Wed Jul 27 2022 09:32:14 GMT+0700 (Western Indonesia Time)

01/01.txt

@@ -0,0 +1 @@
+\c 1 \v 1 Rake homo fea, Yesus neai uw nahele hesele re molaikoke ikare wokate neyea rake kani kela beeme foeme hele Allahre nanembainye nekewote nawaneng Allah neai eleye kiyea yea kanainye. \v 2 Neyea nabe eme foeme Allah nekewote. \v 3 Naneme foeme re neneai jea mo mokowoye nawaneng neyea nambele bam na, mbai hambai eyeiboi eiyakalaiboi, rake yakalaibo waneng.

01/04.txt

@@ -0,0 +1 @@
+\v 4 Wali hena neai einye honounge, nawaneng pele wali einye romiyea neai nekatere wali herere neang mikonde nekenayendere. \v 5 Rake Wali hehe meke neaukokoke peleyeare, ougemnayo ro eroiboi kaite.

01/06.txt

@@ -0,0 +1 @@
+\v 6 Pelera ro mbai Allah yea ukeunge meke, naro niyea Yohanes. \v 7 Neyea buralende yakalande meai ro, wali nibi hehere romiyeare kelemmile yakalammile pelene nahelere elenate hakonaiynyele. \v 8 Yohanes pele hehe neammilere kiya bam neai hehere neamile kiyea yembonde meai, a moi neisiyte kiyeare yeuboke.

01/09.txt

@@ -0,0 +1 @@
+\v 9 Wali hehe romiyeare mende neamminggonde re pele a yea nayopolo re itea yemmile.

01/10.txt

@@ -0,0 +1 @@
+\v 10 Neyea rake kela einye nekeijeye nawaneng na neneai jea rake kani kela nuleuboke hameuboke, peleyea rake kani kela yea neare onewainye. \v 11 Neai romiyea pukore neai uw neneai jea meke peleyeare naromiyea yea neare ei eyaiboi.

01/12.txt

@@ -0,0 +1 @@
+\v 12 Peleyeare romiyea nanemene eite hawainyeyele yo, Allah re keluomire inyai bondere nibi mokouboke, namekai Allahre nahelere peanyebo. \v 13 Romiyea okiyra bam nawaneng melenda bam ehonoi namekai ro yeale miyea yeale kena huluinye bam, neai hele neai kena uw Allah re honoukoke.

01/14.txt

@@ -0,0 +1 @@
+\v 14 Yesus, Allah neai a eleye kiyea romiyea uwre yeuboke eai uw nolo uw ikainye nekewoye neakore nakelure nene weawea ijokore eranneboke kiyea, neako Allahre pukora meke, romiyea kena buhea uw buhea re heumi, neai nahele wali nibire keleumi. \v 15 Yohanes yea Yesus re a yea romiyea heleng de a kabang bea iteayeu woumi kanewoumi, rake kiyea neaite, napere rake a hareungebokale weibamle reai moita mende kiyea rake niyea. Neyea ro yeale enainyerande reyea yea ro bam."

01/16.txt

@@ -0,0 +1,2 @@
+\v 16 Neai kolo kolo meamea einye, eyea nemmene neainya kena buhea uw buhea eme ikai jea mokoume. \v 17 Allah yea neai yendo kayalo Musare walora, Taurat re robowainye Peleyeare Yesus Kristus einye kena buhea uw buhea & nawaneng wali ahele feauhele Yesus neai uw poukoke. \v 18 Ro miyea hayea Allah re roko mbai ereibomo, peleyeare Allah neai kelumbai,neakore uw meka mbainye ekenekete kiyea yea Allah re na a yea eare yakalaumeboke. 
+(Kesaksian Yohanes Pembaptis)

01/19.txt

@@ -0,0 +1 @@
+\v 19 Neai uwre a hinenai nyehindre, Yerusalem na Yahudi romiyea Imam yoni yoni Lewi yohona ukaimile Yohanesre pukore enatere, neyea Yohanes re hinainye, weyea neainya hesele hinye? \v 20 Pele a hinainyehine , Yohanes na a yakala yea weumi, reyea wali ondofolo bam ma. \v 21 Neare beneng  hinainye pelewanengna weyea hinye? Elia? Penewaneng ne Yohanes yea weumi niyea bam.

01/22.txt

@@ -0,0 +1 @@
+\v 22 Pele yo yea wainye, weyea neainnahelele hinye? Ukaimele yore bemabonde emamiwendere,weai uw neai sele hinyekea emalenggondere. \v 23 Yohanes neai uw neaite Allahre  a yendo kayaro, Yesaya homone moloukoke a waneng yea weumi, ro mbai akala kalara bu kulu eke boye, Tuhan de nibi hiyem ranembo! Reyea pele kiyeare yeubokale.

