cnw_reg/26-EZK.usfm

\id EZK
\ide UTF-8
\rem The text in this file was extracted from C:/DCS/Chin, Ngawn/WORD/26. EZEKIEL. docx.
\mt Ezekial
\h Ezekial
\mt Ezekial
\toc1 Ezekial
\toc2 Ezekial
\toc3 ezk
\s Nganhing pali le Pathian minthan nak
\c 1
\p
\v 1-2 Kum sawmthum a kim ten, Jehoiachin kumpi a caknak kum nga kum, hali ha, ni nga ni in kei cu mat a co mitei sung pen Chebar nguntui pi bulah um laih tak vanhum cu hong in, Pathian in muhnak a lak mite mu ing.
\v 3 Mah ten Chaldean ngam Chebar ngun tuipi bul pen Pathian thu cu thiampi Buzi capa Ezekial min a nei mipa cu ka nelah heng in Pathian khut cu ka hum ah koih hi.
\p
\v 4 Ka zoh ten a nasezet mi simpei huih, a sah zet mi meingo, a vak mi mei cu saklam pen heng hi. Mei sung pen amber sui zawng suak hi.
\v 5 Mahmi mei sung pen nganhing pali lang hi. Mahmi nganhing tei mel cu mihing mel keng in,
\v 6 Mitmai pali, ha pali ten nei haw.
\v 7 A ke cu a cam zet mi ke hi. A ke phalh cu khui no ke phalh bang a hih hang, a thak mi dal bang de sesul hi.
\v 8 A muhtei ha pali cu mihing pakhat khut len in, a muhtei pali sung pen a mitmai cu a ha dim in um hi.
\v 9 A ha pakhat le pakhat peh tuah in mahmi nganhing te a hawh ten pakhat hei hel ngawl in camzet in hawh thei haw hi.
\v 10 A mitmai a mel cu nganhing pali ten a taklam pen mihing mitmai, pawpi mitmai, a veilam pen khui mitmai, muvanlai mitmai tuah a dim hi.
\v 11 A ha te cu a hum lam ah phalh a ha panih peh tuah in, panih tuah a pumpi uap in um hi.
\v 12 Mahmi nganhing te, hawvang thupiak nak bang hawh haw. A hawh ten pakhat no hei hel ngawl in cam zet hawh thei haw.
\v 13 Mahmi nganhing tei mel a zawng cu meiling zawng, mei-inn zawng tuah bang ve hi. Mei cu alh in nganhing sung pen mun hempoh ah vak kawkawi in mei sung pen khuaphelep hi.
\v 14 Nganhing te vang khuaphelep a zaam bang vak in hawh tuak, kik leh tuak in um haw.
\p
\v 15 Mahmi nganhing te ka zoh laih tak a muhtei bul pen khenli in a um mi lengke pakhat lang hi.
\v 16 Mahmi lengke tei a zawng cu man a nei mi beryl suang zawng tuah bang ve hi. Mahmi pali te cu a zawng bangten in um hi. A mel cu lengke pakhat sung pen lengke pakhat bulh mi bang hi.
\v 17 A hawh ten leng ke pali cu bang ve ten a hih hang, hel ngawlin hawh thei hi.
\v 18 A ke a bem te vang a sang hang, a lauhuai mite hi haw hi. Mahmi pali cu mit tuah a dim hi.
\v 19 Nganhing te a hawh ten leng ke ten zui haw. A mah cu leihum ah a hawh ten a leng ke te vang kai thei hi.
\v 20 Hawvang hawh nak thu a um bang, a muhte vang hawh haw hi. Lengke te a muhte tuah kai in zui haw. Nganhing tei hawvang cu lengke sungah um hi.
\v 21 A mun a hawh ten lengke cu hawh hi. A colhten lengke te vang cawl haw. A muhte cu leihum pen khen in a kai ten zui haw. Itahum titale, nganhing tei hawvang cu lengke sungah um hi.
\p
\v 22 Mahmi nganhing tei luhum pen van zawng a um hang, a lauhuai a thiang kilkel mi suang bang hi.
\v 23 Van hang nuai ah a um mi ha te cu pakhat le pakhat hum ah cam zet in a phalh hang, a pawlam pen a mah khuh tukin a ha panih um hi.
\v 24 A muhte a hawh ten tuipi thuanthum awnthawm bang in hihen, a thawmlian mi aw bang in hihen, a ha a nging mi aw cu keiman za ing. Awnkam aw vang mihing tampi awnkam aw bang hi. A din ten a ha te a hah suk in um hi.
\v 25 Ding in a ha te a hah suk ten a muhtei lu hum ah vanhang nuai pen aw cu suak hi.
\p
\v 26 A muhtei lu a hum lam cu vanhang nuai pen sapphire suang zawng a nei mi tohham khun nak bang lang hi.
\v 27 Tohkham khun nak sungah hei hihen, a elkim ah hei hihen, a el pen a hum lam amber sui zawng le mei zawng bang lang hi. A nuai lam cu mei zawng bang lang in a elkim ah vak hi.
\v 28 Mah tihcun a vak mi a zawng cu nguah a zu mi ni in meingo hum pen a lang mi uical zawng bang hi. Hi thu cu Pathian minthan nak mel a zawng hi.
\s Ezekial Pathian samnak
\c 2
\p
\v 1 Mahmi ka muh ten bopkhup in um ing. Mihing pakhat in mi capa aw, ding in. Nangmah hilh tung hitin, ka nelah a son mi aw cu keiman za ing.
\v 2 Mah tihcun a son ten hawvang cu ka sungah lut tum in a din tik hang, keimah tuah otpih tupai awnkam ka zaak mi cu,
\v 3 Mi capa aw, keimah a do thei tu miphun cu tuni tian a pu le pa te tuah keimah a cat ngawl do in, a sual mi Isarel miphun tei umnak mun ah nangmah hah tung.
\v 4 A san mi mitmai le thinlung khoh a nei miphun tei umnak ah nangmah cu keiman hah in nangman Topa Pathian thupiak mi hitin, a muhtei lakah hilh tuk ci.
\v 5 A muhte cu mi do thei miphun a hih hang a ngai hei hihen, a ngai ngawl hei in hihen a muhtei sung pen kamsang um hi tih cu thei haw tuk hi.
\v 6 Mi capa aw, nang cu lingkung nam kim tawk in aikam tei sungah na um ta vang, a muhte cu lau pah sin. A muhtei awnkam vang lau pah sin. A muhte donak a nei thei miphun a hih hang, a muhtei awnkam lau pah sin. A muhtei mitmai hang, na thinkham pah sin.
\v 7 A mun do nuamnak nasezet a nei mi lungmu a neih hang a ngai hei in hihen, a ngawl ngawl hei in hihen, ka awnkam cu a muhtei lakah hilh tuk ci.
\p
\v 8 Mi capa aw, ka hilh mi awnkam ngai in. Mahmi a do thei miphun bang a do tu lungmu nei pah sin. Na kam kau in ka piak mi thu cu ei in hitin thu a piak ten,
\v 9 Keiman zo in laizial a tel mi khut cu ka nelah zaak hi.
\v 10 Mahmi laizial cu ka mai pen hong in a phalh ten a lang le lang pen lai ngan in kah nak thu, thinnop ngawl in a kahnak thu, a pha ngawl mi thu um hi.
\c 3
\p
\v 1 Mah cengten mi capa aw, na muh mi cu ei in. Hi laizial cu na eih cengten Isarel miphun tei umnak mun ah hawh in hilh in hitin a thupiak bang,
\v 2 Kam ka kau laih tak mahmi laizial cu ben tuk in,
\v 3 Mi capa aw, ka piak mi hi laizial ei in na von dim tik in hitin thu a piak bang, keiman ei in khuaitui bang hum hi.
\p
\v 4 Mah cengten mi capa aw, Isarel miphun tei umnak mun ah hawh in ka thu cu phuang in.
\v 5 Na theih awng ngawl a haksa mi awnkam thu a phuang thiam, miphun umnak mun ah nang cu keiman hah hima ing maw? Isarel miphun umnak mun ah hah ing.
\v 6 Na theih ngawl a haksa mi awnkam thu, na theih him ngawl mi awnkam thu a phuang thei miphun hempoh tei umnak mun ah hah mi hima hi. Mah tihbang mi a muhtei umnak munah a hah tale na awnkam thu ngai haw tuk hi.
\v 7 Isarel miphun ten na awnkam thu ngai haw tuk ma hi. Ka awnkam thu hei ngai haw ma hi. Isarel miphun hempoh ten ngawngtawh lungmu ngeng thinlung nei haw hi.
\v 8 Mah hang a muhtei mitmai a langlam pen na mitmai hei hihen, a muhtei cal a langlam pen na cal hei hihen, keiman khoh tik zo ing.
\v 9 Na cal cu suang bek hi ngawl in dimond sang cang saw tik zo ing. A muhte cu mi do thei miphun a hih hang, nangman lau pah sin. A muhtei mitmai hang na thinkham pah sin hitin, thupia hi.
\v 10 Mah cengten mi capa aw, na nelah ka phuan tik mi awnkam hempoh ngai in na thinlung sungah khum in.
\v 11 Mat a co mi na miphun pih tei umnak mun ah hawh in, Topa Pathian thupiak mi hitin a mun a ngai hei in hihen, a ngai ngawl hei in hihen, phuang in hitin, thupia hi.
\p
\v 12 Mah ten hawvang in keimah thiak in Pathian umnak mun pen minthan nak thupha um hen hitin, ka nung pen a nasezet mi hinhing bang aw cu keiman za ing.
\v 13 Pakhat le pakhat peh tuah in a um mi nganhing tei ha a nging mi aw hei hihen, a muhtei bul pen lengke thum aw te hei hihen, nasezet hinhing nak aw hei hihen, keiman za ing.
\v 14 Hawvang in keimah thiak in kei cu a kha mi thinlung, thinkham nak lungmu tuah zui ing. Pathian khut cu ka hum ah a ngit zet mi koih hi.
\v 15 Mat co in Chebar ngun tuipi bul Telabib khua ah a um a muhtei umnak mun ah kei cu heng in, a muhtei umnak mun pen ni salih sung amthong in um ing.
\s Isarel miphun te ngallin a piaknak
\p
\v 16 Ni salih a bo cengten Pathian awnkam ka nelah heng in,
\v 17 Mi capa aw, nang cu Isarel miphun sung pen ngalvil tu hihnak ah ka piak hang, ngallin nak ka piak mi ngai in a muhte hilh in.
\v 18 Nang cu a thungai in thi tuk ci tin mipha ngawl pa cu keiman hilh napi in, nangman ngallin nak pia ma, mipha ngawl pa cu daihnak co tik tuk in mipha ngawl pa cu ngallin nak pia ngawl in um tale mah mipha ngawl pa cu a sualnak hang thi tuk. A nunnak na nelah keiman ngen tung.
\v 19 Mah ahima tale nangman mipha ngawl pa cu ngallin nak pia napi in a man bawl phatnak hei hihen, a zui mi sualnak lamzin hei hihen, pial ngawlin a um ta le a sualnak sungah thi tuk hi. Nang cu na nunnak hawvang pan zo ci.
\v 20 Mah cengten, midik cang pa cu thukam pelh in sual a bawl hei in hihen, a lupbah theih nak thu cu a mai ah ka koih hei in hihen, a mah cu thi tuk hi. Nangman ngallin nak na piak ngawl hang, a mah cu a sualnak sungah thi tuk hi. A man dan thukham a zui awng mi cu sumsial ma hi. A nunnak cu nangma nelah keiman ngen tung.
\v 21 Mah ahima tale, midik cang pa sual a bawl tuk ngawl thu cu nangman ngallin nak pia in a man sual bawl ngawl in a um tale ngallin piak nak thupha hang a thu ngai in nunnak co tuk hi.
\p
\v 22 Mah cengten Pathian khut cu ka hum ah a koih cengten, nang cu tho in munlawn ah hawh in. Mah lai mun pen keiman hilh tung hitin thupiak mi bang,
\v 23 Kei cu tho in munlawn ah hawh ing. Ka hen ten Chebar ngun tuipi bul pen ka muh mi Pathian minthan nak cu ding in keiman bopkhup in um ing.
\v 24 Hawvang cu ka sungah lut tum ding tik in, nang cu hawh ten hi. Na inn sungah ngelh in um in.
\v 25 Mi capa aw, nang cu khau tuah ken nak co in a muhtei sung pen suak tuk ma ci.
\v 26 Nangman a muhte thu hilhnak nei ngawl um tik tuk in awnkam tang in na lei cu dang ah kop cih tuk hi. Itahum titale, a muhte cu mi do thei miphun haw hi.
\v 27 Mah hang, nangmah ka hilh ten na kam hon sak tung. Nangman Topa Pathian in thupia hitin, a muhte hilh tuk ci. A ngai tupan ngai hen. A ngai ngawl tupan ngai ngawl in um hen. A muhte cu mi do thei miphun hitin, thupia hi.
\s Jerusalem khuapi cu ngal tei kilhnak sialsiah mi
\c 4
\p
\v 1 Mah cengten mi capa aw, ukkhe cu la in na mai ah koih cengten Jerusalem khuapi zuk ngan in.
\v 2 Khuapi cu kil in khuapi a pawlam ah ngalkap bu koih in. Lei nguh te hong in. Ngalkap bute vang koih in. Khuapi a elkim pen vah mi tuu te din un.
\v 3 Mah bek sial ngawl thikpek la in nangmah le khuapi laklawh ah thik tun cengten, khuapi pakhat ah na mitmai koih in. Mah tihcun a kilh hang, mahmi khuapi kilh co tuk hi. Hi thu cu Isarel miphun tei sialsiah nak in cang tuk hi.
\p
\v 4 Mah bek sial ngawl nang cu na veilam siksah hihbu in Isarel miphun sual cu siksah koih in. Mah tihcun hihbuh mi ni sial bang, a muhtei sual cu thuak tuk hi.
\v 5 Itahum titale, ni zathum le sawmkuah sial mi bang a muhtei sual nak thu tuah a seng mi kum cu nangma hum ah keiman koih zo ing. Mah tihcun Isarel miphun tei sual cu nangman thuak tuk ci.
\v 6 Mahmi ni a kim cengten, a taklam siksah hihbu leh in ni sawmli sung, Judah miphun tei sual cu thuak hih in hi. Kum hihnak ai in keiman ni cu koih zo ing.
\v 7 Jerusalem khuapi na kilh nak thu, mitmai koih in na khut thawmlian zak in khuapi a langlam pen kamsang bawl tuk ci.
\v 8 Keiman nangmah ken in kilhcih nak thu bawl mi huncan a kim laih ngawl in nang cu langkhat pen a langlam ah siksah pah sin.
\p
\v 9 Mah bek sial ngawl sangvut cang, barly cang, pe, laicang namnih le be san, thanghem, cangtol te cu keng in, bel pakhat sung ah tokhel in koih tuk. A langlam ah siksah leh in a hihbuh mi ni cu ni zathum le nisawmkuah sung, mah a tohhel mi cang cang cu moh bawl in ei tuk.
\v 10 Mahmi moh cu nisial tikal kul teh in ei tuk.
\v 11 Tui cu tehin in tuk. Hin khat ten khen luk in kheenkhat cu a can can ten in tuk.
\v 12 Barly moh pheng eih bang ei tuk in mipi mai pen mihing ek tuah em tuk.
\v 13 Mah tihcun ka hawlvawk nak mun ngam dang miphun tei umnak mun pen Isarel miphun ten, a bal mi moh cu ei haw hitin, Pathian in thu pia hi.
\v 14 Keiman Topa Pathian aw, kei cu a bal nak ah heng ma laih ing. A thi cawm mi nganhing, sahang pet in a thi mi nganhing, a nawngkai mi nganhing sa cu ka neu laih penpan tuni tian ei mang hitin a tih ten,
\v 15 Mihing ek hihnak ai in khui ek cu keiman pia tung. Khui ek tuah na moh cu em tuk ci tin, thupia hi.
\v 16 Mah cengten mi capa aw, Jerusalem khuapi sungah moh a bawm tu cu keiman siatsuah tung. Khuapi miten moh cu cuai teh in launak tuah ei haw tuk hi. Tui vang teh in amthong thungai sung in, in haw tuk hi.
\v 17 Mok le tui a um ngawl hang, khua sung miten amthong um in a muhtei sualnak hang ngawm haw tuk hitin, thupia hi.
\c 5
\p
\v 1 Mah cengten mi capa aw, a hiam mi nam tihmi sam met tupai nam cu la in na sam le khamul meh cengten, cuai tuah teh in a tel cu khen in koih in.
\v 2 Khuapi kilhnak huncan a kim ten, sam le khamul sehthum suah sehkhat cu khuapi sung pen mei hal un. Sehkhat cu nam tuah that un. Sehkhat cu huihtheu nak pen taivawk tik un. Keiman mahmi a seh nungah nam hah tung.
\v 3 Dawm laih no bek la in na puan tuah cun in.
\v 4 Mahmi a dawm no a hekkhat te la leh meihal in. Mahmi mei in Isarel miphun dim tuk hitin, thupia hi.
\p
\v 5 Mah cengten Pathian thupiak leh mi hi zuk cu Jerusalem khuapi hi. Elkim ah a um mi uknak ngam tei mai pen mahmi khuapi cu keiman koih in,
\v 6 Elkim ah a um mi ngam sung miphun ten ka bawl mi dan thukham a palcat nak sang, mahmi khua sung miten phat ngawl nak tuah palcat haw zo. Mahmi dan thukham lamzin ah zui ngawl in el haw zo.
\v 7 Mah hang, Topa Pathian thupiak mi cu nohtei elkim ah a um ngam sung miphun tei donak sang a do saw in hihen, ka thukhen nak lamzin ah zui ngawl in ka thukham cingkem ma, elkim ngam miphun tei dan a bawl mi a zui hang in hihen,
\v 8 Kei cu na langlam ah um in ngam dang miphun tei mai pen na sual thukhen tung.
\v 9 Na bawl awng a nawngkai mi sualnak hang keiman thukhen awngma laih ing, thukhen laih ngawl mi sual dantat nak in nangmah cu thukhen tung.
\v 10 Na mai pen a pa ten a cate ei haw tuk. A caten a pa te vang ei haw tuk. Nang cu sual thukhen in a tang mi hempoh mun hempoh pen a heng mi huih mai ah keiman hah tung.
\v 11 Mah hang, Topa Pathian thupiak mi cu a nung mi ka hih nak cu a nawngkai mi thu hempoh te tuah a thiangtho ka umnak mun na bal tik hang, keiman nang cu sahelh ngawl itnak nei ngawl in mitmai pial tung.
\v 12 Nang man sehthum sung pen sehkhat cu nat nak hang thi in, na nelah ningkial haksat nak tuah thi tuk hi. Sehkhat cu na elkim pen nam haksat nak tuah lum in thi tuk hi. Sehkhat cu mun hempoh pen a hung mi huih mai pen keiman hah in a nungpen nam in zui tuk hi.
\p
\v 13 Mah tihcun ka thinuuk nak kim tuk hi. Ka thinuuk nak cu na hum ah a kho tik cengten ka thin dai tuk hi. A muhtei sungah ka thinuuk mi thinlung deihnak kim tik tuk in, keiman nasezet thinlung tuah thupiak mi cu a mun thei haw tuk hi.
\v 14 Mah bek sial ngawl a bul ah a hawh tu hempoh tei mai pen nangmah cu mi thawmveng elkim ah a um tu miphun hempoh tei mawhsiat nak thu cang tik hi.
\v 15 A thinuuk nak a nesezet hang, na nelah a nasezet mi sual dan tat nak cu ka thukhen ten elkim ah a um mi miphun hempoh sung pen nang cu mawhsiat nak thu, thu hilhnak thu, thasiah huai mi thu in cang tuk hi. Mah tihcun keimah Pathian in thupia ing.
\v 16 Nang muhte siatsuah tuk in ningkial pamtung haksat nak tihmi thal pha ngawl te ka hah ten hei in hihen, nang muhtei sungah ningkial haksat nak te khang tik in moh bawm tu ka siatsuah ten hei hihen,
\v 17 Nang muhte long in bawl siat mi ningkial haksat nak, sahang haksat nak keiman hah in nam haksat nak hei a hen tik hang haksat nat nak, thah co haksat nak ten a khuh ten hei in hihen, mah tihcun cang tuk hi. Mah tihcun keimah Pathian in thupia ing.
\s Isarel mual hum te kamsang a bawlnak
\c 6
\p
\v 1 Mah cengten Pathian awnkam thu cu ka nelah heng in,
\v 2 Mi capa aw, Isarel miphun mitmai zo in a muhtei a langlam pen kamsang bawl in.
\v 3 Isarel mual te aw, Topa Pathian thupiak mi cu ngai un. Topa Pathian in mualpi, mualneu, ngun tui, hawkluam lakah a piak mi thu cu keiman nang muhtei hum ah haksat nak nam heng tik in, a sangnak mun te subal tuk hi.
\v 4 Nohtei biakpiak nak te subal in mi thawmveng in cang tuk hi. Ni zuk milim te keh tuk hi. Zuk milim tei mai pen nohtei ngalkap te keiman that tung.
\v 5 Zuk milim mai pen Isarel miphun tei a luang cu koih in biakpiak nak elkim ah nang muhtei nguh te keiman zalh tung.
\v 6 Nang muhtei umnak mun ah a um mi khuapi te cim in, a sangnak mun te mi thawmveng in zuk milim phun kim te siatsuah phuk in, nang muhtei bawl mi thu te tham tuk hi.
\v 7 Nang muhtei umnak a laizang ah ngalkap te lum in thi haw tuk hi. Pathian ka hihnak thu thei haw tuk.
\p
\v 8 Mah naven, nohten ngam hempoh ah tham kek na um uh ten, miphun hempoh tei nam tuah a hah mi a hek khat um tik tukin a tang mi cu keiman koih tung.
\v 9 Keimah zam san in a sual tik thei mi thinlung hei hihen, zuk milim te tuah sual nuam hang zui in a zo tum tik hei in hihen, ka siatsuah ten a hah mite mat a co mi ngam hempoh pen keimah cu phawk haw tuk hi. A bawl mi hempoh a nawngkai mi thu hang, a mah le mah hua tuk hi.
\v 10 Mah tihbang mi sual dantat cu keiman pia tung hitin, keimah Pathian in a thupi ngawl thupiak a hi ngawl mi thu cu thei haw tuk hi.
\p
\v 11 Topa Pathian thupiak Isarel miphun tei bawl mi hempoh a nawngkai a pha ngawl bel mi a hih hang, thupha um ma hitin tiin, baibeng in. Na ke tuah sawh in. Itahum titale, a muhte cu nam haksat nak, ningkial dangdum haksat nak, haksat natnak tuah lum in thi haw tuk.
\v 12 Khuala um mipa cu haksat nat tuah thi in, a nai ah a um mipa cu nam haksat tuah thi in, mahmi haksat nak pen luat in a tang mipa cu ningkial haksat nak tuah thi in a muhte tei sungah ka thinuuk nak dim tuk hi.
\v 13 Zuk milim hempoh ngimnam tui biakpiak nak mun, biakpiak nak taitan elkim mualsang hum, muallek hempoh hum ah a hing dimdem mi thingkung, a lim pha mi oak thingkung nuai hempoh zuk milim sung pen ngalkap te lum in a thih haw ten, Pathian ka hihnak thu thei haw tuk.
\v 14 A muhtei hum ah ka khut zak in Diblath khuapi tuah a seng mi munlawn sang, a muhtei umnak mun ngam hempoh mi thawmveng umnak mun thasiah huai umnak mun cang tikin Pathian ka hihnak thu thei haw tuk hitin, thupia hi.
\s Dawl bel huncan heng awn zo hi
\c 7
\p
\v 1 Mah cengten Pathian awnkam thu ka nelah heng in,
\v 2 Mi capa aw, Topa Pathian Isarel miphun te camcawh in a piak mi thu cu ngam ningli pen hung in a tawpnak ah heng haw tuk.
\q
\v 3 Nang cu a dawl tawpnak ah heng in na hum ah ka mitmai hah tung. Na nundan bang keiman thukhen tung. Na bawl mi a nawngkai hempoh mitei sual thaman pia tung.
\q
\v 4 Kei cu sahelh nak um ngawl na ngamtat bang sual thaman pia tung. Na bawl mi a nawngkai thu te na lo sungah um haw tuk. Pathian ka hihnak thu cu nangman thei tuk ci.
\p
\v 5 Topa Pathian thupiak mi haksat nak pakhat nung pakhat heng tuk hi.
\q
\v 6 Phat ngawl nak heng tuk. Siatnak heng tuk. Nangmah ngak in heng zo.
\q
\v 7 Ngam sung miphun te aw, na siatnak cu na nelah heng zo. Huncan kim zo. Thatui zet aunak um ngawlin buai nak ni nai zo.
\q
\v 8 Kei cu a ngei ngawl in na hum ah ka thinuuk nak buak tung. Na nelah ka thinuuk nak kim tik tung. Na bawl mi sualnak a nawngkai mi hempoh tei sual thaman pia tung.
\q
\v 9 Sahelh nak um ngawl in na ngamtat nak bang sual thaman pia tung. Na bawl mi a nawngkai thu hempoh na mai ah um tuk hi. Keimah Pathian dan piak mi thu thei tuk uh ci.
\q
\v 10 Ni huncan heng hi. Heng hi. A thuak huncan kim hi. Tingngolh cu pak zo. Pualthau in ngal zo hi.
\q
\v 11 Bawlsiat nak a zung pen sualnak tawt zo. A mun mihon pakhat no hei, pakhat no hei tang tuk ma hi. A muhtei ca kah nak bawl tuk ma hi.
\q
\v 12 Huncan kim zo. A ni nai zo. A lei tupa lungdam tik pah sin. A zuak tu pa thinnop ngawl in phun tik pah sin. Itahum titale, mahmi mihon pi tei hum ah a thinuuk nak um hi.
\q
\v 13 A zuak tupa cu a nunnak luat naven, a zuak tupa cu lei ngam ah kik leh ma hi. Mahmi miphun te tuah a seng mi muhnak cu cangkim ngawl in um tuk ma hi. Phat ngawlnak tuah a ngamtat hang a kuamah kho thei ma hi.
\q
\v 14 Ngaldo nak um tik tuk in lemle tum haw naven, a kuamah in ngaldo hawh ma hi. Itahum titale, ka thinuuk cu mahmi mphun tei hum ah um hi.
\q
\v 15 A pawlam ah nam um hi. A sunglam pen natnak, ningkial dangdum nak um hi. Lo sungah a um tupa cu nam tuah thi tuk hi. Khuapi sungah a um mipa vang natnak, ningkial dangdum nak tuah tawp tuk hi.
\q
\v 16 Mah hang a luat mite luatnak a co ten, a muhtei sualnak tek hang thinnop ngawl phun in, hawkluam pen khulo bang mual hum ah um haw tuk.
\q
\v 17 Mah a um mi hempoh te a khut tha bo in a khuk vang zung tuk hi.
\q
\v 18 A mun thangkhau puan silh in nasezet launak tuah a muh le muh silh in pakhat no hei tang ngawl, mualpho nak mitmai tuah sam met in um haw tuk hi.
\q
\v 19 A muhtei sum cu lamzin ah vawk in sui cu a bal mi bang ngaisung haw tuk hi. Pathian thinuuk nak huncan sungah a muhtei sui le ngun cu pan tuk in bawl theih ma hi. A muhtei deihnak kim tik thei ma hi. Kham pek in cawm thei ma hi. Itahum titale, mahmi sui le ngun cu a muhtei sualnak thu in cang hi.
\q
\v 20 A muhtei sungah a mawi a pha mi van hang, a muhtei pualthau ngalnak khang tik in a muhtei sungah a nawngkai mi zuk milim te hei hihen, a nawngkai mi thu te hei hihen, a bawl haw hang mahmi van cu bal tik tuk in keiman thukhen tung.
\q
\v 21 Ngam dang miphun tih mi a thiangtho ngawl mite siatsuah tik tukin a muhtei khut sungah ka ap hang a muhte bal tik haw tuk hi.
\q
\v 22 Keimah vang mitmai pial in a mun a thiangtho ka umnak bal tik haw tuk hi. Misuam thei te lut tum in bal tik haw tuk hi.
\q
\v 23 Thik khau bawl in. Itahum titale, lei cu mihing thahnak sual tuah a dim hi. Khuapi vang bawlsiat nak tuah a dim hi.
\q
\v 24 Mah hang, mingilo miphun te keiman pui in a mun a inn te lonsak haw tuk hi. Thazang ngilnak a nei mitei pualthau ngalnak keiman dai tik tung.
\q
\v 25 Haksat siatnak heng hi. A mun daihnak zei in mu haw ma hi.
\q
\v 26 Haksat nak pakhat nung pakhat, thuthang pakhat nung pakhat heng tuk hi. Kamsang muhnak a nei tu a zei ta vang, ngah haw tuk ma hi. Thiampi ten thuphuan nak thu kum U pa ten ngaihsut thu pia ngawl in um haw tuk hi.
\q
\v 27 Kumpi cu kap tuk hi. Kumpi capa cu amthong in a puan silh tuk hi. Ngam sung miphun tei khut cu hing tawtok tuk hi. A muhtei nundan bang a muhtei sungah keiman bawl tung. Keimah Pathian hihnak thu cu thei haw tuk hitin, thupia hi.
\s Biakinn sung pen zuk milim biaknak
\c 8
\p
\v 1 Kum luk nak, ha luk ha, ni nga ni in kei cu inn ah khung in Judah miphun kum Upa te ka mai ah khung haw in, Topa Pathian khut cu ka hum ah heng hi.
\v 2 Mah ten ka zo le mei zawng a bang mi mel lang hi. A el pen a nuai lam cu mei zawng bang in hihen, a hum lam cu sui zawng a vak bang lang hi.
\v 3 A khut cu dang ka sam phang hekkhat len hawvang in keimah cu lei le vanhum laklawh ah pui to in, a thinuuk nak a sosuah tu zuk milim biakpiak umnak mun, Jerusalem khuapi saklam a sunglam luhtum nak kongka pi ah Pathian muhnak tuah keimah pui hi.
\v 4 Munlawn umnak pen a masa ka muh awng mi muhnak bang, Isarel miphun tei Pathian minthan nak lang hi.
\p
\v 5 Mi capa aw, saklam zo in hitin a thupiak mi bang saklam ah ka zoh ten saklam biakpiak nak kongka pi pen a thinuuk nak a sosuah tu zuk milim um hi.
\v 6 Mah cengten mi capa aw, kei cu a thiangtho mi umnak mun pen a khualapi ah hawh tik tuk in, a muhtei bawl mi thu, hi umnak sungah Isarel miphun a nawngkai zet mi thu a bawl te mu toh cim. Zo kik leh hawh in. Nasezet in a nawngkai saw mi thu te mu ing hitin a tih ten,
\v 7 Thukhen nak kongka pi ah keimah pui in ka zoh ten, thukhen nak pang lam pen a awng cu mu ing.
\v 8 Mah cengten mi capa aw, thukhen nak pang co in hitin thu a piak bang ka cawh cengten, luhtum nak kongka cu mu ing.
\v 9 Lut tum in. Hi umnak mun pen a bawl haw a nawngkai mi thu te zo in hitin thu a piak bang,
\v 10 Kei cu luttum in ka zoh ten thukhen nak pang bul pen a bok in a vak thei mi nganhing penpan a nawngkai nganhing hempoh le Isarel miphun tei biak mi zuk milim hempoh tei mel a ngat mi um hi.
\v 11 A muhtei mai pen Isarel miphun kum U pa sawmsalih te tuah Jaazaniah capa Shaphan cu a muhtei lai ah ding in a mu venghawng pakan dai keng in ngimnam tui mei a hal haw hang, meikhu cu sah zet in kai hi.
\v 12 Mah cengten mi capa aw, Isarel miphun kum U pa hempoh khuathim nak khan sung pen, ngat mite zuk te cu muh toh a cim maw? A mun, Pathian cu mu haw ma. Pathian in leihum pi cu zamsan zo hitin, son haw hi.
\v 13 Mah cengten zo kik leh hawh in. A muhtei bawl mi thu sung pen a nase saw in a nawngkai a bawl mite mu tuk ci tin thupia in,
\v 14 Biakinn saklam kongka pi pen pui in, mahmi umnak mun numei te cu Tammuz khawsia ca kah nak tuah khung haw hi.
\v 15 Mi capa aw, mahmi thu mu toh cim? Zo kik leh hawh in. Mah sang a tam saw a nawngkai mite cu mu tuk ci tin a tih ten,
\v 16 Pathian inn sung thukhen nak sungah pui in biakinn kongka pi, biakinn mai le biakpiak nak laklawh pen mihing kulluannga ten biakinn zamsan, a mai lam ah hek in nisuah nak lam ni cu bia haw hi.
\v 17 Mah cengten mi capa aw, mahmi thu mu toh cim? Judah miphun cu hi umnak mun pen, a nawngkai a bawl mi a sual cu zang maw? A mun sualnak tuah ngam sung hempoh ah dim tik in, ka thinuuk nak vei tampi sosuah bet haw zo. Thingkang te vang a nal kua ah belh in len haw zo.
\v 18 Mah hang, keiman sahelh ngawl in ka thinuuk nak hah tung. A mun nasezet aw tuah au in a ngen ta vang keiman ngai tuk mang hitin, thupia hi.
\s Zuk milim a bia tu hempoh a thahnak
\c 9
\p
\v 1 A siatsuah mi a ngal hiamnam cu keng tek in hi khua tei thuak mi dan tat nak cu a bul ah pui un hitin, aw nging zet tuah a sam mi cu keiman za ing.
