bsj_reg/44-JHN.usfm

\id JHN
\ide UTF-8
\h Yuhanna
\toc1 Yuhanna
\toc2 Yuhanna
\toc3 jhn
\mt Yuhanna

\c 1
\p
\v 1 ki kaba kero wii, lakero co kino kange kwama, la kero co kwama
\v 2 co wuro kange kwama ki kaba
\v 3 dikero gulam kebo ci nen la dikero kange mani wo ci mani kebo ci ne ne.

\v 4 dumi kino cinen, la dume cuo co filank nubo ko gwam
\v 5 filanko weni mor kumta cili, la kumta cili labo bi kwan cero.

\v 6 nii kange wi kwama tomu we, wo dencero Yohanna.
\v 7 ci bou naci war kedor filangeronin lana nubo gwam na ne bilengke ki warke ceu.
\v 8 Yohanna kebo filanko, la ci bou ri naci ne karke dor filankero nin

\v 9 filanko kendo, wo ne nubo gwam filangeu, bou ti dor bi tiner.

\v 10 cin wi dor bitiner, cii ma dor bitinero cinen la dor bitinero nyom co bo.
\v 11 cin bow wo cee nin di, wo ceu yõ co bo.

\v 12 dila gwam wo yoceri, wo ne bilenke ki dencereri, cin ciya cinen cii a yilam bi bei kwama
\v 13 buro ci ka bo ci kebe ki bwiyele kaka a ki cii ka bwiyek kaka cui ka niik la ki cui ka kwama

\v 14 kero wo yimla bwi la yi kange bo. bin tom duktanga ceko, duktanga nawo wiin cuar bow kwamanine, diin ki lima kange bilen ke.
\v 15 Yohanna ne warke dorcerla toki kibi kwan ki "wo co wo mitok ker dorcer miki "cuo wo bou bwikom mikeu laye dwika la cin beken ten minen."'

\v 16 wori mor diika ceko gwambe bin yo luma dor lumar.
\v 17 la werfundo bou kang mucak. luma kange bilenkeu bou kang Yeecu kiritti.
\v 18 kange man wo tom kwama wiye, kwama wiin cuar wo yim cunga tee, la cin nung binen kwama

\v 19 won co werka Yohanna, ki kwama Yahudawa mor Urucalima tuom nob wabeb kange lewiyawa cinen naci me co ''mwin we?''
\v 20 cin toki, ci cuerbo cuerke, la cin tok bilenke ''mi kebo kiritti.'' ciki, ''mi kebo'' cii ki, mo nii tomange dukume?'' cin ''o-ong''

\v 22 la cin yico ki mwin we, la nanyi fiyam dike nyi yi nubo tuomou nye ti? mwiki tok mwiki ye dor mwer?''
\v 23 ciki ''min diir, cuo bi cuor ti mor yere, kom ywelum nure kwama ciyer, dong-dong nawo kaya nii tomange dukumeu tokeu.''

\v 24 ciin tom kangenbo mor nob dinglingeb,
\v 25 la cin me co, ri cin yi coki, ''yebwi mwi yu mwem tiye no mwi kebo kiritti kakaa, Iliya kakaa nii tomange dukumeri?''

\v 26 Yohanna ciya cinen ki miki yu mwembo ki mweb. dila kange wi tim more kume wo kom yom beu
\v 27 co wo bou bwi miyeu, duka taceko mi labon kwi.
\v 28 ci ma dike buro baitanya dinge urdun ne wi neu, fiye Yohanna yum mwembo tiyeu.

\v 29 cyel fini ceri Yohanna to Yeecu bou ti cinen la ciki, ''to, be kweme kwama wiren wo tunm bwirnan ker dor bitineu.
\v 30 co wo mi yi kom miki, wo bou bwikob mike laye, wori ciki no kabum minin
\v 31 mi nyom co bo, la na nung Iciraila nin co, mibou mi yu mwem kwamambo tiki mweme.

\v 32 Yohanna ne werke ki min to yuwa tangbeko yirauti dii kwama na nagumfe ri yi ken dor cer.
\v 33 mi nyom cobo, dila cuo wo tom ye ki yu mwem kwamambo ki mwemeu yi ye ki, dor nii woro mwi to yuwa tangbeko a yirauti na yitiyeri, cou wo ayu mwem kwamambo tiki yuwa tangbeke
\v 34 min tom ri. min ne werke wo bi bwe kwama.''

\v 35 tak, ki cel fini, kambo Yohanna tim kange yob mor kwanka ceke,
\v 36 cin to Yeecu cuken ti, dila Yohanna ki to, be kwame kwama,''

\v 37 nob bwankab ceko yobeu nuwam dila ci toke la cin bwangten. Yeecu
\v 38 la Yeecu yila nuwe to cii bwang cinen ten firi ci ki ''ye ko cuii tiye?'' cin ciya co, ''rabbi (wo no yila kangum ri co ''nii merangka''), ''mwi ki da fe?''
\v 39 cin yici, ''kom bou nako to,'' la cin bow cin to fiye ci dam tiyeu, cin dam wi kange co ka kuko cou la darum kange kang kenekko teer.

\v 40 wiin mor nubo yobeu wo nuwa Yohanna tok ker di bwangten Yeecu, andiranwuc yi cimon Bitruc.
\v 41 cin terri ci fiyan kece Bitruc la yi co ki'' nyin fiyam Almacihu (wo no yilangum ri co; kiritti)
\v 42 cin bou ki co Yeecu nin, la Yeecu to cori ki ''mwin ci monbi bwe Yohanna. ci ya co nen ki Kefac ''(no yila kangumri Bitruc)''

\v 43 ciel fini ce ki kwama wo Yeecu cui naci cu cielili, cin fiya Filibuc lanyi co ki, ''bwang menten.''
\v 44 la Filibuc ceru'u Batcaida, cinan lor Andrawuc kange Bitruc.
\v 45 Filibuc fiya Natana'ilu yi coki, ''co wo muca mulangi dor cer mur werfuneu, kange nob tomangeb dukumere, nyim fyam co, Yeecu bi bwe Yucufu wo Nazaret.''

\v 46 Nataniyelyi co ki dikero ken antin ceru mor Nazaret ka? ''Filibu yico, ''bou na to.''
\v 47 Yeecu to Nataniyel yauti cinen la tok ker dor cer ''to nii Iciraila kendo, wo cuwer ke mani cineneu.''
\v 48 Nataniyel yico ''ma nyi mwi nyimom yere?'' Yeecu ciya co la yico, na nyimde Filibuc co nen ki kwama wo mwi yim dimer tiir nying cine min tom nen.''

\v 49 Nataniyel ciya cinen, nii merangka mwibi bwe kwama mo liya Iciraila ''
\v 50 Yeecu ciya lan yico, wori min yi nen miki min tom nen dimer tiir nying cin, mwi ne bilenke? mwanto dikero dur tini la weu.''
\v 51 la cin yici ciki bilenke, mi yi komti, kom to dii kwama wumom la nob tomangeb kwama ki kwii ki yirai dor bi bwe nii fire.''

\c 2
\p
\v 1 kanbo kume ta'ar cuineri, naakak wii mor kana wo Galili la nee Yeecu wi wi.
\v 2 la cin yi Yeecu kange nob bwangka cebo naci fiya yaki ken

\v 3 kanbo mwem Inabi dimmeri, nee Yeecu yi co ki ''ci manki mwem Inabim.''
\v 4 Yeecu yi co ki, nawiye, ye bwi mwi bou minene? kwama mi la bo bwirin''
\v 5 nee ce yi canga tininbo ki ''bwen no ye ci kom meri, ko mani

\v 6 la cir mwenge tereko wi nyo nukkun wo Yahudawa ki manade nangen ciko wo niir kako wuccake ci le rum makake, cikin tuum nyo ceer leer ro kwob-kwob gwance
\v 7 Yeecu yii ci, ''ko dirongum ceer mwengero buro ki mwem ''la cin diirongum cuko mer-med
\v 8 la cin yi canga tinimbo, ''ko bwi naweu ya ki nee duur cika ro la cin bwengten wo yilam mwem Inabi ye, dila ci nyom bo fiye ci bow cikeu (dila cangatinimbo buro tuwau mwembe nyumom). la cin cou nii na nawiyeu

\v 9 la duur cikaro twi bwembo wo yilan mwem Inabi ye, dila ci nyom bo fiye ci bow cikeru (dila cangatinimbo buro tuwau mwembe nyumom) la cin cuo nii na nawiyeu
\v 10 la cin yi co ''nubo ki ter neka mweb Inabim bo kenko ki kaba nanum de wo lombo yorau bwangten. dila mwein yoken kenko la mwi coku ti na wonyo''

\v 11 woco diker nyiman kako Yeecu mani mor kaka wo Galili yeu, la cin nung dur tangka ceko, la nob bwangkab ceko nee bilenke cinen

\v 12 bwikom wuro ri Yeecu, nee ce keb cebo, kange nob bwangkab ceko yira ken kafar nahum, cin yi ken wi kume ni bi duwar

\v 13 la dukluma yahudawa ka dadom, Yeecu yaken Urucalima.
\v 14 cin fiya nob miye ka nennek kange kwama kange nawurme mor bikur-waber, kange nubo fulong kemer tiye yirongum wi.

\v 15 la cin ywel belyange ki duka, lacin cikangum ci gwam mor bikur-waber, kange kwama, kange nennetini. cin watangen kemer nubo fulog kemer tiye wi cin tungagum tabur tini ceu
\v 16 ki nubo miye nawurme tiye ciki, ''kocer ken ki dike buro. ko dubom yila kako ki lo temi fiye miyeka dikere.''

\v 17 nob bwangka ceko kwabi ki mulangum mulange'' kor lo mwero cam ner miro ''
\v 18 la nubo dur Yahuda ciya, yi co ki, ''yirom bo wuni mwanung nyinenti wori mwi marang digero buro tiye?
\v 19 Yeecu ciya, ''ko werum bi kur wabero wo, la mor kume ta'ar mang kung ti

\v 20 la nubo dur tini Yahuda ki bi kur wabero wo to cotiro kwini na'ar culombo nukkun na nyi me ci mu la mwan mum co mor kume ta'ar?
\v 21 la, ciki tok kange bikur-waber bwi cero.
\v 22 ki kwama wo cii kungu ki cin co bwanreu, nob bwangka ceko kwabi ki cin tok ker nyo, la cin ne bilenke ki bi fumero kange kero wo Yeecu tokkeu.

\v 23 la ki kwama wo Yeecu mor Urucalima ki cika yabka, nubo duce ne bilenke den cero kanbo cii to diger nyimanka ko ci manen la Yeecu ciya bo kange ci wori cin nyimom ci gwam.
\v 25 kange ayi co diker dor niir, la cin nyimom dikero mor niireu.

\c 3
\p
\v 1 la ni dinglime kange wi wo den cero Nicodemu, nii dur Yahuda.
\v 2 nii wo bow Yeecu nin ki kume la yico, ''Rabbi, nyin nyumom mwin nii merangka wo bou kwama nine, wori nii kange mani wo ama diker nyimangkako mwi mane ri no kwama mani kange cori.''

\v 3 Yeecu ciya cinen, ''bilenke, no cii bo nii takri, mani ci to liyar kwama ti''
\v 4 Nicodimu yi co ''ciya boten nii nyi ki kwama ci cirame? mani ca do mor fwiye nee ce ti kiritti yob naci bo ten co, can do wa?

\v 5 Yeecu ciya,''bilenke, bilenke, no ci bo bo nii ki mwem kangi yuwa tangberi mani ci do liyar kwamak ti.
\v 6 wo cii bo mor nange ri nange, la wo cii bo mor yuwatangberi, yuwatenbe.

\v 7 Niyimangde wori min yi nen miki tam nyo cia fulongum boka mweko.
\v 8 yiwako ki cui fiye ci fobi, mwan nuwa diir cero, dila mwi nyombo fte cibow wiyeu kaka fiye ci yaken tiyeu. nyo kange nubo gwam wo ci bo co mor yiwu tangbeke.''

\v 9 Nicodimu ciya lan yi co ''dikero wo a manyi?
\v 10 Yeecu ciya lan yi co ''mwin nii meranka Icirailari durwal mwi nyombo digero wa?
\v 11 bilenke, bilengke ma yinenti tok ike nyi nyomeu, nyi nee to-e. di duwal kom yo bo warke nyeu.

\v 12 no min yi nen diker dor kalere mwi ne bo bilenke ri, mwa nee bilenke nyi no yinen dor diker dii kwama ri?
\v 13 nii kange mani wo kwiken dii kwama no cum co wo yirau dii kwamari bi bwe nii fiye.

\v 14 na wo ci yam kung bi bwe nii fiye dii,
\v 15 ri la gwam wo nee bilenke atin fiye dume di riye.

\v 16 kwama ciu kale wo ri cin neken bibwe ce wiin cuar, la wo ne bilenke cineneri mani a bwiya ti la wi ki lai dume diriri.
\v 17 kwama tungu bo bwew mor kalewo na kume dor bitinero dila na dor bitinero fiya fuloka fiye ci wiye
\v 18 wo ne bilenke cine neri mani a bwiya ti, wo nebo bilenke cine neri, kweri bwiyam bwiya wiro ci nebo bilenke ki den bi bwe kwama ro wiin cuwareu.''

\v 19 Won co dike bwi bolang filang ko bou dor bitiner, nubo cwi kuntacile la filang ko, wori nangen cero cile.
\v 20 No wo ma bwirang keri ko filang ko, bou bo filang nin wori nangen cero nungi yanglang.
\v 21 Bwen dwal nyiri, niwo ma bilenkeu, bou filang ko nin na nungi yang lang, nangen cero na kwama ce co mane.

\v 22 Bwikowo Yeesu kange bibei tomange ceu cuu biten Yahudiya, co yim wi lenger kange ci kange yuka mwengek kwamak.
\v 23 Yuwanna yuu mwem ti Ainon bidom kange Salima wori mwembo bidom wi. Nubo bouti cinen con yuu cinen mwembo.
\v 24 Fiya Yuwana ci tung bo furcuna bwiri.

\v 25 Kwalkang ke kweni tiber bibei tomange Yuwana kange Yahudawa, ker maka duklumek.
\v 26 Cin ya Yuwana nin cin yi co ki, "nii merangka, nii wuro kange mweu dinge kon caji Jordaneu dor we? mo ware, too, co yuu mwem ti, takeu gwam ci yaken ti ci nin.

\v 27 Yuwana kari, "Nii mani a yoo kange diger ti, tano ci ne co dii kwamari."
\v 28 Mo ki bwimi mwan wari, man toki ma kebo Kiristi', dila cin twomou ye nimde co.

