pid_exo_text_reg/04/14.txt

\v 14 Ja̧'hua̧nö̧ päa'a ä̧ju̧cuo̧mȩnä̧, Tu̧ru̧hua̧ Dios Moisésrö ra̧huä̧ripinö̧do. Pä'inödo: Ye, ja̧'hua̧nö̧ jö̧ttö̧mä̧, cuböo Aarón'inä Leví isotö isa̧ kö̧. Ja̧u̧mä̧ adiu ucuocuä̧rö̧ chu̧huo̧juä̧cu̧. Ja̧'hua̧ta̧nö̧ ja̧u̧mä̧ täcö ichö ucuru mä̧nä̧ kä'cottö pä̧tȩcuä̧ päi'a pä'ö. Ucuru toomenä, rö̧ȩnä̧ ȩsȩhuä̧cua̧. \v 15 Ja̧u̧cu̧ ucuocu huȩnȩ jä̧jimä̧ jicuhuaröja. Ja̧'hua̧ta̧nö̧ ttötä ucu cuänä'inä, ja̧u̧ änä'inä chu̧cuo̧cuä̧cua̧sä̧. Jȩcu̧'ätu̧cuä̧cuȩmä̧ chu̧huo̧juȩtä̧cua̧sä̧. \v 16 Ja̧'hua̧ta̧nö̧ ucu cucuocuaji juäimä, ja̧u̧tä̧ Israel ttö̧ja̧rö̧ u̧cuo̧cuä̧cua̧. Ja̧u̧mä̧ ucu cuä ta'anö ö̧jä̧cua̧. Ucutä ja̧u̧ Ö̧ä̧nä̧hua̧ ta'anö cu̧jä̧cua̧jä̧. \v 17 Ja̧'hua̧ta̧nö̧ cu̧mö̧nä̧ ȩpi̧cuitta'ca, huo̧juȩcuä̧ päi'önä jȩcu̧'ä̧cua̧'a̧nö̧ pä'inödo Dios Moisésrö.