2020-06-04 18:30:09 +00:00
\id 2TI
\ide UTF-8
\h 2 Timoti
\toc1 2 Timoti
\toc2 2 Timoti
\toc3 2ti
\mt 2 Timoti
\c 1
\p
2020-06-23 01:21:43 +00:00
\v 1 Paul bwe tomange Yesu Almacifu ki maka kwamak, dor nored dumero Almacifu Yesu.
2020-06-04 18:30:09 +00:00
\v 2 Timoti bwe ma cwi-cwi yeu, luma nuwa ka duwek kange, foor nerer fiye kwama Tee kange Almacifu Yesu telue beu.
2020-06-23 01:21:43 +00:00
\v 3 Min buh kwama nen kang, wo ma bwang tenti fiye co tenkwanob mibwo wiye, ki dume nerer ken, kambo ma kwati ki mo mor dilo ma kwabti kir-kireu (kume kange kakok).
\v 4 Kambo ma kwaki mwem nuwem be, la man cii na tonen, wori na dimki foor nerer.
2020-06-04 18:30:09 +00:00
\v 5 Cin kuraye ki bilenker mwero cak-cakeu, wuro fyan dimero nuka mwe loyis nineu, kange neemwe Afiniki man nyumom co yim more mwe.
2020-06-23 01:21:43 +00:00
\v 6 Won co dikero bwi ma kulom nenti miki fweli fuu, tan neka kwama ko wo more mweu, na mwa fiya kambo mwa yo mwen kani miu.
2020-06-04 18:30:09 +00:00
\v 7 Wori kwama ne bobo yuwa tangbek taiyek la na bikwan kange cika kange taka dorek.
2020-06-23 01:21:43 +00:00
\v 8 Na wori nuware kwenduwe warke dor Teluwe be. Kaka mo Bulus wo ce ci bwabwbeu, nyori ywelum bwi miri na nuwa dotanage dor ne ka fulnkerer, ki bi kwan kwamar.
\v 9 Kwaco fulobe la co bo ki bi cor cak-caker con ma weu kebo ker nangeneb, lan makacek kange luma cak. Co nebo dike burombo mor Almacifu Yesu na nimre kaltiyo kabau.
\v 10 La caneu cin fwetang fuloka kwamako fiye cerkenko Yesu ni fulobo cerkanguweu. Almasifu co ca bou ki diika bwareke, lan bou ki dume man ki diika wo ca futangi mor fulenkee.
2020-06-04 18:30:09 +00:00
\v 11 Co wo ci cok ye ni neka fulenkerer nii tomage kange nii meranka fiye nubo kumtacile wiyeu.
2020-06-23 01:21:43 +00:00
\v 12 Won co diker bwi ma nuwa dotange dike burowe. La ma nuwa bo kweduwe, wori man nyumom co, wo ma ne bilenkereu. Ma kwabo ki ner can yomen dike ma neceu kakuko co.
\v 13 Yoken ma ciya -ciya wo mo nuwa min neu. Ki bilenker kange cwika ko mor Almasifu Yesu.
2020-06-04 18:30:09 +00:00
\v 14 Dike ro kendo kwama neneneu, tamco ki takali yuwa tangbe kwamak wo yim more beu.
2020-06-23 01:21:43 +00:00
\v 15 Bi nyum nubo yim aciya gwam yila men bwim, mor mwer kangka koco, fin calac kange Armajanac.
\v 16 Be Teluwe ama bibeyo locenen onici fara nin nuwaka duwek wori, co mamen tikali ti ducce, la co nuwa kwenuwe kuka miko.
\v 17 La nyeu kambo co Roma con do ye ki bilenker kibi com, la con fiyam ye.
2020-06-04 18:30:09 +00:00
\v 18 Be Teluwe a doki ca fiya nuwa dowek fiye co wiyeu, ki kakuwo. nure co mamen tikali biten Afica gwam kum nyomum.
\c 2
\p
2020-06-23 01:21:43 +00:00
\v 1 Wori wuro mo bibwemi neka bikwa luma na mwor Almaciya Kiritti.
