cnw_reg/18-JOB.usfm

\id JOB
\ide UTF-8
\rem The text in this file was extracted from C:/DCS/Chin, Ngawn/WORD/18. JOB. docx.
\mt Job
\h Job
\mt Job
\toc1 Job
\toc2 Job
\toc3 job
\c 1
\p
\v 1 Job tih mipa cu Uz ngam ah um hi. A mah cu a cangkim mi dik hi. Pathian a lau tu phat ngawlnak nuncan a pial tupa hi.
\v 2 Capa salih le canu pathum nei hi.
\v 3 A neihnak cu tuu thawngsalih (7,000), kalauk thawngthum (3,000), khui leng zanga (500), laak nu zanga (500), na dek tu sawnzawh ngawl tam a neih hang, a mah cu nisuah nak lam miphun hempoh te sang a thupi saw mipa hi.
\v 4 Job cu a cate kum sial hincam a hen ten a inn pen puai a bawl hang, a U nu pathum te sam in an eihnak puai bawl thei haw hi.
\v 5 Puai a bawl cengten, Job cu a mun sam in a thianlim tik cengten zing khawma no tho in, a muhtei sial mi bang meihal biakpiak nak a lu piak mi um hi. Itahum titale, ka caten sual bawl in a thinlung sung pen Pathian cu vawk haw zo hitin Job in phawk hi. Mah tihcun Job in a cat ngawl a bawl mi um hi.
\s A veikhat Job a culnak
\p
\v 6 Pathian caten Pathian nelah na dek tuk a hun mi ni a hen ten, Satan vang a muhte tuah hung langkhat hi.
\v 7 Pathian in nang cu ai lai pen heng cim tin Satan a dot ten Satan in, leihum ah vak kawkawi in mun hempoh hawh nak pen hung ing hitin, don leh hi.
\v 8 Pathian in ka sila Job cu ngaisung toh cim. Leihum ah a mah tuah a bang ve mi pakhat no hei um ma hi. Cangkim a dik mi hi. Pathian a lau tu a pha ngawl mi nuncan ziaza a pial tupa hitin, Satan nelah ti hi.
\v 9 Satan in Job cu thupha imah co ngawlin Pathian lau in bawl maw?
\v 10 Topa in a pumpi pepan a inn le a neihnak elkim hempoh sen uum hima maw. A bawl mi hempoh thupha pia zo hi. A tuu, khui tihmi nganhing te cu leihum ah tampi pungzai zo hi.
\v 11 A tuin, a khut zakin a neihnak hempoh khengkha tale a man a mai pen Topa cu zamsan tuk hitin, Pathian cu don leh hi.
\v 12 Pathian in a neihnak hempoh na khut sungah um hi. A pumpi pakhat bek tokkha pah sin hitin a tih ten, Satan cu Pathian nel pen tul ta hi.
\p
\v 13 Nikhat ni in Job canu ten a Upa bel inn pen an ei, cabit tui in a um haw laih tak,
\v 14 Job nelah thupuak tu pakhat hung in, khui te cu lo let in a muhtei bulah laak nu te khal in a um haw ten,
\v 15 Sheba miphun ten do in la haw ta hi. Mihing a cing tute vang nam tuah that in keimah pakhat bek tang in nangmah thuthang puak hilh ing hitin, ti hi.
\v 16 Mah tihcun a son laih tak midang pakhat hungin Pathian mei cu vanhum pen a cak hang, tuu te le mihing a cing tute kang in a muhte cu kang khawng haw zo hi. Mihing a cing tute vang that keimah pakhat bek tang in nangmah thuthang puak ing hitin, ti hi.
\v 17 Mah tihcun a hilh lih laih tak a dang mihing pakhat hungin Chaldean miphun ngalkap bu thum te hungin kalauk te do in la haw zo hi, Mihing a cing tute vang nam tuah that keimah pakhat bek tang in nangmah thuthang puak ing hitin, ti hi.
\v 18 Mah tihcun a hilh laih tak midang pakhat hungin na canu ten a U pa bel inn pen an ei, cabit tui in a um haw ten,
\v 19 Ngam lak huih pi theu in inn ning kil li pen a theu hang, inn cu tangval tei hum ah cim hi. A muhte thi keimah pakhat bek tang in nangmah thuthang puak ing hitin, ti hi.
\p
\v 20 Mah ten Job cu tho in a puan botkek hi. A sam vang met leihum ah bop in a biak cengten, kei cu thacang in ka nui pum sung pen suak ing hi.
\v 21 Pumpi thacang in ka nui pum sungah tum leh tuk toh ing hi. Pathian in pia hi. Pathian in la leh hi. Pathian min cu thupha um ta hen hitin, ti hi.
\p
\v 22 Job cu hi thu tuah tawk naven sual bawl ma hi. Pathian vang mawhsiat ngawl in um hi.
\s A veinih Job a culnak
\c 2
\p
\v 1 Mah cengten, Pathian caten Pathian nelah na dek tuk a hun ni a hen ten, Satan vang Pathian nelah na dek tuk a muhte tuah langkhat in hung hi.
\v 2 Pathian in nang cu ai lai pen hung cim tin Satan a dot ten, Satan in leihum ah vak kawkawi in mun hempoh hawhnak pen hung ing hitin, don leh hi.
\v 3 Pathian in ka sila Job cu ngaisung kha toh cim? Leihum ah a mah tuah a bang ve mi pakhat no hei um ma hi. Cangkim a dik mi hi. Pathian a lau tu a pha ngawl nuncan ziaza a pial tupa hi. A thu um ngawlin a mah siatsuah tukin nang cu keiman sosuah ta vang a mah cu a dik mi thinlung nei hitin, Satan cu thupia hi.
\p
\v 4 Satan in, tui ca in tui hitin a son mi bang mihing in a nunnak ca in a neihnak hempoh keiman pia tung hi.
\v 5 A tuin a khut zaak leh in a nguh le a taksa khengkha tale a man na mai pen Topa cu zamsan tuk hitin, Pathian nelah don leh hi.
\p
\v 6 Pathian in a mah cu na khut sungah um hi. A nunnak bek cu luat tik in hitin a tih ten,
\v 7 Satan cu Pathian nelpen tul in Job hi ke phalh lek pen pan a lu tian a sia suak mi uilut tampi po tik hi.
\v 8 Job in a mah le mah kiat tuk leibel keh cawi in meikam vut sungah khung hi.
\v 9 Mahten a nupi in nang cu a dik cang mi thu len lo tuk laih cim maw? Na Pathian cu zamsan thi ten hitin, ti hi.
\v 10 Job in numei misil awnkam bang nangman son ci. Itihbang heng? Kohten ohtei Pathian khut sung pen daihnak a co uh hang, haksat cimnak thuak tuk ma maw tin, ti hi. Job in hi thu tuah tawk ta vang kam tuah hei in sual ma hi. Job ngualcam pathum
\v 11 Mah ten Teman miphun Eliphaz, Shuh miphun Bildad, Naamath miphun Zophar tih mi Job ngualcam pathum te a ma nelah a hung mi hi thu buaipi hempoh te thuthang a zak ten Job cu kah nak tuah a mah nem tukin hulawmkhawm tuk a tep mi bang, a muhtei umnak mun tek pen hung haw hi.
\v 12 A mun khuala pi pen zo in Job cu a thei ngawl ten, aw suah nging zet in kap haw hi. A muhtei silh mi puan tek cu botkek leivul a lak cengten, a muhtei luhum ah cak tik tukin, vanhum ah lawn to haw hi.
\v 13 Ni salih sung Job tuah leihum ah khung in, a mah cu nasezet haksat cimnak a thuak mi a muhten, a kuamah in otpih ngam ngawlin um haw hi.
\s Job hi awnkam sonnak
\c 3
\p
\v 1-2 Mah cengten Job cu a kam keu a hin ni tamsiat in a son mi cu,
\v 3 Ka hin ni cu sia ta hen. Capa cu pai zo hitin thuthang hilh mi ni zan vang sia ta hen.
\q
\v 4 Mahmi ni cu thim ta hen. Pathian in mitmai pia ma hen. Vak nak heng tik ma hen.
\q
\v 5 Khuathim thihnak in mahmi minthan nak ni cu zawt ta hen. Meingo a thuah in khuh ta hen. Sun huncan huham cu lau nak in cang ta hen.
\q
\v 6 Mahmi zan cu khuathim sungah tham ta hen. Kum sial ni sial nak tuah kom tik pah sin.
\q
\v 7 Ha sialnak ah kom in tel tik pah sin. Aw, mahmi zan cu dai diudeu hen. Thatui lungdam nak aw um ma hen.
\q
\v 8 Huncan ni tengin tamsiat thei pa, tui saltam a tho tik thei tuten mahmi zan cu tamsiat hen.
\q
\v 9 Zan aksi te cu thim ta hen. Mahmi zan vak nak cu ngai in ngah tik pah sin. Zingkhua vak hei mu tik pah sin. Itahum titale,
\v 10 Ka nui pum khak ngawl haksat cimnak keiman mu tuk ngawl in kham sak ma hi.
\q
\v 11 Kei cu ka sen tung laih ita thi ngawl in um hum? Ka nui pum sung pen ka suah tul pen pan ita thi ma hum?
\q
\v 12 Keimah ita pompai hum? Ita a nawi tulh hum?
\q
\v 13 Mah tihcun a bawl ma tale kei cu daiden hihbu zo ing. Nop zet in um zo ing.
\q
\v 14-15 Khuapi a cim te a lem tu leihum kumpi, bawi te tuah hei hihen sui ngah thei in van koih nak inn sungah ngun a dim a khawl thei mi kumpi te hei hihen, kei cu um zo ing.
\q
\v 16 Mah a hima tale hun le can ni a kim laih ngawl a hing mi naupang, vaknak a mu ngawl mi nauno bang keimah cu sia zo ing.
\q
\v 17 Mahmi umnak mun pen mi sual ten noksak nak bawl leh ma zo. Tha cawl miten colhhah dam nak co haw hi.
\q
\v 18 Kol tang mite vang a bang ve mi daihnak co haw. Tamsiat mi a ma awnkam aw za haw ma zo.
\q
\v 19 Mahmi umnak mun ah U pa le naupang um haw. Sila vang a topai khut pen luat hi.
\q
\v 20 Haksat cimnak a thuak tupa cu ita vak nak pia hum? Thinlung a kha mipa cu ita nunnak pia hum?
\q
\v 21 A mun thihnak cu deih in co thei ma hi. Sel mi neihnak pholh tuk a cawh sangin thihnak thu lak tukin cawh mi cu a thuk saw in co haw hi.
\q
\v 22 A mun thankhuk sung a muhten lungdam cuang in thatui haw hi.
\q
\v 23 A hawh nak lamzin a pai tupa, Pathian in kham in kol a tang mipa cu vaknak le nunnak ita pia hum?
\q
\v 24 An eihnak thu sungah keiman phun ing. Ka kah nak mit hitui vang tui luang bang hi.
\q
\v 25 Ka lau mi thu cu ka nelah heng zo. Ka lau zet mi haksat nak cu keiman tawk zo ing.
\q
\v 26 Kei cu daihnak um ma hi. Daihnak um ma hi. Nopnak um ma hi. Haksat cimnak tuah bek um hitin, ti ing.
\s Eliphaz
\c 4
\p
\v 1 Mah ten Teman miphun Eliphaz son mi cu,
\v 2 Kohten nangmah otpih tale nang cu thinkham hei in um tuk ci. Mah naven, a kua in awn ngawlin um thei hum?
\q
\v 3 Nangman mihing tampi te thu hilh zo ci. Thazang ngilnak a nei mite vang tha khoh tik zo ci.
\q
\v 4 Na awnkam in a lum bah mipa cu dom hi. Thazang a nei ngawl mi khuk vang thazang khoh tik zo ci.
\q
\v 5 A tuin nangmah loli hi thu na tawh ten thinkham ci. Haksat na thuak ten ngaihsut haksa in um ci.
\q
\v 6 Na U pat nak lungmu, upnak lungmu, muansan nak lungmu, a kho mi lungmu, a dik mi nuncan thiamnak lungmu ai lai ah um hum?
\q
\v 7 Sualnak pen luat napi in siatnak ah a kua heng hum? A dik mipa cu ai lai munah tawp hum tih mi ngai sung in.
\q
\v 8 Ka muh mi bang mi pha ngawl lo bung tupa le sualnak anci a vawh tute cu mah tihbang in cang at thei haw.
\q
\v 9 Pathian in a sem hang a muhte cu siatsuah in, a haihawh nunnak vang sung haw zo.
\q
\v 10 Pawpi hawknak, hangzet in pawpi aw ham nak, pawpi no te pet in a eihnak cu dai hi.
\q
\v 11 Man in eih tuk a um ngawl ten a hang zet mi pawpi thi cu pawpi nu in a cate mun hempoh ah tham kek haw hi.
\q
\v 12 A tuin keiman daiden no muh nak co in aw neu no cu za ing.
\q
\v 13 Mihing tampi hihbu ci zet in a lamdang muhnak a lang mi huncan zan hun ten ka phawh laih takin,
\v 14 Ka nguhte hing tuk tian ka lau zet hang candalh ing.
\q
\v 15 Hawvang pakhat cu ka mai pen a kalh hawh in, kei cu khuasik mul po hi.
\q
\v 16 Mahmi hawvang cu ding in a lang ciang ngawl mi mel bek keiman mu ing. Ka zak mi awnkam aw cu,
\v 17 A thi thei mihing cu Pathian mai pen dikcang nak um maw? Mihing cu semsuah tu mai pen a thiangtho nak um maw?
\q
\v 18 Na dek tuten um haw ma hi. Vancung mite hei cangkim nak um ma hitin, ti hi.
\q
\v 19 Mah ahitale leivul sungah um in lei sungah a um thei mi a muhte cu ai son tuk um hum? A mun lungthan te bek neh thei hi.
\q
\v 20 Nikhat sung sia thei haw hi. A kuamah sihsan ngawl in a cat ngawl sunnak ah heng thei haw hi.
\q
\v 21 A muhtei minthan nak cu pai in a mun cihnak nei ngawl in thi thei haw hi.
\c 5
\p
\v 1 A tuin sam in. Itihbang in don tuk hum? Mi thiangtho tei lak pen a kua zo in cuan hum?
\q
\v 2 Thinuuk in misil cu sia tik thei hi. Cihnak a nei ngawl mite vang sonsiat nak lungmu tuah thihnak ah heng thei hi.
\q
\v 3 Mi sual a zungman ka muhten a ma umnak cu tamsiat paih thei hi.
\q
\v 4 A canu le capa ten haksat luatnak munpen khuala zet haw hi. Zung mai pen bawl siatnak a thuak ten pan tu pakhat no hei um ma hi.
\q
\v 5 A ma sih mi cang cu ningkial mipan lingkung up mi huan sung pen la in ei thei hi. A neihmi van te vang dangdum mipan hem thei hi.
\q
\v 6 Leivul lak pen thu a heng mi hima hi. Haksat nak cu leihum ah po thei ma hi.
\q
\v 7 Meivam te hum lam ah a leng to thei bangin mihing cu haksat nak sungah nung tuk in hing hi.
\q
\v 8 Kei cu Pathian muang tung. Ka thu cu Pathian nelah ap tung.
\q
\v 9 Pathian cu a ngeng mi thu kan in a bo thei ngawl mi thu, sial zawh ngawl mi mangbangza thu hempoh bawl hi.
\q
\v 10 Leihum ah nguah a zuk tik hang, lo sungah tui pia thei hi.
\q
\v 11 Mah tihcun niamkhiat in a um mite khaisang hi. A son siat tute vang lungdam tik hi.
\q
\v 12 Zol thu a bawl mitei thu cu pi tung tik tuk ngawlin a muhtei ngaihsut nak siatsuah hi.
\q
\v 13 Mi cip te cu a muhtei zol nak hang in man hi. Zol thu sonthiam tei thuvai siamnak cu a thupi ngawl in cang tik hi.
\q
\v 14 A mun sun huncan ten khuathim cu tawk in sun laih tak huncan ten zan huncan bang hawh haw hi.
\q
\v 15 A muhtei bawl mi ngalnam haksat nak pen hihen, thazang ngilnak a nei mitei khut sung pen hei in hihen, mizawng cangah te pan hi.
\q
\v 16 Mah tihcun mizawng haksa ten muansan nak thu nei haw hi. A dik ngawl mi thu tuah a kam cu hup hi.
\q
\v 17 A sual bang Pathian in a cek nak thu a co tupa cu thupha um hi. Mah hang huham thu nei tu Pathian thu hilhnak cu sumsial ngawl in um pah sin.
\q
\v 18 A man meima cang tikin mahmi meima cu tuam sak hi. Dantat in a khut tuah nemcuam tik hi.
\q
\v 19 Na haksat nak nam luk sung pen a pat bek sial ngawl, sualnak salih sung hei pen in haksat nak pakhat no hei kheng kha tik tuk ma hi.
\q
\v 20 Ningkial pamtung ten thihnak haksat pen hei hihen, ngaldo ten ngalnam khut sung pen hei hihen, nangmah cu tan tuk hi.
\q
\v 21 Nang cu mawhsiat nak pen luat in siatnak le haksat nak a heng ta vang lau pah sin.
\q
\v 22 Siat theih haksat nak le ningkial pamtung haksat nak cu nuihsan in ngam sung sahang te lau pah sin.
\q
\v 23 Itahum titale, lo sung ah suang pum ten nangmah tuah thukhaam bawl in ngam sung sahang ten nangmah tuah pawlkom nak nei haw tuk hi.
\q
\v 24 Nang man na inn sungah daihnak a um thu mu in, na umnak mun ah a hen leh ten thinkham nak thu um ma hi.
\q
\v 25 Na nelah canu le capa a tampi hang, na miphun hinnam cu leihum pen hampa kung tuah a bang mi thu mu tuk ci.
\q
\v 26 Huncan a kim tale a khop mi cangtel bang nang cu kum U ham in khanmual ah hawh tuk ci.
\q
\v 27 Hi thu cu keiman kan in ka hilh mi bang in man hi. Ngai in hi. A pha mite cu na thinlung sungah khum in hitin, ti hi.
\s Job
\c 6
\p
\v 1 Mah cengten Job son ka thasiat mi thu cu phatak zet cuai khai in hi. Ka thuak mi haksat cimnak te vang cuai tehnak ah koih in.
\q
\v 2 Ka thasiat mi thu cu phatak zet cuaikhai in hi. Ka thuak mi haksat cimnak te vang cuai tehnak ah koihin um hen.
\q
\v 3 Mah tin ahitale tuipi thuanthum philnel sang ngit saw tuk hi. Mah hang ka awnkam val zo hi.
\q
\v 4 Huham a nei mi thalcang ten ka nelah mung in, ngusia tuah ka hawvang in tik hi. Pathian lak mi a lauhuai thu te ka mai ah tiang in koih haw.
\q
\v 5 Ngam lak ah a um mi laak cu hampa kung a tam ten ham thei maw. Khui cu an eih a tam ten ngung thei maw.
\q
\v 6 A cik um ngawl ci tel ngawl in an ei thei cim? Aktui hawng a ngo cu a uuknak um maw?
\q
\v 7 Khut tuah tohkhak thei ngawl ka deih ngawl mi cu thasiat nak tuah keiman ei ing.
