Mon May 13 2019 10:13:47 GMT+0800 (Malay Peninsula Standard Time)

05/11.txt

@@ -0,0 +1,205 @@
+Obo holombai hamangne angnate mokho keleunge \v 12Bheleramo nabhe walofo-walofo Yesus re riyainye weaimi meyea bhike oboriana U enye emayembondere. 13Yesus bhe hineumibhokhe, bhelena Na bhe walofo-walofo ekate obonei uenye ayeaibhokhe. Bhele obo holona na hele, zoo hului kowate, kani yeayeare hublewate okata bhune wairuwkibhokhe nebei bhukoba ne. 14Bheramo obho kayane hebewate yo kabhang yang kabhang bhelera yona-yona augeumi. 15Romiyea mewatw yesus Re bokhore yeu bhoke hambung, Neaijokhoyea erenaibhondere na yona-yona hokhoumekhe. Nabhe ro walofo yea angebokhe Nau bhuluna walofo helemkiyea NUWEUbhoke, malo hireukhokhe. Na U bhene foi yeubhokhe Nabhe ro miyea mewate Fa yea bhowate. 16Yesus bhele ro, Nauma walofo holonare hukeumihikhe a bhele obho bhuneanewate heraibhokhe a bhele Na Ijokho yea erewate yo yea ro miyea hokoumekhere hugaimi. 17Bhelene Bheakhe Khanine nekate yo yea, Yesus re Nahebeam-hebeam riyewanye nebei anuwaufa endere. 18Walofo Na u ra hukeungihikhe Ro khainge haugatehe, Yesus re Na hebeam-hebeam riyewonge Nare hakomimbondere. 19Bhele rigolere Yesus ehokokoi, Yesus weunge, bukefinde wa yaho yanggo einye eale Huwemile Yesus mokobhokhe a re weumile Yesus khenabhune hesei khabham hele. 20Eakhe huweumiyekhe Dekapolis kanine honate yore Yesus name u mokhoubhokhere huweumi, Nane yoo Fa yea bowate.
+
+Yairus le Meangge Aungunike, Miyea mbai Okiyea rilewolekiyea Onomi Ukeunge
+21Yesus neai bukai bokhe bukhoba waise reufine Oleate bhele bhuheinye ro miyea helem Hokoumekhe, elee yea neai nyebokhe. 22Bhele yone Allahre ei mom-mom imea neai yum holona mbai Na ro Yairus. Yesus re erekeunge oro helen selen oukhorokhokhe Na oro keleunge. 23Yesus re na hebeam-hebeam riyeung e, Ra meangge bhulone hereineng-hereineng ekekhole, Herende bhelene, meai reai Imeare ale meremo rameungehinde, onomi yeungele. 24Bhelera Yesus, Yairus re hakhongegokhe neai imeare ewote Romiyea helem sele Yesus re mota ewate, ealeyea neai nyeboke. 25Raloyakama meebhee mokhai bhee, meangge mbai okiyea rileweke onoweke. 26Rokho helem Dokter hiwabhokhore onomire Inyainyele neaise oroweke, bhelebe Nahului bham, himi heleng hubaungeke Na u koi eyeaboimo. 27Yesus ye romiyea helem onomi yeumiyeke eare bheke meangge boroubhokhe. Ro miyea helem nolora Kinye khokhe Yesus na moita euyaneufokhe Na malobhe kileubhokhe. 28Bhele makhai mokhoubhokhe makanebham, Neai ubenera eleale “Na malora mo kitebhonde ra u onomi roukhele. 29Yesus na Ramalo kileugokhe hera okhirilewo nahibi heungukhe, bhelera Na u onimi hubangehikhe. 30Bhelemeangge me kileugokhe hanei Yesus, Na u Hubangehikhe, Bhelena ro miyea helem hebatere wekehimeumi “Ramalo hineyea me kileubhokhe”. 31Na moita ohomate yo yea Yesus re Wainye eareme Ro miyea wabhokhone eikinye meai kinye-kinye te lombe, mehemakhai je hineme hineyea ra malo kileubhokhe. 32Bhelera Yesus Naijokho Rikere Rakere erekhokhe. Himeumi “Hineyea bhele me u mokhougkhe. 33Bhele meangge Neai ugane Yeaighokhe Na seainye oro me khulu-khulu yea bhene orohelen salen roroukhokhe wa, huweunge. 34Bhelera, Yesus re bhele meangge re weunge, ”Weai hila eaboyea onomi ikete. Na foi mo yea, eara bhulao bham mea. 35Yesus bheke meanggere a weunge ne yea, Yairus le imea khaya ukaimile Yairus re a wete mekhate yo yea wainye, wa meangge hereke ya, khulu, makabande wabeungehinde ebheree. 36Yairus re wainye a, Yesus eboroiboi sele hebhele, eugekhe Yairus re weunge, bhuhea ohokoije Reai elale are hilarobho mo halei. 37Yesus ehem koumikhokhe hakoinainye konde hokholo narie Petrus, Yakobus, Yakobus Naugakhe. 38Yairus imene ekate, bhelena akhunau ketenbhokhe, hele ayan bhuyan kowate. 39Bhelera Yesus orlofike a weumi, mekhane meyea akuyele, hele yeale kaunge, bhele meangge eherei, Neyea jukhuyea honole. 40Bhelebe bheleyo Yesus re reyea harewainye, bhelene nanemene hukeimihikhe, hakolo name yeale, nenakhe, nekhu yeale Yesus ye ukeumi nanggele, Bhelefaa honole yowa eaise ayeaibhokhe. 41Bhelera, bhele meangge melenggeng, namera kileubhokhe weumi, Aram Afeu yea weunge, “Talitakum” bhele meangge faa re weunge “reyea ware wawale” Ainyune. 42Bhele meangge nehibhi angukhe Oromoloubhokhe, bheke meangge oki raloyakama me bhe mehokhi bhe yeale. Romiyea bhelena fa yea bhowate. 43Hiwa yo bhokhe meanggere Yesus Waleungebhokhe abhe Hungaimi yende bhelene, a Lekeisele yea Yesus a hum Kolowoumi, bhelera weumi, rhekhe meangge hamang yeunele anenggonde.
+
+Nazaret Yone Yesus Re Nainyehike
+6Yairus le meangge waleungebokeera, Yesus meki Neijo Nare Honggate yone, Yesus Namoisa orowate yo Hakainyekoke ewate. 2Sabat ya mo, Yesus A huba raweubhoke Allah Re ei mom mom Imeane Kelewoumi, Romiyea helen Sele bhorowate yo yea Fa yea bowate, hiwa yo yea elewate Rakhe nanemene niberabhe Yarowole? Rahe Iseai habambe Ikainye? Nenda wanem mea rambung emerea-emera nahului mokhole. 3A sei se mekande neyea ore ahuneweke kiyea, miyea rannebhoke menake Maria Naughake Yakobus, Yoses, Yudas, Simon? Namam wa anggele mekande, Nebei yo YesusRe moijea bhulewainye 4Bhelene Yesus yyeweumi, yenjo kayea yo ahiahine be hineyaimi, Nebeibena yo yamne Na akha bhekenolone be ehineyei. 5Bhelene rambung emerei-emerei helen selere Yesus omokokoi sului, Eraa na bhulona yo mbembare mo meyea Nauranda kolowoumi onomire Iwoumi. 6Hilarabo bam nekewate erewoumine, Yesus Fa yea bowole. Yesus ewole Yoran-Yoran Keleumiyeke.
+
+Yesus Na Moisa Ohowate Yo Ukeumi Ewate
+7Bhelera Yesus aloungekoke yoran yoranne Keleumiyeke Na Moita Ohowate romiyea bee Orohinenbee beleramo kaeneumikoke, beere-beere waheukoke. Walofore hukenaimile naei elea Keteumiboke, yo hire yo hire ukeumi enatere. 8Nibira enate ane weumi, Era Inyale, Feu, be Kangge roi eyeroije. Omehukum mbaibe Yarong Kombe embe. 9Oro mehau hireng Kombe, bhele be ambelae beere eyaroijea 10bhelera weumi, Emembombe yo, Imea mbainye ehem khonai Kombena, bhele imeane nekembe, Nekenggombe mo neai yoramembalembe. 11Anuwauhiembe na romiyea mare ei ehaweinye, a wewmile oboroinye, embalembe hee, mai orona Kani bane rubommobombe, igwau wanem kelemmibombe neyea me u Nebam hele mokaiboke 12Na moisa Ohowate yo alainyekoke ewate yea ahuba huwaimikoke ro miyea wali bokora nulu kannaimibonde bukenaibonde hele. 13Rake yo walofo U ranna nekai hukewaimi, era yo bhulo yo helem ofefotoyea kolowaimi onomi iwaimi.
+
+Yohanes Bure Kowoumi Kiyea Na Yun Neisake
+14Hambung emeree emeare Yesus mokowolene a hina hina yo nare Isae yeiboke, nebei a bhe yoboungekoke. Ondofolo Herodes borouboke, Romiyea niyea elate, “Neyea Yohanis bure Kolouwimi Kiyea heerekhe bhe benem waleubhoke Bhelena hambung emeare-emeare mokole. 15Hiwa yo yea elate, neyea Allah le yendo Kayaalo Elia bhelebe ehi yoye elate, Neyea yendo kayaalo hi bena yenjo Kayaalo Wanem. 16Herodes, bhele Afeu elewate bhorokene elele, bheke Yohanis bhure kolowoumi Kiyea Na yum re Nasekate Kiyea, bhelebe Waleuboke ya.
+
+Yohanis Bhure Koloumi Kijea Haiboke
+17Herodes u benere nekewainye namiyea Herodias kenale kole hului ekeunge Yohanis re ikilaiboke Kawane aheinyekoke Herodias Nauwagele Filipus re miyea, Nebeibhe Herodes Kena Kowenge roke Nei miyere yeuboke. 18Bhelene Yohanis nahibi-hibi Herodesre a eleane yae u wounge “Na ijeng bam sele Filipus Herodes ma aka beake. 19Bhelene, Herodias Ikele na kenara Yohanisre kowounge, Honai bondere neai kena kowole nebeibe meyea nahului bam. 20Herodes neai seai Yohanis le Wali himeloungebokere nanemerau Allah le holona ro ne, Fe Faewonge Nebeine Weumi, ”Yohanisleh wali kayaare Foi sele hebembe,”Yohanes a hubane isuwe wole nee, Herodes na  kena oseiboi ikowole, neibei be kenahele borondere ikowole. 21Herodes Na ralo yakama barauboke yabe momfoi hele rokhe. Bhele ya Herodes hamang bulau kabam mokoumiboke Neai yo wakuna anuwauw hele holona yo, Feka yum-yum holona yo, galika kamina robele-robele yo kaenewoumi. 22Bhele hee yea Herodias le meangge meweufike, beane kowole Ondofolo Herodes mebei kaenewoumi mekate yo bele. Bheke meangge bea kole yea mokoumi na kenane roweumikhe. Bhelere Herodes yea bhele meangge fare weunge, ”maka hambung kenane khoyea riyeufehinde, reyea waere isete. 23Na hele wawahele, nanfa waneng horolong reai yo waku nekale reafire riyeufihindena, reyea weare Kinyerete. 24Bhele meangge Fa eke nenakere eke nenakere ekeufine wounge “Ama, weyea makha yea kenakoyea reyea Risehinde? ”Nenake yea Weunge,”Yahanis bhure koloumi Kiyeale ro yum riyeasi!” 25Bhele meangge fa na hale mo bhukefike, Herodesle Gokhore eke weunge “Reyea Riyeawale bheke hee yaa Yohanis buree Koloumi Kiyeale yu hote einye menaiseyende. 26Bhele a wanem riyeungehikene Herodes Mehi Neufake. Na Khena bheko nele huba weunge, bhele yea Hokoumeke yo bene a holo yea Heteungekoke boraibhokene, bheke meangge Yea riyeafike hambum ahi ewei hului. 27Na hibi khayaare hebate Felayo mbaise ukeungele Yohanes bure kolowoumi kiyeale ya raweise, bheke ro kawa eis eke Yohanis na yu roweise na yu neufake. 28Bhelera hote einye Yohanes le Yu re mo auboke, bheta meke bhele meangge fare Ikeunge. Bhele meangge rouke nenakere ikeunge. 29Yohanes le moisa Ohowate yo hereke a anggeibhoroka te ne, ekate nau bangkare mo elaeisake a bhulune aimoloufake.