\v 2 Mah ten mihing sawmluk ten a thah nak tuk ngalhiam nam te keng tek in, pakhat in puanthan nem silh cati bel keng in saklam a humta tumnak kongka pi pen lut in dal biakpiak nak bulah ding haw.
\p
\v 3 Isarel miphun tei Pathian a minthan umnak Cherubim pen inn kongka bulah kai in puanthan nem silh in, a biangah cati bel a keng tupa cu sam in.
\v 4 Pathian in Jerusalem khuapi a lai zang pen hawh in. Khuapi sung pen a nawngkai a bawl mi thu hempoh hang, a kap mitei cal cu noih in sialsiah hi tih hei in hihen,
\v 5 A dang a muhte vang a nung pen khuapi sungah hawh in dan tat ta un. Sahelh pah sun.
\v 6 Kum U pa, naupang, khanglai, naupang numei te that un. Mah naven sialsiah nak a nei ngawl mi pa cu nek kha pah sun. Ka umnak a thiangtho mun sungah a masa in bawl ta un hitin, a piak mi thu cu keiman za ing. A muhte vang inn mai ah a um mi kum U pa hempoh te a masa in that haw.
\v 7 Mah cengten, inn cu bal tik in a thah mi a luang te le thukhen nak te a dim tik cengten tul un hitin, a thupiak bang a mun tul in khuapi sung pen that haw.
\v 8 Mah a muhte a thah ceng haw ten ka um laih tak bopkhup in Topa Pathian aw, Jerusalem khuapi hum ah na thinuuk nak cu buak in a tang mi Isarel miphun cu siatsuah tuk hitin, au in ngen hi.
\p
\v 9 Pathian in, Isarel miphun le Judah miphun tei sual tam zet hi. Ngam sung hempoh mihing thah nak sual tuah dim hi. Khuapi vang thukam pelhnak sual tuah dim hi. A mun, Pathian in leihum cu zam san zo hi. Pathian in mu ma hitin, son haw zo.
\v 10 Mah hang, keiman sahelh nak um ngawl in a muhtei nuncan ziaza sual thaman cu a muhtei luhum ah heng tik tung hitin, keiman thupia zo ing.
\v 11 Puanthan cu silh in a biang ah cati a tel ngawl mipa vang, nangma thucah nak bang keiman bawl zo ing hitin, don leh hi.
\s Biakinn sung pen minthan a suah tulnak
\c 10
\p
\v 1 Mah cengten ka zo le Cherubim tei luhum lam vanhum pen sapphire suang bang tohkham khunnak a mel cu lang hi.
\v 2 Puan nem a silh tupan, lengke laklawh pen Cherubim nuai ah lut in. Cherubim laklawh ah a um mi meiling te a khut a langnih tuah a luah cengten khuapi hum ah zalh in hitin, thupiak mi bang a mah cu ka mai ah hawh hi.
\v 3 Lut tum in a hawh ten Cherubim ten inn taklam ah ding in a sunglam thukhen nak cu meingo tuah dim hi.
\v 4 Pathian minthan nak cu Cherubim hum pen inn kongka a hum lam ah kai to thawn in, inn cu meingo tuah dim hi. Thukhen nak vang Pathian minthan nak tuah dim hi.
\v 5 A thawmngeng Topa Pathian thupiak mi aw bang, Cherubim ha tei aw cu za ing.
\v 6 Puan nem a silh tupan lengke laklawh pen mei cu la in hitin thu a piak ten, a mah cu lut tum in lengke tei bulah ding hi.
\v 7 Cherubim pakhat in Cherubim a honpi sung pen a khut zak in Cherubiam laklawh ah a um mi mei a lak cengten, puan nem a silh tupai khut sungah koih hi. Mahmi pan sang in hawh tul ta hi.
\v 8 Cherubim ha nuai pen mihing khut cu keiman mu ing.
\p
\v 9 Ka zoh ten Cherubim tei bul ah lengke pakhat um hi. Lengke te cu beryl suang zawng um hi.
\v 10 Lengke pali cu a mel bang ten um in, lengke pakhat sung pen lengke pakhat bulh mi bang in um haw hi.
\v 11 A hawh ten lengke mitmai a pali cu bang ten um hel ngawl in hawh thei haw hi. A lu lam ah bawl mi zui in hel ngawl in hawh thei haw hi.
\v 12 Lengke pali tuah Cherubim pali te a nunglam, khut, a ha penpan a pumpi venghawng mit tuah dim hi.
\v 13 Mahmi lengke te a hel li mi min tuah a sam mi cu keiman za ing.
\v 14 Cherubim ten mitmai pali nei in a pakhat nak mitmai cu Cherubim mitmai, a panih nak mitmai cu mihing mitmai, a pathum nak mitmai cu pawpi mitmai, a pali nak mitmai cu mu vanlai mitmai hi.
\p
\v 15 Cherubim ten thiak haw hi. Hi thu cu Chebar nguntui bul pen ka muh awng mi nganhing hi.
\v 16 Cherubim te a hawh ten lengke ten zui haw. Cherubim te leihum pen kai tuk in a ha te a phalh ten, lengke te thawn ngawl in zui hi.
\v 17 A mun a cawlhten lengke te vang cawl hi. A mun leihum pen a kai to ten lengke ten zui in kai haw hi. Itahum titale, nganhing tei hawvang cu lengke sungah um hi.
\p
\v 18 Mah ten Pathian minthan nak cu inn kongka pi khung pen thawn in Cherubim hum ah um hi.
\v 19 Mahmi Cherubim te cu ka mai pen a ha te a phalh cengten leihum pen kai to haw. A pawlam ah a hawh ten lengke ten zui haw. Pathian inn mai luh tumnak kongka ah ding in Isarel miphun tei Pathian minthan nak cu a muhtei hum ah um hi.
\p
\v 20 Hi thu cu Chebar ngun tuipi bulpen Isarel miphun tei Pathian mai pen ka muh awng mi nganhing hi. Cherubim a hihnak vang keiman thei ing.
\v 21 A muhte cu mitmai pali, ha pali ten nei in a ha nuai pen mihing khut bang um hi.
\v 22 A mitmai zuk cu Chebar ngun tuipi bul pen ka muh awng mi mitmai tuah bang ve hi. A pumpi mel vang bang ve hi. Mahmi pali te cu cam zet in hawh thei hi.
\s Isarel uktu te thukhen nak
\c 11
\p
\v 1 Mah cengten hawvang in keimah thiak in, nisuah nak lam ah a hek mi Pathian inn mai ah pui in luh tum nak kongka pi ah mihing kulluannga um hi. A muhtei sung pen mipi uktu, Azzur capa Jaazaniah, Benaih capa Pelatiah te keiman mu ing.
\v 2 Thuphuan aw cu mi capa aw, a mun a pha ngawl mi ngaihsut nak a neih haw hang, hi khuapi sung pen a pha ngawl mi thuvaisiam nak bawl haw zo.
\v 3 A mun, phat ngawl nak thu heng ma laih hi. Inn sa tuk hung. Hi khua pi cu bel a hih hang, ohte cu a taksa hung hitin, son thei haw.
\v 4 Mah hang mi capa aw, a muhtei a langlam pen kamsang bawl in hilh in hitin, thupia hi.
\p
\v 5 Mah ten Pathian hawvang cu ka hum ah heng in nangman hilh in. Pathian thupiak mi cu Isarel miphun, nohten hi tihbang in son zo uh ci. Nang muhtei ngaihsut nak hempoh te kei man thei ing.
\v 6 Nohten hi khuapi sungah ngalkap te tampi tik in khuapi lamzin cu ngalkap te dim tik zo uh ci.
\v 7 Mah hang, Topa Pathian thupiak mi cu nang muhtei koih mi sa in cang hi. Hi khuapi cu a bel hi. Mah naven, nang muhte khuapi sung pen keiman suah tulpih tung.
\v 8 Nohten nam na lau uh hang, keiman nam cu nang muhtei hum ah heng tik tung hitin, Topa Pathian in thupia hi.
\v 9 Khuapi sung pen nang muhte ka suah tul cengten, tuipi kulh umnak ngam miphun tei khut sungah ap in sual thukhen tung.
\v 10 Nohten nam tuah na sun uh hang, Isarel ngam mawk pen ka thukhen nak cu Pathian ka hihnak thu, nohten thei tuk uh ci.
\v 11 Hi khua pi cu nang muhtei bel in cang tuk ma hi. Nang muhte cu bel sung pen sa in cang tuk ma uh ci. Isarel ngam mawk pen ka thukhen hang, Pathian ka hihnak nohten thei tuk uh ci.
\v 12 Itahum tiatle, nohten ka Pathian lamzin ah zui ngawl in ka dan thu bawl mite cingkem ma uh ci. Nang muhtei elkim ah a um miphun tei dan bawl mite zui zo uh ci tin, thupia hi.
\p
\v 13 Mahmi thuphuan awnkam keiman hilh in ka phuan laih tak Benaiah capa Pelatiah cu thi hi. Keiman bopkhup in Topa Pathian aw, a tang mi Isarel miphun te sung tik tuk maw tin aw nging zet tuah au ing.
\v 14 Mah cengten Pathian awnkam thu cu ka nelah heng in,
\v 15 Mi capa aw, Jerusalem khua miten Pathian nelpen khualapi ah tai haw zo. Hi ngam cu kei muhte pia zo hitin na U le nau, na miphun pih Isarel miphun hempoh tei lakah son thei haw.
\s Isarel miphun te a pin kik leh nak tuk thukam
\v 16 Mah hang, Topa Pathian thupiak mi na miphun te ngam dang miphun tei umnak mun, a khuala mi umnak mun ah keiman thawn tik in ngam hempoh ah a theh kek ta vang, a muhtei hennak ngam pen kei cu a muhtei ca a thiangtho mi umnak mun bang huncom no sung cang tuk hi.
\v 17 Topa Pathian thupiak mi a muhte cu a thehkeh mi miphun ngam hempoh pen keiman la in hulop tik cengten Isarel ngam cu pia hi.
\v 18 A muhte mahmi ngam ah heng in a nawngkai mi thu hempoh te vawk haw tuk hi.
\v 19 Keiman, a bang ve mi thinlung le a thak mi thinlung pia tung. A muhtei taksa pumpi sung pen suang thinlung cu la in taksa thinlung ka piak hang,
\v 20 A mun ka bawl mi dan thukham lamzin ah zui in a cingkep hang, ka miphun in cang haw tuk hi. Keimah vang a muhtei Pathian in cang tung.
\v 21 Mah a hima tale a nawngkai mi thu hempoh deihnak thinlung tuah a zui tu tei sual cu a muhtei lu hum ah keiman heng tik tung hitin, Topa Pathian in thupia hi.
\p
\v 22 Mah ten Cherubim ten a ha te phalh in lengke ten zui haw. Isarel miphun tei Pathian minthan nak vang a muhtei hum ah um hi.
\v 23 Pathian minthan nak cu khuapi sung pen kai in, khuapi mai ah a um mi mual hum ah ding hi.
\v 24 Hawvang in Pathian muhnak tuah keimah thiak in a pui tutei umnak mun Chaldean ngam ah hawh pih hi. Ka muh awng mi thuphuan muhnak cu keimah tuah kai to in hawh hi.
\v 25 Pathian lak awng mi thu hempoh te keiman sal mat a co mitei lakah hilh ing.
\s Ngam sung pen hawlvawk sialsiah nak
\c 12
\p
\v 1 Mah cengten Pathian awnkam thu ka nelah heng in,
\v 2 Mi capa aw, nang cu a do tu miphun sungah um ci. A mun muh theihnak mit nei naven mu thei ma hi. Zak nak tuk beng nei naven za thei ma. Donak a nei thei miphun hi uh ci.
\v 3 Mah hang mi capa aw, a dang ah thawn tuk na van te bawl in sun huncan ten a muhtei mai pen thawn in. A muhtei mai pen umnak mun dang ah thawn in. Donak a nei miphun a hita vang phawh nak hei nei haw tuk hi.
\v 4 Umnak thawn tuk in a bawl mi neihnak van te bang, na neihnak van te sun huncan ten a muhtei mitmai pen suah tuk ci. Mat a co mite bang zan huncan ten a muhtei mai pen tul tuk hi.
\v 5 A muhtei mai pen khantian te co in a neihnak van te suah tul in.
\v 6 Zan huncan in a muhtei mai pen na ko humah pua in suah tuk ci. Lei mu tuk ngawl in mitmai khuh in hi. Itahum titale, nangman Isarel miphun cu sialsiah nak cang tik tuk in keiman pia zo ing hitin thupiak mi bang,
\v 7 Kei cu mat a co mipai neihnak van te bang, ka neihnak van te sun huncan ten suah in zan huncan ten khantian pi cu khut tuah cawh cengten, zan huncan ten a muhtei mai pen a ko hum ah pua in hawh ing.
\v 8 Zing huncan ten Pathian awnkam cu ka nelah heng in,
\v 9 Mi capa aw, donak a nei thei mi Isarel miphun nangman itihbang bawl cim hitin nangmah dotnak a neih ten,
\v 10 Topa Pathian thupiak mi hilh tung. Hi thuphuan cu Jerusalem khuapi uktu kumpi penpan mahmi khuapi sungah a um tu Isarel miphun hempoh te tuah seng hi.
\v 11 Kei cu nang muhtei sialsiah nak ing. Ka bawl mi bang nohten bawl tuk uh ci. Umnak mun thawn in matnak co tuk uh ci.
\v 12 Nang muhtei kumpi in a ko hum ah pua in zan huncan ten suah in hawh tuk hi. Suah tul hawh tuk in khantian nak co tuk hi. Lei mu tuk ngawl in a mitmai khuh tuk hi.
\v 13 Mahmi kumpi vang ka suuk tuah khuh in ka thang sungah awk tik tung. Chaldean ngam Babilon khuapi ah pui tuk hi. Mahmi khuapi pen thi ta vang khuapi cu mu tuk ma hi.
\v 14 A mah bawm tuk in a kiltu a muhte le ngalkap te mun hempoh ah dim tuk hi. Nang muhtei nungpen hei in nam hah tung.
\v 15 A miphun tei sung pen khenkek tik in, ngam hempoh ah a dim ten Pathian ka hihnak thu a mun thei haw tuk hi.
\v 16 Mah hang nam haksat nak, ningkial dangdum haksat nak, pulhnat a lawn thei mi haksat nak pen luat in, ka tan tik mi hek khat te a muhtei bawl awng mi a nawngkai thu hempoh a heng leh tuk mi ngam dang miphun tei umnak ngam pen lak haw tuk hi. Pathian ka hihnak thu cu a mun thei haw tuk hitin, thupia hi.
\p
\v 17 Mah cengten Pathian awnkam thu cu ka nelah heng in,
\v 18 Mi capa aw, can tawtok an ei in. Can tawtok ngalling in, tui in hi.
\v 19 Topa Pathian in Isarel ngam, Jerusalem khua mite camcawh in a piak mi awnkam hilh tuk mi thu a mun ngallin nak tuah an cu ei haw tuk hi. Amthong in tui cu in haw tuk hi. Mah tihbang mi ngam sung miphun hempoh tei bawl mi sual hang, Isarel ngam cu a cang kim nak pen lau tuk hi.
\v 20 Mihing umnak khuapi te vang siatsuah in, ngam sung hempoh mi thawmveng in cang tuk hi. Pathian ka hihnak thu cu nohten thei tuk uh ci tin, thupia hi.
\p
\v 21 Mah cengten Pathian awnkam cu ka nelah heng in,
\v 22 Mi capa aw, ni le huncan a thawn hang thuphuan muhnak hempoh te vang sia zo hi tin Isarel ngam sung pen a man theih mi tehkip nak awnkam cu i tihbang hum?
\v 23 Mah hang Topa Pathian thupiak hilh tuk mi thu, mahmi tehkip nak awnkam cu keiman tham tik tung. Mah cengten Isarel miphun sungah mang haw tuk ma, ni le hucan nai zo. Thuphuan muhnak hempoh vang cangkim tuk hitin, hilh in.
\v 24 Mah cengten Isarel miphun sungah a thupi ngawl muhnak um tuk ma. Kamsang mi polh thiamzet vang um tuk ma hi.
\v 25 Kei cu Pathian ing. Ka hilh tale ka hilhnak bang cangkim tuk hi. A cangkim nak huncan vang thawn tuk ma hi. Do nak a nei thei miphun, nang muhtei khut sung pen keiman hilh tung. Ka hilh mi bang kim tuk hitin, Topa Pathian in thupia hi.
\p
\v 26 Mah cengten Pathian awnkam thu ka nelah heng in,
\v 27 Mi capa aw, Isarel miphun ten a muh mi thuphuan muhnak cu khuala pi laih hi. Khuala pi laih mi huncan cu camcawh in phuang thei hitin, son haw.
\v 28 Mah hang, Topa Pathian thupiak hilh tuk mi thu ka awnkam cangkim huncan cu thawn tuk ma. Ka hilhnak bang cangkim tuk hitin, Topa Pathian in thupia hi.
\s Kamsang sual te thukhen nak
\c 13
\p
\v 1 Mah cengten Pathian awnkam thu ka nelah a heng mi cu,
\v 2 Mi capa aw, nang ma thu in kamsang bawl in na phuan theih mi Isarel kamsang tei a langlam pen phuang in. Pathian thupiak mi cu ngai un hitin, a muhtei nelah hilh in.
\v 3 Topa Pathian thupiak mi cu imah thu mu ngawlin a thinlung deihnak ah a zui thei mi kamsang misil te thupha co haw ma hi.
\v 4 Isarel miphun aw, na kamsang ten ngam sungah a um mi cingne tuah bang ve hi.
\v 5 Isarel miphun cu Pathian ni a hen ten ngaldo in a thuak tuk thu, a muhte khuapi khantian nak hum ah kai to lepleh nak thu bawl ngawl in um haw tuk.
\v 6 A thupi ngawl te mu haw zo. Pathian in hah ngawl in Pathian thupiak mi hitin, zol in kamsang bawl haw zo. Ka awnkam kim tuk hitin midang te um tik tuk in bawl haw zo.
\v 7 Keiman thu hilh ngawlin Pathian thupiak hitin nohten son in a thupi ngawl mite mu haw zo ma maw? Zol thu tuah kamsang bawl zo haw hima maw?
\p
\v 8 Mah hang, Topa Pathian thupiak mi cu nohten a thupi ngawl mi awnkam hilh in, zol thu muhnak na muh hang kei cu nang muhtei a langlam ah um ing.
\v 9 A thupi ngawl mite mu in zol thu awnkam a hilh thei mi kamsang te ka kham hang, a muhte ka miphun hulopkhawm nak mun ah lut tum haw tuk ma hi. Isarel miphun cazin sung pen a muhtei min cu khum tuk ma hi. Isarel ngam sungah umnak pia tuk ma hi. Pathian ka hihnak thu cu nohten thei leh tuk uh ci
\v 10 Daihnak a um ngawl ta vang, daihnak um hitin nohten son in ka miphun te na zol uh hang in hihen, mihing pakhat in khantian sa in, mihing pakhat in taklei tuah mat in a bawl hang in hihen,
\v 11 Mahmi khantian cim tuk hitin taklei tuah a mat tute hilh in. Nguah tui in khuh tuk hi. A nasezet mi nial nguah zu tuk hi. Huihpi theu in siatsuah tuk hi.
\v 12 Mahmi khantian a cim cengten, nohtei mat mi taklei cu ai lai ah um hum tin nohten midang te dong tuk hima uh cim maw?
\v 13 Mah hang, Topa Pathian thupiak mi cu ka thinuuk in, a muhtei khantian cu huihpi theu in siatsuah tung. Ka thinuuk nak hang, nguah tui in nasezet khuhin nial tuah tawp tik tung.
\v 14 Mah tihcun nohte taklei tuah mat mi khantian cu lei cankim in ka sukbal hang a zung te liplet in, khantian nak te cim in a delh cih hang, nohte thi tuk uh ci. Pathian ka hihnak thu mahten thei tuk uh ci.
\v 15 Mah tihcun khantian nak sungah hei hihen, taklei a mat tutei sungah hei hihen, ka thinuuk nak dai tik tung. Khantian nak um ma zo hi tih hei in hihen, taklei a mat tupa cu,
\v 16 Daihnak a um ngawl ten Jerusalem khuapi ca daihnak muh mi muhnak a phuang tu Isarel kamsang um haw ma hi tih hei in hihen, a muhtei lakah keiman hilh tung hitin, Topa Pathian in thupia hi.
\p
\v 17 Mah bek sial ngawl mi capa aw, a ma thu in kamsang a bawl mi na miphun numei tei a langlam pen mitmai bawl in,
\v 18 Topa Pathian thupiak hilh tuk mi thu cu nunnak hawvang man tuk in mi hempoh tei angki awngpen lukham koih in U pa, naupang tei luhum ah lukhu a koih mi numei te cu thupha co haw ma hi. Ka mihing tei nunnak hawvang man in a nunnak hawvang thihnak pen pan thei haw tuk maw?
\v 19 Berly cang khut phamkhat le moh a hem ngah tukin ka miphun sung pen keimah zawt dem haw tuk maw? Zol thu awnkam a son thei mi ka miphun te zol thu awnkam a son theih hang, a thi tuk ngawl mitei nunnak that in a nung tak ngawl mite nunnak pia haw tuk maw?
\p
\v 20 Mah hang, Topa Pathian thupiak mi cu nohten nunnak hawvang co tuk man in, man theih mi lukham tuah keimah do in nang muhtei khut awng pen lak cengten, nohten ngah tuk in mat mi nunnak hawvang te keiman hah tung.
\v 21 Nang muhtei lukhu te vang keiman botkek in ka miphun te nang muhtei khut sung pen pan tuk hi. Mah cengten a muhte mat co in nang muhtei khut sungah heng haw tuk ma hi. Pathian ka hihnak thu cu nohten thei tuk uh ci.
\v 22 Thasiat nak ka um tik ngawl mipha te nohten zol thu awnkam tuah thasiat tik nak hang in hihen, mingilo ten a pha ngawl mi lamzin pial tuk ngawl in nunnak pia in a muhte a lungkhoh hang in hihen,
\v 23 Mah cengten nohten a thupi ngawl mi thu mu tuk ma uh ci. Kamsang bawl in phuang tuk ma uh ci. Ka miphun te nohtei khut sung pen keiman pan tung. Pathian ka hihnak thu cu nohten thei tuk uh citin, thupia hi.
\s Zuk milim a bia tute thukhen nak
\c 14
\p
\v 1 Isarel miphun kum Upa a hek khat te hung in ka mai ah khung haw.
\v 2 Pathian awnkam thu ka nelah heng in,
\v 3 Mi capa aw, hi miphun ten a thinlung sung pen a zuk milim bawl ka mai ah koihin a sualnak thingtum cu koih haw zo. A muhtei thudot nak cu keiman thuak tung maw?
\v 4 Mah hang, Topa Pathian thupiak mi cu a muhtei lakah na hilh tuk mi thu, Isarel miphun cu a thinlung pen a zuk milim te bawl in ka mai pen sualnak thingtum koih in kamsang nelah heng hi. A ma sungah zuk milim a tam leita hang, keiman hilh leh tung.
\v 5 Mah tihbang mi a hih hang, Isarel miphun cu a muhtei thinlung a um mi bang keiman man tung hi. A mu venghawng a muhtei zuk milim hang, keimah khen haw zo.
\p
\v 6 Mah hang Topa Pathian thupiak mi Isarel miphun a hilh tuk mi thu cu sualsik in zuk milim te pial haw hen. Nohtei bawl mi a nawngkai hempoh pen pial ta un.
\v 7 Keimah tuah khen cengten na thinlung sung pen a zuk milim te bawl in na mai uh pen a sualnak thingtum koih napi in, ka deihnak thu dong tuk in kamsang nelah a hawh tu Isarel miphun hei hihen, Isarel miphun sungah a cam tu ngam dang miphun hei hihen, keimah Pathian in ka deihnak bang hilh leh in,
\v 8 Mahmi pai a langlam pen ka mitmai koih in a mah sialsiah nak in cang tik tung. Tehkip nak hei in cang tik tung. A mah cu ka miphun sung pen vawk tung. Pathian ka hihnak thu thei haw tuk hi.
\v 9 Kamsang in thu phuang a sual tale mahmi kamsang cu keimah Pathian sual tik hi. A mah cu keiman dantat in ka mihing Isarel miphun sung pen vawk tung.
\v 10 A muhte vang a sualnak bang dan tat nak thuak haw tuk hi. Kamsang thuak mi dan cu kamsang a zei tupai thuak mi tuah bang ve tuk hi.
\v 11 Mah tihbang a hitale Isarel miphun in keimah zam san leh ma, lamzin pial ngawl, sual a bawl mi hempoh te bawl leh ngawl in ka miphun in cang haw tuk. Kei cu a muhtei Pathian hi tung hitin, Topa Pathian in thupia hi.
\s Thukhen nak pen luat thei ma
\p
\v 12 Mah cengten Pathian awnkam thu cu ka nelah heng in,
\v 13 Mi capa aw, ngam sung miphun ten vei tampi sual palcat in keimah a sualnak hang, keiman khut zakin moh bawm tu a siatsuah hang, ningkial dangdum nak cang tik in mahmi ngam pen mihing le nganhing te a thah cengten,
\v 14 Naoh, Danial, Job, hi pathum um ta vang a dikcang nak tuah a nunnak hawvang bek nunpat nak thu um haw tuk hitin, Topa Pathian in thupia hi.
\v 15 Sahang ten ngam sungah heng in a siatsuah hang, a kuamah um thei ngawl mi thawmveng in a um tale,
\v 16 Mahmi pathum a um ta vang ka nunnak bang, ka canu cu pan tuk ma hi. A man nunnak a co hang, ngam pi cu mi thawmveng in um tuk hi.
\v 17 Mah ahima tale nam aw, mahmi ngam cu that un hitin keiman tiin, nam haksat nak cu a hen tik hang, mihing le nganhing te a thah cengten,
\v 18 Mahmi pathum a um ta vang ka nunnak bang ka canu cu pan tuk ma, a mah loli in nunnak co tuk hi.
\v 19 Mah a hima tale mahmi ngam sungah pulhnat a lawn thei ka hah hang, mihing le nganhing tei nunnak that tuk in ka thinuuk nak buak tale,
\v 20 Noah, Danial, Job te a um ta vang ka nunnak bang ka canu pan thei ngawl in a dikcang tuah ka hawvang nunnak bek pan haw tuk hitin, Topa Pathian in thupia hi.
\p
\v 21 Mah hang, Topa Pathian thupiak mi cu Jerusalem khuapi sung pen mihing le nganhing te that tuk in nam haksat nak, ningkial dangdum haksat nak, siatsuah thei mi sahang haksat nak, pulhnat a lawn thei mi haksat nak a cang thei a pha ngawl mi haksat nak pali te, ka hah ten mah bek sial ngawl a luat nak haksa tuk hima maw?
\v 22 Mah naven hah in a suak ca a tang mi canu le capa hek khat te um haw tuk hi. A mun a muhtei umnak pen suak tul in, a muhtei nundan ziaza te nohten thei tuk uh ci. Jerusalem khuapi sungah ka hen tik mi thu hempoh hang, thinkham nak um ngawl in nem haw tuk hi.
\v 23 A muhtei nundan ziaza a bawl mi hempoh thu te na muh uh ten nem haw tuk hi. Jerusalem khuapi cu ka bawl mi hempoh sung pen a thu um ngawl in a bawl ngawl mi cu thei haw tuk hitin, Topa Pathian in thupia hi.
\s Jerusalem khuapi cu man theih ngawl mi cabit kung
\c 15
\p
\v 1 Mah cengten Pathian awnkam thu cu ka nelah heng in,
\v 2 Mi capa aw, thing kung tampi sung pen thingkang a himi cabit kung cu a dang thing kung te sang a sunglawi mi thu pakhat um maw?
\v 3 Pakhat bawl tuk cabit kung cu la thei maw? Pakhat khaih theih tuk tungtul cu cabit kung in bawl thei maw?
\v 4 Thing tuk in mei sungah koih thei hi. Mei in a bul, a lek, a lai cu kang thei hi. Man theih tuk um maw?
\v 5 Mei kang laih ngawlin man tuk a um ma tale mei kang tum cengten, man nak tuk um ma hi tih cu son tuk a um saw mi hima maw?
\v 6 Hi thu sungah Topa Pathian thupiak mi cu ngam lak thing kung sung pen mei tuah thing ka ap mi cabit kung bang Jerusalem khuapi mite ap tung.
\v 7 A muhtei a langlam pen ka mitmai koih tung. A muhte meipi pual pakhat sung pen suak in pual khat sungah kang tuk hi. A muhtei a langlam pen ka mitmai koih ten, Pathian ka hihnak thu nohten thei tuk uh ci.
\v 8 A mun keimah vei tampi a sual bet hang, keiman a muhtei ngam cu mi thawm veng umnak mun in cang tik tung hitin, Topa Pathian in thupia hi.
\s Muantaak nak a um ngawl mi Jerusalem khuapi a zam sannak
\c 16
\p
\v 1 Mah cengten Pathian awnkam thu cu ka nelah heng in,
\v 2 Mi capa aw, Jerusalem khua a nawgkai mi thu te thei tuk in bawl in.
\v 3 Pathian in Jerusalem khuapi a piak mi awnkam na hilh tuk mi na lamtak nak mun cu Kanan ngam sungah um hi. Na pa cu Amor miphun, na nu cu Hit miphun hi.
\v 4 Na hinnak thu cu na hin ni in lai tannak nei ma, a thiangtho tuk in tui tuah som ma, ci noih ma, puan tuah tuam ma,
\v 5 Hehpih nak thinlung tuah tuamlawm tuk nangmah mu in a kuamah in ningna ma, hin ni in nangmah a nawngkai tuk tian lo sungah vawk co zo ci.
\p
\v 6 Kei cu vakin thisan tuah noih in a um mi nangmah a muhten nung in hitin, nangmah cu thisan a um laih in keiman ti ing.
\v 7 Hampa kung bang ka khan toh hang, nang cu a dan bang khang to in mawi nak tuah dim ci. Nawi te bawk in ka sungah mul te po hi. A masa in puan silh ma, thacang in um ing.
\v 8 Mah cengten keimah hawh leh in nangmah ka muhten, deih awh huai mi huncan na um hang, keiman ka puan mawk phalh in thacang na umnak cu khuh ing. Thukam nak vang bawl in nangmah tuah thukhaam bawl hang, nangmah cu keima ta in cang zo ci tin, Topa Pathian in thupia hi.
\v 9 Mah ten keiman nangmah tibual sak in keiman na noih mi thisan hempoh te som sak ing. Sathau tuah noih ing.
\v 10 Vanthuam a mawi pak tuah dawh cih mi puan silk tik ing. Sa am vun kedam tuam tik ing. Puan nem no tuah tuam in silh tik ing.
\v 11 Khutbut le longawh a um mi van te thuam tik ing.
\v 12 Sui bengkhaih, nal khaih, a mawi mi sui lukhu te vang thuam tik ing.
\v 13 Mah tihcun nangmah sui le ngun tuah, phe, puan nem, a coih mi van te thuam in moh ngawivam, khuaitui, sathau ei in, a mawi zet mi thuam tuah dim in kumpi nu hihnak co ci.
\v 14 Keiman ka vun cu nangmah ka piak hang, nang cu a mawi mi thuam cangkim tuah ngam hempoh ah min thang ci.
\p
\v 15 Mah naven nangman na mawi nak suang in minthan nak hang, suzuak nak bawl in khualzin tu hempoh te le mipha ngawl a dik ngawl sualnak hang, pano hempoh ten phalnak co hi.
\v 16 Na puan vang la in a sangnak mun te a lamdang mi a zawng te tuah bawl in, veikhat no hei a cang awng ngawl, tunung ten vang a cang tuk ngawl mi thu a dik ngawl mi nule pa sualnak cu mah lai mun pen bawl zo ci.
\v 17 Ka piak mi sui le ngun van a sunglawi te la in pano zuk milim a bawl cengten, a muhte tuah sual zo hi.
\v 18 A thuam mawi pak dawh mi puan vang la in, mahmi zuk milim a silh tik cengten ka sathau le ka ngimnam tui te a muhtei mai ah koih zo hi.
\v 19 Ka piak an eih tuk biakpiak nak, nangmah ka do mi moh ngawivam, sathau, khuaitui vang a muhtei mai ah ngimnam tui tuk in koih zo ing.
\v 20 Mah bek sial ngawl in na hin mi ka canu le capa te la in, mahmi zuk milim te cawm tuk in biakpiak nak bawl zo ci.
\v 21 A dik ngawl mi nu le pa sual na bawl hang, ka thindai ngawl in ka canu le capa that in zuk milim te meihal biakpiak nak bawl zo hima cim maw?
\v 22 A nawngkai na bawl mi thu, a dik ngawl mi nu le pa sual na bawl laih tak naupang cu puan um ma, thacang in a umnak thu, a thisan sungah bual in a umnak thu phawh leh ma ci.
\p
\v 23 Nang cu thupha um ma hi. Thupha um ma hi. Sualnak hempoh bawl cengten,
\v 24 Nang ma ca tuk inn sa in lamzin hempoh pen a sang nak mun bawl ci.
\v 25 Nangman a sangnak mun cu lamzin hum ah bawl in, a mawi nak cu a nawngkai cang tuk tian bawl in, khualzin tu hempoh ten a kawng te hon sak in a dik ngawl mi nu le pa sualnak te tam tik ci.