\q
\v 8 Ka nget mi thu ngah hen. Ka deih mi cu Pathian in pia hen.
\q
\v 9 Ka deih mi Pathian in keimah siatsuah hen. A khut zak in keimah that hen.
\q
\v 10 Mah tihbang a hi tacun kei cu nop tuk hi. A son siat ta vang thuak tung. Keimah cu sahelh ma hen. A thiangtho mi a ma awnkam cu keiman el mang hi.
\q
\v 11 Ka muansan nak thu co tuk in ka thazang ngilnak cu ai tihbang hum? Keiman ka nunnak cingkem tuk in a dawl ta bel thuak mi phatnak cu ai hum?
\q
\v 12 Ka thazang ngilnak cu suang thazang ngilnak maw? Ka taksa cu dal hi maw?
\q
\v 13 Keiman keimah cu bawm thei ngawl in ka cihnak vang bo zo hi.
\q
\v 14 Cimnak ah a heng mi a ngualcam cu ningnat tuk mi hi. Ningnat nak um ma tale huham thawmngeng pa launak um ma hi.
\q
\v 15 Ka U le nau ten luitui bang hei in hawkluam sungah a luang mi tui bang thawn in tham thei haw hi.
\q
\v 16 Mahmi lui tui cu tuikhal hang in hihen, a lang ngawl mi dai nguah hang in hihen,
\v 17 Man zet in khal thei naven, a sa ten tham thei hi. Ni sa ten a ma umnak kelah kang thei hi.
\q
\v 18 Mahmi luitui luang te a pial luang in thawn he het in tham thei hi.
\q
\v 19 Teman hulopkhawm nak te zei thei haw hi. She-ba ngam pen khualzin tupa cu hulawmkhawm tu ten ngak in hung haw hi.
\q
\v 20 Muansan nak hang thinkham in um haw. Mah lai mun ah a hen ten zahcak nak tuah um haw hi.
\q
\v 21 Mah bang bok nohte cu a thupi nak imah um ma uh ci. Ka haksat cimnak te mu tale pial in um uh ci.
\q
\v 22 Ka nelah laksawng keng un. Nohtei neihnak pen suah in keimah pia un.
\q
\v 23 Ngal tei khut pen keimah pan un. Ngal hang tha ngil mitei khut sung pen tan leh un hitin keiman hilh ing maw?
\q
\v 24 Keimah thu hilh un. Daiden no um tung. Ka sual mi thu cu keimah hilh un.
\q
\v 25 A man mi awnkam cu huham ngeng hi. Nohtei son siat nak awnkam ai lai ah um nak um hum?
\q
\v 26 Ka awnkam ot bek hei in mawh siat nak ngaisung tuk uh cim maw? Muansan nak a nei ngawl mi pai son mi awnkam cu huih vo cang hi.
\q
\v 27 Nohten nu le pa nei ngawl naupang te bawlsiat uh ci. Ngualcam tei ca khuk cawh sak zo uh ci.
\q
\v 28 Keimah cu thinlung nei ngawl in zo un. Nohtei mai pen keimah zol un.
\q
\v 29 Ngaisung leh ta un. A man ngawl mi thu tuah bawl pah sun. Ngai sung leh ta un. Hi thu sungah kei cu mi dik ing hi.
\q
\v 30 Ka lei ah a kawi mi lungmu um maw? Keiman tep in sual a um mi thu khenkhuai in thei thiam thei ma maw?
\c 7
\p
\v 1 Mihing te leihum pen cim zet in van pua hima maw? A um mi ni le huncan te cu thacial tupai ni huncan tuah bang ve hima maw?
\q
\v 2 Sila na dek tupan khuathim huncan ngakhel in a tha cial mipan a thaman co tuk huncan a muansan bang,
\v 3 Mah bang bok kei cu haksat nak ni le ha te tuah seng hi. Cim zet thuak mi zan huncan te vang keima na deh hi.
\q
\v 4 Ituk huncan ten zan hun bo in kei cu tho tuk hum tin kei cu phu thah in zau ing. Zing khaw vak tian lumlet kawi in um ing.
\q
\v 5 Thanlung le cinciak ten puan bangin ka pumpi cu tuam haw. Ka vun keh a naikuah in um hi.
\q
\v 6 Ka ni le huncan te thiamlum nim sang man lang saw in muansan nak um ngawlin bo thei hi.
\q
\v 7 Ka nunnak cu huih bek ta tak a hihnak thu phawk ing. Mah cengten vanhum phatnak keiman mu mang hi.
\q
\v 8 Keimah a mu tupa cu tunung ten mu leh tuk ma toh hi. Topai zoh ten kei cu pai zo ing.
\q
\v 9 Meingo a tham bang than khuk sungah a lut tum tupa cu tunung ten kai to leh tuk ma hi.
\q
\v 10 A inn ah pin leh ma hi. A ma umnak mun cu a man thei leh tuk ma hi.
\q
\v 11 Mah hang, keiman ka kam cu sup mang hi. Thin khamnak tuah awn ing. Thasiat nak thinlung tuah kap ing.
\q
\v 12 Kei cu tuipi hi ing maw? Ngul long pheng hi ing kaw? Mah tihbang a hih hang, kei cu a cing tu koih hima maw?
\q
\v 13 Kei cu zau in nop cuam tuk hi. Ka zaunak in nem tuk hitin ka tih ten,
\v 14 Topan a lauhuai mi mang cu pia hi. Zan lam ten muh nak hang, keimah cu candalh tik hi.
\q
\v 15 Keiman ka nguh te sahelh tuk sang ka nunnak bo in thihnak cu pha saw hitin, ngai sung ing.
\q
\v 16 Kei cu thakiam in um ing. A cat ngawl in nung tuk mang hi. Keima um mi bangin um tik in. Ka nunnak cu a khu tuah bang ve hi.
\q
\v 17 Topan mihing cu sihsan in a thinlung sungah a cam lo tuk thu cu,
\v 18 A mah cu zing sial zo tuk hungin a tu le tu a cul tuk thu mihing cu itihbang mi hum?
\q
\v 19 Ituk huncan pen keimah zo ngawlin a mitmai pen pial tuk hum? Kei cu ka cil hem tuk tian, ituk huncan pen a um mi bang um tik tuk nen tim?
\q
\v 20 Mihing cing tupa ka sualnak a um mi cu a man mi hi. Topai mai pen a nawngkai um tuk tian keimah ita sial siah tuk in bawl hum?
\q
\v 21 Ka sual nak ita ngaithiam ma nen tim? Ka sual bawl cu ita son sak ma nen tim? A tuin kei cu leivul sungah zau tung. Topa cu zinglam huncan in a zei ten kei cu um mang hitin, ti ing.
\s Bildad
\c 8
\p
\v 1 Shuh miphun Bildad son mi,
\v 2 Nang cu ituk huncan tian hih tihbang in son tuk cim? Na son mi awnkam cu ituk huncan tiang huih theupi bang tuk hum?
\q
\v 3 Pathian in a dik ngawl mi sual dantat pia tuk maw? A huham thu cu siatsuah tuk maw?
\q
\v 4 Na canu le capa ten Pathian cu sual a bawl hang, sual a bawl laih in a muhte that naven,
\v 5 Nangmah ngak ngawlin a thiangtho a dik mi lungmu tuah Pathian cu zei in huham nei tupa nelah ngen tale,
\v 6 A thungai na ca in Topa cu tho in nangmah a dik mi umnak thupha a co tik hang,
\v 7 Nang cu a pat penpan neu naven a dawl bel ten khangto zet tuk ci.
\q
\v 8 A bo sa huncan te kan in tanglaih pu le pa te thu dong tukin zuam in.
\q
\v 9 Kohte cu zan sun in a suak mi capa hih hang, imah theih mi um ma hi. Leihum ah ohtei um mi ni le huncan cu lim bang ta tak thong hi.
\q
\v 10 A mun nangmah thu hilh in a muhtei thinlung pen son haw tuk hi.
\q
\v 11 Papyrus (pumpeng) kung cu cinciak um ngawl in khang thei ma hi. Ngun tuipi bulah a po mi hampa kung cu tui um ngawl in khang thei maw?
\q
\v 12 Mahmi thingkung hing cu talh ma naven a dang thingkung sang vuaibaih saw hi.
\q
\v 13 Mah tihbang in Pathian a phawk ngil tu hempoh siatnak ah heng haw tuk hi. Mipha ngawl tei muansan nak thu cu sia tuk hi.
\q
\v 14 Mahmi a muansan nak lamzin sia tuk hi. A muan mi thu vang, maimom zangkan bang cang tuk hi.
\q
\v 15 Mahmi pan a inn muangin a inn cu suan tak ma hi. Khut tuah len ta vang kho tik thei ma hi.
\q
\v 16 A mah cu ni sa ten hing didiah a khut kangkak tuah a huan dim tik in,
\v 17 A zung tuah cik tui cu bawm dun in suangsah pi umnak cu mu in um naven,
\v 18 A mah that in a ma umnak mun pen nangmah keiman mu awng mang tin a mah cu el tuk hi.
\q
\v 19 Mahmi pai lungdam nak lamzin cu mah tihbang a hih hang, a ma umnak lei ah a dang te po haw tuk hi.
\q
\v 20 Cangkim mipa cu Pathian in zamsan ma hi. Phat ngawlnak a bawl tu hempoh bawm ma hi.
\q
\v 21 Nuihnak thu, thatui zet kam pen son mi thu cu na nelah pia hei in pia thei hi.
\q
\v 22 Nangmah a hua tute cu zahcak nak tuah khuh cih in um haw tuk hi. Mi ngilo pai umnak cu siatnak ah heng tuk hitin, ti hi.
\s Job
\c 9
\p
\v 1 Job in a don lehnak awnkam cu,
\v 2 Man zuh hi. Mahmi awnkam a man mi thu cu keiman thei ing. Mah naven, Mihing cu Pathian mai pen itihbang in heng thei tuk hum?
\q
\v 3 Pathian in mawhsiat tuk a deihnak a um tale mihing ten sual bawl thawgkhat sung pen pakhat no hei hah sak thei ma hi.
\q
\v 4 Pathian cu a lamdang mi theihnak, huham thawmngeng nak tuah a dim hang a kon a thu neihnak cu el in neh thei hum?
\q
\v 5 Pathian in mual cu theih ngawl laih in thawn hi. A thinuuk nak suak in lumlet hi.
\q
\v 6 Leipi thawn tukin a nawm hang, leikhuam te hing haw hi.
\q
\v 7 Ni cu thucah in a mah cu suak tul ma hi. Aksi te vang lim hi.
\q
\v 8 Vanhum cu Topa a mah bek in dim hi. Tuipi thuanthum tui lumlet pi cu pal hi.
\q
\v 9 Arc-tu-rus aksi, Ori-on aksi, Ple-ia’des aksi penpan hanglam aksi innpi te bawl hi.
\q
\v 10 Kan in theih zawh tuk ngawl a tam mi thu, sialzawh tuk ngawl in a tam hang mangbangza thu te bawl hi.
\q
\v 11 Ka mai ah hung in Topa cu keiman mu mang hi. Thawn in Topa cu keiman kan thei mang hi.
\q
\v 12 A laak ten a kon kham thei hum? Itin bawl hum tin Topa cu a kon son ngam hum?
\q
\v 13 Pathian thinuuk nak a pha ma tale pualthau ngal in thazang nei mitei ke nuai ah bawl siat nak thuak haw hi.
\q
\v 14 Mah bek sial ngawl in keiman a kua hilh leh tuk hum? A mai pen ai tihbang mi awnkam teng in hilh tuk hum?
\q
\v 15 Kei cu a dik mi hi ta vang son leh ngam ngawlin thukhen nak a nei tu cu hehpih kutnak bek bawl ing.
\q
\v 16 Ka sam mipa’n don naven ka awnkam ngai tuk hitin keiman um thei mang hi.
\q
\v 17 Itahum titale, culnak tampi tuah keimah bawl siat a thu um ngawlin keimah natnak tam tik hi.
\q
\v 18 Ka haihawh nak thu pia ma hi. A kha zet mi haksat nak tuah dim tik hi.
\q
\v 19 A huham muang tuk ngawlin son ten Pathian cu huham a thawmngeng hi. A thudik muang tukin son leh ten a kon keima lam ah theihpih nak thu nei tuk hum?
\q
\v 20 Ka sualnak zah tukin bawl tale a awnkam hang sung tuk hi. Kei cu cangkim ing hitin son leh tale ka thinkawi nak thu lang tuk hi.
\q
\v 21 Mah cengten cangkim leh ta vang ka thinlung mu cu thei cop mang hi. Ka nunnak sihsan tuk um ma hi.
\q
\v 22 Ka son tuk mi awnkam pakhat cu Pathian in cangkim mite hei hihen, mi siasuak te hei hihen siat suah thei hi.
\q
\v 23 Haksat nak pakhat a hen cop paih ten, sual nei tupai a thuaknak cu nuihsan hi.
\q
\v 24 Leipi cu misual khut sungah ap in thukhen tutei mitmai siatsuah hi. Mah a hima tale mahmi thukhen tu cu a kua hum?
\q
\v 25 Khuapi pakhat pen khuapi pakhat ah lai puak tu tangval sangin ka ni le ha te a manlang in phatnak co ngawlin tai thei haw hi.
\q
\v 26 A manlang mi tembaw bang in hihen, sa pul cu mu vanlai peh mi bang in hihen, liam thei haw hi.
\q
\v 27 Keiman kahnak awnkam cawl in thatui nak mitmai keng ngalhan nak heng tuk hitin ka son ta vang,
\v 28 Ka thuak mi haksat cimnak hang, launak lungmu um hi. Sual pen luat hen tin a thukhen ngawl nak thu cu keiman thei ing.
\q
\v 29 Kei cu mi sual hi tale ita keiman a thawn thong in zuam tuk hum?
\q
\v 30 Keimah le keimah nguah tui tuah som in ka khut thiangtho zet tik ta vang,
\v 31 Keimah cu cinciak sungah nawmvawk in ka puan hei keimah le keimah nawngkai tuk hi.
\q
\v 32 Kohten pakhat le pakhat thu man mu thei tukin, Topa don thei tukin Pathian cu keimah bang in mihing hima hi.
\q
\v 33 Kohtei panih lak lawh ah kham sak in a cing tu um ma hi.
\q
\v 34 Keimah dan tat ma hen. A bawl mi haksat nak hang, keimah lau tik pah sin.
\q
\v 35 Mah ahitale, keiman lau ngawl in son theih nak thu um tuk hi. A tuin sonnak tuk thu um ma hi.
\c 10
\p
\v 1 Ka hawvang in nunnak ciat hi. Kah mi sual cu thuak tung hi. Ka thinnau hang son tung.
\q
\v 2 Pathian nelah a hilh mi awnkam cu keimah sual thukhen pah sin. Keimah tuah do tukin bawl mi thu cu lak in.
\q
\v 3 Topa cu bawl siat tuk kul maw? Na khut tuah bawl mite hua in mi siasuak tei phat ngawlnak a piak mi thupha piak tuk kul maw?
\q
\v 4 Topa cu muh theih mi mit nei maw? Mihing muh theih bang in mu maw?
\q
\v 5 Topai ni le huncan te mihing te bang hi maw? Topai kum te mihing pano ni le hun bang hi maw?
\q
\v 6 Ka bawl mi sual kan in sual mu tukin ita zei hum?
\q
\v 7 Kei cu mi sia suak ngawl thu le a khut sung pen a kuamah a pat theih ngawl nak thu thei hi.
\q
\v 8 Ka pumpi hempoh a khut tuah a bawl hang a tuin siatsuah tuk maw?
\q
\v 9 Cinciak a cawi bang a bawl nak thu phawk in. Mah cengten leivul ah cang leh tik tuk maw?
\q
\v 10 Keimah cu khuinawi bang lei in, dingkhe bang khal tik zo hima maw?
\q
\v 11 Vun taksa tuah tuam in nguh le thazung tuah kho tik zo hi.
\q
\v 12 Nunnak co tuk mi thu tuah a hehpih nak te pia zo hi. A hehpih cingkep nak ka hawvang cu bawm zo hi.
\q
\v 13 A tuin a heng mi thu hempoh a thinlung sungah khawlin a ngaihsut nak bang a hen nak thu keiman thei ing.
\q
\v 14 Sual ka bawl tale Topan sialsiah hi. Ka sual cu ngaithiam tuk ma hi.
\q
\v 15 Kei cu siasuak tale thupha um ma hi. Midik hi ta vang a mitmai pha lak ma hi. Ka thuak mi haksat cimnak cu ngaisung in buai zet um ing.
\v 16 Kei cu tho tale nang cu pawpi bang ka humah dawkin lauhuai nak thu te lak ci.
\q
\v 17 Ka langlam pen theihpih tu a tamzet hang, ka hum ah a thinuuk nak khangin ka hum ah na ngalkap bu te a thuah a thuah in do tik haw hi.
\q
\v 18 Keimah cu ka nui pum sung pen ita pui hum? Mah tihcun a bawl ma tale kei cu nunnak um ma hi. A kuamah in keimah cu mu tuk ma hi.
\q
\v 19 Kei cu mihing hima tale kei cu ka nui pum sung pen than sungah kuat hi.
\q
\v 20 Ka nunnak ni dawm laih no cu bo zo hima maw?
\q
\v 21-22 Khuathim le thihnak a dim mi ngam thihnak a lim cang tik mi khuathim sung pen vaknak hei khuathim bek ngeh, buainak a um ngawl ngam pin leh nak tuk mi ngam ah ka hawh laih ngawl in dawm laih no nemcuam nak um tukin ka um mi bang um tik in hitin, ti hi.
\s Zophar
\c 11
\p
\v 1 Naamath miphun Zophar son mi cu,
\v 2 Awnkam tam hang a thupi nak um ma hi. Awnkam a pha mipa cu a sual pen luat tuk maw?
\q
\v 3 Na son mi zol thu awnkam hang midang ten daiden no in umtuk maw? Na mawhsiat ten a kon zakza ngawl in um tuk hum?
\q
\v 4 Nangman, ka awnkam tuang hi. Pathian mai pen kei cu thiangtho ing hitin, son zo ci.
\q
\v 5 Pathian in thupia ta hen. Nang ma lam pen awnkam son in hi.
\q
\v 6 A thuk zet mi cihnak nangmah cu hon sak hen. A dik mi cihnak cu khennih um hi. Mah tihcun lak tale nang cu sual thukhen tak mi bangin sual dantat a piak tuk ngawl thu thei tuk ci.
\q
\v 7 Nang cu Pathian hihnak kan in mu thei tuk cim maw? Thawmngeng huham a nei tupai hihnak cu kan in a venghawng theih nak nei cim maw?
\q
\v 8 Vanhum sangin sang saw a hih hang, nangman itihbang in thei tuk cim?
\q
\v 9 A sau lam leihum pi cu kal in tuipi thuanthum sang zal saw hi.
\q
\v 10 Pathian in man in a dong kan tale a kon kham thei tuk hum?
\q
\v 11 Pathian in mi siasuak tei lungmu thei hi. A muhtei phawh khak ngawl in bawl mi sual cu thei hi.
\q
\v 12 Mah naven a ngilo mi laak no cu mihing in a hen ten, mi sil pan cihnak cu phawk tuk hi.