\v 29 Bine ki nii bine, dila fakuwe nii bineu wo ti nuwa ceu, bilange ducce ki dir nii binero, wuro, co bilangtum mimbo kambo ken.
\v 30 Ca yokten miu man yiram.

\v 31 Nii wo bou diyeu, la gwam. Nii wo dor bitenereu, ki no dorbitinerer, tok diger ti dor, dorbitinere. Nii wo bou dii kwamau la gwam.
\v 32 Co war kerti dor digero co toweu kange co nuwau, dila kange man wo ciya warke ceu.
\v 33 Nii wo ciya warkeceu, co nungi kwama nii bilenker.

\v 34 La nii wo kwama tun ceu tok ker kwamar ti. Co nebo yuwa tangbe ki cuwaka.
\v 35 Tee cwi bi bwece, neken co digero gwam kang cak.
\v 36 Nii wo ne bilenke ki bweri, dume na ce, nii wo nuwabo bweri mani ca to dume ti, cwika kwama ko a yii kange co.

\c 4
\p
\v 1 kambo Yeecu nyumom tancawa nnwam co fiye ten bi bei tomange ti, co yii' cinen mwem kwama ti lan wo Yuwana ceu,
\v 2 (bwen no na kebo Yeecu ki bwici yu cinen mwembo tiyeu, bi bei tomangece.)
\v 3 con dubom Yahudiya con yilaken Galili

\v 4 la tam co tiyangi camariya.
\v 5 la con bou cinen lor camariyaro kange wo coti, cika, bidom kange fiye Yakubu ne bi bwe ce Yucufu.

\v 6 bwir Yakubu ro ki no wi. kanbo luwam Yeecu ki yamcem be ri la con yii ken kong bwirie. dong dong kamg keneko nukkun.
\v 7 nawiye camanya kange bou a tuwa mwem, la Yeecu yii, neye mwembo nan nomwi,
\v 8 nyeu bibei tomange ceu doken mor cinan lor a teyer cari.

\v 9 la nawiye camiriya yii co la a manyi mo mon bayafude mwa me yeti mo min nawiye camariya mwem no kam tiye? Yafudawa mani yabkan na kange camariyawa.
\v 10 Yeecu kar cen cinen na mon nyumom luma kwama ri, kange co nii wo yii nenti ne ye mwem nokameri, namotin ken co yii nentin ne nen mwembo ki dumeu.

\v 11 nawiye yii co, nii merangka, mo manki tabwir, bwiro cuwa kabo, la mwa fiya mwembo ki dume fe?
\v 12 be mwa la bo tenge Yakubu, mon la ca, co woca ne nyo bwireu, co ki bwici con no more ce. bibeyo lo ce no wi, kange bicir cero ?

\v 13 Yeecu yii co kange nii wo na no mwembo weri an nuwa dilo mwe tak
\v 14 la nii mane co tiyeri, mani a nuwa dilomwe ti tak. yila nyen, mwembo ma ne co tiyeu an yilam kwen mwenger cinen ti bui yaken ciko dume diinyeu.

\v 15 nawiyeu yii nii merangka neye mwembo wo nari nuware dilomwe tak. nan boure tuwaka mwengek fo.
\v 16 Yeecu yii co, ya cou bwemwe. na kom bou fo.

\v 17 nawiye yii co, mi man ki bwayile. Yeecu yii co mo tok dong-dong, mi man ki bwayile,
\v 18 wori mon nam nabarob lam nung wo mo ciko na weu ke bo bweme. dike ''mwa tokeu bilenker.

\v 19 nawiye yii co, ''nii merangka, ma to timon nii dukume.
\v 20 tebnye bo wab fo bang ko wo, la mweu moki wurcalima co fiye daten nubo yam wabka ti wiye.

\v 21 nawiye, ne bilenker kwamaco bouti wo mwa wab ''Teeti fo dor bangero wo, bwenno wurcalima di.
\v 22 kom ki wab dii ke ka nyombeu. nyeu nyo ki wab dii nya nyumom me wori fulokaka yau Yafudawa nin.

\v 23 na co nyeu, kwama co wi bouti, na weu wo fo nob wabkako kendo an wab ''tee mor yuwa tangbekcek kange bilenker. na teeu ki do co nubo buro na yilam nob wabbeceb.
\v 24 kwama yuwa tangbek la nubo buro wabco tiyeu, tam wab co ki yuwa tangbek,

\v 25 nawiyeu yii co ''man nyumom kiwo maciya bouti (wori cu wo ti kiritti yeu) na co bou, can fuitang binen dikero gwam.
\v 26 Yeecu yii co, ''mo co, ceu yinen ker ti yeu.''

\v 27 la na ceu bibei tomange ceu yilam. la ci nyumangi ye bwi co tok kan kerti kange nawiyeu, la kange ciye tok bo, ''ye mo cuitiye? ''kaka ye bwi mo tok kerti kange ce?

\v 28 la nawiyeu dubom tabwir mangero, yilam ken mor cinan lor, la yii nubo.
\v 29 bou kom to nii wo yii ye dike wo ma gwameu. wuro yilanin kiritti an yila ka?''
\v 30 cin dubom cinan loro cin bou cinen.

\v 31 na ceu bi bei tomange ceu yii co ti nii merangka cam carito.
\v 32 la con yii ci min wi ki carito ma catiyeu wo ka nyom beu.
\v 33 la bi bei tomange ceu ti tokkangi bwitici, kange nii bou cinen bo diker cakar for, lan wi ka?

\v 34 Yeecu yii ci, canmiti co wo nan ma dike nii wo tomu ye maneu, la nan takum nangen cero.
\v 35 ka tok bokum cuiyak na'ar la nanimde cuiyak ko bou ka? ma yii kom ti, kung nuwa ko to tanginiu, kweri bimye na cua kaba bi tokko ce.
\v 36 nii wo biye butuwe tiyeu, yo nan nanger ceroti, la mur bi tutiyo wo ya ken dumen dii riye. wori niwo fiyeu, ci bi langi wari.

\v 37 fo wori min, tokkako, wineu fi, la kange biyemeu bilenker.
\v 38 man tuom kom ko ya biyeka. fiye koma bou nangen wiyeu. kangem bou mam nangendo kumeu kon do ti dotange ciyerin.

\v 39 camariyawa ducce cinan loroco ne bilenker kange co ki ker nawiye wo ne warke dor ce reu. ''con yii ye dike ma maneu gwam.''
\v 40 la kambo camariyawa bou cinenu, cin ken co na yii kange, con ciya com dam kange ci kume yob.

\v 41 nubo duccu tok ne com dam kange ci kume yob
\v 42 cin yii nawiyeu, mani nya ne bilenker ti ka kero woma toku, wori nyo ki bwinyi nyon nuwam, la nyumom nii wo co nii fuloka dor bitiner.''

\v 43 bwiko kume yobeko, la con kobum we con yaken Galili
\v 44 Yeecu ki bwici toki, nii dukume mani fiya dur bitinece.
\v 45 kambo co bou Galiliri, nubo Galili yo co. cin tom dikero co manangi wurcalima, ki duklume, wori cin ya'a duklumeu keu.

\v 46 la yila con bou ten kana mor Galili, fiye yila mwem yilam mwem inabimmeu. kange nii wi wo ma nangen lo liyaru bibwece mor kafarnam nuwa bo luma.
\v 47 kambo co nuwa Yeecu dubom Yufudiya yaken Galili di, co ya'a Yeecu nin la co me co no bou na twam bibwece, woro dadom bwiyakau.

\v 48 Yeecu lam yii co na ka to bo yirom kange diker nyumankardi, ma ka ne bilenkerti.
\v 49 nii nangen ne wo yii co ''nii merangka, yirau nanimre bibwe mi bwiyam
\v 50 Yeecu yii co ''ya bibwe mwen bum.'' nii co ne bilenke kange kero Yeecu. Yeecu yii ceu, la con cu.

\v 51 kambo co yiraken tiyeri, canga ceu wabkang co yii co bibwe bum ki dume,
\v 52 co ca me ciye kang keneko nibereu, kwirum bwiu dubom co.

\v 53 co teeu la nyumom kin co kang keneko co Yeecu yii co, ''bibwemwe bum'' la co ki bwici kange loceu gwam cinne bilenker.
\v 54 wuron co diker nyuman karo Yeecu manau kambo co ceru Yafudiya co yaken Galili.

\c 5
\p
\v 1 bwiko nyeu duklume Yafudawa wi, la Yeecu yaken wurcalima. wi wurcalima nyilok bi fwa tatik bele caji wi, wo ki nyi Ibraniyawa ki co ki Baitacda, wi ki bitukko nung cumamgum cumange
\v 3 nubo kila-kila buro nuwa lumau, fukma, kilen, bwen co wo nani kange kani bwiyameri da rangum wi.
\v 4 la be tomange kwama wucakeu, ki yam nyo ya bur mwembo kwama ce, la nawo yira kenten mur mwenge bureri fiya twaka bwen non twiraye co kala ticikeri.

\v 5 nii kange wi ni wo nuwa bo luma coro kwini ta'ar cilombo narub.
\v 6 kambo Yeecu toco ca dom wiyeri, la con nyumom nii wo dam wi coti kila-kila, la con yii co, mo cuiti na yilam kwamara?

\v 7 nii nuwa luma toki nii meramgka ''ma man ki nii wuro a dokken yeti mor mwenge na ci mok mwembori. nan bou ri kange yira kenten minen.
\v 8 Yeecu yii co ''kweni, to kwangni mweu mwa yakenti.

\v 9 dangjang nii con twam lan tu kwani ceu cu. la diye co diye kakuk fobka,

\v 10 la Yafudawa yii nii wa twameu, kakuk fobkak, yorbo tu kwangni mweu,
\v 11 la con yii ci, nii wo twa yereu, yii ye tu kwama ni mwe mwa yakenti

\v 12 cin me co, we nii co yi nen ki tu kwangni mweu mwa yakengtiye?
\v 13 la nii wo ci twa beu nyombo we Yeecu, la Yeecu cerum da'ar, wori nubo kila kabo fiye co.

\v 14 la kaktenri Yeecu ya fiya co kuwabe, la yii co to mon yilam kwamer, mare bwirangke tak na kange dike bwiraneu fiya nen de.
\v 15 nii co cu yan yii Yafudawau, Yeecu twa yere.

\v 16 lan co dike wo Yafudawa ne Yeecu dotange, won co ma nan dii keburo kakuk fobkak.
\v 17 Yeecu yii ci teemi ma nangen ti bwen na wori, mo keneu ma manangenti.
\v 18 co dor Yafudawa do na twalum co ciki kebo ka kanuk fobka ca kimeu, yila con co ten kwama ki te ce, tu dor ceroti dong-dong na kwama

\v 19 Yeecu kar cinen, bicom ki bicom bwe mani a ma diker na dor ceroce kima kima kan co dike ca to tee ma tiyeu, wori dii ke na tee matiyeri, bwe kima co co ciko win.
\v 20 wori tee cui bweti, lan nun dikero gwam wo ca matiyeu, la an nung cinen dike burombo tenang tenangeu wo la buro la na ko nyumangi.

\v 21 kambo teeu kungum nubo bweyarangume yila ne ci dumeu, nyo ken bweu ne dumeti nii wo ca cuiyeu.
\v 22 la tee ma bo nii nin buolang, la con neken buolangko kang bwek
\v 23 la na nubo gwam na ne bwe dur, kanbo ci nem tee tiyeu. nii wo na nebo bwedurre di nebo teeu wo tuomceu.

\v 24 bicom, bicom nii nuwa ker mire la ne bilenker nii wo tuom yereri wi ki dume diiri yeu, la mani a kangco ti la con cum buar con yabken dume.

\v 25 bicom, bicom ma yi kom kwama co wi bouti, wuro nubo bwiyameu a nuwa dir bi bwe kwamaro tiyeu, la nubo buro nuwa an da.

\v 26 na wo tee wi ki dume coki bwici, la con ne bweu na yilam ki dume ki bwici.
\v 27 la teeu ne ken bweu bikwan kerero na mwatum bolanko wori co bibwe nii fire.

\v 28 ko nyuman de ki wo, kwama kange bouti wo nubo wo tuweti numeu an nuwa dircero.
\v 29 la ci an cerangu, buro mana kenneu ki yan kwenka dumek, la buro mana bwireu kiyan kwenka buolangek.

\v 30 mani ma makange diker ti ki bwimi, nawoma nuwau, ma mabuolangko nyo, buolanmiko dong-dong, wori dike ma matiyeu kebo mo, na nii wo tuoma yerece.
\v 31 na man warker dor mir di, warke miumani a yila bilenkeretti.
\v 32 kange wi wo awarker ti dor mire. la man nyimom warkeu ca ne ti dor mireu bilenker.

\v 33 kan tuom yuwa na nin, con ne warker bilenkerer.
\v 34 la warke wo ma yoweu kebo nii fir nin, ma tok kere wo na fiya cerka.
\v 35 yuwana kira wo titi re filang tiyeu, la kom cuiti na ko ma bilangtum mor filange ce nin biduwar.

\v 36 dual, warke ma cike tenangi la yuwana ceu, ki nangendo wo tee ne ye nan dimeu, nangen do buro matiyeu, warker ti dor mir, nung teeu tuom ye
\v 37 tee wo tuom yereu ki bwici warker dor mir. ka nuwambo dir cer wi ko tom bo cerkanka ceu wi.
\v 38 kercero mani yim mor nee kume, wori ka nebo bilenker ki nii wo ca tuomu weu.

\v 39 kom kiyerang bifumeroti kom kwatiri more ciye kan fiya dume dii ri yeu, wentati cici warkerti dor miro.
\v 40 la kom cui bo ko bou minen nako fiya dume.

\v 41 mani ma yo cak-lanka fiye nubo wiye.
\v 42 la man nyumom ka man ki cuika kwamak neer kumer.

\v 43 ma bou mor dene teemi la ka yoyebou, no na kange an bou ki den cer di kan yo co.
\v 44 la ka nebilenker nyi kom wo ciya caklangka bwi ti kumeu, lamanikado caklankako wo bou kwama nin win ki kwaceu

\v 45 kom kware neer fiye teemi wiyeu niiwo muca woka yoneer cineneu.
\v 46 na kom ciyaki mucari, kan ciya kimo, wori con mulangi dor mir.
\v 47 na kom ciya bo ki mulangka cerkori, la kom mani na ko ciya ki kermiro.

\c 6
\p
\v 1 bwiko dikeburoko, yeecu cu yabken dinge caji galili, wo coti caji tibariya
\v 2 nubo kila-kila bwang cinententi, wori cinto yirome wo ca mati dor nubowonuwa lumau.
\v 3 yeecu kwi ken bang la wi co yii kange, bibei tomange ceu.