01/24.txt

@@ -0,0 +1 @@
+\v 24 Nawaneng peleyo nolone, ehi Farisi holona romiyea. \v 25 Peleyo yea Yohanes re hinainye, weyea Allah neai ayendo kayalo bam Elia bam nawaneng Allah ayendo kayalo mearakannele kiyea bam bea weyea hinyere ro yea bure kamea?"

01/26.txt

@@ -0,0 +1 @@
+\v 26 Yohanes yea weumi, reyea bu yeamo keammeale, peleyeare mai nolone ro mbai hebeyere meyea neare oneaunge. \v 27 Pele kiyea niyea reai moita mende, neai oro memalu ha neihi kulaibote reyea eikulaiboi hului, namekai neai bene reyea ro bam hele. \v 28 Rake me uw mokowoye nemene Betania yo honoye, Yordan na wi ene reubihine Yohanes bure kolowoumi anuwaunge beibuate.(Yohanes Menunjuk Kepada Yesus)

01/29.txt

@@ -0,0 +1 @@
+\v 29 Ya heuboke mo, Yohanes ereye Yesus neai pukore meye. Pelene hebate yore Yohanes yea weumi erenne rike kiyea niyea Allahre domba kelu. Rake kani kelana romiyea nahimi nebang fanyaeiboite, rake kiyea meye neai yea kinyembondere. \v 30 Rake kiyeare a yea na bere waneng bea a hareunge bokale iteaibuamale. \v 31 Nawaneng reyea nabere oneungekokale, pele kiyea hinye, peleyeare neyea Israel romiyeare neai uw yakalamibondere, pele neaite reyea bere holo yea koremilere mekale.

01/32.txt

@@ -0,0 +1 @@
+\v 32 Yohanes Yesusre neaite rake waneng mea a iteayewoumi, weumi keyea ereubokale, Allah Roh aye merpati waneng mea yaku pumara oke neai yu rang ne oufebeunguke nekeye. \v 33 Nawang eiteaiboi pele kiyea hinye, peleyeare reare bu yea koremilere ukeu kiyea, rake waneng mea ukeuke. Weyea ereye Allah re Roh, Pumara onde ro mbai nauwe ranne onsebenunde kiyea, pele ro weyea bure kamea waneng neyea dea romiyeare Allah re rohyea konemile. \v 34 Nawaneng reai jokoye erekanalene pelene iteayamale, nahele neyea Allahre kelu.(Murid-Murid Yesus Yang Pertama)

01/35.txt

@@ -0,0 +1 @@
+\v 35 Ya Heuboke mo, Yohanes pele anuwau nge na moita hakonyo boke robe yeale hebewate. \v 36 Yesus nabera meiboye ereungebokere, na a weumi erenne rike niyea Allah neai domba kelu niyea.

01/37.txt

@@ -0,0 +1 @@
+\v 37 Yohanes namoita hakonyeboke robee, pele a waneng borokotene nahibi Yesusre moita hakonyekoke meitene. \v 38 Yesus ereumi, rake ro bee na moita hakonyekoke metene, euwgeke hineumi meyea makayea beaumiyeube? Hokolo bee yea weinye, Rabi(namekai Guru) weyea mbelene nekeyea? \v 39 Yesus ye weumi, mebu meneaijea meberebo.Hokolo bee Yesusre hakonyeboke nekewoye anuwauke ekate, pele ya koko napelene mo nekayoke, hu earai huikai keli hului yeuboke.

01/40.txt

@@ -0,0 +1 @@
+\v 40 Yohanes eleukoke are baraibokene Yesusre na moita hakoninyeboke eih na ro Andreas  Simon Petrus naka beake. \v 41 Andreas napeme eke beake Simonde a yakalaunge, meyea ekande Mesiasre hubayandekoke (Ibrani afeaunge Mesias pele Kristus) \v 42 Andreas yea Simon Petrusre yeweungehoke Yesusre pukore ekete Yesus Simonde ereungeboke ra weunge, weyea Simon, Yohanesre kelu mana yara weare Kefayea ro ronayewete (Kefas aram afeaunge nabeamba Petrus Yunani Afeau Yeale).''

01/43.txt

@@ -0,0 +1 @@
+\v 43 Ya Heuboue mo, Yesus Galilea kannire kulung wende endere a eleukoke pele he yea Yesus oro molouboke, meke Filipus mbea hubayeikokoite Yesus yea Filipus re weunge, Mei reai moita hakoibo. \v 44 Filipus neyea Betsaida na ro miyea, na waneng Andreasre, Petrus re neai yombai. \v 45 Filipus eke Natanielre hubayekokete ra weunge, meyea ekande neare hubayean dekoke, Musa yea neai homo Tauratne moloukoke nawaneng nabi nabi yea are kolainyemeke, neyea Yesus, Nazaret na, Yusufre kelu."