+
+Yesus Yae Romiyea Helen Selere Hamam Wahewoumi Anguwate
+30Yesus na abu ako ukeumi ekate ahuba huwewaimile Onomi iwaimile bele, Kaliara bukaiboke Yesus le bokore mekate, ekaikelewaimile ekaimokowate a nemene Yesusre huwainyekoke. 31Ro miyea helem ele mele kowatene, Yesus na abu akho bhele hamam re anenai Kondere mom bam bhelene Yesus yea weumi “Mem, eneaimo ema, Na hului meyea no yeibose aku bam nau bam anuwaufe yea ema. 32U monde roungaterene, Khayira hawaibhoke aku bam Nau bam Nau bam anuafe ewate. 33Bheleyea bheke yo naeisikere ro miyea helem erewaimi nane merau enate anuwau isea yeai boke, bhelena ro miyea bhelene yo honotena, yau nibira Oho habelei-sabelei jea Wainyehake, bere holo  yea bhele anuwauke faibaleke. 34Yesus neai khayira Fainyoke yea romiyea helem sele erewounine kena beko hele hubawaounge. Bhele ro miyea domba wanem yaweiboi ro bam Bhelene huba ra weuboke a helem kelewoumi. 35Hu akombondere yea Yesus namoisa Orowate yo mekate wainye, ”Bhele hele mane makai bheke anuwau monne, 36Rake yo weimi, ”Ai, Yo hine hamam ayaneko” 37Bhelene Yesus ye weumi.” Meyea hamam yemmile anenaikondere ya”. Na Moisa Ohowate yo yea Wainye “Bheke romiyea  Feu helem anenate, Rombai oko mehini name na me buhaena roiyae bhele few hului Yaromakhonde, wayae kena koyae Bhele feufe emayarongkonde imamile anenai Kondere? 38Yesus beufoke hinewmi, “Mainye feu naen neam helem honayembe? Emerembo!” Eraikoke mo wainye, “Feu Meheimbai, Kaa bee honate”. 39Bhelera Yesus na moisa ohowate yore ukeumi, ”Ro miyea nanemene wewmile keranne riyane riyane mo nungai konde” 40Riyane-riyane rowate yo holohi 100 roiboyate hoolo hi 50 Roiboyate. 41Bhelera, Yesus Feu mehembai bele, ka bee bele bhelemo yarokoke, na bhe bumare weuweke Allah re helemfoise mo ukeunge, Bhele Feu bhe Kayeukoke na moisa Ohowate yore yeumikoke ro miyea re wahaeimikoke. 42Na ne yo anewate Wande hele yeai boke. 43Yesus Na moisa ohowate yo ehamam Kalundemo nanemene arilaisike kakali me bee orohinenbee bele 44Feuwfe anaikoke yo, ro nanemene 5.000.
+
+Yesus Bhuranda Ohowole
+45Yesus Na hibi Na motha ohowate yore Ukeumi bere holo yea Betsaida yore Kaisa Fonatere Bhelera bhelena  ro miyea helem enatere uwoumi. 46Here ukera Yersus elure ebeli boikos ewole. 47Huwe yeuboke ereimina moiba orate, yo kai kaisa bhumoko nolone Fowate Yesus yaunge Namani hebele. 48Yesus erewoumi bheke ya hai kaikai rem auwaitebe, kabewainye alubera harangeboke rawewole, Bhelene, Narene wauwa hugokho Name, Yesus Bheke yo bhokore bhuranda oroumeke moi wommi yemde wanem mae mokoungeboke. 49Bheleyea, Na Mota Ohowate yo Yesus Buranda memole erekainye, enelo Yea ehikoke, bhelene elekahi bhowate. 50Bheke yo re erekainyelene nanemene kulu-kulu yeibhoke bhuranda mewonele enealo yea elaikokene ele kali bowate. 51Bhele kaikai einye ewei fileukoke bele, nahibi kalaungeboke, Yesus na moisa ohowate yo Fa yea bhowate. 52Rabuhine bam Yesus neai elea wakere namam Ohete handate, erabee manemfana feuw anewatere, Neai u bene na hului bam hele iseainaibhodere.
+
+Yesus Genezaret Yo ne, Erana bhulo na Yore Onomi Iwoumi
+53Buu habala reufine Fokate, Genezaret yo isounge yai bhoke yawate. 54Kayira akowate yea ro miyea rainyeboke Yesus be meare. 55Romiyea ha yore eisa bele moisa bele hablewate, Eraa na buloo na yo Yesus ehenekele Anau fe na Ijong u honoi Kewaranne Yarate mate. 56Yesus Makeise-makeise eye wole yo ei yam ei bele yo moinyebele, erayo buloo yo bhele yo yanna nai nei sei anuwaunge relaimi honate, Yesus erele erana bhulona yo yea riyainye ehe fenere Kommi Kondere na malo Khabam ne Ikilenatere, Nahului bamna, na malo burainye mo ikelenyaibonde. Ikilewate yo nanemene onomi yarowate.
+
+Allah Na Ahuwe
+7Bheleramo nanemene arlefikhe romiea Farisi Yonim, yonim Akho hubha yeykhote nanemenne memiae falem bhumanayo homomfare mokhathe yo yae mekhate Yerusalem. 2Bheleramo Jokhore erathe yo memiae romiea Yesus Motha ohathe yo. Hamam ouw menikhi-khanauwyale, bhuya ekhuyekhoy. 3Bhelene Farisi romiea nememne Romiea Yahudi, Namammoname bhukuyenyaikhondemo hamam ane nay khonde ney mam niya bhetamo hamam anenaykhonde. 4Romiea Yahudi mewathe anuwauw khabamre mekhathe. Nanemammo hamam emangoy he name khuyenay khondemo hamam ana naykhodhe. Nay mam. 5Bheleramo Farisi Romiea yundhare hebhathe, homore molatheyo Yesus, nah hakhoy, khahateyo na waly bhena abhuna ahe na, mekhane ouw rokhe aneukhokhathe name nikhi yale bhu ekhuyeykoy. 6Yesus ah-elewole ah-ugeumile ah kholowole nahele ya bhaheleya; meya a hireare elauwge yo, ho mo ne molokhokhe. 7Meya nememne ray orokhelenemo ya rare eheya khowanye yo elewathe khelewami awuthay awuthay romiea maynya, Yesaya ney homomfane molhokhe. 8Bheleramo ahi elewole Allah re ahuwe a kho few kho mea may elha weakhe bheleramo may. Umamgeuw yae ro kauge elauge mothe remo ikhelaugokhe may mam. 9Bhenem Yesus ungey milhe, ubheneya wabheneya meya khinyaubokhe. 10Musa yae Elewole Yesus re ah elewole ey molamilye athaythe anare hinye nakhor nenakhere nebham mokhondhena bhelekhiya hownaybhomdhe. 11Bheleya meya mekhyaa romiea kelaimi nenakhere, nakhore may wally re hakhonayembombhe hambunbhe roukhele Allah re hili akau yah ere ithende. 12Bhelene meya bhele romiea naeysele nakhore-nekhare foy emokoynya. 13Bheleramo meya mekhane ahum rafikhauwgele nay a kho few kho nay mam mokho-wate nabena-hena mea mokhowauwge nekhayhele bhele hene. 14Bheleramo romiea nanememne helem Yesus ya khaneumi romiea ney ah ugouwmile may anggay alensi bhorombhe rea, meya nenememne itaymale. 15Hamoung monya heyi wuya romiea menya naei u mekay nikhi-khanauw ya romiea motha mekhe. 16Meya romiea way anggay yalena broroymibhondhe wenyehi nenay bhoroy. 17Bheleramo Yesus mekhey imayethe nabhe romiea yoni-yoni nabhene nekhewate, Yesus nay motha ohathe yae. Namotha ohathe yo hiniwate Yesus re mekhaya elewole yakhalawole Yesus nay nibhi ah ohowole abhubhuya huwofiyole yaklafole. 18Yesus ah hinewengile meya mekhane eythayebhoy meya mathay hele monya hambung mekheurlevikhe may kena uw enye bhele nikhi bham. 19Foy khaye may khenaune urlevikhe himi khaye umayondhe, khendhore, khenyahure, bhenayendhe bheleramo, ah elewole. Bhele hamam, naneme Eli enekhey hamam. 20Nea Ugouwmile, way euwgara bhelenia nikhiyale. 21Bhele romiea nawu khena eythay, nakhenara, naubhenera himi-himi yo kho khaymey, yokholo, romiea hoisoise. 22Himire nebhamre mokhate yo ayani-ayaniya nekay hele yokho khaymae, khenahensen anene umayngeuw ya khombhu ya, memehele khoukhe. 23Bhele himi hama, ikhele isam bhele may romiea may khena ura himi hama khowemile.
+
+Siro-Fenisia, Mia Narabo Helele
+24Bhelera romia Nabhe Bumaremo erewate ah elewole; Yesus Jokho Romia, re betamo neiya jokhoe erewole oh ha na; Ro yakle Ohathey. 25Wahalea, Bhelera bhoroy Yesus re; Mia bhay na, Manggefabay bholowalofoya Agokhengele Mekhe orohelerorokhokhe Yesus Nay Oromabhone. 26Bhele Mia Neya Yunani Romia Na Yo Hono Khathey nia Siro naro ehi Fenisia; Nea ah Riyo Wongele Yesus Re; Yesus re Wongele Bhele Walofa Nawura, bhelefa nawaueythay. 27Bhelera, Yesus ah hinewongele bhelemiare; Na fa fa nabherya hamam Ouw Rowolema fa fa mey hamam, Yokhu re ikheumi; 28Bhele mia eheya khowole, “Yesus re, Ah ungengele. Na Hele Tuhan; Bheleramo Yokhu meja khelena hamam mory-mory fa fa na mena bhalathe yea anathe. 29Yesus Bhele mare Nanaeya, bholowalofo, Wafa nawueythay, ekhukhe. 30Bheleramo, belemia Imare mekhe, na fa yale hubhayekhote, Jukhu honoyrang ne no nole walofo nina ekhe.
