ້ທໍານວາຍ ກໍບໍ່ດີລື່ນໄປ ກວ່າພວກເຈົ້າ. ເຮົາກໍາລັງຈະທາໍລາຍແມ່ ຂອງພວກເຈົ້າ.
|
||
|
||
\s5
|
||
\v 6 ປະຊາຊົນຂອງເຮົາ ໄດ້ຖືກທາໍລາຍ ເພາະພວກເຂົາ ຂາດຄວາມຮັບຮູ້. ພວກເຈົ້າ ຜູ້ເປັນປະໂຣຫິດ ບໍ່ຍອມຮັບຮູ້ເຮົາ ແລະ ໄດ້ ປະຖິ້ມຄໍາສັ່ງສອນຂອງເຮົາ; ດັ່ງນັ້ນແຫລະ ເຮົາຈຶ່ງບໍ່ຍອມຮັບຮູ້ພວກເຈົ້າ ແລະ ບໍ່ຍອມ ຮັບຮູ້ລູກຊາຍຂອງພວກເຈົ້າ ວ່າເປັນປະໂຣຫິດຂອງເຮົາ.
|
||
\v 7 ພວກເຈົ້າຜູ້ເປັນປະໂຣຫິດ ມີຈາໍນວນຫລາຍຂຶ້ນເທົ່າໃດ ພວກເຈົ້າກໍຍິ່ງ ເຮັດບາບ ຕໍ່ສູ້ເຮົາຫລາຍຂຶ້ນເທົ່ານັ້ນ ເຮົາຈະ ໃຫ້ກຽດຕິຍົດ ຂອງພວກເຈົ້າົກາຍເປັນຄວາມ ອັບອາຍ.
|
||
|
||
\s5
|
||
\v 8 ພວກເຈົ້າ ຮັ່ງມີຂຶ້ນຍ້ອນປະຊາຊົນຂອງເຮົາເຮັດບາບ; ດັ່ງນັ້ນແຫລະ ພວກເຈົ້າຈຶ່ງຢາກໃຫ້ປະຊາຊົນຂອງເຮົາເຮັດບາບຫລາຍ ຂຶ້ນຕື່ມ.
|
||
\v 9 ພວກເຈົ້າຈະໄດ້ຮັບໂທດຢ່າງ ທໍລະມານ ເໝືອນກັນກັບປະຊາຊົນ. ເຮົາຈະ ລົງໂທດພວກເຈົ້າ ແລະ ເຮັດໃຫ້ໃຊ້ໜີ້ກໍາ ແຫ່ງການຊົ່ວທີ່ພວກເຈົ້າ ໄດ້ເຮັດນັ້ນ.
|
||
|
||
\s5
|
||
\v 10 ພວກເຈົ້າຈະກິນສ່ວນແບ່ງ ເຄື່ອງບູຊາ ທີ່ເປັນຂອງພວກເຈົ້າ; ແຕ່ກໍຍັງຈະຫິວຢູ່. ພວກເຈົ້າຈະຂາບໄຫວ້ ບັນດາພະ ທີ່ໃຫ້ເກີດ ຄວາມອຸດົມສົມບູນ; ແຕ່ກໍຍັງບໍ່ມີລູກ ເພາະ ພວກເຈົ້າໜີຈາກເຮົາໄປ ບົວລະບັດຮັບໃຊ້ພະອື່ນ.”
|
||
|
||
\s5
|
||
\v 11 ອົງພຣະຜູ້ເປັນເຈົ້າກ່າວ ວ່າ, “ເຫລົ້າອະງຸ່ນທັງເກົ່າ ແລະ ໃໝ່ ກາໍລັງເຮັດໃຫ້ປຊາຊົນຂອງເຮົາເສຍຄົນ.
|
||
\v 12 ພວກເຂົາຂໍຮ້ອງ ໃຫ້ສິ່ງທີ່ເຮັດດ້ວຍໄມ້ເປີດເຜີຍ ເລື່ອງຕ່າງໆ ໃຫ້ພວກຕົນຮູ້ທ່ອນໄມ້ບອກພວກເຂົາ ຕາມທີ່ ພວກເຂົາຢາກຮູ້ ພວກເຂົາໄດ້ປະຖິ້ມເຮົາ. ດັ່ງ ຍິງຜູ້ໜຶ່ງທີ່ກາຍເປັນໂສເພນີ ພວກເຂົາຖວາຍ ຕົນເອງແກ່ ພະອື່ນ.
|
||
|
||
\s5
|
||
\v 13 ພວກເຂົາຖວາຍ ເຄື່ອງເຜົາບູຊາ ທີ່ສະຖານສັກສິດ ຢູ່ເທິງຈອມພູ ແລະ ເຜົາເຄື່ອງຫອມບູຊາ ຢູ່ເທິງເນີນພູ ແລະ ຢູ່ໃຕ້ ຕົ້ນໄມ້ສູງ ຄື ຕົ້ນໄມ້ ທີ່ແຜ່ງ່າອອກ ເພາະມັນມີຮົ່ມເຢັນດີ. ຜົນທີ່ຕາມມາກໍຄືວ່າ ພວກລູກສາວຂອງພວກເຈົ້າ ພາກັນເປັນໂສເພນີ ແລະພວກລູກໃພ້ຂອງພວກເຈົ້າ ກໍພາກັນຫລີ້ນຊູ້.
|
||
\v 14 ແຕ່ເຖິງຢ່າງໃດກໍຕາມ ເຮົາຈະບໍ່ລົງໂທດພວກເຂົາເພາະເຮັດດັ່ງນັ້ນ ຍ້ອນພວກເຈົ້າເອງ ກໍໄປກັບໂສເພນີປະຈາໍ ວິຫານ [ຖ] ແລະເຜົາເຄື່ອງບູຊາຖວາຍແກ່ ພະຕ່າງຊາດຮ່ວມກັບພວກເຂົາ. ດັ່ງສຸພາສິດ ກ່າວວ່າ ຄົນທີ່ຂາດປັນຍາຈະເຖິງແກ່ ຄວາມພິນາດ.”
|
||
|
||
\s5
|
||
\v 15 ເຖິງແມ່ນວ່າ ປະຊາຊົນອິດສະຣາເອນ ຂອງເຮົາ ບໍ່ສັດຊື່ຕໍ່ເຮົາ ກໍຕາມ ກໍຢ່າໃຫ້ປະຊາຊົນຢູດາ ເຮັດຜິດໃນລັກສະນະ ດຽວກັນ. ຢ່າໄປຂາບໄຫວ້ໃນເມືອງ ກິນການ ຫລື ເບັດເອນ [ທ] ຫລື ສັນຍາຢູ່ທີ່ນັ້ນວ່າ ‘ອົງ ພຣະຜູ້ເປັນເຈົ້າ ອົງຊົງຊີວິດຢູ່. ’
|
||
\v 16 ປະຊາຊົນອິດສະຣາເອນ ນັ້ນດື້ດຶງດັ່ງລໍ. ເຮົາ ຈະລ້ຽງພວກເຂົາ ດັ່ງແກະ ທີ່ຢູ່ໃນທົ່ງຫຍ້າ ໄດ້ຢ່າງໃດ?
|
||
|
||
\s5
|
||
\v 17 ປະຊາຊົນອິດສະຣາເອນ ຢູ່ໃຕ້ອໍານາດ ຂອງຮູບເຄົາຣົບທັງຫລາຍ. ຈົ່ງປ່ອຍໃຫ້ພວກເຂົາໄປຕາມທາງຂອງພວກເຂົາເອງ.
|
||
\v 18 ຫລັງຈາກ ດື່ມເຫລົ້າອະງຸ່ນຢ່າງໜັກແລ້ວ ພວກເຂົາກໍຍິນດີ ໄປກັບພວກໂສເພນີ ແລະ ມັກເຮັດໃຫ້ເສຍ ຊື່ສຽງຫລາຍກວ່າ ໄດ້ຊື່ສຽງ.
|
||
\v 19 ພວກເຂົາຈະຖືກກວາດໄປດັ່ງລົມ ພະຍຸພັດ ແລະ ພວກເຂົາກໍຈະອັບອາຍ ໃນ ການຖວາຍບູຊາຕ່າງໆ ແກ່ພະຕ່າງຊາດ. [ນ]
|
||
|
||
\s5
|
||
\c 5
|
||
\p
|
||
\v 1 “ພວກເຈົ້າ ຜູ້ເປັນປະໂຣຫິດ ຈົ່ງຟັງເລື່ອງນີ້ ປະຊາຊົນອິດສະຣາເອນ ຈົ່ງລະມັດ ລະວັງເດີ ພວກເຈົ້າຜູ້ເປັນເຊື້ອວົງ ຂອງ ກະສັດ ຈົ່ງຟັງເທີ້ນ ພວກເຈົ້າຄວນຈະຕັດສິນ ຢ່າງຍຸດຕິທາໍ ບໍ່ດັ່ງນັ້ນແລ້ວ ການຕັດສິນກໍຈະຕົກຖືກພວກເຈົ້າ. ພວກເຈົ້າໄດ້ກາຍເປັນ ດັ່ງແຮ້ວທີ່ເມືອງ ມີຊະປາ ເປັນດັ່ງຕະຂ່າຍ ທີ່ ກາງຢູ່ເທິງພູ ຕາໂບ
|
||
\v 2 ແລະ ເປັນດັ່ງຂຸມ ເລິກທີ່ເມືອງ ອາກາຊີອາ [ບ] ແລະ ເຮົາຈະ ລົງໂທດພວກເຈົ້າທັງໝົດ.
|
||
|
||
\s5
|
||
\v 3 ເຮົາຮູ້ວ່າ ອິດສະຣາເອນ ເປັນຢ່າງໃດ ນາງຈະຫລົບລີ້ ຈາກເຮົາບໍ່ໄດ້. ນາງບໍ່ສັດຊື່ຕໍ່ເຮົາ ແລະ ປະຊາຊົນຂອງນາງ ກໍບໍ່ຄູ່ຄວນທີ່ຈະນະມັດສະການເຮົາ. ”
|
||
\v 4 ຄວາມຊົ່ວທີ່ປະຊາຊົນປະພຶດນັ້ນ ໄດ້ກີດກັ້ນພວກເຂົາ ບໍ່ໃຫ້ກັບຄືນມາຫາພຣະເຈົ້າຂອງຕົນ. ການຂາບໄຫວ້ ຮູບເຄົາຣົບມີອໍານາດ ຈ່ອງດຶງພວກເຂົາໄວ້ ແລະ ພວກເຂົາກໍບໍ່ຍອມຮັບຮູ້ອົງພຣະຜູ້ເປັນເຈົ້າ.
|
||
|
||
\s5
|
||
\v 5 ຄວາມຈອງຫອງ ຂອງປະຊາຊົນ ອິດສະຣາເອນ ກໍຮ້ອງຟ້ອງ ຕໍ່ສູ້ພວກເຂົາ. ພວກເຂົາຕໍາສະດຸດລົ້ມ ຍ້ອນການບາບຂອງ ພວກເຂົາເອງ ແລະ ຝ່າຍປະຊາຊົນຢູດາ ກໍລົ້ມລົງຄືກັນ.