01/46.txt

@@ -0,0 +1 @@
+\v 46 Nataniel yea Filipus re hineunge, Nazaret yo ra foi neai kayero nahului mende? \v 47 Filipus yea Natanielre weunge, mei weneai ijoko yea meinyereibo Yesus yea natanielre na ahauka erekeunge re na a eleye, erenne Allah neai me re beaye Israel yohona hele meye, nawali ame karebai bam kiyea. \v 48 Nataniel yea Yesusre weunge weyea meahea mekaira reare roukebokea? Yesus yea, weunge Filipus weare ekaneikoi he, reyea wabere weare erekawale weyea ara no kelene nekeyea

01/49.txt

@@ -0,0 +1 @@
+\v 49 Nataniel yea weunge, guru weyea Allah re kelu, Israel kanina romiyea neai ondofolo. \v 50 Yesus yea weunge, reyea na bere ara no kelene weare erekawale a eleukokale earene, reyea na bere ara no kelene weare erekawalea eleukokale earene, reare hila rabo halearea, weyea iybauw emere emere emeikai yeale rake yakalau bokale re, mokorele yea weyea ewerende. \v 51 Beneng Yesus yea weungge, nana hesele yea wawale, wa ijokoyea ewwerende, yaku wewe kongkonde, Allah na malaikat malaikat reai pakore onate inyate konayende.

01/title.txt

@@ -1 +1,5 @@
+<<<<<<< HEAD
 Pasal 1
+=======
+PASAL 1
+>>>>>>> 6a9d1c94d4df5a62bc7b8327dfd27aa1415555a7

02/01.txt

@@ -0,0 +1 @@
+\c 2 \v 1 Ya bee nekaikoke mo, kana yo, Galileane romiyeare yeiboke ehamang bulau mokaibokene, Yesus nenake pelene nambele. \v 2 Yesus namoita hakainyekoke ohowate yo yeale, pele ehamang bulau mokaibokere riyaimihike ekate.

02/03.txt

@@ -0,0 +1 @@
+\v 3 Na anggur bu anewate re eubeafoke ne, nenake meke Yesusre weunge kelu, rake na Anggur bu mbea beaumihoke. \v 4 Yesus yea weunge, ana, reainya weyea makayea riyearea? Reai uwre yakalarebondere na ua namemang ba. \v 5 Peleyeare Yesus nenake yea weumi pele hamang bulau kalia mokowate yore weumi neai are ungembe huluinye meyea hakoitemo hakombombe mokobombe.

02/06.txt

@@ -0,0 +1 @@
+\v 6 Pelene hele kabang nanemene mehine mbai mokainyehake kolaikoke neinye bu dua atau tiga buyung.Pele hele Yahudi neai eha hena hului orore mere kuinyate meai. \v 7 Hamang bulau mokate yore Yesus yea weumi, pele hele nanemene buyea rilenggo meamea konaikonde. \v 8 Pelera Yesus pele yore weumi, mana renggombe, rowembe embe ehamang bulauke be neuboke kiyeare, ebi keng yennele hunanside peleyo rokai ekate ikainye.

02/09.txt

@@ -0,0 +1 @@
+\v 9 Bu horo anggurre yeiboke hubaufike, mehi waneng hubaunge (Neyea itiyam rake yeubokere) Pele kaliare mokowate yo yeamo neateai pele ehamang bulauke mokouboke rona molore kaneungekoke meke. \v 10 Na a weunge, honoijeye huluine anggur foi yu yeale kayere pele bere waheikiyaimi eianate pelera na moita hunggea hunggea yea waheani peleyeare weyea anggur na yu yea kiyea ayeufaka honoye mana rouke mekea moita hele waheamea.

02/11.txt

@@ -0,0 +1 @@
+\v 11 Galilea kanine, Kana yone hambung eme emere mokowoye nolora, rake niyea neai bere hele. Rake iy waubea neai nene weawea yakalauboke nawaneng neai moita ohowteyo, neare hila rabo halewate.

02/12.txt

@@ -0,0 +1,2 @@
+\v 12 Pele hamang bulau peafokera, Yesus kulung uke Kapernaum yore nenake yea na aka beake namekai namoita ohate yeale nanembaita eibate. Kapernaum yo ne ya name huui nekaikoke.
+(Yesus Menyucikan Bait Allah)

02/13.txt

@@ -0,0 +1 @@
+\v 13 Ya kabang Paskah nobeungekokene Yesus oro molouboke Yerusalem yore eiboye. \v 14 Alllah re ei mommom imeane kabang hele kiyeane hili eha erare jokoning felenain yembonde, neai obo yoku, sapi domba aye merpati naite heibate yo yeale, Yahudi neai roi yea yo meiko meiko yo meaite roite bulewateyo yeale Yesus hubayeaikoke.