+
+Siro Fenisia Mia Narabohalele
+31Bheleramo, Yesus Moythe ewole, Nahibi Yo Ehire Ewole; Tirus yale Sidon Yore nahibi ewole Danau Galilea romo Bheta yoehi naro, Dekapolis. 32Bheleramo, Ya Wofokhanyele Yesus, Bhele Romia anggaikhaung; ah Eley khaye, Yesus mekhey name Rafikhengele nahibhi Anggay bhorowole; 33Bheleramo; Yesus bheleromia Yawofo khongele ewothe. Bhele romia nekhay arlevikhe eythay; Name Nekheuhe Anggay bhulure, Bheleromia Yesus name rafi khengele nahibi onomi roukhe; 34Yesus, Nabhe yakhu bhumare; Yesus Na No Khoko yo Bo go Khey efatai rawogokhe. 35Bhele, beleromia nay anggae boroweleh Bholowalofo nay fausnga nenay Khulaugokhei; Bheleramo a Elewole nanememne Bhorowathe. 36Yesus, Ahi ugewmile meya abhu bhu elewauge mekhaya yaklaugoke, Belene Ahi Ugemile, Meya rakhe ahnya elewauge. 37Neya na hele, Bhele elewathe “Bhelera nay Hambung-hambung. Mokhowole Foy maymo; Bele Yesus; Romia Mokhogoke, Anggeikhungkung kheye, Browoleh, Romia mou Kheye, ah elewoleh.
+
+Mehinibhe Ouw Nanekay Nanememne Empat ribu Romia
+8Bheleyamo, mehea, mehea helemnem Romia Mekhathey, Hamanban mekhathey, Yesusm khanememile. Namotha Ohowatheyo Nare hinewoumile 2reya ray khenubuhaheses mare Romia nekay hele bhukahamale. Mea rea nembayenyeyaname Nekhemkondem hambu-hambuban anemakonde. 3Bheleramo, Reamare wamale belene namanmo Imare eheya nawu mohine khowole, nibi nolone mehea Romia Moni Hanggune Khowateyo. 4Bheta, na motha ohowathe yo ayahinewanyele nare, Bhena Romia Narenae yahelere ouwyale, nahuluy rakhe anuwau khala-kalane? 5Bheleramo, Yesus hineweingile nare; may ouw nanememne mehea? May ouw mehinibhe (tujuh) 6Bheleramo Yesus Ahwemile bele Romia nekhayhele khaniran nuway khokate nea ouw Rokhe nanemnne mehini he(tujuh) rokhemo, wahey-wahey. Wahe khoymilemo; na motha hakhokatyo nare inyemilere anenaykhode Romia nekaysele, 7Bhele, namotha hakhokatyo (Murid-muridnya) Meykhakendi-kendi Yesus Ah Riyanyele bumare, Yesus naemotha hakokatyo (murid) wahenggobe; Bela Kah (ikan) helem Romia nekay wahmbe. 8Romia nekay hele anewate ninea ye elewate, nea haman mori-mori arlewate kaykali, mehinibhe nekhay hele, 9Namekay nememne Empat ribu Romia Anewate, Beleramo Yesus mea ninaeme. 10Yesus nahibi Kayi Einye urleuike Nembha-bay nye Yesus Namotha Hakokekateyo mewateyo bay naro dalmanuta.
+
+Yesus Naei Bhele Ah Yakubumara Surgara Elele
+11Farisi Romia mekhate yonayo Yesus bhokore mekate; umale hubanainyelere Farisi yonayo yae surgana habeineme wanen yaklamobonde nare riyanye. 12Yesus Nae khena eithai mehiyae Folowole-elele mekhane romia hambun emere-emere mokhorbhonde riyaithe? Reya rakena romia hambun emere Ekheleijahele 13Bhelera Yesus nare nukeumibokhe, nae motha ohowate yoyale kayira hawaibokhe nefikhate refire fowate 14Namotha ohowate yo mekane ouw mamene eikleyboy, nundekokaune wamene ouw bay bohiyale kayi eitey. 15Betamo, Yesus ahuwe roomile, kayahebende mau khaya-khayaye Bele ouw re Mokouge Naro Rogi, Romia Farisi. Farisi Romia nay ouw Re mokate naro ragi Herodes Re". 16Beleramo, nea nahibhi abu-bu Nembay Nye RomiaBay jale Ehiyoyale romia ouw Ban yoyale elewate 17Nay khenaueinye hubawanye, Yesus ahetaeyeboke. Mekane rake yore weumi Mekane nei a fau utayeyeboy beta may ubene Nanemanhele? May kena elehele? 18Meya nahele meya may yokho yale, beleyea meya nay Jokhoeriboy? Meya Anggaile beleya Anggaieboroi? Meya bene enekesi?" 19Beleramo Rea Ouw mehambai wahei-wahei khokale mehambai ribu RomiaRe, mehaekhaykali naethe hamam mori mori ouw bohi-bohi arlekhoukaugeyo?" mea ahelathe, mebhe mohokibhe kaykalinye 20Bele, mo nahibi mehinibhe ouw wae kheli (empat ribu), beleromia, khaykali mehea memae khokoke hamam bohi-bohi mea arlevikauge?" ah hinewole, mehinibhe kahaykaline" 21Belera nea anhinewole blele yore, mekhaya mea namam mo ubenbamkauge?
+
+Betsaida Yone Ro Ijoko Kumba Naise Yesus Onomi Ikeunge
+22Yesus nai motha ohowathe yo Nay KayiRa Awayekeiekate Betsaida yane Ainyokhe. Betsaida yo ne Rombai Jokho kumba yawa nyokhokhe Yesus bhokore Hekate Nameikheleboke, 23Yesus meyikheleboke Roo kumba bahibi nawofokengele moere ewete yo ehi, Yesus Eugaki Na Jokore roo kumba Re Name Rafikengele Nahibi, nea hineike weya jookho Reyabam? Hambu-hambu ehireya? 24Beta bele Roo nabe bumare khagoke ah Nare Mare Romia, Beleya nea jokho erathe ohHa Na OroyaleOhathe 25beleRamo, Ye, Yesus name Rafikhengele Na Jokho Re bele Roo, nahibi Bele Roo na Jokho Erewole Onomi, Roke Nanemenne Naya Klamo; 26Belera Yesus elele Weya eye Way Yore Mewathe yo Obhe. Nea ah wanyele meya rake yore emeyja".
+
+Yesus Nea Kristus Bay
+27Beleramo, Yesus Ewole, namotha phpwathe yo, nambay-baynye bele yo yono foai yo kaisarea pilipi; beta Nolona nibina, Yesus Hinewole bele Riana Yesus namotha Ohowate yo beleramo nafa Yesus Relewongele, 27Ah, wengele, ”Bhere kholowogewe kaye Naro Yohanes, ehi yo Elathe nea Elia, ehiyo eleate Falen re hebathe, yo ehikayei. 28Belera, Yesus hinemile nare, May Ubenena rea na hinye? Petrus wengele weya naysele Kristus 30Beleya Yesus Ithaenyegoboke nare benen nawanen ahunramikhe hine hane Ra afeu ehuweja.
+
+Yesus Nawu Nabam Rowondere Ah YalKlaugokhe
+31Beleramo, Yesus nare kelewemile Yesus Namotha Hakoekotathe, yo Allah Re Fa beler Rea mekale Hambun Helem Hele Yehudi Falen-Falen. Imam-Imam Falem, Nawanen Ahli-ahli Taurat, belene Hoibokaite, beleramo Ya Name mo Angukhe benen 32Betamo, Yesus ah ugeumi nawubenera wawa, beleya, Petrua ya Yesus Re yobogoke enere fokemo ayawegele 33Yesus, Nai Ah weimile moy Re Beso Jokho Remi Namotha Ahowathe Ya, Yesus Ahum Kolomie Petruas re Eye Ray Bokora ray berai, "mea Rare ubene enekey, bumana Hambu beleya Re Allah beleya Romia may Ubene Ro Kauge" 34Bethamo, Yesus, mem rei Bokoremo nanememne, belera nay mothauhowateyo (murid) beta nea Hinewathe nare, BelemekayNya Romia nare Hakhowatyo, Nea NawuRe ahiya elenggonde Eheya Elenggode Ohali Maboremo, Rera Yesus hakorobondere. 35Hinye-Hinye Yesus Re hakonakodeyo wali hena nay nye enudeikoehele hinye-hinye Ray Wali nibira heheya nahele khonate yo nea nia onomi rougathe. 36Na foi mekey Romia Re Rake kani-kela Ambun Memenefomene Yarokokande, neai Wali Re beleya nawalibayte. Holeemoloigoe 37Meka, hambun Rake kani kela na naei wali henare mo? 38Bele yea, hine neyea feia khonde Allah Re Akho feaukho khanane. Noronamenayo nahelebam elenathe manebam ubam mokonate, Allah na khelu Nea nahele Eyeley ya bele Romia Re Nabheleya Ne Mende Nayelawake nae one henggo yale ne khorena nambainye abu akho nanenewawa yale.
+
+Yesus Musa Elia Nenmbanye
+9Yesus nei arong weumi, hakhele a nahele yea wamale, mai nolona habhauge ehiyorong nawali nekhenate najokhoyea erenanyelea yofoi yamfoi mende. 2Mehenimbai yeamoyea Petrus yea, Yakobus yea, Yohanes yea, Yesus yaumibhokhe humunggare ikate nei bhene. 3Nabhe yoi nei malo nanemen ehimekhai yeghokhe kheleumang wil halmang. 4Elia re, Musa re are Yesus re Uwgonyele. 5Bhelere Petrus yea Yesus re wengele "khulu" Foisele bhakhele anvaunge mekhanekhande nahibhi yea ime name hemaghong. 6Bhelerabhe Petrus Fefeugokhe. 7Yesus are ugenyeleheyea waw kheleumang mekhe fileumihakhe bhele waw nolona a lele "Ra khele rei khelu naremo bhoronele". 8Bheta jokko erewathe bhe Yesus nembai sale hebhele. 9Humunggara akhayokhe heyea Yesus ahung rangmihikhe a wengmi ro miera hinyere—hinyere ehuijemo bheta Allah re khelu abhulu eta walembonde yea. 10Na a ukewmile huluinye nakhenanmo henaugate, nakhena enye hinsing bhe hinate Allah re khelu herendemo beta walembonde. 11Yesus re Hinanyele ahli Taurat yea elate Elia nabhere hele mende. 12Yesus yea na wewmi, nahele Elia bhere mekhe nibhi a fanyegokhe nahomfone molokhe hului Allah re khelu mokhoijanyele. 13Nahele, Yesus yea weumi Elia nabhemena mekhe yea, bheleare romiea nei khenare khate huluijea nare khelejaimile, nei nahomong fene molokhokhe hului jea bhete yakhalate.