\q
\v 13 Na thinlung lem in na khut te Pathian nelah zak hei in hihen,
\v 14 Na bawl mi sual cu vawkin na inn pen a siasuak mi thu co ngawl in hihen,
\v 15 A thiangtho mi mitmai lak tuk ci. Lau um tuk um ma, him tuk ci.
\q
\v 16 Na thuak sa mi haksat cimnak cu phawk ngil tuk ci. A bo sa mi tui bangin phawk tuk ci.
\q
\v 17 Na nunnak cu sun huncan vak nak sang in vak saw tuk hi. Khuathim hei zinglam bangin vak tuk hi.
\q
\v 18 Muansan nak thu a um hang lau nak um ngawl in um tuk ci. A tuin sung ta vang himdam nak tuah daihnak co tuk ci.
\q
\v 19 Zan na hihbuh ten a kuamah in nawmcan tuk ma hi. Mi tampi ten nangmah cu hehpih kun haw tuk hi.
\q
\v 20 Mi siasuak tei mit cu kiam tuk hi. A muhte tai in luat haw tuk ma hi. A muhtei muansan nak thu cu a khu leng bang thong hitin, ti hi.
\s Job
\c 12
\p
\v 1 Job in a don leh nak thu,
\v 2 Nang muhte bek mihing cang in nang muhte tuah cih thiam theihnak thi tuk hitin, up sual tuk thu um ma hi.
\q
\v 3 Mah naven kei cu nang muhte bang theihnak nei ing. Nang muhte sang in a thei ngawl saw mi hi mang hi. Hi tihbang thu te a kon thei ngawl in um tuk hum?
\q
\v 4 Keiman Pathian hehpih nak co tuk thunget laih tak inn nel pih tei nuihcip nak a thuak tupa ing. Sual bawl um ngawl midik pa nuihcip a bawl mi cu thuak zo ing.
\q
\v 5 A bah li a tawk tupai ca deh nak thu hitin phatnak a bawl tupan sialsiah thei hi.
\q
\v 6 Mi suam tutei umnak cu hausa thei hi. Pathian thu neihnak a el tu a muhte cu himdam no um in, Pathian piak mi hauhsak nak co thei haw hi.
\q
\v 7 Ngamsa phun le vanhum vano te dong ta un. A mun thu hilh haw tuk hi.
\q
\v 8 Leipi le tuipi ngasa te dong ta un. A mun lak in dan thu pia haw tuk hi.
\q
\v 9 Hi thu hempoh Pathian a bawl nak thu mahmi ngamsa pakhat no hei thei ngawl in um tuk maw?
\q
\v 10 Nunnak a nei mi hempoh tei haihawh nunnak le mihing hempoh tei a tul le a tum mi cu Pathian khut sungah um hi.
\q
\v 11 Kam in an a tep bang, beng in awnkam cul hima maw?
\q
\v 12 Kum U ham miten cihthiam theihnak tuah dim hi.
\q
\v 13 Pathian cu theihnak, thazang ngilnak tuah a dim hi. Theihnak a piak theih mi thu um hi.
\q
\v 14 A subal tale a kuamah in sak theihnak thu um ma hi. Mihing cu a khak tale a kuamah in hong thei ma hi.
\q
\v 15 Tui te kham in a bin tale kang tuk hi. A hong leh tale leipi cu tui hau tung tuk hi.
\q
\v 16 A huham theihnak tuah dim in a sual tupa le a sual tik tute cu nei hi.
\q
\v 17 Thuvaisiam pih bawi te cu man hi. Thukhen tute cu sil tik hi.
\q
\v 18 Kumpi te a mu umnak pen khia sukin a el pen khau tuah ken hi.
\q
\v 19 Thiampi te man in thazang ngilnak a nei mite vang sung tik hi.
\q
\v 20 Muan taak mi awnkam thuson thei mite cu awntang tikin, kum U ham mitei cihnak cu lak sak hi.
\q
\v 21 Kumpi caten mualpho in thazang ngilnak a nei mite cu zawt dem hi.
\q
\v 22 Khuathim sung pen a thuk zet mi thu te lang tik tukin, thihnak cu vaknak sungah lak hi.
\q
\v 23 Uknak ngam te khaisang in siatsuah leh tuk hi. Uknak ngam te zal tik tuk in hihen, neu tik tuk in hihen bawl hi.
\q
\v 24 Hi leihum mipi uktu U pa na dek tutei sung pen theihnak cu la in, lamzin a um ngawl mi ngam lak sungah vak kawkawi tik hi.
\q
\v 25 A muhte cu vaknak um ma hi. Khuathim cu zeet in hawh haw hi. Zu kham pa bang hawi kawkawi in hawh tik hi.
\c 13
\p
\v 1 Mahmi thu hempoh ka mit in mu zo ing. Ka beng in za in thei zo ing.
\q
\v 2 Nohtei theih mi hempoh cu keiman thei ing. Nang muhte sang a thei ngawl saw cuang mi hi mang hi.
\q
\v 3 Huham thawmngeng pai nelah ka hilh mi thu, Pathian tuah ka thuvaisiam nak thu um ta hen.
\q
\v 4 Nohte cu pakhat no hei tang ngawl in keimah zol thu a son tu, man theih ngawl mi sithiam te hi uh ci.
\q
\v 5 Nohten awnkam khat no hei son ngawlin daiden no um un. Mah tin um tale a thungai micip bangin um tuk uh ci.
\q
\v 6 Ka son tuk mi thu awnkam ngai un. Ka awnkam tuah thuvaisiam tuk mi awnkam cu thinlung sungah khum un.
\q
\v 7 Nohten sum sial ngawl mi thinlung nei ngawlin Pathian lamah son nuam cim maw? Pathian lam ah um in zol thu mang nuam cim maw?
\q
\v 8 A mitmai bek zo in Pathian lam bek ah el dun in do nuam cim maw?
\q
\v 9 Nohte cu nasezet in a zei tale nohtei lakah a hehpih nak um tuk maw? Mihing zol bangin Pathian cu zol theih maw?
\q
\v 10 Nohten sel in a mitmai zo tale a thungai in nang muhte thu hilh tuk hi.
\q
\v 11 Nohten a huham thawmngeng nak hang launak nei ma uh cim maw? A lau huai mi minthan nak hang candalh in um ma uh cim maw?
\q
\v 12 Nohtei dan thu awnkam cu leivul sang in zang saw hi. Nohtei belh mi khuapi khantian vang cinciak khuapi khan tian bang hi.
\q
\v 13 Daiden no um in keiman son hih tung. Mah cengten a thu a heng mi bang heng hen hi.
\q
\v 14 Mah naven keiman ka taksa cu kam tuah pet in ka nunnak vang a khut tuah cawi in la tuk hi.
\q
\v 15 Keimah cu that in keiman muansan nak nei ngawl ta vang, a mai pen ka sual hah sak tuk awnkam cu keiman hilh tung hi.
\q
\v 16 Mah tin bawl tale ka nunpat nak thu in cang tuk hi. Mi sual te cu a ma nelah lut tum tuk ma hi.
\q
\v 17 Ka awnkam pha tak zet sialsiah ta un. Ka hilh mi thu ngai ta un.
\q
\v 18 A tuin ka thu cu keiman ngaisung zo ing. Ka nel pen sual luatnak lang tuk hitin keiman thei ing hi.
\q
\v 19 Ka sual a lak tupa cu a kua hum? Mah tin a lak tale kei cu daiden no um in thih thuak tung hi.
\q
\v 20 Dantat nak panih bek cu kiam in hi. Mah tin kiam tale nangmah cu pial tuk ma hi.
\q
\v 21 Na khut dok leh in hi. A lau huai mi thu tuah keimah thum pah sin.
\q
\v 22 Mah ten sam in. Keiman don leh tung. Mah ahima tale keiman a masa don tung. Topa thupia in hi.
\q
\v 23 Ka bawl mi sual bawl nak te izahtak in tam hum? Ka bawl sual palcat mi sual lak in.
\q
\v 24 Topan mitmai pial in ita keimah ngal te bangin ngai sung hum?
\q
\v 25 Huihtheu mi thingceh in nawmcan tuk maw? Hampa ko pha tuk in hil tuk maw?
\q
\v 26 Ka nelah nasezet mawhsiat nak awnkam sialsiah in. Ka khan no laih ka bawl mi sual hang a tuin thuak tik in hi.
\q
\v 27 Keimah kol bulh ka suah tul nak lamzin hempoh cing in ka elkim ah kan bawl in hi.
\q
\v 28 Mah tihbang in a thuak mipa cu a muat thei mi bang in hihen, lung tei eih mi puan bang sia tuk hi.
\c 14
\p
\v 1 Mihing cu numei hin mi a hih hang, khan com in haksat nak tuah dim hi.
\q
\v 2 Pak bom bang pak in sihtawng co hi. A kho ngawl mi lim bang in thawn thei hi.
\q
\v 3 Mah tihbang mipa cu Topa’n zo cik maw? Keimah cu kawi in thukhen nak ah pui tuk maw?
\q
\v 4 A thiangtho ngawl mi sung pen a thiangtho mi cu a kon pholhsuah thei hum? A kuamah in pholhsuah thei ma hi.
\q
\v 5 Mihing nunnak sialsiah in a um mi ha sial cu Topan a theih ten, a pelh theih ngawl mi khen a koih hang,
\v 6 A mit pen pial in mihing cial mi bang, a ni le huncan liam tik tukin daiden no um tuk thu pia in hi.
\q
\v 7 Thingkung cu phuk naven a bul bek um ngawlin a kang tawt leh tuk hitin, muansan nak um hi.
\q
\v 8 Lei sung pen a zung muat in leihum pen a bul a thi ta vang,
\v 9 Tui khu hang a kang tawt in thing kung pawi mi bang a zik te tuah dim tuk hi.
\q
\v 10 Mihing cu thi in muat thei hi. Mihing cu a thih cengten ai lai ah um hum?
\q
\v 11 Tui tingpi a kang bang in hihen, ngun tuipi kang bang in hihen,
\v 12 Mihing cu hihbuh cengten tho leh ma hi. Vanhum a bo laih ngawl tian khanglo ma hi. A hihbuh ci cu tham ma hi.
\q
\v 13 Topan keimah cu than khuk sungah sel hen hi. A thinuuk nak a kal tan laih ngawl in kham hen. Keimah phawh tuk huncan tiamteh ta hen.
\q
\v 14 Mihing a thi ta le nung leh tuk maw? Ka theknak huncan a hen laih ngawl cimzet in van puak mi ni le huncan hempoh thuak in um tuk hi.
\q
\v 15 Keimah sam in. Keiman don leh tung. Nangmah loli na bawl mi thu cu ningnat nak thinlung nei in.
\q
\v 16 A tuin ka ke ngiah te nangman sial in ka sualnak te cing hima maw?
\q
\v 17 Ka sualnak thu cu dip sungah tacik khen in ka sual bawl mi hum pen a thuah a thuah mawhsiat nak koih hi.
\q
\v 18 A cim mi mual cu tham thei hi. Suang vang a ma umnak pen thawn thei hi. Tui eih mi suang vang nawt thei hi.
\q
\v 19 Tui hau tung mi tui cu leivul tel thei hi. Mah bang bok nang cu mihing muansan nak thu siatsuah ci.
\q
\v 20 Nangman mihing a cat ngawl neh hang, mihing cu tham thei hi. A lamdang mi mitmai pia in mundang ah hah thei ci.
\q
\v 21 A cate khaisan nak ah heng ta vang a man thei zo ma hi. A nuailam ah a heng ta vang mahmi thu hei thei zo ma hi.
\q
\v 22 Mah hang a pumpi cu na in a hawvang in phu li hitin, ti hi.
\s Eliphaz
\c 15
\p
\v 1 Mah cengten Teman miphun Eliphaz son leh mi thu,
\v 2 Cihnak a nei tupa cu huih tuah a bang ve mi a thupi nak um ngawl te son tuk kul maw? Mai pum pi cu nisuah nak huihpi tuah dim tik tuk kul maw?
\q
\v 3 A thupi ngawl mi awnkam, lungdam nak a um ngawl mi awnkam tuah thuson khawm kul cam maw?
\q
\v 4 Nangman Pathian lau in zuinak sungah a thupi um ma hitin, a tihnop mi hi. Thunget nak cu kham thei hi.
\q
\v 5 Nang cu na kam tuah na sualnak son zo ci. Zol thu son thei pan hi awnkam mang thei hi.
\q
\v 6 Kei cu nangmah mawhsiat ngawlin na awnkam in nangma lam ah thehpih nak thu nei ing.
\q
\v 7 Nang cu a masa bel hinmi mihing hi cim maw? Mual te a bawl laih ngawlin nangmah cu bawl maw?
\q
\v 8 Pathian tuah daiden no thuvaisiam awng cim? Cihnak cu na sungah a venghawng kem khawng zo cim maw?
\q
\v 9 Kohtei theih ngawl na theih mi thu aizong um hum? Kohtei sungah a tel ngawl na theih mi thu aizong um hum?
\q
\v 10 Na pa sang in kum U ham saw puak pak mite kohtei sungah um hi.
\q
\v 11 Na nelah Pathian piak mi nemcuam nak thu dawm maw? Na nelah sel mi thu pakhat um maw?
\q
\v 12 Na deihnak ah zui in ita lamzin pial hawh hum? Ita mit eh zo hum?
\q
\v 13 Na lungmu cu Pathian do hang, kam tuah in sual ci.
\q
\v 14 Mihing cu itihbang mi a hih hang thiangtho thei hum? Numei hinmi pa cu itihbang mi a hih hang dikcang thei hum?
\q
\v 15 Pathian in a mi thiangtho te hei muang ma hi. Vanhum vang a mai pen thiangtho ma hi.
\q
\v 16 Mah tin a hitale, tui in bang sual bawl nak in hang, a siasuak a nawngkai mi mihing cu ai son tuk um hum?
\q
\v 17-19 Ka awnkam thungai in. Ngam dang miphun te tuah langkhat ngawl na miphun pakhat bek lei ngam a co mi micip ten pu le pa tei khut sung pen pan im ngawl in, a son awng mi thu keimah loli ka muh mi thu keiman lak tung hi.
\q
\v 20 Mi ngilo te nisial in haksat cimnak thuak hi. Mi bawl siat thei mipan a nun cu sel hi.
\q
\v 21 A man a lau huai mi aw za in um hi. Mi hausa milian nei nung in a um laih tak siatsuah tupa cu hung thei hi.
\q
\v 22 Khuathim sung pen haksat nak luat tung hitin muansan nak um ma hi. Nam in a mah cu zo kuh hi.
\q
\v 23 An eih tuk zei in vak kawkawi hi. A ma ca in khuathim huncan a mansa a um mi cu thei hi.
\q
\v 24 Haksat cimnak le siat theih nak ten a mah cu nawmcan thei hi. Ngaldo tukin a mansa a um mi kumpi bangin a mah cu neh thei hi.
\q
\v 25 Itahum titale, a man Pathian thuneih nak do in huham thawmngeng a nei tupai a langlam ah um in a mah le mah kho tik hi.
\q
\v 26 A ngawngdak lumphaw a com tuah kham in Pathian do tukin tai hi.
\q
\v 27 A mitmai thau khuh in a pumpi taksa te vang thau zet in a tial a tial um hi.
\q
\v 28 Mah naven mi thawmveng mi khuapi cu a kuamah um ma hi. A tuu kuan mi inn sung ah a mah cu um hi.
\q
\v 29 Sum ngah thei ma hi, a hauhsak nak kho ma hi. A hauhsak nak a neih mi van te cu hi leihum ah pungzai ma hi.
\q
\v 30 A mah cu khuathim haksat nak pen luat ma hi. Meilio in a kung kangkak te kang tuk hi. Pathian thu nunnak hang thah co hi.
\q
\v 31 A kuamah hi zol co ngawlin a thupi ngawl mi cu bel ma hen. Mah a hima tale a thupi ngawl mi cu thuak tuk hi.
\q
\v 32 Huncan a kim laih ngawl in siatnak ah heng tuk hi. A ma a kung kangkak cu hing tuk ma hi.
\q
\v 33 Cabit kung bang a ma sung pen a min ngawl mi a ngah hei hihen, olive kung a pak bang hong tuk hi.
\q
\v 34 Mipha ngawl tei pawlkom nak cu dai diudeu tuk hi. Nawhthuh ei tu tei umnak cu meikang tuk hi.
\q
\v 35 Mahmi a mun a pha ngawl ngaihsut nak pia in a thupi ngawl mi cu hing thei hi. A muhtei pumpi sung pen zol thu cu hing thei hitin, ti hi.
\s Job
\c 16
\p
\v 1 Job in a don lehnak a son mi cu,
\v 2 Mah tihbang mi awnkam te keiman za awng ing. Na venghawng nem tik tukin bawl naven, cim le kham tik tu hima uh cim maw?
\q
\v 3 A thupi ngawl mi awnkam cu bo thei ma maw? Nangman awnkam don leh tukin ita ngalhang cim?
\q
\v 4 Nohtei son mi bang keiman son thei ing. Nang muhte vang keimah bang hi tale, nang muhtei a lang lam pen awnkam te sehkhawm in koih thei ing. Lu vang thing thei ing hi.
\q
\v 5 Mah tihcun keiman bawl ngawl in nang muhte ka awnkam bawm tung hi. A thupi ngawl awnkam cu keiman kem tung hi.
\q
\v 6 A tuin keiman son tavang nemcuam ma hi. Son ngawl in um ta vang a lamdang nak um cuang ma hi.
\q
\v 7 Pathian in keimah cawl tik zo hi. Ka inn cu thianlim nak bawl zo hi.
\q
\v 8 Kei cu ke le ke kheng in mahmi ke le ke cu keima a langlam pen theihpih nak thu hi. Ka ngawmzet nak thu vang, keima lam pen tho in mitmai hek in theihpih nak thu hi.
\q
\v 9 A thinuuk nak in keimah a tum a tang talhtawng in bawl siat thei hi. Keima hum ah a ha ngawi in bawl thei hi. Ka ngal pan keimah a mit eh hi.
\q
\v 10 Midang ten keimah cu kam ka haw hi. Zahhuai in biang pen beng haw hi. Ka langlam pen thincun zet in hulawmkhawm haw hi.
\q
\v 11 Pathian in keimah cu mi ngilo tei lakpen pan zo hi. Mipha ngawl tei khut sungah ap zo hi.
\q
\v 12 Kei cu daiden no um ten ka nguh te ektuah hi. Ngawng pen len bot tawng tuk in thing hi. Keimah cu sialsiah kap tuk in cang tik hi.
\q2
\v 13 Thalcang ten keimah kiim in hehpih nak um ngawlin ka kal te sun tik hi. Ka nikkha tui vang leihum ah lei hi.
\q
\v 14 Keimah cu veitam pi sat tawng in thazang a nei mipa bang keimah cu thum tawtok do hi.
\q
\v 15 Kei cu ka vun humah thangkhau puan khui in ka ki te cinciak bual zo ing.
\q
\v 16 Kah nak hang, ka mitmai sia in ka mit mul hum pen thihnak in khuh hi.
\q
\v 17 Mah naven, ka khut sungah phat ngawl nak thu um ma hi. Ka thunget mi cu thiangtho hi.
\q
\v 18 Leipi aw, ka thisan cu khuh in koih pah sin. Ka aunak aw cu na nelah um tik pah sin.