\v 4 na weu yabkako, duklume yafudawa dadom.
\v 5 la kambo yeecu kungnuwe to nubo ducce bouti cineneri, la con yii filibu, ba ya fe na bo ten nubo buro nin cari na ci cam.
\v 6 la yeecu tok wo na co cuwa filibu, woricoki bwici con nyomom dike can matiyeu.

\v 7 filibu yii co carito naiyo kwini kob yobeu mani a lati bwen bidob, bidobri.
\v 8 win mor bibei tomangeceu, andarawu yii cimo bitru yii yeecu.
\v 9 bwe kange wi fo ki kuntulun cari to nung, na bikatece kange jinge yob. i an ye wo, nubo wo kila nyeu.

\v 10 yeecu toki, ki yi nubo a yii ken, la yerako ducce fiye co nin. la bayilobo yii ken, nubo bi kate nung, kila ciko.
\v 11 la yeecu tukuntulen cari ye do la kambo co nem buka kangeri, con ne nubo yirongume. con ma ti nyo ki jingeu, kambo ci cuitiyeu.
\v 12 kambo fuer nobero bwabangumeu, loco yi bi bei tomangeceu, ko mwerum buro wularangi kumeu na kange na lere.

\v 13 laci mwerum gwam la dim bulendo kwob cilom bo yob, ki wo wularange, mor kutulun cari ye to nungeu, wo kum nubo ca.
\v 14 la kambo nubo to dker nyuman karo wo la maneri la cin toki, bilenker wo co ni dukume a bou ti mor dorbitinereu.
\v 15 kambo yeecu nyumom cin dadom bouka na ci ta co kibi kwan na ci neken co liyau, la con cerum tak, kwi ken bang ki bici.

\v 16 la kambo meu domeri, bi bei tomange ceu yira rang ken caji.
\v 17 cin doken mor nabire mwengek, ci yabken kafarnam la kume fun fiya co yeecu boubo cinen.
\v 18 la yuwa kwam kwam ti cuici, la caji ti mwenlangi.

\v 19 kambo ci ya yambo na kang keneko kwini yob cilombo nung, kaka kwini ta'are di la cin to Yeecu yau dor mwenger caji bouti bi dom kange nabire mwengeu, la cin cuam tai.
\v 20 la con yi ci, ''niri mo'' kom cuare tai.
\v 21 la cin ciya ci yo co mor nabire mwengekro nin, ko co nabire mwengeu lam konge.

\v 22 celfini, nubo buro tirangum dinge caji wineu, tori kange nabire mwenge mani, wi, la kan co win, la Yeecu do bo mor kange bi beitomangeceu cu ki kwa ci
\v 23 la kangem nabire mwengem bo wi buro nyu tibeya, bi dom kange fiye nubo cam canyeu, bwiko teluwe nem bukakange keu.

\v 24 la kanbo nubo nyumom Yeecu kange bibei tomangeceu mani fiye ceu, ci ki bwici cin doranken nabiren mwengero buro cin cu kafanam doka Yeecu.
\v 25 kambo ci fiya co wi dinge cajiu, la cin yi co, ''ni merangka'' mwa bou fiyang fo?

\v 26 la Yeecu kar ci nen, bicom kom ki do mo, kebo yirome ka to, wori kon cam carito wo fuer kumero bwam.
\v 27 ko dob maka dotangek dor cani to wo kaya ti kaya, la ko ma dotange dor tiyero diiri yeu, la co wo bi bwe nii a ne kom tiye, wori tee kwaama kwa cinen ti kange dor cer.

\v 28 la cin yi co, yee, nya mati na nyo ma nangen kwaamare?
\v 29 la Yeecu kar ci nen, wuro co nangen kwamaro kom ciya ki wo co tomuweu.

\v 30 la cin yi co diker yirome ye mwa mati na nyo to na nyo ne bilenker ki mwe?
\v 31 ye mwa ma tiye? ten kuwa nib nyebo ca manna ki na wo ci kiyeu ne ci cari to yirau diiyeu cin cam.

\v 32 co la Yeecu yi ci, ''bicom,'' bicom'' ma yi komti kebo muca ne kom carito co diiyeu, lan tee ne kom cori to wo bilenkero ce lo kwama.
\v 33 cari kwamaro co wo yirauti dii lo kwama, wuro ne dor bitinero dume tiyeu.
\v 34 la cin yi co nii merangka,'' mwa ne nyo mwan cari to woti kir-kir.

\v 35 Yeecu yi ci, mo cari dumero, wuro bou mineneri mani a nuwa wurati, la wuro ne bilenker mineneri mani a nuwa dilomweti.
\v 36 la man yi kom, bi com kom tom ye, la ko ne bo bilenker,
\v 37 nii wo tee ne yereri an bou minen nii wo bou mineneri mani ma yuwa coti ki duwar.

\v 38 wo ma yirau bo dii nan ma cuika dor mirek, la dike nii wo tuomu yere,
\v 39 won co cuika nii tuomu yereu, kange a lemde wi win mor nubo ca neyere, la can kung ci diye kwenka liyar kwamak
\v 40 la won co cui ka tee miko, na wi wo to bwe tiyeu la ne bilenker kange ceu an fiya dume diiri yeu, la kun co ki dii ka kumenik.

\v 41 la yafudawa, to kanti ka fitike, dorcer, wori Yeecu toki co tiyo yirauti lo kwama.
\v 42 la ci ti toki wo kebo Yeecu bibwe yakubu we wo teece kange neece nyo nyumom ci ya? la ma nyi com ca tok ki ma yirau lo kwama ?

\v 43 Yeecu karci nen, ''ko dubom fiti keti to bwiti kom
\v 44 nii mani a bou ti minero, no tee wo tuomu yere cou cori, miu la na kunco kakuk kwen ka liyar kwamak.
\v 45 mulangum mulange mor bifumer nob dukumeb, toki, gwam ciye kwama an merang cinen. nii wo nuwa la merangeri, an bou fiye mi wiyeu,

\v 46 la kebo nubo gwam tom tee, lakan co wo wi tee nineu. co ca to tee.
\v 47 bicom, bicom no nii wo ne bilenkereri, wi ki dume diiriyeu.

\v 48 mou cari dumeu.
\v 49 tebkumebo cin ca manma mor kiye cin buyarangum

\v 50 la cari to wo wo yirau lo kwama, la nii wo ca more ceri la man ki bwiyaka.
\v 51 mo cari to ki dume wo yirau lo kwama, la nii ca cari to weri an fiya dume kwatti diiriyeu. cari to womane tiyeu bwimi wo cerka kaleko wo ce.

\v 52 la yafudawa mam funer bwitici, la cin yoten citi kwobkangi cin toki, la nii wo a nebo nangece nyi na bo wo.
\v 53 la Yeecu yi ci, bicom, bicom na mo wo nange bibwe nii fireri, namo nom bwiyale ceri, mani mwa fiya dumeti bwimwi.

\v 54 nii wom nangemiula nom bwiyale mi yeu wi ki dume diiri yeu, la man kung co, kakuk kwenka liyar kwama.
\v 55 wori nange miu co cari to ki bicomeu, la bwiyalemiu diker no karo bi comeu.
\v 56 nii wo wom nangemiu la nom bwiyalemiyeri a yii more mi mo mi more ce.

\v 57 kanbo tee ki dume tuom yereu, la kambo ma yimeu ma yii co teeu. la nii wo cam yereri, la can yii ker mir.
\v 58 wuro co cari to wo yirau lo kwama, kebo na tebbo ca la bwiyarangumeu, nii wo ca cari to weri an da diiri.
\v 59 la Yeecu tok dike buro kambo co merangti bi kurwabereu kafarnam.

\v 60 la bibei tomange ceu ducce wo nuwari, ki wo tokkako bwaibwaye, we a nuwa tiye?
\v 61 Yeecu lan nyimom ki bwici, kambo bi bei tomange ceu, ti funan bwiti ci yeri, la yi ci, wo yilam kayaka kekka ?

\v 62 la ye no kanto bi bwe nii fire kwikenti fiye kwatti co wiyeu?
\v 63 la co yuwa tangbe ko ne dume tiye, bwiyo mani ma kange kero ma yirang komeu yuwa tangbe kwamak, kange dume,

\v 64 la kangem kumem bo wi wone bo bilenkereu, wori ki kaba Yeecu nyimom nubo ne bo bilenkerereu,, kange wo a miye co tiyeu.
\v 65 con toki, co dike bwi ma yi kome, kange nii bou nin fiye ma wi, la tee nin

\v 66 bwiko nyeu, ducce mor bi bei tomange ceu yilam ki bwi, ci yatenbo yam kange co tak.
\v 67 la Yeecu yi wo kwob cilombo yobeu, kameu mani ka cu kume ti kenka, kebo nya?
\v 68 Bitru kar ci nen, ''mo teluwe'' nyo ki yang we nin? mo moki ker dumero diiriye.
\v 69 nyeu nyon ne bilenker, la nyon nyumom, mo nii wucak ke wo kwamaceu.

\v 70 Yeecu yi ci, kebo mo ma cok kome kwobcilombo yoba? win more kume bwekelkele?
\v 71 la co ki tok kerowo dor yafuda bi bwe cima ne kkaryoti, la co, win mor kwob cilombo yoben, nii wo a miye co tiye.

\c 7
\p
\v 1 bwiko dike buro gwam, Yeecu bwiylanti mor Galili, nyori ca cwibo na ya Yahudiya, wore Yahudawa cwiti na cin twallumco.
\v 2 la duklume Yahudawa ci cuwo ti dodom.

\v 3 kecebo la yico ki, ''dubom fo, yaken Yahudiya, na be tomange na to nangendo mwa maneu,
\v 4 nii kange man wo a ma diker ti yuran yurange no co cwiti na ci nyimom co nyanlang, wori mo ma dike buroti, nang dor mwero kale nin.

\v 5 wori yitub mwebo kene nebo bilenke muneng.
\v 6 Yeecu nyori yi ci, ''kume ni mi bou bo buri, kime kange kom kicatec.
\v 7 kale mani a ko komti, an ko ye mi wori mi tok bilenke ti dor cer nangen cero na bwir.

\v 8 kom ya dukulume wo, mani ma ya dukulume ti wori kumeni dibo buri''
\v 9 bwiko co yi ci dici dike bure di con yiken Galili,

\v 10 la yitok ce bo cu fiye dukulumeri, cin bwan cinen ten da'ar.
\v 11 Yahudawa do coti fiye dukulumi, cikin fe co?

\v 12 kero duccu wo ci tokkanti dor cereu, kangumbo ki con nii kang, kangumbo ki o-ong kebo nii keng bol nubo ti.
\v 13 nyori nii man wo tok ker ti dor cer nyanlange wori ci cwa Yahudawa ti.

\v 14 la dukulume dadom a dii tiri, Yeecu ya bikur kwamar yoten meranka.
\v 15 la Yahudawa nyimanti, ki ma nyii nii wo nyirnom diker ducce.'' wori ca yabe fiye meranka.
\v 16 Yeecu ciya ci nen ki ''meranka kebo na mi, na nii wo tomu nyere ce.''

\v 17 no nii cwiti na co ma dike co cwitiye co cwiiye di can nyimom meranka ko wo. keno bou kwama nii di, kaka miki tok ker dorek ki dor cere di ki do duktonka dor cer,
\v 18 nii wo do duktonka nii wo tomu ceri nii cuwo nii bilenke bwiranke man cinen.

\v 19 muca ne kambo werfunda ka?'' wo nii mani wo bwanteng tiye, ye bwi kom doti na ki twallum yere?
\v 20 nii bo mwerume ciya co, ''muki ninga, we do ti na co twalnene ?

\v 21 Yeecu ciya ci ki min ma nangen wiin di kom ti myimangi
\v 22 muca nekom mwatika lakeko. wuro nungbo ki na muca ce na teb kime bo ciye kikume fobka kom ki biyere larre.

\v 23 no nii ci biyeten lar bi di fobkari, kebo dikoro bwir werfun mucad. ye'e ka kangum ner wori min twabni ki bi dii fobka ka?
\v 24 kom warde ker diko wo ceru kalleu, ki wer dor bilenkeret

\v 25 kangumbo bou urcalima yi ki, ''wo kebo wo ci doti na cin twalume ka?
\v 26 to co tok kerti nyanlang, ci yi cobo diker. kangeri nob bitine bo nyombo ki wo kiritti na ma nyo ka?
\v 27 nyori bon nyimom fiye nii wo bou we. no kiritti bouri, nii mani a nyom fiye ca bouweti.

\v 28 la Yeecu kung dir biur kwama meranti ki ''kom nyimom fiye ma bou wiye, ma bou bo ki dor mir, nii wo tomu yere bilenke, ka nyom co bo.
\v 29 min nyimom co wori ma bou fiye cin wiye

\v 30 ci cuiti na cin tam co nyori ni yobo kang dor cer wori kumeni bou bo buri.
\v 31 ducce mor nubo mwerume ne bilenke cinnen ne, cin tok ki ''no kiritti bou ri a ma dike la'a nii wo ce ka?
\v 32 fariciyawa nuwa nubo mwerume ti tokangi dike wuro ti Yeecu ki lima, la liya wabbe kange fariciyawa tom nobo dur ci a tam co.

\v 33 Yeecu yi ci ki kom bi duwar na yilaken fiye nii wo tom yere.
\v 34 ''kan doye mani ka fiya ye ti, fiye ma yatiye mani ka yati.''

\v 35 Yahudawa yi bwiti ciye ki fiye wiini nii a yati la mani ba nyomtiye? co ki yang fiye Hilenawa watangum na co meran Hilenawa nin ka?
\v 36 ''ye dike co to keu'' kang doye mani ka fiya ye ti, fiye ma yatiye mani ka yati.

\v 37 ki bi dii kume cuileri, Yeecu kwani ti, tok ker bki bi kwang, ''niwo nuwa dulomwe tiye ri a bou mineng co no mwembo.
\v 38 wuro ne bilenke minen na wo bifumero tokeu ri, ''caji mwem dume a ceru fwer cer.

\v 39 wuro ci tok dor yuwa ko wucake wo ne bilenke cinen neri an yuwo, yuwa tangbe wucak cii neu bo, nyori Yeecu fibo duktonka.

\v 40 kangum nobo mor nubo mwerume nuwa kero ri, nyi ki, wuro co nii tomange,
\v 41 kangum ki co kiritti, la kangum bo yiki, kiritti ki bou Galili ka
\v 42 Ale, bifumero tok bo ki kiritti a bou naniya Dauda kange baitalami, loro Dauda wiye ka ?

\v 43 la nobo mwerume yalkani yob ker ceu.
\v 44 kangum cin bo no ki tan co, la nii mani wo yoti kang dor cere.

\v 45 la nubo durko yilau liya nob wabebo kange Fariciya nin, wo me ci, ''ye bwi ka boubo ki ce?''
\v 46 nii bo durko kar cinen, ''nii kange tok bo ker na wo.''