2020-06-04 18:30:09 +00:00
\v 2 Dike tinim burom mwo nuwa fiye min neneu tiber dihere ducce, dokken kange nubo ki bilenke wuro ciya dol nyika kange ni tiye.
2020-06-23 01:21:43 +00:00
\v 3 Mwi rumum nuwaka dotange kange mwo, na ki dak kung fero na Almaciya Kiritti Yesu.
\v 4 Ni dak kung fere kange mani kweri bwam dor kerer. Dor cero ki kulenti diker wuro Teluwe cenen nar.
2020-06-04 18:30:09 +00:00
\v 5 Nyo, no nii kange bwong kang cwak kange kece re mani ca nyomti na yimde daten ca bwanten dike cito ki dor maka cwake dor cero gwam.
2020-06-23 01:21:43 +00:00
\v 6 Dikero ken ni tone wuro ki mwirumka na ter yeka dike cicuwo teka ce ki kaba.
2020-06-04 18:30:09 +00:00
\v 7 Kware ner mwer dike mi yinen tiyeu wuri kwama a tin nenen nyomka more ce.
2020-06-23 01:21:43 +00:00
\v 8 Kwabi Yesu Kiriti w mwor tuwet lor Dauda wou can kung co fiye bware, ki na fulen kerer.
\v 9 Wuro mi nuwa dotangti yiilam na bwanka ce na niwo ma bwirangke ka ker kwamaro mani bwbbabe.
2020-06-04 18:30:09 +00:00
\v 10 Tano nyori min mwirumum ki dikero gwam ko cori co kene can kobo.
2020-06-23 01:21:43 +00:00
\v 11 Won co ker bilenke kendo ki no mon bwiyam kange cori ciyan yii kange mo.
\v 12 No ba ciyari batin kweni kange co. No bi kocori catin koh bo ken.
2020-06-04 18:30:09 +00:00
\v 13 No bi manki bileke ri con wi ki bilenker. mani can ko dor cer ti.
2020-06-23 01:21:43 +00:00
\v 14 Mwati kwai ki ner kulendo wuro warang ci na yimde kwama, ciya kwobkande ker, Na cowuri manki nangeng do ken, An bou nubo nuwatiyeu ki gwomka.
2020-06-04 18:30:09 +00:00
\v 15 Ma nageng mwero na ni nange kwama ken wuro manki diker kwenduwereu mworece, wuro merange diker bilenketi dong dong knye.
2020-06-23 01:21:43 +00:00
\v 16 Dobom kero bwir wo bouti ki kwomka fiye nubo yumbo kwama.
\v 17 Kercero atin yaken dor kiyer fiye tiber mwaranciye mor nubo wo Hymenaeus kange Philetus.
2020-06-04 18:30:09 +00:00
\v 18 Wo co bayilub bwo lem bilenker, ki kwenka ceko mor tuweu mam mane cin luntang kangumbo wo manki bilenkeu.
2020-06-23 01:21:43 +00:00
\v 19 Na weu bilenker kwama ro wi ki cik na cak. con nyi ki dokka- kangek Teluwe nyimom niwo nace, gwam ki nii wo cuwo ki den teluwe tamnyo ca dubom bwirang kercero.
\v 20 Wi luwe ki cuweka, kebo kulendo biro na mwin kange dike miblang tiye kebo curo nyo na kulentini na bwantiye mur kangem bo ki den makadikero ken kange ki maka nang do wuro kebo na yorka ce.
2020-06-04 18:30:09 +00:00
\v 21 No ni kange ywelum dor cero ki yorkari co ki tom yereni yorka ci cukom co nagen kiden ni luwe, nan wo ki nyom ka bwentano nagebdo wu niri.
2020-06-23 01:21:43 +00:00
\v 22 Kom dubom kuruwo na bwiyece mwo no na wukacakko ce, bielnke, cwika kange luma foor nubo wuro cuwoti kiden teluwe ki no nero mwore wuccake.