\v 26 A thau zet mi na inn nel pih Izip miphun te tuah sual in, ka thinuuk sosuah in a dik ngawl mi nu le pa sual nak te tam tik ci.
\v 27 Mah hang, ka khut zak na ancang laksak in nangmah a hua tu a siasuak mi na sualnak hang, zakza thei mi Philistine miphun canu tei khut sungah ap hi.
\v 28 Lungkim nak thinlung na neih hang, Assryria miphun te tuah sual zo ci. Mah tihcun sual naven, a lungkim thei ma hi.
\v 29 Mah bek sial ngawl Kanan ngam pen Chaldean ngam tian a dik ngawl mi nu le pa sual nak te tam tik naven lungkim thei ma ci.
\p
\v 30 Topa Pathian thupiak mi cu nohten hi thu hempoh a bawl tu suzuak nundan ziaza bang nun hang,
\v 31 Na inn cu lamzin hempoh ah sa in lamzin umnak hempoh a sangnak mun bawl in a man a el hang, suzuak nu tuah bang ve ma hi.
\v 32 Nangmah tuah a seng ngawl mi pano cu na pasal hihnak co hang, suzuak tu numei tuah bang ve hi.
\v 33 Numei suazuak hempoh ten laksawng la thei haw hi. Nang cu na lawm hempoh te laksawng pia thei ci. Mun hempoh pen hung in a dik ngawl mi nu le pa sualnak bawl tuk in midang te zawng thei ci.
\v 34 Mah hang, nang cu a dang suzuak nu te tuah danglam zet bawl thei ci. Na bawl mi bang a kuamah in a dik ngawl mi nu le pa sualnak cu bawl thei ma hi. Nang cu a man co ma, midang ten a piak hang a dang numei te tuah bang ve ci.
\p
\v 35 Mah hang suzuak numei nu aw, Pathian thupiak mi cu ngai in.
\v 36 Topa Pathian thupiak mi na lawm ten a nawngkai zuk milim hempoh te tuah a sual nak hang in hihen, a muhte piak mi canu le capa tei thisan hang in hihen, nang cu mualpho nak, puan thacang na umnak langzet in na lak hang,
\v 37 Nangmah it tu na lawm hempoh te le nangmah it tu, a hua tu hempoh te hulawmkhawm tik tung. Na langlam pen pumpi thacang na umnak ka lak hang, a mu venghawng in pumpi thacang a umnak cu mu haw tuk hi.
\v 38 Suzuak numei tuah mihing nunnak a that tu numei te thukhen bang, nangmah cu keiman thukhen in nasezet thinuuk nak thisan cu keiman do tung.
\v 39 Nang cu a muhtei khut sungah ka ap hang, a mun na inn siat suah in a sang mi umnak mun hempoh te subal haw tuk hi. Na puan duk in a mawi mi van te a lon cengten, nangmah puan pia ngawl thacang um tik tuk in zam san haw tuk hi.
\v 40 Mihing tampi a sam hang, a muhte suang tuah sep in nam tuah sat haw tuk hi.
\v 41 Na inn uhte vang meihal sak in numei tampi tei mai pen nangmah sual dantat nak a piak hang, nang cu suzuak leh ngawlin keiman bawl tung. Mah cengten nangman midang te zawng leh tuk ma toh ci.
\v 42 Mah tihcun ka thinuuk nak cu keiman bawl tung. Nangmah cu muang mang hi. Nasezet thinkham nak dai in, kei cu thinuuk ngawl daiden no um tung.
\v 43 Na kum dawm laih huncan phawk ngawl in ihempoh ah ka thinlung noksak tik hang, na sual cu na luhum ah keiman heng tik tung. A nawngkai mi thu hempoh hum ah a pha ngawl mi ngaihsut nak bet in, mahmi ngaihsut nak bang bawl pah sin.
\p
\v 44 Tehkip nak a mang thiam tu hempoh ten, a nu bang canu in cang hitin nangmah camcawh in tehkip nak son haw tuk hi.
\v 45 Nang cu pasal le canu le capa tei huat co mi numei nui canu vang hi ci. Pasal le canu le capa tei huat co mi numei nui nau nu vang hi ci. Na nu cu Hit miphun, na pa cu Amor miphun hi.
\v 46 Na U nu cu a canu le capa te tuah na veilam ah a um mi Samaria khuapi hi. Nangmah sang nauta saw mi na nau nu cu na canu le capa te tuah na taklam ah a um mi Sadom khuapi hi.
\v 47 Mah naven nang cu a muhtei dan zui ma, a muhtei bawl mi a nawngkai thu bek bawl ngawl in, mahmi thu cu a dan kel mi thu hitin na ngaihsut hang, nang cu thu hempoh ah a muhte sang sia saw ci.
\v 48 Ka nunnak bang nang cu na canu le capa te tuah bawl mi bang, na nau nu Sadom le a canu ten bawl haw ma hi.
\v 49 Na nau nu Sadom hi sual cu a mah le a canu tei pualthau ngalnak, kham zet in eihnak, daiden no an ei in haksa ningkial te bawm ngawl in um haw hi.
\v 50 Pualthau ngal in ka mai pen a nawngkai mi thu te bawl haw hi. Mah hang, na muh mi bang a muhte cu keinman that zo ing.
\v 51 Samaria in, na bawl mi sual a langkhen hei bawl ma hi. Nang cu na nau nui sual a lang tuk ngawl tiang nawngkai mi thu, a muhte sang tam saw in bawl zo uh ci.
\v 52 Nangman na U nu te mawhsiat thukhen napi in a muhtei bawl mi sang a nawngkai mite na bawl saw hang, mualpho nak co ten hi. A muhte cu nangmah sang sualnak dawm saw haw hi. Nang cu na U nu tei sual lang tuk ngawl tian na bawl hang, thinkham in mualpho nak thuak in.
\p
\v 53 Mat a co mi Sadom le a canu le capa te Samaria le a canu le capa te ka pui leh ten, mat a co mi na miphun hempoh te tuah keiman pui tung.
\v 54 Mah hang nangman, a muhte nem tik in a bawl mi hempoh cu thinkham mualpho nak thuak tuk hi.
\v 55 Na nau nu Sadom le a canu te Samaria le a canu ten a masa umnak ah a hen leh ten, nangmah vang na canu le capa te tuah a masa umnak mun ah heng leh tuk ci.
\v 56-57 Syria canu te le a muhtei elkim ah a um hempoh te nangmah sonsiat in na elkim ah a um mi Philistine canu te sumsial ngawl a bawl hang, na bawl mi sual a lang laih ngawl in pualthau ngalnak na um laih tak, na nau nu Sadom min cu sam hihim ma ci.
\v 58 A tuin, nang cu na phat ngawl nak thu le a nawngkai mi thu sualnak thuak tuk ci tin, Pathian in thupia hi.
\v 59 Topa Pathian thupiak mi cu nangman phuansuah nak thukhaam siatsuah nuam in, muantak nak thukam U pat bawl ngawl mi bang na nelah keiman bawl tung.
\p
\v 60 Mah naven, keiman na naupang laih ka bawl mi thukhaam phawk in, kumkhua thukhaam cu nangmah tuah bawl leh tung.
\v 61 Nangman phuansuah nak thukhaam cingkem ma naven, thukhaam tuah na U nu te na canu cang tuk keiman pia in, nangman a muhte na co ten na bawl mi sualnak te phawk in mualpho tuk ci.
\v 62 Mah ten ka thukhaam cu nangmah le keimah tuah bawl tuk. Pathian ka hihnak thu cu nangman thei tuk ci.
\v 63 Na bawl awng mi thu te keiman sialsiah mang hi. Ka thinlung a dai ten nangmah phawk in mualpho nak le mitmai siatnak hang, a kam keu ngawl um tuk hitin, Topa Pathian in thupia hi.
\s Muvanlai panih le cabit kung
\c 17
\p
\v 1 Mah cengten Pathian awnkam thu cu ka nelah heng in,
\v 2 Mi capa aw, nangman Isarel miphun cu thu tehkip nak son in,
\v 3 Pathian thupiak mi awnkam na hilh tuk mi thu cu a danglam mi a thuam mul tampi tuah a dim hang, a ngeng zet in a sau ha a nei mi muvanlai pi cu Lebanon mual hum ah heng in, cedar thingkung a lek keng in,
\v 4 A sang bel mi a zik dawn te sik in sum bawlnak ngam ah a thiak cengten, sum bawlnak khuapi ah phut hi.
\p
\v 5 Anci vang la in tui tamnak lo sungah pawi in paknem thingkung bang koih hi.
\v 6 A ding com in a sau zet a zaam mi cabit kung po in, a kangkak te muvanlai umnak mun ah hek in a nuai ah a zung te a luh hang a kung kangkak, a zikdawn te tuah a dim mi cabit kung in cang hi.
\p
\v 7 A mulsah a ngeng zet mi a ha cu muvanlai pi pakhat um hi. Cabit kung cu a phutnak lui tuikong bul pen, mahmi muvanlai phatnak hang tui ngah tukin a ma umnak mun ah a zungtawt le a kang cu dawt hi.
\v 8 A kangkak tuah dim in a ngah a ngah hang, a pha mi cabit kung cang tik tuk in tui tampi umnak mun, lei ngam a pha mi lo sungah mahmi a kung cu phut zo hi.
\p
\v 9 Mah hang, Topa Pathian thupiak hilh tuk mahmi thingkung cu pha tik tuk maw? Vuai tik tuk a zung bot in a ngah cu lo tuk hima maw? A phut mi a ceh hempoh te vuai khawng haw tuk hi. Ngun tuipi tuah a siatsuah nak thu ceng tik tuk in a hu le thawm tuah mihing tampi te a deihnak um ma hi.
\v 10 Phut in a um hang pha a ni maw? Nisuah nak lam pen huih a theu ten, a venghawng vuai tuk hi. A ngeng in a khang mi lo sung pen vuai tuk hitin, thupia hi.
\p
\v 11 Mah cengten Pathian awnkam thu cu ka nelah heng in,
\v 12 A do thei miphun na hilh tuk mi thu, a kon hi awnkam a son nuam mi thu thei haw maw? Babilon kumpi le bawi Upa te Jerusalem khuapi ah heng in Jerusalem kumpi le bawi U pa hempoh te Babilon khuapi sungah man zo hi.
\v 13 Miphun pih sung pen pakhat cu la in thukhaam bawl in thukam la tik zo hi.
\v 14 Mahmi ngam cu sia in tho leh thei ma, thukam a cinnak bek hang kho tuk in thazang ngilnak a nei mi ngam hempoh te man zo hi.
\v 15 Mah naven cipuh te, mihing tampi te ngen tuk in thuthang puak tu kamtai cu Izip ngam ah hah in do zo hi. Mah tihbang mi pa cu pha ni maw? Haksat nak pen luat ni maw? Thukam a siatsuah cengten luat ni maw?
\p
\v 16 Topa Pathian thupiak mi cu a nung mi ka hih bang a thungai kumpi hihnak ah a piak mi kumpi thukam cu Upat nak bawl ngawl in thukhaam a siatsuah hang, mahmi kumpi umnak mun Babilon khuapi sung pen thi tuk hi.
\v 17 Pharaoh kumpi vang mihing tampi te that tuk in thazang ngilnak a nei mi ngalkap bu te tuah lei te dip in, ngalpan nak innpi te sa naven a muhtei ca ngaldo in neh ma hi.
\v 18 Itahum titale, Jerusalem kumpi cu a khut bai bet cengten thukam cu Upat nak bawl ngawl thukhaam siatsuah in, hi thu hempoh te a bawl hang haksat nak pen luat ma hi.
\p
\v 19 Mah hang, Topa Pathian thupiak mi cu a nung mi ka hih bang a thungai in ka thukam cu U pat nak bawl ngawl in, ka thukhaam siatsuah mi sual cu a lu hum ah keiman heng tik tung.
\v 20 Keiman suuk tuah man in ka thang tuah a awk cengten Babilon ah pui tung. Keimah sual a bawl nak hang, mahmi khuapi pen keiman thukhen tung.
\v 21 A ma nelpen a tai mite le ngalkap hempoh te nam tuah thahnak ah heng in a tang mite cu mun hempoh ah tai kek haw tuk. Keimah Pathian thupiak mi cu nohten thei tuk uh citin, thupia hi.
\p
\v 22 Mah cengten Topa Pathian thupiak mi cu a sang mi cedar thingkung pen a sangbel mi a zik cu keiman la in phut tung. A zik a lek pen a zik dawn cu siktawng in a sunglawi mi mual hum ah keiman phut tung.
\v 23 A sang bel mi Isarel mual hum pen ka phut cengten, a kangkak te dim in a ngah a ngah hang, a pha mi cabit kung in cang tuk hi. Mahmi thingkung nuai pen hei in hihen, a kangkak a lim pen hei in hihen, vano hempoh um haw tuk hi.
\v 24 Keimah Pathian in a sang mi thingkung cu nem in a niam mi thingkung cu khaisang tuk thu, a hing dimdem mi thingkung cu ko tik tukin a ko mi thingkung hing tik tuk thu cu ngam sung thingkung hempoh ten thei haw tuk hi. Keimah Pathian awnkam thu a um mi bang bawl tung hitin, thupia hi.
\s Sual a bawl tu hawvang cu thi tuk hi
\c 18
\p
\v 1 Mah cengten Pathian awnkam thupiak ka nelah heng in,
\v 2 A pan a thuk mi cabit ngah ei in, a caten a ha di in um haw tin nohten Isarel ngam cu camcawh in tehkip nak awnkam a man ten, i tihbang in a tihnop nak hum?
\p
\v 3 Topa Pathian thupiak mi cu a nung mi ka hih bang tunung ten Isarel ngam sungah mahmi tehkip nak cu a man nak thu um leh tuk ma toh hi.
\v 4 Hawvang hempoh keima ta hi. Ka pai hawvang keiman ka neih bang capa hawvang cu keima ta hi. A sual mi hawvang cu thi tuk hi.
\p
\v 5 Mihing cu lungmu tuang in a dik a man mi thu a bawl hei in hihen,
\v 6 Mual hum pen an ei ma, Isarel miphun biak mi zuk milim bia ngawl, nu le pa sual a bawl ngawl, thinei mi numei a nek ngawl,
\v 7 A kuamah bawlsiat ma, leibat a neih mi neihnak te pia leh ngawl in um ma, midang tei neihnak nehsiah lonnak nei ma, ningkial mite cawm in silh tuk puan a nei ngawl mite van silh sak tik in hihen,
\v 8 A khang ei in sum puk ngawl, sualnak thu a deih ngawl tu midang thu a dik mi bang thukhen nak,
\v 9 Ka bawl mi dan thukham bang nung in thukam cingkem bawlnak tuah in hihen, mahmi pa cu midik cang pa hi. A thungai in nunnak co tuk hitin, Topa Pathian in thupia hi.
\p
\v 10 Mah naven mahmi pai capa cu misuam tupa, mi that tupa, a masa a son sa mi phatnak pakhat a bawl tu,
\v 11 A masa in siatnak pakhat a bawl ngawl mual hum pen an eihnak, nu le pa sualnak,
\v 12 Mizawg ningkial haksa te a bawl siat nak, midang neihnak nehsiah in lonnak, midang neihnak pia leh ngawl umnak, zuk milim biaknak, a nawngkai mi bawl nak,
\v 13 A khang ei in sum puk nak a bawl tupa a hitale nung tuk maw? Nung tuk ma hi. Mah a nawngkai thu te a bawl hang, a thungai in thah co tuk hi. Thihnak a tak mi sual um hi.
\p
\v 14 Mah naven mahmi pai capa in a pai bawl mi sual hempoh te mu in a ngiahsut hang, mah tihbang mi sual bawl ma,
\v 15 Mual hum pen an ei ma, Isarel miphun biak mi zuk milim bia ngawl in nu le pa sual bawl ma hi.
\v 16 A kuamah bawlsiat ma, midang tei neihnak lonsak ma, midang neihnak nehsiah in long ma, ningkial dangdum mite cawmnak, silh tuk a nei ngawl mite puan tuah a khuh sak nak,
\v 17 Mizawng haksa te colhdam a piak nak, a khang ei ngawlin sum puk nak bawl in ka bawl mi dan thukham a cingkem tale a mah cu a pai sualnak hang thihnak thuak tuk maw? A thunagi in nung tuk hi.
\v 18 A pan, a U le nau te veitam pi bawl siat a neihnak nehsiah long in a miphun pih tei sung pen a pha ngawl a bawl mi sualnak hang, thah co tuk hi.
\p
\v 19 Nang muhte vang ai tihbang hum? Capa in a pai sual cu thuak tuk maw tin a dot haw ten, capa in a dik a man mi thu a bawl hang, ka bawl mi dan thukham hempoh a cing kem tale a thungai in nung tuk hi.
\v 20 A sual tupa cu thihnak thuak tuk hi. Capa in a pai sualnak thuak tuk ma hi. Thudik pa in diknak tuah a bawlphat nak hei hihen, mipha ngawl pan phat ngawl nak tuah a bawl mi sual nak hei hihen thuak tuk hi.
\p
\v 21 Mah naven mipha ngawl pan a bawl mi sual hempoh pial in, ka bawl mi dan thukham hempoh cingkem in a dik a man mi thu a bawl tale thihnak pen luat in a thugai in nung tuk hi.
\v 22 A bawl mi sual hempoh te a ma langlam pen sialsiah tuk ma hi. A bawl mi dikcang nak thu hang nung tuk hi.
\v 23 Mipha ngawl pan a nun canziaza pial ngawl nung ma, mipha ngawl pai thihnak sungah keiman lungdam nak um maw?
\v 24 Mah naven midik pan thukam pelh in a thiangtho ngawl mi thu hei hihen, mipha ngawl pai bawl mi a nawngkai thu hempoh a bawl tale nung tuk maw? Amasa a bawl mi dikcang nak thu hempoh sialsiah ngawl in a sual palcat mi thu hang, thahnak thuak tuk hi.
\p
\v 25 Mah naven nohten Pathian thukhen cu dikcang nak um hitin, son zo uh ci.
\v 26 Midik pan thudik thu a vawk hang, thihnak thuak tuk hi.
\v 27 Mah bang bok mipha ngawl pan a bawl mi sual cu pial in a dik a man mi thu a bawl tale a nunnak pan tuk hi.
\v 28 Bawl sual mi thu hempoh ngaisung in a pialh hang, thihnak pen luat in a thungai in nung tuk hi.
\v 29 Mah naven Isarel miphun in Pathian thukhen nak a dik ngawl thu son haw hi. Isarel miphun aw, ka thukhen nak a dik hang, nang muhtei thukhen cu a dik ngawl mi hima maw?
\v 30 Mah hang Isarel miphun aw, nang muhtei nuncan ziaza bang tek in sual thaman keiman pia tung hi. Nohten a thiangtho ngawl sual hempoh te vawk in thek ta un. Thek ta un. Sualnak hang bah in siatnak ah heng pah sun.
\v 31 Nang muhtei bawl mi sual palcat nak hempoh te zam san in a thak mi thinlung, a thak mi lungmu bawl ta un. Isarel miphun aw, nohten ita thihnak thuak nuam uh cim?
\v 32 Thihnak a thuak mi a thihnak thu sungah ka lungdam nak um ma hi. Mah hang, thinthek in nung ta un hitin, Topa Pathian in thupia hi.
\s Isarel kumpi catei ca kahnak
\c 19
\p
\v 1 Mah bek sial ngawl Isarel kumpi catei ca kap in hilh tuk mi thu,
\v 2 Na nu cu a kua hum? Pawpi nu hi. Pawpi sung pen hihbu in pawpi la tei sung pen a cate cawm hi.
\q
\v 3 A cawm mi ca pakhat cu pawpi cang a hih hang, ngam lak nganhing te man tukin na miphun te vang pet thei hi.
\q
\v 4 Miphun hempoh ten za in leikua sung pen pawpi cang cu a mat cengten, thikkhau tuah ken in Izip ngam ah hawh pih haw hi.
\q
\v 5 Capa a thihnak thu cu a nu in a muhten a thinkham in, a ca pakhat pawpi cang um leh tuk in a bawl hang,
\v 6 A mah vang pawpi te tuah phial in pawpi cang in ngam lak sung nganhing te man tuk in na miphun te vang pet hi.
\q
\v 7 A mun muksu sakap te a theih hang, a muhtei khuapi te siatsuah hi. A hawk mi aw hang, ngam sungah a um mi hempoh veng diudeu in um hi.
\q
\v 8 Mah ten miphun ten khua hempoh pen do in suuk tuah a kilh cengten, leikua sung pen man haw.
\q
\v 9 Thikkhau tuah ken Babilon kumpi nelah pui in a ma aw cu Isarel mual hum pen ham leh tik tuk ngawl in, inn sungah khum haw tuk hi.
\q
\v 10 Na nu cu nangmah tuah bang ve in tui bulah phut mi cabit kung bang hi. Tui a tam hang, a kangkak a dim tuah tampi a ngah cu ngah thei hi.
\q
\v 11 Kumpi tei man mi ceipi ca tuk a kho mi tuah dim hi. A kangkak a tampi te tuah a ding sang in lang zet hi.
\q
\v 12 Mah naven a thinuuk a nase hang bot in a ngah cu kol in ko tik hi. A kho mi a lek te ek in a ko hang meikang nak thuak haw zo.
\q
\v 13 A tu in tui um ma hi. A ko mi munlawn umnak ah phut zo hi.
\q
\v 14 A kangkak a lek pen mei suak in a ngah cu kang zo hi. Kumpi thiangkhut ca a kho mi a lek pakhat no hei tang tuk ma hi. Hi thu cu kah nak thu hi. Kah nak thu in cang tuk hi.
\s Donak a nei thei mi Isarel miphun
\c 20
\p
\v 1 Kum salih kum, ha nga ha, ni sawm ni in Isarel miphun kum U pa ten Pathian nelah thu dong tuk hung in ka mai ah khung haw.
\v 2 Pathian awnkam thu ka nelah a heng mi cu,
\v 3 Mi capa aw, Topa Pathian thupiak mi cu Isarel miphun kum U pa tei lakah na hilh tuk mi thu, nohten ka nelah thu dong tuk in hung uh cim maw? A nung mi ka hih bang a muhtei thudot mi cu sang ma hi.
\v 4 Mi capa aw, nangman a muhte dongkan in. Dongkan in hi. A pu le pa tei bawl awng mi a nawngkai thu hempoh te lak in,
\v 5 Topa Pathian thupiak na hilh tuk mi Isarel miphun cu keiman teng in Izip ngam pen a muhte langzet in, kei cu nang muhtei Topa Pathian ing hitin Jakop nelah a thukam mi huncan,
\v 6 A muhte cu Izip ngam pen ka pui tul cengten ngam hempoh pen a sang bel mi a hih hang, khuinawi tui le khuaitui a luang mi ngam, a mutei ca tuk ka zoh mi ngam ah pui tuk in thu a kap ten,
\v 7 Nang muhtei biak mi a nawngkai thu te vawk un. Izip ngam zuk milim te tuah mah le mah bal tik pah sun. Kei cu nang muhtei Topa Pathian ing hitin, ka ti ta vang,
\v 8 A mun ngai ma, keimah do haw zo. A muhtei biak mi a nawngkai hempoh te hei hihen, Izip ngam zuk milim te hei hihen, vawk ngawl in um haw hi. Mah hang, a muhtei sungah ka thinuuk nak a dai tuk thu, Izip ngam pen a muhtei hum ah ka thinuuk nak buak tung hitin, keiman ngaisung ing.
\v 9 Mah naven a muhtei umnak ngam dang miphun tei mai pen ka min sia tik tukin ka min tuk thukhen in, ngam dang miphun tei mai pen lang in a muhte cu Izip ngam pen pui hi.
\p
\v 10 Izip ngam pen pui in ngam lak sungah a hen ten,
\v 11 A zui tupai sungah a nunnak tuk thu ka bawl mi dan thukham te keiman lak ing.
\v 12 Mah bek sial ngawl keimah Pathian in a muhte thiangtho tik ing hitin a mun thei tukin, keimah le a muhtei lak lawh pen theihpih nak thu cang tik tuk in, ka colhni te keiman pia ing.
\v 13 Mah naven Isarel miphun in ngam lak pen keimah do haw. A thu zui tupai sung pen nunnak thu ka bawl mi dan thu cingkem ma, U pat nak bawl ngawl in ka colhni te zawt dem haw. Mah ten a muhte siatsuah tuk in ngam sung pen a muhtei hum ah ka thinuuk nak cu a muhtei hum ah buak tung hitin, ngaihsut nak um hi.
\v 14 Mah naven hehpih nak ka pui a mu tu ngam dang miphun tei mai pen ka minthan nak sia tik tuk in, ka min tuah thukhen ing.
\v 15 Ngam hempoh pen a sang bel a hih hang, khuinawi tui le khuaitui luannak ngam a muhtei lakah ka piak mi ngam ah pui ngawl in, ngam lak pen keiman tamsiat ing.
\v 16 Itahum titale, a mun zuk milim te a deih hang ka bawl mi dan thu cingkem ma, U pat nak bawl ngawl ka colhni te zawt dem haw.
\v 17 Mah naven, kei man a muhte sahelh nak hang siatsuah ngawl in ngam lak pen thi thong tuk in bawl mang hi.
\p
\v 18 A tu le canawn te vang na pu le pai tei bawl mi dan thu te cingkem pah sun. A muhtei zuk milim te hang, mah le mah bal tik haw ma hen.
\v 19 Kei cu nang muhtei Topa Pathian ing. Ka bawl mi dan thu hempoh cingkem in zui ta un.
\v 20 Ka colhni te vang thiangtho tik un. Kei cu nang muhtei Topa Pathian ing hitin nangmun thei tuk in, mahmi colhni te cu keimah le nang muhtei laklawh pen theihpih nak thu cang tik ta un hitin, keiman ti ing.
\v 21 Mah naven, a muhtei tu le canawn ten keimah do haw. A zui tupan a nunnak tuk thu ka bawl mi dan thu te cingkem ma, zui ngawl in a um hang ka colhni te zawt dem haw. Mah ten kei cu a muhtei sungah thinuuk nak dai tuk in, ngam lak pen ka thinuuk nak cu a muhtei hum ah buak tung hitin, ngaihsut nak um hi.
\v 22 Mah naven hehpih nak ka pui mi a mu tu ngam dang miphun tei mai pen, ka minthan nak sia tik tuk in keiman ka min than nak ca bawl in thinsau in um ing.
\v 23 Mah cengten keiman ngam hempoh ah khen kek khawng tik tuk in ngam sung pen tamsiat ing.
\v 24 Itahum titale, pu le pa tei biak mi zuk milim te a pam hei hang, ka bawl mi dan thu te cingkem ma, U pat nak bawl ngawl in ka colhni te zawt dem haw.
\v 25 Mah hang a pha ngawl mi thukhen nak, nunnak a nei ngawl mi dan thu te keiman pia ing.
\v 26 Pathian ka hihnak thu cu a mun thei tuk in a muhte siatsuah tuk a muhtei ca U pa bel hempoh te mei tuah biakpiak nak pen, a muhtei biakpiak nak a lu tuah keimah cu bal tik hi.
\p
\v 27 Mah hang mi capa aw, Topa Pathian thupiak mi Isarel miphun tei lakah na hilh tuk mi cu na pu le pa uh ten keimah vei tampi a sual bet hang zawt dem haw hi.
\v 28 A muhte pia tuk in ka thukam mi ngam ah ka pui ten a mun a sang mi mual, thingkung tampi a um mite zo in mahmi umnak mun pen biakpiak nak, ka thinuuk nak a so suah tu a lu piak nak, ngimnam tui meihal nak, in tuk biakpiak nak te bawl haw hi.
\v 29 Keiman, nang muhtei hawh theih mi a sang nak mun cu i tihbang hum tin dong thei naven tuni tian a sangnak mun ah ding hitin, a tihnop mi Bamah min tuah sam haw hi.
\s Thukhen nak le a dit lehnak
\v 30 Mah hang, nangman Topa Pathian thupiak mi Isarel miphun tei lakah na hilh tuk mi thu cu Isarel miphun aw, na pu le pa uh tei dan bawl mi bang bal in a muhtei bawl mi a nawngkai thu hempoh a bawl hang sual in,
\v 31 Biakpiak nak a lu hempoh bawl tuk in hihen, a cate cu mei tuah biakpiak tuk hei in hihen, tuni tian zuk milim hempoh te tuah bal in a um haw laih tak keiman nang muhte thudot nak co tung maw. Kei cu a nungmi ka hih bang, nang muhtei thu dot nak keiman co mang hi.
\v 32 Kohte cu ngam dang miphun te bang in hihhen, thing pathian, suang pathian a bia tu ngam miphun te bang cang tuk hitin, nohtei ngaihsut nak bang pi tung ma hi.
\p
\v 33 Topa Pathian thupiak mi kei cu a nung mi ka hih bang a thuangai in thazang ngilnak a nei mi khut, a zak mi a khut thawm lian, a buak mi a thinuuk nak tuah nang muhte keiman uk tung.
\v 34 Nohten tham kek in a um mi ngam hempoh pen nang muhte thazang ngilnak a nei mi khut, a zak mi a khut thawmlian, a buak mi a thinuuk nak tuah keiman pui in hulawm tik tung.
\v 35 Miphun hempoh tuah a seng mi ngam lak ah pui in a mah loli haksat tawk tuk hi.
\v 36 Izip ngam tuah a seng mi ngam lak sung pen nang muhtei pu le pa te tuah thukhen bang, nang muhte tuah thukhen tuk hi.
\v 37 Ngolh kang nuai pen hawh tik in thukhaam ken cihnak co tik tung.
\v 38 Keimah do in a sual mite cu nang muhtei sung pen lak sak tung. A muhte vang a cam nak ngam pen tul naven, Isarel ngam ah lut tum haw ma hi. Pathian ka hihnak thu cu a mun thei haw tuk.
\v 39 Isarel miphun te aw, Topa Pathian thupiak mi cu hawh ta un. Nang muhtei zuk milim hempoh bia ta un. Mah hang a thungai in ka awnkam thu ngai leh ma naven, a thiangtho mi ka min cu nang muhtei biakpiak nak an te le zuk milim tuah zawt dem ngawl in um haw tuk maw?
\p
\v 40 Itahum titale, a thiangtho mi ka mual a sang bel mual pen Isarel miphun, ngam sung miphun hempoh ten keimah bia haw tuk hi. Keiman co in mahmi umnak mun pen nang muhtei bawl mi biakpiak nak a lu te, a ngah a masa bel sung pen teng in piak mi ankung ngah a ngui te tuah nang muhtei a thiangtho mi hempoh te keiman ngen tung hi.
\v 41 Nangmun khenkek in na um mi ngam hempoh pen keiman pui in hulopkhawm ten, nang muhtei sungah a um mi ngimnam tui hempoh te tuah nang muhte keiman co in, nang muhtei hang ngam dang miphun tei mai pen minthan nak lang in um tuk hi.
\v 42 Na pu le pa uh te pia tuk in a thukap mi Isarel ngam ah nang muhte a pui ten Pathian ka hihnak thu nohten thei tuk uh ci.
\v 43 Nangmun a thiang ngawl mi nuncan ziaza hempoh mahmi ngam sung pen phawk in na bawl mi sual nak hempoh hang, nangmuh le nangmuh in hua tuk uh ci.
\v 44 Isarel miphun te aw, nohtei sualnak te nohten a pha ngawl mi ngam tat bang keiman nang muhte thukhen ngawlin, ka min suang thukhen ten Pathian hihnak thu cu nohten thei leh tuk uh citin, Topa Pathian in thupia hi.
\s Hanglam ngam kamsang bawlnak
\p
\v 45 Mah cengten Pathian awnkam thu ka nel ah a heng mi cu,
\v 46 Mi capa aw, hanglam ah hek mual a langlam pen hilh in, hanglam ngam ah a um mi ngam lak a langlam pen phuang in.
\v 47 Topa Pathian thupiak mi hanglam ngam ah a um mi ngam lak ah na hilh tuk mi thu keiman na mei cu noih tung. Na nelah thingkung hing dim dem, thingko a um mi hempoh kang tuk hi. A alh mi mei cu mit tuk ma hi. Hanglam pen saklam umnak mun tian leihum hempoh kang tuk hi.
\v 48 Mahmi mei cu Pathian in a noih nak thu a nung mi hempoh ten thei haw tuk hi. Mahmi mei cu mit tuk ma hitin, thupia hi.
\v 49 Keiman Topa Pathian aw, a mun hi a muhte tehkip nak bek keng in phuang thei hima maw tin, keimah camcawh in son thei haw hitin, ti hi.
\s Pathian thukhen nak nam
\c 21
\p
\v 1 Mah cengten Pathian awnkam ka nel ah heng in,
\v 2 Mi capa aw, Jerusalem khuapi lam hek in a thiagtho mi umnak muntei a langlam ah hilh in, Isarel ngam a langlam pen phuang in.
\v 3 Topa Pathian thupiak mi Isarel ngam hilh tuk mi thu, keiman nangmah do in ka nam cu ka nam kawng sung pen suah in na nelpen midik pa, midik ngawl mite that tuk hi.
\v 4 Mah tihcun na nelah midik pa, midik ngawl mite thah tuk thu a um hang, ka nam cu hanglam pen saklam tian nunnak a nei mi hempoh do in a inn pen tul tuk hi.
\v 5 Keimah Pathian in ka nam a kawng sung pen suah thu a nung mi hempoh ten thei haw tuk hi. Mahmi nam cu a namkawng sungah koih leh tuk ma hi.
\v 6 Mah hang mi capa aw, kah nak aw cu bawl in. El ek, thinlung kehkuai in a muhtei mai pen kahnak aw bawl in.