|
||
\v 6 ພວກເຂົານໍາເອົາຝູງແກະ ແລະ ຝູງງົວໄປເຜົາບູຊາ ແກ່ອົງພຣະຜູ້ເປັນ ເຈົ້າ; ແຕ່ບໍ່ໄດ້ປະໂຫຍດ ຫຍັງເລີຍ. ພວກເຂົາພົບພຣະອົງບໍ່ໄດ້ ເພາະພຣະອົງໄດ້ໜີຈາກພວກເຂົາໄປ ສາແລ້ວ.
|
||
\v 7 ພວກເຂົາບໍ່ສັດຊື່ຕໍ່ອົງພຣະຜູ້ເປັນເຈົ້າ; ລູກຂອງພວກເຂົາກໍບໍ່ເປັນຂອງພຣະອົງ. ດັ່ງນັ້ນແຫລະ ພວກເຂົາພ້ອມທັງດິນແດນ ຈຶ່ງຈະຖືກທາໍ ລາຍໃນໄວໆ ນີ້.
|
||
|
||
\s5
|
||
\v 8 ຊາວເບັນຢາມິນ ເອີຍ ຈົ່ງອອກສູ່ສະໜາມຮົບເທີ້ນ ຈົ່ງເປົ່າແກເຕືອນ ເພື່ອເຮັດເສິກທີ່ເມືອງ ກີເບອາ ຈົ່ງສົ່ງສຽງສັນຍານໄພ ທີ່ເມືອງ ຣາມາ ຈົ່ງສົ່ງສຽງໂຮຮ້ອງສູ້ຮົບທີ່ ເບັດເອນ. ຊາວເບັນຢາມິນ ເອີຍຈົ່ງເຂົ້າສູ່ ສະໜາມຮົບເຖີດ
|
||
\v 9 ມື້ແຫ່ງການພິພາກສາ ພວມມາເຖິງ ແລະ ຊາດອິດສະຣາເອນ ກໍຈະ ຖືກທໍາລາຍ; ປະຊາຊົນອິດສະຣາເອນ ເອີຍ ເຫດການນີ້ ຈະເກີດຂຶ້ນຢ່າງແນ່ນອນ.
|
||
|
||
\s5
|
||
\v 10 ອົງພຣະຜູ້ເປັນເຈົ້າ ກ່າວວ່າ, “ເຮົາໂກດຮ້າຍ ເພາະພວກຜູ້ນາໍຊາວຢູດາ ໄດ້ບຸກຮຸກອິດສະຣາເອນ ແລະ ລັກເອົາດິນແດນໄປ ຈາກນາງ. ສະນັ້ນັເຮົາຈຶ່ງຈະລົງໂທດ ພວກເຂົາເໝືອນ ນາໍ້ທີ່ໄຫລຖ້ວມ.
|
||
\v 11 ອິດສະຣາເອນ ພວມຖືກກົດຂີ່ ນາງຈຶ່ງເສຍ ດິນແດນ ທີ່ເປັນສິດທິຂອງຕົນ ເພາະນາງດື້ດັນ ໄປຂໍຄວາມຊ່ວຍເຫລືອນາໍ ຜູ້ອື່ນທີ່ບໍ່ມີຫຍັງຊ່ວຍເຫລືອນາງໄດ້. [ປ]
|
||
|
||
\s5
|
||
\v 12 ດັ່ງນັ້ນແຫລະ ເຮົາຈຶ່ງຈະນາໍເອົາການ ທາໍລາຍມາສູ່ອິດສະຣາເອນ ແລະ ໄພພິບັດ ມາສູ່ຢູດາ.
|
||
\v 13 ເມື່ອໃດ ອິດສະຣາເອນ ເຫັນວ່າ ຕົນເຈັບໄຂ້ ແລະ ຢູດາ ເຫັນວ່າຕົນ ມີບາດແຜ ເມື່ອນັ້ນອິດສະຣາເອນ ກໍໄປຍັງ ອັດຊີເຣຍ ເພື່ອຂໍໃຫ້ກະສັດຜູ້ຍິ່ງໃຫຍ່ ຊ່ວຍເຫລືອ, ແຕ່ລາວບໍ່ສາມາດຮັກສາ ພວກເຂົາ ຫລື ປິ່ນປົວບາດແຜ ຂອງ ພວກເຂົາໃຫ້ ດີໄດ້.
|
||
|
||
\s5
|
||
\v 14 ເຮົາຈະໂດດໃສ່ປະຊາຊົນອິດສະຣາເອນ ແລະ ຢູດາ ເໝືອນສິງຄຸບກິນ ພວກເຂົາ. ເຮົາຈະຈີກພວກເຂົາ ອອກເປັນຕ່ອນໆ ແລະ ປະຖິ້ມໄວ້. ເມື່ອເຮົາລາກພວກເຂົາໄປ ແລ້ວຈະບໍ່ມີຜູ້ໃດສາມາດ ຊ່ວຍເຫລືອພວກເຂົາໄດ້.
|
||
\v 15 ເຮົາຈະ ປະຖິ້ມປະຊາຊົນຂອງເຮາົ ຍ້ອນການບາບ ຂອງພວກເຂົາ ຈົນກວ່າພວກເຂົາໄດ້ທົນທຸກ ທໍລະມານພຽງພໍ ແລະ ມາຊອກສະແຫວງຫາ ເຮົາ. ແລ້ວບາງທີ ຍ້ອນຄວາມທຸກທໍລະມານ ນັ້ນ ພວກເຂົາຈະພະຍາຍາມຊອກຫາເຮົາ ກໍໄດ້.”
|
||
|
||
\s5
|
||
\c 6
|
||
\p
|
||
\v 1 ປະຊາຊົນ ເວົ້າວ່າ, “ໃຫ້ພວກເຮົາກັບ ຄືນໄປຫາອົງພຣະຜູ້ເປັນເຈົ້າເທາະ ພຣະອົງ ໄດ້ເຮັດໃຫ້ພວກເຮົາເຈັບປວດ ແຕ່ພຣະອົງ ຈະຮັກສາພວກເຮົາໃຫ້ດີຢ່າງແນ່ນອນ; ພຣະອົງໄດ້ເຮັດໃຫ້ພວກເຮົາ ມີບາດແຜ ແຕ່ ພຣະອົງຈະພັນບາດແຜໃຫ້.
|
||
\v 2 ພາຍໃນ ສອງ ຫາ ສາມມື້ ພຣະອົງຈະໃຫ້ພວກເຮົາຄ່ອຍໆ ດີຂຶ້ນ ແລ້ວພວກເຮົາກໍຈະມີຊີວິດຢູ່ ຊ້ອງໜ້າພຣະອົງ.
|
||
\v 3 ຈົ່ງໃຫ້ພວກເຮົາ ພະຍາຍາມ ຮູ້ຈັກອົງພຣະຜູ້ເປັນເຈົ້າ. ພຣະອົງຈະມາຫາພວກເຮົາ ຢ່າງແນ່ນອນຕອນຮຸ່ງເຊົ້າ ແລະ ແນ່ແທ້ດັ່ງຝົນລະດູ ໃບໄມ້ ປົ່ງທີ່ຕົກລົງໃສ່ຜືນແຜ່ນດິນໂລກ.”
|
||
|
||
\s5
|
||
\v 4 ແຕ່ອົງພຣະຜູ້ເປັນເຈົ້າ ກ່າວ ວ່າ, “ອິດສະຣາເອນ ແລະ ຢູດາ ເອີຍ ເຮົາຈະ ເຮັດແນວໃດ ກັບພວກເຈົ້າ? ຄວາມຮັກທີ່ ພວກເຈົ້າມີຕໍ່ເຮົານັ້ນ ກໍຈືດຈາງເຫືອດຫາຍ ໄປຢ່າງໄວ ເໝືອນນໍ້າໝອກໃນຕອນເຊົ້າ.
|
||
\v 5 ດັ່ງນັ້ນແຫລະ ເຮົາຈຶ່ງໃຊ້ຜູ້ທາໍນວາຍຂອງເຮົານາໍເອົາການພິພາກສາ ແລະ ການທາໍ ລາຍມາສູ່ພວກເຈົ້າ. ສິ່ງທີ່ເຮົາຕ້ອງການ ຈາກພວກເຈົ້ານັ້ນ ກໍເຂົ້າໃຈ ແລະ ເຫັນໄດ້ງ່າຍ ຄື:
|
||
|
||
\s5
|
||
\v 6 ເຮົາຕ້ອງການ ໃຫ້ພວກເຈົ້າຮັກເຮົາຢ່າງ ຈິງໃຈ ບໍ່ແມ່ນນາໍສັດມາຖວາຍບູຊາ. ເຮົາຢາກໃຫ້ປະຊາຊົນຂອງເຮົາ ຮູ້ຈັກເຮົາຫລາຍກວ່າ ທີ່ຈະເຜົາສັດຖວາຍແກ່ເຮົາ.
|
||
\v 7 ແຕ່ພໍ ເມື່ອພວກເຂົາ ໄດ້ເຂົ້າໄປໃນດິນແດນ ທີ່ອາດາມ [ຜ] ພວກເຂົາກໍໄດ້ລະເມີດພັນທະສັນຍາ ທີ່ເຮົາໄດ້ມີໄວ້ກັບພວກເຂົານັ້ນ.
|
||
|
||
\s5
|
||
\v 8 ກີເລອາດ ເປັນເມືອງທີ່ເຕັມໄປດ້ວຍ ຄົນຊົ່ວ ແລະ ອາຊະຍາກອນ.
|
||
\v 9 ພວກປະໂຣຫິດ ເປັນດັ່ງກຸ່ມໂຈນ ທີ່ຄອຍດັກທາໍຮ້າຍຄົນ. ແມ່ນແຕ່ ຕາມຖະໜົນຫົນທາງໄປຫາ ສະຖານທີ່ສັກສິດ ທີ່ຊີເຄມ ກໍມີການຂ້າຟັນ ລັນແທງກັນ. ພວກເຂົາໄດ້ເຮັດຊົ່ວໂດຍ ເຈດຕະນາ ແທ້ໆ
|
||
|
||
\s5
|
||
\v 10 ເຮົາໄດ້ເຫັນສິ່ງໜ້າຢ້ານຫລາຍ ໃນຊາດອິດສະລາເອນ ຄື ປະຊາຊົນຂອງເຮົາໄດ້ເຮັດໃຫ້ຕົນເອງເປັນມົນທິນ ໂດຍການຂາບໄຫວ້ຮູບເຄົາຣົບ.
|
||
\v 11 ສຳລັບພວກເຈົ້າທີ່ເປັນຊາວຢູດານັ້ນ ເຮົາໄດ້ກຳນົດເວລາ ເພື່ອລົງໂທດພວກເຈົ້າໄວ້ແລ້ວຄືກັນ ສຳລັບສິ່ງທີ່ພວກເຈົ້າກຳລັງເຮັດຢູ່ນັ້ນ."