+
+Blo Walofo Eyetuai Hului Ei Ele Waheyea
+14Nahomone ne ewate yoyeale, Ahli Taurat yele ane kilate, Yesus, Petrus, Yakobus, Yohanes mewate bhele yea evate, 15Bhelena hebhate yo najokho wekhate Yesus yea eranyele nahibhi naure hebhelate. 16Yesus hineumi, mekhane kilauge ahli Taurat yeale? 17Bhele nolora ro mbaije wengele, "khulu, rakhelu blowalfoyea mokhongbokhe enggei ku khung yegokhe. 18Blo walofo anyuyengele, rikere rakhere khanirana isay ewole wahomora ohate yore ukamele hukhenyinyihindere bheleyeare khabheinyele". 19Yesus weumi, "maijalemo nekheimiyande yeare nahului bhang khauge? Yawenoho meu rakhere!". 20Yesus bokhore yawauhokhe mekhate, rabhe blo walfo Yesus re erehengele nabhuhe yarongkhokhe bhumare are khowole. 21Yesus nekhore himengele, mbelehera mokhongbhokhe khomiyele? Nekhoye wengele "nakhendingra. 22Bhele blowalofo irane, bhurane sayewole hombondere imokhowongele, weye mekhe wali ikhame". 23Yesus Wenge, Nare rabhore halate yo naure onomi fokha yaronayende. 24Nekho hele yea ayea khole, "Reirabho naremo halewale!". 25Yesus rajokho erele hasal hele romiea arilasikate, Yesus blo walfore wengele, "Weye amung enggeibhang blo walofo nauure ekuende bheneng eyerluije!". 26Blo walfo nahibi ekuke. Nahibhi ruke romiea ilate "nefa nerekhe". 27Yesus Namera ikeleugokhe nahibhi angukhe. 28Yesus imeyete urele fike nahomone ohowate yo yea hinanyele, mekhane meyea nahuluibhang? 29Yesus yea weumi, "Rakhle blo walofo khayea hambayea Ya na Hului enduende".
+
+Yesus Herendere A Yea Elewole
+30Galelea yora ewate Yesus namota ohowate yo yele, Nei khenare khole romiyea eyiteyeije. 31Niyea namota ohowota yore khelei kheleijea kheleu mile Allahre khelu romiyea mena kinyaibokhe honaibhondere, namenen yea Nie anunde. 32Namota ohate yo obete handate mekha ayea hineenanyelere
+
+Ane Kilewate Hineyea Khabang Yambondere
+33Kapernaum yone mekhate. Nea hineumi "mekha a yea nibhini kileumiyauge?". 34Bhelene nanemen abhang mo hebhate 35Neare kheningmile. Nea aeumi "Hinye yea bhere nembonde khayea bheneng bhukhensinde monyakire yembonde" 36Yesus Fa khending rokeungelemo nare weumile 37Hine bhake wali mekhai nekhendena Rei wali neyea roke mokhore wali neyea harengbhoke.
+Yesus Ro Enye Blo Walofo Hukhaimile
+38Yohanes Yesusre wenge, "Khulu, romiye wei Ro enye walofo hukhaimile, meyea hukhanmile! 39Bhele yea, Yesus weunge! Ahung ekholoijea Rei royea nanemen femene bhenayende yakhalanayende 40Hine rahele elende layea ei homonayo. 41Naheleyea wamele, hinyeyea bhu inyete anifindena neiwali khalbhang nekhende.
+
+Niki Khanau
+42Niki khanau rolone nekhele kiyea bhere negokhe romiyea yaweumile bhele nibhire enate yo, Yesus yea a elele embe bhu mokho nolone na houno ha yea rinenggombe ruwenobhonde onde. 43Wameyea nikikhanau mokhombondena nefande wowonde me mbai jea sungare urelefinde, wame nabhene ine hukhelenete 44Bhele anauw hem ine ehukheleibhoi hangga bhenayende. 45Noroyea nikikhanau mokhombondena nefande wowonde, woro nabhene Ine hukhelnate 46Nerakane hem ekhaikate Ine ehukheleibhoi hangga hune rolone 47Wajhoko nikikhanau mokhombondena nahibi khelefinde wowonde na foi moi ijokho mbai jea surgare ewefinde, wajokh nabhene inenolo ne hukhenete 48Neraka ne hem ekhaikate Ine ehukheleibhoi hangga nahibhimo khonayende hubhabhang heibhang anuau 49Romiyea nanemene le hubhanaimile, fote bhenayendhe yo 50Hee nayu foiele, bheleyea nayu u yembondena, nahuluibhang bheneng yu yekea yembonde. Nemekhai bhakele wali waneng nekhombe, foijea moijea nekhembe.
+
+Enyesie Menyesie A Yea Yesus Kheleumile
+10Yesus Yudea khanine endere, Yordan nawi eneramo ewole, romiyea nekhai sekai mekate Yesus Re elenenyobhokhe, wali nibhi awuteinye khelewoumi, 2Farisi romiyea homone mekhate, Yesus u malire hubhananyihinder nahibhi hinanyele, ”Mehemekhai Wei u bhenena nekhate ro miyea na rowende bheneng nenensinde?” 3Yesus arong weumi, Musa mekha awuteijea molokokhe meyea khauge? 4Nea wanye,”na awuteinye ehe yea khokokhe ro na homo mokhombonde namiyea re nenensinde mey”. 5Yesus nare a weumi, ”Mai khena ele nekhaungene Musa nahomone molokokhe. 6Neisele akho khabhang nabhemere mokhougokhe, Askho royelea miyea yele mokhimibhokhe. 7Bhele mekhainye, ro na miyeare rowenderena, neiakho nakhe imera etuele. 8Neyeabhe bhebhang, mana mbaite yeibhokhote 9Mana Allah yea rineumikhokhe mbaite yeibhokhotena, romiyea nelehande khaye ewaheijemo”. 10Mekhate imenemo, namota ohate yoi yea Nare bhele a yea hinanyele. 11Nea nare a hineumi, hinye namiyea nukhonombonde bheneng miyea ehire rowendena, nikhikhanau enye bhele miyea nekhende. 12Miyea khayea namolore nulehonombonde bheneng ro ehire enggetendena bhele ro niki khanau enye nekhenende”.
+
+Yesus Fafare Onomi Igoumile
+13Fafa fele-fele yawaimile Yesus bhokhore mate Namea na urang kholoumile. 14Yesus najokho erele, Neyea a re yengobhokhe elele Namota ohate yore.” weimihi bhele Fafa Fele-fele Rei bhokhore menatere ahung ekholoijea Allah Re ime obhere enai nyekhende yo. 15Reyea naheleyea bhalehele a wamale, hinye bhakhe Fafa woli mekhai nekhendena Allah Re imeyei obhe yei eyeruleisiy. 16Nahibhi Yesus Fafa hariaybhoyoumi onomi yeumi Name na uranng ne kholoweumi.
+
+Robhoniro Relalo Yesus Re Ahi Elekokhe
+17Yesus khulungne bhowolemoyea, ro mbai na oromo hibhelengmekhe Nei bhokhore mekhe nahibhi oroheleyea rorokhekhe hinenge. ”Khulu foi, mekha Foijea mokhorobhonde wali hena ere hubhatekhonde?” 18Bhelene Yesus a weunge” Mekhane Rare foijea ware? Romiyea nanemen foibhangmo nekhande Allah nembai sele foito. 19Meyea moteijea Foimei awutei-awutei, ro hoi miyeahoi, yokho kheimu okhoijea, yokho ebheijea, abhubhu nahalebhang ehuweijea, ayani wabhei jea, akho nakhere Fe Femalile!” 20Hokholo fa Yesus Re weunge,” Khulu, nahokholone nanemn mokhowalemo yea”. 21Yesus hokhole fare erenge khena bhuhe hengele, a weunge, mbaijea khalo molote. Elemo wamena hambung honate nanemengne nate hekonde romiyea khalore nakhate yore yeumile, weyea wali hena songane ekuende. Bhetamo Mele Rare hakhokobhonde”. 22Bhele a bhorokhene nei khenanebhang hele yegokhe alongokhokhe ewole. 23Bheta Yesus najpkho eiuge meiuge erelemo namota ohate yore weumi. ”Khuikui memere nekheijateyo yabhi-yabhi hele Allah Re imeyete obhe yete enaiyembonde!” 24Neyea bhakhe a elekhokhe namota ohatre yo khulkhulu yeumibhokhe. Yesus a bheneng weumi, Fafa yabhi-yabhi heleyea Allah Re imeyete obhe yete enatere. 25Unta mbai nasing waneng jarum bhulure eyesiyele khuikui memere khate yo khabhei-khabhei sele Allah Re imeyei obheyete enate yo. 26Namota ohate yo khulkhulu yeibhokhate nenei net-ney hinate”. Hineyea Onomi endowemnde?” 27Yesus najokho erengmimo a weumi, Romiyea nahului bhang yea yelewate Allah Re bhene nanemen Femene bhenayende yakhalanayende”.
+
+Name Bhuhe Yeale Yesus Re Hakhanyokhokhe Yo
+28Petrus a Yesus Re weunge, walire nekhande bhende anande nukhandobhokhe hayendobhokhe ware hakhayekhokhate”. 29Yesus weumi, bhakhele a nahele yea wamale, hine neime obhe, neneua akho, nekhelu omi, nekhelei alei Rei khenane nukhende hayendena, 30Nanakhele heyea Isangnane Felarane naimene, nakhelu omi nolone, nei akhabhekhe nolone nekhenendena ro umbaina waneng rowende, bhena yane mendene, walihena rowende. 31Bhere neibhokhate yo menaibhukhombonde, monyayeyea bhere enaiyembonde”.
+
+Yesus Herende A Yea Elewole
+32Yerusalem yore alanyokhokhate fowate Yesus bhere neugokhe, reimai khowate, romiyea ehiyorong bhele homne hakhaikokhate fowate Fe yes fenate. Yesus namota ohate yoyele yaweumibhokhe bheneng bhukhaibhokhate mewate, Yesus nare a iteiyeumibhokhe Naurang bhenate a romng weumi, 33Neyea alele, ”Jokho erauge, eyea Yerusalem re kheteimiyande Yesus faleng-faleng mere kinyenaibhondere Yehudi romiyeare inyaimilere. 34Akhoihoijea, eugekiyea honanyele Na urande bheta honaibhonde, nanemen yamo Nea angukhe”.
+
+Yakobus re Yohanes re Khena re Khote Ha Yea Yesus Re Rinyele
+35Yakobus, Yohaner re, Zebedeus, fafabhe Yesus Re bhokhore mekhatemo a weunye, ”Khulu, mei khenare khonde ha ehe khoumikhondere bhelene wei bhokhore mekhande”. 36Yesus a weumi, ”Mekhayea khenare khouge Reyea hakhorobhobhere?” 37Neyebhe Nare a weumi,”ehere khoumikondere wei bhokhore mekhande ehikie wei meugerefine nuwembinde, nehikiyea wei melirefine nuwembonde nembanye  Ateite Imeyeite obheyeinye”. 38Yesus a weumi,” Meyea iteyeibhoi mekhayea meyabhe riyeuge meyea nahului bhakhe bhu Reyea anerehinde maijelea nahului anehibhe bhakhe bhu raukihike meyea nahului Nea nahibhi bhe?” 39Nare a weunye, ”Meyea nahului!” Yesus nare a weumi,” Rakhele bhu Reyea anerehinde meyeabhe nahului anehibhe, bhu Rare rakihikhe meyeabhe bhihe ranihibhe”. 40Meugemene, melimene nuwokhobhe arongbhele reyea ehe ekhoikoi hangga bhele anuau nehanine mokhonghakhe”. 41Bhele a bhorokhhete, namota ohate yorong a re yengmibhokhe yarewongmile Yakobusre, Yohanesre. 42Yesus kheningmikhokhe mo weumi, matei nekhembe falende hebhate yo romiyea Yehudi bhang elate yo nei khenana hangga mokhanaimile. 43Meyea bhele mekhaibhang. Neisele, hinye mairiyana khena khole khabgang Yembonde khaye, niyea nanemen ufoite nekhende. 44Mairiyana hinyekhena khole bhere nembonde khayea, neyea nanemen nei ufoite yembonde 45Yesus rakhe khani khelare mekhe roware eyeibhoi, bheleyea nanemen nei ofoite yegokhe, mekhe Nei wali ikeumile walire enayaronde Nei Ro enye”.