\v 47 nyori Fariciyawa kar cinen ki ''ci bol kom bol ken ka?
\v 48 kange wii mor liyabe ne bilenke cinen ne kaka kange Fariciya? ka nubo wuro mwerum nyombo werfune ri ciika

\v 50 nikodimu (wiin mor Fariciyawa wo bou wi cinnen fiya cuwo) yi ci, ''werfun bero ciya bi ne warka dor nir na nimre bi nuwa cinen na bi nyimom nye ci mane ka?
\v 52 cin kar cinen ki, ''mo keneu moki no Galili ka? do na to nii tomange kwama kange bou bo wi Galili.

\v 53 la nubo curangi lo ci .

\c 8
\p
\v 1 Yeecu ya zaitunek.
\v 2 ki kwomjece yilau kuwabi, nubo kwarub bou cinen, yiken meran cinenti.
\v 3 dila nob mulangkabo kan, nge faricawa ciin bo cinen ki nowiye ciitau mor kayakau. ciinyoco tiber.

\v 4 la ciin yico ki ni merangka, nawiye wo mor kayaka.
\v 5 mor bifure, musa ne, nyo nyal kinyi mubang nubowo, mweu yemutoke
\v 6 cii toknyo nacii fiya fiye ciiya tamcoti ki kere, la yeecu cungken bitine mulang dikero kibi wure ce.

\v 7 kambo cii merangco kerotiyeri, yeecu kweniti yicii, niwo more kume manki bwirangkeu ater mobka tereko.
\v 8 yila cungken bitine mulang dikero kibi wureco.

\v 9 kambo ciinuwa nyeri, ciin cira, nyi ki win-wine, terti kidurko. kibwiri ciin dobti yeecu wi kan, nge nawiyewo timtiber ciireu.
\v 10 yeecu kweninti riki, nawiye, infe nubo tauneneu? kan, nge twalnenbo?
\v 11 ciki ony, nikan, nge mani kwama yeecu ki, mo keneu mitwal nenbo. ya yommwem. tabti duwen mare bwirang keretak.

\v 12 yeecu yi cii tak, min filang kalek, niwo bwang mentine tiyeri mani ya yamti mor kumtacile dile annoki filang dume.
\v 13 faricawa ki, mune warkati dormwer, warka mweko kebo bilingke.

\v 14 yeecu ciya cii yicii, cano minne warkae dor mirdi, warkemiu bilingke, minnyimom fiye micirou wiyen, min nyimom fiye mi yakenti wiyeu.
\v 15 kom mabolangkoti ki cwika durek, mi mabo ninin bolang.
\v 16 cano minma bolangdi, bolang miko bilingke wori mikebo miki kwami, dila mi wari kan'nge tee wo twomu yereu.

\v 17 ong, mor werfun kemer cii mulangi warke nubo yobeu bilingke.
\v 18 mo mima warke dormittiye takri tee wo twomu yereu ni warketi.''

\v 19 laciki, fe tee mwe? yeecu ciya cii yicii, kom nyomyebo kakaa tee miya, nakayimom yer komkin nymom temi.
\v 20 ci tokkerowo bidom kan'nye fiye yoka kikwama cima merangkako mor lo kwaamau, nikange tocobo wori takacoko labo bwiri.

\v 21 yilanyitenci, man yaken kandoye mani kafiyati, kan bwiyam mor bwiramker kumer. fiye miyakentiyewiyeu mani kom yati."
\v 22 yafudawau yiki, an twalum dor cero, kambo ciyiti fiye ci yakenti wiyeu makom yati

\v 23 yeecu yicii, komki no dorbitiner, mi, u miki no dii komna dor bitineroce, miu mikebo na dor bitineroce.
\v 24 co dikebwi matoki mi bwirangke kume.

\v 25 la ciin meco" we mwo?" yeecu yicii, dike miyikom kikabau.
\v 26 miki dikero duce mayi komtiye, ma makumenten bolangti dor cere. dilanaweu, niwo twomu yereu, nibilingke, dikero manuwa cinenneu, co dike miyi dor bitinero tiyeu.
\v 27 cii nyombo kiyicii kero dor teer

\v 28 Yeecu yi cii kanbo kom kun bibwemi diyeri, lakan nyimom in mo, lami mabo diker dorermir. kambo tee merange, meneu, nyo mitok dikero birombo tiye
\v 29 co nii ci twomu yereu, wiwari kange mo mani dob yeti, wori mima dike fuwociner tiyeu.
\v 30 kambo Yeecu tokkereri, ducce ne bilengke cinen.

\v 31 Yeecu yi Yafudawa biro nebilengkeu, ''nokom yi mor kere miri, kan yilam nob bwangka mib wo bilenke ceu,
\v 32 kan nyimom bilengke, bilenkeu atin cokkom.''
\v 33 cin ciyaco ki, nyin nubo lo Ibrahimeu nyimbo can nyawi kamnik, yebwi mwatokti muki atin cer nye?

\v 34 Yeecu yi cii, bilenke, bilenke, mi yikom nii wo ma bwirankeri canga bwirankerer.
\v 35 canga mani yi lo diri; bweluwe kiyi lo diri.
\v 36 canno bweu ceer nendi, bilenke munfiya ceerka.

\v 37 min nyumom kom nubo lo Abrahime, kom cwiti nakom twallumye wori ker miro manki fiye yime more kume.
\v 38 mitok dike mito Tee minine, kume keneu kom ki madike kom nuwa Tee kume nine."

\v 39 Ciin ciya ciiki, " Tee ce Ibrahim." Yeecu yi cii ki, na kom na Ibrahimece ri komki ma dike Ibrahim maneu.
\v 40 Naweu kom cwiti nakom twallum ye, nii wo yikom dike ci nuwa Kwama ninneu. Ibrahim mabo wuro.
\v 41 Kom ma nangen tee kumerti. Ciiki, " cii bo nyobo mor kayaka, nyi ki tee wiin Kwama.

\v 42 Yeecu nyi cii, "No Kwama Tee kumeri kom ki cwi ye, wori mi bou Kwama nin lamin wo, mi boubo dor miir, co ci tomu yere.
\v 43 Yebwi kom nyombo ker mire? Wori mani kom dol nuwaka kermiroti.
\v 44 Kom na tee kume bwe kelkele ce lari kom cwiti nakom dike ner tee kumereti. Cin nii twalka ki kaba dila ci tibo mor bilenke wori bilenke mani more ce. Kambo citok cwerke tiyeri, ciki tok ker dike ci matiye wori cin nii cwerke, tee nob cwerkeb tak.

\v 45 Wori mitok bilenketi kom ko neka bilenkek fiye mi wiyeu.
\v 46 We more kume taye ki bwirangke? No matok bilenkeri, ye bwi mani kom ne bilenke tiye?
\v 47 co wona Kwama ceu nuwa ker Kwamarti, kumeu mani kom nuwa ker Kwamaro ti wori kom kebo na Kwama ce."

\v 48 Yahudawa ciya co yiki, "Nyo tokbo bilenke kambo nya yi nyiki mun Nii Camariya la mwiki kelkeli ya?"
\v 49 Yeecu ciyaki, "Mimanki kelkeli, dila miki ne Tee mi dur, la kom neyebo dur.

\v 50 mani mido duktangka dorekmik, nii dotiyeu wi co nii ma warka tiye.
\v 51 bilengke, miyikom, nubo wo bwangten ker miro tiyeu, mani buyati.''

\v 52 la yafudawa yi coki, lanyin nyimom munwi ki kelkeli. Ibrahim kange nob tomangebo buyam, dila muki, niwo bwanteng kermweri mani bwiyati.''
\v 53 mulabo tee nye Ibrahim dwika wuro bwiyameu, munlaca? nob tomangebo buyam. munwe mutu dor miro mwere?

\v 54 Yeecu ciya cii, ''no duktang dor miro, duktangka mike na bwir, tee mi kuktang yere. wo kom yi kom kinco kwama kumeu.
\v 55 kom nyomcobo, miu min nyimom co. non nyi miki mi nyom cobori, min yilam kom ni cwerke, nitoco inma fuwer neret.''
\v 56 tee kume Ibrahim mafuwer nere ki toka kaku miko, nitoco, inma fuwor neret.''

\v 57 yafudawa yii, mulabo coro kwini nung burin, muntom Ibrahim wiya?
\v 58 Yeecu ciyacii, ''bilengke, bilengke miyi kom, na nyi me ci bo Ibrahim, in mo.''
\v 59 ciin yetero cii yam nob co, dila Yeecu yurangum dor cero, cerum lo kwama.

\c 9
\p
\v 1 la Yeecu cukentiri, con to ni kange ci bo fukma.
\v 2 bi bei tomange ceu me co, ''nii meranka we ma bwiran kere, co kaka tebceb ka, ci bo co fukma ?

\v 3 Yeeu cicu ci, nii kange mabo bwiran ke, nii wo kaka a tebceb, ma nyo na nangen kwamaro cerkangu cinen.
\v 4 Tam nyo bi ma nangen niwo tomu yere fiya kakuko wi. kume bouti wo nii mani a nangen tiyeu.
\v 5 mi kale buri yeu, mo mi filang ka ko.''

\v 6 bwiko Yeecu dim tokka kereko wo gwam ri, con twom bitom bitine, luwo muro, con beltiti. nuwe ce.
\v 7 con yi co,''ya nerum karum kacuwe ci loam'' (dike dendo nungeu-''tomi) na wori ni wo ya nirum, yilanu ti oi.

\v 8 la nubo bi dom kange niweu wo to co kutangbeu ken kini tiyau, me ''kebo niwo ki yire fo ken kini tiya ka?
\v 9 kangumbo ''kio'' kangumbo ki ke cobo cerkangka, la con yi ci, ''nmo''

\v 10 cin yi co, ''la manyi nuwe mwe wumome?''
\v 11 con karcinen nii wo cuwo ti ki Yeecu, coca luwo muro beltiti nuwe mi, la yiye ki ya yan mirum kacuwe ciloam, o ma ya nirum di ma fiya toka.
\v 12 cin me co, ''fe nii cuwo?'' cin karcinen ma nyombo.

\v 13 cin bou ki niworu no fukmauFariciyawa nin.
\v 14 la bi di fobka Yeecu luwe bitine wumom nuwe ce cike.
\v 15 Fariciya me co tak, manyii ca fiya toka? con yici, ci yoti mur nuwe, ma nirum cn mi totiye.''

\v 16 kangum Fariciyawa ki, nii wo bou bo kwama nin, wori ca nebo dur diye fobka.'' kangum bo ki a manyi nii bwiranke a ma yirombo wotiye? la dor ciro tikangum.
\v 17 la cin me ten fukma wo, ye mwa tok dor niwore, wori co ca wumom nuwe mwe?'' fukma wo yici ki con'' bwe tomange, kwama.''
\v 18 Yafudawa bo ciyabo nii wo fukma, la cin fiya toka no teb cebo bou bo ri.

\v 19 cin me tebcebo, ''wo co bi bwekime ka bo fukma ka? la cane ko totiya?
\v 20 tebcebo ciya ci,'' nyon yimom wo bi bwe nye, nya bowe fukma
\v 21 cane ko ci totiyeu nya nyombo kange we wumom nuwe ceu nya nyombo ki me co cin duyom. can tokker dor cer.''

\v 22 tebcebo tok dikero wo nyeu, wori ci cwa tai Yafudawa ti. Yafudawa ciya no nii wo ciya kange co ki kiritti ye ri, ciyan cokum co bi kur kwama urcalima,
\v 23 nyo ri tebcebo yi ci ki ''cin duyom, me co''

\v 24 la cin cuwo teng nii wo na yobe ce wo fukma, cin yi co, ''caklang kwama, nyon nyimom nii wo nii bwiranke.
\v 25 ni wo kar cinen, ''ma nyombo no con nii bwirang ke ri, dikero wiin ma nyimeu, ''min fukma can miti toi.''

\v 26 la cin yii co, ye co ma mwene?'' ca manyi ca wumom nuwe mwe?''
\v 27 con ciya, min yim kom kican, la ka nuwa bo. ye bwi la kom cwiti na nuwa cannen? kom cwibo kom yilam be bei tomange ce, ko ti cwika?
\v 28 cin toran co ki, ''mon nii tomange e, nyeu nyon nob tomangeb mucar nyin nyimom kwama tok ker kange muca, la nyombo fiye nii wo bou ce wiye.

\v 30 nii wo ciya, ci ki wo la bi kwang'' kom ki ka nyombo fiye nii wo bou wiye, la co wumom nuwe miye.
\v 31 nyon nyimom kwama mani nuwa nob bwiran ke, no ci cinti ki a ma cinen dike ci cwitiye ri, an ma cinen.

\v 32 ka cikko ci ywel kaleu, ba nuwam bo wi ki kange nii wumom nuwa nii ci bo fukmau.
\v 33 nii wori bou bo kwama nin, ma ca ma kange diker ti.''
\v 34 cin yi co ki, ''ci bou nen mor bwiran ke, la muki merangum ki nyoka? la cin ywabken co kale.

\v 35 Yeecu nuwa ki cin ywam co bi kur kwama urcalima ri. con fiya, la con yi co,'' mun ciya kange bi bwe nifire ka?''
\v 36 con ciya co ki, ''we teluwe cuwo ma ne bilenketi cinene?''
\v 37 Yeecu yi co, ''mun tom co, nii wuro yinen ker tiye.''
\v 38 nii cuwo yi co ki, ''teluwe min ne bilenke.'' la con wab co.

\v 39 Yeecu ki warke bou ki co kale we, na nyori wuor tobe na to kange buro towe an yilam fukma.
\v 40 kangeb Faricawa wo kange ceu, nuwa dike buro ri, me co, ''nyon fukma ken ka?
\v 41 Yeecu yi ci, no kom fukma ri mani ka ma bwiran keti, la can kom yi ki kom ti toi, bwiranke kume nyim wi.

\c 10
\p
\v 1 bilenke, bilenke, ma yi komti, wo na dobo yiloko yaken klan kwamero nineri, la co kwi kange nureri, nii wo nii kwiye kange nii werka.
\v 2 wo do nure co nii mobka kwama ko

\v 3 nii yiloko an wom cinen, kwama nuwa dircero ti, co ki co kwama ki dencir, na ya ki ci kale.
\v 4 kambo co bo ki kale gwame, co tiken kab, kwama bwancinententi, kweri ci nyomom dircero.

\v 5 mani ciya bwang ten fabeti, cwa co, wori ci nyombo dir faber.
\v 6 Yeecu yi ci kero ki dangke, di la ci nyombo dike borombo co yi ci tiye.