\v 7 A mun ita kap cim hitin nangmah a dotten, nangman kei cu thuthang hang in kap ing. A thu nai zo hi. Mi hempoh ten nasezet launak hang a khut thazang ngilnak kiam tuk hi. Thinkham in khuk vang tui bang zungin cang tuk hi. A thu a hen nak tuk Topa Pathian in thuphuan cu hilh leh in hitin, thu pia hi.
\p
\v 8 Mah cengten Pathian awnkam thu ka nelah heng in,
\v 9 Mi capa aw, kamsang bawl in Topa Pathian thupiak hilh tuk mi nam hiamzet tat zo hi. Dezezul in tat zo hi.
\q
\v 10 That tukin hiamzet tat zo. Ka capa, nang cu kumpi uknak thiangkhut tuah ngaihsut nak a piak mi hempoh U pat nak bawl ma ci.
\q
\v 11 Nam cu mang tukin ap zo hi. Thah tuk mipai ca a mansa um tukin hiamzet in tat zo. Dezezul in tat zo.
\q
\v 12 Mi capa aw, kap in au in. Itahum titale, ka miphun te le Isarel kumpi ca hempoh haksat nak ah heng haw tuk. Mah hang na awmcum in.
\q
\v 13 Itahum titale, mahmi thu culnak pakhat a hih hang nam cu tingngolh hei ngaihsut nak a nei tale nehnak co tuk ma hitin, Topa Pathian in thupia hi.
\q
\v 14 Mah hang mi capa aw, kamsang bawl khut baibeng in. Nam tuah veinih veithum sat in. Mi thahnak tuk nam, thazang ngilnak a nei mi ngal nam hi. A muhte cu mun hempoh pen a kiltu nam hi.
\q
\v 15 A muhte thinkham hang sung tuk in nam haksat nak cu khuapi kongka umnak hempoh ah keiman heng tik zo ing. Nam cu khuaphelep tuah al hi. Mi thahnak tukin a ken mi hi.
\q
\v 16 Hu lawm un. A taklam pen sat in. Na veilam ah a um mi na nelah a hawh tu hempoh te sat in.
\q
\v 17 Keiman ka khut vat in ka thinuuk nak dai tuk hi. Mah tihcun keimah Pathian in thupia zo ing.
\p
\v 18 Mah cengten Pathian awnkam thu ka nelah heng in,
\v 19 Mi capa aw, Babilon kumpi pai nam hawhnak lamzin panih cu sialsiah in. Lamzin panih cu ngam pakhat sung pen tul hi. Khuapi hawhnak lamzin kak pakhat teng in.
\v 20 Amor ngam pen Rabbah khuapi ah hei hihen, Judah ngam pen a kho mi Jerusalem khuapi hei hihen, nam a hennak lam zin sialsiah in.
\v 21 Babilon kumpi cu khutlam zo tukin lamzin panih a khawm nak ah ding hi. Ceipi tuah kungkhai nak bawl hi. Terah zuk milim te thudong hi. A thin cu zo hi.
\v 22 Jerusalem khuapi taklam pen khutlam hilhnak, bawi U pa te a piak nak, thahnak thu sungah kam tuah a sonnak, aunak, aw sangpi tuah aunak, khuapi kongka a do tu tuu cang te a koih nak, mual hum ah a buak nak, ngal buknak innpi sa hi.
\v 23 Mah naven kumpi nelpen thukam a la tute cu mahmi khutlam zohnak a thupi ngawl mi khutlam zohnak bangin sialsiah haw tuk hi. Kumpi in a mah cu man nuam in a muhtei bawl mi sual phawk tuk hi.
\p
\v 24 Mah hang, Topa Pathian thupiak nang muhtei bawl mi hempoh sung pen sual a lang tuk tian in nang muhtei sualnak cu midang te phawk tikin, nang muhtei sual palcat nak thu te lak in nang mun midang te a phawh tik hang, mahmi kumpi khut sungah heng haw tuk.
\p
\v 25 A pha ngawl mi Isarel kumpi cate aw, sual thu hang siatnak ah hen tuk mi huncan a hen ten, na huncan heng tuk hi.
\v 26 Lukhu lawlin sui lukhu duk in. Mah cengten um leh tuk ma hi. A niam mipa cu khaisang tuk hi. A sang mipa cu nempek tuk hi.
\v 27 Uknak ngam sung tik tuk in hihen, uktu a hen laih ngawl in hihen, keiman liplet tung. Liplet tung. Liplet tung. Uktu pai nelah keiman ap tung hitin, Topa Pathian in thupia hi.
\p
\v 28 Mi capa aw, Topa Pathian in Amon miphun te hei hihen,
\v 29 A muhtei mawhsiat nak hei hihen, sialsiah in thupiak mi awnkam cu kamsang bawl in hilh tuk mi thu sualnak hang, sunnak huncan hengin sual dantat nak a thuak ten, thahnak a co tu misual tei long hum ah nangmah um tik tukin, nangma ca a thupi ngawl mite zo in zol thu awnkam phuan laih tak nam cu thah nak tuk suah tul hi. Siatsuah tukin a zawng dezuzul tukin taat zo.
\p
\v 30 Na nam cu a kawngbawh sungah koih leh in. Nangmah ka bawlnak mun, na hinnak mun pen nangmah cu keiman thukhen tung.
\v 31 Na hum ah ka thinuuk nak buak tung. Ka thinuuk nak mei tuah nangmah mut tung. A pha ngawl mi lungmu a um hang siatsuah nak a nei thei mitei khut sungah ap tung.
\v 32 Nang cu mei tuah tuk thing ngah tuk ci. Na thisan cu ngam sung a lai ah um tuk hi. Mah cengten, a kuamah in phawk tuk ma hitin, keimah Pathian in thupia ing.
\s Jerusalem khua tei sual
\c 22
\p
\v 1 Mah cengten Pathian awnkam thu ka nelah a heng mi cu,
\v 2 Mi capa aw, mihing nunnak a that thei mi khuapi cu nangman thukhen in. A ma nelah a nawngkai a bawl mi hempoh lak in.
\v 3 Topa Pathian thupiak na hilh tuk mi cu a ma huncan heng tik tukin, a mai pen mihing nunnak that in a mah le mah bal tik tukin, a ma a langlam pen zuk milim a bawl thei mi khuapi,
\v 4 Mihing nunnak na thah hang sualnak ah heng ci. Na bawl mi zuk milim hang a bal um hi. Na hun le can ni cu nangman heng tik zo ci. Mah hang, keiman nangmah cu ngam hempoh pen mawhsiat nak mun, cekpan bawlnak in cang tik tung.
\v 5 Minthan nak bo in noksak nak a co thei mi nangmah cu a khuala le a nainak mun ah a um miten, cekpan bawlnak in cang haw tuk hi.
\p
\v 6 Isarel kumpi caten huham thuneih nak a neih tek haw bang, na mai pen mihing nunnak that thei haw hi.
\v 7 Na mai pen nu le pa sumsial ngawl in um thei hi. Ngam dang miphun te neh siahnak bawl haw hi. Nu le pa a nei ngawl mi le meivong te bawlsiat haw hi.
\v 8 Nangman ka thianlim nak thu te sum sial ngawlin bawl zo ci. Ka colhni te zawt dem zo ci.
\v 9 Na mai pen mihing thah nuamnak nei in mi ii thei pa, mual hum pen an ei tupa sual a bawl tu um hi.
\v 10 Na mai pen a nu sual pih haw zo. Thi a nei mi numei tuah sual haw zo.
\v 11 Na mai pen mi hekkhat ten a inn nelpih tei zi sualpih haw zo. Mi hekkhat ten a mo nu tuah a thiangtho ngawl mi sual bawl haw. Mi hekkhat ten a U nu, a pai canu zawt dem haw hi.
\v 12 Na mai pen mihing thahnak a man co hi. A khang ei in sum pu haw hi. Inn nelpih tei neihnak te lonsak haw. Keimah vang phawkngil haw zo.
\p
\v 13 Mah hang na zeihmi neihnak, na mai pen leih mi thisan hang keicu khut baibeng ing.
\v 14 Nangmah thu ka khen ten na thinlung khohkhah maw? Na khut vang thazang ngilnak um maw? Keimah Pathian thupiak a um mi bangin bawl tung hi.
\v 15 Nangmah vang ngam hempoh sung pen mun hempoh ah thamkek tik tung. A thiangtho ngawl mite vang vawk sak tung.
\v 16 Miphun hempoh mai pen nangmah loli zawt dem nak thuak in Pathian ka hihnak thu thei tuk hitin, Topa Pathian in thupia hi.
\p
\v 17 Mah cengten Pathian awnkam thu ka nelah heng in,
\v 18 Mi capa aw, Isarel miphun cu ka mai pen thik ek cang zo. A venghawng in buak sungah koih mi dal, dal ngo, thik, suan bang in ngun tuah a khen thei mi thik ek in cang haw tuk.
\v 19 Mah hang Topa Pathian thupiak mi cu nohtei venghawng thik ek hihnak hang, Jerusalem khuapi sungah keiman hulawm tik tung.
\v 20 Ngun, dal san, dal ngo, thik, suan te bang keiman muut in a tui zung tik tukin, buak sungah hulop mi bangin nasezet ka thinuuk in nang muhte hulawmkhawm in pum mei sung pen zung tik tung.
\v 21 A thungai a khop cengten ka thinuuk nak mei mut in nang muhte khuapi sung pen a tuizung in huannak thuak tuk uh ci.
\v 22 Ngun a tui zung huan bang nang muhte khuapi sung pen a tuizung huannak a thuak hang, keimah Pathian in nang muhtei hum ah thinuuk nak ka buak mi thei haw tuk hitin, thupia hi.
\p
\v 23 Mah cengten Topa Pathian thupiak cu ka nelah heng in,
\v 24 Mi capa aw, na hilh tuk mi thu cu thinuuk ni ten nguahzu ma, nang cu nguahtui a co ngawl mi ngam hi ci.
\v 25 Mahmi ngam a laizang pen kamsang ten pawlkom haw zo. Hawk in ngamsa a pet mi pawpi bangin mihing te pet haw. Van te le man a nei mi neihnak te lonsak haw. Ngam a laizang pen meivong te pung tik haw.
\v 26 Thiampi ten ka dan thu siatsuah in a thiangtho ka umnak mun vang bal tik haw. A thiangtho mi thu, a thiangtho ngawl mite cu khenkhuai ma, a thiangtho mi thu, a thiangtho ngawl mite tuah tokhel haw. Ka colhni te a mitmai pial haw. A muhtei a laizang pen keimah zawt dem hi.
\v 27 Kumpi te vang ngamsa peh mi cingne te bangin ngam a laizang ah a hih hang a dik ngawl mi sum zei tukin mihing nunnak that in midang te that thei haw.
\v 28 Kamsang ten, Topa Pathian thupiak mi hitin Pathian thupiak ngawl, a thupi ngawl mite mu in zol thu awnkam son in a muhte cu taklei tuah mat haw.
\v 29 Ngam sung mipi te vang bawlsiat nak, misuam nak, haksa ningkial mite a bawlsiat nak, ngam dang miphun te phat ngawl nak tuah bawlsiat haw.
\v 30 Mahmi ngam cu keiman siatsuah tik tuk ngawlin a kham tu, khuapi khantian a siat nak hum pen dingin a kham tu pakhat no hei keiman zei in mu mang hi.
\v 31 Mah hang ka thinuuk cu keiman buakin, ka thinuuk nak mei tuah a muhte hal in a muhtei sual cu a muhtei hum ah heng tuk hitin, Topa Pathian in thupia hi.
\s A dik ngawl mi nu le pa sualnak a bawl tu U nau numei panih
\c 23
\p
\v 1 Mah cengten Pathian awnkam thu ka nelah heng in,
\v 2 Mi capa aw, a nu dang ngawl numei U nau panih um hi.
\v 3 A muhte cu a naupang laih Izip ngam pen a dik ngawl mi nu le pa sualnak bawl haw. Mahmi ngam pen a muhtei nawi meh sak in, khanglai a hihnak zawt dem hi.
\v 4 A Unu cu Aholah, a nau nu cu Aholibah hi. A muhtei panih cu ka nupi a hih hang canu le capa nei haw. Aholah min cu Samaria tih hei in hihen, Aholibah min cu Jerusalem a tihnop nak hi.
\p
\v 5 Aholah cu ka nupi a hih laih a dik ngawl mi nu le pa sualnak bawl hi.
\v 6 A lawm te cu puan pawl a silh mi a inn nel pih Assryria ngalkap bawi, Upa te a diangzet mi tangval, cipuh khung ngalkap te deih hi.
\v 7 Mahmi Assyria micip mithiam hempoh te tuah a dik ngawl mi nu le pa sualnak bawl hi. Deihnak a nei tu hempoh ten zuk milim tuah a mah le mah bal tik hi.
\v 8 Naupang laih Izip ngam pen a mah tuah um in, khanglai minthan hihnak a zotsak hang vei tampi a dik ngawl mi nu le pa sual a bawl bang, Izip nu le pa sualnak vang zam san ngawl in um hi.
\v 9 Mah hang a deih mi a lawm nu Assyria miphun sung pen a mah cu keiman ap in,
\v 10 A mun a puan duk thacang in um tik haw. A canu le capa te man in a mah cu nam tuah that haw. Mah tihcun thukhen nak a thuak hang, numei hempoh sung pen a minthang numei hi.
\p
\v 11 Mahmi thu cu a nau nu Aholibah in a muhten a Unu sang a deih sawnak thinlung tuah a U nu sang in a dik ngawl mi nu le pa sualnak bawl hi.
\v 12 Upat nak puan a silh tu Assyria ngalkap bawi te, Upa te a diang zet mi tangval cipuh khung ngalkap te deih hi.
\v 13 Mah ten a mah cu a thiang ngawl mi thu le a Unu zui mi lamzin ah a zui thu keiman thei ing.
\v 14 A dik ngawl mi nu le pa sual bawl sesem in a suahnak Chaldean ngam Babilon khuapi te bang kumpi hihnak keng in, a tai het a lamdang mi dial a lupawng khim in,
\v 15 Khantian nak pangah a ngat mi Chaldean miphun tei zuk milim a muhten,
\v 16 Deihnak thinlung nei in Chaldean ngam ah thuthang puak tu kamtai hah hi.
\v 17 Babilon khua miten a mah tuah sual bawlnak mun ihkhun zaunak humah hung in, a dik ngawl mi nu le pa sual a bawl hang bal tik haw. A man a muhte huat tuk tian a bal nak thuak hi.
\v 18 Mah tihcun a dik ngawl mi nu le pa sualnak, puan thacang umnak cu a lang zet hang keimah le ka Unu a huat bang a mah cu hua in zam san hi.
\v 19 A naupang laih in Izip ngam pen a sual mi huncan a phawh hang, sual bawl bet le leng hi.
\v 20 Laaksu tuah a bang ve mi su, cipuh beh tuah a bang ve beh a nei mi a lawm nu te hei deih hima maw?
\v 21 Mah hang Aholibah, Izip ngam miphun ten na minthan nak zawt in khanglai nui nawi a meh haw hang, na naupang laih na bawl mi sual bawl bet in,
\v 22 Topa Pathian thupiak mi nangmah a hua tu na lawm te keiman tho tikin, mun hempoh pen hung in do tik tung.
\v 23 Assyria miphun te tuah U pa, milian hausa mithan nak a nei mi Babilon miphun, Chaldean miphun te, a diang zet mi tangval, ngalkap bawi te, uktu U pa te, bawi Upa, cipuh khung ngalkap hempoh ten,
\v 24 Ngal hiamnam tuah hung in lumphaw, thik lukhu te na elkim pen bawl haw tuk hi. Thukhen nak thu a muhtei sungah keiman pia in a mun a muhtei dan bawl mi bang thukhen haw tuk hi.
\v 25 A mun nangmah a up ngawlnak thu keiman bawl in nangmah cu phat ngawlnak tuah thukhen haw tuk hi. Na nal, beng te talh in a tang mite cu nam tuah cen haw tuk hi. Na canu le capa te man in, a tang mite cu meihal haw tuk.
\v 26 Na puan duk sak in a mawi mi van te laksak haw tuk.
\v 27 Mah tihcun nang cu zo leh ngam ngawl, Izip ngam cu phawk tuk ngawl in na bawl mi sual le Izip ngam pen a tel mi a dik ngawl nu le pa sual cawl tik tung.
\p
\v 28 Mah cengten Topa Pathian thupiak mi nangmah hua tu, nangmah a do tutei khut pen nangmah ka ap hang,
\v 29 A mun huat tuk tian bawl in na zuam nak tuah na zeih mi neihnak hempoh te long in, na pumpi ah puan um ma, thacang in um tik haw tuk. Na sual hang pumpi thacang um nak, a thiangtho ngawl sual bawlnak, a dikngawl mi nu le pa sualnak ah zui mi lang tuk hi.
\v 30 Nang cu ngam dang miphun te tuah sual in a muhtei zuk milim te tuah a bal hang mah tihcun keiman thukhen tung.
\v 31 Nang cu na U nui zui mi lamzin na zui hang, a in mi khuat cu na khut sungah keiman koih tung.
\p
\v 32 Topa Pathian thupiak mi na U nui in mi khuat, zal in a thuk mi khuat cu nangman in tuk ci. Mahmi khuat sungah tampi a luh tum hang, nang cu mawhsiat nak le cekpan bawlnak thuak tuk ci.
\q
\v 33 Na Unu Samaria in mi khuat, amthong tik thei mi khuat a in hang a khamnak, thanau nak tuah dim tuk hi.
\q
\v 34 Mahmi khuat cu in in a dut cengten, a tuu hon te khen in a nawi hawi tawg in la tuk hi. Keiman hilh zo ing hitin, Topa Pathian in thupia hi.
\p
\v 35 Mah hang nangman phawk ngil in na ngumzang lam pen keiman ka kap hang, nang cu a thiang ngawl mi sual le a dik ngawl mi nu le pa sualnak hi sual cu thuak in hitin, Topa Pathian in thupia hi.
\p
\v 36 Mah cengten Pathian in ka nelah a piak mi thu cu mi capa aw, nang cu Aholah le Aholibah te thukhen in. A thungai in a muhtei bawl mi a nawngkai sual te lak tuk hi.
\v 37 Itahum titale, nu le pa sualnak bawl haw zo. Mi thahnak sual nei haw zo. Zuk milim te tuah sual palcat haw zo. Keima ca tuk hin mi cate hei, zuk milim eih tuk in mei tuah biakpiak nak bawl haw zo.
\v 38 Mah bek sial ngawl ka nelah a bawl mi thu cu mahmi ni in a thiangtho ka umnak mun bal tik tuk in, ka colhni zawt dem haw zo.
\v 39 A cate cu zuk milim mai ah a thah cengten, mahmi ni in a thiangtho mi ka umnak mun bal tik tukin hung haw. Mah tihcun ka inn sung pen bawl haw.
\v 40 Mah bek sial ngawl nangman thuthang puak tu kamtai te hah in, khualapi pen pano te sam in a muhte hung haw. A muhtei ca in nang cu tibual nak, mitkhoh sinoih nak, van thuam na bawl cengten,
\v 41 Minthan nak a nei mi ihkhun zaunak hum ah khung in, ka ngimnam tui le ka sathau cu ihkhun zaunak mai cabuai hum ah koih ci.
\v 42 Nopnak tuah a um mi mihing tampi awnthawm za ing. A dang mihing tampi te tuah ngam lak pen hung in a khut ah cau khut but, a lu ah a mawi zet mi sui lukhu khu tu thih tian a in thei mite cu tel haw hi.
\p
\v 43 Keiman a muhte cu hi numei nu tuah a dik ngawl mi nu le pa sual bawl haw hen, a tek tian in suzuak nak a bawl mi numei cu camcawh in a son ten,
\v 44 Suzuak nui umnak mun ah pano a luh tum theih bang, a mun mahmi a sual numei Aholah le Aholibah umnak mun ah tum haw.
\v 45 Mah hang nu le pa sualnak a bawl thei mi numei, mihing thisan a luang mi numei a hih hang, nu le pa sual a bawl thei numei, mihing thisan a luang numei sual cu midik miten thukhen haw tuk.
\v 46 Topa Pathian thupiak numei umnak mun ah mihing tampi te keiman thiak tik in, laksak long tuk in phalnak thupia tuk hi.
\v 47 Mahmi mihing tampi ten numei te suang tuah sep in, nam tuah sat haw tuk hi. Canu le capa te cu that in inn te mei tuah hal kang haw tuk.
\v 48 Mah tihcun a dang numei hempoh nang muhte bang sual bawl ngawl ngalling tik tuk in nang muhtei sual cu ngam sung hempoh pen keiman vawk tung.
\v 49 Mihing tampi te cu a muhtei sualnak bang thukhen in, nohten zuk milim te tuah a seng mi sual cu thuak in Topa Pathian ka hihnak thu thei haw tuk hitin, thupia hi.
\s An huannak bel
\c 24
\p
\v 1 Kum kuah, ha sawm ha, nisawm ten, Topa Pathian awnkam ka nelah a heng leh mi thu cu,
\v 2 Mi capa aw, hi ni, tuni cu sialsiah in. Tuni in Babilon kumpi in Jerusalem khuapi cu kil pan tuk hi.
\v 3 A do tu miphun te vang tehkip nak awnkam tih mi Topa Pathian awnkam thupiak hilh tuk mi bel cu meikam hum ah koih in tui sung in.
\q
\v 4 Sa hawi sa te, a pha mi sa te cu hulawm koih in a kawng, a dak a um mi a pha bel a nguh te bel sungah a dim koih in.
\q
\v 5 Tuu a pha bel te na lak cengten a nguh hekkhat te bel nuai ah seh in, bel sung pen a nguh te min tik tukin so zet tik in.
\p
\v 6 Hi thu sungah Topa Pathian thupiak mi mihing nunnak a that mi khuapi, salkai in a um laih mi bel cu thupha um ma hi. Sa hawi sa te pakhat nung pakhat suah in. Kungkhai nak bawl pah sin.
\p
\v 7 Itahum titale, mah khuapi a thah mi thisan cu khuapi laizang ah um hi. Mahmi thisan cu leivul tuah dip tuk in, leihum ah lei ngawlin a thiangtho mi suang hum ah koih zo.
\v 8 Dantat ka piak nak tuk thu thinuuk nak suak tik tuk in mahmi thisan cu sin ngawl in a thiangtho mi suang hum ah koih zo.
\p
\v 9 Hi thu sungah Topa Pathian thupiak mi mihing nunnak a that tu khuapi cu thupha um ma hi. A nasezet mi meipual cu keiman thukhen tung.
\v 10 Thing te seh in meihal in. Sa cu kiam in uuk zet eih tuk cang tik un. A nguh te kang tik un.
\v 11 Mah cengten imah tel ngawl in meiling hum ah koih un. Dal san cu a sa hang in mei alh hen. Bel sungah a um mi a bal cu a tuizung in sal ek bo hen.
\v 12 Zuamnak tuah cim em ta vang tampi sal ek suak thei ma hi. Mei tuah bo thei ma hi.
\p
\v 13 A bal mi na sungah sual um hi. Keiman som in somnak na thuak zawh ngawl hang, ka thinuuk nak cu na hum ah a heng laklawh a bal mi nangmah som tuk ma hi.
\p
\v 14 Keimah Pathian in hilh zo ing. A hilh mi bang keiman bawl in cangkim tuk hi. Nunglam ah kik ngawl, sahelh nak um ma, sualsik ma, na nuncan ziaza bang keiman thukhen tung hitin, Topa Pathian in thupia hi.
\s Ezekial nupi a thihnak
\p
\v 15 Mah cengten Pathian thupiak ka nelah a heng mi thu cu,
\v 16 Mi capa aw, na zoh nuam mipa cu keiman dan tat in that tung. Mah naven nang cu kah nak bawl pah sin. Mit hitui cak tuk ma ci.
\v 17 Daiden no kap in. A thi mipai ca kahnak bawl pah sin. Lupawng khim in kedam tuam in. Kam hup pah sin. Mizawng haksa tei an ei pah sin hitin, thupia hi.
\v 18 Mah tihcun keiman zinglam huncan ten mipi tei lakah hilh tung. Zan huncan ten ka nupi thi hi. A thucah mi bang a zinglam ten bawl ing.
\p
\v 19 Mihing tampi ten hi tihbang in bawl mi thu cu kei muhte tuah ai tihbang in seng hum? Kei muhtei lakah hilh ma maw tin ka nelah thu a dot haw ten,
\v 20 Keiman Pathian awnkam thu cu ka nelah heng in,
\v 21 Topa Pathian thupiak mi Isarel miphun nelah na hilh tuk mi thu cu a thiangtho ka umnak mun nang muhtei thazang ngilnak a sang bel nang muhtei zoh nuam mi thu, a sahelh zet mi thu te keiman zawt dem tung. Nohtei hinmi canu le capa te cu nam tuah thi haw tuk hi.
\v 22 Mah ten nohten ka bawl mi bang bawl tuk uh ci. Kam hup ngawl in mizawng haksa tei an cu ei pah sun.
\v 23 Lupawng te khim in kedam tuam haw tuk hi. Kahnak bawl haw tuk ma hi. A sualnak hang ngawm in pakhat le pakhat phun haw tuk hi.
\v 24 Mah tihcun Ezekial cu nang muhtei lakpen sialsiah nak in cang tuk hi. A bawl mi hempoh bang nang muhtei lakah sualnak thu a hen ten bawl in Pathian ka hihnak thu thei haw tuk hi.
\p
\v 25 Mi capa aw, na thu cu a muhtei thazang ngilnak, tuangkhon mithan nak, zoh nuamnak a neih mi thu, thinlung sungah a cam lo thei mi thu hei hihen, canu le capa te hei hihen, ka thah ten,
\v 26 A luat mi mihing pakhat in na umnak mun ah heng in hilh tuk hi.
\v 27 Mah ten a luat tupa a tawh hang na muk kam hong tuk hi. Awnkam a ot ngawl nak te bo in thu hilh tuk ci. Mah tihcun nangman a muhtei lakah sialsiah nak a hih hang, Pathian ka hihnak thu a mun thei haw tuk hitin, thupia hi.
\s Amon miphun nelah kamsang bawlnak
\c 25
\p
\v 1 Mah cengten Pathian awnkam thu ka nelah a heng mi thu cu,
\v 2 Mi capa aw, nang cu Amon miphun tei a langlam pen mitmai koih in kamsang na bawl hang,
\v 3 Na hilh tuk mi thu Topa Pathian thupiak mi cu ngai un. Topa Pathian thupiak mi cu zawt dem in a um tu mun thiangtho ka umnak hei hihen, mi thawmveng umnak mun in a heng mi Isarel ngam hei hihen, mat a co mi Judah miphun hei hihen, eh heu tin a son khak hang,
\v 4 Nangmah cu nisuah nak ngam miphun tei lakah keiman pia tung. A mun na sungah biakinn sa in um haw tuk. Na ankung ngah te ei in, na nawi tui in haw tuk.
\v 5 Rabbah khuapi cu kalauk ankuang, Amon ngam cu tuu khalhnak mun in cang tik tung. Pathian ka hihnak thu cu nohten thei tuk uh ci.
\v 6 Nangman Isarel ngam cu iksik nak thinlung ngeng pi tuah khut baibet nak, ke sih vawk nak cu lungdam nak tuah a bawl hang,
\v 7 Keiman nangmah do in miphun hempoh tei lon tukin ap tung. Mihing umnak ngam hempoh sung pen nangmah that tuk hi. Pathian ka hihnak thu nangman thei tuk citin, Topa Pathian in thupia hi.
\s Moab ngam nelah kamsang a bawlnak
\p
\v 8 Mah cengten Moab ngam le Seir khuapi pen Judah miphun cu ngam dang miphun te tuah bang ve hitin a son hang,
\v 9 Topa Pathian thupiak mi cu Moab a langlam ngam mawk bul pen uknak ngam minthan nak a cang mi Beth-shemoth khuapi, Ba al-meon khuapi, Kir-i-athaim khuapi te keiman liplet tung.
\v 10 Mahmi khuapi te, Amon miphun te tuah nisuah nak ngam miphun te a neih tukin pia hi. Amon ngam miphun te uknak ngam tin sialsiah tuk ma hi.
\v 11 Moab ngam vang keiman a sual thukhen hang, Pathian ka hihnak thu cu a mun thei haw tuk hitin, Topa Pathian in thupia hi.
\s Edom ngam nelah kamsang a bawlnak
\p
\v 12 Mah cengten Edom ngam cu phu zul leh tukin, Judah miphun a langlam ah um in a sual leita hang sual thukhen in,
\v 13 Topa Pathian thupiak mi Edom ngam do in mihing le ngan hing te that tuk hi. Teman khuapi penpan mihing thawmveng in cang tik tuk hi. Dedan khuapi tian nam tuah that tuk hi.
\v 14 Ka mihing Isarel miphun hang, Edom ngam cu keiman phuzul leh tuk in dan pia tung. A mun ka thinuuk nak a nasezet bang, Edom ngam bawl haw tuk hi. Ka piak mi sual dan tatnak thei haw tuk hitin, Topa Pathian in thupia hi.
\s Philistine miphun tei lakah kamsang a bawlnak
\p
\v 15 Mah cengten Philistine miphun a huat nak hang, iksik nak thinlung nasezet tuah thinuuk in a deihnak cangkim tuk bawl in siatsuah tuk in sual dan tatnak a piak hang,
\v 16 Topa Pathian thupiak mi Philistine miphun te keiman do in Cher’ethim miphun te that tuk hi. Tuipi bul pen a tang mite cu siatsuah tuk hi.
\v 17 Nasezet thu hilh nak tuah dantat nak pia tuk hi. Mah tihcun keimah phuzul leh tuk dan ka piak ten, Pathian ka hihnak thu thei haw tuk hitin, Topa Pathian in thupia hi.
\s Tyre khuapi ah kamsang a bawlnak
\c 26
\p
\v 1 Kum heikhat, hakhat ha, nikhat ni in Pathian awnkam thu ka nelah heng in,
\v 2 Mi capa aw, Tyre khuapi pen eh heu, uknak ngam sung pen kongka pi a himi Jerusalem khuapi a siatsuah hang, ka khut sungah heng tuk hi. Mahmi khuapi cu mi thawmveng hang, keiman khangto tuk hitin, Jerusalem khuapi a langlam pen ka son khak hang,
\v 3 Topa Pathian thupiak mi cu Tyre khuapi aw, na langlam ah keimah um ing. Tuipi lumlet a tho bang, miphun hempoh ten nangmah tho in do tuk hi.
\v 4 A mun Tyre khuapi siatsuah in khuapi khantian te subal haw tuk. Leivul cu ngit keh khok in, a thiangtho mi suang bang cang tuk hi.
\v 5 Tuipi a lai zang pen suuk pho nak mun in cang tuk hi. Keiman hilh zo ing hitin, Topa Pathian in thupia hi. Miphun cuhdun lonnak mun in cang tuk hi.
\v 6 Lo sungah a um mi canu te cu nam tuah thi in, Pathian ka hihnak thu thei haw tuk hitin, thupia hi.
\p
\v 7 Mah cengten Topa Pathian thupiak mi cu kumpi tei kumpi a himi saklam ngam kumpi Nebuchadnezzar cu cipuh leng, cipuh ngalkap, mihing tampi te tuah Tyre khuapi ah keiman pui tung.
\v 8 A mah cu lo sungah a um mi na canu te nam tuah that tuk hi. Na langlam ah innpi sa in lei nguh te a dip cengten, lumphaw te tuah hawh in kham tuk hi.
\v 9 Na khuapi khantian nak a lang le langlam ah ngalkap cet cu koih in a inn te heipi tuah subal tuk hi.
\v 10 Cipuh a tam hang leivul in nangmah khuh tuk hi. Siatsuah mi khuapi sungah luh theih mi bang leng aunak awnthawm, cipuh leng ngalkap tei aw hang na khuapi khantian te hing tuk hi.
\v 11 Cipuh ke tuah na hawhnak lamzin hempoh sik in, na miphun te nam tuah a thah ten na belhnak tuk zuk milim te lei cankim tian in cim haw tuk.
\v 12 Na neihnak te lak sak in na van te long haw tuk. Na ukkhe pang tian te subal in biakinn te a siatsuah cengten na suang, thing, lei te tui sungah vawk haw tuk.
\v 13 Na sak mi la aw cu keiman cawl tik in, na tum mi phaidak aw cu a kuamah in za leh tuk ma hi.
\v 14 Nang cu a thiangtho mi suang bang, suuk pho nak mun in cang tuk hi. Sa leh thei tuk ma ci. Keimah Pathian in hilh zo ing hitin, Topa Pathian in thupia hi.
\p
\v 15 Tyre khuapi camcawh in Topa Pathian thupiak mi cu na mai pen a nasezet mi thahnak thu a hih hang, a khengkha miten a au ten na siatnak a cim mi aw a hih hang, tuipi kulh uknak ngam te hing haw tuk hi.
\v 16 Tuipi thuanthum kumpi hempoh ten tohkham khunnak hum pen tolh in, a puan le suangman pha tuah a coih mi puan a duh cengten can tawtok thei mi puan silh in, leihum ah khung in a tu le tu hing in nangma thu hang amthong in um haw tuk.
\v 17 A mun minthang mi khuapi aw, tuipi mihing te um in Upat taak mi khuapi mite le a cang kim mi khuapi, nang cu sia leita zo hima cim maw tin nangman tiin, nangma ca kap haw tuk hi.