+
+Yesus Bartimeus Najokho Onomi Ikeunge
+46Yerikho yone mekhate. Yesus namota yoyelea romiyea ehiyeale yerikho eibhelekhate  ewate, ro mbai jokho khumba naro Bartimeus Timeusre khelu nibhine nuwegokhe nekhewole. 47Neyea a bhorole Yesus Nazaret na Ro, neyea nahibhi kheneungele a lele”. Yesus Daudre Khelu reijele kenabhuhe hetokho!”. 48Romiyea heleng ahung kholanyelea a wanyelea dohang Yeibho. Bheleyea neyea khela nahibhimo kheneunge,” Daudre khelu, khenabhuhe hetokho!”. 49Nahibhi, Yesus hebhengukhe a weumi, ”Kenanenokhemew”. Mekhate mekhate mo wanyele,” Wakhena eleyea! Mana anyu, Neyea ware khenate”. 50Nahibhi nemalo nauna khulagokhe, bhelero angukhe YesusRe bhokhore mekhe. 51Yesus nerea a weunge. ”Mekhayea wei khenare khoyea Reyea Hakhoroibhotere?” Bhelero yea elele, ”Khului rajokho onomi yetea 52Yesus a wenge” Eyea, onomi honomi rakhe!” Bhelehera nahibhi jokho erewole, neyea Yesus homora nahibhi hakhogokhe nibhine oheyekhe reijele.
+
+Yesus re nino hepokhe Yerusalem ne
+11Yesus nafafale Yerusalem yore nophewanyele, pheleh khelaunga yobe Betfage yale Betania yeale Zaitun Hamungaranna honote. Yesus nafafa be aa Ukhemile. 2Aa Ukhemile: "epere mapena yo ekhehonolere. Phele yore erewole phena nahibi jokho erewole hubhayenggombe Keledai mbai ha yea rinanyokhokhe, romiea nauranda yewkitekhe na ha phule ranonyokhokhe phele keledai yawonohombe". 3Romiea a Ungayenmbena phele mekhare ha pularengkhokhe? a wemile Yesus Yea elekhokhe: "Ukemile peleramo pemayensombe pakhere". 4Nafafabe ekhete phele keledai hokolo-hokolo hubaiyeykhokhe na yea rinanyokhokhe mau monye rinainyokhokhe, niphi enene, na ha pularenyo khokhe. 5Peleh na romiea nare a uwaimile. "Mekhare mokhobophere phele keledai na ha pularengokhonge?". 6Phelea nea Yesus ukewmile Ahuluinye a ukeimile. Peleh romiea ekhete mo. 7Nahibhi niyea phele keledai yawonyohokhe Yesus pokhore, niyea romie ramaloyea bewaiymile panyokhokhe, pheleRa Yesus keledai rande yeukete. 8Romiea helem pholem ramaloyea pewate, ehiyo o akhau yea insenewate nahekhena kolowate niphine mo. 9Romiea phelena homo ewateyo nawanem moita ewateyo kelakanayeke: "Hosana! Ondofolo meleh: Nafoi khapam ndanda konkonde neimende yea ne Tuhan enyemo. 10Konkonde memea wayohu mendene Daud, Hosana Ondofolo napuma na. 11Phelera Yesus Yerusalem re mekatemo nea Allah Re niyea imeayete erulefike nea jokho erewole nanemene. Phelera Hu wahray bewolene Yesus na fa fa yeale Betania Re Ewate.
+
+Yesus Ara Nore Olomo : Nekege
+12Phelera Alonyokhokhe Betania nibhini Yesus moni fubowongele. 13Na nibira erewole ara no yea erewonge na faramo nakelaukhe fowole jokho erembonde ani aleh ani ban erewole aniban fea mo bhele neay. 14okobang neay ani emukoiboy. Yesus a weungele "phele nore nineay hepheweyea ani ban mo romiea weata emeniey nekenai yende phelera mo kalakhokhe na fea ra erewate na khambune neay mekhai hebewonde. Phelera nafafa anggeiy bhorowate.
+
+Yesus Ahare Imeare Ewole
+15Pelera Yerusalem ekate mo Yesus hambaya imea ete ewerulifike Romiea hambung bung nainye hewate hambayang imea einye Yesus na hambung bung Yarohwole hai wole mote mo. 16A ugeumile beneng hambung bung hambayang imea ete eyaroja emeja. 17Belerah Yesus a ugeumile mekhane Riyea homo eh meloikoine Rai imea eiy Hambaya re Romiea Mokhonayendhe rakhe khani-kelana. Romiea Pheleyea mea mokhaikhoke yokhoyo I mere yeuwgokhe. 18Pelerah itai Habah yo anggae poro wate nahibhi pewate mehemakai yea Yesus nare Honai pendere niyea fevawate Romiea nare mo helem kena kawate hokowanyele na aukhopakho keleumile ne. 19Phelera yora reniyai pewokhene Yesus na fafa ewate.
+
+Wahila Rabo Allah re Einye Mo
+20Narene ewate mo, Ara no erwanyele Nine Kelakhokhe Na hoboyra ekhe na kombhune. 21Petrus Bhene nekeuhikhe Yesus Re wenggele Ahtei erebo Na Ara No olomo Re nekhana. 22Phelera yesus Na A ughemile “O Hile Rabo Allah Einye mo”. 23Yesus yea weumile Reia nahe seleya wamahle mea emokombe rea mokhowole wanem ara no ayea ukeugele kalokhokhe. Mea bihe Yesus einye nekembe rabo haley Yesus re mo Halenele huhmungga A yea mo weinyele rawonbhonde phumakho “No lone ensebhende phele wanen embende enja ka lende”. 24Bhelena mare womale hambung khenakombhena hamyang einye mo rinyenehle. Wahile rabo eita mo wea ei hubhayekhokhe rowele. 25Naneman hamyang maloybhongdere wah khene einye Ro mia Re nebhang eh ehnekei. Keneh ebhang nekhelana Foi moh koyobhonde mo hambayang moloibhonde bhelene Yesus wai nekhe khana hobenbhonde. 26Menye Ro mia Foi ehmokhoibhoi Na wah nikhe khena Atey bhumana ehubheibhoi.
+
+
+
+Yahudi Faleng Yesus Na Elah Eakhe A Yea Hine Wai Yele
+27Bheneng, Yesus Na mota ohowate yo bukheibokhe Yerusalem. Ra mekhote Yesus hambaya ime Re. Wole Yahudi itey yeale seba yeale yo neai bakhore. 28Yahudi itey seba yo Yesus Re  Wahyele “ mbena elah wakheya bhele moko yea Hinyea ikete. 29Yesus A Ugeumile “Rea mare A embai Hineresimbere A wende rare 30Yesus Hineumile may u Bhene mehe mekhai nekhayembe Yohanes phu khlowomile Yesus rena? Ro miea rena? Rare A wende. 31Bhele yo neneimo kholo wainyele A elate “ yo henah yo ra Umandena nea bukhensinde bheneng are hine mele mekane mea Yohanes Mokhowole hambung nahele bham ya elaughe. 32Ro miea rena emande na ? Phele itei hale habha yeale yo Fea fawate Ro miea helem Yohanes Re nahele yea Elewate. 33Bhelene Yesus “ Re uganyele meai itiyang bhelera Yesus nare ugeumile bhelena Ria mare A Ewoy. Mekha elah wakeya mokhowale hinyea ike keleh.
+
+Perumpamaan Tentang Penyewa Rebung Engguyajane
+12Yesus A Ugoumile imakhai “Ro miyea ehi yo ukengele anggur hekhe mokoneitere“ ele ne,bombe yanenyesonde. Kani halenaikonde anggur re ramenate mei ime henai bode mekhe yo nekenate mey na hekhe Rorei yomoi Re Endere 2Mahluwoiboy He na U foy Re ugeugele ele hekhe Re ekaimokate yo bokore. Anggur hekhe Roy inyayenate 3Beleh yea ufoy iklaiboke hauge habaikoke hukainyike na me bangga ewole 4Belene na ufoy ehire ukeuqele hekhe yo bokore ewele beleh hekhe yo hafalem haboikoke Unebang mokainyoboke fe yah mokowanyele. 5Bheneng ufoy ehi yea ekeuqele ewole helene yo bokore beneng haiboke Ehir mokowamile mekhai mokhainyobokhe. Ro miyea helem bnhele umakhai mokhawaimile. Ehi yo hauqayea habowate ehi yo horoi yea howate. 6Na hekhe ro rei nai fa embai sele khena bhuhea meran u ran ne ekowogele. Hekhe yo re weumile Ra fai nai A Elende na angaiboronele 7Bhele yea hakhe kayare hebate yo a meni meni yea elewate Rakhe nai naheseleh niyea homobendere phelera neai ahambhung bhung aiteinyaibonde 8Phelera ikolaibokhe haibokhete rokhate anggur hekhe moinye wokate 9Na heke ro Rei makaya mokhogokhe? Mekhe na khekhe yo hokoke na anggur hekhe Ro mia ehiyea morowate. 10Meyea homonfe yolo-yolo ekoikoimo? Imea obere mekhate yo bhele rukha embhai wakate nibhi kelet yegokhe. 11Honre Tuhan yea mokhogokhe jokho Re eremandere Tuhan name u mokhowale 12Phelera nibhi beawate Yesus ikulai no bondere bele ya fefawate Ro mia nekai na auko feko itai wate bhelera Yesus nukanyobokhe ewate.
+
+Pajak Meai A yea Hinewainyele
+13Bhelera: Farisi Ro Miyea yeale Herodin. Ro Miyea Yeale ukhai mele Yesus hokore mekhate A nai kenana A yea Ugainyele 14Mekhate me Yesus Re a ugainyele "Khulu meia Matai" Ro Miyea A elenate nai kena na wiyea bhele Ro miyea Re kena ban. Wiyea Romiyea be eiyerei Na u mokhonate nahele Allah mokhowole wanen. Pajak Kaisar Imandere? Nare ban 15Imandere nare Eiyeja? Bhele yea Yesus Itainyegokhe Nakhenaei A Ugeumile makane Rare hubahkele? Roy nanar embai Rai bokore rowenbemnbe " Jokho erebendere 16Bhelene rokhate Yesus A Ugemile " Hinyere be me nou"? Naei A ugenyele Kaisar be yeale menou yeale 17Bhelera Yesus nare ugeumile kaisar hambung bung kaisar yenele nahibhi bia ubhena ban hate Yesus hele A ukei melene.