|
||
|
||
\s5
|
||
\c 7
|
||
\p
|
||
\v 1 “ເມື່ອໃດ ເຮົາຢາກປິ່ນປົວຊາວ ອິດສະຣາເອນ ປະຊາຊົນຂອງເຮົາໃຫ້ດີ ແລະ ເຮັດໃຫ້ພວກເຂົາ ມັ່ງຄັ່ງສົມບູນອີກ; ເມື່ອນັ້ນ ເຮົາກໍເຫັນແຕ່ການໂຫດຮ້າຍ ແລະ ກິດຈະການຊົ່ວຂອງພວກເຂົາ. ພວກເຂົາສໍ້ໂກງ ກັນແລະກັນ; ງັດແງະເຂົ້າໄປໃນເຮືອນ ລັກເອົາສິ່ງຂອງ ແລະ ປຸ້ນຈີ້ຄົນຕາມຖະໜົນ ຫົນທາງ.
|
||
\v 2 ພວກເຂົາບໍ່ເຄີຍຄິດວ່າ ເຮົາຈະຈົດຈາໍ ກິດຈະການຊົ່ວທັງໝົດຂອງພວກເຂົາ; ແຕ່ການບາບຂອງພວກເຂົາ ໄດ້ອ້ອມ ພວກເຂົາໄວ້ ແລະ ເຮົາຈະບໍ່ລະເວັ້ນເບິ່ງ ການບາບນັ້ນ.”
|
||
|
||
\s5
|
||
\v 3 ອົງພຣະຜູ້ເປັນເຈົ້າ ກ່າວວ່າ, “ປະຊາຊົນ ຫລອກລວງກະສັດ ແລະ ຂ້າຣາຊການຂອງ ເພິ່ນ ໂດຍອຸບາຍຊົ່ວຂອງພວກເຂົາ.
|
||
\v 4 ພວກເຂົາທັງໝົດ ເປັນຄົນທໍລະຍົດ ແລະ ບໍ່ສັດຊື່. ຄວາມກຽດຊັງຂອງພວກເຂົາຄ່ອຍລຸກ ໄໝ້ ດັ່ງໄຟຢູ່ໃນເຕົາອົບຊຶ່ງຄົນເຮັດເຂົ້າຈີ່ ບໍ່ຕ້ອງຈຸໄຟຕື່ມ ຈົນແປ້ງນວດ ພ້ອມແລ້ວທີ່ຈະຖືກນາໍໄປອົບ.
|
||
\v 5 ໃນງານສະຫລອງສໍາລັບກະສັດນັ້ນ ພວກເຂົາໄດ້ເອົາເຫລົ້າອະງຸ່ນ ໃຫ້ກະສັດ ກັບພວກຂ້າຣາຊການຂອງເພິ່ນດື່ມ ຈົນມືນເມົາແລະເສຍສະຕິໄປ.
|
||
|
||
\s5
|
||
\v 6 ແມ່ນແລ້ວ ພວກເຂົາຮ້ອນແຮງ [ຝ] ດ້ວຍອຸບາຍຂອງພວກເຂົາ ດັ່ງເຕົາອົບຮ້ອນ. ຄວາມຮ້າຍ ໄດ້ລຸກໄໝ້ຢູ່ໃນໃຈຂອງພວກເຂົາຕະຫລອດຄືນ ແລະ ໃນຕອນເຊົ້າກໍລຸກວາບຂຶ້ນ ເປັນແປວໄຟ.
|
||
\v 7 ພວກເຂົາໄດ້ຂ້າພວກຜູ້ປົກຄອງຂອງຕົນ ດ້ວຍຄວາມຮ້ອນຈັດແຫ່ງ ການໂກດຮ້າຍ. ບັນດາກະສັດຂອງ ພວກເຂົາ ຖືກລອບສັງຫານ ຕໍ່ເນື່ອງກັນ; ແຕ່ ບໍ່ມີຜູ້ໃດ ພາວັນນາອະທິຖານ ຂໍໃຫ້ເຮົາຊ່ວຍເຫລືອ.”
|
||
|
||
\s5
|
||
\v 8 “ປະຊາຊົນອິດສະຣາເອນ ເປັນດັ່ງເຂົ້າຈີ່ທີ່ບໍ່ສຸກ. ພວກເຂົາເພິ່ງຊົນຊາດອື່ນ ໆ ທີ່ຢູ່ອ້ອມຮອບ ພວກຕົນນັ້ນ
|
||
\v 9 ແລະ ບໍ່ຄິດວ່າ ການເພິ່ງຊາວຕ່າງຊາດນັ້ນ ໄດ້ປຸ້ນເອົາເຫື່ອ ແຮງ ຂອງພວກຕົນໄປ. ມື້ຂອງພວກເຂົາ ກໍຖືກນັບໄວ້ແລ້ວ ແຕ່ພວກເຂົາບໍ່ຮູ້ຈັກ.
|
||
|
||
\s5
|
||
\v 10 ຄວາມຈອງຫອງ ຂອງປະຊາຊົນອິດສະຣາເອນ ຟ້ອງຮ້ອງພວກເຂົາ. ເຖິງແມ່ນວ່າ ມີເຫດຫລາຍປະການ ໄດ້ເກີດຂຶ້ນກໍຕາມ ພວກເຂົາກໍບໍ່ໄດ້ກັບຄືນມາຫາ ອົງພຣະຜູ້ເປັນເຈົ້າ ພຣະເຈົ້າຂອງພວກເຂົາ.
|
||
\v 11 ຊາດອິດສະຣາເອນ ວົນວຽນໄປມາ ດັ່ງນົກກາງແກ ທີ່ໂງ່ງ່າວ; ປະຊາຊົນຂອງຕົນ ຮ້ອງຂໍ ຄວາມຊ່ວຍເຫລືອຈາກປະເທດ ເອຢິບ ກ່ອນແລ້ວກໍແລ່ນໄປຫາ ອັດຊີເຣຍ
|
||
|
||
\s5
|
||
\v 12 ແຕ່ເຮົາຈະກາງຕາໜ່າງອອກ ເພື່ອຄຸບເອົາພວກເຂົາ ດັ່ງຄຸບເອົານົກທີ່ບິນຜ່ານໄປ. ເຮົາຈະລົງໂທດພວກເຂົາ ຍ້ອນການຊົ່ວຮ້າຍ ທີ່ພວກເຂົາໄດ້ເຮັດນັ້ນ. [ພ]
|
||
\v 13 ເຄາະກາໍ ມາເຖິງພວກເຂົາແລ້ວ ພວກເຂົາໄດ້ປະຖິ້ມ ເຮົາໄປ ແລະ ກະບົດຕໍ່ສູ້ເຮົາ. ພວກເຂົາຈະ ຖືກທໍາລາຍ. ເຮົາຢາກຊ່ວຍພວກເຂົາໃຫ້ພົ້ນ ແຕ່ພວກເຂົາພັດນະມັດສະການເຮົາ ຢ່າງບໍ່ ຖືກຕ້ອງ.
|
||
|
||
\s5
|
||
\v 14 ພວກເຂົາບໍ່ໄດ້ພາວັນນາ ອະທິຖານ ຫາເຮົາດ້ວຍຄວາມຈິງໃຈ; ແຕ່ໄດ້ນອນລົງ ແລະ ຮ້ອງໄຫ້ຄໍ່າຄວນ ດັ່ງຄົນບໍ່ນັບຖື ພຣະເຈົ້າ. ເມື່ອພາວັນນາ ອະທິຖານ ຂໍເຂົ້າສາລີ ແລະ ເຫລົ້າອະງຸ່ນນັ້ນ ພວກເຂົາກໍປາດເນື້ອເຖືອໜັງຕົນເອງ ຄື ກັບຄົນບໍ່ນັບຖື. ພວກເຂົາເປັນກະບົດ ແທ້ໆ
|
||
\v 15 ເຖິງແມ່ນວ່າ ເຮົາເອງ ເປັນຜູ້ລ້ຽງພວກເຂົາຂຶ້ນມາ ໃຫ້ແຂງແຮງ ກໍຕາມແຕ່ພວກເຂົາ ກໍຍັງວາງແຜນ ກະບົດຕໍ່ສູ້ເຮົາຢູ່.
|
||
|
||
\s5
|
||
\v 16 ພວກເຂົາສືບຕໍ່ຫັນໜີ ຈາກເຮົາໄປຫາ ພະອື່ນທີ່ບໍ່ມີຣິດອໍານາດ. [ຟ] ພວກເຂົາເປັນ ຜູ້ທີ່ວາງໃຈບໍ່ໄດ້ເລີຍ ເໝືອນໜ້າທະນູຄົດ. ເພາະພວກຜູ້ນາໍຂອງພວກເຂົາ ເວົ້າອວດຢ່າງຈອງຫອງ ພວກເຂົາຈະຕາຍຢ່າງທາລຸນ ແລະ ຊາວເອຢິບ ກໍຈະຫົວຂວັນພວກເຂົາ.”
|
||
|
||
\s5
|
||
\c 8
|
||
\p
|
||
\v 1 “ຈົ່ງເປົ່າແກສັນຍານເຕືອນໄພ ພວກສັດຕູກາໍລັງໂດດເຂົ້າຄຸບເອົາດິນແດນຂອງເຮົາ ເໝືອນນົກອິນຊີ; ປະຊາຊົນຂອງເຮົາໄດ້ລະເມີດພັນທະສັນຍາ ທີ່ເຮົາໄດ້ໃຫ້ໄວ້ກັບພວກເຂົາ ແລະທັງໄດ້ກະບົດຕໍ່ຄໍາສັ່ງສອນຂອງເຮົາ.
|
||
\v 2 ເຖິງແມ່ນພວກເຂົາເອີ້ນເຮົາ ວ່າເປັນພຣະເຈົ້າຂອງພວກເຂົາ ແລະອ້າງວ່າພວກເຂົາເປັນປະຊາຊົນຂອງເຮົາ ແລະຮູ້ຈັກ ເຮົາກໍຕາມ
|
||
\v 3 ພວກເຂົາກໍໄດ້ປະຖິ້ມ ສິ່ງດີງາມ. ດ້ວຍເຫດນີ້ແຫລະ ສັດຕູຈຶ່ງຈະໄລ່ ຕິດຕາມພວກເຂົາ.
|
||
|
||
\s5
|
||
\v 4 ປະຊາຊົນຂອງເຮົາ ໄດ້ເລືອກເອົາກະສັດ ແຕ່ພວກເຂົາເຮັດໄປໂດຍຕົນເອງ. ພວກເຂົາແຕ່ງຕັ້ງເອົາພວກຜູ້ນໍາໂດຍທີ່ເຮົາ ບໍ່ເຫັນດີນາໍ. ພວກເຂົາເອົາເງິນແລະຄໍາຂອງພວກເຂົາ ສ້າງຮູບເຄົາຣົບທີ່ຈະເປັນເຫດໃຫ້ ພວກເຂົາຖືກທາໍລາຍ.