\q
\v 18 Na siatnak ni cu tuipi kulh ngam ah a um miphun ten hing tawtok in na paih hang, tuipi sungah a um mi tuikulh miten lau haw tuk.
\p
\v 19 Topa Pathian thupiak mi cu mihing a um ngawl mi khuapi bang, keiman nangmah cu mi thawmveng tik in, tuipi cu na hum ah pui in tui pi lumlet ten nangmah a khuh ten,
\v 20 Tang laih mihing a lun tei umnak mun leikua sungah a hawh mite tuah nangmah cu keiman khia suk in, na nelah mihing um tik ngawl in mi thawmveng umnak mun, leinuai umnak sungah keiman koih tung hi. Mah ten a nung mi a muhtei umnak mun sungah ka minthan nak bang keiman hong tung.
\v 21 Nang cu a lauhuai mi na hih hang, a kuamah hi zeih leh theih tuk ngawl tian in a bo nak tuk mun ah heng tuk hitin, Topa Pathian in thupia hi.
\s Tyre khuapi ca a kahnak
\c 27
\p
\v 1 Mah cengten Pathian awnkam thu ka nelah heng in,
\v 2 Mi capa aw, Tyre khuapi ca kah nak bawl in Tyre khuapi na hilh tuk mi thu cu,
\v 3 Tuipi bulah a um mi khuapi aw, tam zet a um mi tuipi kulh miphun tei ca sum bawl thei mi khuapi, nangmah Topa Pathian thupiak mi cu Tyre khuapi aw, nangman ka mawi nak cangkim zo hitin, son thei ci.
\q
\v 4 Na umnak ngam cu tuipi sungah um hi. Na in sak mite nangman a cangkim mawi zet in bawl zo uh ci.
\q
\v 5 Na neih mi thing hempoh te Senir cakthing tuah bawl in puanzak nak khuam cu Lebanon cedar kung pen la haw zo.
\q
\v 6 Bashan thing tuah a cawhnak hei hihen, Chittim tuikulh pen saiho tuah a coih mi Ashur thing tuah mual a kawn hempoh cu bawl haw.
\q
\v 7 Izip ngam pen puan than a nem te phalh in, Elishash tuipi mawk pen mepian zawng le puanthan nem a pawl tuah a mai cu khuh hi.
\q
\v 8 Zion khuapi te le Arvad khua mite cu tembaw na dek tute a hih hang, Tyre cihnak a nei mite cu a mawng tute haw hi.
\q
\v 9 Gebal U pa micip ten nangmah cu lamhuai tu in zui haw tuk hi. Tuipi tawn in tembaw a um mi hempoh te le tembaw na dek tuten, nangmah tuah zuak haw tuk hi.
\q
\v 10 Persia miphun, Lud miphun, Put miphun te cu na ngalkap na dehnak bawl haw tuk hi. Lumphaw, thik lukhu te bawl in na minthan nak cu lang tik haw tuk hi.
\q
\v 11 Arvad miphun ten na ngalkap te tuah khuapi khantian elkim pen muak in zo haw hi. Gamad miphun ten khantian pang cu cing in khuapi khantian elkim hempoh thalcang a bawl hang, na mawinak cu cangkim tik haw hi.
\p
\v 12 Na nelah sum bawl tuk in neihnak a tam hang Tarshish khuapi cu ngun, thik, thik ngo, suan te cu na umnak ah keng in nangmah tuah sum bawl hi.
\v 13 Javan, Tubal, Meshech khuapi ten nangmah tuah sum bawl in mihing sila te le dal san khuat te cu na zuaknak mun zi pen zuak haw hi.
\v 14 Beth-togarmah miphun ten cipuh, cipuh khung tu, laak te cu na umnak sungah khum haw.
\v 15 Dedan khua mite cu nangmah tuah sum bawl haw hi. Mihing tampi tuikulh uknak ngam miphun ten na bawl mi neihnak lei in ki, saiho, thinghang te pia leh haw hi.
\v 16 Na bawl mi neihnak a tam hang Syria ngam cu nangmah tuah sum bawl in emmarald suang, puanthan nem a pawl, mepian puan nem, pak dawh nak van puan, puan nem, ruby suang te na sungah koih haw hi.
\v 17 Judah ngam le Isarel ngam cu nangmah tuah sum bawl in sangvut cang, Pannag nai, khuaitui, sathau, balm sithing kung nai te cu van na zuaknak mun zi sungah koih hi.
\v 18 Damascus khuapi in na bawl mi neihnak te hauhsak nak tampi hang Helbon cabit tui, a ngo mi tuu mul cu la in zuak thei hi.
\v 19 Dan le Javan ngam, Uzal khuapi cu na umnak ah keng in na zi zuaknak ah cassia le calamus um hi.
\v 20 Dedan khuapi cu cipuh khung ngalkap tei man tuk puan nem zuak in, nangmah tuah sum bawl hi.
\v 21 Arab ngam le Keda kumpi hempoh ten na bawl mi neihnak co tuk in tuu no, tuu cang, kel te tuah thek in sum bawl haw hi.
\v 22 Sheba sum bawl cu Raamah sum bawl ten nangmah tuah bawl in a sunglawi bel mi ngimnam tui namkim, man a nei mi suang le sui cu na umnak sungah koih hi.
\v 23 Haran khua mi, Canneh khua mi, Eden khua mi, Sheba sum bawl te, Asshur sum bawl te, Childmad sum bawl te, nangmah tuah sum bawl in,
\v 24 A lamdang mi neihnak a pawl puanthan nem, van pak dawhnak puan nem man nei mi vanthuam, khau tuah a tuam mi cedar thingkuang cu na van zuaknak sungah koih haw hi.
\q
\v 25 Tarshish tembaw ten na van pua in a hawh hang, nang cu tuipi a laizang pen hausa nasezet minthan nak um hi.
\q
\v 26 A tu in na tembaw cok tuten nangmah cu tuipi sungah pui in, nisuah nak lam pen huih in nangmah siatsuah zo hi.
\q
\v 27 Nangmah na siat ten neihnak, van, tembaw na dek tu, tembaw mawng tu bawi, lamhuai in thupia tu, sum bawl tute, ngalkap hempoh tuipi a laizang pen cak suk haw tuk.
\q
\v 28 Nangmah lamhuai tu tembaw mawng tutei aunak aw hang, elkim ah a um tute cu buai haw tuk hi.
\q
\v 29 Tembaw a cok tu hempoh te tembaw pen tolh in, tembaw na dek tute le tuipi lamhuai tembaw a mawngtu te cu mual hum ah ding in,
\v 30 Nangma ca au in nasezet kap haw tuk hi. Leivul cu a luhum ah koih in vut sungah bual haw tuk hi.
\q
\v 31 Sam vang met thangkhau puan het in thanau nak thinlung tuah nangma ca nasezet a kah nak thu cu,
\v 32 Tuipi a laizang pen thi in a tawp mi khuapi cu Tyre khuapi tuah a bang ve khuapi ai um hum?
\q
\v 33 Na neihnak van te tuipi lamzin tuah a hawh ten, miphun hempoh te lungkim in a tampi neihnak, van tuah leihum kumpi te hausa tik thei hi.
\q
\v 34 A tu in nang cu tuipi sungah hei hihen, na bawl tuk van te tuipi lumlet a sungah hei hihen, keh in nangmah tuah a tel mi hempoh te thi haw zo.
\q
\v 35 Tuipi kulh nak ngam sung mi hempoh te na thu hang, amthong in kumpi te mitmai sia khuasik mulpuak in um haw hi.
\q
\v 36 A phun namkim sum a bawl tuten, nangmah cu mawhsiat nak aw bawl haw hi. Nang cu a lauhuai in cang zo ci. Mah cengten lang leh ma zo tin kap haw tuk hitin, thupia hi.
\s Tyre kumpi nelah kamsang bawlnak
\c 28
\p
\v 1 Mah cengten Pathian awnkam ka nelah a heng mi cu,
\v 2 Mi capa aw, Topa Pathian thupiak Tyre kumpi nelah na hilh tuk mi thu nangmah le nangmah cu Pathian bang ngaisung naven Pathian hima ci, mihing hi napi in kei cu Pathian ing. Tuipi a laizang pen Pathian tohkham khunnak hum ah khung hitin ngalnak thinlung tuah na son hang,
\v 3 Nang cu Denial sang cihnak nei saw hima cim maw? Na theih tuk ngawl in midang tei theih ngawl mi thu pakhat no hei um ma hi.
\v 4 Theihnak tuah neihnak co thei hi. Sui le ngun nei zo ci.
\v 5 A lamdang mi cihnak le van neihnak tuah hausa in, mahmi hauhsak nak hang ngalnak thinlung nei zo ci.
\p
\v 6 Mah hang Topa Pathian thupiak mi nang cu nangmah le nangmah Pathian bang na ngaihsut hang,
\v 7 A lauhuai mi ngam dang miphun te na umnak mun ah keiman ka pui hang, a mun na cihnak cu nam tuah sat in na minthan mawinak te zawt dem haw tuk hi.
\v 8 Nangmah cu leikua sungah nemsuk in tuipi a laizang ah siatnak a heng mipa bang, na nunnak sung tuk hi.
\v 9 Na nunnak a that tutei khut sung pen nang cu Pathian hima ci, mihing hi napi in kei cu Pathian ing hitin, na nunnak a that tutei mai pen a man son tuk maw?
\v 10 Vunlek talh ngawl mithi pa bang ngam dang miphun tei khut tuah thi tuk ci. Kei man hilh zo ing hitin, Topa Pathian in thupia hi.
\p
\v 11 Mah cengten Pathian awnkam ka nelah a heng mi thu cu,
\v 12 Mi capa aw, Tyre kumpi ca kahnak thu hilh in Topa Pathian thupiak na hilh tuk mi nang cu a lamdang mi tacik hi ci. Cihnak tuah dim in a mawi mi minthan nak cangkim nei ci.
\v 13 Eden umnak mun, Pathian huan sungah um ci. Na luhum ah suangsan, Topaz, Dimond, beryl, onyx, jasper, sapphire, emerald, carbucal, sui, suangman pha a phun kim khu ci. Sui tuah bawl mi khuang, pheveu te cu na hin ni penpan in, nangma ca in bawl zo hi.
\v 14 Nangmah a uap tu sathau noih nak na co ni Cherubim cang in, keima thu le Pathian a thiangtho mi mual hum ah um in, a alh mi suangtei sung pen hawh hi.
\v 15 Hin ni pen pan na sualnak a lang ni tian, na bawlnak hempoh sungah cangkim in um hi.
\v 16 Mah naven sum bawlnak a tam hang, sualnak tuah dim in sualnak ah heng zo ci. Mah hang mipha ngawl pa bang na Pathian ha hum pen keiman hawlvawk tung. Khuhnak a nei tu Cherubim aw, a alh mi suang sung pen nangmah keiman vawk tung.
\v 17 Nang cu na pumpi mawinak minthan hang ngalnak thinlung nei in, minthan vaknak hang na cihnak cu sia zo hi. Keiman nangmah lei tian khiasuk tung. Kumpi ten nangmah a zoh hang lungdam tik tuk in, a muhtei mai pen nangmah keiman khia suk tung.
\v 18 Na sualnak cu tam in sum bawlnak a thiangtho ngawl hang, a thiangtho mi umnak mun te bal tik in nangmah cu mei hal tukin na mai pen mei cu keiman noih tung. Nangmah a mu tu hempoh tei mai pen na vut cu leihum ah keiman koih tung.
\v 19 Nangmah a thei tu miphun hempoh ten nangma thu hang amthong in um haw tuk. Nang cu a lauhuai mi in cang tuk ci. Mah cengten lang leh tuk ma toh ci tin, thupia hi.
\s Sidon khuapi nelah kamsang bawlnak
\p
\v 20 Mah cengten Pathian awnkam thu ka nelah heng in,
\v 21 Mi capa aw, nang cu Sidon khuapi a langlam ah mitmai hek kamsang bawl in,
\v 22 Topa Pathian thupiak na hilh tuk mi cu Sidon khuapi aw, na langlam ah keimah um ing. Na mai pen ka minthan nak lang tuk hi. Keiman nangmah cu sual dantat nak pia in U pat nak na co ten, Pathian ka hihnak thu cu mi tampi in thei haw tuk hi.
\v 23 Na hum ah pulhnat a lawn thei mi hei hihen, na lamzin pen nam haksat nak hei hihen, keiman hah in na elkim pen a do mi nam tuah ngalkap te cu na mai pen lum in a thih haw ten, Pathian ka hihnak thu thei haw tuk hi.
\p
\v 24 Mah ten Isarel miphun elkim ah um in sumsial nak a bawl ngawl mitei sung pen a sun thei mi ling kung, a noksak thei mi ngolhkang pakhat no hei tang tuk ma hi. Pathian ka hihnak thu cu thei haw tuk hitin, thupia hi.
\p
\v 25 Mah cengten Topa Pathian thupiak mi, Isarel miphun te tham kek in a um mi miphun hempoh sung pen keiman sam in hulopkhawm ten a muhtei hang miphun tampi mai pen Upat nak cu keiman co in, ka sila Jakop cu a masa ka piak mi ngam sungah a muhte um haw tuk hi.
\v 26 Mahmi ngam ah launak um ma hi. Inn saknak, cabit huan cinnnak thu bawl in um haw tuk hi. A muhtei elkim ah um in sumsial nak a bawl tu hempoh keiman sual dantat nak ka neih cengten, a mun lau nak um ngawl in kei cu a muhtei Topa Pathian hihnak thu thei haw tuk hitin, thupia hi.
\s Izip ngam kamsang bawlnak
\c 29
\p
\v 1 Kum sawm kum, ha sawm ha, ni heikhat ni in Pathian awnkam ka nelah heng in,
\v 2 Mi capa aw, nang cu Izip kumpi Pharaoh a langlam ah a mit mai hek in a mah le Izip ngam hempoh a langlam pen kamsang bawl in,
\v 3 Topa Pathian thupiak na hilh tuk mi cu Izip kumpi Pharoah aw, na ngun tuipi a laizang ah um in ka ngun tuipi cu keiman nei ing. Keima ca in keiman bawl zo ing hitin, a son thei mi tuisaltam pi na langlam ah keimah um ing.
\q
\v 4 Na biangnguh cu thik kawizang tuah sio in, na ngun tuipi sungah a um mi ngasa te na lip sungah keiman belh tung. Na ngun tuipi a laizang pen nangmah keiman bot in ngun tuipi sungah a um mi ngasa te na lip sungah kop haw tuk hi.
\q
\v 5 Nangmah le na ngun tuipi sungah a um mi nga sa hempoh ngam lak ah keiman vawk tung. Munlawn ah um in hulop khawmnak nei leh tuk ma hi. Ngam lak sahang te vanhum vano tei eih tuk in nangmah cu keiman ap tung.
\q
\v 6 Pathian ka hihnak thu cu Izip ngam miphun hempoh ten thei haw tuk hi. A thu cu a muhten Isarel miphun sung pen pumpeng thiangkhut in cang zo.
\q
\v 7 Nang cu khut tuah let ten a muhtei ko nguh pel hi. Na humah a delh ten nangmah ek in a muhtei el cu na tik ci.
\p
\v 8 Mah hang Topa Pathian thupiak mi cu keiman na hum ah nam keng in mihing le nganhing te a thah hang,
\v 9 Izip ngam cu mi thawmveng sia in a um ten Pathian ka hihnak thu cu thei tuk hi. Nangman ka nguntui cu keiman nei ing. Keiman bawl zo ing hitin na son khak hang,
\v 10 Nangmah le na ngun tui a ngalkhat lam ah keimah um ing. Izip ngam cu Migdol ngam pen pan Syene khuapi tian hei hihen, Ethopia ngam mawk tian ah hei hihen, nam tuah siat suah in a thawmdai tik tuk hi.
\v 11 Kum sawmli sung mihing le nganhing hawh tuk ma hi. A kuamah um tuk ma hi.
\v 12 A sia mi ngam sung pen Izip ngam cu keiman siatsuah tung. Mi thawmveng a um mi khuapi sung pen kum sawmli sung Izip khua pi te siatsuah haw tuk hi. Izip miphun te ngam hempoh ah keiman tham kek tik tung.
\p
\v 13 Mah naven Topa Pathian thupiak mi kum sawmli a kim ten thamkek in a um mi miphun tei sung pen, Izip miphun te keiman sam in hulawm tik tung.
\v 14 Mat a co mi Izip miphun te keiman pui leh in a muhtei umnak mun Pathros ngam ah pin leh tik tung. Mahmi ngam sungah a pha ngawl mi ngam in cang tuk hi.
\v 15 Ngam dang miphun ten uk leh tuk ma hi. Ngam hempoh sung pen a pha ngawl bel in cang tuk hi. Ngam dang miphun te uk leh tik tuk ngawl in keiman zawt dem tung.
\v 16 Isarel miphun ten mahmi ngam miphun te muang in, a muhtei sual cu keimah a phawh leh tik hang, mahmi ngam cu a muhtei belhnak mun in cang leh tuk ma hi. Pathian ka hihnak thu thei haw tuk hitin, thupia hi.
\p
\v 17 Kum kulluan salih kum, ha khat ha, nikhat ni in Pathian awnkam thu ka nelah heng in,
\v 18 Mi capa aw, Babilon kumpi Nebuchadnezzar in a ngalkap te, Tyre khuapi ngalkhat lam pen tampi na dek tik zo. Ngalkap hempoh lu kolh zo hi. Ko vang lawng zo hi. Mah naven kumpi le ngalkap ten Tyre khuapi ngalkhat lam pen na deh thaman cu khuapi sung ten co haw ma hi.
\v 19 Mah hang Topa Pathian thupiak mi Izip ngam cu Babilon kumpi Nebuchnezzar nelah keiman pia tung. Mahmi kumpi cu ngam sung mihing hempoh te hei hihen, a khut tuah a co ngah mi hempoh te hei hihen, a lonsak cengten a ngalkap tei thaman in pia tuk hi.
\v 20 Ka na a deh hang Tyre khuapi ngalkhat pen na deh nak thaman tuk Izip ngam cu keiman pia zo ing.
\v 21 Mahmi huncan sungah Isarel miphun tei ki cu keiman po tik in a muhtei sung pen na hilh mi thu cu keiman pia tung. Pathian ka hihnak thu a mun thei haw tuk hitin, thupia hi.
\s Izip ngam ca a kahnak
\c 30
\p
\v 1 Mah cengten Pathian awnkam thupiak mi ka nelah heng in,
\v 2 Mi capa aw, nang cu kamsang bawl in Topa Pathian thupiak na hilh tuk a heng tuk mi ni cu thupha um ma hitin, au haw hi.
\q2
\v 3 Mahmi ni cu nai zo. Pathian ni, meingo khuh ni, ngam dang miphun ca a tiap mi huncan nai zo.
\q
\v 4 Nam haksat nak cu Izip ngam ah a hen hang ngalkap te lum in a thih haw ten, Ethopia ngam cu thinkham tuk hi. Mihing tampi te vawk in a zung a bul pi subal in siatsuah haw tuk hi.
\p
\v 5 Ethopia miphun, Put miphun, Lud miphun, Arabia miphun, Libya miphun, pawlkom bawl mi ngam hempoh ten, Izip ngam miphun te tuah nam in thi haw tuk hi.
\p
\v 6 Izip ngam a bawm tute lum in a thih haw hang, Izip thazang ngilnak a nei mitei minthan nak cu sung tuk hi. Migdol khuapi penpan Syene khuapi tian Izip ngam miphun ten nam tuah lum in thi haw tuk hitin, Topa Pathian in thupia hi.
\q1
\v 7 A sia mi ngam sung pen sia in a um haw hang, mi thawmveng khuapi sung pen Izip khuapi te tel haw tuk hi.
\q
\v 8 Keiman Izip ngam pen mei noih in mahmi ngam a bawm tu hempoh te a siat ten, Pathian ka hihnak thu thei haw tuk hi.
\p
\v 9 Mah ten launak a um ngawl mi Ethopia miphun ten lau tik tukin, ka hah mi thuthang puak tu kamtai te tembaw khung in a hawh haw hang, Izip ngam tei huncan sungah a muhte cu mizawng haksa zet in um haw tuk hi. Mahmi huncan vang nai zo hitin, thupia hi.
\p
\v 10 Topa Pathian thupiak mi cu Babilon kumpi Nebuchadnezzar hang, Izip ngam miphun hempoh keiman that tung.
\v 11 Mahmi kumpi le a miphun a lauhuai miphun te Izip ngam siatsuah tuk hung nam keng in ngam sung hempoh ah ngalkap tuah dim haw tuk hi.
\v 12 Ngun tuipi te cu keiman kang tikin mipha ngawl tei ngam zuak tuk. Ngam dang miphun tei khut tuah a ngam le ngam sungah a um mi hempoh te keiman siatsuah tung. Keimah Pathian in hilh zo ing.
\p
\v 13 Topa Pathian thupiak mi zuk milim te keiman siatsuah in, Noph ngam sung zuk milim hempoh vang keiman vawk tung. Izip miphun kumpi um leh tuk ma toh hi. Izip ngam launak tuk thu keiman bawl tung.
\v 14 Pathros ngam cu keiman siatsuah tung. Zoan khuapi vang meihal tung. No khuapi vang sual thukhen tung.
\v 15 Izip ngam thazang ngilnak a nei mi Sin khuapi hum ah ka thinuuk nak buak in No khuapi mi hempoh te keiman that tung.
\v 16 Izip ngam pen mei noih in Sin khuapi hing in No khuapi khantian a cim nak, Noph khuapi cu sun huancan ten hei in ngal donak thuak tuk hi.
\v 17 Aven khuapi, Pibeseth khua tangval ten nam tuah lum in a thah hang numei te mat co haw tuk.
\v 18 Tehaphnehes khuapi sungah Izip tei thiangkhut te keiman ek tuah in a thazang ngilnak hi minthan nak a siat ten, sun huncan ten vaknak tham tuk hi. Meingo khuh in khuapi canu te mat co haw tuk hi.
\v 19 Mah tihcun Izip ngam pen kei cu sual thukhen in, Pathian ka hihnak thu a mun thei haw tuk hitin, thupia hi.
\p
\v 20 Kum heikhat kum, ha khat ha, ni salih ni in Pathian thupiak mi ka nelah heng in,
\v 21 Mi capa aw, Izip ngam kumpi Pharaoh khutzung te keiman ektuah zo ing. Si tuah tuamlawm in cun ma hi. Nam keng tukin thazang ngilnak dan kel nei tik tukin puan tuah ken ma hi.
\v 22 Hi thu sungah Topa Pathian thupiak mi cu kei man Pharaoh kumpi a langlam ah um hang, a khut zungte keiman ektuah tung. Thazang ngilnak a nei mi khut zung te le a masa in ehtuah mi a khut zung pen nam cu a khut pen cak tik tung.
\v 23 Izip miphun te ngam hempoh ah tham kek tik tung.
\v 24 Babilon kumpi cu keiman a lungkhoh tik in ka nam cu a khut sungah ap tung. Pharaoh khut zung te ka ehtuah hang, a mah cu thah nak a co tupai aunak aw bang Babilon kumpi mai pen au tuk hi.
\v 25 Babilon kumpi khut zung te keiman tha ngil tik tung. Ka nam cu Babilon kumpi khut sungah keiman ap in a man Izip ngam cu mahmi nam tuah a sah ten Pathian ka hihnak thu cu a mun thei haw tuk hi.
\v 26 Mah tihcun Isarel miphun te ngam hempoh ah keiman tham kek tik tung. Pathian ka hihnak thu a mun thei haw tuk hitin, thupia hi.
\s Lebanon cedar thing kung
\c 31
\p
\v 1 Kum heikhat kum, hathum ha, nikhat ni in Pathian awnkam thu ka nelah heng in,
\v 2 Mi capa aw, nang cu Izip kumpi Pharaoh le a miphun hempoh tei lakah na hilh tuk mi cu huham thawmngeng in a kua tuah bang ve hum?
\q
\v 3 Assyria miphun a mawi hang a khuh mi thingkang, a sangnak mun, a kangkak tampi tuah a dim a lek ah a um mi cedar thing kung hi ci.
\q
\v 4 Ngun tuipi phatnak hang a kung ngeng in a thuuk zet mi tui phatnak hang a kung sang hi. A phutnak mun ah tui luang in thingkung umnak mun ah ngui tui dim hi.
\q
\v 5 Mah tihbang mi a hih hang ngam sung thingkung hempoh sang a kung sang saw hi. A khan ten tuipi a tam hang, a kung kangkak te a tam in a khut te sau zet haw hi.
\q
\v 6 Vanhum vano hempoh ten a kung a kangkak ah buu sa haw tuk hi. Ngam sa hempoh te a kung a kangkak nuai pen a no keuh hi. Mahmi thingkung a lim pen miphun tampi te um haw hi.
\q
\v 7 Mah tihcun tui tampi umnak mun ah a zung man in a mawinak tuah dim hi.
\q
\v 8 Pathian huan sung pen cedar thingkung te, mahmi thingkung cu kham thei ma hi. Cak thingkung le Chenet thingkung te cu mah tihbang mi a kung a kangkak tuah dim haw ma hi. Pathian huandum sung pen thingkung pakhat no hei in mahmi thingkung bang mawi ma hi.
\q
\v 9 Eden umnak mun Pathian huan sungah a um hempoh mi thingkung ten, mahmi thingkung sonsiat tuk tian in a kangkak a tam hang, a thuam cu keiman mawi tik ing.
\p
\v 10 Mah cengten Pathian thupiak leh mi cedar thingkung cu a kung sang in a kangkak tampi tuah a dim mi a lek te cu khaisang in pualthau ngalnak thinlung a neih hang,
\v 11 Miphun hempoh sung pen huham thawmngeng in a mah cu nasezet thukhen tu pai khut sungah keiman ap zo ing. A bawl mi sual nak hang hawlvawk zo ing.
\v 12 A lauhuai mi ngam dang miphun ten a mah cu sat in vawk haw zo. A kangkak te mual hum le huakluam sungah cak in ngam sung ngun tuipi bul pen keh in um hi. Leihum mi hempoh te a lim pen suak tulin a mah cu zamsan haw zo.
\v 13 Vanhum vano le ngam sa hempoh ten a ek mi a kangkak hum ah um haw hi.
\p
\v 14 Itahum titale, tuipi bul hempoh a um mi thingkung sung pen kungkhat no hei a kung sang a um ngawl hang, pualthau in ngal haw ma hi. A kangkak a tampi sung pen a lek a khaisan tuk ngawl thu, tui a in tu hempoh kung khat no hei a kung sang in a zuam ngam tu um tuk ma hi. Mahmi thingkung hempoh cu leikua sungah a hawh mi mihing hempoh te tuah thihnak ah hei hihen, lei nuai umnak mun ah hei hihen heng tik tuk in keiman ap zo ing.
\p
\v 15 Topa Pathian thupiak mi a mah cu thihnak ngam sungah a hawh mi ni in a thuk mi umnak mun cu a ma ca mithi puan tuah keiman khuh tung. Tuipi a lum let mite cu keiman kham sak in tuipi cu keiman kelen ing. Lebanon mual cu a ma ca mithi puan silh tik in ngam sung thingkung hempoh thinkham haw tuk hi.
\v 16 Leikua sungah a hawh tu a muhte te tuah a mah cu thihnak ngam sungah ka khiak ten, khiaknak aw tuah miphun hempoh keiman hing tik tung. Eden thingkung hempoh te tuah a pha bel, a sunglawi bel mi Lebanon thingkung penpan tui a in tu thingkung hempoh te lei nuai sungah nep nak co haw.
\v 17 Mah mipa cu a khut zung a hih hang, miphun hempoh sung pen a ma lim a bel tu hempoh te cu nam tuah thihnak a thuak tutei umnak mun, thihnak ngam sungah zui haw hi.
\v 18 Nang cu huham thawmngeng nak tuah itihbang mi Eden thak tuah bang ve hum? Nang cu Eden thingkung te tuah leinuai umnak munah khiak co tuk ci. Vun lek talhnak a co ngawl miphun, nam tuah thahnak a co mite tuah lum in um tuk hi. Mah tihcun Pharaoh kumpi le a mihing a um mi hempoh ten cang haw tuk hitin, Topa Pathian in thupia hi.
\s Pharaoh kumpi ca kahnak
\c 32
\p
\v 1 Kum heikhat kum, ha heinih ha, ni khat ni in Pathian awnkam thu ka nelah a heng mi cu,
\v 2 Mi capa aw, nang cu Izip kumpi Pharaoh ca kahnak bawl in na hilh tuk mi cu miphun hempoh sung pen pawpi la bang hi ci. Tuipi ting umnak mun ah a um mi tuisaltam bang ngun tuipi cu hawh in, ke tuah tui cu phia tik in ngun tuipi bal tik ci.
\p
\v 3 Topa Pathian thupiak mi cu miphun tampi te hulawm tikin, keiman suuk tuah nangmah khuh in a mun suuk tuah nangmah dok haw tuk hi.
\q
\v 4 Keiman nangmah cu mual hum ah dok in munlawn ah zam san tung hi. Vanhum vano hempoh te na hum ah kop tik tung. Leihum mihing hempoh te kham pek in cawm tung.
\q
\v 5 Na sa cu mual hum ah keiman phah tung. Huakluam te cu na pum tuah dim tik tung.
\q
\v 6 Na nelpen a zung mi thisan tuah lei cu mual lek tian nom tuk hi. Ngun tuipi te cu na thisan tuah dim haw tuk hi.
\q
\v 7 Nangmah a sun tik ten vanhum cu keiman khuh in aksi te keiman thim tik tung. Meingo uap tik in hade vang vak nak pia tuk ma hi.
\q
\v 8 Na hum lam vanhum pen a vak mi vaknak inn hempoh thim tik in na ngam cu khuathim in khuh tuk hi.
\p
\v 9 Na theih awng ngawl mi ngam hempoh sung pen na siatnak thu ka zak tik ten miphun hempoh te thinkham tik tuk ci.
\v 10 A thungai in na thu hang miphun hempoh keiman amthong tik tung. Keiman kumpi tei mai pen nam tuah ka lik ten, a mun nangma thu hang lau zet haw tuk hi. Na sun mi ni in a muhte cu a muhtei nunnak hang a tu le tu in launak tuah hing tawtok um haw tuk hitin, Topa Pathian in thupia hi.
\p
\v 11 Topa Pathian thupiak mi Babilon kumpi nam cu na hum ah heng tuk hi.
\q
\v 12 Thazang ngilnak a nei mipa, a lauhuai miphun hempoh te tuah na miphun hempoh keiman lum tik tung. A mun Izip pualthau ngalnak cu nem pekin ngam sung miphun hempoh te siatsuah haw tuk hi.
\q
\v 13 A tam zet mi tui bul pen an a ei tu nganhing hempoh te vang keiman that tung. Mah cengten mihing ke le nganhing ke cu mahmi tui ten bal tik tuk ma hi.
\q
\v 14 Mahmi tui cu keiman thiang tikin ngun tui cu sathau bang luang tuk hitin, Topa Pathian in thupia hi.
\q
\v 15 Keiman Izip ngam sung pen a neihnak hempoh bo tik tuk siatsuah vawk in ngam sung miphun hempoh te dan tat in, Pathian ka hihnak thu cu thei haw tuk hi.
\p
\v 16 Hi thu cu Izip ngam ca bawl mi kahnak hi. Canu hempoh te vang kahnak tuah Izip ngam le ngam sung miphun hempoh ca kap haw tuk hitin, Topa Pathian in thupia hi.
\p
\v 17 Kum heikhat kum, ha khat ha, ni heinga ni in Pathian awnkam thu ka nelah heng in,
\v 18 Mi capa aw, Izip ngam miphun hempoh ca kahnak bawl in. Leikua sungah a hawh mitei umnak mun tian, a minthang mi miphun canu te tuah a caknak thu na hilh tuk mi,
\v 19 Nang cu midang te sang mawi saw cim maw? Vunlek talhnak a nei ngawl miphun te tuah hawh in um ten hi.
\p
\v 20 Ngal nam haksat nak ah ap in nam tuah a thi mite lum in a thih hang, a mah penpan mihing tampi a um mi hempoh te dok un.
\v 21 Thazang ngilnak a nei mi ngalkap te thihnak ngam sung pen a ngualcam te tuah otpih dun haw tuk. A muhte vang hawh haw zo. Nam tuah thi in vunlek talhnak a co ngawl hang lum in um haw hi.
\p
\v 22 Mahmi umnak mun ah Assyria le a mihing tampi te vang um haw. A muhte cu nam tuah thi in lum in, a elkim umnak mun pen a mun khan mual nei haw hi.
\v 23 Mahmi khan mual cu kua bul elah tiang in kumpi khan mual pen a elkim ah kil in um haw. A nung mitei umnak mun pen midang te a lau tik thei mipa hi naven, mah a um mi hempoh nam tuah thi in lum haw hi.
\p
\v 24 Mahmi umnak sungah Elam le a ma khan mual a elkim pen a mihing tampi te cu nam tuah thi in lum haw hi. A nung mitei umnak mun pen midang te lau tik thei na ven, vun lek talhnak a co ngawl miphun a hih hang leinuai umnak mun ah hawh in, leikua sungah a hawh tute tuah mualpho in a thi mite tuah um haw hi.
\v 25 A venghawng hihbu in a muhtei khan mual kua elkim ah um haw hi. A venghawng, vun lek talhnak a co ngawl miphun a hih hang nam tuah that haw. A nung mitei umnak pen midang te lau tik thei naven, leikua sungah a hawh tu te cu mualpho in a thi mite tuah um haw tuk hi.