\q
\v 19 Hi thu sungah ka theihpih mi thu cu vanhum ah um hi.
\q
\v 20 Ka lungmu a thei tupa cu a sangnak mun ah um hi. Ka ngualcam ten keimah cu zawnsak in kei cu Pathian mai pen mit hitui cak in um ing.
\q
\v 21 Mihing cu a ma nel zet mi tuah thuson khawm mi bang, Pathian tuah thuson khawm nak thu um ta hen.
\q
\v 22 Kum tampi a ngei laih ngawlin ka hun kik leh tuk ngawl mi lamzin ah keiman zui tuk toh ing.
\c 17
\p
\v 1 Ka nunnak bo zo. Ka nunnak huncan bo zo. Khan mual cu keima ca hi.
\q
\v 2 Sonsiat thei mite cu ka mai ah um haw hima maw? A muhtei noksak nak thu hempoh te a cat ngawl in keiman mu hima maw?
\q
\v 3 A kho mi umnak mun ah koih hen. A kon keimah tuah thukam muantaak nak nei hum?
\q
\v 4 Topa’n a muhtei theihnak a tham tik hang, a muhte khaisang ma hi.
\q
\v 5 Mihing pakhat neihnak long tukin a ngualcam ap hi. Mahmi a caten muangin thinkham haw tuk hi.
\q
\v 6 Keimah cu midang tei sonsiat nak cang tik tukin a mun keimah dindeih haw hi.
\q
\v 7 Thasiat nak a tam hang, ka mit thim hi. Ka pumpi te lim bangin cang haw hi.
\q
\v 8 Midik cang miten hi thu hang lamdang sa haw hi. Sualnak pen a luat miten mi pha ngawl tei a langlam pen a mah le mah sosuah haw tuk hi.
\q
\v 9 Mi dikcang mite vang a muhtei lamzin ah um in, khut a thiangtho miten thazang khang haw tuk hi.
\q
\v 10 Nohten pakhat no hei tang ngawl in pin ta un, Nohtei sung pen cihnak a nei mi pakhat no hei keiman mu mang hi.
\q
\v 11 Ka ni le huncan bo zo. Ka thinlung sungah khum mi ngaihsut nak te siatnak ah heng zo.
\q
\v 12 Zan cu ka nelah a um bang vaknak cu khuathim tuah nai hi.
\q
\v 13 Khanmual cu keima umnak hi tih cu keiman muang ing. Ka zaunak cu khuathim sungah phah in um hi.
\q
\v 14 A muat thei thu cu nangman ka pa tih hei in hihen, tenghol cu nangman ka nu, ka celnu tih hei hihen keiman son ing.
\q
\v 15 Mah hang itihbang in keiman muang tuk hum? Ka muansan nak thu cu a kon mu hum?
\q
\v 16 Mahmi thu cu thihnak ngam sungah tum in keimah tuah leivul sungah cawlin um tuk hitin, ti hi.
\s Bildad
\c 18
\p
\v 1 Mah cengten Shuh mipun Bildad son mi,
\v 2 Hi awnkam cu ituk ten tawp thei tuk hum? Ngalling un. Mah bek ten kohten awnkam thu son tuk ung hi.
\q
\v 3 Nangman kei muhte cu ngamsa bang ita ngaisung cim? Ita imah sumsial ngawlin bawl cim?
\q
\v 4 Na thinuuk suakin mah le mah pet tu, nangma ca in leipi cu zam san tuk cim maw? Suang cu a ma umnak munpen thawn tuk maw?
\q
\v 5 A thungai in mi siasuak pai vaknak cu thim tuk hi. A mei cu alh tuk ma hi.
\q
\v 6 A ma umnak a vak hei khuathim in cang tuk hi. A mei khuat vang mit tuk hi.
\q
\v 7 Kho zet in a hawh ten lamzin neu nak ah heng tuk hi. A ngaihsut nak hang sung tuk hi.
\q
\v 8 Suuk sungah a ma thu in tum thei hi. Thangsiah nak hum ah pal thei hi.
\q
\v 9 A kang ek in ke cu a pal khak hang, thang pen suak thei ngawlin um hi.
\q
\v 10 Leisung khau cu a ma ca tuk selin, a hawhnak lamzin ah thangsiah nak bawl mi um hi.
\q
\v 11 A lauhuai mi thu in a kiim hang, nasezet in hil haw tuk hi.
\q
\v 12 A mah cu a ningkial hang, thakiam in haksat siatnak tuah tawk awn zo hi.
\q
\v 13 Mahmi haksat nak cu a nguh te na in, thihnak kumpi capa Upa bel in a thazang ngilnak cu thon tuk hi.
\q
\v 14 A belhnak mun cu a ma umnak pen vawk in a mah le mah haksat dan tat tutei kumpi nelah pui tuk hi.
\q
\v 15 A umnak mun ah a nung um ma hi. Haksat nak mei tuah um in, inn humah kat theh in um tuk hi.
\q
\v 16 A zung te ko in a kangkak te vang thi in um haw tuk hi.
\q
\v 17 Leihum pen a mah cu phawh tuk le sialsiah tuk um ngawl in, puainak pen a min cu a kuamah in sam ma hi.
\q
\v 18 A mah cu vaknak pen khuathim sungah huai in mihing umnak ngam pen hawlvawk tuk hi.
\q
\v 19 A miphun sung pen a tu le canawn nei tuk ma hi. A inn kuapih te pakhat no hei tang tuk ma hi.
\q
\v 20 A khut sungah a um miten candalh bangin a nungpen a cang mi a mun a ma thu hang lamdang zet in um haw tuk hi.
\q
\v 21 Mi siasuak tei umnak mun cu mah tihbang mi sialsiah nak thu um hi. Pathian a thei ngawl tupa cu mah tihbang mi umnak mun ah heng tuk hitin, ti hi.
\s Job
\c 19
\p
\v 1 Job in don leh a son mi cu,
\v 2 Nohten ka thinglung hawvang noksak in ituk huncan tian, nohtei awnkam tuah keimah botkek tuk uh cim?
\q
\v 3 Vei sawm tian keimah son siat zo uh ci. Keimah buai tik tuk cu zahcak nak um ngawl in bawl zo uh ci.
\q
\v 4 Ka sual bawl zo mi cu a man mi hi. Ka sual bawl cu keimah tuah seng hi.
\q
\v 5 Nohten ka hum ah ngalnak tuah zahcak nak ka tawh ten keimah na mawhsiat uh ta vang,
\v 6 Pathian in keimah cu phukin a thang sungah a awknak thu cu thei ta un.
\q
\v 7 Keiman ka thuak mi bawlsiat nak cu sihsan in kap naven, a kuamah in ngai ma hi.
\q
\v 8 Keimah hawh thei tuk ngawl ka mai pen khamnak bawl in ka hawhnak lamzin ah khuathim cu koih zo hi.
\q
\v 9 Ka minthan nak cu la in ka luhum ah imah um ngawl mi lukhu koih hi.
\q
\v 10 Keimah cu kil in a siatsuah hang, kei cu tham khawng zo hi. Thingkung bawh bangin ka muansan mi thu cu bot sak zo hi.
\q
\v 11 Ka thinuuk nak sosuah in keimah cu ngal bang in ngai sung hi.
\q
\v 12 Ngaldo tuk hung in ngalkap ten ka mai ah heng tuk tuikhuk pi co in ka elkim ah ngalkap bu koih haw hi.
\q
\v 13 Ka U le nau te cu keimah tuah kang tik hi. Ka theih mi le nel zet miten keimah thei ma, mi sia va in cang khawng haw hi.
\q
\v 14 Ka Unau ten keimah zam san in, ka ngualcam ten keimah phawkngil haw.
\q
\v 15 Ka sila numei te, ka inn kua pih ten keimah cu mi khual bang in hihen, ngam dang miphun bang ngai sung haw hi.
\q
\v 16 Ka sila cu ka sam ten a man don ma hi, a mah cu otpih in hehpih ngen ing.
\q
\v 17 Ka nupi in ka nunnak huih hei hihen, ka canu le capa ten ka kah nak aw hei hihen dindeih haw hi.
\q
\v 18 Naupang ten keimah cu imah sumsial ngawl in ka tawh ten zawnsak haw.
\q
\v 19 Ka ngualcam ten keimah dindeih in, ka ih miten ka ngal in cang haw hi.
\q
\v 20 Ka vun taksa cu ka nguh sungah kop hi. Ha liklok bek tang in kei cu tai in luat ing.
\q
\v 21 Ka ngualcam te aw, keimah hehpih un. Keimah hehpih un. Pathian khut in keimah cu khengkha zo hi.
\q
\v 22 Pathian bawl siat mi bang ita a muhte bawl siat nge cim? Ita ka taksa cu ei in lungkim ngawl in um nge cim?
\q
\v 23 Ka awnkam cu a tuin ngan hen. Lai sungah ngan in khum hen hi.
\q
\v 24 Suan pheng hum ah thik tuah a ngit ngan in, suanglai ngan in kho tik hen hi.
\q
\v 25 Keimah a tan tu Topa cu nung in tu nung ten, leivul hum ah heng tuk hi tih hei in hihen,
\v 26 Ka vun te a ham cengten keimah loli a siatsuah ta vang, kei cu ka taksa pumpi sungah Pathian mu tuk hei in hihen keiman thei ing.
\q
\v 27 Keima lam ah a um mi Pathian cu keiman mu tung hi. Midang ten a muh bek sial ngawl, keiman ka mit tuah mu tung hi. Mah tihcun muansan nak hang, ka kal sia in um hi.
\q
\v 28 A tuin nohten, kohte a mah cu itihbang in siatbawl tuk hum? A ma nelah mawhsiat nak thu cu itihbang in mu tuk hum tin a son haw hang,
\v 29 Ngalnam cu lau ta un. Itahum titale, a thinuuk nak ngalnam tuah dantat thei hi. Sual thukhen co mi huncan a um thu cu thei ta un hitin, ti hi.
\s Zophar
\c 20
\p
\v 1 Mah cengten Naamath miphun, Zophar son mi cu,
\v 2 Ka son leh mi thu ka thinglung a sosuah hang, son nuamnak nasezet um hi.
\q
\v 3 Keiman ka thuak mi sonsiat nak awnkam za in ka theihnak lungmu a sosuah hang, keiman don leh ing.
\q
\v 4 A masabel huncan in mihing cu hi leihum ah a koih mi can penpan,
\v 5 Mi ngilo pa cu huncan ngeipi a pualthau ngal tuk ngawl nak thu hei hihen, a sual mipa cu dawm laih sungno bek a lungdam nak thu hei hihen thei ma cim maw?
\q
\v 6 A min than nak cu vanhum ah kai in a lu cu meingo tian a khong ta vang,
\v 7 A ma ek bang a cat ngawl in tham tuk hi. A mah a mu awg tu ten a mah cu ai lai ah um hum tin dong haw tuk hi.
\q
\v 8 A mah cu zan mang bang tham in muh tuk um leh ma hi. Zan huncan muhmi bangin pai tuk hi.
\q
\v 9 A mah a mu awng tu mit in a mah cu mu leh tuk ma toh hi. A ma umnak mun cu a man mu leh tuk ma toh hi.
\q
\v 10 A caten mizawng cangah te zol haw tuk hi. A khawl mi a neihnak van cu a khut tuah pia leh haw tuk hi.
\q
\v 11 A nguh te cu khang no thazang ngilnak tuah a dim ta vang, a mah tuah leivul sungah hihbu haw tuk hi.
\q
\v 12 A man a kam sung pen sual cu nawihum hitin ngaisung in, a lei nuai ah sel in,
\v 13 Pamhei vawk ngam ngawl in a kam sungah muam naven,
\v 14 A eih cengten a von sung pen a hihnak thek in ngulsia suak ngu in cang tuk hi.
\q
\v 15 A thon mi hauhsak neihnak te lua leh tuk hi. Pathian in a von sawk tik tuk hi.
\q
\v 16 A man ngulsia suak ngu cu cawp in munthoh ngul a cih hang thi tuk hi.
\q
\v 17 Ngun tui a luang mi nawitui le khuaitui a luang mi ngun tui cu mu tuk ma hi.
\q
\v 18 Na dek in a ngah mi neihnak cu a man mang man ngawl in pia leh tuk hi. A piak leh mi neihnak a hih hang lungkim nak um ma hi.
\q
\v 19 Mizawng cangah te bawlsiat zam san in, a ma sak ngawl mi inn cu a lonsak hang in hihen,
\v 20 Duhham nak a bo thei ngawl hang in hihen, a deih mi pakhat no hei tang ngawlin sung tuk hi.
\q
\v 21 A lon sak nuam mi duhham nak khut tuah imah a luat ngawl hang, a hauhsak nak cu kho ma hi.
\q
\v 22 Milian hausa in a um laih tak hei in haksat nak tawk in, haksat nak namkim heng tuk hi.
\q
\v 23 Mah naven, a man khampek ei tuk hi. Pathian a thinuuk nak hah in a ma eih tukin a thinuuk nak nguah zu tik hi.
\q
\v 24 Thik ngal hiamnam cu pial in tai naven, dal thalcang tuah in paihlet tuk hi.
\q
\v 25 Thalcang cu phai tale a pum sung pen suak tul hi. Nam hiam zet a de zelzul mi cu a nik kha sung pen suak tul in, a mah cu am thong in um hi.
\q2
\v 26 Haksat nak hempoh te a ma ca tuk khawl in um hi. Mihing lap ngawl mi mei cu a mah kang tuk hi. A ma um nak mun pen a tang mi hempoh kang tuk hi.
\q
\v 27 Vanhum in a sualnak cu phuang in, leipi in a langlam pen tho tuk hi.
\q
\v 28 A ma inn ah a um mi neihnak cu tham in, a thinuuk suak ni ten tui bang in luang tuk hi.
\q
\v 29 Mah tihbang mi laksawng cu Pathian in mi sia suak te pia hi. Mah tihbang mi neihnak lo cu Pathian piak hitin, ti hi.
\s Job
\c 21
\p
\v 1 Job in don leh in a son mi cu,
\v 2 Ka awnkam phatak zet ngai in keimah nem nak bawl un.
\q
\v 3 Ka son tuk mi thu um tik tukin thuak ta un. Ka hilh cengten nuihcip nak bawl nuam tale bawl un.
\q
\v 4 Ka kah mi thu cu mihig tuah seng maw? Ita thincom tuk ngawl kul hum?
\q
\v 5 Nunglam cu zoh ten thasiah zet in nohtei kam cu na khut tuah hup ta un.
\q
\v 6 Keimah na phawh ten thasiah zet in ka taksa cu can tawtok in um hi.
\q
\v 7 Mi ngilo ten a nun bek sial ngawlin, ita kum ham in minthan hauhsak nak a dim tuah um haw hum?
\q
\v 8 A canu le capa ten a muhtei umnak elkim ah hei hihen, a muhtei miphun hinnam cu a muhtei mai ah hei hihen, umnak nei haw hi.
\q
\v 9 A muhtei inn te vang haksat nak pen luat in daiden no um haw hi. Pathian dan tatnak pen luat haw hi.
\q
\v 10 A muhtei khuicang cu sonbang ngawl in pha hi. A khui nu te vang von tawng man ngawl in khuino hing thei hi.
\q
\v 11 A muhtei naupang te cu tuu hon bang hah in, a canu le capa ten lam in dawk thei haw hi.
\q
\v 12 A mun khuang le phaidak te tum la sa in nekhaza tum mi aw tuah lungdam thei haw.
\q
\v 13 Lungdam nak tuah a nunnak huncan bo tikin, thihnak ngam ah heng paih thei haw hi.
\q
\v 14 Pathian nelah kohtei lak pen suak tul hen, Topai thu cu kohten thei nuam ma ung hi tih hei in hihen,
\v 15 Huham thawmngeng pa cu itihbang mipa a hih hang, kohten a na dek tuk hum? A nel ah thungen tale ai nemcuam nak um tuk hum tin son thei haw hi.
\q
\v 16 Mah naven a mun a hauhsak nak te co haw ma hi. Mipha ngawl tei ngaihsut nak cu ka nel pen kang ta hen.
\q
\v 17 Mipha ngawl tei meikhuat cu mit in a muhte siatsuah tukin Pathian a thinuuk hang, vei izah haksat nak te a bawl awng mi thu hei hihen,
\v 18 A mute cu huih mai pen buak cu huihpi a theu ten a tai vawk mi vaihawng bang vei izah cang awng zo hum tih mi hei hihen,
\v 19 Pathian in a sual cu a canu le capa tei ca vei izah khawl awng zo hum tih hei hihen, a mah loli in a theih hang,
\v 20 A siatnak cu a mit tuah mu in, huham thawmngeng a nei tupai thinuuk nak tui in tuk in, a sual cu izah tian pia tuk hum tih hei hihen thei ta un.
\q
\v 21 A ma um mi kum, ha a kim ten, a canu le capa tei sungah a heng mi thu cu a man itihbang in seng hum?
\q
\v 22 A sangnak mun ah a um a muhte uktu Pathian cu a kon thu hilh tuk hum?
\q
\v 23 Mihing pakhat cu thazang ngilnak tuah dim in dai den no thi thei hi.
\q
\v 24 A nak nguh te thau in a nguh te le ling te vang hing zet haw hi.
\q
\v 25 Mihing pakhat cu veikhat no hei lungdam ngawl in thinnau nak tuah thi thei hi.
\q
\v 26 A panih in a danglam nak um ma, leivul ah hihbu in tenghol ten khuh in um haw hi.
\q
\v 27 Nohtei phawh mi thu keimah cu iksik nak thinlung tuah ngaihsut mi thu te keiman thei ing.
\q
\v 28 Thuneih nak tuah a koih thei mipai inn cu ai lai ah um hum? Nohten mipha ngawl tei inn cu ai lai ah um hum tin nohten son tuk uh ci.
\q
\v 29 Khual a zin mite cu thudong awng ma cim maw?
\q
\v 30 Siatsuah nak ni hun ca tuk in mipha ngawl ten a tuin haksat nak pen a luat tuk thu, a thinuuk thuak tuk ni hun ca a tuin suah tul tuk mi thu a himi a muhtei sialsiah theihpih nak thu te thei ma uh cim maw?
\q
\v 31 A bawl mi thu cu a mai pen a kon hilh tuk hum? A sualnak bang a kon pia tuk hum?
\q
\v 32 A mah cu phumnak ah heng in a ma khan zuk cu a cing tu koih tuk hi.
\q
\v 33 A man hawkluam leikhal te cu nawitui hum bang ngai sung tuk hi. Sial zawh ngawlin a tam mi a muhtei mai ah a hawh ham mite bang, a man mihing hempoh sosuah tuk hi.
\q
\v 34 Mah ten nohtei son leh mi awnkam sungah zol thu a um hang, itihbang in keiman a thawnthong nem tik haw tuk maw tin, ti hi.
\s Eliphaz
\c 22
\p
\v 1 Mah cengten Teman miphun Eliphaz son mi cu,
\v 2 Mihing cu a cihnak hang, phatnak a bawl bangin Pathian nelah lungdam thu hilh thei maw?
\q
\v 3 Na dikcang nak hang, huham thawmngeng nak thupha um hima maw? Na nunnak sungah sual a um ngawl thu a lang tik hang a deihnak thupha um tuk maw?
\q
\v 4 Nangmah a lau hang thu hilh tuk maw? Nangmah cu thukhen nak sungah tawk tuk hima maw?