|
||
\v 5 ເຮົາກຽດຊັງຮູບງົວຄໍາ ທີ່ຊາວເມືອງຊາມາເຣຍ ຂາບໄຫວ້. ເຮົາຄຽດແຄ້ນພວກເຂົາ. ຍັງເຫິງປານໃດນໍ ພວກເຂົາຈຶ່ງຈະປະຖິ້ມການຂາບໄຫວ້ຮູບເຄົາຣົບນີ້?
|
||
|
||
\s5
|
||
\v 6 ນາຍຊ່າງຊາວອິດສະຣາເອນໄດ້ສ້າງຮູບເຄົາຣົບ ຮູບນັ້ນບໍ່ແມ່ນພຣະເຈົ້າ ງົວຄໍາທີ່ຊາວຊາມາເຣຍ ຂາບໄຫວ້ຈະຖືກທາໍລາຍໃຫ້ໝົ່ນທະລາຍໄປ.
|
||
\v 7 ເມື່ອພວກເຂົາຫວ່ານລົມ ພວກເຂົາກໍຈະໄດ້ເກັບກ່ຽວລົມພະຍຸ ກົກເຂົ້າ ທີ່ບໍ່ເກີດຮວງ ໃຫ້ແປ້ງ ຫລື ເຂົ້າຈີ່ກໍບໍ່ຫ່ອນເປັນ, ແຕ່ຖ້າວ່າມັນສຸກ ຊາວຕ່າງປະເທດກໍຈະກິນໝົດເສຍ.
|
||
|
||
\s5
|
||
\v 8 ຊາວອິດສະຣາເອນ ເປັນດັ່ງຊົນຊາດອື່ນ ໆ ແລະ ບໍ່ມີປະໂຫຍດດັ່ງໄຫແຕກ.
|
||
\v 9 ດື້ດ້ານດັ່ງລໍປ່າ ປະຊາຊົນອິດສະຣາເອນ ປະພຶດຕາມທາງຂອງຕົນເອງ. ພວກເຂົາ ໄປຂໍຄວາມຊ່ວຍເຫລືອ ຈາກອັດຊີເຣຍ ແລະຈ້າງໃຫ້ຊາດອື່ນມາຄຸ້ມຄອງພວກຕົນ.
|
||
\v 10 ບັດນີ້ເຮົາຈະລວບລວມເອົາພວກເຂົາມາ ລົງໂທດ. ອີກບໍ່ດົນພວກເຂົາຈະຊັກດີ້ນດ້ວຍຄວາມເຈັບປວດ ເມື່ອຖືກກະສັດແຫ່ງອັດຊີເຣຍ ກົດຂີ່.
|
||
|
||
\s5
|
||
\v 11 ຊາວອິດສະຣາເອນ ມີແທ່ນບູຊາ ສໍາລັບຊໍາລະລ້າງບາບ ຕື່ມຂຶ້ນເທົ່າໃດ ສະຖານທີ່ເຮັດບາບ ຈະມີຕື່ມຂຶ້ນຫລາຍເທົ່າ ນັ້ນ.
|
||
\v 12 ເຮົາໄດ້ຂຽນຄໍາສັ່ງສອນຫລາຍຂໍ້ ໄວ້ຈົນນັບບໍ່ຖ້ວນ ສໍາລັບປະຊາຊົນ; ແຕ່ ພວກເຂົາບໍ່ຍອມຮັບໂດຍ ຖືວ່າຄໍາສັ່ງສອນ ນັ້ນເປັນຂອງແປກ ແລະ ຂອງຕ່າງຊາດ.
|
||
|
||
\s5
|
||
\v 13 ພວກເຂົາເຜົາຖວາຍບູຊາ ແກ່ເຮົາ ແລະ ກິນຊີ້ນທີ່ໄດ້ບູຊານັ້ນ. [ມ] ແຕ່ອົງພຣະ ຜູ້ເປັນເຈົ້າ ບໍ່ພໍໃຈກັບພວກເຂົາ; ມາບັດນີ້ ເຮົາຈະຈົດຈາໍການບາບຂອງພວກເຂົາ ແລະ ລົງໂທດພວກເຂົາຍ້ອນການບາບນັ້ນ; ເຮົາຈະສົ່ງພວກເຂົາກັບຄືນໄປຍັງປະເທດ ເອຢິບ.
|
||
\v 14 ປະຊາຊົນອິດສະຣາເອນ ໄດ້ສ້າງວັງໄວ້ຫລາຍແຫ່ງ, ແຕ່ພວກເຂົາລືມຜູ້ທີ່ສ້າງພວກເຂົາ. ປະຊາຊົນຢູດາ ສ້າງເມືອງທີ່ມີປ້ອມປ້ອງກັນໄວ້ ຫລາຍແຫ່ງ; ແຕ່ເຮົາກໍຈະ ສົ່ງໄຟມາ ເຜົາຜານເມືອງ ແລະ ທາໍລາຍວັງ ຂອງພວກເຂົາຖິ້ມ.”
|
||
|
||
\s5
|
||
\c 9
|
||
\p
|
||
\v 1 ປະຊາຊົນອິດສະຣາເອນ ເອີຍ ຈົ່ງເຊົາ ສະເຫລີມສະຫລອງ ເທດສະການຕ່າງໆ ດັ່ງຄົນຕ່າງຊາດນັ້ນສາ. ພວກເຈົ້າໄດ້ໜີຈາກ ພຣະເຈົ້າຂອງຕົນ ແລະ ບໍ່ສັດຊື່ຕໍ່ພຣະອົງ. ທົ່ວທັງປະເທດ ພວກເຈົ້າໄດ້ຂາຍຕົວເອງໃຫ້ ພະບາອານ ເໝືອນຍິງໂສເພນີ ແລະ ພວກເຈົ້າກໍມັກເຂົ້າສາລີ ທີ່ພະບາອານ ຈ່າຍໃຫ້ເປັນຄ່າຈ້າງ.
|
||
\v 2 ແຕ່ອີກບໍ່ດົນພວກເຈົ້າຈະ ບໍ່ມີເຂົ້າສາລີ ກັບ ນໍ້າມັນໝາກກອກເທດ ກິນ ພຽງພໍແລະຈະບໍ່ມີເຫລົ້າອະງຸ່ນດື່ມ.
|
||
|
||
\s5
|
||
\v 3 ປະຊາຊົນອິດສະຣາເອນ ຈະບໍ່ໄດ້ຢູ່ໃນ ດິນແດນຂອງອົງພຣະຜູ້ເປັນເຈົ້າ ອີກຕໍ່ໄປ, ແຕ່ພວກເຂົາຈະຕ້ອງກັບຄືນໄປຍັງປະເທດ ເອຢິບ ແລະ ກິນອາຫານທີ່ຫວງຫ້າມໃນ ອັດຊີເຣຍ. [ຢ]
|
||
\v 4 ຢູ່ໃນດິນແດນຕ່າງ ປະເທດເຫລົ່ານັ້ນ ພວກເຂົາຈະບໍ່ສາມາດ ເຮັດເຫລົ້າອະງຸ່ນຖວາຍ ແກ່ອົງພຣະຜູ້ເປັນ ເຈົ້າ ຫລື ນາໍເຄື່ອງເຜົາບູຊາ ໄປຖວາຍແກ່ ພຣະອົງໄດ້. ອາຫານຂອງພວກເຂົາ ຈະເຮັດ ໃຫ້ທຸກຄົນ ທີ່ກິນເປັນມົນທິນ ຄື ອາຫານທີ່ກິນໃນພິທີສົບ. ອາຫານນີ້ຈະກິນແກ້ຄວາມຫິວຂອງພວກເຂົາ ເທົ່ານັ້ນ; ແລະ ຈະຖືກນາໍໄປຖວາຍ ເປັນເຄື່ອງບູຊາໃດໆ ແກ່ອົງພຣະ ຜູ້ເປັນເຈົ້າ ໃນພຣະວິຫານບໍ່ໄດ້.
|
||
|
||
\s5
|
||
\v 5 ເມື່ອມື້ເທດສະການ ກິນລ້ຽງຖວາຍກຽດ ແດ່ອົງພຣະຜູ້ເປັນເຈົ້າມາເຖິງ ພວກເຂົາຈະ ເຮັດແນວໃດ?
|
||
\v 6 ເມື່ອໄພພິບັດມາເຖິງ ແລະ ປະຊາຊົນຖືກກະຈັດກະຈາຍໄປ ຊາວເອຢິບ ຈະທ້ອນໂຮມເອົາພວກເຂົາ ຄື ໂຮມ ເອົາໄປຝັງໄວ້ຢູ່ໃນເມືອງ ເມັມຟິດ ຊັບສົມບັດທີ່ເປັນເຄື່ອງເງິນ ແລະ ບ່ອນທີ່ຕັ້ງບ້ານເຮືອນ ຂອງພວກເຂົາ ກໍຈະມີຫຍ້າ ແລະ ພຸ່ມໜາມ ເກີດຂຶ້ນ.
|
||
|
||
\s5
|
||
\v 7 ເວລາແຫ່ງການລົງໂທດ ໄດ້ມາເຖິງ ແລ້ວ ຄື ເວລາທີ່ປະຊາຊົນຈະໄດ້ຮັບໃນສິ່ງທີ່ ສົມຄວນໄດ້ຮັບ. ເມື່ອສິ່ງນັ້ນເກີດຂຶ້ນ ຊາດອິດສະຣາເອນ ຈຶ່ງຈະຮູ້ຈັກ. ພວກເຈົ້າເວົ້າວ່າ, “ຜູ້ທາໍນວາຍຄົນນີ້ໂງ່. ຄົນທີ່ມີພຣະເຈົ້າ ດົນໃຈກໍເປັນຄົນບໍ່ເຕັມ. ” ພວກເຈົ້າກຽດຊັງ ເຮົາຫລາຍທີ່ສຸດ ເພາະບາບຂອງພວກເຈົ້າ ໜາຫລາຍ.
|
||
|
||
\s5
|
||
\v 8 ພຣະເຈົ້າໄດ້ສົ່ງຂ້າພະເຈົ້າມາ ໃນຖານະ ເປັນຜູ້ທາໍນວາຍ ເພື່ອເຕືອນຊາວອິດສະຣາເອນ ປະຊາຊົນຂອງພຣະອົງ. ແຕ່ ບ່ອນໃດກໍດີ ທີ່ຂ້າພະເຈົ້າໄປ ພວກເຈົ້າຊອກຫາດັກຈັບຂ້າພະເຈົ້າ ດັ່ງດັກຈັບນົກ. ແມ່ນແຕ່ຢູ່ໃນດິນແດນຂອງພຣະເຈົ້າເອງ ປະຊາຊົນກໍເປັນສັດຕູ ກັບຜູ້ທາໍນວາຍ.