\p
\v 26 Mahmi umnak ah a um mi hempoh te tuah Meshech vang um hi. Tubal vang um hi. Khan mual elkim ah um haw hi. A nung mitei umnak mun pen midang lau tik thei naven, a venghawng vunlek talhnak a co ngawl miphun a hih hang nam tuah thi haw hi.
\v 27 A muhte cu tang laih huncan lum in a thi mi, vun lek talhnak a co ngawl mi U pa te tuah hihbu in um haw tuk hima maw? Mahmi Upa te cu a nung mitei umnak munpen Upa te lau tik thei naven, ngaldo nak hiamnam keng in thihnak ngam sungah hawh in a nam cu a lu nuai ah koih in, a muhtei nguh hum ah a muhtei sual cu koih in um haw hi.
\v 28 Nangmah vang vun lek talhnak a co ngawl miphun tei mai pen ek in nam hang a thi mite tuah lum in um tuk ci.
\p
\v 29 Mahmi umnak mun ah Edom vang um hi. Edom kumpi le bawi Upa te cu a muhtei huham keng in, nam hang a thi mite tuah um in vunlek talhnak a co ngawl miphun, leikua sungah a hawh tute tuah hihbu haw tuk hi.
\p
\v 30 Mahmi umnak mun ah saklam ngam kumpi, Sidon kumpi hempoh um haw hi. A huham cu mualpho launak hang a thi mite tuah hawh haw zo. Nam hang a thi mite tuah vun lek talhnak co ngawl miphun a hih hang hihbu haw hi. Leikua sungah a hawh mite tuah mualpho in um haw.
\p
\v 31 Pharaoh kumpi in mahmi mihing te mu in nam hang a thi mi a miphun hempoh te tuah a thinkham nak kiam in, Pharaoh kumpi le a ngalkap bawi hempoh te nem haw tuk hitin, Topa Pathian in thupia hi.
\v 32 A nung mitei umnak mun ah a mah cu midang te a lau theihnak thu keiman pia naven, Pharaoh kumpi le a mihing hempoh nam hang a thi mite tuah vun lek talhnak a co ngawl miphun tei maipen lum in thi haw tuk hitin, Topa Pathian in thu pia hi.
\s Ngalvil tu Ezekial
\c 33
\p
\v 1 Mah cengten Pathian awnkam thu ka nelah heng in,
\v 2 Mi capa aw, na miphun pih tei lakah phuang in na hilh tuk mi thu cu keiman ngam pakhat ah nam haksat nak ka hen tik ten, ngamsung miphun ten ngam sung mihing pakhat cu la in ngalvil tuk a koih cengten,
\v 3 Mah mipan nam haksat nak mu lemle tum in ngallin nak pia naven,
\v 4 Mihing pakhat in lemle tum aw za napi in sumsial nak nei ma, nam haksat nak heng in a nunnak a bo tale a man a nunnak a bo mi sual cu a mah loli in thuak tuk hi.
\v 5 Lemle tumnak aw za in a sumsial ngawl hang, a nunnak a bo mi sual cu a man thuak tuk hi. Sumsial nak a nei tupa cu a nunnak pan tuk hi.
\p
\v 6 Mah ahima tale ngalvil koih mipa cu nam haksat nak mu napi in lemle tum ngawl, ngam sung miphun te ngallin nak a piak ngawl hang, nam haksat nak cu heng in mihing pakhat a nunnak a bo tale a mah cu a sualnak hang a nunnak bo naven, a nunnak cu ngalvil tupai nelah keiman ngen tung.
\p
\v 7 Mah bang bok mi capa aw, nangmah cu Isarel miphun sungah ngalvil tik tuk in ka piak hang, nangman ka awnkam thungai in a muhte ngallin nak pia tuk ci.
\v 8 Keiman mipha ngawl cu mipha ngawl pa aw, a thungai in nangmah thi tuk hitin hilh mi mipha ngawl pa cu a lamzin pen pial tik tuk in, nangman ngallin nak na pia ma tale mah mipha ngawl pa cu a sualnak hang a nunnak bo tuk hi. Mah hang, a nunnak cu na nelah keiman ngen tung.
\v 9 Mah ahima tale mipha ngawl pa cu a lamzin pen pial tik tuk in nangman ngallin nak pia in a man lamzin pial ngawl in a um tale a sualnak hang, a nunnak a bo ta vang nangman a nunnak pan zo ci.
\p
\v 10 Mah a hih hang mi capa aw, Isarel miphun tei lakah na hilh tuk mi cu kohten mai sual bawl mi sualnak thuak hang thakiam in, itihbang nung thei tuk hum tin nohten na son uh ta vang,
\v 11 Topa Pathian thupiak mi cu ka nunnak bang mipha ngawl pan thihnak a thuak cu ka deih mi hima hi. Mipha ngawl pa cu a pha ngawl mi lamzin pen pial in, a nunnak tuk thu bek ka deih mi hi. Isarel miphun te aw, nang muhtei zui mi a pha ngawl lamzin pen pial un. Pial un. Ita thi nuam uh cim?
\v 12 Mah hang mi capa aw, na miphun pih tei lakah na hilh tuk mi cu midik cang pan thukam a pelh tale a masa a dikcang nak thu in a mah pan tuk ma hi. Mipha ngawl pan phat ngawl nak thu a pial tale a masa a sual mi thu hang siatnak ah heng tuk ma hi. Midik cang pan a sual bawl mi ni in a nunnak thu um ma hi.
\v 13 Midik cang pa cu a thungai in nung tuk hitin ka hilh ta vang, a man a dikcang nak muang in sualnak a bawl tale a masa dikcang nak thu pakhat no hei phawk tuk ma hi. A bawl khak mi sualnak hang thihnak thuak tuk hi.
\v 14 Mah cengten mipha ngawl pa cu nangman a thungai in thi tuk ci tin ka hilh ta vang, a man sualnak pen pial in a man a dik mi thu bawl in,
\v 15 A neihnak khawl ma, lonsak mi neihnak pia leh sualnak bawl ngawl in nunnak dan thukham lamzin ah zui tale thihnak thuak ngawl in a thungai in nung tuk hi.
\v 16 A bawl mi sual pakhat no hei a ma nelah koih ma hi. A man a dik mi thu bawl hang a thungai in nung tuk hi.
\p
\v 17 Mah naven, na miphun pih ten Pathian thukhen nak dik ma hitin a son haw hang, a muhtei thukhen cu a dik ngawl mi hi.
\v 18 Midik cang pan a dikcang nak zam san in sualnak a bawl kha pang tale mahmi sual a bawl hang thihnak thuak tuk hi.
\v 19 Mipha ngawl pan a bawl mi sual cu pial in a man a dik mi thu a bawl tale mahmi thu hang nung tuk hi.
\v 20 Mah naven nohten Pathian thukhen nak cu dikma hitin son zo uh ci. Isarel miphun te aw, nang muhtei bawl mi bang keiman thukhen tung hitin, thupia hi.
\s Jerusalem a caknak tuk thu a hilhcian nak
\p
\v 21 A mat mi kum heinih kum, ha sawm ha, ni nga ni in Jerusalem khuapi pen tai in luatnak a co tu pakhat ka nelah heng in khuapi cu siatsuah zo ing hitin, thuthang hilh hi.
\v 22 A mah a hen laih ngawl in zan huncan penpan a heng mi zinglam huncan tian Pathian khut cu ka hum ah koih in ka mukkam a honsak hang, kei cu awn ngawl in um mi huncan a val in phuang ing.
\p
\v 23 Mah ten Pathian awnkam thu ka nel ah heng in,
\v 24 Mi capa aw, a sia mi Isarel ngam sungah a tang miten Abraham cu mihing pakhat hi naven hi ngam lo co hi. Ohten tampi in hung hi. Eimuhtei lo co tuk pia zo hitin son haw naven,
\v 25 Topa Pathian thupiak na hilh tuk mi cu nohten thisan tuah sa ei, zuk milim bia in mihing nunnak vang that napi in hi ngam cu co tuk uh cim maw?
\v 26 Nam cu bel a nawngkai mi thu bawl in, inn nelpih tei nupi sual pih napi in hi ngam cu co tuk uh cim maw?
\v 27 Mah cengten, Topa Pathian thupiak na hilh leh tuk mi ka nunnak bang siatsuah mi umnak ah a um tute cu nam tuah lum in thi haw tuk hi. Munlawn sungah a um tute keiman sahang nelah ap in pet tik tung. Innpi kua sungah a um tute cu pulhnat a lawn thei mi tuah thi haw tuk hi.
\v 28 Ngam sung hempoh ka siatsuah hang a minthan ngilnak bo a kuamah hawh tuk ngawl in, Isarel mual te mi thawmveng in um haw tuk hi.
\v 29 Ngam sung miphun ten a bawl mi a nawngkai thu hempoh hang, mahmi ngam ka siatsuah ten Pathian ka hihnak thu a mun thei haw tuk.
\p
\v 30 Mah bek sial ngawl mi capa aw, na miphun pih ten ohte hawh tuk hung. Pathian in itihbang in thuphuan pia hum tihmi thu za tuk hung hitin pang bul, inn kongka pi bul pen nangmah camcawh in pakhat le pakhat son thei haw hi.
\v 31 Ka mihing te bang na nelah hung in, ka mihing bang na mai ah khung in na awnkam thu a za ta vang a thungai ngawl in um haw hi. Ih huai zet mi sialsiah nak kam tuah hilh naven thinlung cu leihum neihnak ngaisung in um hi.
\v 32 Na awnkam thu cu phazet tum in a zaknop mi aw tuah a dim mipai sak mi deihawh huai la bang, a muhtei sungah a cang in a mun za haw naven ngai thei haw ma hi.
\v 33 Mah hang thu heng tuk hi. Thu a hen ten a mun kamsang a neih awng nak thu a mun thei haw tuk hitin, thupia hi.
\s Tuukhal tute le tuu te
\c 34
\p
\v 1 Mah cengten Topa Pathian awnkam thu ka nelah heng in,
\v 2 Mi capa aw, nang cu Isarel miphun tuukhal tutei a langlam pen kamsang bawl thuphuang in, tuukhal tutei lakah Topa Pathian thupiak mi awnkam na hilh tuk mi mah le mah a cawm tu Isarel miphun tuukhal tute cu thupha um ma hi. Tuukhal tu in tuu te cawm ma hi.
\v 3 Nohten tuu nawi tui in uh ci. Tuu mul silh uh ci. A thau mi tuu te vang that uh ci. Mah naven tuu te cawm ma hi.
\v 4 Thanem mi tuu bawm haw ma hi. A na mi tuu te si tuah tuamlawm haw ma hi. A nguh ek mi tuu cu puan tuah ken haw ma hi. Midang tei hawlvawk mi tuu hil in pui haw ma hi. A pai mi tuu zei haw ma hi. Nehsiah nak tuah hangzet thukhen haw zo.
\v 5 Khal tu a um ngawl hang tuu te tham kek haw tuk hi. Thamkek in a um ten ngam sung sahang hempoh tei an eih tuk in cang haw hi.
\v 6 Ka tuu ten mual te, a sang mi mual hum pen lum in leihum ngam hempoh ah khenkek tham in a um hang a kuamah in zei haw ma hi.
\p
\v 7 Mah hang ngualcam tuukhal te aw, Pathian thupiak mi cu ngai un.
\v 8 Topa Pathian thupiak mi ka nunnak bang tuukhal tu um ma hi. A kua a bang tuukhal tu hei in ka tuu zei ma, tuukhal tuten ka tuu te cawm ma, a mah le mah bek a cawm hang ka tuu te cuhdun nak mun, ngam sung sahang an eih tuk a hih hang,
\v 9 Tuukhal tu ngualcam te aw, Pathian thupiak mi ngai un.
\v 10 Topa Pathian thupiak mi kei cu tuukhal tutei a langlam ah um ing. Ka tuu te cu a muhtei sung pen keiman ngen in tuukhal hihnak pen laksak tung. Tuukhal tuten a mun a mah le mah cawm leh haw tuk ma toh hi. Ka tuu te cu a muhtei kam pen keiman laksak in tunung ten pet leh tuk ma toh hi.
\p
\v 11 Topa Pathian thupiak mi cu keimah lo li zui in ka tuu te zei tung.
\v 12 A thamkek in a um mi a tuu tei lakpen tuukhal tu a hen ten zuamnak tuah a zeih bang, keiman ka tuu te zuamnak tuah zei tung. Meingo uap in khuathim ni ten a muhte thamkek in a umnak munpen keiman pui tung.
\v 13 Ngam hempoh pen sam in a hulop khawm tik cengten, a muhtei umnak ngam ah kuat tuk hi. Isarel mual hum hempoh ngun tuipi bulah a um mi umnak mun pen cawm tuk hi.
\v 14 A pha mi hampa dawn umnak mun pen cawm tung. A sang mi Isarel mual hum pen a muhtei huan um tuk hi. A muhte cu Isarel mual hum pen a pha mi huan sungah zau in hampa dawn tampi umnak mun pen an ei haw tuk.
\v 15 Keiman ka tuu te cawm tung. A zaunak vang keiman pia tung.
\v 16 A pai mi tuu te cu keiman zei tung. Midang tei hawlvawk mi tuu cu hil in pui tung. A nguh ek mi tuu te puan tuah tuam tung. Thanem mi tuu bawm tung. Thau in ngilnak a nei mi tuu cu dan thu bang cawm in that tung hitin, Topa Pathian in thupia hi.
\p
\v 17 Topa Pathian thupiak mi ka tuu te aw, nganhing phunkim te hei hihen, tuu cang le kelcang te hei hihen, keiman khen tung.
\v 18 Nohten a pha mi hampa dawn umnak mun pen an eih bek sial ngawl, a tang mi hampa kung te a palnak cu a dan kel mi thu hitin ngaisung uh cim maw? A thiang mi tui a in bek sial ngawl a tang mi tui cu ke tuah a bal tik mi cu a dankel thu hitin ngaisung uh cim maw?
\v 19 Na pal uh mi hampa kung hei hihen, ke tuah bal tik mi tui hei hihen, ka tuu ten ei haw tuk maw?
\p
\v 20 Mah hang Topa Pathian thupiak mi cu a thau mi nganhing te le a ngawm mi nganhing te cu keiman khensak tung.
\v 21 Nohten thanem a nei mi tuu te mun hempoh ah thamkek tik tuk in a ko a langlam pen nawk lo ki tuah a sik ten,
\v 22 Keiman ka tuu te pat hang, a mun tunung ten lonsak leh haw tuk ma hi. Nganhing hempoh te vang keiman khensak tung.
\v 23 Tuukhal tu pakhat keiman koih in a man cawm tuk hi. Ka sila David in a muhte cawm in tuukhal tuk hi.
\v 24 Keimah Pathian cu a muhtei Pathian hi tung. Ka sila David vang a muhtei kumpi in cang tuk hi. Keimah Pathian in hilh zo ing.
\p
\v 25 A muhte tuah daihnak thukhaam ka bawl hang, a pha ngawl mi sahang te cu mahmi ngam sung pen that tung. A muhte cu munlawn ah daihnak tuah um in ngam sungah hihbu haw tuk hi.
\v 26 A muhte hei hihen, ka mual elkim ah a um mi umnak te hei hihen, keiman thupha pia in huncan a kim ten nguah a zuk tik hang thupha nguah zu tuk hi.
\v 27 Ngam sung thingkung te a ngah ngah tuk hi. Leipi in ankung a ngui ngah pia tuk hi. Ngam sung miphun te dai no in um haw tuk. A muhtei kolhak puak mi khau cu keiman sat tawng in nehsiah nak tuah a tik tutei khut sung pen a pat ten, Pathian ka hihnak thu thei haw tuk hi.
\v 28 Ngam dang miphun ten cuhdun in long leh haw tuk ma toh hi. Ngam sung mite sahang in pet in ei leh tuk ma toh hi. A kuamah lau tik ngawl mihing te dai den no in um haw tuk hi.
\v 29 Minthan nak a nei mi huan vang a muhtei ca keiman bawl tung. Ngam sungah ningkial pam tung nak thuak leh haw tuk ma toh hi. Ngam dang miphun tei mawhsiat nak vang thuak leh haw tuk ma toh hi.
\v 30 A muhtei Pathian, keimah Pathian cu a muhte tuah umnak thu hei hihen, Isarel miphun a himi a muhte cu ka miphun a hihnak thu hei hihen, thei haw tuk hitin Topa Pathian in thupia hi.
\v 31 Hampa dawn umnak mun ah a um ka tuu te aw, nohte cu mihing hi uh ci. Kei cu nang muhtei Pathian ing hitin, Topa Pathian in thupia hi.
\s Edom ngam kamsang bawlnak
\c 35
\p
\v 1 Mah cengten Pathian awnkam thu ka nelah heng in,
\v 2 Mi capa aw, nang cu Seir mual hum a langlam hek kamsang bawl in Topa Pathian thupiak na hilh tuk mi cu,
\v 3 Seir mual aw, nang langlam ah keimah um ing. Nangman kei cu do in that tuk ci.
\v 4 Na khuapi te ka siatsuah ten, nang cu mi thawmveng umnak cang in Pathian ka hihnak thu thei tuk ci.
\v 5 Nangman a cat ngawl ngaldo nak bawl in Isarel mihphun sung pen haksat nak a heng mi huncan, sualnak hang thuak mi huncan a bo ten a muhtei nunnak cu nam tuah a thah ten,
\v 6 Topa Pathian thupiak mi ka nunnak bang thah nak thu cu na nelah keiman ka bawl hang, mahmi thu in nangmah zui tuk hi. Mihing nun thahnak thu cu huatnak na neih ngawl hang, mahmi thu cu nangman zui tuk ci.
\v 7 Mah tihcun Seir mual cu ka siatsuah ten a suak tul mipa, a pin kik leh mite cu keiman that tung.
\v 8 Na mual te vang na ngalkap tei a thi mi luang te tuah dim tik tung. Na umnak mual, huakluam, ngun tuipi bul pen nam tuah thah nak a co tute um haw tuk hi.
\v 9 Nangmah a cat ngawl siatsuah tuk hang, na khuapi sung hempoh ah a kua mah um tuk ma hi. Pathian ka hihnak thu thei tuk ci.
\p
\v 10 Nangman, hi ngam panih cu kohten long in nei tuk ung hitin, mahmi ngam sungah Pathian um napi in tihmi a son khak hang,
\v 11 Topa Pathian thupiak nunnak ka neih mi bang, nangman a muhte do in thinuuk nak, sonsiat nak thinlung sosuah nak bang na nelah keiman bawl tung. Nangmah thu a khen ten a muhtei sungah keimah lang tung.
\v 12 Nangman Isarel mual te siatsuah in kei muhtei an eih tuk mi hitin, mawhsiat nak awnkam a son mi thu hempoh keimah Pathian in ka zaaknak thu nangman thei tuk ci.
\v 13 Mah tihcun nang cu ka langlam pen tuangkhon nak tuah son khak mi awnkam thu hempoh keiman za zo ing hitin, thupia hi.
\p
\v 14 Topa Pathian thupiak mi ngam bup pi lungdam thatui ten nangmah cu keiman siatsuah tung.
\v 15 Isarel miphun tei lo co mi lei ngam a siatnak thu cu na lungdam hang, mah bangbok in na nelah keiman bawl tung. Seir mual aw, nangmah le Edom ngam a venghawng siatsuah ten Pathian ka hihnak thu thei haw tuk hitin, thupia hi.
\s Isarel mual tei lakah kamsang a bawlnak
\c 36
\p
\v 1 Mah cengten mi capa aw, Isarel mual tei lakah kamsang bawl in na hilh tuk mi cu Isarel mual te aw, Pathian thupiak mi ngai un.
\v 2 Topa Pathian thupiak mi cu ngal ten eh heu, kumkhua mual ten kei muhtei khut sungah heng zo hitin nang muhtei a langlam pen a sonkhak hang,
\v 3 Kamsang bawl in Topa Pathian thupiak na hilh tuk mi cu nohten a tang mi ngam dang miphun laksak nak mun cang tuk tian nang muhte siatsuah in a elkim a pet theih hang in hihen, nang muhte mihing tampi ten son nak tuk mun mawhsiat nak hang in hihen,
\v 4 Isarel mual te aw, Topa Pathian thupiak mi cu ngai un. Topa Pathian in mualpi, mualneu, ngun tuipi luannak mun, huakluam umnak mun, a siatsuah mi munlawn pen pan in a elkim ah a um mi ngam dang miphun a tang mite long in a mawhsiat hang, khuapi mihing tei zam san mi khuapi tei lakah thupiak mi cu,
\v 5 A thungai in hi ngam cu cuhdun zam thong tuk in lungdam nak thinlung tuah huatnak thinlung nei in, a mah loli cuhdun in thukhen tuk mi Edom miphun hempoh te le a tang mi ngam dang miphun tei a langlam pen ka thinuuk nak mei suak in hilh zo.
\v 6 Mah hang Isarel ngam camcawh in kamsang bawl mi mualpi, mualneu, ngun tui luannak mun, huakluam umnak te Topa Pathian thupiak na hilh tuk mi thu cu nohten ngam dang miphun tei mawhsiat nak na thuak hang, ka thinuuk suak in hilh zo ing.
\v 7 Topa Pathian thupiak mi cu a thungai in nang muhtei elah a um mi ngam dang miphun te zahcak mualpho nak thuak haw tuk hitin, keiman thukam zo ing.
\p
\v 8 Isarel mual te aw, nohte cu thingkung po in ka mihing Isarel miphun ca in a ngah cu ngah zo uh ci. Nang muhtei pin nak tuk hun nai zo.
\v 9 Kei cu nang muhtei lamah um in, nang muhtei umnak ah kik leh in nang muhtei hum ah lo bawl in anci vawh tung.
\v 10 Nang muhtei hum ah mihing tampi tih mi Isarel miphun hempoh te keiman pungzai tik hang, a mun khuapi sungah um in siatsuah mi hempoh te lemleh haw tuk hi.
\v 11 Nang muhtei hum ah mihing le nganhing te pungzai tik in tu le canawn a cat ngawl in um haw tuk hi. A muhtei umnak mun kelah umnak keiman koih in, a masa a bawl mi bang keiman bawl tung. Pathian ka hihnak thu a mun thei haw tuk hi.
\v 12 Nang muhtei hum ah mihing tampi ka miphun Isarel te a hawh nak tuk thu keiman bawl tung. A mun nang muhte long in lo a co ten, nang muhtei hang capa te thi leh haw tuk ma toh hi.
\v 13 Topa Pathian thupiak mi ka ngual cam aw, nang cu miphun te pet thei ci. A miphun pih te long in, siatsuah thei ci tin mihing pakhat son hang,
\v 14 Mah cengten nangman miphun te ei leh ma zo. Na miphun sung pen longdun in siatsuah nak bawl pah sin hitin, Topa Pathian in thupia hi.
\v 15 Mah cengten ngam hempoh ah mawsiat nak awnkam za leh tuk ma toh ci. Mah cengten na miphun sungah longdun siatsuah nak bawl pah sin hitin, Topa Pathian in thupia hi.
\p
\v 16 Mah cengten Pathian awnkam thu ka nelah a heng mi cu,
\v 17 Mi capa aw, Isarel miphun ten a ngam ah a um ten a ma thu ngamtat huaihek nak hang, mahmi ngam cu bal tik haw hi. A muhtei nuncan dan cu ka mai pen thi nei mi numei a bal bang hi.
\v 18 Mahmi ngam sungah mihing thah nak sual, zuk milim le a bal mi sualnak hang ka thinuuk nak cu buak zo ing.
\v 19 Ngam hempoh ah keiman khenkek tik zo ing. A muhtei huaihek ngamtat nak bang keiman thukhen zo ing.
\v 20 Mah hang ngam dang miphun tei lakah hen ten, hi miphun te cu Pathian miphun te haw hi. A ngam haw pen suak tul haw zo hitin midang te son in ka min sunglawi a zawt dem hang,
\v 21 Isarel miphun hen nak mun, ngam dang miphun hempoh tei hennak mun pen a zawt dem mi ka min sunglawi cu keiman sahelh ing.
\p
\v 22 Mah hang, Topa Pathian thupiak mi Isarel miphun tei lakah na hilh tuk mi thu cu Isarel miphun aw, nang muhte suang in hi thu ka bawl mi hima hi. Nang muhtei hennak miphun hempoh tei mai pen zawt dem nak a co mi ka min sunglawi bek zo in bawl ing.
\v 23 Ngam dang miphun tei a laizang pen nang muhtei zawt demnak a co mi ka min cu keiman khaisang tung hi. A muhtei mai pen nang muhtei hang kei cu khaisan nak ah hen ten, Pathian ka hihnak thu cu a mun thei haw tuk hitin, Topa Pathian in thupia hi.
\v 24 Itahum titale, nang muhte ngam hempoh pen keiman sam in hulop tik cengten, nang muhtei umnak mun ngam kel ah keiman pui tung.
\v 25 Nang muhtei hum ah a thiangtho mi tui a theh hang, nang muhtei a bal mi hempoh pen pan in zuk milim hempoh thiangtho tik tuk hi.
\v 26 Thinlung thak keiman pia tung. Lungmu thak koih tung. Nang muhtei taksa sung pen suang thinlung cu laksak in a nem mi taksa lungmu pia tung.
\v 27 Ka hawvang cu nang muhtei sungah ka piak hang, nohten ka dan thukham lamzin ah zui in ka bawl mi dan thu te cingkem tuk uh ci.
\v 28 Pu le pa tei lakah ka piak mi ngam sungah nang muhte um in ka miphun in cang tuk uh ci. Keimah vang nang muhtei Pathian in cang tung.
\v 29 Nohten a bal a um mi hempoh pen keiman luat tik tung. Ningkial pam tung haksat nak te vawk in, cang te cu thucah in tampi nei tik tung.
\v 30 Nang muhtei ningkial hang ngam dang miphun tei mawhsiat nak pen luat tuk in, thingkung a ngah le lei pen ankung ngah a ngui te keiman tampi pung tik tung.
\v 31 Mah ten nang muhtei ngamtat awng mi nuncan ziaza a pha ngawl hempoh phawk in na bawl mi sual, a nawngkai mi sualnak te hang, nangmuh le nangmuh in hua tuk uh ci.
\p
\v 32 Nang muhte zo in hi thu cu keiman bawl tuk ma hitin, ngaisung ta un. Isarel miphun aw, na bawl mi sual hang zakza amthong thungai sungin um ta un hitin, Topa Pathian in thupia hi.
\v 33 Topa Pathian thupiak mi cu nohtei sualnak hempoh ka siatsuah ten, khuapi sungah mihing um tik in a sia mi umnak mun te lemleh haw tuk hi.
\v 34 A hawh tu hempoh tei mai pen a vawk mi lei ngam pen lo bawl leh haw tuk hi.
\v 35 Mah ten mi dang ten a masa vawk mi hi lei ngam cu Eden huan bang cang zo hi. Siatsuah mi khuapi te vang kho in khuapi miphun te tuah dim haw tuk hitin, son haw tuk hi.
\v 36 Mah ten siatsuah a co mi mun hempoh te keimah Pathian lepleh nak thu hei hihen, nang muhtei elkim ah a um ngam dang miphun ten thei haw tuk hi. Keimah Pathian hilh mi bang bawl tuk hi.
\p
\v 37 Topa Pathian thupiak mi cu Isarel miphun ca hi thu ka bawlnak tuk thu a mun keimah hehpih kun haw tuk. Tuu hon tampi bang mahmi miphun pih te tampi pung tik tuk hi.
\v 38 Siatsuah mi khuapi te a thiangtho tuu hon tih mi a thaingtho puai huncan ten Jerusalem tuu hon bang, mihon pi te tuah dim in Pathian ka hihnak thu thei haw tuk hitin, thupia hi.
\s Nguh ko te tuah a dim mi huakluam
\c 37
\p
\v 1 Mah cengten Pathian khut cu ka hum ah um in hawvang tuah a pawlam ah pui in nguh tuah a dim mi hawkluam a laizang ah a koih cengten,
\v 2 Mahmi nguhtei a elkim ah hawh tik hi. Mahmi hawkluam mai pen nguh tampi a um hang, nguh te cu ko zet haw zo.
\v 3 Pathian in mi capa aw, hi nguh te nung thei haw maw tin a dot ten keiman Topa Pathian aw, nangman thei ci tin, don leh ing.
\v 4 Pathian in, hi nguh tei hum ah kamsang bawl in na hilh tuk mi thu cu a ko mi nguh te aw, Pathian thupiak cu ngai un.
\v 5 Hi a ko mi nguh tei lakah Topa Pathian thupiak mi cu keiman nang muhtei sungah nunnak pia in nohte cu nung tuk uh ci.
\v 6 Nang muhtei hum ah thangui te keiman koih in taksa te vang um tik tung. Vun tuah khuh in nunnak a piak hang, Pathian ka hihnak thu thei haw tuk hitin,
\v 7 A thucah mi bang keiman kamsang bawl ing. Kamsang ka bawl laih tak aw nging in phia thei hi. Nguh te cu pakhat bulah pakhat nung pakhat in nek haw hi.
\v 8 Ka zoh laih tak thangui te lang in taksa vang kai hi. Vun tuah in khuh hi. Mah naven a nunnak um ma laih hi.
\v 9 Pathian in mi capa aw, huih nelah kamsang bawl in. Topa Pathian thupiak huih nelah na hilh tuk mi thu cu huih aw, umnak mun li pen hung in hi a thisa te nung tukin a muhtei humah sem in hitin,
\v 10 A thucah mi bang keiman kamsang bawl in huih cu a muhtei sungah a luh tum ten, a muhte cu a nung mi ngalkap tampi cang in ding haw hi.
\p
\v 11 Pathian in mi capa aw, hi nguh te cu Isarel miphun hempoh te hi. Kohtei nguh te cu ko zo hi. Muansan tuk um ma hi. Kohte cu sung zo ung hitin, a mun son thei haw.
\v 12 Mah hang kamsang bawl tale Topa Pathian thupiak mi a muhtei lakah hilh tuk thu cu ka miphun ngualcam te aw, nohtei than khuk te keiman hong in nang muhte suah tul cengten Isarel ngam ah pui tung.
\v 13 Ka miphun ngualcam te aw, nang muhtei thankhuk te keiman hong in nohte ka suah tul cengten,
\v 14 Nung tik tuk in keiman ka nunnak ka piak hang, nang muhte na umnak ngam kelah um in Pathian ka hihnak thu cu nohten thei tuk uh ci. Keimah Pathian hilh mi bang cangkim nak thu vang thei haw tuk hitin, Pathian in thupia hi.
\p
\v 15 Mah cengten Pathian awnkam thu ka nelah heng in,
\s Miphun pakhat bek, kumpi pakhat bek
\v 16 Mi capa aw, ngolhkang pakhat la in Judah miphun le a ngualcam Isarel miphun tei ca hitin, ngan in. Mah cengten ngolhkang pakhat la leh in Josep miphun le a ngualcam Isarel miphun tei ca Ephraim ngolhkang hitin, ngan in.
\v 17 Mahmi ngolhkang panih cu pakhat bek cang tik tuk in a peh tuah ten, mahmi pakhat bek ngolkang cu ngolkang bang khut ah keng in.
\v 18 Na miphun pih ten mah tihcun bawl ta vang ai a tihnop nak hum tih mi cu kei muhtei lakah hilh tuk kul ma maw tin a dot ten,
\v 19 Topa Pathian thupiak a muhtei lakah hilh tuk mi cu Ephraim ken mi Josep ngolkang le a ngualcam Isarel miphun hinnam te keiman la in Judah ngolh tuah bang ve in a peh cengten, pakhat a himi ngolkang cu ka khut ah keng tung hitin tiin,
\v 20 Na ngat mi ngolkang cu a muhtei mai pen khut ah len in um hi.
\p
\v 21 Topa Pathian thupiak na hilh tuk mi cu Isarel miphun tei hen mi ngam dang miphun tei umnak mun pen, a muhte keiman sam in hulop tik cengten a muhtei umnak mun ngam kel ah pui tung.
\v 22 Mahmi ngam sung Isarel mual hempoh hum ah miphun pakhat bek cang tikin kumpi pakhat bek in a muhte uk tuk hi. Mah cengten a muhte cu miphun panih in cang leh tuk ma toh hi. Kumsial in ngam panih in khen leh tuk ma toh hi.
\v 23 Mah cengten a muhtei zuk milim te, a nawngkai mi thu te, sual palcat nak thu te tuah a mah cu bal tik haw tuk ma hi. A muhtei bawl sualnak hempoh pen keiman pan in thiangtho tik tung. A muhte cu ka miphun in cang haw tuk. Keimah vang a muhtei Pathian hi tung.
\p
\v 24 Ka sila David cu a muhtei kumpi a hih hang, a mu venghawng tuukhal tu pakhat bek nei haw hi. Ka bawl mi dan thukham lamzin ah zui in cingkem haw tuk.
\v 25 Ka sila Jakop nelah ka piak hang nohtei pu le pa tei um awng nak ngam sung pen a muhte le a tu le canawn ten um haw tuk hi. Ka sila David in a muhte cu a cat ngawlin uk tuk hi.
\v 26 Mah bek sial ngawl a muhtei pawlkom nak thukhaam keiman bawl in, mahmi thukhaam cu kumkhua thukhaam in cang tuk hi. A muhte a um hang tampi pung tik tung. Ka umnak mun thiangtho cu a muhtei a laizang ah a cat ngawl kho tik tung.
\v 27 Ka biakinn cu a muhtei sungah um in kei cu a muhtei Pathian hi tung. A muhte vang ka miphun in cang haw tuk.