+
+An Ne Ungayondere Saduki Ro Miyea Yesus aa hinsin Mekhai jea hinanyele
+18Nahibhi Saduki ro miyea, mekhate ekhate elate holensinde meai wuukhabham, mekhate Yesus hinainye, aa wainye 19Guru, Musa homomfeane rakhe aa moloukokhe pheake wanem roombai, na akha pheake, herende namiyea nukhenembonde fea re neyea nukheibhoi, na akha pheke ne fea nahibhi na mmiyea nale ro wende nea akha herekhekiyea oronamena re helesindere. 20Akho mbai na khelu mehini bhe. Nabhena khelu miyea roke, pheleyea neyea here khe na orona men uu 21Nawanem na khelu phenena bhele miyea nale re roke neyea bhihea here khe orona mena bhihea uu. Na bhele hangga mbai na khelu namenew kiyea. 22Uu khabham ra khe khelu mehini bhe nanemene faa-faa bham mo. Nanemene na riyau weibhoi bhele miyea bhi hea herekhe. 23Phele yea yembonde nahibhi nanemene wale nau bhonde hinye neai miyea yembondere phele miyea? Mekhane, ra khe roo mehini bhe nanemene neai yeare yeu bhokhe. 24Yesus neare weumi, rakhe mekhai neyea bham, meneai nebham mea ma weu re nebham mea mo khaubhe phelene meyea Homom fea yolo-yolo ei iteai bhoi, na wanem Allah Re one henggo ne elea wakhe na elea wakhe? 25Mekhane bham, nabhele ya neyea walenaibhonde, ro miyea here wate nolora, uu hele nanemene roo miyea eyaroi neai mekhai mbai miyea roo re eyei, peleya neyea na abhu akhore inyai bhonde Yoholo yomam yone. 26Nahibhi ro miyea here wate yo walenaibhonde, Musa homomfea einye meyea khaukokhaubhe bhele homomfea na nekhale honong khawa nolope, mehea mekhai Allah aa ugouwonge Neare, Reyea Raniyea Allah Abraham, nawanen Allah Ishak, nawanem Allah Yakub. 27Neyea Allah here yo meai bham, phele Allah wali ya meai Meyea nahele bheahele moinye horaubhe.
+
+Ahuwe Nahele Nabhena Kiyea
+28Pheleramo, hubhare itai yaele habha yealeyo mbai neai holona ane elate huwate mekhe bhoroumile Pheleyea mekhe erewole Yesus nea foi sele elewole, neyea Yesus hine wonge, Ahuwe roro woye honate mbele Kiyea nabhemerhele rakhe nanemene. 29Yesus weunge, ahuwe nabhe merhele pheakhe niyea: Phoroma, Israel ro miyea! Aei Tuhan Allah Neyea nembai sele Tuhan, ehi-ehi wu hele 30Allah Re bhuhea hen nele ma khenayei uteitea, ma u bhene wabhene ra, ma elea wakhe ra. 31Na bhe nem kiyea phe niyea: maromiyea mbai phuheahemile nawanem wewai wure heungele, Allah ahuwe ehiwu pheakhe ra honatera ahuwe neai phumana hele niyea 32Phelera ahubha iteai jeale yo Yesus wainye, weyea nenahe, guru, Weyea nahele eleukhokhe a Neyea mbai, ehi eha wu nembai sele Niyea. 33Phele, phuhea hesei Allah Re wa khena wunanemen yeugele wa u bhene wa bhene nanemen, ulea walea, nanemen nawanem wa rombai miyea mbai nanemene phuhea heumile, nabhu emayo pheubhonde hili ha akhau ha wanem 34Phelera, nabhelehe mbai Yesus ere wongele, nakhekiyea a khokhe na rou Neyea aa weunge, weyea ahau bham Allah Re yohena yore 35Bait Allah Ne khelewemile mo, Yesus na a elele, “Mehemekhai nahui itei jale habha yale yo ya elate Yersus Daud Fa yea elate? 36Daud ninei jea elekhokhe abhu akho khabhang Na one hengge randa elekhokhe Tuhan. Tuhanan Rowa re wenge: Menyuwoibho ra meuge ne, nehebhi I Rea yokhei jo oro khelere 37Daud re fa jea Elekhokhe ‘Tuhan’ Bheta memekhai jea Yesus Daud re fa yea elauge? Romiea heleng phorowate rei mai jea khowate.
+
+U Mekhai Khaya Yea Itei Jale Habha Yale Yo Re
+38Yesus klewmi Na a utei elele “Kahya-khaya” yale, phele itei jale habha yale yo re, malo khokho yea hiraykhokhe ohate. Nei khena hului nibhine ohate, na khena khate nare bhuma kholonamile mo. 39Bhuta hambaya imene na anggeng nekhei phene mi makhenate nei ninei jea nekhenatere Hambaya ime ne Perjamuan anuwaine. 40Nea yea miea nale, meng Fa mei ime obhe nukhasakjhe hambaya khokho re molate. Nea ehebhukhulu na hekhai sele rongate. 41Bhetamo Yesus hili ha akhau ha phene nuwogokhe. Romiea re jokho robhowomi na reu hili akhau hau enye haugate. Romiea heleng hele yale khangge yale mekhai haugate, na roi khabang-khabang haugate. 42Bheta bhele miea nale embai khou kholo ne nekhejele, Meakhe na roi agokhe logam bhe, sem embai hangga. 43Bheta, Yesus khaneumile Na mota ohate yore nare wemile Rea. Nenahesele wamale, miea nale khongekhalone nekhewole na khabhang hele hau enye mekhe agokhe. Phakhe romiea mekhate haugate mekhai bham. 44Makhane bham, nanemen mekhate haugate na khu khui memeh randa, phele miea nale nalahalo randa meakhe agokhe, na khow khalo randa na mena una yea meakhe agokhe.
+
+
+
+Yesus Aa Huwe  A Mehining Hubha-Haieikoiy Yameay
+Allah na yo imea rallo imea enai horombinde
+(Mat 24: 1-2 ; Luk 21: 5-6)
+13Yesus Allah re yo imea ralo imea ra meukukemoo “Naa hakhoi too mbaiy yea weuwmi e reyea naa mekhaiy foui phake rukha-rukha mokhai phokore hebate”. 2Yesus weuwmi Imea foi moi khebang, “Narukha yeng horo rang ne eiy reiykoi-ohonoiy nemene otonoribhonde”.
+
+Blofella naa phemefome
+(Mat : 3-14 ; Luk 21 ; 7-9)
+3Zaitun ekhune Yesus yeuwnuwougokhe na bhe Allah re “Yoo imea Railo imee” re Pheufokhenekelee, Petrus yea, Yakobus yea, Yohanes yea, Anderias yea, na moo-moo Yesus Re hinainyekhe. 4”Mare aa weimi, embele here are eluwekokhea enaiybhende, bhelemeiy iteiy jea yekhalmate “nemene hubha enensalendema”. 5Yesus yea weumi “Umai Meakhai yeale yea bhuleenayembombe yeale. 6Ro-mieya helem menate Reay royea menai-ronde, “Reyea ro mieya niyea yaaneenaiymile. 7Bhuloofella eneerlende na wanem bhulofella wenainyirinde. Oyoo-yoo embhorombhena “Bhuhe ehokhoijea”. 8Na nemenne bhenaite yakhalanate. Isang fella rakhekhani-klaa khabang yo-yam fela ciungainyerinde ehire-ehire naur -  ure relenaiy nyele. 9Bheleya makhena uu Haren nobhombhe, ikilenaiyeggombe Yokheijo Meiy merande Ne Ebheli imea ne (Sinagoge) habhenayembhe Yo BheYum. Pheyebhea (Sahendrin) phene habhyenibe ensebhembe Reiy Arene Neiy me uUfoite. 10Nawanem Reiy Onomi honomi a hena hubha haleiyboy Yea ne namamyea rakhe kkhani khebhang–khelaa khabhang na romiyea na nemenne huwenaimikhonde “bhoronaibondhe”. 11Mare ikilenayembe Khonayembe yo bhe yum merimerande embena bhuhe ohokhoje. Wiaw, u-na Khetebhokhethe na bhele hee yea nahibhi Weimile Weay afew yea ealendere yea bham “ Rikeiy too”. 12Akha phake khelai nibhi e naiy honete, neiy nekhai Nakhelu yea neekhoi Khelu Omi akho make enhoroi enaiherawende. 13Reay ro erene mare u mekhai nebhame yea khelenayembe. Bheleyea hinye Reiyeinye me bhoo-bha hebhende hubha enensalendena neyea Onomi endowende
+
+Hambung Nebhang (Himi Hama)
+(Mat. 24 ; 15-28 : Luk 21 : 20-24)
+14Yo Bhey jo eremmile neay na anuwaykham ne hebhenatena Homomfere erauge yo ubhene rowem Yudea na Romiyea ekhure humunggar yea hebhalembe emfembombe. 15Bhele arakha phumana yo are eyea khoijea hambhung- ehi-haa eyea roiyea. 16Bhuna aa na yo Waramalo reweibe bhenen Ebhukheijea. 17Bhele hee Embhende Emale miyea nawenem weayeu miyea U Releiy khabang hete relenainyele. 18Ebheli-Khali bhimande rakhe khani yobhey-yambhei ralo alu him-yahim heele ebheiyjea. 19”Ehabhunebham bhele hee bhulo-fela u rande na himi-hama hele a teay nabhema mokhaiugokhe. Bhele yea Eyeybhoiu hengga Ateiy nara hetengkhokhe. 20Allah rakhe khani klamere na mameng khokhe. 21Khani-khla riyau enmebhondere rakhe mekhai ehubhaisiy Bhele yea heiy nehe Eleuwkokhe, Nua mokhong hakhena. 22Romiyea bhele hee elewate, ”Enauge, wali Ondofolo Raane bhinare! Obhrojea mo 23Mekhane bham rakhe wali ondofolo blo yele khaya yo menai yakhanai bhonde. Hambunga a ayan-yani elenate enaimi wabhende Eleyea Mo! Manemang yea a huwe ukamele. 24Nabhele here yoboheiy yambei nenemile khomale Hu ijokho wende renjai, yembhode okho ouwyem yembhonde. 25Yakhura phumara Ralo Yoni-yoni bhumara bhelate, Onate Allah re “eleukokhe”.
+
+Yesus meiy-meiy yea
+(Mat 24 ; 30-36 ; Luk 21 ; 27-33)
+26Bhele raa ro miyea erenaiyte (Reyea) “Allah” Khelu Ro Miyea ure meugegokhalekiyea)” Khumnolo-wauw nolor Nea Ela Wakhe. Na onehenggo naume khetengebonde. 27Naa Wanem bhele hee name mokhaiyjo Ugewmile Manai phalende. Rakhe khani klaa rande Ebungre Robhonhre, Railre Waite rakhe khani khela na hubhara. Ende yakhu na hubhane enene hayende. 28Eleuwkokhe ro miyea arilenaimile. Ara noo neiteiyembe Ubhene Yarombhe no merahabate. 29Reufe Fea nime kekate. Dawete hee iteay yarombhe yakhama mendere rohansang Ungendindere Neyea nine nobengkokhe roo mau bhena mekhe hebele. 30Reyea nahele waumale rakhen hokholo eheraiyboy eyei jea, phake hambung bhenate yekla enai humdende. 31Reiy A feuwhenaa Bhoina Honenende
+
+Khayaa Hebmalle
+32Naa Hubha halei yaa hului-hu Huluiy rauggehikhe Roo Miyea hinw-hane horo embaiy jea enitheaayeabhoiy. 33Name Mokhai yoni-yoni na surgana yo. 34Nareyea nakhele na khelu Na Yesus hele. 35Khayaa helmale nenemang yea ayemanu aa konate Embeleheyea Ateiy na Khelu mendere Huwemaiyea, Reniai jea, yar Heifa, narenekhaukau, 36Nasong bha mendeyea eremile injokhu ne honande, 37”Khayaa” khayaaremoi ugamale; Iyame Fomene mo Ugamale.