|
||
\v 9 ພວກເຂົາເຮັດຊົ່ວຮ້າຍຫລາຍ ຈົນບໍ່ມີທາງຊ່ວຍ ດັ່ງທີ່ພວກເຂົາໄດ້ເຮັດທີ່ ກີເບອາ. [ຣ] ພຣະເຈົ້າຈະຈົດຈໍາບາບ ຂອງພວກເຂົາ ແລະ ລົງໂທດພວກເຂົາ ໃຫ້ສົມໃຈ. ແລະ ຜົນກໍາ ນໍາສະໜອງ
|
||
|
||
\s5
|
||
\v 10 ອົງພຣະຜູ້ເປັນເຈົ້າ ກ່າວວ່າ, “ເມື່ອເຮົາ ພົບເຫັນຊາດອິດສະຣາເອນ ເທື່ອທາໍອິດກໍເໝືອນ ໄດ້ພົບໝາກອະງຸ່ນ ທີ່ກາໍລັງເກີດຂຶ້ນ ໃນຖິ່ນແຫ້ງແລ້ງ ກັນດານ. ເມື່ອເຮົາໄດ້ເຫັນ ບັນພະບຸລຸດ ຂອງພວກເຈົ້າ ເທື່ອທາໍອິດກໍເໝືອນໄດ້ເຫັນໝາກເດື່ອເທດສຸກ ໃນຕົ້ນລະດູການ. ແຕ່ເມື່ອພວກເຂົາມາເຖິງພູ ເປອໍ ແລ້ວພວກເຂົາກໍໄດ້ເລີ່ມຂາບໄຫວ້ ພະບາອານ ແລະ ບໍ່ດົນພວກເຂົາ ກໍເປັນໜ້າ ກຽດຊັງ ດັ່ງບັນດາຮູບພະ ທີ່ພວກເຂົາຮັກນັ້ນ.
|
||
|
||
\s5
|
||
\v 11 ຄວາມຍິ່ງໃຫຍ່ ຂອງຊາດອິດສະຣາເອນ ຈະບິນໜີ ເໝືອນນົກ ແລະ ຈະບໍ່ມີເດັກນ້ອຍເກີດມາ ໃຫ້ພວກເຂົາອີກ ຈະບໍ່ມີຜູ້ຍິງຖືພາ ແລະ ຈະບໍ່ມີຜູ້ຍິງຕັ້ງທ້ອງ.
|
||
\v 12 ແຕ່ຖ້າວ່າ ພວກເຂົາລ້ຽງດູລູກໄວ້ ເຮົາ ຈະເອົາລູກນັ້ນ ໜີໄປເສຍ ແລະ ຈະບໍ່ປ່ອຍ ໃຫ້ຜູ້ໃດ ມີຊີວິດຢູ່. ເມື່ອເຮົາປະຖິ້ມ ປະຊາຊົນເຫລົ່ານີ້ ສິ່ງທີ່ໜ້າຢ້ານກົວຈະເກີດ ຂຶ້ນກັບພວກເຂົາ.”
|
||
|
||
\s5
|
||
\v 13 ຂ້າແດ່ ອົງພຣະຜູ້ເປັນເຈົ້າ ຂ້ານ້ອຍ ເຫັນພວກເດັກນ້ອຍ ຖືກຕາມລ່າ [ລ] ແລະ ຖືກຂ້າຖິ້ມ.
|
||
\v 14 ຂ້ານ້ອຍຈະຮ້ອງຂໍ ໃຫ້ພຣະອົງ ເຮັດຢ່າງໃດກັບປະຊາຊົນພວກນີ້? ຂໍພຣະອົງເຮັດໃຫ້ພວກຜູ້ຍິງ ເປັນໝັນສາ ຂໍເຮັດໃຫ້ແອນ້ອຍຂອງພວກເຂົາກິນນົມ ຂອງ ພວກເຂົາບໍ່ໄດ້
|
||
|
||
\s5
|
||
\v 15 ອົງພຣະຜູ້ເປັນເຈົ້າ ກ່າວວ່າ, “ຄວາມ ຊົ່ວຊ້າ ທຸກຢ່າງຂອງພວກເຂົາ ເລີ່ມຕົ້ນທີ່ເມືອງ ກິນການ. ແມ່ນບ່ອນນັ້ນແຫລະ ທີ່ເຮົາ ເລີ່ມຕົ້ນກຽດຊັງພວກເຂົາ. ຍ້ອນຄວາມບາບ ທີ່ພວກເຂົາເຮັດນັ້ນ ເຮົາຈະຂັບໄລ່ພວກເຂົາ ໃຫ້ອອກໄປ ຈາກດິນແດນຂອງເຮົາ. ເຮົາຈະ ບໍ່ຮັກພວກເຂົາອີກ ຕໍ່ໄປ; ຜູ້ນາໍທັງໝົດຂອງ ພວກເຂົາ ໄດ້ກະບົດຕໍ່ສູ້ເຮົາ.
|
||
|
||
\s5
|
||
\v 16 ປະຊາຊົນອິດສະຣາເອນ ເປັນດັ່ງຮາກ ຂອງພືດທີ່ຕາຍ ແລະ ບໍ່ເກີດໝາກ. ພວກເຂົາ ຈະບໍ່ມີລູກ, ແຕ່ຖ້າມີ ເຮົາກໍຈະຂ້າລູກ ທີ່ພວກເຂົາຮັກນັ້ນເສຍ. ”
|
||
\v 17 ພຣະເຈົ້າອົງທີ່ຂ້າພະເຈົ້າ ຮັບໃຊ້ຈະປະຖິ້ມປະຊາຊົນ ຂອງ ພຣະອົງ ເພາະພວກເຂົາບໍ່ເຊື່ອຟັງພຣະອົງ.
|
||
|
||
\s5
|
||
\c 10
|
||
\p
|
||
\v 1 ປະຊາຊົນອິດສະຣາເອນ ເປັນດັ່ງເຄືອ ອະງຸ່ນ ທີ່ມີໝາກດົກ. ພວກເຂົາຮັ່ງມີຫລາຍ ຂຶ້ນເທົ່າໃດ ພວກເຂົາກໍກໍ່ສ້າງແທ່ນບູຊາ ຫລາຍຂຶ້ນເທົ່ານັ້ນ. ດິນແດນຂອງພວກເຂົາ ຜະລິດຜົນດີ ຂຶ້ນເທົ່າໃດ ພວກເຂົາກໍກໍ່ສ້າງ ເສົາສັກສິດ ສໍາລັບຂາບໄຫວ້ ໃຫ້ງາມຂຶ້ນເທົ່າ ນັ້ນ.
|
||
\v 2 ບັດນີ້ຄົນທີ່ມີຈິດໃຈ ລໍລ້ວງກໍຕ້ອງ ທົນທຸກຍ້ອນບາບຂອງຕົນ. ພຣະເຈົ້າຈະມ້າງ ແທ່ນບູຊາ ແລະ ທໍາລາຍເສົາສັກສິດຂອງ ພວກເຂົາຖິ້ມ.
|
||
|
||
\s5
|
||
\v 3 ອີກບໍ່ເຫິງປະຊາຊົນເຫລົ່ານີ້ ຈະເວົ້າວ່າ, “ພວກເຮົາບໍ່ມີກະສັດ ເພາະພວກເຮົາບໍ່ຢ້ານຢໍາອົງພຣະຜູ້ເປັນເຈົ້າ. ແຕ່ກະສັດເຮັດຫຍັງ ຊ່ວຍພວກເຮົາໄດ້ແດ່? ”
|
||
\v 4 ພວກເຂົາ ອອກສຽງເປັນຄໍາເປົ່າລ້າ ທັງໃຫ້ຄໍາສັນຍາ ບໍ່ຈິງ ແລະ ເຮັດຂໍ້ຕົກລົງອັນບໍ່ມີປະໂຫຍດ. ຄວາມຍຸດຕິທາໍ ກາຍເປັນຄວາມອະຍຸດຕິທໍາ ຊຶ່ງງອກຂຶ້ນມາເໝືອນຫຍ້າພິດ ຢູ່ໃນທົ່ງນາ ທີ່ໄຖແລ້ວ.
|
||
|
||
\s5
|
||
\v 5 ປະຊາຊົນທີ່ອາໄສຢູ່ໃນນະຄອນ ຊາມາເຣຍ ຈະຢ້ານກົວ ແລະ ເປັນທຸກຍ້ອນ ສູນເສຍ ຮູບງົວເຖິກຄໍາ [ວ] ທີ່ເມືອງ ເບັດເອນ. ພວກເຂົາກັບປະໂຣຫິດ ຄື ຜູ້ຮັບໃຊ້ຮູບເຄົາຣົບນັ້ນ ຈະຮ້ອງໄຫ້ໄວ້ທຸກນາໍຮູບເຄົາຣົບນີ້. ພວກເຂົາຈະຄວນຄາງ ຍ້ອນມີຜູ້ລອກເອົາຄໍາ ອັນສວຍງາມ ທີ່ໂອບຮູບນັ້ນໄປ.
|
||
\v 6 ຮູບນັ້ນຈະຖືກນາໍໄປຍັງ ອັດຊີເຣຍ ເພື່ອ ເປັນເຄື່ອງ ບັນນາການ ແກ່ຈັກກະພັດຜູ້ຍິ່ງໃຫຍ່. ເອຟຣາອິມ ກໍຖືກອັບອາຍ; ຊາດອິດສະຣາເອນ ຈະໄດ້ຮັບຄວາມເສື່ອມເສຍ ແລະ ອັບອາຍຂາຍໜ້າ ຍ້ອນຮູບເຄົາຣົບນັ້ນ.
|
||
|
||
\s5
|
||
\v 7 ກະສັດຂອງພວກເຂົາຈະຖືກນາໍຕົວໄປ ເໝືອນເສດໄມ້ທີ່ໄຫລນາໍ້.
|
||
\v 8 ຮ້ານເທວະຮູບຢູ່ເທິງພູ ອາເວນ [ຫ] ບ່ອນທີ່ພວກອິດສະຣາເອນ ຂາບໄຫວ້ຮູບເຄົາຣົບ ຈະຖືກ ທໍາລາຍຖິ້ມ. ກໍໜາມ ແລະ ຕົ້ນຫຍ້າ ຈະປົ່ງ ຂຶ້ນປົກຫຸ້ມແທ່ນບູຊາ ຂອງ ພວກເຂົາ. ປະຊາຊົນຈະຮ້ອງໃສ່ພູເຂົາທັງຫລາຍ ວ່າ, “ຈົ່ງບັງພວກເຮົາໄວ້ແດ່ ” ແລະ ເວົ້າຕໍ່ພູນ້ອຍ ວ່າ, “ຈົ່ງກວມພວກເຮົາໄວ້ສາ.”
|
||
|
||
\s5
|
||
\v 9 ອົງພຣະຜູ້ເປັນເຈົ້າ ກ່າວວ່າ, “ປະຊາຊົນ ອິດສະຣາເອນ ບໍ່ໄດ້ຢຸດເຮັດບາບ ຕໍ່ສູ້ເຮົາ ຕັ້ງແຕ່ຄາວ ທີ່ພວກເຂົາໄດ້ເຮັດບາບ ທີ່ເມືອງ ກີເບອາ. [ອ] ດັ່ງນັ້ນສົງຄາມ ຈຶ່ງຕາມທັນພວກເຂົາທີ່ ກີເບອາ.
