bjn_2ti_text_reg/01/12.txt

\v 12 Nitulah sababnya, ulun mandarita kaya wayahini. Namun, ulun kada supan karana ulun tahu lawan siapa ulun parcaya wan ulun yakin bahwa Sidin kawa ja manjaga apa nang sudah Sidin parcayakan lawan ulun sampai hari nitu datang. \v 13 Pingkutilah pokok-pokok ajaran sihat nang sudah ikam dangar matan ulun dalam iman wan kasih nang ada dalam Yesus Kristus. \v 14 Lawan Roh Kudus nang badiam di dalam kita, jagalah babujur-bujur harta baharga nang sudah di parcayakan lawan ikam.