+
+Yesus Honni Bhonde Merau Kholo Wainye
+14Paskah yaa kebhang, Yaa bee mo ouw horo-maro(ragi) kham, imam-imam yeale hebha yeale faleng-faleng taurat Yesus ayani-ayani mokhai bhokhe honai bhonde. 2Nenai elate, ”Yea khebang akhu yembhonde honate yeale Romiyea”
+
+Yesus naure heing khoke Bhure (Narwastu)
+3Bhele hee Betania ne Yesus, Simon kheu-bhau, hamang kloi rang ne ruwogokhe, mieyea mbai helekending (guci) rakha naa bhuu flo-lo (narwastu) roi phumana yolo-yolo, roukhe hayeukhokhe nee faleng Neerilewonge (Yesus) Ne. 4Bheleyea Ehiyo mehi yea falate Ehir-Ehire elate kinyete mekhane bele bhu yolo-yolo, khembo yela wehal bhan sonder? 5Bhake Roo miyea Kree Nale bhang “Emale hemaanikhomde naire 300 dinar. Phakhe miyea Aa yaranyel. 6Yesus yea “weuwmi Wenehi Meuu, mekhare nebhang mokhoLe (Dia) meyea reiy re mee haukhele, meyea khenainye uu (Yesus). 7Meyea romiyea krenale bhang yo yeale embainye enekhembe, mbelehe mai khena re enggombe, meyea nai khenai uneu rakhe miyea 8Nei u nine harengbhokhe, kileungobhokhe, Yesus Na Ure naphere bhuleiy tan 9”Na hele na wamale, AllahRe Akho feukho rakhe khani klaran, rakhe miyea neiy meu mokhoigokhe Ateiy neiy Ahuwe enerembe.
+
+
+
+Yudas Klai Nibhi Mokhou Gokhe
+10Yesus na moita ohowate yoo mee phe mehokhi bhe yeale noraehi niyea Yudas Iskariot, Faleng khebhang-kebhang inyanyelere 11“Bhele afew baraugokhe Yudas roijea inyainyele khelene, Yudas inyelere a nokho khe khinyew mi bhokhe.
+
+Hamang Paskah
+12Naa yaa phemeenaa, ouw (Roti beragi) bang(domba) khelu “Paskah” Yesus maa homo mbainye ohawate; iteiy yeale de Paskah Weiy khaye nei? 13Bhelera, Yesus nee hakhoiy bhere weumi, “ebhuyoo kabhang-yang khabang(kota) Roo Embhai Bhuu yeal roweimiyele Kendi na, hubhayenggombe, Nare Khakhonomombhe. 14Emberende na moita mo ereulobhobhe, Nei Imee Romiyea a wenele ”Guru weumi“? embhele jea na anuwau kabhang meyea mokhanghakhe Reyea hakhoijoo me phe me hoki bhe yeale? 15Bhele, yea weumi anuwai khabang Embhai khelewmi bhokhe naa phumana hambung-hambung Mokhainyehakhe relahi, mana nine mokhainyehakhe”. 16Bhele nee Yesus, Are a ugeumile mekhai mbai, Na Homo mbai ohate yoo (kota). Yesus nei Are Ugoumile waneng nine mokhainyehakhe (paskah). 17Reniay bhele, Yesus naa homo Embanye O hote mekhate. 18Bhele he Yesus hamang mbainye nuwaikhokhe angg’wate, Yesus are huwe le Ro-rowole, maiy ikai tha Roo mbai, Reiyea, hameng nee Anande, Rei Klaitoo”. 19Bhuhe hokhowoumi ehi-ehi re raiyte elete naure-ure hinate bhate reiyea bham. 20Yesus yea weumi, Nea mai homo mbainye, nabhe kholey mbaiNye ouw yaweufikhe Reiykholeiy einye. 21Bhelene, Naa Yesus endere neiy are hemeneng khokhe mekhai nine moloukhokhe A Hubhane, bheleyea Nare nebhang rea mokhowainye yo bhele yo nine bhang, bheneng faa eiyhonaije yea.
+
+Peringatan akan Tubuh dan Darah Kristus
+22Bhele raa Yesus hamananggole, Ouw roukhe, hilliy haa akha ha Ouw roukhe khaigole refi refi (kheyeigole wahewongile) Ohuwe, ”Roweiy, Rakhe Reiy Wuu” 23Bheneng, Yesus  bhu nouw(cawan), Ariyeal bhoungele, Yesus yarol waheumile bhui(cawan) anggiwate. 24Bhele yea, Yesus yea weumi, ”Pheke rooky, Rooky Ahuwee (dana perjanjian) rileugokhe roomiyea Rei Arenee romiyea Ehende. 25Nei are weumile hengga, bhokhe noo naa anei rea emei nei erenekhende, mende meakoor bhuu Emea fomea yea “Meakor Imee Obhe”. 26Ateite Khoibhe naa bhuma raiy nyeihike, raito mokhana ewate.
+
+Naa Homo embainye Ohoweate Yoo Yesus Nukoumibhokhe
+27Bhera Yesus yeuwmi, mekhane bham, Meyea naanemen Rare nugkhondo bombhe, ”Homom fee yol-yolone mokhong hakhe”. “Reyea hebhaimale, bhelle yore here-ware khonave”. 28Yesus yea rendiyai nenemam ayemanu aa okhoi rakhe bee “Reare ayani-yani wabheuw kho-khe” 29Bheneng Petrus yea Yesus ree weunge “Kokhoembai fem Erenakhorombombhe bheleyea Reiye Ehayeikhoiy. 30Yesus yea weungi Rendiyai, nenemam ayemanu’ aa Okhoi rokhobee, “Reare ayani-yani Wakheuw kho-khe” 31Bhele yea Petrus nei khena neelayea mo hebhewole, mehea khai rea waijeal hele aa herem bhonde(Yesus). Reyea ware rea ewabheiy”. Naa afeuw mbai mo elewaitea.
+
+
+Yesus Getsemani Einye
+32Bhelera, ewate anaiwauw embai GETSEMANI, naa homo mbaiNyee 33Ohawete “Nuweugo” Rea Ebheli bhomansin” 34Roo niyea, Yakobus yea, Yohanes yea, nembainye bhuhehokhoi mie bhokhe. 35Bhenen naa weimi, raa khena-khending, nebhang nubhanale hei reler mekhai jea hubanale. Nee phakhenmo nembhe khaya-hebhembhe. Bhelera alaug abhim yegokhe phee aree Eregekhe Ateiy te Ebheli bhowengele Reira Ebhim fem Eyeisiy. 36Nea weiunge “Abba”, Ateiy nemen fomen ne ware kinyawale Reuw eirakhe(cawan) bhuu Reita, reimeu-weta Embhende eiy yakhonde. 37Bheneng, bheufekhe naa homone ohawate yea injokhun honggwate 38Petrus yea simon re weunge ijokho ohoneijea? Hujokha mbai fem khaya ehebhei hengga? Khaya, ensembhe, Ebheli-khali embhombhe umaliyea unei hubha naiyembe yale. Nahele roh eyei bhoro moi bhoro, bhele yea Melem habha-habha”. 39Bheneng, phe’fokhe mekhe nau homombai nye ohowate Kiyea ijokhune honate, Yesus yea weumi petrus. 40Bheneng, Naa afeuw mbai Yesus Re ebhelie bhowei-ngele. Rokho hina rong phewfokhe erew mi nine ijokhunehonaikokhe honate, Ehee bhuklu ekeumile, mekhate Oneijea-Onete. 41Yesus, Naa meeng khukheuw fikhe weumi”.  ”Nanemam ijokhe, hoo hauge?” Nine fem Naa yaa mekhe, ijokhorem Allah naa Yesus, Aiy meu, nebhang ne mekhe 42Anuu Embkrere, Reiroeyemile.
+
+Yesus Iklai Bhokhe
+43Nahibhi, Yesus naane uugeumi Yudas rakhe naa homombainye ohowaite khiyea, romiyea helem hele, fella, menfa yeale. Phatua-bhateia Yahudi naa yo. Iteiy jeal hebheyaei yo, Taurat mbaiye ariluesike. 44Naa weumi, nei kheleugokhe (nuw), naa ele-le yeibhulu henengronggonde “Khiyea, Bhele Niyea “Belembhombhe Mei Meu uitea” 45Nei, Yudas, mekhe Yesus kheleuwnge weunge “Rabby” Yesus yeibhulu hinong’khokhe 46Mekhate iklai bhokhe, 47Bhele yea Roo hebhe wole nei anggei ra nefakhe 48Yesus weumi aa bhele yore, meyea fella, mende Imam-imam faleng’re Rare yokholo wanem yea urewakhele? 49Neyea bhoiy, reiyea, nembainye Allahr’ imee Einyee akhor kheleyembe. Bheleyea rare ikhei bhoiy homenfea Yol-yol 50Nanemen Nugaibhokhe hakhaikhokhe nafer fer mekhai klai bokhe. 51Hokolo faa embai Yesus Re hakong bhoke lenan hirokoke 52Hoklo faa mbai hakhou mi bhokhe Yesus hamalo lenan hai kokhaite awele malang kho-kho.
+
+Yesus Yahudi Faleng-faleng
+53Yesus Imam-imam kebhang phene yawainyohokhe, Nanemene faleng-faleng kebhang, rorei-rorei, pheyum-pheyebhe (Taurat) mbainye arilasikhate. Petrus naa haugkha hakhong bokhe meuweleyung kebhang imea na mekhe naweungekhe khayaa yo yeai imee akhe ewate 54peyung-peyebha Mahkamah agama iteiy hebayoei bhowaimile relewanye Yesus honai bhonder. Bheelya habhi-habhi uhubha yeeikhoi. 55Bheleya Romiyea heleng mewaite yani-yani Yesus eheiye Khoi Elele, meyea anggei bhorande, Bait Allah” ruwende onde, romiyea mee u yea yaa nemee mo Rea Arununde ehieyea uey meu uyea Bhelen name uu mekhowole ehir-ehir. 56Romiyea heleng mekhai  ehi-ehi wab’nai mele, are ehir-ehir ereijeamo 57Na waneng Romiyea heleng hebhi bhokhe, moinye ungeiyondere elea-hele bhaite meinye elende kiye neiy hele Niyea. 58”Meyea Neiy (Yesus)Aa bhokhande” Reye imee Obhe romiyea nei mee U yea mokhai bhokhe yaa embhoi mo Otombhende ruwen onde, Naa namen yaa Reiyea arenunde Bait Allah 59Bhelen ne nei Aa feu eleuwate ehir-ehir, Embainye Eyeibhoi 60Mekhare Imam khebang-khebang bhene hebhoi bhokhe Yesus hinanye wei Ar elete you Asasi weyea Aa ewei hengga. 61Bheleyea A mbai sambai ewei, mekeu mo hebewole Imam kabam benem hineunge, ”Weyea Mesias, Allah yea Oro u maure herawegokete kiyea”? 62Yesus yea weunge Reyea Niyeabeyea. Reyea makhale erendele waugalu randa merele Na Yesus 63Bhelera Na Ramalo khayekoke, Imam Besar weungele makare A ehi-ehi bhoremakere 64Meneije borowauge a ne hai wainyele, Maleayea elaukoke? Nanemene Fomone Na bhulaugea elewate Honaibhondere. 65Ro miyea Nare ekihenseneyea roroowainye, Nabhe yoita meru yea roro wainyelemo, wainye ”Allah le Yendo Kayaalo yea!Roibona, nde yea ware wete?