\v 28 Mah tihcun ka umnak mun thiangtho cu a muhtei laizang ah a cat ngawl a um ten keimah Pathian in Isarel miphun cu thiangtho tik hitin, ngam dang miphun ten thei haw tuk hitin, thupia hi. Gog kumpi nelah kamsang bawlnak.
\c 38
\p
\v 1 Mah cengten Pathian awnkam thu ka nelah heng in,
\v 2 Mi capa aw, Meshech ngam, Tubal ngam uktu Magog ngam miphun, Gog kumpi a langlam pen mitmai hek kamsang bawl in,
\v 3 Topa Pathian thupiak na hilh tuk mi cu Meshech, Tubal ngam te uktu Gog kumpi aw, na langlam ah keimah um ing.
\v 4 Nangmah cu keiman pin leh tik tung. Na biang nguh cu thik kawizang tuah a sio cengten, nangmah pen pan a lamdang mi ngalhiam nam phunkim a keng tu, lumphaw keng in nam a keng tu mihing tampi te le cipuh te, cipuh khung ngalkap bawi hempoh keiman pui tung.
\v 5 Lumphaw keng in thik lukhu a khu tu Persia miphun, Ethopia miphun, Put miphun,
\v 6 Gomer le a ngalkap te, saklam ngam pen Togarmah miphun le a ngalkap tampi ten nangmah tuah zui haw tuk hi.
\p
\v 7 Na nelah hulawm mi mihing tampi te tuah nangmah le nangmah bawl in hi, bawl in hi. A muhte ngak in um in.
\v 8 Huncan ngeipi a bo cengten na uknak thu um tuk hi. Nam haksat nak pen luat in miphun hempoh sung pen lak tuk miphun, huncan ngeipi mi thawmveng a um Isarel mual hum hempoh ah a pui leh mi ngam miphun tei umnak mun cu tunung ten nangman ngaldo in hung tuk ci. Mahmi ngam miphun ten miphun hempoh sung pen pui tu a hih hang, ngam bup pi sungah daihnak a um ten,
\v 9 Nang cu huih theu bang heng in na nelah a um ngalkap hempoh te tuah mahmi ngam cu meingo uap mi bang cang tuk hi.
\p
\v 10 Topa Pathian thupiak mi cu mah ten nangman thu hempoh te phawk in a pha ngawl mi ngaihsut nak ngaisung in,
\v 11 Khua no a tam mi ngam, khuapi khantian um ma, kongka pi kalhnak um ma lau nak thu imah um ngawl, a dai mi ngam miphun tei umnak mun ah keimah hawh in,
\v 12 A muhtei neihnak lon sak tung. A masa mithawm veng in a tuin mihing a um mi umnak hempoh ah hei hihen, miphun hempoh sung pen hulop khawm tik hang, nganhing le neihnak van te a ngah thei hang, ngam laizang a um mi a muhte hei hihen do tung hitin, ngaisung tuk hi.
\v 13 Sheba ngam miphun, Dedan ngam miphun, Tarshish ngam sum bawl te, pawpi la hempoh ten, na neihnak van te laksak tuk hung maw? A neihnak van cu sem in sui le ngun hei hihen, nganhing te le a neihnak van te hei hihen, lon sak tampi siatsuah tuk in a ngualcam te a hulop tik ceng toh a maw tin thu dong haw tuk hi.
\p
\v 14 Mah hang mi capa aw, kamsang bawl in Topa Pathian thupiak mi Gog nelah na hilh tuk mi thu cu ka mihing Isarel miphun te dai den no a um ten nangmah thei in,
\v 15 Cipuh khung tu hempoh thazang ngilnak a nei mi ngalkap hempoh tuah saklam pen heng tuk hi.
\v 16 Ngam pi cu meingo uap bang ka mihing Isarel miphun te kai in do tuk hi. Tunung huncan ten ka ngam a langlam pen nangmah cu keiman pui tuk hima ing maw? Itahum titale Gog aw, miphun hempoh mai pen nangma hang kei cu khaisan nak ah ka hen ten, a mun keimah a theih haw tuk mi thu hi.
\p
\v 17 Topa Pathian thupiak mi cu keiman ngaldo tik tung hitin a bosa hun tang laih pen kamsang bawl mi ka sila Isarel kamsang tei lakah ka thuphuan ten nangmah camcawh in phuang hima maw?
\v 18 Topa Pathian thupiak mi cu mah huncan ten Gog in Isarel ngam a do mi huncan ten, ka thinuuk nak tho in thinuuk suak tuk.
\v 19 A thuangai in mahmi huncan ten Isarel ngam sungah nasezet thinkham nak heng tuk hitin, ka thinuuk nak meialh cu keiman hilh zo ing.
\v 20 Tuipi sung ngasa, vanhum vano, ngamsa le a bop in a vak thei mi ngamsa, leihum ah a um mihing hempoh ka mai pen hing tawtok haw tuk. Mual te vang cim, liangkham sang umnak te cim in, khuapi khan tian nak te vang cim tuk hi.
\v 21 Topa Pathian thupiak mi cu ka mual te mun hempoh a ma langlam pen nam cu keiman thu ka cah ten, mihing tampi te pakhat le pakhat nam tuah sat haw tuk hi.
\v 22 Kei cu pulhnat a lawn thei mi haksat nak, mithah haksat nak hang a mah cu dan tat tung. A mah le a ma sungah a tel mi ngalkap te, mihing tampi tei hum ah a khuh mi tui, a ngengzet mi nial kat tuah tokhel mi mei nguah zu tik tung.
\v 23 Mah tihcun keimah le mah khaisang in U pat tak mi sialsiah nak lak in, Pathian ka hihnak thu cu a mun thei haw tuk hitin, thupia hi.
\c 39
\p
\v 1 Mah hang mi capa aw, Gog a langlam pen kamsang bawl in Topa Pathian thupiak na hilh tuk mi cu Meshech, Tubal ngam te uktu Gog kumpi aw, kei cu nangma a langlam ah um ing.
\v 2 Nangmah cu keiman hek kik in so tung hi. Saklam pen heng in Isarel mualah heng tuk hi.
\v 3 Mah ten na veilam khut pen ceipi hei hihen, taklam khut pen thal hei hihen, keiman vat in cak tik tung.
\v 4 Nangmah le na nelah a um mi ngalkap hempoh Isarel mual hum pen lum in thi haw tuk hi. Nangmah cu vano phun nam kim, sahang ten pet a eih tuk in keiman ap tung.
\v 5 Nangmah cu munlawn pen lum in thi tuk ci. Keiman hilh zo ing hitin, Topa Pathian in thupia hi.
\v 6 Magog ngam le tuipi mawk bulpen daiden no a um mi hempoh tei hum ah mei cu keiman hah in Topa Pathian ka hihnak thu thei haw tuk hi.
\v 7 Mah tihcun ka min sunglawi cu ka miphun Isarel hempoh tei sung pen lang tik tung. Mah cengten a mun ka min sunglawi zawt dem leh haw tuk ma toh hi. Kei cu Isarel miphun tei a thiangtho mi Pathian, Pathian hihnak thu cu ngam dang miphun ten thei haw tuk hitin, thupia hi.
\v 8 Mah cengten Topa Pathian thupiak mi thu buai nak heng zo. Cangkim zo hi. Tuni in ka thupiak ham mi ni hi.
\v 9 Isarel khuapi sungah a um tu hempoh te hawh tul in ngaldo nak hiamnam lumphaw, ceipi, thal, ngolh, thiangkhut te kum salih sung mei ah hal haw tuk hi.
\v 10 Mah huncan ten huan sung pen thingcom ma, ngam lak thing phuk ma, ngaldo nak hiam nam tuah mei lam haw tuk hi. Lon sak mi a muhtei neihnak vang laksak haw tuk hitin, Topa Pathian in thupia hi.
\p
\v 11 Mah huncan ten Isarel ngam, tuipi ting nisuah nak lam, khualzin nak hawkluam pen a lang mi khan mual, Gog cu keiman pia tung. Khual zin tu hemoh ten a nal hup haw tuk hi. Mahmi umnak munah Gog le a mihing hempoh lei sungah phum in, mahmi hawkluam cu Hamon-gog hawkluam tin sam tuk hi.
\v 12 Isarel miphun tei ngam cu thiangtho tik tuk kum salih sung lei sungah phum haw tuk hi.
\v 13 Ngam sung miphun hempoh ten bawm in leisung ah a phum hang ka minthan nak cu mahmi ni in, a muhte vang minthan nak ah heng haw tuk hitin, Topa Pathian in thupia hi.
\v 14 Mun hempoh ah vakvai in a dang ah khualzin nak a nei tuten bawm in, leihum ah a tang laih mithi luang te phum in, mahmi ngam cu thiangtho tik tuk a cat ngawl a cingkem tute teng in pia haw tuk hi. A mun ha salih bek sial ngawl a zeih haw laih tak in,
\v 15 Vak kawkawi khual a zin miten mithi luang nguh te a muhten, lei sungah phum in Hamon-gog huakluam sungah a phum laih ngawl tian a nguh bulah khuam phut haw tuk.
\v 16 Mahmi umnak mun ah a um mi khuapi cu Hamon khuapi tin sam in mah tihcun uknak ngam cu thiangtho tik haw tuk hi.
\p
\v 17 Mi capa aw, Topa Pathian thupiak mi cu vano phunkim te le leihum nganhing hempoh tei lakah na hilh tuk mi thu cu hulawm in hung un. Isarel mual hum hempoh pen nang muhtei ca ka bawl mi biakpiak nak puai pi ah mun hempoh pen hulawm khawm in a taksa le thisan in tuk in hung un.
\v 18 Nohten thazang ngilnak a nei mitei taksa, leihum kumpi tei thisan Bashan ngam pen thau zet tukin cawm mi tuu cang, kel cang, khuicang taksa, thisan cu in haw tuk hi.
\v 19 Nang muhtei ca ka bawl mi biakpiak nak puai ah sathau cu kampek in ei haw tuk hi. Thisan a nguikham tian in haw tuk.
\v 20 Mah tihcun cabuai ah cipuh, cipuh khung ngalkap thazang ngilnak a nei mi ngaldo tu hempoh te khampek in ei haw tuk hitin, Topa Pathian in thupia hi.
\p
\v 21 Ka minthan nak vang ngam dang miphun tei lakpen lang tik in, ka bawl mi dan thu le a muhtei sungah ka koih mi khut cu ngam dang miphun hempoh ten mu haw tuk hi.
\v 22 Kei cu a muhtei Topa Pathian hihnak thu Isarel miphun ten mahmi ni penpan thei haw tuk hi.
\v 23 Isarel miphun ten a miphun sualnak hang mat a co nak thu cu ngam dang miphun ten thei haw tuk hi. Keimah sual a bawl hang keiman mitmai pial in ngal tei khut sungah ka ap ten a venghawg nam tuah lum in thi haw.
\v 24 A muhtei a bal mi sual palcat nak thu hempoh keiman bawl in mitmai pial zo ing.
\p
\v 25 Hi thu sungah Topa Pathian thupiak matnak a co mi Jakop miphun cu keiman pui leh in Isarel miphun hempoh te hehpih nak hang, ka min sunglawi tukin thinlung lian tung hi.
\v 26 A muhte cu miphun hempoh sung pen keiman sam in,
\v 27 Ngal tei umnak ngam pen hulawmkhawm tik in, a mutei hang miphun hempoh mai pen kei cu khaisan nak ah ka hen ten, a muhte a lau tik tu um ma, dai den no a um haw laih in a thuak awng mi mualpho nak le ka nelah a bawl sual mi sual te phawk haw tuk hi.
\v 28 Keiman a muhte ngam dang miphun tei matnak ka thuak tik hang in hihen, a umnak mun ngam kel ah hulawm khawm tik in umnak mun ka koih leh hang in hihen, a muhtei Topa Pathian a hihnak thu cu thei haw tuk hi.
\v 29 Kei man ka hawvang cu Isarel miphun hum ah ka buak ten, a muhtei lakpen pakhat no hei keiman zam san leh tuk ma toh ing. Ka mitmai vang pial leh tuk ma toh ing hitin, Topa Pathian thupia hi.
\s Biakinn thak lei ngam mun
\c 40
\p
\v 1 Kei muhte mat co kum kulluan nga, ha khat ha, ni sawm ni khuapi cu siatsuah kum heili a kim ni in Pathian khut cu ka hum ah a um hang mahmi khuapi ah pui hi.
\v 2 Pathian thuphuan muhnak hang, keimah cu Isarel ngam sungah pui in a sang zet mi mual hum ah koih hi. Mahmi mual bul pen hanglam ah khuapi mel bang um hi.
\v 3 Mahmi umnak mun ah keimah a pui ten dal bang in a zawng a nei mihing pakhat cu tehnak tuk pumpeng tom le nim khau patkhau keng in, khuapi kongka bulah ding hi.
\v 4 Mahmi pan mi capa aw, pha zet zo in. Pha tak zet ngai in. Ka lak mi hempoh te na thinlung sungah khum in. Na nelah ka lak tuk mi nangmah cu hi umnak mun ah pui zo ing. Na muh mi hempoh Isarel miphun lak in hitin, ti hi.
\s Nisuah nak kongka pi pen a pawlam thukhen nak tian
\p
\v 5 Inn a pualam elkim hempoh ah pangup nak khantian um hi. Mahmi pan thik tong tuah a sau lam tong luk a um mi pumpeng tom keng in, mahmi pangup nak khantian cu tehin a sah lam pumpeng khat, a sang lam vang pumpeng khat um hi.
\v 6 Mah cengten nisuah nak lam kongka pi ah hawhin kailawn a kai cengten, kongka le kongka khung cu tehin a vang pumpeng khat ten um hi.
\v 7 A khan no te khan khat le khan khat cu tong nga kang in a sau lam pumpeng pakhat, a vang a zal lam pumpeng pakhat ten um hi.
\v 8 A sunglam kongka khung vang a vang a zal lam pumpeng khat um hi.
\v 9 Kongka pi khuam vang tehin a sau lam tongliat um hi. Khuam a sang lam cu tongnih um hi. Kongkhah cu kongka a sunglam ah um hi.
\v 10 A mai kongka luh tumnak a lang le langah a khan no pathum ten a um hang,
\v 11 Luh tumnak kongka pi vang tehin a vang a zal lam tongsawm, a sanglam tong heithum um hi.
\v 12 A khan no tei mai pen a lang le lang ah suatphah a vang a zal lam tongkhat um hi. A lang le lang ah a um mi a khan no te a sau lam le a zal lam tongluk ten um hi.
\v 13 Mah cengten a khan no a khuh mawk pakhat pen hi pakhat cu tehin a zal lam tong kulluan nga um hi. Luhtum nak kongpi tuah hek dun haw hi.
\v 14 Luhtum nak kongka elkim thukhen nak a sunglam a ning khuam tian, tong sawmluk zal tuk in khuam te koih hi.
\v 15 A pawlam tulnak pen a sunglam kongka khuam a bul tian tong sawmnga um hi.
\v 16 A khan no sung pen a neu tukvelh tampi um hi. A sunglam a elkim khuam te, kongka khuam tei a sunglam pen tukvelh tampi um hi. Khuam tampi sungah sunpalun kung zuk suai um hi.
\s Pawlam thukhen nak
\p
\v 17 Mah cengten keimah cu a pualam inntual ah koih in, a khan te keiman mu ing. Suangphah vang um hi. Suang phah hum ah a khan sawmthum um hi.
\v 18 Luhtum nak kongka bang zui in luh tumnak bulah a um mi suang phah cu a nuai lam suang phah hi.
\v 19 Mah cengten, a nuai a tumnak mai pen a sunglam pangup nak khantian a pawlam tian tehin, nisuah nak lam le saklam pen tong zakhat um hi.
\s Saklam luhtum nak kongka pi
\p
\v 20 Mah cengten saklam ah sam in a pawlam pangup nak khantian saklam ah a hek mi luhtum nak kongka, a sang lam le a zal cu teh ing.
\v 21 A khan te a lang le lang ah khan thum ten um hi. Khuam te, kongka te a masa luhtum nak kongka bang a hih hang, a sau lam tong sawm nga, a vang a zal lam tong sawm nga um hi.
\v 22 Tukvelh, kongka, sunpalun te nisuah nak lam kongka bang hi. Kailawn kalbak salih pen luh tum nak ah kai hi. Kongka te vang kailawn tuah a zawt in um hi.
\v 23 Nisuah nak lam ah a um mi bang saklam luh tumnak a mai hek cu a sunglam pangup khantian luh tumnak kongka bul ah um hi. Luh tumnak kongka pakhat le pakhat cu tong zakhat kang hi.
\s Hanglam luh tumnak kongka pi
\p
\v 24 Mah cengten hanglam ah sam in hanglam kongka pi cu keiman mu ing. Khuam te, kongka pi te tehin, a masa bang a bang ten in um haw hi.
\v 25 A masa tukvelh te bang tukvelh te, kongka te um in a sau lam tong sawmnga, a vang a zal lam tong sawm nga um hi.
\v 26 Kailawn bak salih pen luhtum nak kongka ah kai hi. Kongka pi te kailawn tuah a zawt in um hi. A lang le lang khuam te ah sunpalun zuk um hi.
\v 27 Hanglam a sunglam pangup nak khantian luhtum nak kongka pi um hi. Mahmi a mai pen luhtum nak kongka pi pakhat cu hi pakhat umnak tian teh in tong zakhat kang hi.
\s A sunglam thukhen nak pen luh tumnak kongka pi tian
\p
\v 28 Mah cengten a sunglam pangup khantian nak sungah hanglam a luhtum nak pen tum in, a masa teh mi bang luhtum nak kongka pi teh ing.
\v 29 A khan no te, khuam te, kongka pi te a masa bang a zawt in um hi. Luh tumnak kongka pi elkim ah hei hihen, tukvelh um in a sau lam tong sawmnga, a vang a zal tong kulluannga um hi.
\v 30 Elkim ah a um mi kongka pi te vang a sau lam tong kulluannga, a vang a zal lam tong kulluannga um hi.
\v 31 Kongka pi te cu pangup khantian nak lam ah hekin, khuam hum ah sunpalun zuk um hi. Kailawn kalbak liat pen kai hi.
\p
\v 32 Nisuah nak lam pen a sunglam pangup khantian nak sungah khum in, mahmi luhtum nak cu a masa a teh mi bang teh hi.
\v 33 A khan no te, khuam te, kongka pi te a masa teh mi bang a zawt in um hi. Luhtum nak a bul elkim ah hei hihen, kongka pi sungah hei hihen tukvelh a um hang a sau lam tong sawm, a vang a zal lam tong kulluannga um hi.
\v 34 Kongka pi te cu a pawlam pangup khantian nak lam ah hekin a lang le a lang khuam hum ah sunpalun zuk um hi. Kailawn bak liat pen kai hi.
\p
\v 35 Mah cengten saklam luhtum nak ah sam in, a masa teh mi bang teh ing.
\v 36 A khan no te, khuam te, kongka pi elkim ah tukvelh te tuah a dim a um hang a sau lam tong sawmnga, a vang a zal lam tong sawmnga um hi.
\v 37 Kongka pi te cu a pawlam pangup khantian nak ah a mai hek in, a lang le lang khuam hum pen sunpalun zuk um hi. Kailawn kalbak liat pen kai hi.
\s Biakpiak nak bawl tukin a khan te
\p
\v 38 Meihal biakpiak nak sa cu tui tuah somnak tuk a khan te, a khan luhtum nak te cu kongka pi sungah um hi.
\v 39 Meihal biakpiak nak, sual hah biakpiak nak, sual hah biakpiak nak nganhing thah tuk in kongka pi a sung a lang le lang ah cabuai panih ten koih haw hi.
\v 40 Saklam kongka pi bulah a kainak kongka pi, a pawlam a bul a lang le lang ah cabuai panih ten a um hang,
\v 41 Luh tumnak kongka pi a lang le lang pen biakpiak nak nganhing thah nak mun cabuai pali, a kom ten liat um hi.
\v 42 Meihal biakpiak nak tuk cabuai pali te cu suih mi suang tuah a celh hang, a sau lam tongkhat le khapkhat, a vang a zal lam tongkhat le khapkhat, a sang tongkhat um hi. Mahmi cabuai hum pen meihal nganhing that tuk in van te koih haw zo hi.
\v 43 Cabuai hum a elkim pen a zal lam khutbup khat a um a mawk elkim selnak a um mi biakpiak nak nganhing sa cu koih haw hi.
\s Thiampi tei ca tuk a khan te
\p
\v 44 A sunglam kongka a pawlam pen a sunglam pangup nak khantian sungah a khan panih mu ing. A khan pakhat cu saklam kongka pi bulah um in hanglam ah hek hi. A khan pakhat cu hanglam kongka pi bul ah um in saklam ah hek hi.
\v 45 Hanglam ah a hek mi a khan cu inn sung thu a keng tu thiampi umnak tuk,
\v 46 Saklam ah a hek mi a khan pakhat cu biakpiak nak thu a keng tu thiampi umnak tuk hi. A muhte cu Pathian nelah na dek tuk in Levi miphun sung pen a ten mi Zadok capa hitin, ka nelah hilh hi.
\v 47 Mah ten pangup nak khantian teh in a sau lam tong zakhat, a vang a zal lam tong zakhat um hi. Biakpiak nak cu inn mai ah um hi.
\s Biakinn
\p
\v 48 Inn mai ah sam in kongka pi panih cu teh in a zal lam tong nga ten um hi. Kongka khah a langlam le langlam a vang a zal tong thum ten um hi.
\v 49 Inn mai a sau lam tongkul, a vang a zal lam tong heikhat um hi. Kailawn kalbak sawm pen kai hi. Inn mai bul, a lang le lang ah khuam pakhat ten um hi.
\c 41
\p
\v 1 Mah cengten biakinn ah sam in kongka pi khuam te teh in, a panih in kongka khuam a sah lam cu biakinn pi a sah lam bang tong luk um hi.
\v 2 Biakinn kongka pi a zal lam cu tong sawm um hi. Kongka pi pakhat le pakhat cu tong nga veve zal hi. Biakinn cu teh in a sau lam tong sawmli, a vang a zal lam tong kul um hi.
\v 3 Mah cengten a sunglam tum in na hempoh te teh in kongka khuam tongnih, kongka pi a zal lam tong luk, kongka pi a zal a lang le lang lam ah tong salih veve um hi.
\v 4 Mahmi khan cu biakinn a vang a zal tuah bang ve ten in a sau lam tong kul, a vang a zal lam tongkul a um mi cu teh in, hi a khan cu a thiangtho bel mi umnak hitin, ka nelah hilh hi.
\p
\v 5 Mah cengten inn pang cu teh in a sah lam tong luk um hi. Inn elkim pang a khan te a vang a zal lam tongli um hi.
\v 6 Pang a khan te cu a dan kel bang sawmthum, a dot pathum kom sawmthum um hi. Mahmi a khan te cu inn pang sungah tum ngawl in, pang a nuai lam ah a tul mi ke hum ah um hi.
\v 7 Pang a khan nuai ta pen a dotnih nak ah hei hihen, a dot nihnak pen a dot thum nak ah hei hihen, a kai mi bang inn pang a elkim hempoh te nungkik peh pepel in a khan umnak mun a dan kel zal in, a dot dot in kai hi.
\v 8 Inn a hum lam a elkim pen a sang bel mi pang a khan te cu tong luk a um mi pumpeng pakhat hei zal ma hi.
\v 9 Pang a khan a pawlam pen up mi pang a sah cu tong nga um hi. A tang mi umnak mun cu pang a khan te tuah seng hi.
\v 10 Inn elkim pen pangup nak a khan te cu inn sung pangup nak khantian te tuah tong kul kang in um hi.
\v 11 Pangup a khan umnak mun hempoh te hong in saklam ah hei hihen, hanglam ah hei hihen, a mai hek in bawl hi. A tanglaih mi umnak a elkim ah a vang a zal tong nga um hi.
\p
\v 12 A lawng mi umnak mun khak in, a nunglam ah a um mi pangup nak khantian cu a sau tong sawmsalih a um hang, inn elkim pangup nak khantian a sah vang tong nga, a sau lam tong sawmkuah um hi.
\v 13 Mah tihcun inn cu teh in a lawng mi umnak mun, inn pang, pangup nak khantian telin a sau lam tong zakhat um hi.
\v 14 Nisuah nak lam pen a lawng mi umnak mun telin, inn mai lam bang a sau vang tong zakhat um hi.
\p
\v 15 A lawng mi umnak mun up mi nisuah nak lam pangup nak khantian le a nunglam pangup nak khantian teh in a lang le lang ah a um mi pang a khan tel in, a saulam tong zakhat um hi.
\v 16 A sunglam biakinn le pangup nak khantian kongka pi te, kongka pi a tun te, a neu mi tukvelh te, kongka khung hempoh a lang le lang dot thum in a um mi pang a khan te lei pen tukvelh tian thingpek tuah umm haw hi. Tukvelh te cu lim hi.
\v 17 Kongka pi a um hempoh sung pen a sunglam biakinn a pawlam, inn a sung lam le a pawlam pang elkim ah Cherubim le sunpalun kung zuk in,
\v 18 Cherubim panih lak lawh ah sunpalun pakhat ten um hi. Cherubim pakhat ah a mai panih um in,
\v 19 Sunpalun kung panih laklawh pen a langlam ah mihing mitmai, a langlam ah pawpi mitmai lak haw hi.
\v 20 Mah tihcun inn elkim lei pen kongka pi tumnak a thuah tian, biakinn pang ah Cherubim le sunpalun kung zuk um hi.
\p
\v 21 Biakinn khuam te cu ningli in um hi. A thiangtho mi umnak mun tuah a mitmai bang ve hi.
\v 22 Thing ta biakpiak nak a sang lam tongthum, a sau lam tongnih um hi. Biakpiak nak a ning, kedam, pang te thingta tuah ceng haw hi. Hi cabuai cu Pathian mai ah koih mi cabuai hitin, ka nelah hilh hi.
\v 23 Biakinn le a thiangtho mi umnak mun pen kongka pi pakhat ten a um hang,
\v 24 Kongka te a bulh mi kongkhah panih ten um hi.
\v 25 Biakinn pang ah zuk belh mi bang kongkhah tei sungah Cherubim le sunpalun zuk um hi. Kongka pi hum ah a zawlpi um hi.
\v 26 Kongka pi pang, inn khan pang te a zawlpi te, a neu mi tukvelh te, sunpalun te tuah a dim in um hi.
\s Thiampi tei ca a khan te
\c 42
\p
\v 1 Mah cengten saklam lamzin le a pawlam khantian nak pangup sungah sam in innpi saklam a lawng nak mun mai ah a um mi a khan te lak hi.
\v 2 Mahmi a khan te cu saklam kongka pi tian a sau lam tong zakhat, a vang a zal lam tong sawm nga um hi.
\v 3 Tong kul a um mi a sunglam khantian nak pangup a mai, a pawlam khantian nak pangup suang phah mai pen a lang le lang pang a khan dot thum um hi.
\v 4 Mahmi a khan mai pen tongkhat a zal mi lamzin pen a sunglam ah lut tum in, a vang a zal lam tong sawm lamzin um hi. A khan kongka te cu saklam ah hek in bawl haw.
\v 5 A humta a khan te cu neu hi. A suat phah te cu a nuai ta suat phah, a lai suat phah tuah bang ve ngawl in a sungah luhtum nak um hi.
\v 6 Itahum titale, a khan dot thum um naven mahmi a khan te cu a dang khantian nak pangup bang khuam um ma hi. Mah hang nuai ta khan le a laizang khan sang neu saw hi.
\v 7 Mahmi khan te a lang le langah a pawlam khantian nak pangup a khan mai pen up mi pang cu a sau lam tong sawmnga um hi.
\v 8 A pualam thukhen nak tuah a seng mi a khan te cu a sau lam tong sawm nga um hi. Biakinn mai pen a sau cu tong zakhat um hi.
\v 9 A pawlam khantian nak pen pangup hung in, mahmi a khan ke bul a mai pen luhtum nak lamzin pakhat um hi.
\p
\v 10 Inn a hanglam, a lawng nak mun up mi khantian nak pang ah vang a khan tampi um hi.
\v 11 A khan mai ah a um lamzin pen pan a khan a sau lam, a vang a zal lam a tul le tumnak kongka hempoh te saklam a khan tuah bang ve hi.
\v 12 Hanglam a khan kongka te vang saklam kongka te tuah a bang ve hang thukhen nak a lang le lang a mai ah hek in bawl mi lamzin mai pen luh tum nak kongka pi um hi.
\p
\v 13 A teh tupan a lawng mi umnak mai pen saklam khan le hanglam khan te cu a thiangtho mi khan, Pathian nelah a nek tu thiampi ten, a thiangtho zet mite cu an eihnak khan hi. Mahmi umnak mun cu a thiangtho hang a thiangtho mi thu an eih biakpiak nak, sual hah biakpiak nak, sual ngaihdam biakpiak nak te koih nak mun hi.
\v 14 Thiampi te a luh tum ten na dehnak puan silh in, a thiangtho mi umnak mun pen a pawlam khantian nak pangup ah tul ma hi. Mahmi puan cu a thiangtho hang dukin a dang puan a silh cengten, mihing tampi umnak mun ah tul haw tuk hitin, ka nelah hilh hi.
\p
\v 15 A sunglam biakinn teh cengten, nisuah nak lam kongka a pawlam ah sam in,
\v 16 Tehnak tuk pumpeng tuah nisuah nak lam cu teh in pumpeng zanga (500) um hi.
\v 17 Saklam vang teh in pumpeng zanga (500) um hi.
\v 18 Hanglam vang teh in a elkim ah a um mi pumpeng zanga (500) um hi.
\v 19 A nunglam vang teh in a elkim ah a um mi khantian nak pangup cu a thiangtho mi umnak mun, a thiangtho ngawl mi umnak mun te khen in a sau lam zanga (500), a vang a zal lam vang zanga (500) um hi.
\v 20 A mai pali cu teh in a elkim ah a um mi khantian pangup nak cu a thiangtho mi umnak mun, a thiangtho ngawl mi umnak mun cu khen in a saulam zanga (500), a vang a zal lam vang zanga (500) um hi.
\c 43
\p
\v 1 Mah cengten nisuah nak lam ah a hek mi kongka pi ah sam leh hi.
\v 2 Isarel miphun tei Pathian minthan nak cu nisuah nak lam pen hung in, aw cu tuipi thuanthum bang hi. A vaknak hang leihum hempoh vak hi.
\v 3 Ka muh mi muhnak cu khuapi siatsuah tuk a hun ten, ka muh mi muhnak tuah bang ve hi. A lang mi thu te cu Cheba ngun tui pi bulpen ka muh awng mi thu bang a hih hang, kei cu bopkhup in um ing.
\v 4 Pathian minthan nak cu nisauh nak lam ah a hek mi luh tumnak lamzin pen inn sungah lut tum hi.
\v 5 Mah ten hawvang in keimah thiak in, a sunglam thukhen nak ah pui in Pathian minthan nak cu inn sung hempoh ah dim hi.
\s Biakinn sungah a minthan a hen lehnak
\p
\v 6 A masa mihing cu ka bulah ding in, inn sungpen ka nelah thupiak mi aw ka zak cu,
\v 7 Mi capa aw, hi umnak mun cu ka tohkham umnak mun, ka kephalh a catngawl phalhnak mun, Isarel miphun te cu a cat ngawl in ka umnak mun hi. Isarel miphun le kumpi tei sung pen a sual hang in hihen, kumpi a thimi luang hang in hihen, a sangnak mun pen ka min sunglawi cu tunung ten zawt dem leh haw tuk ma toh hi.
\v 8 Mah tihcun kongka khung te vang kongka khung bulah hei hihen, a muhte vang ka khuam bulah hei hihen, phut in a muhtei bawl sual a nawngkai mi thu te tuah ka min sunglawi a zawt dem hang, ka thinuuk suak in a muhte siatsuah zo ing.
\v 9 A tu in a muhtei sualnak thu te le kumpi tei a thi mi luang te ka nelpen khuala pi ah vawk haw hen. Keimah vang a muhtei sungah a cat ngawl um tung.
\p
\v 10 Mi capa aw, Isarel miphun ten a sualnak hang mualpho tik tuk in inn cu lak in. Inn zuk cu a muhte teh tik in hi.
\v 11 A muhtei bawl sual hang a thungai in zahcak nak a nei tale inn mel le a tul le tum nak kongka te, a zui mi hempoh dan thu te a bawl mi dan thukham hempoh lak in. A mun dan te tuah a bawl mi hempoh cingkem tuk in a muhtei mai pen ngan in.
\v 12 Mual lek hum ah a um mi inn thu, inn ngituah hempoh te thiangtho zet haw tuk hi. Hi thu cu inn hi dan thukham hi.
\s Biakpiak nak
\p
\v 13 Biakpiak nak a sau lam cu thik tong tuah teh in, kedam a sang tongkhat, a zal lam tong khat, a elkim hempoh a zal khapkhat a um hang, biakpiak nak a pawlam ah koih hi.
\v 14 A nuai ta a bak cu leipen tongnih kang in, a zal lam tongkhat um tuk hi. A neu mi a bak le a ngeng mi a bak cu tongli kang in, a zal lam tongkhat um tuk hi.
\v 15 Biakpiak nak taitan a sang lam vang tongli um tuk hi. Ki pali vang kai tuk hi.
\v 16 Biakipiak nak taitan cu a bang ve ten cankim a hih hang a saulam tong heinih, a vang a zal lam tong heinih um tuk hi.