|
||
|
||
\s5
|
||
\v 10 ເຮົາຈະໂຈມຕີ [ຮ] ແລະລົງໂທດຄົນບາບເຫລົ່ານີ້. ຊົນຊາດທັງຫລາຍຈະຮວມກັນ ຕໍ່ສູ້ພວກເຂົາ ແລະ ພວກເຂົາກໍຈະຖືກລົງ ໂທດຍ້ອນການບາບຂອງພວກເຂົາ.
|
||
\v 11 ຄັ້ງໜຶ່ງຊາດອິດສະຣາເອນ ເປັນດັ່ງງົວນ້ອຍທີ່ ່ໄດ້ ຮັບການຝຶກແອບດີແລ້ວ ພ້ອມທີ່ຈະຢຽບເຂົ້າ ດ້ວຍຄວາມເຕັມໃຈ. ແຕ່ເຮົາໄດ້ຕັດສິນ ໃຈໃສ່ແອກ [ກ] ທີ່ຄໍອັນສວຍງາມຂອງມັນ ເພື່ອໃຫ້ມັນເຮັດວຽກໜັກໜ່ວງກວ່າເກົ່າ. ເຮົາ ເຮັດໃຫ້ຢູດາ ແກ່ໄຖ ແລະ ເຮັດໃຫ້ອິດສະຣາເອນ ແກ່ຄາດ.
|
||
|
||
\s5
|
||
\v 12 ເຮົາກ່າວວ່າ, ‘ຈົ່ງໄຖດິນຕອນໃໝ່ ສໍາລັບເຈົ້າເອງ ຈົ່ງຫວ່ານຄວາມຊອບທາໍ ແລະເກັບກ່ຽວເອົາພອນຈາກການອຸທິດຕົວ ຂອງເຈົ້າທີ່ມີຕໍ່ເຮົາ. ເຖິງເວລາແລ້ວ ທີ່ເຈົ້າຈະຄືນມາຫາອົງພຣະຜູ້ເປັນເຈົ້າແລ້ວ ເຮົາກໍຈະມາ ແລະຖອກເທ ພອນເທິງເຈົ້າ. ’
|
||
\v 13 ແຕ່ ແທນທີ່ຈະເປັນດັ່ງນັ້ນ ພວກເຈົ້າພັດໄດ້ປູກຄວາມຊົ່ວ ແລະເກັບກ່ຽວຜົນກາໍຊົ່ວ. ພວກເຈົ້າໄດ້ກິນຜົນແຫ່ງການຕົວະຂອງພວກເຈົ້າ. ເພາະພວກເຈົ້າ ໄດ້ໄວ້ວາງໃຈໃນລົດຮົບ [ຂ] ແລະໃນທະຫານຈາໍນວນຫລວງຫລາຍຂອງ ພວກເຈົ້ານັ້ນ
|
||
|
||
\s5
|
||
\v 14 ສົງຄາມຈຶ່ງຈະເກີດຂຶ້ນ ກັບປະຊາຊົນ ຂອງພວກເຈົ້າ ແລະປ້ອມທັງໝົດຂອງພວກເຈົ້າ ກໍຈະຖືກທາໍລາຍລົງ. ມັນຈະເປັນດັ່ງມື້ ທີ່ ກະສັດ ຊັນມານ ໄດ້ທາໍລາຍເມືອງ ເບັດອາກເບັນ ໃນສະໜາມຮົບ ຈົນບັນດາຜູ້ເປັນແມ່ ແລະລູກໆຖືກ ຢຽບຕາຍໝົດກ້ຽງ.
|
||
\v 15 ຊາວເບັດເອນ ເອີຍ ສິ່ງນີ້ແຫລະ ຈະເກີດຂຶ້ນ ກັບພວກເຈົ້າ ກໍຍ້ອນການຊົ່ວຮ້າຍແຮງທີ່ພວກເຈົ້າໄດ້ເຮັດ. ພໍສົງຄາມ ເລີ່ມຂຶ້ນກະສັດ ແຫ່ງອິດສະຣາເອນ ກໍຈະຕາຍໄປ.”
|
||
|
||
\s5
|
||
\c 11
|
||
\p
|
||
\v 1 ອົງພຣະຜູ້ເປັນເຈົ້າ ກ່າວວ່າ, “ຄາວທີ່ຊາດອິດສະຣາເອນ ຍັງເປັນເດັກນ້ອຍຢູ່ນັ້ນ ເຮົາຮັກລາວ ແລະ ເອີ້ນລາວໃຫ້ອອກມາ ຈາກປະເທດ ເອຢິບ ໃນຖານະເປັນລູກຊາຍ. [ຄ]
|
||
\v 2 ແຕ່ເຮົາໄດ້ເອີ້ນເອົາລາວ ຫລາຍເທົ່າໃດ ລາວກໍຍິ່ງຫັນໜີຈາກເຮົາ [ງ] ໄປ ຫລາຍເທົ່ານັ້ນ. ປະຊາຊົນຂອງເຮົາ ໄດ້ຖວາຍສັດບູຊາ ແກ່ພະບາອານ ແລະ ໄດ້ເຜົາ ເຄື່ອງຫອມບູຊາ ຖວາຍແກ່ຮູບເຄົາຣົບ.
|
||
|
||
\s5
|
||
\v 3 ແຕ່ແມ່ນ ເຮົານີ້ແຫລະ ທີ່ເປັນຜູ້ໄດ້ສັ່ງ ສອນໃຫ້ຊາດອິດສະຣາເອນ ຍ່າງໄປມາໄດ້. ເຮົາໄດ້ອູ້ມປະຊາຊົນຂອງເຮົາໄວ້ ໃນອ້ອມ ແຂນ [ຈ] ແຕ່ພວກເຂົາບໍ່ຮັບຮູ້ເຮົາວ່າ ເປັນ ຜູ້ດູແລພວກເຂົາເຈົ້າ.
|
||
\v 4 ເຮົາໄດ້ໃຊ້ທັງຄວາມຮັກ ແລະ ຄວາມອ່ອນຫວານ ເປັນເຄື່ອງຊັກຈູງໃຈ ໃຫ້ພວກເຂົາກັບມາຫາເຮົາ ອີກ. ເຮົາໄດ້ໂຊມພວກເຂົາລຸກຂຶ້ນ ທັງແນບໃສ່ແກ້ມເຮົາ ແລະ ກົ້ມລົງລ້ຽງດູແລພວກເຂົາໄວ້. [ສ]
|
||
|
||
\s5
|
||
\v 5 ແຕ່ພວກເຂົາ ບໍ່ຍອມກັບຄືນມາຫາເຮົາ; ສະນັ້ນແຫລະ ພວກເຂົາຈຶ່ງຕ້ອງຄືນໄປຍັງ ປະເທດເອຢິບ ແລະ ກະສັດແຫ່ງ ອັດຊີເຣຍ ຈະປົກຄອງພວກເຂົາ.
|
||
\v 6 ສົງຄາມຈະທາໍລາຍເມືອງຂອງພວກເຂົາ ແລະ ທາໍລາຍປະຕູເມືອງ ໃຫ້ເພພັງໄປ. ມັນຈະທໍາລາຍປະຊາຊົນຂອງເຮົາ ເພາະພວກເຂົາເຮັດຕາມ ທີ່ພວກເຂົາເຫັນຊອບ.
|
||
\v 7 ພວກເຂົາຂືນໜີໄປຈາກເຮົາ. ພວກເຂົາຈະຮ້ອງໄຫ້ຍ້ອນແບກ ແອກ ແລະ ຈະບໍ່ມີຜູ້ໃດປົດແອກອອກ ໃຫ້ພວກເຂົາໄດ້. [ຊ]
|
||
|
||
\s5
|
||
\v 8 ເຮົາຈະເຊົາກ່ຽວຂ້ອງ ກັບເຈົ້າ ໄດ້ຢ່າງໃດ? ຊາດອິດສະຣາເອນ ເອີຍ ເຮົາຈະຖິ້ມເຈົ້າໄປຢ່າງໃດໄດ້? ເຮົາຈະທໍາລາຍເຈົ້າ ດັ່ງທາໍລາຍ ອັດມາ ກໍບໍ່ໄດ້ ຫລື ເຮັດຕໍ່ເຈົ້າ ດັ່ງທີ່ເຮັດຕໍ່ ເສບົວອິມ ນັ້ນ? ຈິດໃຈເຮົາ ບໍ່ຍອມໃຫ້ເຮົາເຮັດດັ່ງນັ້ນເລີຍ ຄວາມຮັກທີ່ເຮົາ ມີກໍແຮງທີ່ສຸດ ສໍາລັບເຈົ້າ.
|
||
\v 9 ເຮົາຈະບໍ່ລົງໂທດເຈົ້າ ຢ່າງຄຽດແຄ້ນໜັກດອກ ເຮົາຈະບໍ່ທາໍລາຍ ອິດສະຣາເອນ ຕໍ່ໄປອີກ. ເພາະເຮົາເປັນພຣະເຈົ້າ ແລະ ບໍ່ແມ່ນມະນຸດເຮົາຜູ້ ບໍຣິສຸດ ຢູ່ນໍາເຈົ້າຈະມາຫາ ແລະ ອີດູເຈົ້າ.
|
||
|
||
\s5
|
||
\v 10 ປະຊາຊົນຂອງເຮົາ ຈະຕິດຕາມເຮົາໄປ ເມື່ອເຮົາຮ້ອງຄໍາຣາມ ເໝືອນສິງໃສ່ ສັດຕູຂອງພວກເຂົາ. ພວກເຂົາຈະຟ້າວມາຫາເຮົາ ຈາກທິດຕາເວັນຕົກ.
|
||
\v 11 ພວກເຂົາຈະມາຈາກປະເທດ ເອຢິບ ຢ່າງວ່ອງໄວ ເໝືອນນົກ ແລະ ມາຈາກອັດຊີເຣຍ ເໝືອນ ນົກເຂົາ. ເຮົາຈະນາໍພວກເຂົາມາຍັງບ້ານເຮືອນ ຂອງພວກເຂົາອີກ. ” ອົງພຣະຜູ້ເປັນເຈົ້າ ໄດ້ກ່າວດັ່ງນີ້ແຫລະ.
|
||
|
||
\s5
|
||
\v 12 ປະຊາຊົນອິດສະຣາເອນ ອ້ອມຮອບເຮົາໄວ້ ດ້ວຍການຕົວະ ແລະ ການ ຫລອກລວງ ແລະ ປະຊາຊົນຢູດາ ກໍຍັງເປັນ ກະບົດຕໍ່ສູ້ເຮົາຢູ່ ຄື ຕໍ່ສູ້ພຣະເຈົ້າ ອົງທ່ຽງທໍາ ແລະ ບໍຣິສຸດ.