\q
\v 5 Na bawl mi sual cu ngeng zet hima maw? Na sualnak te sialzawh ngawl in tam hima maw?
\q
\v 6 Nangman U le nau tei zuak mi neihnak cu a man ngawl mi thu tuah lak sak hima cim maw? Mizawng cangah tei puan vang duhsak in la zo ci.
\q
\v 7 Thacawl mitei in tuk tui pia ma ci. Ningkial mite cawm ma ci.
\q
\v 8 Thazang ngilnak a nei tupan lei ngam co hi. Minthan nak a nei tupan um phalnak thu co hi.
\q
\v 9 Nangman meivong te khut thacang hah in, nu le pa nei ngawl naupang tei khut cu ektuah ci.
\q
\v 10 Mah hang, thangsiah nak pen awk zo ci. Candalh in thinkham in cim em ci.
\q
\v 11 Muh theih ngawl mi khuathim in a bawl siat hang, nasezet tui a luang mi in khuh hi.
\q
\v 12 Pathian cu vanhum ah um hima maw? Aksi te izah takin sang haw hum?
\q
\v 13 Mah a hih hang nangman Pathian cu itihbang in thei tuk cim? Meingo sah pi cu tham tik thei maw?
\q
\v 14 Muh theih ngawlin a sah zet mi meingo ten nangmah khuh haw hi. Vanhum a lek ah vak kawkawi hitin, son thei hi.
\q
\v 15 Huncan a kim laih ngawl siatsuah nak, tuihau tung hang,
\v 16-17 A bul zung lawl co pa in Pathian cu kohtei lakpen suak tul hen hi tih hei in hihen, huham thawmngeng pa cu kohtei ca itihbang bawl thei hum tih hei in hihen, a son thei mipha ngawl tei zui awng mi lamzin lun cu nangman zui tuk laih cim maw?
\q
\v 18 Mah hang, Pathian in a muhtei inn cu a pha mi na tuah dim tik hi. Mipha ngawl tei ngaihsut nak cu keiman lungkim mang hi.
\q
\v 19 Midik cang ten mu in lungdam haw hi. Sual a nei ngawl miten mahmi sual a bawl tute cu sonsiat thei haw hi.
\q
\v 20 A thungai in ohtei ngualcam ngal pa cu that zo hi. A neih nak te mei kang zo hitin, son haw hi.
\q
\v 21 Pathian tuah pawlkom nak nei un. Mah tihcun bawl cengten phatnak ah heng tuk hi.
\q
\v 22 A kam pen a suak mi thu co in a thu awnkam cu thinlung sungah khum in hi.
\q
\v 23 Huham thawmngeng pa nelah pin leh tale khan tohnak um tuk hi. Na inn pen sual a bawlnak te vawk tale,
\v 24 Ophir sui cu ngun tui sungah a um mi suangpum bang in hihen koih tuk hi.
\q
\v 25 Mah ten huham thawmngeng pa cu nangma sungah sui manpha, na man tuk mi sum van in cang tuk hi.
\q
\v 26 Nang cu huham thawmngeng pai sungah lungdam in Pathian mitmai pha mu tuk ci.
\q
\v 27 Na thunget ten ngai tuk hi. Muantaak mi thukam bang muantak in a co mi thu um tuk hi.
\q
\v 28 Na ngaihsut mi ngaihsut nak cu cang suak in na hawh nak lamzin vak tuk hi.
\q
\v 29 Midang tei nau tatnak na thuak ten nangmah khaisan nak thu um hitin, ti tuk hi. Thinlung niamkhiat mipa cu pan tuk hi.
\q
\v 30 Sual a nei ngawl mipa hei pan tuk hi. Na bawl mi thu cu a thiangtho hang, a mah cu nunpat nak ah heng tuk hitin, ti hi.
\s Job
\c 23
\p
\v 1 Job in a son leh mi cu,
\v 2 A tuin nasezet kap ta vang, ka thuak mi dan tatnak cu nase saw hi.
\q
\v 3 Pathian tawh theih nak mun cu keimah thei tik in. Tohkham khunnak mai ah heng tik in hi.
\q
\v 4 A mai ah hen ten keiman na thu son mi a thu tampi te el nak tuah son tung.
\q
\v 5 Ka nelah a son leh mi awnkam cu keiman thei ing.
\q
\v 6 A huham a thawmngeng nak cu keimah tuah thu buai nak tawk tuk maw? Tawk tuk ma. Ka awnkam thu ngai tuk hi.
\q
\v 7 Midik cang pai mai pen thu son phalnak a um hang, thukhen tuin ka thu cu a cat ngawl pan tuk hi.
\q
\v 8 A tuin, ka kai tale Pathian um ma hi. Nung ka kik tale a man thei tuk ma hi,
\v 9 A na dehnak mun veilam ah hawh tale a mah mu ma hi. A taklam pen pial in a um hang, a mah cu mu ma hi.
\q
\v 10 Mah naven ka hawhnak lamzin thei hi. A cek nak a neih cengten sui bang in keimah cu lang tung hi.
\q
\v 11 A ke ngiah a cat ngawl keiman zui in, a hawh nak lamzin pial ngawl in zui tung.
\q
\v 12 A koih mi dan thukham te vawk mang hi. A kam pen a suak tul mi awnkam te ka ang sungah koih ing.
\q
\v 13 Mah hang, lungmu pakhat a nei mi Pathian cu a kon thek tik thei hum? A deihnak bang bawl tuk hi.
\q
\v 14 Ka na deh cu thukhen tuk hi. Mah tihbang mi ngaihsut nak tampi um hi.
\q
\v 15 Mah hang, a mai pen candalh um in ka ngaihsut ten a mah cu lau ing.
\q
\v 16 Pathian in keimah thinkham tik tuk in hihen, huham thawmngeng pa keimah lau tik tuk in hihen bawl hi.
\q
\v 17 Itahum titale, khuathim a hen laih ngawl in keimah cu that tuk ma hi. A sah zet mi khuathim pen keimah hum him tu hi.
\c 24
\p
\v 1 Huham thawmngeng pan ita hun le can te sel in koih hum? Theihnak a nei mi a mun thukhen nak ni cu ita mu ma hum?
\q
\v 2 Mi hek khat ten ngituah thawn thei haw hi. Mi dang tei tuu le kel te vang long in a ma ca in khal thei haw hi.
\q
\v 3 Nu le pa nei ngawl naupang tei laak cu hawl in, meivong nui khui cu khaam in thukam bawl haw hi.
\q
\v 4 Ningkial mite cu lamzin pial tik haw. Mizawng cangah ngam sung miphun te hulawm ngelh in um haw.
\q
\v 5 A mun na dek tuk in ngam sung laak huatsuak te bang tul haw hi. An eih zei tukin zing khawma no hawh a canu le capa tei ca tuk ngam sung pen mu haw hi.
\q
\v 6 Lo sungah bawl siat mitei cang at in a cabit ngah te lak sak haw hi.
\q
\v 7 Khuasik huncan ten a silh tuk puan um ma hi. Thacang in hihbu haw hi.
\q
\v 8 A cam nak tuk mun a um ngawl hang, mual hum pen nguahtui kot tik in suang lak lawh bel haw hi.
\q
\v 9 Pa a nei ngawl mi naupang cu a nui nawi tui tuah khen hi. Mizawng cangah ten a neihnak khaam in thukam nak bawl hi.
\q
\v 10 Puan silh ngawl thacang vak kawi ningkial in midang tei cangtel pua hi.
\q
\v 11 Midang tei inn ah sathau lial in cabit ngawi ningkial thuak hi.
\q
\v 12 Mihing tampi ten khuapi sung pen phu in um haw hi. Dam ngawl miten au haw hi. Mah naven a muhtei thunget nak cu Pathian in imah sum sial ma hi.
\q
\v 13 Mi hek khat ten vaknak do in, vaknak thu thei ma hi. Vaknak lamzin ah zui thei haw ma hi.
\q
\v 14 Mi that pa’n zing khawma no tho in mizawng ningkial mite that hi. Zan huncan ten ngu ca thei hi.
\q
\v 15 Mi nupi a ngu thei mipa’n zan huncan cu ngakhel a mitmai khuh in a kuamah in mu ma hitin son thei hi.
\q
\v 16 Mi siasuak ten zan huncan ten midang tei inn subal thei haw hi. Sun huncan ten ngelh in vaknak cu pial thei haw hi.
\q
\v 17 Zingkhua vak cu thihnak kumpi bang ngaisung in, thihnak a lauhuai mi haksat nak te thei haw hi.
\q
\v 18 Tui hum pen zang no haw hi. Leihum pen tamsiat nak thuak in cabit huan ah hawh haw ma hi.
\q
\v 19 Nguah tui a kang hang in hihen, ni khuasa hang in hihen, a tham thei mi bang mi pha ngawl pa cu thihnak ngam sungah tham thei hi.
\q
\v 20 A nu in a mah cu phawk ngil in, tenghol te uukzet in ei tuk hi. Mah cengten a kuamah phawk leh tuk ma toh hi. Mi pha ngawl pa cu thingkung bang ek tuk hi.
\q
\v 21 Mipha ngawl pan ca nei ngawl mi numei cu bawl siat thei hi. Meivong te vang hehpih thiam ma hi.
\q
\v 22 Thazang ngilnak a nei mite hei a huham tuah siatsuah thei hi. A thawh leh ten mi hempoh in a ma nunnak ca in lau thei hi.
\q
\v 23 Mah hang ngalhang zet belhnak thu a man pia in mah tihbang mi a muhtei thu te sunsak hi.
\q
\v 24 Dawmlaih khaisan nak ah heng in tham leh haw hi. A niam nak mun ah a hen ten, midang te bang a nunnak bo in hihen, cangngui a lek bang sihnak hei co haw tuk hi.
\q
\v 25 Mah a hima tale, ka zolthu son sual cu a kon lak tuk hum? Ka awnkam a kon don leh tuk hum tin, ti hi.
\s Bildad
\c 25
\p
\v 1 Mah cengten Shuh miphun Bildad don leh mi cu,
\v 2 Pathian cu thuneih nak tuah hei hihen, a lauhuai U pat tak minthan nak tuah a dim hang, a sang mi umnak mun pen daihnak cu bawl hi.
\q
\v 3 A ngalkap te sial thei maw? Vak nak cu a kua vak ngawlin um hum?
\q
\v 4 Mah hang mihing cu Pathian mai pen dehnak a kon ngah thei hum? Numei hin mipa cu itihbang thiangtho thei tuk hum?
\q
\v 5 Hade vang in vaknak nei ma hi. Aksi vang a mai pen thiangtho ma hi.
\q
\v 6 Mah bek sial ngawl, tenghol bang mihing, lungthan a himi mihing cu son tuk ai um hum tin, ti hi.
\s Job
\c 26
\p
\v 1 Job in a don leh mi cu,
\v 2 Nangman thazang dawm mipa cu itihbang in bawm cim? A khut tha nei ngawl mipa cu itihbang in bawm thei cim?
\q
\v 3 Misil cu itihbang in ngaihsut nak pia cim? A lamdang mi theihnak itihbang in lak cim?
\q
\v 4 Hi awnkam cu a kon son hum? A koi hawvang tuah in hilh hum?
\q
\v 5 A nuai lam than khuk sung mite tuah tui te le tui sungah a um tute cu can tawtok haw hi.
\q
\v 6 Thihnak ngam cu a mai pen liplet in um hi. Abadon ngam cu a sin tu um ma hi.
\q
\v 7 Vanhum cu a hawmpi in phalh hi. Leihum cu a nang tu um ngawlin khaih hi.
\q
\v 8 Meingo sah zet tuah tui cu cun in meingo cu bal kek ngawlin um hi.
\q
\v 9 Meingo cu zaam in a tohkham mai cu khuh hi.
\q
\v 10 Vaknak le khuathim tawhdun nak mun a khennak ngi pen vanhang nuai cu kham hi.
\q
\v 11 A thu hilhnak hang, vanhum khuam te hingin amthong in um haw hi.
\q
\v 12 A huham thawmngeng nak tuah tuipi thuanthum cu thu hilh hi. A cihnak tuah a pualthau ngalnak cu siatsuah hi.
\q
\v 13 Hawvang tuah vanhum nate lem in, a man lang mi ngulpi vang bawl hi.
\q
\v 14 Hi thu cu na dehnak a lim bek hi. Awnkam aw dawm laih no bek za hi. A huham vanthum aw cu a kon thei thei hum tin, ti hi.
\c 27
\p
\v 1 Job in tehkip nak awnkam tuah a son bet mi cu,
\v 2 Keima thu a sung tik tu Pathian, ka hawvang bawlsiat tu huham thawmngeng pa cu a nung a hitale,
\v 3 Keimah cu nung in ka nal sungah Pathian piak mi nunnak a kho sung hempoh,
\v 4 Veikhat no hei a thiangtho ngawl mi awnkam son tul awng mang hi. Zolthu awnkam cu kei lei pen keiman son ngawl in um tung hi.
\v 5 Nohten lungmu tuang hitin lungkim mi awnkam thu cu ka nel pen kang ta hen. Keiman a dik mi ka lungmu cu thih tiang el tuk mang hi.
\q
\v 6 Keiman thuman nuncan cu hah thong ngawlin lenlo tung. Nun sung hempoh in ka thinlung cu mawhsiat tuk mang hi.
\q
\v 7 Ka ngal ten mi siasuak te bang in hihen, ka langlam pen a tho mipa cu midik ngawl pa bang in hihen, cang ta hen.
\q
\v 8 Mi sual pa cu siatnak ah heng in nunnak hawvang Pathian in a lak ten ai muansan nak um laih hum?
\q
\v 9 Mahmi thu a hen ten a ma aunak cu Pathian in ngai tuk maw?
\q
\v 10 A mah cu huham thawmngeng mipai sungah lungdam nak um tuk maw? Pathian cu a man a cat ngawl in thungen tuk maw?
\q
\v 11 Pathian nate cu nohtei lakah keiman lak tung hi. Huham thawmngeng mipai ngaihsut nak te keiman sel mang hi.
\q
\v 12 Nang muh loli mu in hizah tian a thupi ngawl mi thinlung cu ita cingkem haw hum?
\q
\v 13 Misual pa cu Pathian piak mi laksawng, bawlsiat thei mipa cu huham thawmngeng mipai khut pen a co mi a neihnak lo cu,
\v 14 A canu le capa tampi naven nam tuah thah co haw hi. Ningkial nak vang thuak haw hi.
\q
\v 15 A ma nelah a tang mite cu thihnak kumpi in phum tuk hi. A meivong ten kap haw ma hi.
\q
\v 16 A man sum cu leivul bang sehin, a van te cinciak bang bawl naven,
\v 17 Mahmi puan van cu midik pan silh tuk hi. Mahmi sum cu sual nei ngawl pan pia tuk hi.
\q
\v 18 A sak mi inn cu lungthan inn bang in hihen, ngalpan nak buk bang hihen cang hi.
\q
\v 19 Mahmi sum ngah thei mi hausa pa cu a thih ten phumnak co ma hi. Mit phelep sung tham in um ma hi.
\q
\v 20 Tui hau tung bang haksat nak ten a mah cu zui thei hi. Zan hun ten huihpi theu thei hi.
\q
\v 21 Nisuah nak lam pen huih theu in a mah cu a ma umnak ah kho ma hi. Huihpi theu tuah tel thei hi.
\q
\v 22 Pathian in hehpih ngawlin dan a tat hang, a khut sung pen luat tukin deihnak um tuk hi.
\q
\v 23 Mihing tampi ten khut baibeng sonsiat nak aw bawlin a mah cu hawlvawk haw tuk hi.
\c 28
\p
\v 1 A thungai in ngun ca tuk in khuk um hi. Sui ca tukin,
\v 2 Thik cu lei sung pen co in ngah thei hi. Suang cu huan in dal san ngah thei hi.
\q
\v 3 Mihing in khuathim cu pai tik thei hi. A tawp tian hei in hihen, khuathim suang, thihnak hei hihen zui in cek thei hi.
\q
\v 4 Mual bul ah khuk co in ke tuah mah le mah a nang tu um ngawl tolh sukin, mihing umnak cu zamsan thei hi.
\q
\v 5 Lei in an eih tuk pia thei naven, a nuai lam umnak pen mei tuah a siat bang sia tuk hi.
\q
\v 6 A suang te cu suangsan umnak mun hi. Leivul vang sui in cang hi.
\q
\v 7 Itihbang mi vano hei in thei ma hi. Mu valai mit tuah a muh ngawl laih mi lamzin um hi.
\q
\v 8 Mahmi lamzin cu sahang te a pal laih ngawl, pawpi te vang vak ma laih hi.
\q
\v 9 Mihing in suang hum ah a khut koih in, mual te cu a bul tian lum let thei hi.
\q
\v 10 Suang sung pen tui luang thei hi. A mit in a lamdang mi hempoh te zo thei hi.
\q
\v 11 A luang mi tui cu tan in, a sel mi thu hempoh te pholhsuah thei hi.
\q
\v 12 Mah hang cihnak a lai ah mu tuk hum? Theihnak vang a lai mun ah um hum?
\q
\v 13 Cih thiam nak a man cu mihing in thei zo ma hi. Nunnak a nei mitei umnak mun ah zei hei in mu thei ma hi.
\q
\v 14 A thuk mi umnak mun ah kei cu um mang hi. Tuipi vang keima sungah um ma hitin, son thei hi.
\q
\v 15 Sui a ngek cu pia in cihnak ngah ma hi. Ngun cu cuai teh in cihnak man cu pha zo ma hi.
\q
\v 16 Ophir sui, a sunglawi mi onxy suang, sapphire suang tuah lei ta vang ngah thei ma hi.
\q
\v 17 Sui hei hihen, suangval hei hihen pha zo ma hi. Sui a ngek van tuah hei in hek dun ta vang ngah zo ma hi.
\q
\v 18 Coral suang le a thiang kilkel mi suangval cu son tuk um ma hi. Cihnak cu suangman pha sangin man nei saw hi.
\q
\v 19 Ethopia topaz hei in pha zo ma hi. A sunglawi bel mi sui tuah hei in lei theih ma hi.
\q
\v 20 Mah hang cihnak cu a lai pen heng hum? Theihnak cu a lai bel ah um hum?
\q
\v 21 Nunnak a nei pakhat no hei in zo in mu thei ma hi. Vanhum vano ten zei in mu thei ma hi.
\q
\v 22 Abaddon kumpi le thihnak ten cihnak hi thuthang cu beng tuah zaaknak bekin um hitin, son thei haw hi.
\q
\v 23 Pathian bekin cihnak lamzin cu thei hi. Cihnak umnak mun cu thei hi.
\q
\v 24-25 Huih cu cuai teh, tui vang teh in, leipi mawk tian zo in vanhum nuai ah a um mi hempoh cu mu hi.
\q
\v 26 Nguahzuk nak thu bawl in vanthum khuaphelep lamzin a bawl ten,
\v 27 Cihnak cu lak hi. Cihnak thu cu koih in zei hi.
\q
\v 28 Mihing ten Pathian launak cu cihnak thu le sual bawl ngawlin a pialh theihnak thupia hitin, ti hi.
\c 29
\p
\v 1 Job in tehkip nak awnkam a son bet mi cu,
\v 2 Kei cu a bosa mi kum, ha, Pathian cingkep nak ni a hih bang cang leh ta hen.