\v 7 Yeecu yila yiten ci. bilenke, bilenke, ma yi kom ti mo yilok kwameko.
\v 8 kangem bo nimde mori, nob kub, kange nob werka, la kwama nuwa ci bo.

\v 9 mo yiloko, wo gwam wo alo fiye ma wiye di an fiya fukma, can do co ceri, can fiya fiye cana.
\v 10 nii kwiye mani bower, ki bo kan kwii, co twallum kange kanka. ma bo na ci fiya dume, take na ci fiya dutce.

\v 11 mo nii biyuware kendo, nii biyuware kendo ne dume ceu dor kwamarce.
\v 12 wo bwe tomange, kebo nii biyuware wo kebo nii kwame, tono to bicwara bo tiri an cwa dobti kwame wii, la bicwara tam, kwame, yalumten ci.
\v 13 cwo wori con nii nangen kiyeme, take yo co bo kange kwameru.

\v 14 mo nii biyuware kendo, ma nyomom mi, wo mi nyomom ye.
\v 15 te nyomom ye, mo ken ma nyomom te ma ne dume mi ker kwame.
\v 16 mi wi ki kwame, kebo mor kilan do wo. birombo tam, bo ki ci, ciken ciyan nuwa dirmiro, beri ciya yila kilando win kange nii biyuware win.

\v 17 nyo won co dike te cwiye tiye ma ne dume mi, beri na fiyaten co.
\v 18 kange mani na wo a tum co ti minene, di la miki ne ki beimi. mi wi ki bi kwan ne kako, miwi ki kwan tuka ceko tok. ma you ciya kako te nin?

\v 19 yalkako yila kweni tiber yahudawa dor kero woro
\v 20 dutce more ciye ciki wiki kelkeli, takeu twelum, ye bwi ko nuwa co tiye?
\v 21 kangem bo ki wurombo kebo ker nii ki kelkeli an wumom nuwe fukma?

\v 22 duklume wucakke mor urcalima lau.
\v 23 la miyalale, Yeecu yakenti wi karak bikurwabe culaimanu.
\v 24 Yahudawa kentangum co, cin yi co fiyan mwa dob nyo ti mor nyomanka, tano mo mwa Almanciya di nyim nyo nyanglang.''

\v 25 Yeecu yi ci, ''ma yi kom di kom ne bo bilenke. nangen do ma ma tiye mor den te mir, ci, ciwarkeroti dor mire.
\v 26 kang wo kom ne bo bilenke, dike bwiye kom kebo kwame mi.

\v 27 kwame mi nuwa dir miroti, ma nyomom ci, ci bwang mententi ken.
\v 28 mi ni ci dumeti diri, mani ciya bwiyati, ni mani a yociti kanmik.

\v 29 te mi wo ne ye ciye, la nobo gwam duwi ka, ni mani a yociti kan temi.
\v 30 mo kange te mi win.
\v 31 la Yahudawa tu tero na cin mobang co ciko.

\v 32 Yeecu ciya la yi ci ki, man nung kumen nangendo yoryori dute fiye te mi wiye la co nangendo wini mor nangendo ma mane, kom mobanye tiye?
\v 33 Yahudawa kari ciya, kebo ki ker nangenero ken nyo cwiti, nyo mobangene, dila ker dilaka, mon nifir dila mo to dor mwero mo yilaken na kwama.''

\v 34 Yeecu ciya ciki mani mulangum mulange ka, mor bolange kume, nace kom bwel ka? 36 tano co ci ki bweldi, la wurombo ker kwamaro bo cinene (mani a dolti ki kero mor bifumere)
\v 36 kom ki yi niwo te cuki, tungu fo dorbitinereu, mon dillam, wori ma yi miki ma bebwe kwama ka'?

\v 37 tano mani ma, ma nange temiro tiri kom nere bilenke.
\v 38 tano mati mairi, bwen kom ne bo bilenke ki nangendo wori kom nyomom kom futangum kom ki te more mi, mi kenneu ma more te.''
\v 39 cin maten na ci tam co, di la ta yamcem, cirum kangcik.

\v 40 taka yamcem, yaken kab kange caji urdun, fiye Yahuda yum mwem bo wucakke tiye, yiken wii.
\v 41 nobo ki la ci bo fiye co wiye. ciki bilenke Yahuda mabo kange yirom, di la gwam dike Yahuda to ki dor mi wuro bilenke.
\v 42 nobo dutce ne bilengke cinen fiye co.

\c 11
\p
\v 1 ni kange wi dendo Liazaru ma' twirak cin ni baitanya, la ki no bwar lor bi Maryamu kange yi tubcebo Mata.
\v 2 Maryamu woro beltang teluwe nin nuwang yila nir cinen na ko ki yiri duwece. wuro yice Liyazaro dam ki twiranke.

\v 3 yitub Marta tom tomange kirittin coki, tee, to co ni wo mwo cwitiyeu nuwabo luma.
\v 4 kambo kiritti nuwa, la ci tokki mani yatico bwar, la tuka liyar kwama nyo, dige bwiyeu na bi bwe kwama fiya layar cer cinen.''

\v 5 Yeecu cwi Martati, kange yice kange, Liazaru nuwa luma co ci tiyang yi.
\v 6 na curori cin nyi bi beiyo lo ce, ban ya yafu diya tak
\v 7 la bi beiyo loce cin nyi co, teluwe yafu diya tak

\v 8 la bi bei yo lo co cin nyi co, teluwe yafuda donen ti wi duwal naci ya naci mubangnen ki ter yilo mu cwi yila kati witak?''
\v 9 kiritti ciya kebo kene kwab culombo yob na ka kaku ko win ne ce ka ?

\v 10 ta no ni yayam ki kumeri an kottange dige bwiyeu filang ko mani kange co?
\v 11 co tok ki na wuro di ki bwi nyori con nyi ci, forkume layijaro daken dum. laman ya na kungum co mwor dume. ''

\v 12 co bibeiyo loco nyi ki no dum ci datiyeri cin yuram
\v 13 la kiritti ciyeu ci tok ker bwar Liyazaru dila ci kwetiri ki ker dume wo fubkakko ce.
\v 14 la kiritti fwetang ci nen, '' Layazaru bwiyam.

\v 15 mi bilangti ki den kumer. na ki mi mani wiri na kom ne bilingke di la biya cinen.''
\v 16 to wuro ci ciwoti ki bi bwe wo ci bo yob di wine nyi tangnim bi beiyo biya nabi bwiya wari kange kiritti.''

\v 17 kambo kiritti laweu la con kwabti dam kume nar tuwe
\v 18 baitanya yilo ki no bi dom kange uracalima, be yame nyo bidom ti beryer.
\v 19 Yafudawa ducce cin bou na ci fiya co na ci ma cinen dangneri bibwei yiciye.
\v 20 kambo nuwa ki kiritti bou ti yori yaken na ci fiya co nan di Maryamu yim mwor luwe .

\v 21 matta nyi kiritti. teluwe naki mun wi fori no yimi ti bwiyabo.
\v 22 bwentano can na wori min nyimom gwam dige mu kinongi kang kwamari atin ne nen.''
\v 23 kiritti nyi co, '' yimwe atin kwenum kwarce.''

\v 24 la matta nyi co ki min nyimom bidiye kwenka nob bware an kwenum.''
\v 25 kiritti nyi co Matta mo mi kunga nob bware, mo mi dume ni wo ne bilengke, mi neneu bwantano bwiyamri, can kwenum;
\v 26 gwam ni wo ki dume no ci neya bilengkere mani ca bwiyati dong. mon ciya kange wura?''

\v 27 la can nyi co ong min ciya mwo Almaciya, bi bwe kwama wuro bouti fo kalewo.''
\v 28 ki kwama co tok ki nyo, la con yilaken con cuwo yice Maryamu dinge win co ki, teluwe biyegen, yilo cu wo nenti.''
\v 29 kambo co nuwa nyeri la con kweni con yaken cinen wulom.

\v 30 kiritti kweri doubo bwaror nwi fiye Matta yafiyaco wiyeu.
\v 31 kange yafudawa wuro ci wari kange Maryamu we in co nubo buro ne ka cekko dangneri to cin ciri mwor luwe. wulom, la cin bwangten co, ci kwatiri cin cu cin ci wiye tuwe.
\v 32 kambo Maryamu lam fiye tuwe wiyeri, la cin yarken kabum nace konin co ki teluwe, naki wo wari kange nyori yiye ti bwiyabo.''

\v 33 kambo kiritti to co ci wiye tiyeri kange Yafudawa wuri ci bwangten ceu, co ci nyimangi yuwa tangbe kange co wi kange co.
\v 34 la co to ki fiye wuni ki daken ci ke?'' la cin nyi co ki teluwe bouti.''
\v 35 kiritti ci wiye.

\v 36 la Yafudawa ciki to kambo co cwi Liyazaru tiye; ''
\v 37 dila nubo buro ciki, nii wuro ne fukma toka fiyeu noti kobo bwiyak ni wuroka?''

\v 38 kiritti dim ki yuwa tangbe ki bwici la cin cuken tuwe nin tuwe cim mummuwe nyi tuweu cin comti terowi.
\v 39 la kiritti ki okm tungum tero Matta yi liyazaru wo bwiyame nyi teluwe, can neu bwiyo fuyem ki kume ta'ar can ki bwi yaka cekko.''
\v 40 kiritti tok ki mi nyi nen bono mu ne bilengkari mwan fiya liyar kwama ka?''

\v 41 di la cin kungum tero. kiritti kung nuwe ce dii tokki tee mi, min bumwen kang dige bwiyeu mu nuwa yeti,
\v 42 min nyimom bwen tano ki kwama wuniri mu wari kange timfo ker kangum yere mi tok tiye, mi naci bilengke mwo mo tomuyere.''

\v 43 kambo co tok kero wuro nyeri la con kung diro coki, ''Layazaru di cerou.
\v 44 la ni wo bwiyammeu cereu naceko kange kangko bwabe ki yi lang. tigom ce bo yi co canji langum ki yakka yi lange. kiritti ki nyi ci ki kom kwim co na cu.''

\v 45 la nubo ducce mwor Yafudawa nin wo bo maryamu ni nen ci to dige bi bwe kwama mane cin ciya kange co.
\v 46 la kangem bo yi la ken Faricawa nin cin nyi ci dige kiritti mane,

\v 47 la nob werfun durko kange Faricayawa cin mwen dor ciyero, fiye win ci tok ki nye ba matiye, ni wuro madigerti ducce.
\v 48 no bo dobco koni nawori, nubo ducce atin bwangten co. Ramawa an bou yom fiye beu kange bitine beu.

\v 49 gwam nyo tak ni kange wi tiber ciyer, kayafa co ci ni bifumero durko ki coro wuro, nyi ki nyom bo diger.''
\v 50 ki nyombo daten ni win na bwiyam ki den nubo ducce na bwiya kange wo kale kwarum a kwenum tiye.''

\v 51 tok digewuro kebo na dor cero la kambo cin dur ni bi wabir, tok kero dur coki deten, kiritti na bwiyam ki den nubem.
\v 52 la kebo ki den nubo kwarub la ki den na murangu bi bei kwama wuro merangum fiye kutanrange nyo weu na mweru ci fiye win.
\v 53 di la ki kume di coru ci ter doka nure wuro ciya twal kiritti tiye.

\v 54 di la na co kiritti mani nyo yanglang tiber Yafudawa dila ci yaken kange fiye bidom kange kii na kange cinar lor kange ci cuwoti Ifraimu. la ci beiyo loce.
\v 55 tano yab karko na Yafudawa lau bidomdi la nubo ducce firin Uracalima nyo bitine dinge wine bidi idi na yulang bwi ci.

\v 56 cin ter doka kiritti ci tikkang ker ti ki kwama ci tirangum tirange ku kwama, tokti. nye kom kwaatiye? mani a bo iditi ka?
\v 57 ni dur wabiro kange Faricawa kweri cin neken nyel no ni wo to kiritti ri nyi ci na ci tam co.

\c 12
\p
\v 1 kum kume nukkun nakwak yabkaka, Yeecu bou betani, fiye Lizaru wiyeu wo Yeecu fulouweu
\v 2 cin macinen cariwi, matta nima carike, Liazaru wi mor nubo yimwiyeu kange Yeecu.
\v 3 dila matta tuwango ficangeu ciyweki nad, ci belti Yeecu ninti nacek. laci wauki yiri duwecek. mor luweu dimki kundo ficang ficangeu.

\v 4 Yafuda kari yoti wiin mor nob bwankaceb niwo ane konco fiyeu, yiki,
\v 5 yebwe mani miyeu nuwango ficang ficangeti nai kwinikwo ta'arti naneken nubo manki dikere?
\v 6 citok kero wo nobkici cwinubo manki dikereti, wori cin nikuye: cociyo kemerotiye, takri kudike ciyokangce keti.

\v 7 Yeecu yiki, dobco ciya yoken dike cidou na fwekami koceu
\v 8 kwatti kom wari kange nob bwinibi, kommani wari kange mo.''

\v 9 kambo Yafudawa ducce nyumom Yeecu wini yeri la cin bou, kebo Yeecu nin ki kwace, cibou nacin to Liazaru, wo Yeecu fulou buwareu.
\v 10 la liya wabetin do dou nuriti ciya twalum Liayazaru ti kencu,
\v 11 inkercen Yafudawa ducce yane bilnike Yeecu nine.

\v 12 celfiniceri namor ka nubeko ducce cin bou fiye Idii. kaci nuwa ker Yeecu bouti wurcalima,
\v 13 la cin yeu bilu dibin cin ceru'u cin ker co dila cin kun diro citi toki Hosana; be buyer kiniwo bou kiden kwamareu, liya Yafudawa.''

\v 14 Yeecu fiyaube Gelban kwiken dorcer kambo bulangeu,
\v 15 cwaretai mo cihiyona, to liya kume bouti yimdor gelbar.''

\v 16 nob bwankan cebo yombo dikowo kikabe, kambo ci duklang Yeecuri, la cin kwabidikewo mulangi nyo dor Yeecur, la cin ma cinen dikerowo.

\v 17 la nubowo wari kange Yeecu ki kumewo ci cuwo Liyazaru mor tuwe cin fuloucou, cinen bilenke.
\v 18 wonco dike bwi nubo cirou yaercou, wori ciin nuwa cin ma dikewo.
\v 19 la Firicawa yoten kero bwiti ki, ''to mani ka ma dike kangeti, komto dorbitinero bwangtenco.

\v 20 morece Helinawa wi birombo yakentiwi fiye wabka Idii.
\v 21 cin yaken Filibu nin, inni becaida yim Galili, '' cii ki, nii merangka, nyin cwiti nyin to Yeecu.
\v 22 Filibu yanyi Andirawu yaken wari kange Filibu yacin yi Yeecu.