|
||
|
||
\s5
|
||
\c 12
|
||
\p
|
||
\v 1 ທຸກສິ່ງທີ່ປະຊາຊົນ ອິດສະຣາເອນ ໄດ້ ປະພຶດ ຕັ້ງແຕ່ເຊົ້າ ຈົນຄໍ່ານັ້ນ ລ້ວນແຕ່ບໍ່ມີ ປະໂຫຍດ ແລະ ສູນເສຍ ໄປທັງນັ້ນ. ການຫັກຫລັງ ແລະ ການກະທາໍອັນຮຸນແຮງ ມີເພີ່ມຂຶ້ນ ໃນທ່າມກາງພວກເຂົາ. ພວກເຂົາ ເຮັດຂໍ້ຕົກລົງກັບ ອັດຊີເຣຍ ແລະ ເຮັດທຸລະກິດກັບປະເທດ ເອຢິບ.
|
||
\v 2 ອົງພຣະຜູ້ເປັນເຈົ້າ ມີຄໍາກ່າວຟ້ອງປະຊາຊົນ ຢູດາ; ພຣະອົງຍັງຈະລົງໂທດ ຊາດອິດສະຣາເອນ ຍ້ອນວິທີປະພຶດຂອງປະຊາຊົນ. ພຣະອົງຈະ ໃຫ້ຜົນກາໍ ນາໍສະໜອງພວກເຂົາ.
|
||
|
||
\s5
|
||
\v 3 ຢາໂຄບ ບັນພະບຸລຸດຂອງພວກເຂົາໄດ້ ຕໍ່ສູ້ກັບ ເອຊາວ ອ້າຍ ແຝດຂອງຕົນໃນ ຂະນະທີ່ທັງສອງ ຍັງຢູ່ໃນທ້ອງແມ່; ເມື່ອຢາໂຄບ ໃຫຍ່ຂຶ້ນມາ ລາວໄດ້ຕໍ່ສູ້ພຣະເຈົ້າ
|
||
\v 4 ຄື ລາວໄດ້ຕໍ່ສູ້ກັບເທວະດາ ຈົນຊະນະ. ລາວໄດ້ຮ້ອງໄຫ້ ແລະ ຂໍພອນ. ທີ່ເບັດເອນ ພຣະເຈົ້າໄດ້ລົງມາຫາ ຢາໂຄບ ຜູ້ເປັນບັນພະບຸລຸດ ຂອງ ພວກເຮົາ ແລະ ຢູ່ທີ່ນັ້ນ ພຣະອົງໄດ້ກ່າວແກ່ລາວ. [ຍ]
|
||
|
||
\s5
|
||
\v 5 ນີ້ແມ່ນ ອົງພຣະຜູ້ເປັນເຈົ້າ ພຣະເຈົ້າອົງຊົງຣິດອໍານາດ ຍິ່ງໃຫຍ່ ອົງພຣະຜູ້ເປັນເຈົ້າ ແມ່ນນາມ ຂອງ ພຣະອົງ ອົງທີ່ມະນຸດຄວນ ນ້ອມນະມັດສະການ.
|
||
\v 6 ດ້ວຍເຫດນີ້ແຫລະ ເຊື້ອສາຍຂອງ ຢາໂຄບ ເອີຍ ຈົ່ງໄວ້ວາງໃຈໃນພຣະເຈົ້າ ຂອງ ພວກເຈົ້າ ແລະ ກັບຄືນໄປຫາພຣະອົງເທີ້ນ. ຈົ່ງສັດຊື່ ແລະ ທ່ຽງທາໍ ແລະ ຈົ່ງຄອຍຖ້າພຣະເຈົ້າ ຂອງ ພວກເຈົ້າ ດໍາເນີນການ ດ້ວຍຄວາມອົດທົນ.
|
||
|
||
\s5
|
||
\v 7 ອົງພຣະຜູ້ເປັນເຈົ້າ ກ່າວວ່າ, “ປະຊາຊົນ ອິດສະຣາເອນ ບໍ່ສັດຊື່ ດັ່ງຊາວການາອານ; ພວກເຂົາມັກໃຊ້ຕາຊັ່ງຕາຊິງສໍ້ໂກງລູກຄ້າຂອງຕົນ.
|
||
\v 8 ພວກເຂົາ ເວົ້າວ່າ, ‘ພວກເຮົາ ຮັ່ງມີ ພວກເຮົາມີຊັບສົມບັດຫລາຍ. ບໍ່ມີຜູ້ໃດຟ້ອງຮ້ອງພວກເຮົາ ວ່າ ຮັ່ງມີຍ້ອນຄວາມບໍ່ສັດຊື່ໄດ້ດອກ.’
|
||
|
||
\s5
|
||
\v 9 ແຕ່ເຮົາ ຄື ອົງພຣະຜູ້ເປັນເຈົ້າ ພຣະເຈົ້າ ຂອງພວກເຈົ້າ ພຣະອົງໄດ້ນາໍພວກເຈົ້າ ອອກ ມາຈາກປະເທດເອຢິບ ເຮົາຈະເຮັດໃຫ້ພວກເຈົ້າ ອາໄສຢູ່ໃນຜ້າເຕັນອີກ ດັ່ງພວກເຈົ້າເຄີຍ ອາໄສຢູ່ຄາວທີ່ເຮົາມາຫາພວກເຈົ້າ ໃນຖິ່ນແຫ້ງແລ້ງກັນດານນັ້ນ.
|
||
\v 10 ເຮົາໄດ້ກ່າວແກ່ພວກຜູ້ທາໍນວາຍ ແລະ ໃຫ້ພວກເຂົາ ເຫັນນິມິດ ຫລາຍຢ່າງ ແລະ ເຮົາໄດ້ເຕືອນ ປະຊາຊົນຂອງເຮົາ ຜ່ານທາງຜູ້ທາໍນວາຍ ເຫລົ່ານັ້ນ.
|
||
|
||
\s5
|
||
\v 11 ແຕ່ການຂາບໄຫວ້ ຮູບເຄົາຣົບໃນ ກີເລອາດ ຍັງມີຢູ່ ແລະ ພວກທີ່ຂາບໄຫວ້ຮູບເຄົາຣົບ ເຫລົ່ານັ້ນ ກໍຈະຕາຍ. ການເຜົາບູຊາ ງົວເຖິກ ໃນກິນການຍັງມີຢູ່ ແລະ ແທ່ນບູຊາ ທັງຫລາຍ ຢູ່ໃນທີ່ນັ້ນກໍຈະກາຍເປັນກອງຫິນ ຢູ່ກາງທົ່ງນາ. ”
|
||
\v 12 ຢາໂຄບ ບັນພະບຸລຸດ ຂອງພວກເຮົາ ຕ້ອງໜີໄປຍັງ ເມໂຊໂປຕາເມຍ ບ່ອນທີ່ລາວໄດ້ເຮັດວຽກ ໃຫ້ຊາຍຄົນໜຶ່ງ ຄື ລ້ຽງແກະ ໃຫ້ເຂົາເພື່ອຈະໄດ້ເມຍ.
|
||
|
||
\s5
|
||
\v 13 ອົງພຣະຜູ້ເປັນເຈົ້າໄດ້ໃຊ້ ຜູ້ທາໍນວາຍ ຄົນໜຶ່ງມາຊ່ວຍກູ້ເອົາຊາວອິດສະຣາເອນ ອອກຈາກການເປັນທາດຮັບໃຊ້ ໃນປະເທດ ເອຢິບ ແລະ ເພື່ອດູແລພວກເຂົາ.
|
||
\v 14 ປະຊາຊົນອິດສະຣາເອນ ໄດ້ເຮັດໃຫ້ ອົງພຣະຜູ້ເປັນເຈົ້າໂກດຮ້າຍ ຢ່າງຂົມຂື່ນ; ພວກເຂົາສົມຄວນຕາຍ ຍ້ອນການປະພຶດຊົ່ວນັ້ນ. ພຣະເຈົ້າ ຢາເວ ຈະລົງໂທດພວກເຂົາ ທີ່ໄດ້ເຮັດໃຫ້ພຣະອົງ ຕ້ອງອັບອາຍຂາຍໜ້າ.
|
||
|
||
\s5
|
||
\c 13
|
||
\p
|
||
\v 1 ໃນອະດີດເມື່ອເຜົ່າ ເອຟຣາອິມ ເວົ້າວ່າ ເຜົ່າອື່ນໆ ກໍຢ້ານຢໍາ; ພວກເຂົາໃຫ້ຄວາມເຄົາຣົບນັບຖືແກ່ ເອຟຣາອິມ. ແຕ່ປະຊາຊົນ ໄດ້ເຮັດບາບຍ້ອນຂາບໄຫວ້ ພະບາອານ ແລະຍ້ອນການປະພຶດເຊັ່ນນີ້ແຫລະ ພວກເຂົາຈະຕາຍ.
|
||
\v 2 ພວກເຂົາຍັງສືບຕໍ່ເຮັດບາບ ໂດຍຫລໍ່ຮູບດ້ວຍໂລຫະໄວ້ຂາບໄຫວ້ ຄື ຫລໍ່ຮູບເຄົາຣົບເປັນເງິນ ອອກແບບຕາມຄວາມຄິດຂອງມະນຸດ ແລະເຮັດຂຶ້ນດ້ວຍສີມື ຂອງມະນຸດ. ແລ້ວພວກເຂົາ ກໍເວົ້າວ່າ, “ຈົ່ງ ຖວາຍເຄື່ອງເຜົາບູຊາແກ່ຮູບເຫລົ່ານີ້. ” ຄົນຈະຈູບຮູບນັ້ນ ໄດ້ບໍ? ເພາະມັນເປັນຮູບງົວເຖິກ. [ດ]
|
||
|
||
\s5
|
||
\v 3 ດັ່ງນັ້ນແຫລະ ປະຊາຊົນເຫລົ່ານີ້ ຈຶ່ງຈະ ດັບສູນໄປ ດັ່ງນໍ້າໝອກແລະນາໍ້ຄ້າງໃນຕອນເຊົ້າ ພວກເຂົາຈະເປັນດັ່ງແກບ ທີ່ລົມ ພັດຈາກລານຟາດເຂົ້າ ແລະດັ່ງຄວັນໄຟຈາກທໍ່ເຕົາໄຟ.
|
||
|
||
\s5
|
||
\v 4 ອົງພຣະຜູ້ເປັນເຈົ້າ ກ່າວວ່າ, “ແຕ່ເຮົາເປັນອົງພຣະຜູ້ເປັນເຈົ້າ ພຣະເຈົ້າ ຂອງພວກເຈົ້າ ຜູ້ໄດ້ນໍາພວກເຈົ້າອອກມາຈາກປະເທດ ເອຢິບ. ພວກເຈົ້າບໍ່ມີພຣະເຈົ້າ ອົງອື່ນນອກຈາກເຮົາ. ເຮົາເປັນພຣະຜູ້ຊ່ວຍໃຫ້ພົ້ນ ອົງດຽວຂອງພວກເຈົ້າ.
|
||
\v 5 ເຮົາໄດ້ລ້ຽງ ພວກເຈົ້າ ໃນບ່ອນແຫ້ງແລ້ງ ແລະ ໃນຖິ່ນ ແຫ້ງແລ້ງກັນດານ.