\q
\v 3 Mah cengten Pathian meikhuat cu ka lu humah a vak hang, mahmi vaknak cu keiman suang in a thimnak mun ah hawh thei ing hi.
\q
\v 4 Ka khanno laih huncan, ka inn sungah Pathian tuah pawlkom thu a um mi huncan sung, ka hihnak bang cang leh ta hen.
\q
\v 5 Mah ten huham thawmngeng pa cu keima lam ah um hi. Ka canu le capa te vang keimah kil in um haw hi.
\q
\v 6 Mah ten ka hawh nak lamzin pen nawitui cu luang hi. Suangpum vang keima ca sathau cu nguntui bang luang hi.
\q
\v 7 Kei cu khuapi sung heng in khuapi luhtum nak kongka pi ah hawh in lamzin ah khung tuk ka um laih tak,
\v 8 Tangval ten keimah a muh hang ngelh in um haw hi. Kum U ham ten tho in ding haw hi.
\q
\v 9 Kumpi caten awn ngawl um in a muhtei kam cu a khut tuah in hup haw hi.
\q
\v 10 Bawi Upa sunglawi te vang daiden no um in a lei cu a dang ah kop hi.
\q
\v 11 Mihhing ten ka samnak aw a zak ten thupha pia haw. Keimah a muh haw ten thangphat haw hi.
\q
\v 12 Itahum titale, kei cu mizawng nu le pa nei ngawl, bawm tu nei ngawl tei au ten pan thei ing.
\q
\v 13 A sia li toh mipa thupha piak nak cu keiman co ing. Meivong nui thinlung cu nop tik hi.
\q
\v 14 Dikcang nak thuam bawl in keiman silh ing. A dik mi thukhen nak cu ka silh mi puan, ka lukhu hi.
\q
\v 15 Mitcaw te cu ka mitcang hi. Kebai tei ke ing hi.
\q
\v 16 Mizawng tei pa ing. Theihnak imah a nei ngawl mitei thu cu keiman zei tung.
\q
\v 17 Mipha ngawl tei ho cu keiman ek tuah in a long pen a eih mi cu laksak hi.
\q
\v 18 Kei cu ka buu sung pen thihnak thu um tuk hi. Ka nunnak ni huncan te philnel zah tam tuk hitin, ngaisung ing.
\q
\v 19 Ka zung cu tui bulah pungzai hi. Dai tui cu zan khua in keima kangkak ah cak hi.
\q
\v 20 Ka minthan nak cu a cat ngawl a pak vul in ka thalcang te vang ka khut sungah thazang a dim in um hi.
\q
\v 21 Midang ten ka awnkam ngai in ka piak mi ngaihsut nak ngak in daiden no um haw hi.
\q
\v 22 Ka hilh cengten a mun don leh ma hi. Ka awnkam cu a ma hum ah tuicak bang in cak hi.
\q
\v 23 Nguah tui a kin bang keimah ngak in dawl ta nguah tui a co ngah nuam bang, a muhtei kam cu zal zet kau in um haw hi.
\q
\v 24 Kei cu nui in a muhte ka zoh ten a mun um thei haw ma hi. Ka mitmai vak nak vang pai tik haw ma hi.
\q
\v 25 Keiman a muhtei lamzin cu bawm in a sunglawi mi umnak mun ah khung ing hi. Ngalkap hempoh te tuah kumpi bang in hihen, thanau mite cu a nem tik tupa bang ing hi.
\c 30
\p
\v 1 A tuin, keimah sang kum naupang saw ten keimah cu zawnsak thei haw hi. A muhtei pa cu keiman dindeih in ka tuu hon cingtu uico tei umnak tuk hei pia ma hi.
\q
\v 2 A muhtei thazang ngilnak a bo cengten, keima thu itihbang in bawl thei hum?
\q
\v 3 Ningkial haksat nak hang, midang te phial ma hi. Ngam sung tupi ah le mi veng um nak mun ah tai haw hi.
\q
\v 4 An eih tuk hampa cam bul pen buakphiah kung ceh at in, Juniper zung te vang sua haw hi.
\q
\v 5 Mihing umnak mun pen hawlvawk co in nguca hil bang, midang te hil in au haw hi.
\q
\v 6 A lauhuai mi mual laklawh leikua sung, suang kua sungah um haw hi.
\q
\v 7 Hampa cam nuai pen kap in lingkung nuai ah hulawm in um haw hi.
\q
\v 8 Misual ca, mi siasuak ca a hih hang mun hempoh ah hawlvawk co haw hi.
\q
\v 9 A tuin, kei cu a muhtei lasak nak mun, zotsak zamsan mi in cang ta ing hi.
\q
\v 10 Keimah cu dindeih in ngam khuala pi ah pial thei haw hi. Ka mitmai cu cilsiak ngawl in um haw ma hi.
\q
\v 11 Pathian in keimah cu thalcang tuah kap in a bawl siat hang, a mun ka mai pen kamkaih nak khau cu hah thei haw hi.
\q
\v 12 Naupang ten ka taklam khut pen tho in ka ke cu nawmvawk haw hi. Keimah siatsuah tukin lamzin dip haw hi.
\q
\v 13 Ka lamzin siatsuah keimah bah tuk in zuam haw hi. A muhtei sungah ngallin nak a pia tu um ma hi.
\q
\v 14 A zal mi khuk sungah luh tum bang, keimah do siatsuah nak bel in keima nelah thum tawtok in tai haw hi.
\q
\v 15 A lauhuai mi thu te ka nelah heng in huih theu bang ka minthan nak cu a zui hang, ka hauhsak nak cu meingo bang tham khawng zo hi.
\q
\v 16 A tuin, ka thinlung kehbelh zo hi. Haksat cim thuaknak hun can ten keimah pha zo hi.
\q
\v 17 Zan huncan ten ka nguh te na zet in ka thangui te nemcuam nak um ma hi.
\q
\v 18 Ka natnak cu a nase leita hang puan tuah tuam mi bang, keimah cu tuam in angki ngawngholh bang keimah cu ken in um hi.
\q
\v 19 Keimah cu cinciak sungah a nawm vawk hang, kei cu leivul le meikam vut bang cang ing hi.
\q
\v 20 Topai nelah ka au ta vang za ma hi. Ka ding ta vang imah poisa ma hi.
\q
\v 21 Keimah cu phat ngawlnak tuah bawl in thazang ngilnak a nei mi khut tuah bawlsiat hi.
\q
\v 22 Keimah cu thiak in huih a khun tik hang, ka pumpi taksa cu hah hi.
\q
\v 23 Keimah cu thihnak ah hihen, nunnak a nei mi hempoh tei hulopkhawm nak inn ah hei hihen, a man pui hi tih cu keiman thei ing hi.
\q
\v 24 Pathian khut a zak ten ngen na ven a thupi nak um ma hi. A siatsuah ten au naven hehpih tu um ma hi.
\q
\v 25 Haksat a heng tupai ca keiman kap awng zo ma ing maw? Mizawng pai ca ka thin na awng zo hima maw?
\q
\v 26 Mah naven keiman phatnak ka muansan ten siat nak heng hi. Vaknak cu ngak in ka um ten khuathim in cang hi.
\q
\v 27 Ka thin vang sa zet in dap tih um ma hi. Haksat cimnak thuak huncan cu keiman tawk zo ing hi.
\q
\v 28 Ni vak nak cu tham in khuathim sungah vak kawkawi hi. Mipi mai ah ding in au ing hi.
\q
\v 29 Cingne te cu a u le nau hi. Kalauk vano te cu ka ngualcam hi.
\q
\v 30 A vun te hang khawng in a nguh te kang in um hi.
\v 31 Ka phaidak cu phuknak aw, ka pheveu cu kahnak aw bek pia thei hi.
\c 31
\p
\v 1 Keiman khanglai te hei zo tuk ngawl in ka mit tuah thukhaam lungkim nak bawl zo ing.
\q
\v 2 A hum lam umnak munpen Pathian nelpen co mi cu ai hum? A sangnak mun pen huham thawmngeng pai lo co cu ai hum?
\q
\v 3 Mi siasuak ten siatnak ah hei hihen, a diknak um ngawl in a nung mite siatnak ah hei hihen heng tuk hima maw?
\q
\v 4 Pathian in ka hawhnak lamzin te mu hima maw? Ka ke ngiah hempoh sial hima maw?
\q
\v 5 Zolthu lamzin ah mi zol tukin ka tai kha pang hei hihen,
\v 6 A man mi cuai teh nak ah keimah cu teh hen. Pathian in ka dikcang nak cu thei hen.
\q
\v 7 Kei cu lamzin pial kha hei in hihen, ka thinlung in ka mit deihnak ah a zui kha hei in hihen, ka khut ah a bal mi kop kha hei in hihen,
\v 8 Ka vawh mi anci ngah a ngui cu midang in ei hen. Ka ankung te midang ten bot ta hen.
\q
\v 9 A nupi cu keiman hazawl kha hei in hihen, inn nel tei kongka bul pen ka zo kuh kha hei in hihen,
\v 10 Ka nupi cu midang tei lakah sum an deng ta hen. Midang ten ka nupi cu zawt dem ta hen.
\q
\v 11 Keiman mah tihbang in bawl kha sual tale sual ngengpi hi. Thah co tak mi sual um hi.
\q
\v 12 Mahmi sual cu a venghawng in a kang mi mei, ka hauhsak nak hempoh a siat suah tu mei hi.
\q
\v 13 Ka sila le ka sila numei cu keimah tuah thubuai nak a um ten, keiman a thungai ngawlin ka um kha tale,
\v 14 Pathian a thawh ten aitin keiman bawl tuk hum? A cek in a kan ten itin don leh tuk hum?
\q
\v 15 Keimah bawl tu Pathian in a mah vang bawl hima maw? Pathian pakhat bek in ohtei panih cu nui pum sung pen bawl hima maw?
\q
\v 16 Keiman mizawng cangah tei kul mi pia ngawlin um awng ing maw? Meivong tei mitmai sia tukin bawl awng ing maw?
\q
\v 17 Nu le pa nei ngawl te an eih tuk pia ngawl in keimah bek ei awng ing maw?
\q
\v 18 Mizawng te a pai nelah a um bang, ka naupang laih pen pan keimah tuah cawmnak co zo hi. Ka hin ni pen pan meivong cu bawm zo ing.
\q
\v 19 Puan silh tuk a neih ngawl hang thihnak ah heng in mihing pakhat tuah silh tuk nei ngawl mi zawng zet mipa cu keiman mu in,
\v 20 A man elin keimah thupha pia ma hi. Ka tuu mul tuah a lum no a um ngawl ta vang in hihen,
\v 21 Zungpen keima lamah a um mi kumpi cu keiman mu in, nu le pa nei ngawl in a um mipa cu bawl siat kha hei in hihen,
\v 22 Ka ban cu ka ko pen cak hen. Ka khut te ek hen.
\q
\v 23 Kei cu Pathian siatsuah haksat nak lau in, a huham thawmngeng hang sual bawl ngam ngawlin um zo ing.
\q
\v 24 Keiman sui cu muang in sui a ngek cu nangman ka belhnak mun hitin son kha hei in hihen,
\v 25 Keiman hauhsak nak tampi neihnak co theih hang, ka tuangkhon lungdam kha hei in hihen,
\v 26 Vaknak a suak mi ni, vaknak tuah a hawh mi hade ka zoh ten,
\v 27 Ka thinlung daiden no nem in ka khut cu ka nam kha pang hei in hihen,
\v 28 Thahnak a co tak mi sual um hi. Hum lam umnak mun ah a um tu Pathian cu elnak ah heng hi.
\q
\v 29 Keimah a hua tupa cu a siat ten keiman lungdam ing maw? A mah cu haksat nak a hen ten keiman tuangkhawng ing maw?
\q
\v 30 Keiman a nunnak tamsiat in, ka kam pen sual nak heng tik tukin thupia mang hi.
\q
\v 31 Ka innsung sang ten, a kua hum ohtei topai sa cu ngai in kham ngawl in um hum tin son thei hima maw?
\q
\v 32 Mikhual cu lamzin ah zan huncan ten liam tuk ngawl in keiman khualzin mikhual tei lakah ka kongka hong zo ing.
\q
\v 33 Keiman mihing bawl theih mi bang, ka sualnak sin khuh in ka thinlung sung pen ka sual cu sel awng ing maw?
\q
\v 34 Mah tihcun bawl kha pang tale mihing tampi mai pen ka mitmai sia hen hi. Miphun tampi ten sonsiat in keimah cu mualpho ta hen. Inn a pawlam ah tul ngawl in daiden no in um hen.
\q
\v 35 Mihing pakhat in ka awnkam cu ngai hen. Ka donak lai cu keiman pia tung hi. Huham thawmngeng pan keimah cu cek in kan hen. Ka thubuai do nak a um mi cu lai in ngan hen hi.
\q
\v 36 A thungai in mahmi lai cu ko hum ah keiman koih tung hi. Lukhu bang khu tung hi.
\q
\v 37 Keiman ka bawl mi hempoh lak tuk hi. Kumpi bang a ma nelah nek tung hi.
\q
\v 38 Ka lei ngam in keimah a mawh siat hang au in long ten a bang ve kap ta vang in hihen,
\v 39 Ancang bo ngawlin lei pen a suak mi an ngah le a ngui cu keiman ei in leikhal in a muhte bawl siat kha pang hei in hihen,
\v 40 Cangkung ai in lingkung po hen. Barly cangkung ai in hampa kung po hen hitin, ti hi. Job awnkam a son mi cu ceng ta hi.
\s Elihu
\c 32
\p
\v 1 Mah tihcun Job in a mah cu dikcang hitin a ngaihsut hang, mahmi a mu pathum ten don leh ngawlin um haw hi.
\v 2 Mah ten Buz miphun Barachael capa Elihu cu a thinuuk hi. Job in Pathian sang a ma dikcang nak thu a lak hang, Job nelah a thinuuk hi.
\v 3 Job ngualcam pathum ten don leh thei haw ma naven Job cu sual um hitin thu a khen hang, a muhte vang a thinuuk hi.
\v 4 Elihu cu a muhte sang a kum dawm saw hang, Job son mi awnkam a venghawng a bo laih ngawl ngak in um hi.
\v 5 Mahmi a mu pathum ten son tuk awnkam a um ngawl nak thu a theih ten, a thinuuk hi.
\p
\v 6 Mah ten Buz miphun Barachael capa Elihu a son mi cu ka kum dawm ing hi. Nohte cu kum U ham zo uh ci. Mah hang, keiman lau in ka lungmu son ngam ngawl in um zo ing hi.
\q
\v 7 Ni le huncan a sau mi a ma awnkam otpih tuk mi kul hi. Kum tampi a liam mi a ma cihnak cu cun tuk mi kul hi.
\q
\v 8 Mah hang, mihing sungah hawvang um hi. Pathian in a nun tik hang cihnak um hi.
\q
\v 9 Mihing kum U ham te a cat ngawl in cihnak nei ma hi. Kum U ham mi hempoh ten a dik a man thu thei ma hi.
\q
\v 10 Mah hang, ka awnkam ngai un. Keiman ka lungmu vang lak tung hi.
\q
\v 11 Nang muhtei awnkam zaa tuk in keiman ngak ing. Nohten son tuk zei in thuson khawm mi awnkam cu keiman ngai zo ing.
\q2
\v 12 Phazet a ngaih laih tak Job cu a kuamah in neh thei ma hi. A ma awnkam cu a kuamah in don leh ma hi.
\q
\v 13 Mah hang, kohten cihnak zei in mu zo tin ngiahsut tuk um ma hi. Job a do tupa cu mihing hima hi, Pathian hi.
\q
\v 14 Job in keimah camcawh in a son mi hima maw, nohtei don leh mi bang keiman don leh tuk mang hi.
\q
\v 15 A mun amthong don leh ngawlin daiden no in um haw hi.
\q
\v 16 Ngak leng in ka um laih tak a mun awn ngawl don leh ngawl daiden no um haw hi.
\q
\v 17 Mah hang, keiman keima ca don leh tung hi. Ka lungmu cu lak tung hi.
\q
\v 18 Keiman son tuk awnkam a dim hi. A sunglam hawvang sosuah nak co ing hi.
\q
\v 19 Ka von cu a bin mi cabit tui tuah bang ve hi. Savun thawl a thak keh bang hi.
\q
\v 20 Kei cu nemcuam tuk in son tung hi. Ka kam kau in don leh tung hi.
\q
\v 21 A kuamah mitmai zo ngawl in a kuamah thangphat nak awnkam tuah lem mang hi. Mah tihcun bawl tale keimah bawl tu Pathian in keimah cu la paih tuk hi.
\q
\v 22 Mi dang te thangphat pahcawi thiam manng hi. Mah tin bawl tale, keimah bawltu Pathian in lacop tuk hi.
\c 33
\p
\v 1 Mah hang Job aw, ka hilh mi awnkam hempoh te ngai in zui in.
\q
\v 2 Keiman a tuin kam keu in lei tuah ka hilh ten,
\v 3 Ka thinlung a tuang bang ka awnkam tuang tuk hi. Ka kam in a ciang mi awnkam son tung hi.
\q
\v 4 Pathian hawvang in keimah bawl zo hi. Huham thawmngeng pai nunnak in keimah nung tik zo hi.
\q
\v 5 Ka awnkam na don leh thei tale ka nelah don leh in hi. Na awnkam ngaisung in, Zuam in hi.
\q
\v 6 Pathian mai pen kei cu nangmah tuah bang ve hi. Keimah vang leivul tuah bawl mi hi.
\q
\v 7 Na lau nak tuk thu keima sungah a lau huai tuk um ma hi. Nangma hum ah keiman a ngit mi khut nga mang hi.
\q
\v 8 A thungai in na awnkam ka zak mi bang na son mi awnkam cu,
\v 9 Kei cu a thiangtho mi lungmu um hi. Sualnak bawl thei mang hi. Ka sungah sual um ma, thiangtho hi.
\q
\v 10 Pathian in keima sungah mawhsiat nak zei hi. Keimah cu ngal bang in ngaisung hi.
\q
\v 11 Ka ke kol bulh hi. Ka suah tulnak lamzin hempoh cing zo hitin, ti ing hi.
\q
\v 12 Mah tin tih ten sual zo ing hi. Ka don leh mi awnkam cu a thungai in, Pathian cu mihing sang a thawmngeng saw hi.
\q
\v 13 Pathian cu ita do cim? A bawl mitei thu lak ma hi.
\q
\v 14 Pathian in veikhat cu thupia hi. Mihing ten thei ma tale veinih tian thupia hi.
\q
\v 15 Mihing ten zau in hihbuh ci um ten mangman in zan muhnak te a co hang,
\v 16 Pathian in mihing beng cu hon sak in thu hilh thei hi.
\q
\v 17 Mah tihcun mihing in a ngaihsut nak zamsan tik tuk in hihen, pualthau ngalnak pen luat tukin hihen bawl hi.
\q
\v 18 A nunnak cu thankhuk sung pen kham in, nam tuah haksat nak pen thi tuk ngawl cingkem hi.
\q
\v 19 Mihing cu zaunak hum pen natnak thuak in a nguh hempoh te nasezet a nat hang,
\v 20 Mok le a uuk mi an eih tuk te cu a thinlung hawvang in hua hi.