\v 23 Yeecu ciya yicii, kang keno ko din wo ciya ne bibwe nii duktang tiye.
\v 24 bilenke, bilenke, miyikomti, la nu'u bikateu an yarken bitine na buyam, cannowi cike kwaco, cano cibuyamri, canne bituttitui.

\v 25 niwo cwi dume cetiyeu, an lomco lano ko dumece kalereri atin yoken co dume wo diri diriyeu.
\v 26 ni wo wabyetiyeri, la abwang menten. fiye miwiyeu. bwe can nya miu anowinken. niwo wabyeti yeri, kwama an neco duri.

\v 27 naweu dume mi kino mor kwomka, yemama tiye? tee cokye ki kwama wo? wonco dike bwi milau kwama.
\v 28 tee, duktang den mwero ''la diro yirau di kwama ki, min duktangce, man duktangcotak.
\v 29 la nyori nubo murom wiyeu nuwa diro, cin yi ki kwama kwabi. kanyembo ki nii tomangeu tokker kange co.''

\v 30 Yeecu ciya ci ki, dirowo boubo minen, bou kumen.
\v 31 naweu ciyatin warkaleu: na weu atin ywa nii liyar kalero.

\v 32 na nyime mo, canno cii kunye dorbitinerdi, man bou ki nubo kwareub fiye mwiyeu''
\v 33 ci tokwo nadong dara buwareu ca bwiya tiyeu.

\v 34 nubo ciyaco yiki, nyin nuwa mor werfuner kiritti a yi nyo diri. ye bwi mutok muki atin kun bibweni ye? we bibweni ciro?
\v 35 Yeecu inyici, ''kakten biduwardi kam yi ki filang kamyi kange filango ki kwama wo filango wari kange komeu, ka kumtacileu cumomkom. wo yam mor kumtacileu, nyombo fiye ciyakenti wiyeu.
\v 36 komne bilenke filanko wonin kambo kom wari kange filange nakom yilam bebei filang. Yeecu tokwori colem ya Yuranngum me.

\v 37 cano Yeecu inma diker nyiman kar ducce kabumcim. kwarub kange wo, cinebo bilinki anen.
\v 38 naker dukumer Icayarodin, woki, kwama, we nebilinke ker nyere? kang kwama ko bou wenin?''

\v 39 wonco dike bwi ci nebo bilinker, Icaya toktentak,
\v 40 cin cumom nuweceu, cin kwamum nerciro, wore na ci tore ki nuwece, naci nyomde ki nercer, yilau minen nan nirimci.

\v 41 Icaya tok kerowo inwori cinto duktanka Yeecu kon tok ker kangeco.
\v 42 nawo duwoleu, ducce mor duremcin nin nebilinke Yeecu nin dila Faricawa, ci dambo yomka ceko dangla.
\v 43 cin cwi caklangka la caklangka ko bou kwama ninneu.

\v 44 Yeecu kung diro yiki, niwo bilenke mi nen neure keboka minen cine bilenke kange niwo two mu yerou,
\v 45 niwo to yereu, tom niwo two mu yereu.

\v 46 me bou nan filang dor bitiner, canowo nebitinke minendi mani yiti mor kumtacile.
\v 47 ni wo nuwa kermiro nebo bilenkeri, mani maci nen bolangti, mi bou bo nan ma dor bitinero nin bolang, bi bou nan fulo dor bitinero.

\v 48 niwo keya, koten kermireu, niwo a maci nen bolangko tiyeu wi kero matokeu an maci nen bolang ki kume cwile.
\v 49 ma tokbo ker doret mer inker teero twomu yereu, niwo yiye dike ma matiyeu kange dike matok tiyeu.
\v 50 min nyimom nyalcero nawo diriye, co dike bwe matoke-nawo tee tokeu, nyo matoke.''

\c 13
\p
\v 1 nyo na nyim de bi caro cuwam bwireu kiritti nyimom kume ce an dim wuro ca dubom kale wotiye cwi nubo buro fo kaleweu cwici gwam.
\v 2 bwekelkele kwerin dor ner Yafuda Ikarouti bi bwe Caminu ne ken kiritti

\v 3 nyimom te kwama neken digero fo kancek di ci bou tenin di ci ki yang tenin.
\v 4 con kwenem caka cari konin con cukom bellece cin tu yilangko con kwarum bwici ciko
\v 5 la con bwi mwembo ki kwel mwengye com ter nirka na bi bei yolo ceu co wamti ki yilangko wo co kwarum bwici cike.

\v 6 cin bo Bitru, Caminu, la Bitru yico ki teluwe mwaten nirmin naka?
\v 7 kiritti ciya yico ki dige mi ma tiyeu mani mwa nyomti can nawonyo di la ki mwan nyimom
\v 8 Bitru yi co ki mani mwa nirmer nati kiritti nyi co ki no mi nirmwen bori mu man ki teluwe ke bo ka namik koni mwa nirtiye la kange kang miko kange nami ko.''

\v 10 kiritti nyi co ki gwam ni wo yum mwengeu di nyo ka na la com manki dwiti cuko win kom nirum dor kumero la kebo gwam ki me.
\v 11 di la bwiye kiritti nyimom niwo aneken co tiye co dige bwi ci tokke kebo gwam ki me man ki dwi tiye.''

\v 12 kambo kiritti nir cinen nakeri tubellece nyinken tak yi ci ki kom dige mi makime na?
\v 13 kom cuwo yeti kom ki teluwe kange kwama kom tok dong dong mina conyo
\v 14 tana teno teluwe kange kwama nir kimen natiri daten kom keneu ki nir bwiti ki min na.
\v 15 nyori min nyikom ki dangke kom ma kambo mi maki meneu.

\v 16 tano nyori mi yi komti canga mani labo teluwe ce ki dwira bwe tomange labo ni wo tomuce ki dwika.
\v 17 no kom nyimom dige buro kom nob lumam tano kom manangen cukori.
\v 18 ke bo dor ki mer gwam mi tok kero tiye mi nyimom niwo ma cikeu dina kero.' di dor cer co ni wure cakwel mwengye win kange mowe con kungmen ker.

\v 19 mi yi kom ti can nawo na nimde fiye kom tano fiya komdii kom ne bilengke mo.
\v 20 bilengke mi yi kom tiye ni wo yo wuro mi tomuweri yomo niwo yeri yo ni tomu yere.''

\v 21 kambo kiritti tok ki nyeri yuwa tangbe kwom co cuwa ci yici bilengke mi yi komti win tiber atin neken ye.''
\v 22 bi bei loceu torangti bwitici la ci nyimangti keno dor we ci tok tiyeri.

\v 23 win mwo bi beiloce wuro kiritti cwitiye wi to kombo nin bimumwi can kiritti.
\v 24 ci mon Bitru yi tangnim bibeiyo lo yinyo mu tok kange weri.
\v 25 di yila bimtibwici kiritti nin ci tokki teluwe weno le?''

\v 26 co la kiritti ciya co niwo ma dokten cari to bikwen nanne co kom co dokti carito wiyeri la cin ne Yafuda bi bwe cimon Ikariyoti.
\v 27 kambo ci cam carito weri, bwekelkele do co di kiritti yico ki dige mu matiye ma wolom.''

\v 28 ni kange mani mwor caritonin wo nyimom dige bwi co yi co nyowe.
\v 29 kangebo kwatiri tamwi Yafuda tamki cwaye kiyeme kiritti yi ce mun tiyen dige nyi cwitiye na toka nuwece kangeri me diger ki den celeb.
\v 30 kanbo Yafuda yo cariton di can do wo cerum ki kume.

\v 31 kambo Yafuda cuwe kiritti tokki cin duktong bibwe niifit morece.
\v 32 kwama an dugtang co. co ki bwici yila na dugtung co can na wo.
\v 33 bibei bi dwadti nubo mi wari kange kom nyo bi dob kan doye tak na wuro miyi Yafudawa. fiye ka dolyakati can na weu min yi kom.

\v 34 mi ne kom werfunero fwirti kom cwi bwiti na wuro mi cwi komme dila nyo kom cwibuti.
\v 35 na curo nyo nubo a nyimom kom bi beiyo lomiye no kom cwi bwitiri.''

\v 36 cin mon Bitru nyi co teluwe mu ki yangfe? kiritti ciya cari fiye mi yakentiyeu mani mwa dolyakiti can nawo dila ki bwi mwan bwang menti
\v 37 Bitru nyi co ki teluwe nye bwi mani ma dol bwangka mwerti can nawe? man ne dume mi ki den mwer.''
\v 38 kiritti nyi co ki mwan ne dume mwe ki mwan ki den mirdi? kibi cuwom mi yinenti cire bar bi cake mob ki yeri mwan kanangyi kiritti ta'ar.''

\c 14
\p
\v 1 ''dobre ner mwer na kayam kom ne kwama bilengke na kom neye bilengke
\v 2 firen lo temi yime wi ducce naki mani nyori no mitingyi kom dige bwiyeu man cu na ywel kimen fiye.
\v 3 tano nya ywelkumen fiyeri. man yilau nan yo kom nyaken cu ko fiyeco dige bwiyeu fime wiyeu no ka nowiken.

\v 4 na kom nyimom fiye miyakenti wiye
\v 5 toma nyi kiritti ki teluwe nyo yombo fiye mwa yaken tiyeu nyori nya nyom fiye co nyi?''
\v 6 kiritti nyi co mou mi nure mou mi bilengke mou mi dume nii kange mani ya yati tenin ca dou minen.
\v 7 no kom nyimom yeri kom nyimom tee. kambo can nawo nyimom yereu kom tom co.''

\v 8 Filibu nyi kiritti ki teluwe nung nyi nen teu wuro cuwa nyinenu.''
\v 9 kiritti nyi co mi wari kange kom ki kutangka dina wo can neu mu nyomyeba? Filibuc gwam niwo to yereri tom temi mwo tok mwo ki ye? nung nyi nenteu'?

\v 10 mwa nebo bilengke mworte, yilo te mwor mi ra? kero buro mayikom tiyeu, kebo liyar mir kom ticike co teu yim fwermir co ma nangen cero tiye
\v 11 kom bilengke miki no fwerte co tee ki no fwer mira? tano nyori kom ne bilengke nangnan ciyero min.

\v 12 bilengke mi yikom tiye gwam niwo ne bilengke mkange moweu can ma nangen do mi matiye can ma nange do la wure mi miki firen tenin.
\v 13 gwam dige kom ki nonge ki den mireu man mani na caklang tee mwor bwe.
\v 14 no kom me bwentano nye ki den mirdi man mani.

\v 15 no kom cwiyeri can ciya werfumermiro,
\v 16 nan kwab ki men dulo ki tee catin ne kom ni kange wuro a yob ki men nertiye na yi wari kange kom diri.
\v 17 bweldokendo kale daten a yotiyeu, kambo ci tobeu ci yombeu dila kumeu ki nyomco dige bwiyeu ci wari kange kom catin no wari biber ki mer.

\v 18 mani ma dob komti ki kwakom man yilau kimen.
\v 19 tangnim kumenim bikwen ce kale an bwan na toye tak dila kume ki toyeti dige bwiye mi kwarce kume kenen kan fulo.
\v 20 ki diye kume wuro kan nyomom miki no fuwet te'e mir kom keneu kom ki no fuwer mir miyu keneu fuwer ki met.

\v 21 co ni wuron ki werfun mireu yilo ci bwangtenti co ci bilangye tiye yilo ni wo cwiyetiye te'emi an no kange co. mo kenneu bilang co nan nung bilangka dor miro cinen.
\v 22 Yafuda (kebo Ickariyoti ba) can yi kiritti teluwe nye bwi mwa nung dor mweroti yinene la mu nungbo kalenine?''

\v 23 kiritti ciya, yi co wo bi langyetiyeri can tam kermiro yora temi an cwico. banbo cinen na bi yi wari kange co
\v 24 ni wo bilangyebeu ci bilangbo taka kermiro kero ci nuwau cerubo minen ceru firen teminin wo to mu yere.

\v 25 min yi kom dege wuro gwam ki kwama bi wari kange kome.
\v 26 kan co niwa ki bi bwiyer bi com wo kendo te'e tomu ki dencer na yi kom digero gwam mi yi kome
\v 27 ma dob ki fuwarnerer, mi ne kom fuwor nerer. kebo nawo kale tiye netiye nyo ner kumero a kayare yilo ki cware twai.

\v 28 kom nuwam mingyikom. man cu yilo fo kumen, no bilangy yitiri kan fuwor nerer na yaken firen te'e-nin wori te'e laye bi dwiyer
\v 29 can neu min yim kom na yim de bwi, tano bwiri kom ne bilengke.
\v 30 mani ma kwab tokka kerekti kange. kom cho nyeu nii toka kalewuro wi bouti. chi man kibi kwan dormir,
\v 31 na cho nyeu kaleu an nyimom dor cher me chwii teemi, mi ma nyeu cho te'e neye bi kwan kerede. daten bi kwenum chii nabiya na fiye wuro.

\c 15
\p
\v 1 ''mo mi ti biyuware bicom te'e mi ni tome.
\v 2 co ki cukom cwangko wo gwam mani ne bi tutti wuro ne bitutti tiyeu an yulangum na ne bitutti yora,

\v 3 com caneu witi mani bwikimi na kere kendo mi yimkom yiye.
\v 4 ki yi fwermir mo keneu nan yi fwerkumed. tami kani tiye wuro mani ne bitutti ki kwaco ki no tiwi bwitiyen na numde, nyo kume ken mani ka do makadi ka no bwimi.

\v 5 mo mi te'e kom ki kani ceu. wuro wi bwimiyeri la mo mi bwici, can ne kani ducce, tano mi maniri mani mwa dol digerti.
\v 6 tano ni win ko yika bwimiri catin mirangcowi na cwang di kucum.
\v 7 no mun wi bwimi la kermiro wi munen di, me'e diye mu cwitiye, di ciya tin mamwen.

\v 8 nyo ciki bilangde bi bwiyer temire nakom nyimom bi beiyo lomiye.
\v 9 kombo te'e mi bilang komeu kambo mi bilang kome, kom yi mwor bilangka.

\v 10 no kom bwangten werfundodi, kangyi mwor cwika nawuro mi bwangten mi bwangten werfun te'e miro la min yiken mwor cwikacer.
\v 11 mi yi komti na kulentini dige buro fuwor ner kumero na nowi biber kimet la fuwor ner kumero na dim diye.

\v 12 muro co kermiro na kom cwii buti kumi nawo na wo mi cwi kome.
\v 13 ni kange mani cwi kakko cum nawe naco neken ner cero kiden farub ceb.

\v 14 kom farub mib na kom ma digewu miyi komeri.
\v 15 ferer kab mani ma yog cuwoka kumeti, bi bei canga dige bwiyeu bwe canga nyombo dige teluwe ce matiye. mi cuwo kom farub mib nan nyi kom dige gwam ma nuwa te'e mi nin ne'e.