2020-06-04 18:30:09 +00:00
\v 23 La ko meke wuro na kulenece kange wuro manti twerker cere mwo nyimom boti ki kung ka fiti koci.
2020-06-23 01:21:43 +00:00
\v 24 Kambo canga teluwe ca ca kwob kang ka. Na curo nyori ca yilam i birum nerem nubonen. Ni nyim mom merang ka, mwirumka.
\v 25 Tam ca merang nubo wuro kwab kangti kange ce mwar nure limer. kange ri kwama na neci bikwan fuloka na nyimom fulonke.
2020-06-04 18:30:09 +00:00
\v 26 Ciyan yila ci yilau mwor nere ciye na ci dubom cii to bwekelkele kambo ya co cwafrum ci wori dike cimene.
\c 3
\p
2020-06-23 01:21:43 +00:00
\v 1 Nyori yimom wo, ki kumeni cwile kumeni dotange dur a bou.
\v 2 Nubo an yilam nob cwika dorek, nob cwika kiyeme, nob funere nob kungka duwek, nob dilakab.
\v 3 Ciyan yilam nubo manki dambo keneu, mani ciyabo bwici kang nob, kiila, mani tador tiyeu, nob bontub, cwibo dikero ken.
2020-06-04 18:30:09 +00:00
\v 4 Ciyan yilam nob yeka nak, kwici dorek, nob mak bwiyeb, kange nubo cwi lumati lacinen cwika kwamak.
2020-06-23 01:21:43 +00:00
\v 5 Ciyan yilam ciki den waber kwamar dila cinko durcero. Yilam fiye nubo wur wiyeu.
\v 6 Mo re ce kangembo wi wuro deranti loni nubo bilang natubo manki nyomkiti Birombo co natubo dim ki bwirankere, cin tiyangum nure ker dilangka kidime kidimer.
2020-06-04 18:30:09 +00:00
\v 7 Natubo ciro citi merangyi dila maniciya lau nymka bilenketi.
2020-06-23 01:21:43 +00:00
\v 8 Nawo Jannes kange Jambres cin ma kwobkangka kange Musa. Nanco ciro nob merangkab, cwerkeb ci ma koti kange bilenke. Nubo lomi kayam mor nere, nubo tibo dor blenker kenne.
2020-06-04 18:30:09 +00:00
\v 9 Dila mani ciya kutangti wori kulenciro atin ciro kale nubonin, na nubo birombo.
2020-06-23 01:21:43 +00:00
\v 10 Dila mo, bwangten merangka miko, yimmimbo dike ner mireu, kange bilenke miu, kange birum nerer miu, kange cwika miko. kange yiber dorer miro.
\v 11 Kange cokangka kange dotange miu, kange tangne dikero bwiti grarum kange mo Antakiyau, kange Ikiniya kange Listra. Min bimnero mor dotange minen. Dila more gwameu, kwama cokye.
\v 12 Nubo wuro cwiti naci yi im bwanka kwama mor Kiristi Yesu ciyan nuwa dotange.
2020-06-04 18:30:09 +00:00
\v 13 Nubo bwirko kange nubo dang dortiyeu ciyantin yakcanen ciyan kangum kangumbo. Ci kibwici ciyan yilam nuwewi.
2020-06-23 01:21:43 +00:00
\v 14 Dila mo ca kaba kidi kero mu merange mu ne bilenker cike kinero winneu yimom bou niwo mu merangum wiyenen.
2020-06-04 18:30:09 +00:00
\v 15 Nyimom muki fiyaco mun bwe mun nyimom bi fumero birombo wucakeu. Birombo an yilam nii nyomka wo fulo ka koceu fiye bilenke wiyeu, mor Kiristi Yesu.
2020-06-23 01:21:43 +00:00
\v 16 Bifumer kwamaro fubom kwama kwarub. Yori kabo fiye merangka, na werang kakoce na ywelkakoce, na mwerumbo ce, mor luma nerer.
2020-06-04 18:30:09 +00:00
\v 17 Wuro dila nii kwama yilam dimdiye, ywellum ywelle na ngen do kendo gwam.