\q
\v 21 A taksa vun te kiam in a tham hang, a lang awng ngawl mi nguh te lang haw hi.
\q
\v 22 Nunnak hawvang cu than khuk bul ah hei hihen, siatsuah tutei khut sungah heng awn zo hi.
\q
\v 23 Mah hang, mihing tampi te a dik mi lamzin lak tik tuk in thawngkhat ah pakhat, a ma ca ngallin nak a pia thei mi nungzui tu a um tale,
\v 24 Pathian in than khuk sungah mahmi pa cu heng tik ngawl in pan hi. Tatnak tuk a man cu keiman mu zo ing hitin, a hehpih nak tuah thupia hi.
\q
\v 25 Mahmi pa cu naupang te sang a taksa vun dawn saw in, a nunnak khang no leh in tha dim tuk hi.
\q
\v 26 Pathian nelah thungen in a hehpih nak a co hang, lungdam nak thinlung tuah a mitmai pha mu tuk hi. Dikcang nak thupha cu mi tampi tei lakah Pathian in pia thei hi.
\q
\v 27 A man kei cu sual zo ing hi. A dik a man mi thu cu bungkhup zo hi. Mah naven a co taak mi sual cu thuak ngawl in,
\v 28 Than khuk sungah keimah cu heng tik ngawl a pat nak hang, ka nunnak cu khuathim sung pen luat ing hitin, mihing tampi tei lakah la sa tuk hi.
\q
\v 29 Mah tihcun Pathian in mihing tampi tei sungah veikhat veinih na a deh hang,
\v 30 Than khuk sung pen la in, a nung mitei vak nak tuah in vak tik hi.
\q
\v 31 Job aw, ka awnkam cu ngallin nak tuah ngai in. Daiden no um in. Keiman hilh tung hi.
\q
\v 32 Mah naven hilh tuk a um tale son leh in. Nangmah cu sualnak pen luat tik tuk in, ka deihnak a um hang awnkam hilh ing hi.
\q
\v 33 Awnkam hilh tuk a um ma tale daiden no um in ka awnkam thungai in. Cihnak cu keiman hilh tung hitin, ti hi.
\c 34
\p
\v 1 Mah cengten Elihu in a son bet mi cu,
\v 2 Zak nak tam le muhnak tam micip te aw, ka awnkam ngai un.
\q
\v 3 Kam pen an a tep bang, beng in awnkam cul thei hi.
\q
\v 4 Ohtei ca tuk kan in a dik mi thukhen tuk hung. A pha mi thu cu eimu pumpak loli in sialsiah tuk hung hi.
\q
\v 5 Job in kei cu dikcang ing hi. Pathian in keima thu cu sung tik hi.
\q
\v 6 Keiman pumpak phatnak sia tik tukin zol thu son tung maw? Kei cu sual bawl ngawl ta vang, a dam thei ngawl mi natnak vei zo ing hitin, son zo ing.
\q
\v 7 Job tuah a bang ve mi mihing pakhat um ni maw? Tui in bang sonsiat nak cu hem thei hi.
\q
\v 8 Phat ngawl nak tuah a nung mite phial in mi siasuak te tuah hawh thei hi.
\q
\v 9 Mihing cu Pathian sungah lungdam in, nemcuam nak um ma hitin Job in son kha zo hi.
\q
\v 10 Mah hang theinak pha a nei mite aw, ka awnkam thu ngai un. Sual bawl cu Pathian tuah hei hihen, sual cu huham thawmngeng pa tuah hei in hihen kang ta hen.
\q
\v 11 Mihing bawl mi bang pia tuk hi. Mihing hempoh in a ma nuncan ziaza bang thuak tuk hi.
\q
\v 12 A thungai in Pathian cu sual bawl ma hi. Huham thawmngeng pa cu phat ngawlnak tuah thukhen ma hi.
\q
\v 13 Leipi cu Pathian nelah a kon ap hum? Hi leihum hempoh a kon thukhen in lem leh tuk hum?
\q
\v 14 Pathian in mihing cu a deihnak um ngawlin mihing tei hawvang a la tacun,
\v 15 Mihing hempoh te thi cop paih in leivul ah heng leh haw tuk hi.
\q
\v 16 A tuin nang cu theihnak na neih hang, ngaisung hih in. Ka awnkam aw ngai hih in hi.
\q
\v 17 Thudik a hua tupa cu uktu in cang tuk maw? A dik aman mi thukhen in huham thawmngeng a nei tupa cu mawhsiat tuk kul maw?
\q
\v 18 Nang cu misual hi citin kumpi te hei hihen, nohte cu mipha ngawl te hi uh citin kumpi cate hei hihen son tuk kul maw?
\q
\v 19 Mah bek sial ngawl kumpi tei mitmai zo ma hi. Mizawng pa cu maisot tuk sang, sum ngah thei mipa maisot nak a nei ngawl mi Pathian cu son tuk a kul ngawl mi hima maw? Pathian in nunnak a nei mi hempoh a khut tuah bawl zo hi.
\q
\v 20 Huncan a ngei ngawl in nunnak a nei tu hempoh te thi thei haw hi. Zanngil huncan ten mihing pakhat miphun cu hing in a thih hang, thazang ngilnak a nei tupa vang a kuamah bawl ngawl in thihnak ah heng thei hi.
\q
\v 21 Itahum titale, mihing hawhnak lamzin cu Pathian in zo in mihing ke ngiah hempoh mu hi.
\q
\v 22 Phat ngawl nak tuah a nung mipai ngelhnak mun khuathim, thihnak pakhat no hei um ma hi.
\q
\v 23 Pathian mai pen mihing cu thukhen nak a tawh ten, vei tampi cek in dot kan lih tuk a thu um ma hi.
\q
\v 24 Thazang ngilnak a nei tute hei cek ngawl in a siatsuah hang, a muhtei hihnak sungah midang te pia hi.
\q
\v 25 Mah ten a mu bawl mi hempoh a theih hang, zan khuathim cu heng tik in siatsuah hi.
\q
\v 26 A muhtei sual hang mipi mai pen dan tat hi.
\q2
\v 27 Itahum tiatle, a mun Pathian cu el haw hi. A bawl mi na te ngai sung haw ma hi.
\q
\v 28 Mah tihcun a bawl hang, mizawng cangah tei kahnak aw cu a mai ah kai in bawl siat a co tupai kah nak aw cu za hi.
\q
\v 29 Pathian in daihnak a pia tale a kon noksak thei tuk hum? A mitmai pial tale mihing phunkhat hei hihen, mihing pakhat bek hei hihen, a kon a mitmai mu thei hum?
\q2
\v 30 Mah tihbang mizawng te sual tuk ngawl in, mipha ngawl kumpi te khia suk hi.
\q
\v 31 Keiman thu hilh nak thuak zo ing. Sual leh tuk ma toh ing hi.
\q
\v 32 Ka theih ngawl mi thu cu hilh in. Sual bawl khak hang bawl leh ngawl um tung hitin Pathian cu son tuk mi hima maw?
\q
\v 33 Nangman na el hei in hihen, teng hei in hihen, nangma deihnak bekah Pathian zui in a deihnak ah zui ngawl in dan pia tuk hima maw? Mah ahitale na theih mi bang hilh in hi.
\q
\v 34 Theihnak pha a nei miten hilh hen. Cihnak a nei miten ka awnkam ngai hen.
\q
\v 35 Job in thei ngawl in son kha sual zo hi. A son mi awnkam cu cihnak awnkam hima hi.
\q
\v 36 Job in mipha ngawl te bang a don leh theih hang, a tawp tian cul tukin ka deih nak um hi.
\q
\v 37 Sual a bawl bek sial ngawl a do mi sual um laih hi. Ohtei sungah nehnak puai bawl in Pathian cu a sual mi awnkam tuah tampi awn thei hitin, ti hi.
\c 35
\p
\v 1 Mah cengten Elihu in a son bet mi cu,
\v 2 Kei cu Pathian sang dikcang saw ing hitin na son mi cu a man mi tin ngai sung cim maw?
\q
\v 3 Nangman kei cu i nemcuam nak co ngah hum? Sual bawl ngawl in um tale i nemcuam nak um hum tin, son nuam ci.
\q
\v 4 Nangmah le na ngualcam tei awnkam cu don leh tung hi.
\q
\v 5 Vanhum lam zo in nangmah sang in a sang mi meigo cu zo in hi.
\q
\v 6 Nang cu sual bawl ta vang, Pathian cu itihbang in do kha thei cim? Bawl sual mi sual a tam ta vang a phatnak cu a kon siatsuah thei tuk hum?
\q
\v 7 Nang cu na dikcang ta vang, Pathian phatnak cu a kon pia thei hum? Na khut sung pen i lungdam nak co tuk cim?
\q
\v 8 Na bawl mi sual cu nangmah tuah a bang ve mihing bek cu khengkha thei hi. Na bawl mi phat nak cu mihing tei sung bekah lungdam thei hi.
\q
\v 9 Bawl siatnak tampi a thuak tuten au thei haw hi. Thazang ngilnak tuah a bawl siat hang, nasezet in au thei haw hi.
\q
\v 10 Mah naven keimah bawl tu, zan huncan ten lasak theihnak a pia tu,
\v 11 Ngamsa tei theihnak sang a theih sawnak hei hihen, vanhum vano neih ngawl a lamdang mi cihnak hei hihen, kohte cangkim tik tu Pathian cu ai lai ah um hum tin a kuamah in dong thei ma hi.
\q
\v 12 Mah hang mipha ngawl, pualthau zotsak nak thuak in au ta vang Pathian in don ma hi.
\q
\v 13 A thungai in Pathian cu a thupi ngawl mi awnkam cu ngai ma hi. Huham thawmngeng pa in mah tihbang mi awnkam cu sialsiah ngawl in um hi.
\q
\v 14 Pathian cu mu mang hitin na son ta vang, a dik mi tuah a khen hang muansan nak tuah um in.
\q
\v 15 A tuin, a thinuuk in hilh ma hi. A bawl sual mi sual nak cu nasezet in a ngaihsut ngawl hang,
\v 16 Job cu a thupi ngawl mi awnkam thu son thei hi. Cihnak nei ngawl in tampi awn thei hitin, ti hi.
\c 36
\p
\v 1 Mah cengten Elihu in a son bet mi cu,
\v 2 Keimah cu ngaithiam in hi. A thu keiman lak hih tung hi. Pathian ca in son tuk um laih hi.
\q
\v 3 Kei cu khuala pi umnak mun pen ka cihnak keng tung hi. Keimah bawl tu Pathian cu a diknak thu keiman lak tung hi.
\q
\v 4 A thungai in a man ngawl mi thu cu keiman son mang hi. Cihnak thiamnak cangkim mipa cu na nelah um hi.
\q
\v 5 Pathian cu a huham thawmngeng hi. Mah naven imah sum sial ngawlin um ma hi. Thazang ngilnak, theihnak tuah a dim hi.
\q
\v 6 Mipha ngawl tei nunnak cu cingkem ma hi. Mizawng cangah tei lam ah thukhen hi.
\q
\v 7 Midik te imah sum sial ngawlin um ma hi. Kumpi tuah tohkham khunnak hum ah kumkhua umnak pia in khaisang hi.
\q
\v 8 A muhte cu haksat cimnak khau tuah ken a co tale,
\v 9 A muhtei bawl sual mi le a bawl sual palcat khak mi sualnak hempoh lak hi.
\q
\v 10 Thu hilh mi awmkam ngaih nuamnak lungmu pia in, sual bawl zam san tukin thukham pia hi.
\q
\v 11 A thu awnkam ngai in na dek tale hauhsak nak tuah lungkim in ni le ha kum le huncan te tuah liam tik thei haw hi.
\q
\v 12 Thu a ngai ma tale nam tuah that in, cihthiam nak um ngawlin thi thei haw hi.
\q
\v 13 Sual lungmu a nei miten thinuuk nak khawl thei haw hi. Khau tuah ken ten au thei haw ma hi.
\q
\v 14 A naupang laih penpan thi in, mi siasuak te tuah thi thei haw hi.
\q
\v 15 Siatnak ah a heng mi mizawng cangah te cu nangman pan in hi. A muhtei haksat cimnak sung pen Topan otpih hi.
\q
\v 16 Mah tihcun nangma haksat cimnak mun pen a zal a ciangtum mi umnak ah thawn tikin, na cabuai hum pen an eih tuk a uuk mi a dim koih tuk hi.
\q
\v 17 Mah naven mi sual pai co mi sual dantat nak tuah na dim tale sualnak tuah a seng mi dan cu nangman thuak tuk ci.
\q
\v 18 A thinuuk suak thei a hih hang, a dan tat tuk cu lauthawm nak um hi. Sualnak ah a hen cengten man tampi pia ta vang mah le mah tan thei ma hi.
\q
\v 19 Na neihnak muang tuk cim maw? Sui hei hihen, hauhsak nak tampi hei hihen, pia nuam ta vang muan tuk um ma hi.
\q
\v 20 Zan cu ngai ngawlin, zan hun ten mihing tampi te thah nak co thei haw hi.
\q
\v 21 Ngalling in. Phat ngawlnak thu cu hehpih pah sin. Mah tihbang mi thu cu haksat nak sang nangman teng zo ci.
\q
\v 22 Zo in Pathian a huham tuah a khaisan nak um hi. Pathian bang a kon uk thei hum?
\q
\v 23 A hawh nak lamzin cu a kon thupia thei hum? Nang cu a pha ngawl mi sualnak bawl zo ci tin a kon son hum?
\q
\v 24 Mihing tampi ten thangphat tuk mi na cu pahcawi tukin ngal ling hen.
\q
\v 25 Mi hempoh ten a na dehnak mu haw hi. A khuala pen zo thei haw hi.
\q
\v 26 Pathian cu a huham thawmngeng hi. Ohten Pathian thei zo ma hung hi. A kum tampi te kan in bo thei ma hi.
\q
\v 27 Tui cak vang neu tik in a hum lam ah a dawh hang, tuikhu a um mi bang nguahzu thei hi.
\q
\v 28 Meingo pen mihing tei humah nguah caakin tampi nguah zu thei hi.
\q
\v 29 Meingo a dim a zam nak, deu buk sung aw nging cu a kon thei hum?
\q
\v 30 Deu buk humah vaknak cu phalh hi. Tuipi thuanthum a thuk bel mun vang khuh hi.
\q
\v 31 Mah tihbang mi a hih hang, miphun hempoh thukhen hi. Tampi an eih tuk pia hi.
\q
\v 32 Vaknak cu a khut tuah kham in ngal tei umnak munah hah leh hi.
\q
\v 33 A mah penpan ngamsa te le thingkung te a deihnak a um ngawl thu lang hi.
\c 37
\p
\v 1 Hi thu hang ka thinlung hing in a ma umnak pen thawn hi.
\q
\v 2 A son mi aw le a kam pen a tul mi aw cu pha tak zet ngai un.
\q
\v 3 Van hang nuai hempoh ah hah in leipi mawk tian khuaphelep tik hi.
\q
\v 4 Khuaphelep cengten a aw suak hi. A thawmngeng nak aw tuah van thum hi. Aw a nging ten huih theu cu thuak thei ma hi.
\q
\v 5 Mangbangza thu cu Pathian aw tuah vanthum hi. A ngeng mi thu kohtei theihzawh ngawl mi thu te bawl hi.
\q
\v 6 Leihum ah dai nguah tui cak in hihen, nguah zu tuk in hihen, a thawmngeng nak tuah nasezet in nguahtui te hei hihen, thupia hi.
\q
\v 7 A bawl mi mihing hempoh ten a mah thei tukin mihing hempoh na deh cu kham hi.
\q
\v 8 Mah ten sahang te leikua sungah tum in, a muhtei umnak mun ah um thei haw hi.
\q
\v 9 Simpei huih cu hanglam pen hei in hihen, a dap cu saklam pen hei hihen heng thei hi.
\q
\v 10 Pathian in a sem hang tuikhal cang in tui umnak hempoh khal in um hi.
\q
\v 11 Meingo pen nguahtui heng tikin vaknak hang meingo cu tham tik hi.
\q
\v 12 Hi leihum hempoh a thucah mi bang bawl tukin cihnak tuah vak kawi kawi tik hi.
\q
\v 13 Dan tat hei in hihen, lei ngam ca tuk in hihen, hehpih nak pia tuk in hihen heng tik hi.
\q
\v 14 Job aw, hi awnkam thu ngai in. Pathian mangbangza thu cu daiden no ngai sung in hi.
\q
\v 15 Meingo te itihbang Pathian in kelen in, a khu mi meingo vak tik hi tih cu nangman thei a cim maw?
\q
\v 16 Cihnak a cangkim mi Pathian mangbangza thu a himi meingo te, a ngit ngawl man zet no nguahzu tik in hihen,
\v 17 Leihum ah hanglam huih tuah a dap a pai tik ten, na puan itihbang tuah lum hum tih hei hihen thei a cim maw?
\q
\v 18 A si luan mi dal, thalang a cang bang a um mi vanhum cu nangman Pathian tuah bawm dun phalh maw?
\q
\v 19 Kohten itihbang ngen tuk tihmi cu hilh in. Kohten khuathim hang a thu son thiam ma ung hi.
\q
\v 20 Ka awnkam thuson nuam mi cu Pathian nelah hilh tuk maw? Pathian nelah hilh ngam tale siatnak ah heng tuk hi.
\q
\v 21 Huih heng in van a cai bang mihing in vaknak a al cu mu ngam ma hi.
\q
\v 22 Saklam pen sui vaknak a al suak thei hi. Pathian cu a lauhuai mi huham tuah dim hi.
\q
\v 23 Huham thawmngeng pa cu kohten kan in bo thei ma hi. Thazang ngilnak tuah in hihen, thukhen nak le dikcang nak tuah in hihen, lamdang cuang in um hi. A kuamah bawl siatnak um ma hi.
\q
\v 24 Mah hang, mihing tampi ten launak thu nei haw hi. Theihnak pha a nei tu pakhat no hei in Pathian cu mu thei tuk ma hitin, ti hi.
\s Job in Pathian thu a dotnak
\c 38
\p
\v 1 Mah ten Pathian in Job awnkam cu simpei huihtheu sung pen a don lehnak a son mi cu,
\v 2 Cihnak um ngawl awnkam tuah bek ka ngaihsut nak a thim tik tu cu a kua hum?
\q
\v 3 Mihing pano bang na el pen het in hi. Ka thudot mi buainak cu hilh in hi.
\q
\v 4 Leipi a zung cu ka bawl ten nang ai lai ah um cim? Na thei tale hilh in hi.
\q
\v 5 Leipi teh in a sau lam cu a kon bawl hum? Na thei tale hilh in hi. Khau cu ngit hum ah a kon dok in koih hum?
\q
\v 6 Leipi tawphah zungpi cu i lai mun ah dok tik hum?
\q
\v 7 Zinglam aksi ten munkhat no la sa in, Pathian ca hempoh ten lungdam nak tuah a au laih tak haw in, inn ningah khuam a kon koih hum?
\q
\v 8 Tuipi thuanthum cu a nui pum sung pen hing in a suah tul ten a kon kongka tuah khak hum?
\q
\v 9 Tuipi thuanthum cu keiman meingo silh in a sah zet mi khuathim pi tuah cun mi huncan sungah hei hihen,
\v 10 Nang cu hi umnak mun tian hung ci.