\v 16 kebo kom ki cok yere lamo mi cok kome, mi tom kom na kom ya na kom ne bi bei, ma tom kom ki ne bibeiyo na wo cokke.
\v 17 ker bifumero mayi kome nakom cwi butikimi .

\v 18 no kale ko komdi, kom nyomom koye na nimde ko kom.
\v 19 na ki kom na kale cedi, no kale tin cwikom tami nace.

\v 20 kom kwa ki kero ma yi koe, ki ciya kermirori la kan ciya kermiro.
\v 21 ci yan ma kimen dige tinimbo wuro ki den mir, la ci nyombo niwo tomuyereu.
\v 22 na ki ma bou bo nan nyi ci kerdi no ci manki bwirangke, la canneu ci manki kangke kan bwirangke.

\v 23 gwam ni wo ko yereu ko te'e mi.
\v 24 na ki mi mabo nangendodori no ni kange mani momwi tiber ciyere. no ci manki bwirangke la canneu cintom la cin ko nye kange te'e mi gwam
\v 25 dige wuro ci maneu nadim kero mulangum mwor bifumere, cin koye manki tuwer kercer.

\v 26 kambo nii birumreri we ma tomki menti firen tee nin, bilengke bibwiyer woki cetde bwi tee ninne an bo na ne warka dormir
\v 27 kume kom ne warke na wo kom wari kange mo nyo ki kaba.

\c 16
\p
\v 1 ''mi yi kom wo ka kom kottangi
\v 2 ciyan cokom loniwabi dilla keneber, wuro cano kange twalkom, amkabi ciki ma nangen kwamar.

\v 3 ciyan mani nyo wori ci yombo te'eu kaka'a mo.
\v 4 miyi kom dikero brombo cano ki kwama dico abwiutiyeu lamri, kom kwabi min yi kom minyikom.

\v 5 na weu miki yang wo twomuyerenin, kom kwarub more kume kange me yobo. muki yangfe?'
\v 6 wori minyi kom dige birombo, finnerero dimkom.
\v 7 la min yi kom bilengketi. an lakumen diger noncuri. can no mi cubori, nii birim nerembo mani bouti kumen, incuri, man twomuco kumen.

\v 8 no bouri andang kale nin digero bwir kange bwirangke, kange luma, kange warka.
\v 9 la bwirangkeu, wori ci ciyabo kange mo,
\v 10 la lumako, wori miki fiye tee wiyeu, dila mani ka toten yeti,
\v 11 la kange warka, wori cin mwati ni liyar kalero woni warka.

\v 12 dikonwi kila wo ma yi kom tiye, dila mani kanyomti cana ko wo.
\v 13 no wori, kanbo yuwa tambe bilengke bou weri, an bwanteng ki kom mor bilengke kwarub, wori mani tokker dorer certi, kandike can nuwa, catok tike a bwiutiyeu.
\v 14 anduktangye, wori antu'u digerowo namiyeu yikom.

\v 15 kwarub dige tee cikeu, nami. wonco digebwimiki atu'u dige na miyeu yicom.
\v 16 ''katen biduwardi, mani kato yeti tak. kakten biduwar takri, kantoye.''

\v 17 la kangum mor nob bwanka cebonin me bwiti ceti, ye wuro yibo tiye, kakten biduwardi mani ka toyeti, kakten biduwardi, kamtoye? takri man yaken teenin?''
\v 18 lauki inye wuro tok tiye,'' kakten biduwardi? nya nyombo dige ci yi nyo tiyeu.''

\v 19 Yeecu tori ci cwiti naci meco, lan yici ''lakomki me bwiti dikirowo ma toki mii. kakten biduwar mani katoyeti, kakten biduwar takri kantoye'?
\v 20 bilengke, bilengke, mi yi komti, kanciwiye kange bwatum, dila dorbitinero anma fuworneret, kandim ki neret, dila firneret kumero an yilam fuwor neret.
\v 21 no wiye an nuwa buwarum ki kwama bore wori kwama boreu lam. lakambo cibom bweri, mani ca kwati ki buwarum tak, wori cima fuwor nererti cinbo nifir dorbitiner.

\v 22 naweu kom firnerer, la matoten kom, ni kange mani ciyomfuwor nerero wotiye.
\v 23 ki ka kuwo, mani kom meye diger. bilengke, miyi komti, kwarub dige komken tee mor den mirori an ne kom.
\v 24 wo diduwene kowo ka kenbo diger mor den mir. ko keni, kanyo, na fuwor nerer kumer yilam cikocok.

\v 25 mi yi kom dige birombo mor danke. dila kume wiber nawo mani ma yentenkom kerti mor danke, nyori mayikom kero denemi lama yibo miman kwobdilo nyamglang dor tee mir.

\v 26 ki kakuwo, ka ken kenito mor denemi lama yibo miman kwobdilo nyikom tee minin,
\v 27 wor tee ki bwi komti, wori kom cwiye, kom ne bilengke micirou teenin.
\v 28 ma ciro teenin lama dou dorbitinere. man dob dor bitinerowo miki yilang teenin.''

\v 29 nob bwankacebo yiki, to,''can lamu tok keroti nyanglang, kebo mor danke'
\v 30 na weu nyin nyumom mwa nyumom digero kwarub, kange nonin menen. la nyo nya nebilengke mwa coro kwama nin.''
\v 31 Yeecu ciyaci, naweu kane bilengke?

\v 32 to, kwama winber, nyo, kwamaco lam ciya cutangten kom fiweu, kan yilarangen loco, kadobye ki kwami. naweu miki kwami nin tee wi kange mo.
\v 33 ma tokwo na kume fuwor nerero dim. kom nuwa dotangeti dor bitiner, dila kom biner wori min can kaba kange dor bitiner.''

\c 17
\p
\v 1 kambo Yeecu tok nyeri, kun nuweceu dii. yiki, kan keneko lam, duktang bikwe mwe, na bweu duktangnen.
\v 2 kambo nuwa neco bikwan dor bibwe nifireu naci necii dume wo mwa neco manki dika.

\v 3 won dume manki dika: ciya nyimom nen, mun kwama wincwar nii bilengke, kangeco mwa twomuweu, Yeecu kiritti.
\v 4 min duktangnen dor bitiner, mindim na'nyendo muneyereu.
\v 5 naweu tee kwama, duktangye wari kange mo kiduktangka ko miciko wari kange mo kikaba nyime dor bitinero no wiyeu.

\v 6 min fwetang nubowo mwaneye dor bitinereu den mwero. cine mwe, mun neken yeci, cin yo mwero.
\v 7 canneu cin nyimom dikero mwaneyereu munen kwarub,
\v 8 min neken ci kero muneyereu gwam. cin yo cin nyimom ma cirou munen, dicine bilengke mwo mu twom yere.

\v 9 min kwob cinen dilo. miki kwom dilo kici nubo muneyere kebo dor bitiner, wori cina mwe.
\v 10 wuyak dike na mweu nami, dige namiyeu na mwe, min duktangci.
\v 11 naweu mimani dorbitiner, nubowe kino dorbitiner, miki yang munen.

\v 12 Tee wucakke. tannci mor dene mweu mwaneyereu naci yilam win, kambo bi wiwineu.
\v 13 mi bouti munwn, dila mi tok dikewoti dorbitiner na fuwor nerer miro dim.
\v 14 min neci ker mwero, dila dorbitinero koci wori ci kebo na dorbitineroce, kambo mi kebo na dorbitineroceu.

\v 15 miken nenbo na tumci dorbitiner, dila na tamci yora fiye nubo bwirko wiyeu.
\v 16 cikebo na dorbitineroce, kambo mi kebo na dorbitineroceu,
\v 17 yo kenci nadore mwece dorbilengker. ker mwero bilengke.

\v 18 nawo mu twomye dorbitinreu, mi twomci nyo dorbitiner.
\v 19 min yoken dormiro munen kercir, na cekenciyoken dor ciro ker mwer.

\v 20 kebo kawo mi kwob dilo tiye, kange birombo a ne bilinti keti minen ki ker mwereu,
\v 21 naci yilamwin tee kwama kambo mu more miyeu, miti keni naci nowi more be na dorbitinerowo nebilengke mwo mu twomu yere.

\v 22 duktangkako mu neyereu, min naci, yilam win, kambo biwineu.
\v 23 ci moremi, mu more me. nabe ci yilam win, na dorbitinero nyumom mwo mu twomyere, na cwici kambo mu cwiyereu.

\v 24 tee mi cwiti nubo muneyereu a no kange mo fiye mi wiyeu, nacito duktangkako mu neyereu. wori mun cwiye ki kabo ywelka dorbiner.

\v 25 tee wucakkeu, dorbitinero nyom nenbo, la min nyumom nen, labirombo nyimwom mwo mu twom yere.
\v 26 min dokci cin nyimwom den mwero, man yitenci na cwikako mu mameneu na morece, mi keneu nan no more ce.''

\c 18
\p
\v 1 kambo Yeesu tokum kero weni, ceri kange nob bwangka cebo cin yaken cu'nga cunnukur kidiron, fiye fotewiyeu cindo kenwi ci kange nob bwangka cebo.
\v 2 naweu Yafuda niwo a nekoncotiyeu, nyumom fiyeco, wori Yeesu ki bow nyowi kange nob bwangke cebo.
\v 3 la Yafuda, tinobda keboni kaba kange durem cimbo kanye fiye liya wabe ni kange farisawa, cin ki kira wenka kange kulen kiyaned.

\v 4 kambo Yeesu nyimom digero yaken dorcereuri, ciro kab meci, ''we ko dotiye?''
\v 5 cin ciya co ''Yeesu bwe najanret.'' Yeesu yicii, Inmo.'' Yafuda niwo neken cen tim kange no dakebo.

\v 6 kambo ciyi cii ki'' inmo,'' ciin yilanken bwii ciin yarken bitine,
\v 7 yilam meten ci tak, ''we kom dotiye?'' cin ciyaco Yeesu bwe najaret?''

\v 8 Yeesu ciya ci, min yikom inmo. non mo citiyeri, kom dob birombo a yakenti.''
\v 9 wonadim kero citokeu. ''mor nubo mwa neyereu, winwo lebo.''

\v 10 Simon Bitrus niwo ki kulenneu, coku kwalum tuwo cacci yere wo bibwetomange nii wabe. den bwetomange co markus.
\v 11 Yeesu inyi Bitrus, dokken kulendo morloco. mani ma no kweelmunge tee neyeretiya?''

\v 12 dila nob dakebo kange duciro kange nob dirlor Yafudawa ko tam Yeesu, ciin bwamco.
\v 13 ciin yakico kikaba Annas nen tee kon Kayafas nii wabe durko choroceu.
\v 14 Kayafas coni ne Yafudawa yuiande ki ladiker nii win abuyam kange nubo kilanyeu.

\v 15 Simon Bitrus bwangtang Yeesu, nyo kange nii bwangka mane. nii bwangka kowa nyumom dur webebo, doken kange co mor luwece.
\v 16 dila Bitrus tim nyilo kalek. dila nii bwangka ko nyimom liya wabe durken coru'u kale tokker kange nawiye to nyilok tiyen la dubom Bitrus dom mor.

\v 17 dila nawiye to yilok kotiyeu yi Bitrus, mumani mor nob bwangka niwo ka?" yiki, kebo mo.''
\v 18 naweu can nyabo kange nubo to lowabe tiyeu tirannyumwi, ci cukirati, wari cweto wi Bitrus tim wari kangeci cukirati.

\v 19 dur lowabero me Yeesu nob bwangka cebo kange merangka ceko
\v 20 Yeesu ciyaco minyi dorbitinero kero nyanglang. kwati bak mi ma merangketi mor bikur kwamar fiye Yafudawa mwerumti gwammeu matokbo diger yurangum yurange. ye bwi mu meryere? ye bwi mu merere? me birombo nuwa dige mi tokeu. nubo nubo wuro nyumom dige mitokeu.''

\v 22 kambo Yeesu tok weri, kange mor nobdirlob tim wi cwuwa Yeesu in yiki, mu ciya durwebero ninti nyo.''
\v 23 Yeesu in ciyaco toki, ''nomatok kero bwirdi yiye tano kebo naki yanecer, yebwe mwa cuwatiye?
\v 24 la Hananiya tungen Yeesu Kayafa nin niwabe dur.

\v 25 Simon Bitrus tim we cukirati. nubo meco, ''mu mani mor nob kwangka ceba? wengkangum ki, kebo mo.''
\v 26 win mor canga ni wabe, inke wiwo ci cwalum tuwo, yiki, mi to nenbo kange co mor foti?
\v 27 Bitrus wengkangum tak, dangjang bicakeu mob. kiyyangeu.

\v 28 la cin yaken ki Yeesu karak lirya ko durko. kin kwomce, ciki dorcer cidobe karak lirya ko durkonin, wori ci cwibo ci fwe ki caka kwaka ciko.
\v 29 la Bilatu ceru'u bom meci kom bou ciko dor niwore?''
\v 30 ''cin ciya ciki,'' cano nii wo mani ma dige bwira bwiratiri, diger mani a dok yoti nya bouti ki kiyange ce munene.''

\v 31 Bilatu yicii, kom yanken kico kibwikom ko warco nawo. warka kume tokeu.'' dila Yafudawa yico, nyi man ki bikwan nyin warni nin bolang."
\v 32 citok wuro nadim kero Yeesu tokeu, wuro dang dorabuwa wo ca matinyeu.

\v 33 la Bilatus yilam doken karak cou Yeesu yico ki, liya Yafudawa?''
\v 34 wontok mwek kaka'a kannyemnob yinen ker miro?
\v 35 Bilatus ciya coki mi kebo ''Bayafudeka?'' innubo lomwe kange liya wabe cibou ki nen, ''ye mu mane?''

\v 36 Yeesu yico, ''liyar miro kebo na dorbitineroce. liyar miro na dorbitineroceri, nob bwangka miko kin tekwen katiyolo cinekenye kang Yafudawa liyar miro kebo fo"
\v 37 Bilatus yico ki ''wendi mun liya ka?'' Yeesu ciya, nawo mutokeu min liya. wonco dige bwi cii boyere, wonco dige bwi midou dorbitinereu, ci cuwa tuti ker miro nin.

\v 38 kambo cito kweri, Bilatus meco, ''kerbilengkeryer?'' yilam cerin ya Yafudawa nin yici, mifeyabo niwo ki bwirangke.
\v 39 kom wiki fulendo wo yiki, a womkan nii win nin ki kwama wo kom can kwaka yabkakotiyeu, wekom cwiti nyamka cinene liya Yafudawa ka?"
\v 40 ciin kundiro kibikwan cin toki, ''kebo niwo, Barnabas" in ni kuye.