\c 4
\p
2020-06-23 01:21:43 +00:00
\v 1 Man ne nyial kewoti kalum kwama kange Yesu Almasifu, wuro a ma nubo ki dume kange wo bwiyam-bwiyau bolang kange cerkanka ceko kange liyar cero.
2020-06-04 18:30:09 +00:00
\v 2 Ne fulen kerero, bimneer ke kangi, kaka mani ca tor mwe mweka, ywel-ywelka, ki dang ne gwam kange merangka.
2020-06-23 01:21:43 +00:00
\v 3 Be kumeni yau ti wo nubo mani a mwirumti ki meranka ko ken. La nyeu ci an mwer dor cero min nob merankab dong-dong kange dilanka neere ciko. Ci a yi ci kam co dik ciyeu cwitiye.
\v 4 Ci an yilam tu ciyeu fiye merangka ken bten kereu, ci an yilaken ka keti dangi bwir.
2020-06-04 18:30:09 +00:00
\v 5 La mweu be mor dikero gwam. Mwirimum dotange ma nangen nii neka fulenek.
2020-06-23 01:21:43 +00:00
\v 6 Kweri min corom na wori yalkan ka miko lam dim nange mwero. La ci cwai yeti co la fuka miko lam.
\v 7 Man cwa wak bilenkero ceu, man dim cwakko, man tam bileker.
2020-06-04 18:30:09 +00:00
\v 8 Cin yomom yilan duwek cak cake, wo kakuko ceu. Kebo moki kwami la kange nubo buro cwii boka cek tiyeu hwam.
2020-06-23 01:21:43 +00:00
\v 9 Maki bwi bou fiye ma wiye wulom.
2020-06-04 18:30:09 +00:00
\v 10 Wori Dimas cutangye wi, con ni dor bitenerowo, cu Thessalonica, kariskis cu Galatiya, Titus cu ce Dalmatiya.
2020-06-23 01:21:43 +00:00
\v 11 Luka ki kwace wanri kange me. Dou markes ko wani kange co, wori con i ki diker makar fiye mawiyeu mor nagene.
\v 12 Man twom ken Tychicus Ephesus.
2020-06-04 18:30:09 +00:00
\v 13 Bou men ki barum bou ma dobti taruwasa karbus mineu, na mwan bouri bou meten ciko gwam kange bifumero wo ma dubom wiyeu, manna bifumeroco.
2020-06-23 01:21:43 +00:00
\v 14 Alexander Nii tu'u dalmatiye ma men ciren ke bobi duwar. Kwama ann ya co dong-dong kange nagen cero.
\v 15 Mo ken ma ki luma kange co wori ki kwobkange ki kerbero ducce.
2020-06-04 18:30:09 +00:00
\v 16 Ki kaba ma cok dormiro tiyeu nii kange bwang men ten bo, la nyeu nubo cwa ye. ma cwi bo a kiyewuro dor cir. La kwama ti kange mo.
2020-06-23 01:21:43 +00:00
\v 17 Con neye bi kwan nerer fulendo fiya doka yora, na nubo yim kumta cille na nuwa. Cin coku ye nyi tirome.
2020-06-04 18:30:09 +00:00
\v 18 Kwama an cokum ye nubo bwir ko nin gwam. na cer ye na liyar cero ce diyeu. duktangka fiye co wiye kwatti diri. Ati Nyo.
2020-06-23 01:21:43 +00:00
\v 19 Yarum men Briskila kange Akila kange Lo Onicifuruce.
\v 20 Arastus wi yim komti la ma dubom Tarifinus ki kwirom bwi firen Miletus.
\v 21 Ma ki bwi, bou na cwakiya bawaka yuwako, Yubulus yarum nenti, nyo Budis kange Linus Kange kalafidiya kange kebbebo gwam.
2020-06-04 18:30:09 +00:00
\v 22 Kwama a yi kange yuwa tangbe mweu. La luma a yikange mo.
See in Reader