|
||
\v 6 ແຕ່ເມື່ອພວກເຈົ້າ ໄດ້ເຂົ້າໄປຢູ່ໃນດິນແດນ ອັນອຸດົມສົມບູນ ແລະ ຮັ່ງມີ ພວກເຈົ້າໄດ້ກິນອີ່ມໜາໍສໍາລານ ແລ້ວພວກເຈົ້າກໍຈອງຫອງ ແລະ ລືມໄລເຮົາ.
|
||
|
||
\s5
|
||
\v 7 ສະນັ້ນເຮົາຈຶ່ງຈະໂດດກັດພວກເຈົ້າ ເໝືອນສິງ. ເຮົາຈະເປັນດັ່ງເສືອດາວ ທີ່ນອນຄອຍຢູ່ຕາມທາງຂອງພວກເຈົ້າ.
|
||
\v 8 ເຮົາຈະຄຸບກັດພວກເຈົ້າ ເໝືອນໝີ ທີ່ສູນເສຍລູກ ຂອງມັນ; ເຮົາຈະຈີກພວກເຈົ້າອອກ. ເຮົາຈະ ເປັນດັ່ງສິງ ທີ່ຈີກພວກເຈົ້າກິນຄາບ່ອນ ແລະ ຈະເປັນດັ່ງສັດປ່າ ທີ່ຈີກພວກເຈົ້າອອກເປັນ ຕ່ອນໆ.
|
||
|
||
\s5
|
||
\v 9 ປະຊາຊົນອິດສະຣາເອນ ເອີຍ ເຮົາຈະ ທໍາລາຍພວກເຈົ້າ. ແລ້ວຜູ້ໃດແດ່ຈະຊ່ວຍ ພວກເຈົ້າໄດ້? [ຕ]
|
||
\v 10 ພວກເຈົ້າໄດ້ຮ້ອງຂໍ ເອົາກະສັດ ແລະ ບັນດາຜູ້ນໍາ; ແຕ່ພວກເຂົາ ຈະຊ່ວຍປະເທດໃຫ້ພົ້ນໄພ ໄດ້ຢ່າງໃດ? [ຖ]
|
||
\v 11 ດ້ວຍຄວາມໂກດຮ້າຍ ເຮົາໄດ້ໃຫ້ ພວກເຈົ້າ ມີກະສັດ ແລະ ດ້ວຍຄວາມກິ້ວໂກດ ເຮົາໄດ້ເອົາພວກເຂົາໜີໄປ.
|
||
|
||
\s5
|
||
\v 12 ຄວາມບາບ ແລະ ຄວາມຜິດຂອງ ຊາດອິດສະຣາເອນ ໄດ້ບັນທຶກໄວ້ແລ້ວ ແລະ ບັນທຶກນີ້ ກໍໄດ້ເກັບໄວ້ຢ່າງປອດໄພດີ.
|
||
\v 13 ຊາວອິດສະຣາເອນ ມີໂອກາດທີ່ຈະມີຊີວິດຢູ່, ແຕ່ພວກເຂົາ ປະໂອກາດນັ້ນໄປ ເພາະຄວາມ ໂງ່ຈ້າ ດັ່ງເດັກນ້ອຍທີ່ກາໍລັງຈະເກີດ ແຕ່ບໍ່ຍອມອອກມາ ຈາກທ້ອງແມ່.
|
||
|
||
\s5
|
||
\v 14 ເຮົາຈະບໍ່ຊ່ວຍປະຊາຊົນນີ້ ໃຫ້ພົ້ນ ຈາກພິພົບຄົນຕາຍ ຫລື ຊ່ວຍກູ້ເອົາພວກເຂົາ ໃຫ້ພົ້ນຈາກອໍານາດ ຂອງຄວາມຕາຍ. ໂອ ຄວາມຕາຍ ເອີຍ ຈົ່ງມາພ້ອມ [ທ] ກັບໄພພິບັດຂອງເຈົ້າ. ເຮົາຈະບໍ່ສົງສານປະຊາຊົນນີ້ ຕໍ່ໄປອີກແລ້ວ.
|
||
|
||
\s5
|
||
\v 15 ເຖິງແມ່ນຊາດອິດສະຣາເອນ ອອກດອກຮຸ່ງເຮືອງຂຶ້ນ ດັ່ງຕົ້ນຫຍ້າ [ນ] ເຮົາກໍຈະ ສົ່ງລົມຮ້ອນ ຈາກທິດຕາເວັນອອກ ພັດມາ ຈາກຖິ່ນແຫ້ງແລ້ງ ກັນດານ; ລົມນີ້ຈະເຮັດ ໃຫ້ນາໍ້ພຸ ແລະ ນາໍ້ສ້າງຂອງພວກເຂົາແຫ້ງລົງ. ມັນຈະພັດເອົາທຸກສິ່ງທີ່ມີຄ່າໄປ.
|
||
|
||
\s5
|
||
\v 16 ຊາມາເຣຍ ຕ້ອງຮັບໂທດຍ້ອນເປັນ ກະບົດຕໍ່ສູ້ເຮົາ. ຊາວຊາມາເຣຍ ຈະຕາຍໃນ ສົງຄາມ; ພວກແອນ້ອຍ ຈະຖືກໂຍນລົງດິນ ແລະ ພວກແມ່ມານ ກໍຈະຖືກຂ້າດ້ວຍການ ແຫກທ້ອງ.”
|
||
|
||
\s5
|
||
\c 14
|
||
\p
|
||
\v 1 ປະຊາຊົນອິດສະຣາເອນ ເອີຍ ຈົ່ງກັບ ຄືນມາຫາ ອົງພຣະຜູ້ເປັນເຈົ້າຂອງພວກເຈົ້າສາ. ບາບຂອງພວກເຈົ້າ ໄດ້ເຮັດໃຫ້ພວກເຈົ້າ ຊູນສະດຸດ ແລະ ລົ້ມລົງ.
|
||
\v 2 ຈົ່ງກັບຄືນມາ ຫາອົງພຣະຜູ້ເປັນເຈົ້າສາ ແລະ ພາວັນນາ ອະທິຖານ ຫາພຣະອົງດັ່ງນີ້: “ຂໍໂຜດອະໄພ ການບາບທຸກຢ່າງຂອງພວກຂ້ານ້ອຍ ແລະ ຮັບເອົາຄໍາພາວັນນາ ອະທິຖານ ຂອງພວກຂ້ານ້ອຍດ້ວຍ ແລ້ວພວກຂ້ານ້ອຍກໍຈະສັນ ລະເສີນພຣະອົງ ຕາມທີ່ໄດ້ສັນຍາໄວ້.
|
||
|
||
\s5
|
||
\v 3 ອັດຊີເຣຍ ບໍ່ເຄີຍຊ່ວຍພວກຂ້ານ້ອຍ ໃຫ້ພົ້ນມ້າເສິກ ໃຫ້ຄວາມຄຸ້ມຄອງ ແກ່ພວກຂ້ານ້ອຍ ກໍບໍ່ໄດ້. ພວກຂ້ານ້ອຍຈະບໍ່ກ່າວຕໍ່ຮູບເຄົາຣົບຂອງພວກຂ້ານ້ອຍອີກວ່າ ພວກມັນ ເປັນພຣະເຈົ້າຂອງພວກຂ້ານ້ອຍ. ໂອ ພຣະເຈົ້າຂອງພວກຂ້ານ້ອຍ ເອີຍ ຂໍໂຜດສໍາແດງຄວາມເມດຕາ ຕໍ່ພວກຂ້ານ້ອຍ ທີ່ຂາດ ຜູ້ເພິ່ງພາອາໄສ ດ້ວຍເຖີດ.”
|
||
|
||
\s5
|
||
\v 4 ອົງພຣະຜູ້ເປັນເຈົ້າກ່າວ ວ່າ, “ເຮົາຈະ ນາໍປະຊາຊົນຂອງເຮົາຄືນມາ ເຮົາຈະຮັກພວກເຂົາດ້ວຍສຸດໃຈ ແລະ ເຊົາໂກດຮ້າຍ.
|
||
\v 5 ເຮົາຈະເຮັດຕໍ່ຊາດອິດສະຣາເອນ ດັ່ງສາຍຝົນທີ່ຕົກລິນມາ ໃນດິນແດນທີ່ແຫ້ງແລ້ງ. ພວກເຂົາຈະເບີກບານເໝືອນ ໝູ່ມວນມາລີ ຢັ່ງຮາກໝັ້ນຄົງ ດັັ່ງຕົ້ນໄມ້ທີ່ ເລບານອນ ນັ້ນ.
|
||
\v 6 ພວກເຂົາຈະມີຊີວິດ ຈະເລີນແບບໃໝ່ຂຶ້ນມາ ຈະສວຍງາມ ດັ່ງກົກ ໝາກກອກເທດ. ພວກເຂົາຈະມີກິ່ນຫອມຫວນຊວນໃຈ ດັ່ງຕົ້ນສົນສີດາ ໃນເລບານອນ ພຸ້ນ.
|
||
|
||
\s5
|
||
\v 7 ໃນອີກເທື່ອໜຶ່ງ ພວກເຂົາຈະມີຊີວິດຢູ່ໃດ ຄືມີຊີວິດຢູ່ໃຕ້ການຄຸ້ມຄອງຂອງເຮົານັ້ນ. ພວກເຂົາຈະປູກເຂົ້າ ແລະ ຮັບຜົນຫລາຍ ດັ່ງສວນອະງຸ່ນ ພວກເຂົາຈະມີຊື່ສຽງ ດັ່ງເຫລົ້າ ອະງຸ່ນທີ່ ເລບານອນ ນັ້ນ.
|
||
\v 8 ປະຊາຊົນ ອິດສະຣາເອນ [ບ] ຈະບໍ່ກ່ຽວກັບຮູບເຄົາຣົບຕໍ່ໄປ ເຮົາຈະຕອບຄໍາພາວັນນາ ອະທິຖານ ແລະ ດູແລພວກເຂົາເຈົ້າ; ເຮົາຈະເປັນທີ່ເພິ່ງ ໃຫ້ພວກເຂົາ ດັ່ງຕົ້ນໄມ້ໃບຂຽວສົດ ເຮົາເປັນ ບໍ່ເກີດ ແຫ່ງພຣະພອນ ຂອງພວກເຂົາທັງສິ້ນ.”
|
||
|
||
\s5
|
||
\v 9 ຂໍໃຫ້ພວກທີ່ມີປັນຍາ ຈົ່ງເຂົ້າໃຈເອົາ ສິ່ງທີ່ມີຂຽນໄວ້ນີ້; ຂໍໃຫ້ພວກເຂົາຈາໍໃສ່ໃຈໄວ້. ທາງຂອງອົງພຣະຜູ້ເປັນເຈົ້າຖືກຕ້ອງ ແລະ ບັນດາຜູ້ຊອບທາໍ ຍ່ອມດໍາເນີນຕາມທາງນີ້, ແຕ່ບັນດາຄົນບາບ ຈະຕໍາສະດຸດ ແລະ ລົ້ມລົງ ເພາະລະເລີຍທາງນີ້.
|