\c 19
\p
\v 1 Bilatus mali Yeesu.
\v 2 nob gwam nebo ku yilang duwe la cin yo Yeesu neti dor cin mer ciyene beller liyar.
\v 3 cin bo fiye co wiye ciki dumwe a kutange liya Yafudawa. la ci tee co.

\v 4 Bilatus yila ceri kale yi ci to man bo kumen ki nii co be no kom nyomom mafiya cubo ki kange bwirangke"
\v 5 Yeesu cero ki yilangk duwek cwakek kange kure na liyaro ce Bilatus ki nii co wo.
\v 6 kange nobo dur webero wali kange tikertiyeu cin tam Yeesu, dila ci kwakiyyangti ciki a kulkenso, kulkenso la Bilatu ki kom tuco kom kulken mi mafiya chobo ki kerobwidi."

\v 7 la Yafudawa ci yi coki yonweki bwirangka kange nurwarka con daten bwar wori cin nyoken dorcero na bi bwe kwama''
\v 8 Bilatu nuwa kero wo nyori la con cwa coko.
\v 9 yila daten bwar kun gwam na, nyi Yeesu mocelufe?'' layecu bciya cinen bo.

\v 10 la Bikatu yico ki mani ma ciyayeti? mo nyombo miweki bigwan inyagum kan mwe, yila ma nyamgu kanti. kurkene
\v 11 Yeesu diye cine, mo manki be gwam dor mi naci, ne nefiren di kwamari, nyori wo neke ye moneneu co nii bwirangkeu,''

\v 12 dila co nuwa nyori, la Bilatu mani naci yemgum kancine, la Yafudawa kun dir ciyero ciki na mo nyongum nii wo nindi bo kebo farar kaicar no nii wo tuken dor cero na liyari, in kan kaicar ni.
\v 13 la Bilatu nurank kero belonabo la celu ki Yeesu kare nyara. nyike kabum kutirece fiye cico tike fiye bwirangke wo Yafudawa co tiki Gabbata''

\v 14 ki kakukowo ci yelank, lank dulubme yamkati, ki kwama kene nukune. la ki kakun, Bilatu yi Yafudawa ''liya kume wo''
\v 15 la ci kwadiro yangenki co, yanken ki co. Bilatu nyi ci ki kulken liya kume ka? la nobo dur wabero ki cin manki liya kange no kebo kaicar dii.
\v 16 la Bilatu nici Yeesu naci kulken co.

\v 17 la cin yeken ki Yeesu cero ki beteren bwiti yakenti cuika fiwo Yafudawa coti ki golgota''
\v 18 cin kulken Yeesu fiye co nobo kangum nyob, kulken ci Yeesu la tiber cinyer.

\v 19 Bilatu mulangti yurombo dor bentilen bwetiye YEESU BANAZARE, LIYA YAFUDAWA.
\v 20 Yafuda duco cin kiye yurom bowo wori fiye ci nyom Yeesu wiyeu bi dom kange cinalou.

\v 21 la nobo dur waber Yafudawa, ci yi Bilatu ki mulangti muki liya Yafudawa. mulang moki yiki co liya Yafudawa.""
\v 22 Bilatu ciya, ki dii kewo co.

\v 23 la nob bi gwanem cin kulken Yeesu ci worangum billeceu kifiti nyo nar, nob bigwanebo ki ciye, yilank ciyegu woranm tau dii yanken cu co bitine.
\v 24 la ciyi bwiti tii cike bo worak bilengke ci nyib dige co toke birinka wori kom ki kom ne bilengke

\v 25 nob bigwan nebo balangum dikge wo no Yeesu, kange yitim cobo kange maryamu weikilofa, kange maryamu magadaliya. natuwo tim bidom kange fiye ci nyom Yeesu wii ye.
\v 26 la Yeesu to neceri kange nii bwangka wo co cwitiye tem bidom, yiki to na we to be bweme."
\v 27 la to nii bwanka, to nemwen nob bwangka ce co tuco yangke co ko lo.

\v 28 na wo nyeu Yeesu nyumom digero mor kwamare ma dim. la nyi ciki co nuwa durometi
\v 29 cwi kanciyen kollo timwe ki mwebo fur cin doti cukko mwero bwotiye kange cin neco nico.
\v 30 la Yeesu cun mobowo furi nyori ''laye ciki dim la cunke ki dor cero lademkan dume ce ni.

\v 31 la Yafudawa, wori kakun yerank kari ci domti bwiciye dor bantilank bwe tiye na yaken kaku foka (wori kakun furkako nyori fiyeci weye) cin kinan Bilatu na ciyeco na cugum ci
\v 32 la nob bigwannebo bo. kiyalum na nubo burumbo nii kaba nii yobe bulo ci yuci wori kange Yeesu.
\v 33 cin bou cifiya Yeesu bweyam ci keyanbo na ciyeko.

\v 34 dila wii nob bi gwanne boning gwico kiya dange buyare kange mwebo ti ceri.
\v 35 buro towo ciya yilam nii warka. warka ceco birinke.

\v 36 ci tokwo naci dim bifumer kwamaro kunko kange mani wo ciya kiyan tiye."
\v 37 kange bifumero toki, bon nii wo cikwareu.

\v 38 bwiko dige borumbo, Yusufu nii Armatiya, con wi win mor nob tomange Yeesu, dila temi tai Yafudawa, yaken Bilatu a naco bwi Yeesu. Bilatu neco, Yusufu bõti bwiyo.
\v 39 ni ko dimu ken bõ wuro ki kabo bõ Yeesu nin ki dila bõnuwan ficange womur doceu kange alul wo lam tutum cwanka kweni kwabe.

\v 40 dila ci tuti bwi Yeesu ciyoken co yilanforka kange nuko ficen ficenye. naci yimkan bõ na nur banka Yafudawa ceu.
\v 41 fiye ciya ci yumce we kange tekewi, muro tekeu tuwe kangewi woci forumbo nii weye.
\v 42 du waleu kaku yolanka Yafudawa tuwe bi la ci dogken Yeesu borece.

\c 20
\p
\v 1 ki kwamaco kangko win mor kume nibere tangum kumebo we, maryamu Magadaliya bo tuweu ni co fiya cin berum tero tuwenin.
\v 2 yila takacon fiya Saminu Bitrus wari kange nob nanetbowo Yeesu cwitiyeu con yici cin tom teluwe we tuwenin yo yombo ciye ci yomco.

\v 3 la Bitrus wari kange nob tomangeceu cin ceri, yakanke tuwenin,
\v 4 gwam ciye cin tacoke wori, dila win mor bibei bwenkaco yulum Bitrus lakaco tuwe.
\v 5 la tolari fiyaka yilang fwerka la dobo morece.

\v 6 la Saminu Bitrus yauki bwiyi la do tuweni to ka ye lank fwerka yomwi.
\v 7 kan yilanko wene dorcero ciyabu wari kange yilan fwerkaka cin kumu cin yoke co ki kwace.

\v 8 dila bei tomangece wo yaken ten wolom tuwetinen danuwe to la ne bilengke.
\v 9 yaken ki kwama wo ci nyobo bifumer wo yiki ankanu bore.
\v 10 la bi bei bwonkace cin yelanken lo'o tok.

\v 11 la Maryamu tim we tuwene ciwuyeti. co mor wuyeri cunge to tuweu.
\v 12 Yeesu yico "Maryamu" laco yilak yico ki a mani ya na "rabboni" nii merangka.
\v 13 Yeesu yico ki mana wiye meyere, mikubo dii kwama, yauce wifiye kemwebo yici muki yanfiye tekume wiye, kange tekume kwama mi kange kwama kume"

\v 14 Maryamu Magadaliya yayi bibei kwangka ce ko, man to teluwe" nyila yiki co diroke buro.
\v 15 diye kaba win na kume niberoce, bi beibwangka ceka cin dokenku ciki coya Yafudawa, Yeesu boti tiber ciyer ki bi bwege fu kume."

\v 16 con to bi bei tomangce wucakeu nyo yob tiram ki kulle do fwewor win tim dorcer, win nacek fiye ci fwerum Yeesu.
\v 17 cin meco ki nawiye yemocitiye? ki wori cin tum teluweceu man yombo fiye ci yamki co weyeu.
\v 18 Maryamu Magadaliya cin bou ci yi bi beitonga cin to teluwe la tokke nyo cinnen.

\v 19 Diye co kime, kume win mor nibere nyiloko wo bibei tomange ce wiyeu nungun -nunge, tai Yahudawa ci nuwatiye, Yesu boun ti tiber ciyer, Yii cii fuwor neerer kumen.
\v 20 Kambo co tok nyeri con nung cinen kang ceko kange cu-nka ceko, bibei tomange bilange kambo ci to Yeesu.

\v 21 Yeesu yi ci ki bibweyed ki no kumen"nawo teluwe tomyere, moma mi tomkomti."
\v 22 dila Yeesu dim tonkageli la funci ki yuwa komyo tembekoma.
\v 23 nii wo kom citanci nen bwerangke ceu wiyeri, cin citencinen wi, nii wo kan tim bwirangke keceri cin tim bwirangkeceu"

\v 24 tomawin mor kwob cilombo yobe, wo ci cuti ki biboyetagwai, mani ki kwama wo Yeesu bou cinenen.
\v 25 tangnum nob tomangebo yico ki nyo to teluwe" tano ma tõ bo buwak tinim to terangkangce kiri, na dor bi wer kange mi buwak ko terange nineu, take nan dokti kangmico yare cank cank cekdi mani ma ne bilengketi.

\v 26 kume nalub bei bokangceko wuranin mor luwe, toma wi wari cange ci nyiroko nuwang, nuwage cin to Yeesu tiber ciyet ki bi bwiyet ki kom"
\v 27 layi toma to kangmiko. naneu kang mwe ko tenye nabo ne birinke? bi bwiyet ki nii wo toyebe lane birinke mine."

\v 28 toma ciya ki, teluwe mi kange kwama mi."
\v 29 Yeesu yi co ki lamuto comunen bilengke? bi bwiyet kine wo teyebe lane bilengke mine.

\v 30 Yeesu ma yunbom kilang kilang fiye nob bwangka ce wiye, wo ciye murangbo mor bifumer kwamaro ninen
\v 31 la ci murang wo nyo na kong ne birinke Yeesu co Almacihu, be bwe kwama ki bilengke be boneyeu co bi fiyam dume ki dencere.

\c 21
\p
\v 1 ki bwii nyori dang dorcero nobbwangka cebo ni nyi caji tibariya. Yeesu dang dorcero nawo.
\v 2 Simon Bitrus wari kange tomas wo ci cwiti ki dan tangwai, kange Natanai'ilu wuro biten Galiliyeu, bibwe Zabedi kange nob bwangka Yeesu nyo yob.
\v 3 Simon Bitrus yiciki,"miki yang taka jinnye." cikin "nyiki yang wi ken kannyeco."yacin doken mor tukomem dila citabo diger winwo kume co.

\v 4 kanbo fini dadom celkari Yeesu bou ti kabum munyem, dila nob bwangka cebo nyombo kin Yeesu.
\v 5 la Yeesu meci, Nabbarob, kom wiki dige ka catiya? cin ciya co, mani
\v 6 lamyici, kom merken biliyan kumerofo kangko catiyer tukomero nin, kantau. cin merken bilinyaro la cii dolbo kwoba wori jinye ducce.

\v 7 la ni bwangka ko wo Yeesu cwitiyeu yi Bitrus ki won kwama"kambo Simon Bitrus mor mu nye (wori ci kwanger), yanken mor munye.
\v 8 la tangne nob bwangka cebo bou cinen mor bentilen mwemmer, wori ci kutangbo kange kong munyeu, kutangka ceko nako kuni kwobyob yaken dii ci kwobkang biliyaroti dimki jinnye.
\v 9 kambo ci ceruweri, cnto korkirero jinye kange tiilita yomwe dorcer.

\v 10 Yeesu yicii ki "ko bou ki jinye kotau canakeweu,"
\v 11 la Simon Bitrus ya kwom biliyaro dimki jinye kadur, 153 morece, kange kilaka cikowo, biliyaro worabo.

\v 12 Yeesu yicii "bokom camcarito." Nimani mor nob bwangka cebo nin maco ki "munwe?" cin nyimom kwama
\v 13 Yeesu boutu jinnye kange tiilita neci.
\v 14 wonco taareceu Yeesu bouti nobbwangka cebo ninne kambo ci twenum tuweri.

\v 15 kambo ci cam cariteri, Yeesu yicii, "Simon Bitrus bi bwe Yuwana, mucwiyeti lawa? Bitrus ciya nyo kwama mun nyumom mi cwinenti" Yeesu yico, "munyumom mi cwinenti."
\v 16 yitenco yõbem, man bibwe Yuwana, mu cwiyeti ya?" nyo kwama munyomom mi cwinenti." Yeesu yico, Ato kwama niti."

\v 17 yitenco ta'arecou, " Simon bebwe Yeesu Yuwana, mu cwitiya? ner Bitrus ceco kanyam wo Yeesu meco kiriti ta'ar, "mu cwiyetiya?" la cin toki, "kwama, mun nyumom digero gwam, mun nyumom micwinenti Yeesu in yico, "ne kwamemiu carito.
\v 18 bilengke bilengke, miyinenti, ki kwama mun bwe bwayileu, mu bwador mweronin dakko tiye, nanyime muya fiye mu cwitiye. tano mu ciramdi, mwantar kangmwoko nakange bwamwen dakko, nakinen fiye mu kwabo yaka."

\v 19 Yeesu tokkerowo na ci dang Bitrunin na nyomom buwaro camatiyeu na duktangka kwama keceu. kambo citoki nyeri lamyi Bitrus, bwangum ye."

\v 20 Bitrus yila nuwari to nii bwangkakowo Yeesu cwitiyeu bwangcinentinti, niwo nyimom diger ki kaba dor Yeesur ki kwama wo cica caritori yiki, "kwama we niwo a neken nentiye?"
\v 21 Bitrus toco lanyi Yeesu, "kwama, inye wuro matiye?"

\v 22 Yeesu yila yico "no mika ciya nintangye nanbouri, yeyonen wiye? bwouye,"
\v 23 dila kerowo yatti kebcebo nin ki ni bwangkakowo mani buyati, Yeesu yibo Bitrus, ki ni bwangkakowo mani buyati, la cano mi cwiti nayi kange mori yeyonen wiye?"

\v 24 wonco ni bwangka kowo tok keroburombotiye, woci mulangeu, la nyin nyimom kecoro bilengke.
\v 25 dikero kan nyumbo witak wo Yeesu maneu. nacin bulangi kwarub kiwinti kiwintiri, miyi komti nero kibroco mani tu bifumero a mulangtiyeti.