\v 17 A nuai ta bak vang a bang ve ten cangkim a hih hang a saulam tong heili, a vang a zal lam tong heili um tuk hi. A elkim vang a zal lam khapkhat um tuk hi. A ke cu biakpiak nak taitan a elkim pen tongkhat tulin, a kai nak lampi cu nisuah nak lam ah hek in bawl tuk.
\p
\v 18 Mi capa aw, Topa Pathian thupiak mi bang meihal biakpiak nak bawl in thisan cu theh tuk biakpiak nak taitan bawl mi ni in zui tuk mi thu cu,
\v 19 Na dehnak tuah ka nelah a nek tu, Levi miphun Zadok capa thiampi tei lakah sualhah biakpiak nak ca khuicang pakhat ap tuk hi.
\v 20 Khui thisan a hek khat te la in biakpiak nak taitan ki pali, a bak ningli, a mawk elkim noih in thiangtho tik tuk hi.
\v 21 Sualhah biakpiak nak tuk khui keng in a thiangtho mi umnak mun, a pawlam biakinn a sungah koih mi umnak mun ah meihal tuk.
\v 22 A ninih nak ni ten vang sonbang a um ngawl mi kel no keng in, sualhah biakpiak nak ca pia tuk hi. Biakpiak nak taitan cu khui thisan tuah thiangtho tik mi bang, kel thisan tuah thiangtho tik tuk hi.
\v 23 Mah tihcun biakpiak nak taitan a thianlim cengten, sonbang um ngawl khuicang tuah sualnak a nei ngawl mi kelcang cu Pathian mai ah pia tuk hi.
\v 24 Thiampi ten ci noih in, mahmi nganhing te Pathian ca meihal in pia tuk.
\v 25 Ni salih sung, nisial in kel pakhat cu sualhah biakpiak nak in pia tuk hi. Son bang um ngawl, khuicang pakhat le tuu cang pakhat pia tuk hi.
\v 26 Ni salih sung biakpiak nak taitan cu thiangtho tik in a mah vang thiampi hihnak ah pia haw tuk hi.
\v 27 Ni salih a kim cengten niliat ni ten in hihen, mahmi ni pen pan in hihen, thiampi ten biakpiak nak taitan hum ah nang muhtei meihal nak mun biakpiak nak te le pawlkom biakpiak nak te pia tuk hi. Keiman a muhte cu co tung hitin, Topa Pathian in thupia hi.
\s Kumpi te, Levi cate, thiampi te
\c 44
\p
\v 1 Mah cengten a thiangtho umnak mun ah a hek mi tuvelh kongka ah pui in, mahmi kong ka cu khak hi.
\v 2 Pathian in, hi kongka pi cu hong ngawl in khak tuk hi. Mihing tampi luttum haw ma hi. Itahum titale, Isarel miphun Topa Pathian tumnak hang khak tuk hi.
\v 3 Kumpi ca tuk hi. Kumpi cu Pathian mai pen an ei in, mahmi kongka bulah khung tuk hi. Kumpi in mahmi kongpi pen tul le tum tuk hitin, thupia hi.
\p
\v 4 Mah ten inn pi nisuah nak saklam kongka lamzin pen, keimah pui in Pathian minthan nak Pathian inn cu dim in kei cu bopkhup in um ing.
\v 5 Pathian in mi capa aw, pha zet zo in sialsiah in. Pathian inn tuk ka bawl mi dan thukham hempoh ngai in. Inn sung tumnak kongka pi le a thiangtho umnak mun pen tul nak kongka pi hempoh pha zet sialsiah in.
\v 6 Mi a do thei Isarel miphun te, Topa Pathian thupiak na hilh tuk mi cu Isarel miphun te aw,
\v 7 Nohten ka eih tuk mi sathau le thisan piak ten, ka biakinn bal tik tukin vun lek talhnak a nei ngawl mi thinlung tuah vun lek talhnak a nei ngawl pumpi a nei mi ngam dang miphun te, ka umnak a thiangtho mun ah koih in a um ten a nawngkai mi thu te a bawl hang, lungkim nak thinlung nei ta un. A nawngkai mi thu hang ka thukhaam te siatsuah haw zo.
\v 8 A thiangtho ka umnak cingkem ma. Mahmi umnak pen a cing tute cu a mu thu in pia haw zo.
\v 9 Topa Pathian thupiak mi cu Isarel miphun sungah um in vun lek talhnak a co ngawl mi thinlung tuah vun lek talhnak a co ngawl mi pumpi a nei tu ngam dang miphun cu a thiangtho ka umnak mun ah tum tuk ma hi.
\v 10 Isarel miphun te ka nelpen tul in lamzin a pialh cengten, a muhtei zuk milim nungah zui ka nelpen tulin, lamzin a pial mi Levi miphun te cu a sualnak thuak haw tuk hi.
\v 11 Mah naven a thiangtho a umnak tuah a seng mi thu cingkep hang biakinn luhtum nak ngak in, na deh in um haw tuk hi. Meihal biakpiak nak le mihing tei piak mi nganhing te that in mihing tampi aiawh in na dek haw tuk hi.
\v 12 A muhte cu zuk milim mai pen mihing tampi na a deh sak ten, Isarel miphun bah in sualnak sungah a lup nak thu a cang awng zo hang, a muhtei a lang lam pen ka thukam hang a mu a sualnak cu thuak haw tuk hi.
\v 13 Thiampi bawl in ka nelah nek haw ma hi. A thiangtho zet mi ka umnak mun pen a thiangtho mi cu nek haw ma hi. A zahcak nak, a nawngkai a bawl sual mi thu hempoh thuak haw tuk hi.
\v 14 Inn cu cingin inn sung pen na hempoh dek tik tuk in keiman pia tung.
\p
\v 15 Isarel miphun te ka nelpen tul in lamzin a pial ten, a thiangtho ka umnak a cing tu Levi miphun cu Zadok capa thiampi ten, ka na deh tukin ka nelah nek haw tuk hi. Ka nelah sathau le thisan pia tuk in ka mai ah ding haw tuk hitin, Topa Pathian in thupia hi.
\v 16 A mun a thiangtho ka umnak sungah tum in, ka na dek tuk ka cabuai bulah nek in ka na cingkem tu in cang haw tuk hi.
\v 17 A mun a sunglam thukhen nak kongka sungah a tum ten, puanthan nem bek silh haw tuk hi. A sunglam thukhen nak, kongka a sunglam pen na a deh laih takin tuu mul puan cu silh haw tuk ma hi.
\v 18 Luhum ah puannem lukhu cu khu in a el pen puanthan nem bawngbi silh haw tuk hi. Khawumm a tul tik thei mi puan silh haw tuk ma hi.
\v 19 Mihing tampi umnak mun a pawlam thukhen nak ah a tul ten na a deh laih tak a silh mi puan dukin, a thiangtho mi khan sungah a koih cengten a dang puan silh haw tuk hi. A masa a silh mi puan cu silh in, mihing tampi te thiangtho tik haw tuk ma hi.
\v 20 Nang muhtei sam vang met tuk ma. Sau tik ngawl in met tuk.
\v 21 Thiampi cu a sunglam thukhen nak a luh tum ten cabit tui in tuk ma.
\v 22 Meivong te huai tuk ma. Pasal tuah a khek mite huai tuk ma. Isarel miphun khanglai him hei hihen, thiampi zi a hi awng mi meivong te hei hihen, huai tuk hi.
\v 23 Ka miphun ten a thiangtho mi thu, a thiangtho ngawl mi thu hei hihen, khenkhuai thei tik tukin hilh haw tuk hi.
\v 24 Thu buai thu a khen tale ka dan thukham a thiang mi bang thukhen haw tuk hi. A thiang mi ka puainak te a bawl ten, ka bawl mi dan thukham bang in hihen, ka colhni te hei hihen cingkem haw tuk hi.
\v 25 A thisa mi cu nek in nangmah le nangmah bal tik pah sin. Mah naven na nu le pa, canu le capa, na U, pasal a nei ngawl mi na nui ca a mah le mah a bal tik theih nak thu um hi.
\v 26 A thiangtho in bawl cengten ni salih um tuk.
\v 27 A thiangtho mi umnak mun pen na dek tukin, a sunglam thukhen nak a thiangtho mi umnak mun ah luh tum mi ni in sual hah biakpiak nak pia tuk hitin, Pathian in thupia hi.
\p
\v 28 Mahmi thu cu thiampi tei lo co a neih mi hi tuk hi. Kei cu a muhtei lo co mi ing hi. Isarel ngam pen a muhte cu lo co tuk leingam pia ma hi. Kei cu a muhtei lo co mi lei ngam ing hi.
\v 29 A piak mi moh ngawivam le sual hah biakpiak nak, bawl sual biakpiak nak cu ei haw tuk hi. Isarel miphun thukam hang a piak mi hempoh laksak khawng haw tuk hi.
\v 30-31 A masa bel a ngah mi hempoh te le a hing mi biakpiak nak hempoh thiampi in nei tuk hi. A man na inn ah muicu thupha heng tik tuk in, a masa bel in a ngawi mi moh sial cu a ma nelah a lu pia tuk hi. Vano hei hihen, capa hei hihen, a ma thu no a thi cawm mi ngamsa, sahang peh mi ngamsa a thi mi cu thiampi in ei tuk ma hi.
\s Umnak leingam a semnak
\c 45
\p
\v 1 Nohten lei ngam lo co tuk kungkhai nak bawl in khen ten, a thiangtho mi lei ngam pakhat cu Pathian nelah pia haw tuk hi. Mahmi lo cu a sau lam pumpeng thawngkul luannga (25,000), a vang a zal lam thawgsawm (10,000) um tuk hi. A ngam ngituah hempoh thiangtho tuk hi.
\v 2 Mahmi lei ngam a laizang pen a sau lam tong zanga (500), a vang a zal lam tong zanga (500) a um mi lei ngam cu a thiangtho mi umnak mun ca tuk hi. Mahmi lei ngam a elkim pen a thiangtho mi ngam vang tong sawmnga (50) um tuk.
\v 3 Mah tihcun a sau lam thawngkul luannga (25,000), a vang a zal lam thawngsawm (10,000) teh cengten, a thiangtho zet mi umnak mun le a thiangtho mi umnak mun in cang tuk hi.
\v 4 Mah a thiangtho mi lei ngam cu Pathian na dek tuk a nelah nekin, a thiangtho mi umnak mun na deh cing tu thiampi tei ca in cang tuk hi. A muhtei inn saknak tuk mun le a thiangtho mi umnak tuk in a thiangtho mi lei ngam cang tuk hi.
\v 5 A sau lam thawngkul luannga (25,000), a vang a zal lam thawngsawm (10,000) a um mi lei ngam cu inn na cing tu, Levi miphun tei umnak a khan kul sak tuk um tuk hi.
\v 6 Khuapi tuah a seng mi lei ngam cu a thiangtho mi umnak mun a lang le lang pen a sau lam thawngheinga (15,000), a vang a zal lam thawngnga (5,000) um in Isarel miphun hempoh ca in cang tuk hi.
\v 7 A thiangtho mi lei ngam cu khuapi ngituah a nunglam hempoh khen lang, nisuah nak lam hempoh khen lang kumpi tei ca in cang tuk hi.
\v 8 Ka kumpi caten ka miphun te a bawl siat leh tuk ngawl thu, mahmi lei ngam cu Isarel ngam sung pen kumpi catei neih tuk mi lei ngam in cang tuk hi. A tang mi lei cu Isarel miphun hempoh tei lakah sem tuk hi.
\p
\v 9 Topa Pathian thupiak mi cu Isarel miphun te aw, lungkim nak thinlung nei ta un. Nehsiah bawlnak, lonsak dun nak thu hempoh te vawk in a dik mi thu, a man mi thu hempoh bawl haw hen. Ka miphun te bawl siat leh haw ma toh hen tin, Topa Pathian in thupia hi.
\v 10 A man mi cuai, a man mi ephah, a man mi bath te cu mang haw tuk hi.
\v 11 Ephah le bath cu a bang ve in um tuk hi. A panih in homer cu muang in, ephah cu homer pakhat sehsawm suah sehkhat, bath vang homer pakhat pen sehsawm ah sehkhat um tuk hi.
\v 12 Gerah kul cu cangkhat, cang sawmluk cu maneh pakhat um tuk hi.
\s Biakpiak nak le a thiangtho mi ni
\p
\v 13 A hing mi biakpiak nak a bawl ten sangvut cang hei hihen, berly cang hei hihen, homer pakhat pen omer cu pia tuk hi.
\v 14 Sathau tuah a seng mi thukham cu korah pakhat pen bath sehsawm suah sehkhat pia tuk hi. Homer pakhat cu bath sawmkhat a hih hang, korah pakhat cu bath sawm hi.
\v 15 A muhtei sual hah tuk in Isarel khalhnak mun tui tampi a um nak mun ah a um mi tuu zanih sung pen tuu no pakhat cu a lupiak nak tuah meihal biakpiak nak, pawlkom biakpiak te pia haw tuk hitin, Topa Pathian in thupia hi.
\v 16 Mah a hing mi biakpiak nak cu ngam sung miphun hempoh ten, Isarel kumpi catei lakah pia haw tuk hi.
\v 17 Kumpi caten puai ni, hathak ni, colhni, Isarel miphun hulopkhawm ni sial mi bang meihal biakpiak nak, an eih tuk biakpiak nak, in tuk in biakipiak nak hempoh pia tuk hi. Isarel miphun sual hah tuk in sualhah biakpiak nak, an eih tuk biakpiak nak, meihal biakpiak nak, pawlkom biakpiak nak vang pia tuk hi.
\p
\v 18 Topa Pathian thupiak mi cu hakhat ha, nikhat ni in sonbang um ngawl khuicang pakhat keng in a thiangtho mi umnak mun cu thiangtho tik haw tuk hi.
\v 19 Thiampi in sual hah biakpiak nak nganhing thisan a hek khat keng in inn khuam bul ah hei hihen, biakpiak nak taitan nuai a bak ah hei hihen, a sunglam thukhen nak kongka khuam ah hei hihen koih tuk hi.
\v 20 Mah bek sial ngawl a sual mipa le misil pai ca ni salih ni ten mah bang bok pia in inn ca in sual hah biakpiak nak bawl tuk hi.
\p
\v 21 Hakhat ha, ni heili ni in kaltan puai bawl tuk. Ni salih sung puai a bawl laih tak naman sawh ngawl mi moh bek ei tuk hi.
\v 22 Mah ni in kumpi capa in a ma ca tuk in hihen, khuicang pakhat cu sual hah biakpiak nak pia tuk hi.
\v 23 Puai ni salih sung hempoh Pathian cu meihal biakpiak nak ca khuicang salih, sonbang a um ngawl mi tuucang salih te hei hihen, sual hah biakpiak tuk kelno pakhat hei hihen, nisial in pia tuk hi.
\v 24 Khui hei hihen, tuu hei hihen, pakhat bek a um mi an eih tuk biakpiak nak ca in moh ngawivam ephah pakhat, sathau hin khat bawl tuk hi.
\v 25 Ha salih ha, ni heinga ni puai bawl in a masa sual hah biakpiak nak, an eih tuk biakpiak nak, sathau biakpiak nak a bawl mi bang ni salih sung bawl tuk hi.
\c 46
\p
\v 1 Topa Pathian thupiak na deh mi ni ni luk sung nisuah nak lam a hek mi a sunglam thukhen luh tum nak kongka cu khak tuk. Colhni le ha thak ni ten hong tuk.
\v 2 Kumpi capa in mahmi kongka pi pen tum in, kongka khuam bulah ding tuk. Thiampi ten kumpi ca in meihal biakpiak nak, pawlkom biakpiak nak te pia in a man kongka khung pen a lu kun cengten a pawlam ah tul tuk hi. Mah naven zan lam huncan a hen laih ngawl in mahmi kongka luhtum nak cu khak tuk ma hi.
\v 3 Mah bang bok colhni le ha thak ni in ngam sung miphun hempoh ten, mahmi kongka umnak Pathian mai pen lukun in bia haw tuk hi.
\v 4 Colhni in kumpi capa in meihal biakpiak nak ca sual a nei ngawl mi tuu no paluk, sonbang a um ngawl mi tuu cang pakhat cu Pathian nelah keng tuk hi.
\v 5 An eih biakpiak tuk tuu cang pakhat le moh ngawivam ephah pakhat, sathau hin khat hei hihen, tuu no le a kul mi hempoh hei hihen, pia tuk hi.
\p
\v 6 Ha thak ni ten sual a nei ngawl mi tuu cang pakhat, tuu no paluk, tuu cang pakhat pia tuk hi.
\v 7 An eih tuk biakpiak nak ca in khui pakhat le moh ngawivam ephah pakhat, tuu no tuah a kul mi hempoh hei hihen, moh ngawivam ephah pakhat le sathau hin khat hei hihen pia tuk hi.
\v 8 Kumpi capa a luh tum ten nisuah nak lam kongka pi pen tum tuk. Mah kongka pi pen tul tuk.
\p
\v 9 Ngam sung miphun ten a thiangtho mi puai huncan in Pathian mai ah luh tum ten, a lukun bia tuk in saklam kongka luh tumnak pen a lut tum tupa cu hanglam kongka pi pen tul tuk. Hanglam kongka pi pen a lut tum tupa cu saklam kongka pi pen tul tuk.
\v 10 Luh tumnak kongka pi pen tul tuk ma hi. Luh tum nak kongka pi a lang le lang ah a um mi kongka pi pen tul tuk hi.
\v 11 Puai bawl in mipi hulopkhawm nak huncan pen an eih biakpiak nak ca khui pakhat le moh ngawivam ephah pakhat, tuu no le a kul mi hempoh te hei hihen, moh ngawivam ephah pakhat le sathau hin khat hei hihen pia tuk hi.
\v 12 Kumpi capa in a ma thu bawl mi meihal biakpiak nak, pawlkom biakpiak nak cu a ma ngaihsut nak thu in Pathian a piak ten, nisuah nak lam ah a hek mi luh tum nak kongka pi cu hong tuk. A man colhni in meihal biakpiak nak, pawlkom biakpiak nak a piak mi bang pia tuk hi. A piak cengten tul in a luh tum nak kongka pi cu khak tuk hi.
\p
\v 13 Nisial in Pathian nelah meihal biakpiak nak ca in sualnak a nei ngawl, sonbang a um ngawl mi tuu no pakhat cu zinglam huncan ten pia tuk hi.
\v 14 Zing sial in mahmi tuu no tuah an eih biakpiak nak ca moh ngawivam ephah pakhat sung pen sehluk suah in sehkhat hei hihen, moh ngawivam tuah tokhel mi sathau log pali hei hihen pia tuk hi. Hi thu cu Pathian nelah a cat ngawl bawl mi an eih biakpiak nak thu hi.
\v 15 Mah tihcun meihal biakpiak nak cu zing sial a cat ngawl biakpiak tuk in tuu no hei hihen, an eih biakpiak nak le sathau hei hihen bawl tuk hi.
\p
\v 16 Topa Pathian thupiak mi cu kumpi capa in a capa cu laksawng pakhat a pia tale mahmi laksawng cu a lo co a hih hang, a capa in lo co in kem tuk hi.
\v 17 A sila nelah a lo co neihnak laksawng pakhat a pia tale a luat mi kum sung no bek cu mahmi sila in co tuk hi. Mah cengten kumpi capa khut sungah heng leh tuk hi. A capa in a cat ngawl in a lo luah tuk hi.
\v 18 Mah bek sial ngawl kumpi capa in ngam sung miphun lo co mi lei ngam cu neh siah long in, lei ngam a nei tupa hawl vawk tuk ma hi. A co mi lei ngam sung pen a cate a lo pia tuk hi. Ka miphun ten a muhtei lo lei ngam, a co mi lei ngam ah um ngawl in mun hempoh ah khenkek tik in bawl tuk ma hi.
\p
\v 19 Luh tumnak kongka pi bulah a um mi luh tum nak pen, keimah pui in saklam ah a hek mi thiampi tei a thiangtho mi a khan sungah a luh tum pih hang, nitum nak lam ah a um mi umnak mun pakhat cu keiman mu ing.
\v 20 Hi umnak mun cu thiampi ten sual hah biakpiak nak, sual ngaihdam biakpiak nak sa cu huan in an eih tuk biakpiak nak sa cu em in umnak mun hi. Mihing tampi te thiangtho tik tukin, mahmi thu cu a pawlam thukhen nak sungah suah tul haw ma hitin, ka nelah hilh hi.
\v 21 Mah cengten a pawlam thukhen nak sungah keimah cu sam in thukhen nak a ning pali te a hawh tik hang, mahmi a ning pali pen thukhen nak no pakhat ten a um mi cu keiman mu ing.
\v 22 Mahmi thukhen nak no te cu a sau lam tong sawmli, a vang a zal lam tong sawmthum a um hang, a teh nak a sau lam cu bang ten ngiap hi.
\v 23 Mahmi a ning pali sung lam a elkim pen an huan nak tuk in a dan kel bang khung zawl a tuan um hi.
\v 24 Hi umnak mun cu inn a cingkem tuten mihing tampi tei a piak mi biakpiak nak nganhing te huan nak mun hitin, ka nelah hilh hi.
\s Biakinn sung pen ngun tui
\c 47
\p
\v 1 Mah cengten inn kongka pi ah keimah a pui leh hang, kongka khung nuai nisuah nak lam pen a tul mi tui cu keiman mu ing. Inn mai cu nisuah nak lam ah hek in tui cu inn kongka pi khung taklam nuai biakpiak nak a hang lam pen luang hi.
\v 2 Mah cengten saklam luhtum nak lamzin pen keimah suah in a pawlam ah langkhat tulin, nisuah nak lam a hek mi a pawlam luh tum nak kongka pi lamzin ah a hen ten, taklam ah a luang mi tui cu keiman mu ing.
\p
\v 3 Khau a keng tupan a mai a hawh ten tong thawngkhat (1,000) a kim tian teh in keimah tui tan tik hi. Tui cu ka kemit tian bek heng hi.
\v 4 Mah cengten tong thawngkhat (1,000) a kim tian teh leh tikin tui a tan leh tik ten tui cu khuk tian heng hi. Mah cengten tong thawngkhat (1,000) tian teh in ka tan leh ten ka el tian khong hi.
\v 5 Mah cengten tong thawngkhat (1,000) a kim tian ka teh ten tan leh thei ngawl mi ngun tui in cang hi. Tui a khang hang hawh in tan thei ma, kesik ban ngawlin a tan mi ngun tui in cang hi.
\p
\v 6 A man mi capa aw, hi thu te cu mu zo hima cim maw tin a hilh cengten, keimah cu sam leh in ngun tuipi bulah pin leh tik hi.
\v 7 Ka pin kik leh ten ngun tuipi a lang le lang lam ah thingkung tampi te keiman mu ing.
\v 8 A man hi tui cu nisuah nak lam ah luang in ngam lakah a hawh cengten, tuipi ting sungah a luh tum theih hang tuipi ting cu hum tuk hi.
\v 9 Nunnak nei in a phia thei mi ngamsa hempoh ten, mah ngun tuipi a heng hempoh mi umnak sung pen nunnak a nei ngasa tampi vang um haw tuk hi. Mahmi ngun tui cu a hum hang, a hennak mun hempoh ah ngamsa phunkim te nung haw tuk hi.
\v 10 Tuipi ting bulah ngasa man tute ding in, Engedi khuapi pen pan Eneglaim khua tian suuk vawknak mun in cang tuk hi. Ngasa phun kim te cu tuipi thuanthum ngasa bang tampi um haw tuk hi.
\v 11 Cinciak tui le cinciak tuipi ting tui cu hum ma hi, a cat ngawl in al tuk hi.
\v 12 Ngun tuipi a mawk a lang le lang ah an eih tuk a pha mi thingkung tampi po tuk hi. A ceh vang vuai tuk ma hi. A ngah vang a cat ngawl in ngah tuk hi. Ha sial in a thiangtho mi a ngah cu ngah tuk hi. Itahum titale, mahmi tui cu a thiangtho mi umnak mun pen tul hi. A ngah cu ei tuk hi. A ceh vang tidam nak in cang tik tuk hitin, ka nelah hilh hi.
\s Ngam ngi a khennak te
\p
\v 13 Topa Pathian thupiak mi bang Isarel miphun heinih lo co mi lei ngam a khen nak cu Josep lo ngam khen nak panih co tuk.
\v 14 Pu le pa tei lakah ka thukam ka piak mi bang mahmi lei ngam cu nang muhtei lo co mi a hih hang, nohten lo luah tuk uh ci.
\p
\v 15 Lei ngam saklam a khennak cu tuipi thuanthum a langlam le a langlam, Heth-lon lamzin, Zedad lamzin ah zui in,
\v 16 Hamath khuapi le Berothah khuapi hei hihen, Damascus ngam le Hamath ngam ngi lak lawh pen Sibra khuapi hei hihen, Hauran khuapi bul pen Ha zar-hatticon khuapi hei hihen kiim in,
\v 17 Tuipi tuah a kang nak mun Damascus ngam bul pen Hazar-enan khuapi, saklam pen Hamath khuapi tel tuk hi. Hi thu cu saklam a khen nak in cang hi.
\p
\v 18 Nisuah nak lam a khen cu Hauran khuapi, Damascus khuapi, Gilead ngam, Jodan ngun tuipi bul, Isarel ngam cu hawh in nisuah nak tuipi sungah tawp tuk hi.
\p
\v 19 Hi thu cu hanglam a khennak Tamath khuapi pen pan Kadesh khuapi, Meribahtui tian hei in hihen, tuipi thuanthum ah a lut tum mi ngun tuipi hei hihen, hawh tuk ci. Hi thu cu hanglam a khen nak in cang hi.
\p
\v 20 Nitum nak lam tuipi thuanthum cu hanglam penpan Hamath khuapi a lang le lang lam tian khen nak um tuk hi. Hi thu cu nitum nak lam a khen nak in cang tuk hi.
\p
\v 21 Mahmi lei ngam cu Isarel miphun hempoh pia tuk hi.
\v 22 Miphun pih tei lo co tuk mi hei hihen, nang muhtei sungah um in canu le capa a hin mi ngam dang miphun pih tei lo co tuk in hihen, kungkhai nak bawl in lei ngam cu pia tuk hi. Mahmi ngam dang miphun te cu ngam sung pen hin mi Isarel miphun te bang ngaisung tuk hi. A mute cu Isarel miphun te tuah lei ngam cu a lo co haw tuk hi.
\v 23 Ngam dang miphun umnak hempoh ngam khen sung pen a lo co tuk mi lei ngam cu pia tuk hitin, Topa Pathian in thupia hi.
\s Lei ngam a semnak
\c 48
\p
\v 1 Isarel miphun ngam khen min cu saklam pen Heth-talon lamzin le Hamath lamzin bul Hazar-enan khuapi tel in, Damascus peng saklam Hamath khuapi tian hei hihen, nisuah nak lam pen tuipi tian hei hihen, Dan ngam khen nak tian um tuk hi.
\v 2 Dan ngam khen bul nisuah nak lam pen nitum nak lam Asher ngam khen nak tian um tuk hi.
\v 3 Asher ngam khen bul, nisuah nak lam pen nitum nak tian Naphtali ngam khen um tuk hi.
\v 4 Naphtali ngam khen bul, nisuah nak lam pen nitum nak lam tian Manasseh ngam khen um tuk hi.
\v 5 Manasseh ngam khen bul, nisuah nak lam pen nitum nak lam tian Epharaim ngam khen um tuk hi.
\v 6 Ephraim ngam khen bul, nisuah nak lam pen nitum nak lam tian Reuben ngam khen um tuk hi.
\v 7 Reuben ngam khen bul, nisuah nak lam pen nitum nak lam tian nang muhtei biakpiak mi lei ngam um tuk hi. 
\p
\v 8 Mahmi a vang a zal lam cu pumpeng luum teh nak thawngkul luannga (25,000), a sau lam cu nitum nak lam tian ngam khen a sau lam tuah bang ve tuk hi. Mahmi lei sung pen a thiangtho mun umnak um tuk hi.
\v 9 Pathian nelah a piak tuk mi lei ngam cu a sau lam thawngkul luannga (25,000), a vang a zal lam thawngsawm (10,000) um tuk hi.
\v 10 Mah a thiangtho piak mi cu thiampi ca a hih hang, saklam pen a sau lam thawngkul luannga (25,000), ni tumnak lam a vang a zal lam cu thawngsawm (10,000), nisuah nak lam pen a vang a zal lam thawngsawm (10,000), hanglam pen a sau lam thawngkul luannga (25,000) zal in, Pathian a thiangtho umnak mun cu mahmi lei ngam a laizang ah um tuk hi.
\v 11 Isarel miphun te lamzin a pial ten Levi miphun te bang lamzin pial ma hi. Ka thu cu a cat ngawl zui in, a thiangtho mi Zadok capa thiampi tei ca in cang tuk hi.
\v 12 Levi miphun tei umnak lei ngam bul pen mah tihbang in a piak mi lei ngam cu thiampi tei ca tuk a thiangtho bel mi lei ngam in cang tuk hi.
\p
\v 13 Thiampi tei lei ngam bul pen Levi miphun tei umnak lei ngam cu a sau lam thawngkul luannga (25,000), a vang a zal lam cu thawngsawm (10,000) um tuk hi.
\v 14 Mahmi lei ngam cu Pathian ca a thiangtho hang, Levi miphun tei lei ngam cu zuak tuk ma hi. A masa bel a ngah mi cu a dang neihnak tuah thek tuk ma hi. A man tuah zuak tuk ma hi.
\p
\v 15 Thawngkul luannga (25,000) bul pen a tang mi lei ngam thawngnga (5,000) cu mihing umnak khuapi le khuapi umnak tuk a hih hang, mahmi lei ngam a laizang ah khuapi din tuk hi.
\v 16 Khuapi a sau lam cu saklam thawngli le zanga (4,500), hanglam pen thawngli le zanga (4,500), nitum nak lam pen thawngli le zanga (4,500) um tuk hi.
\v 17 Khuapi a huap cu saklam pen zanih le sawmnga (250), hanglam pen zanih le sawmnga (250), nitum nak lam pen zanih le sawmnga (250) um tuk hi.
\v 18 A thiangtho mi lei ngam bul pen a saulam a tang mi nisuah nak lam thawngsawm (10,000), nitum nak lam pen thawngsawm (10,000) a zal a um mi lei pen ankung ngui a ngah cu khuapi cingkem tu a muhtei an eih tuk in cang tuk hi.
\v 19 Khuapi cing tute cu Isarel miphun hempoh sung pen teng tuk hi.
\v 20 A piak mi lei ngam kom cu a sau lam thawngkul luannga (25,000), a vang a zal lam thawngkul luannga (25,000), khuapi a huap tel in a thiangtho mi ningli a bang ve lei ngam cu pia tuk hi.
\p
\v 21 Mah a thiangtho a piak mi lei ngam le khuapi a huap a lang le langah a tang mi nisuah nak lam pen thawngkul luannga (25,000) a zal mi lei mawk ngam panih cu kumpi catei ca in cang tuk hi. A thiangtho piak mi lei ngam le a thaingtho mi umnak mun inn cu mahmi leingam umnak panih lak lawh ah um tuk hi.
\v 22 Mah tihcun a lak lawh ah a um mi Levi miphun umnak ngam khen, khuapi a huap ngam khen, a pualam a lang le lang lam Judah ngam, Benjamin ngam lak lawh ah a um mi lei ngam hempoh kumpi capa ca in cang tuk hi.
\p
\v 23 A tang mi Isarel ngam cu nisuah nak lam pen nitum nak lam tian Benjamin ngam um tuk hi.
\v 24 Benjamin ngam a bul nisuah nak lam pen nitum nak lam tian Simeon ngam um tuk hi.
\v 25 Simeon ngam a bul nisuah nak lam pen nitum nak lam tian Issachar ngam um tuk hi.
\v 26 Issachar ngam a bul nisuah nak pen nitum nak tian Zebulun ngam um tuk hi.
\v 27 Zebulun ngam a bul nisuah nak lam pen nitum nak lam tian Gad ngam um tuk hi.
\v 28 Gad ngam a hanglam a khen nak cu Tamar khuapi pen pan Kadesh khuapi Meribah tui tian hei hihen, tuipi thuanthum sungah a lut tum mi ngun tuipi tian hei hihen hawh tuk hi.
\v 29 Hi thu cu Isarel miphun hinnam lo co tuk kungkhai bawl in a sem mi lei ngam, hi thu cu a muhtei khennak hang a um mi ngam a tuam tek hitin, Topa Pathian in thupia hi.
\s Khuapi luhtum nak kongka pi te
\p
\v 30 Khuapi pen tul nak kongka pi te cu khuapi saklam pen thawngli le zanga (4,500) zal in,
\v 31 Khuapi luh tum nak cu Isarel miphun hinnam keng in saklam pen Reuben kongka, Judah kongka, Levi kongka tih mi kongka pi luh tum nak pathum um tuk hi.
\v 32 Khuapi nisuah nak lam pen thawngli le zanga (4,500) zal in Josep kongka, Benjamin kongka, Dan kongka tihmi luh tum nak kongka pi pathum um tuk hi.
\v 33 Khuapi hanglam pen thawngli le zanga (4,500) a zal a um hang Simeon kongka, Issachar kongka, Zebulun kongka tih mi luhtum nak kongka pathum um tuk hi.
\v 34 Khuapi nitum nak lam pen thawngli le za nga (4,500) a zal a um hang Gad kongka, Asher kongka, Naphtali kongka tihmi kongka pathum um tuk hi.
\v 35 Mah tihcun khuapi elkim a sau lam cu thawngheiliat (18,000) um tuk hi. A dit mi ni penpan mahmi khuapi cu Jehovah shammah tin sam tuk hi.