forked from Tech_Advance/bsj_reg
43 lines
2.4 KiB
Plaintext
43 lines
2.4 KiB
Plaintext
\id PHM
|
|
\ide UTF-8
|
|
\h Filimon
|
|
\toc1 Filimon
|
|
\toc2 Filimon
|
|
\toc3 phm
|
|
\mt Filimon
|
|
|
|
\c 1
|
|
\p
|
|
\v 1 Bulu fucuna ker yeecu kriti kange yiice Timoti a ne Filimon ma cuiti cuiye farnge kange far nangene nye kange.
|
|
\v 2 Afiya nin korya nye kange Akifuc far nangene tarkwene, yaciko nubo bwantan kwama ti mwer kanti lo mwe.
|
|
\v 3 Luma kange fwor nered fiye kwama tebe, kange teluwe yeecu kriti luma kange for nered ayi kange mo wuro fiye kwama tebe kange teluwe kriti
|
|
|
|
\v 4 Kir kir mi bũ kwama nin kanti. mi yo komti mor dilo mi kwobtiye.
|
|
\v 5 Min nuwa fulen cwikanka mweko kange bileng ke mwe mo ciko mor teluwe yeecu kange gwam yitobbo wo bwan cinen tiye.
|
|
\v 6 Mi kwob dilo tibilen ker mwero ayilam dike abou ti ki mũka nymka dikero gwam yoryore more bemor kriti.
|
|
\v 7 Min nuwa fornered ducce, take min fiya birum nere morcuika mweko, nyori ner nubo bwam kwama nin tiye dãken fiye mu wiye yice.
|
|
|
|
\v 8 Na wo nyeu nomin wi ki bi kwan nered mor kriti na yi nen ki nyial na ma diko wo mwa. matiye,
|
|
\v 9 La ker cuikar makeng nen tiye mo bulu cẽle kange nii fucuna ker kriti yeecu.
|
|
|
|
\v 10 Mi ken nen ti dor bi bwemi onicimu wo ma yilam tẽ kange nii bwaka,
|
|
\v 11 Fiye cuwo ci kebo ni ken munen, caneu conken munen kange mo.
|
|
\v 12 Min twom co munen nii nyimom ner mire.
|
|
\v 13 Nomi cuiti na yoken co na tikanye nanger mwero ki kwama wo mi fucuna ker fulen kered kwama.
|
|
|
|
\v 14 La macuibo ma dike kange kebo ki cuika mwek ma cuibo dikemu mati yoryore ayilam na mui ci ki ciyaka mwek.
|
|
\v 15 Nyeu co ma tikagum co kange mwe buri, no mo fiye coyilauri ayi kange mo diki.
|
|
\v 16 Maca yila caga ti tak, con la canga yii mwe ken mo cuitiyẽ, la nyo ma fiye mo wiyeu. mor bwiye kanye mor teluwe be.
|
|
|
|
\v 17 No mon tũye min far nangene mweri, yuwo co na mwi muki yuwo mo.
|
|
\v 18 No ma mwen dike yorberi kaka no mu bwan cinen ten diker tiri, tuken na mwi co ma fiye mi wiye.
|
|
\v 19 Mo bulu ma mulang wo ki kang mike man biya nen. ma yibo miki man yinen mi ma bwan mwen cend doremwe ti.
|
|
\v 20 Min ciya yice cii ye mor teluwebe yob men nermor kriti,
|
|
|
|
\v 21 Mi ki bi kwang mor neremi, ki neka dore mweko mi mulang mwenti min nyimom mwan ma dike wo lawo mi kennenti na mane.
|
|
\v 22 Fiye cuwo win, ywl men luwe. mi yo ner ti mor dilo mwe man bou fiye mu wiye.
|
|
|
|
\v 23 Ebabara far nangene yeecu kubwaka yarmum nen ti.
|
|
\v 24 Nyo Marku kange Aritaku kange Dima, kange luka farb nangene mi
|
|
\v 25 Luka teluwe be yeecu a kange yuwa tangbe ce ayi bi nen a titinyo
|