+
+Petrus, Yesus re ehee ekoikoi
+66Bhelera, Petrus nebei imeakhabang houge, Namam Hebele yea, Meangge mbai Imam kabam na yebei bnhu bei nebei nolora meke. 67Nda meangge Petrus re erewounge, Inye aklewole, erekeunge, weunge weyea na ehi niyea, Yesus Nazaret yona kiyea Namoisa orou wauge? 68Bheleyea Petrus uweunge, Reyea Onele, Reyea itei yeiboi makayea wauke, bheta ewole mau bhene, ojo a koukoke, 69bhele meangge benero Petrus weunge, Petrus re erekeunge bhele ne nekewate yore weumi, ro nehimiyea mbainye ohowate kiyea. 70Bhelera benem Petrus oneunge yea eleukoke, Nakibam mo nebeiya hebate yo Petrus rewainye weyea Na Ro Nehi niyea Galilea na. 71Bhele yea, Petrus olomo rorowole Nakile yea elewole reyea onenele yea. 72”Petrus bhele a mekhai elekoke hera ojo roko bee a kokoke, Petrus yea bhele hera Yesus Na u keunge bhene nekeungihike, Namam ojo roko bee ekokoimo weyea rare roko name Onekokore. Petrus bunenekenghi ke nakena ansekoke, heleyea rimewole.
+
+ Yesus Pilatus re bene
+15Na rene kau kau khele Imam-Imam faleng a mokhai nye khakhe yoyo khote yo ne mene, Yesus re kilaibokate ya wai nyo khokhe ewate Pilatus re phere. 2Pilatus yea kineunge Wa na hele Yahudi mei Ondofolo? Yesus yea weumi, menai jea elauge 3Phetamo Imam faleng Yesus re aru nai nyele 4Pilatus pheneng Yesus re ki neunge, Yesus abang mo erei nanemene we are mo aru maete 5Phele are Yesus abang mo hebe wele ne pilatus fang geng geng yea mo koweng gele.
+
+Yesus Barabas re
+6Paskah yane, Pilatus romiyea mbai ha yei kiyounge, neiahuluinye 7Ro mbai naro Barabas, ruka bulune romiyea pe lea ulea le ne mbainye hepe wate. 8Romiyea heleng me hate Pilatus re riainyele yayana mo koi jate makai nei imoko weumi makainare. 9Pilatus romiyea re weumi mekhe ma kai jea mai kena nare kauge, Yahudi Ondofolo hateng gondere? 10Kenahenseng a rene I mau faleng Yesus re kinyai nyo bokhe. 11Imam-imam Faleng romiyea heleng Pilatus re riyai nyele Barabas hayei nyoko. 12Pilatus yea weumi mai kena re kauge ondofolo Yahudi mehe makai je mokhorombonde. 13Nanemene kanate ohaline habenggo 14Pilatus yea weumi Makane? Maka nebang yea mo kou go kene? Kela nahibi mo kanate ohaline habenggo 15Romiyea heleng kena foite mokhommi pondere ne Pilatus Barabas Hayeng ngokhokhe, Yesus re hauge a habai kokhate ikeume one habei ko kate.
+
+Yesus Au Kaka Kowai Nyele Hebe Wate
+16Felayo Yesus re yawai nyo ho khe. Obere e wate felayo neme ne ari lai mi he ke. 17Malo ondofolo ma kai jea hirai nyo ko ke, fokkoma isa yea le kai kho khate Yesus re hi rai nyo ko ke. 18Phuma kolai nyele Yahudi mei ondofolo. 19Na faleng ra khui bhea yea ka ba te, ki hai nyele bhuma kholai nyele
+
+Yesus Ohaline Habei Ko Ke
+20Yesus re au kaka khai nyele, na malo ukhei nyo khokhe ha yeai nyo kho ke, na malo yea hirau nyo khoke e wate ohaline habe nai kondere 21Simon Kirene na, Alexander Rufure neakho, yo mbai ta me whele ukai nye ohali khau go ke. 22Pheta mo Yesus ya wai nyo hokhe Golgota re e wate nei ro hele Tengkorak. 23Nea re Anggur bu mur yea le alai bo khe ikai nye le, bhe le yea re Na orowei 24Pheta mo oha li ne ha bhei kho ke mea bhu kha ko wate neate neate ra khe wha te hi nye rene yeaem bonde. 25Hu jo kho me hini keli ohali ne habei kho ke 26Home mo lai kho kate Yesus re aru nai nyele Ondofolo Yahudi. 27Yesus Ohaline ha bhei ko khate ro bhe yea le mbai meu gene mbai meline. 28Nahele meujeugokhe homomfea ne elele 29Romiyea e wate mo Yesus re au kaka kho wai nye le fanggeng ge khate elate, weayea Atei re imea obhe kelaugokhea ya name mo angunun dere. 30Wali ro welena o halira o ya khoibo 31Imam-imam faleng yoyokhote nemene Yesus re au kaka khai nyele elate, ro mi yea re foi i gau mea yea, whei u yea le nou hei kho. 32Mesias Israel Ondofolo mana ohalira akhombonde iyea ere male nahele elemale ro miyea Yesus nei ohaline ha bhei kokhate au kaka khai nyele.
+
+Yesus Here Ke
+33Hu jo kho me mihini mbai, yakhu ukhe ogong. Meke hu johko name yeugokhe 34Hu jokho name Yesus a elea nea khore khaneunge Athei, Athei makhane rea re nu khare 35Ehiyo na bhoko na bhoro wate ekate, Elia re khaneunge
+36Ro mbai he bhea leu mekhe, anggur manim fakho ne rilei gokhe khui phea nea rafi khe. Yesus re ikheunge anifi khe, e leale ere mang Elia. Nahele mende akhounophon dere. 37Yesus a elea ele wele na no u yem bon dere. 38Phele Allah re imea a phe khayeakhokhe phere yeugokhe phuma ra okhe ane. 39Fela faleng hephe wele Yesus re erewenge na no u ye gokhe elele, nahele niyea athei te khelu. 40Ri khena miyea a khau kha erate, Maria Magdalena, Maria Yakobus ne nakhe, Yoses Salome. 41Yesus Galilea yone nekhewele, romi yea mekhate hekhai nyokhokhe ohuma lekholowanyele ri khena miyea miyea heleng Yesus neiy nembai nye Yeru Salem re mekhate.
+
+Yesus Naphulei
+42Phele ya Are Heteu ngokhokhe ya (Hari Sabat) 43Ro mbai naro Yusuf Arimatea na, yoyo kote nolo na ra kheungekhe yea yang hena fe bang ekhe Pilatus phokhore Yesus no re rowendere. 44Pilatus phumaro hokhokhe a phokhore Yesus herekhe pilatus fela faleng re khaneungokhokhe hineunge na hele Yesus herekhe. 45Pilatus ithei yeugokhe fela faleng rera, Yesus na no Yusuf re ikheunge. 46Yusuf malo rokhe Yesus na no ane rafikhe malo yea awong gohokhe phulei einye nekheu nge. 47Maria Magdalena, yea Maria Yoses nenake yea Yesus erekhate Yesus na no rasi khate anuwau.
+
+Yesus Walei Goke
+16Sabat ya u yea goke mo, Maria Magdalena yea, Maria Yakobus nenake yea salome yea minyak fololomoroi jea yarai kokate Yesus Re olei nya kondere ewate. 2Narene kaukau, monya mbai hu inyu koi rorowele bulei kelaukemekate na 3Elate na ur ur ra hinye yea ruka olennobonde mau baleita 4Pele yea re na joko bumere erate bea na ruka kabang olei nyoboke 5Beta mo ete aru lai boke bulei eite, erate bea hokolofa mbai malo ke leumang keleumang hirekoke meunge refine nu weugoke, bumara hai koke 6a weumi neare, huwara ohoi jea, ma Yesus Nasaret ohaline habei ko ke bele yea beau nge ne olo waleugoke mem na nu au meu erembo nekai nyele jea 7eme, Petrus re na mota ha kai nyele yore wem mile, na Galilea na pena ewele rikene nambele en sube yembe na re wembe makai 8pelera hakai koke e wate bulei ra onye insineumi boke ehire ela re e wei buhea ho koumi bokene neme ne fomone a petrus nakahi li wa yeale ukaimile na fofo ye. Yesus nenai jea ukei mi na ako feu ko wali nibi ralibhura ende waibhune rou ngate wungai miyende.
+
+Yesus Na Mota Ohowate Yore Na U Yakealu Mi Boke
+9Mom mbai rene kaukau kele Yesus waleu goke ya, ne baru yake laugoke Maria Magdalena naura Yesus walofo mehini bae hukeu mihikhe naura aibaleke. 10Betamo niyea eke ukeime Yesus nei nakahiliwa yo yeale iho inse nolore 11beta mo porate Yesus waleu goke, bele yea re erate ya nakale elei koi. 12Betamo ro bee yo mbaite ewetemo Yesus nauihi mekhai jea ya kalau goke 13beta bai bo keteme ro mi yea ehere hui wei mikoke yea bele yeare na nahele elei koi.
+
+Yesus Na Mota Ohate Yore Huweumi
+14Yesus nau yakleumi boke na mota ohate yore nuwai ko kate hamang ne aanewate yea Yesus ahung nekeime nakena leaulea nekewate ne ahi re ohoi koi nei joko re erekainyele yo ehe e koikoi 15Yesus na weumile nare ere ra ko feu ko ro wemba huwe me Yembe ba kani kerare 16Hi nye nehele re eleng goude kaye ba rolou Sonde Kiyea wali endewende hinye nahele reelei hoi yea hime em pen de. Hila yeale rabo yea le yo hambung emere emere mokonate 17naune oko ra yendo nei ro einye 18Rame name yea hile naibondo yo, bu buhime aninsinde hiyea bele hambung nare hime re emo koi boi, na me romi yea eha yo flayo raude yore kalo nai mi ende onomi benate.
+
+Yesus terangkat ke Surga
+19Betamo Yesus bele a ukeumiramo Yesus ewele Neako imea obere meunge bokine nu weu goke Neale rene 20beta ekate nakofeuko huwei mi yeke mbere mbere. Atei nambele nembainye ha koi mi yeke na ako fauko eme eme yaklaumi yeke.