\q
\v 11 Nawk lo in kal pah sin, hi umnak mun ah na pualthau ngalnak tui lumlet cu tawp tuk hitin thukham pia in, tuipi thuanthum a khen cu keiman bawl in kongka khah nak le kongkalh nak a koih mi huncan sungah hei hihen, a kon bawm hum?
\q
\v 12 Nangman na nun sung veikhat no beek, zinglam huncan cu thucah awng cim? Zingkhua vak cu a umnak koihsak awng cim?
\q
\v 13 Zingkhua vak in leipi mawk len in mi siasuak te thing tukin bawl awng maw?
\q
\v 14 Leipi cu tacik khet bang zuk lang in puan vanthuam bang um hi.
\q
\v 15 Mi siasuak tei vaknak cu pai in a zak toh mi khut cu ek thei hi.
\q
\v 16 Nang cu tuipi thuanthum ciktui sungah lut tum awng cim? A thukzet mi a nuai ta bel umnak mun ah vak awng cim?
\q
\v 17 Thihnak kongka ten nangmah kong hon awng maw? Thihnak sungah a lut tum mi lamzin pi te mu awng cim?
\q
\v 18 Leihum hempoh zo awng cim? Ihempoh na thei tale hilh in hi.
\q
\v 19 Vaknak mun ah i lamzin tuah heng cim? Khuathim umnak mun vang i lai ah um hum?
\q
\v 20 A thungai in nang cu vaknak le khuathim khennak ah kei muhte hetpih thei ci. A muhtei umnak inn ah a heng mi lam zin te thei tuk hi.
\q
\v 21 Nang cu nidang laih hing in kum U ham na hih hang thei tuk ci.
\q
\v 22 Nang cu dai nguahtui innpi sungah lut tum awng cim?
\q
\v 23 Haksat hen huncan le ngaldo nak huncan tuk ka koih mi nial innpi te mu awng cim?
\q
\v 24 Vaknak cu i tibang lamzin tuah heng hum? Nisuah nak huih cu leihum ah ita theu hum?
\q
\v 25 Mihing um ngawl nak lei le mihing um ngawlnak ngam sungah nguahzu tik tuk in hihen,
\v 26 Ngam a lawng thong mi munlawn cu tui kham tikin,
\v 27 Hampa kung zik dawn tawt tuk in hihen, a leet mi nguah tui luannak lamzin, kekcang tuah a seng mi khuaphelep nak lamzin cu a kon hong hum?
\q
\v 28 Nguah tui hipa cu a kua hum? Dai nguah te cu a kon cang tik hum?
\q
\v 29 Vuk khal cu a koi von sung pen tul hum? Vanhum dai tui khal cu a kon naupai nak pia hum?
\q
\v 30 Tui cu suang bang a hih hang tuipi umnak cangzet in um hi.
\q
\v 31 Nang cu Pleiades aksi nop zet in a bawl mi cu kelen thei cim? Ori-on aksi tei ken nak cu duk thei cim?
\q
\v 32 Mazzaroth aksi te huncan a kim ten pholhsuah in lang thei maw? Arc-turus aksi le a caten lamhuai thei maw?
\q
\v 33 Vanhum thu te thei cim? Mahmi thu in leipi a uk tuk thu phalnak pia thei maw?
\q
\v 34 Nguah tui tampi in nangmah khuh tuk meingo ten aw suah tul in hah thei maw? A mun hi umnak munpen kohten um ung hitin nangmah cu hilh haw maw?
\q
\v 35 Khuaphelep vak nak te hah thei cim? Hi umnak munpen kohten um ung hitin nangmah cu hilh haw maw?
\q
\v 36 Taksa pumpi sungah cihnak cu a kon koih tum hum? Theihnak cu a kon pia hum? Cihnak neih hang meingo te a kon sial thei hum?
\q
\v 37-38 Leivul cu hual in leikhal te kop in a um ten, vanhum tui thawl te cu a kon leih suk hum?
\q
\v 39 Nangman pawpi nu ca an eih tuk ngamsa zeih sak thei cim?
\q
\v 40 Pawpi la ten a belhnak mun ah op in hampa cam nuai pen zoh kuh in a um ten, a muhte khampek in cawm thei maw?
\q
\v 41 Va-ak no ten an eih tuk um ngawl hang, vak kawkawi in Pathian cu a au ten an eih tuk a kon pia hum?
\c 39
\p
\v 1 Nang man ngam lak sathak hin mi huncan thei cim maw? Sazuk pi nauhin a thuak huncan cu sialsiah thei cim?
\q
\v 2 Naupai ni, ha te cu sial in a hin tuk huncan thei cim?
\q
\v 3 A mun elkun in nau a hin hang haksat nak dai haw hi.
\q
\v 4 A cate cu dam in ngamsung munlawn ah khang thei haw hi. Mun dang ah hawh in a nui lakah kik leh ngawlin um thei haw.
\q
\v 5 Ngam sung laak cu a kham tu um ngawl a kon hah hum? Ngam lak ah laak khau khih nak a kon duk hum?
\q
\v 6 Ngam lak cu a ma inn tuk in hihen, munlawn cu a ma umnak tuk in hihen, keiman pia zo ing hi.
\q
\v 7 Khua sungah a cang mi mihing tei awn thawm cu a man imah sum sial ngawl in bawl thei hi. Hawlvawk tupai au mi aw cu sial siah thei ma hi.
\q
\v 8 Mual mawk ah an zei in thingceh hing phunkim te zei thei hi.
\q
\v 9 Savung in nangma na cu dek in na kuang umnak mun ah koih tuk in deihnak um tuk maw?
\q
\v 10 Savung cu lo let zui tik tuk in khau tuah ken theih maw? Mah ahima tale na nungah zui in luam sungah lo let tuk maw?
\q
\v 11 Savung cu thazang ngilnak a neih hang a mah cu muang tuk maw? Na bawl mi na cu a mah ap tuk cim maw?
\q
\v 12 Na cang pua in cang bem sungah koih tuk hitin um cim maw?
\q
\v 13 Kalauk vano cu a ha zap in um thei hi. Ngam sungah a um mi ngaan cu a mul tuah dim hi.
\q
\v 14 Mah naven lei sungah op in a tui te leivul sung pen lum tik thei hi.
\q
\v 15 A ke in a tui te sik kha pang tuk, sahang ten sukeh tuk hitin lau nak um ma hi.
\q
\v 16 A cate cu a ma ca bang ngaisung ngawlin hangzet bawl thei hi. Lau nak um ma hi. Nau hin haksat nak cu a thupi ngawl in thuak thei hi.
\q
\v 17 Itahum titale, Pathian in cihnak nei tuk ngawl in bawl hi. Theihnak pia ma hi.
\q
\v 18 Mah naven a mah le mah cu a hun ten cipuh le cipuh khung tu hei in nuihsan thei hi.
\q
\v 19 Nangman cipuh thazang tuah dim tik thei cim? A long ah kekcang sialsiah nak koih cim maw?
\q
\v 20 Khau dawk bang dawk tik thei cim? A ma nal aw cu lauhuai hi.
\q
\v 21 Munlawn te phet in a thazang ngilnak sungah ngal ten, ngalkap te tawk tuk in hawh thei hi.
\q
\v 22 Lauhuai thu cu zawnsak in launak lungmu pen a luat hang, ngalnam haksat nak pen pial thei ma hi.
\q
\v 23 A lang lam pen thalcang awnthawm tuah ceipi le lumphaw cu de zialzual in um hi.
\q
\v 24 Pualthau ngalnak a nasezet mi thinlung tuah lei cu thon thei hi. Lemle aw a zaak ten daiden no um thei ma hi.
\q
\v 25 Lemle aw a lai ah a hen ten, e heu, e heu tin son thei hi. Ngalkap aunak aw thawm tuah ngaldo nak puai cu khuala pi pen a ngim nam thei hi.
\q
\v 26 Na piak mi theih nak tuah mu vanlai in a ha cu phalh in hanglam ah leng thei maw?
\q
\v 27 Na bawl hang mu vanlai cu humlam ah kai in a sang nak mun ah a bu sa thei maw?
\q
\v 28 A mah cu suang hum ah um in mual lek le suangmawk hum ah um thei hi.
\q
\v 29 Mahmi umnak pen zo in eih tuk ngamsa cu khuala pi pen mu thei hi.
\q
\v 30 A cano tei thisan in thei hi. Thah a co mi ngamsa umnak mun ah mahmi vano um hitin, ti hi.
\s Job cu Pathian thupiak nak
\c 40
\p
\v 1 Mah cengten Pathian in huham thawmngeng thu hilh tupa cu do tuk laih cim maw?
\q
\v 2 Pathian mawhsiat tupa cu don leh hen hitin Job nelah a hilh ten,
\v 3 Job in kei cu mipha hi mang hi.
\q
\v 4 Topai nelah itihbang don leh tuk hum? Keiman ka kam cu ka khut tuah hup tung hi.
\q
\v 5 Veikhat son kha zo ing hi. Son ngam leh ma zo ing. Veinih hei son kha zo ing. Mah hang son bet leh ngam ma zo ing hitin, Pathian cu don leh hi.
\p
\v 6 Pathian simpei huih theu sung pen Job thu a piak mi cu,
\v 7 Mihing pano bang na el cu het in. Ka thudot mi buainak cu hilh in.
\q
\v 8 Nangman ka thukhen nak vawk tuk cim maw? Nang cu nangmah le nangmah dikcang nak nei hem tuk in keimah thukhen tuk cim maw?
\q
\v 9 Nangman Pathian khut zung bang mi khut zung um maw? Pathian aw bang mi aw tuah vanthum thei maw?
\q
\v 10 A lamdang mi minthan nak silh in. A mawi zet mi minthan nak tuah silh in.
\q
\v 11 Na thinuuk nak hah in hi. Pualthau ngalnak a nei mi hempoh ten zo in niamkhiat in.
\q
\v 12 Pualthau ngalnak a nei mi hempoh ten zo in zawt dem in. Mipha ngawl te nawt vawk in,
\v 13 A muhte cu leivul sungah munkhat in phum un. A muhtei mitmai cu khuathim sungah khuh hen.
\q
\v 14 Mah tin bawl tale na taklam khut thawmlian in nangmah pan thei tuk hitin, keiman lungkim tung hi.
\q
\v 15 Nangmah tuah ka bawl mi Behemoth cipuh zo in. Khui bang hampa ei thei hi.
\q
\v 16 A ma huham cu elah hei hihen, a thazang ngilnak cu pumpi thangui ah hei hihen um hi.
\q
\v 17 A mei cu cedar thingkung bang hing thei hi. A pum thangui te a thuah a thuah in um haw hi.
\q
\v 18 A nguh neu te cu dal tuan, a nguh ngeng te cu thiktum pi bang cang haw hi.
\q
\v 19 Pathian bawl mi sung pen a lamdang mi hi. A mah a bawl tu Pathian bek in a mah cu phio tuah in neh thei hi.
\q
\v 20 Ngamsa hempoh tei um maihnak mual cu a muhtei an um nak mun hi.
\q
\v 21 A lim pha mi thingkung nuai, pumpeng kung hampa cam nuai, tui tamnak mun ah um thei hi.
\q
\v 22 Mahmi thingkung a lim khuh in lui tui bul paknem kung ten kiim haw hi.
\q
\v 23 Ngun tui a khang ta vang a mah cu tai thei ma hi. A kam cu Jodan ngun tui in a ei ta vang hing ngawl in um thei hi.
\q
\v 24 Mahmi cipuh cu langzet in man tuk cim maw? A nal cu thikkawi tuah vit tuk cim maw?
\c 41
\p
\v 1 Leviathan cu nga sio tuah dokin, khau tuah in neh thei tuk maw?
\q
\v 2 A nal pen khau khih in kawizang tuah awk tik thei ni cim?
\q
\v 3 A man nangmah cu vei tampi hehpih ngen tuk maw? Awn nem awnkam otpih tuk maw?
\q
\v 4 Nangmah tuah lungkim nak thukhaam bawl tuk maw? Nangma na a cat ngawl na dek tuk in a mah cu pia tuk cim maw?
\q
\v 5 Vano tuah um maih bang in a mah tuah um mai tuk maw? Nangman numei naupang tei ca a mah cu ken tuk maw?
\q
\v 6 Na ngualcam phialpih ten a mah cu an eih puai bawl haw tuk maw? Sum bawl tei lakah sem haw tuk maw?
\q
\v 7 Nangman a vun cu thik ling khau tuah hei in hihen, a lu cu ngasa dawhnak ceipi tuah hei in hihen mun hempoh pen dawt thei cim?
\q
\v 8 A ma hum ah khut na koih bek cu bawl in hi. A mah do tukin ngaihsut mi cu phawk leh tuk ma hi.
\q
\v 9 A do tupan neh tung hitin thupi ngawlin ngai sung hi. Muh bek ten thinkham cim maw?
\q
\v 10 A mah sosuah tukin a kuamah in ngam tuk ma hi. Mah hang ka mai ah a kua ding thei tuk hum?
\q
\v 11 Keiman lungdam thu hilh tuk a kon keima nelah lungdam thu bawl awng hum? Vanhum nuai ah a um mi hempoh ka neih mite hi.
\q
\v 12 Leviathan a pumpi khen te, huham, a mawi a thuam te keiman sel in koih mang hi.
\q
\v 13 A puan cu a kon lip thei hum? Thuahnih a nei mi kha nguh cu a kon nek ngam tuk hum?
\q
\v 14 A ma mitmai kongka a kon hong ngam tuk hum? A ha te cu a lauhuai mi hi.
\q
\v 15 Kho zet tacik khet bang pakhat nung pakhat a kopcih mi a lip te tuah ngal thei hi.
\q
\v 16 Huih hei lut tum thei ngawl in pakhat nung pkhat kopcih in um hi.
\q
\v 17 Pakhat le pakhat khawh theih ngawlin um hi.
\q
\v 18 A vaknak cu al zet hi. A mit cu zinglam mitkhoh phelep bang hi.
\q
\v 19 A kam pen meialh a tuan suak in mei a themkhet te vang leng thei hi.
\q
\v 20 A so pawpoh mi bel sung pen a khu kai thei bang a nal pen a khu kai thei hi.
\q
\v 21 A haihawh ten meiling cu alh in a kam sung pen meialh suak tul thei hi.
\q
\v 22 A longah huham um hi. A mai pen launak cu lam thei hi.
\q
\v 23 Taksa thungui te cu thakhat thawn thei tuk ngawl khoh in um hi.
\q
\v 24 A lung cu suang bang cang hi. A nuai ta suangngawi nak bang cang hi.
\q
\v 25 A thawh ten huham a nei miten lau haw hi. A lau zet hang a sil bang in um haw hi.
\q
\v 26 A mah cu do tale nam tuah neh thei ma hi. Ceipi, thalcang, thik in neh zo ma hi.
\q
\v 27 Thik cu cangphol bang in hihen, dal cu thingmuat bang in hihen ngai sung thei hi.
\q
\v 28 Thalcang tuah kap in a mah cu tai thei ma hi. Saili tuah kap mi suangpum te cu a ma lak pen buak bang hi.
\q
\v 29 Ngolh ngengpi cu vai hawng bang ngaisung in ceipi tuah a elh ten nuihsan thei hi.
\q
\v 30 A ma nuai pen a hiam zet mi bel a lang lam keh um hi. Cinciak hum ah lo lehnak thik hiam te koih thei hi.
\q
\v 31 Bel so bang in tuipi cu so tik thei hi. Tuipi thuanthum cu phazawngden huan a nem bang cang tik thei hi.
\q
\v 32 A hawhnak sa lamzin cu a vak tik hang tuipi cu samngo puak bang in um thei hi.
\q
\v 33 Leihum ah a mah tuah tehkip tuk mi ngamsa um ma hi. A ma hihnak hang lau theihnak lungmu pen luat hi.
\q
\v 34 A sangnak mun hempoh te imah sum sial ngawlin bawl thei hi. Pualthau a ngal mi hempoh tei hum ah kumpi cang hitin, thupia hi.
\s Job
\c 42
\p
\v 1 Job in Pathian nelah a don leh mi cu,
\v 2 Topa cu na hempoh a bawl theih nak thu hei hihen, a ngaihsut nak cu a kuamah in a kham theih ngawl nak thu hei hihen, keiman thei ing.
\q
\v 3 Cihnak nei ngawl in a ngiahsut nak a sel tu cu a kua hum? Mah hang, ka theih ngawl mi thu te hei hihen, bulpak hei thei ngawl thasiah in a bo thei ngawl mi thu te hei hihen son kha zo ing.
\q
\v 4 Ngai in. Keiman son hih tung hi. Ka thudot mite cu hilh in hi.
\q
\v 5 Thuthang cu ka beng tuah za zo ing hi. A tuin, Topa cu mit tuah mu ing hi.
\q
\v 6 Mah hang keimah le keimah hua ing hi. Leivul le meikam vut ah khung in sual sik ing hitin, ti hi.
\p
\v 7 Mah tihcun Pathian in Job nelah thu a piak cengten, Teman miphun Eliphaz vang in nangmah le na ngualcam panih te cu ka thinuuk suak hi. Itahum titale, ka sila Job cu ka thu man zet a hilh bang nohten hilh ma uh ci.
\v 8 Mah hang khuicang salih le tuu cang salih keng in, ka sila Job nelah hawh in meihal biakpiak nak a lu pia ta un. Ka sila Job in nohtei ca thungen tuk hi. A mitmai cu keiman zo tung hi. Mah a hima tale ka sila Job in keima thu hempoh man zet a son bangin nohtei son ngawl mi sual bang keiman thukhen tung hitin, thupia hi.
\v 9 Mah tihcun Pathian thucah mi bang Teman miphun Eliphaz, Shuh miphun Bildad, Naamanth miphun Zophar ten hawh in bawl haw hi. Pathian in Job hi mitmai zo hi.
\p
\v 10 Job in a ngualcam tei ca thu a nget cengten, a thuak mi haksat nak cu Pathian in vawk sak in a masa a neihnak sang letnih in pia hi.
\v 11 Mah ten a U le nau, a U nu te a masa in a theihmi hempoh ten a ma nelah hung in a inn ah a mah tuah langkhat in an ei haw hi. A ma hum ah Pathian hen tik mi haksat nak hempoh phawkin a mah tuah a phuknak le nepnak te bawl haw hi. A mu venghawng sum pia khat ten le sui bengkhaih pakhat ten pia haw hi.
\v 12 Mah tihcun Pathian in Job hi a masa a cang mi thupha a piak mi sang, a dawl ta thupha tam saw a piak hang, a man tuu thawngheili (14,000), kalauk thawngluk (6,000), khui leng thawngkhat (1,000), laak nu thawngkhat (1,000) nei hi.
\v 13 Capa salih le canu pathum cawi leh hi.
\v 14 A canu U pa bel cu Jemima, a canu panih nak cu Kezia, a pathum nak canu cu Kerenhappuch hi.
\v 15 Ngam sung hempoh pen Job hi canu bang a mawi mi numei pakhat no hei um ma hi. A pan a nau pano te tuah bang ten in a muhte a neih nak lo cu sem in pia hi.
\v 16 Mah cengten Job cu kum za le sawmli (140) nung in a capa, a tu le canawn te a muh cengten,
\v 17 A kum U ham in ni le huncan a tam hang thi hi.