02/15.txt

@@ -0,0 +1 @@
+\v 15 Hauw buhea hoisoite meai Yesus hayea rouke unyeukoke, peleyea namee ne rouke oboyoku domba nawaneng lembu, nait heibate yo re hoiboye hukewoumi, nawaneng roite eibuke meibukere beate abuwau naroi yeale felei sayeunge kani ranne here ware weiboyo ye rake yo yeale oboyoku yeale, nanemene Allah ei mom mom molainyeleimea houka hukeumi balayeke. \v 16 Aye merpati naite heibate yore Yesus ye weumi, rake anuwauka mai hambung nanemene karonggo embe, meakore eite molainye imea, meyea hambung nai heisei anuwauke eimokoi eheijea hele.

02/17.txt

@@ -0,0 +1 @@
+\v 17 Pele mekai beibatene, na moita hakainyekoke ohowateyo. Allah re homo feane molaikoke a yea bene nekeumihike, pele a rake waneng molaikoke hibi uw bene nekenaitele. \v 18 Yahudi romiyea, a lea yea Yesusre wainye, weyea pele me uw mokoubonde wiyea waneng, naite heibate yore hereayeumihikeare, meare iybauw keleumebonde neaitaa hambung emere emere mokoibo meyea er yea weumi, Allahre ei mom mom imea rake heneye kalambo, reyea ainyuite, ya namemo , aembom?'' \v 19 Yesus yea weumi, Allah re ei mom mom imea rake hebeye waneng wahului arunnunde.''

02/20.txt

@@ -0,0 +1 @@
+\v 20 Peleyeare Yahudi romiyea yea wainye, ralo yakama rolele uw bee mehine mbai jeale 46 Allah re ei mom mom imea na kabang hele kiyea romiyea ainyunuke. Weyea ya name yea eleyea beneng aungunundere?" \v 21 Peleyeare rake a hareungeboke, Yahudi romiyeare weiboumi pele neai uw meai a yea yakalaumiboke. \v 22 Mainekeukoke Yesus nuluyo mahe yora aunguke hee yea namoita ohowate yo, Allahre ei mom mom imeare, Yesus neai uwne poungekoke eleukoke, beene nekeumihike nawaneng Allahre homo fea naa,pelere Yesus weiboumi a,yeare hilarabo halewate.

02/23.txt

@@ -0,0 +1 @@
+\v 23 Paskah yakabang koibate hee, Yesus namman Yerusalem yone nekewoye hambung emere emere mokowoye erewainyele, romiyea heleng neare nahele yea elewate. \v 24 Peleyeare, Yesus pele romiyea neai elatere. Neyea rabore eihalei hukui haubihinebang, pele romiyea neai nauw mekai wamekai ame karebai je roumiboke ne. \v 25 Nawaneng romiyea yea nauw mekai wamekai Yesusre ei huweikoi peleyeare pele romiyea neai wali Yesus na yopolo yea neaitea nekeye.

02/title.txt

@@ -0,0 +1 @@
+PASAL 2

03/01.txt

@@ -0,0 +1 @@
+\c 3 \v 1 Rombai Farisina, neai roniyea Nikodemus, neyea Yahudi neai bee yun bee yebeare nekate. \v 2 Ya bee paheuboke yea neyea meke Yesus pukore, na a weunge, guru meyea meaiteai weyea Allah yea ukete mekea, romiyea re iteaite keleumilere kiyea, haubihinebang Allah ware ei hawetene pele hambung emere emere weyea mokoyea. Pele me uw waneng ro'hi miyea ehiyea imokoiboi hului.''

03/03.txt

@@ -0,0 +1 @@
+\v 3 Yesus yea weunge, reyea weare nehele yea wawale, romiyea hinye meaning wayeu fa honate waneng benen Allah rera ohonoina pele kiyea, Allah mekele uwkelena nekate walifoi ehubaikoi hangga. \v 4 Nikodemus yea weunge meahea mekai jea, romiyea rolele yembonde mbea honnate? Nawaneng beneg honnate re pele kiyea nahului nenakere kouhi yahi einye enensinde?''

03/05.txt

@@ -0,0 +1 @@
+\v 5 Yesus Yesus weunge, reyea nahele yea wawale (Nulu keumiboke ro miyea nanekena uw mehi hele inyaibonde, peleyo niyea Allahre Roh weumi Are hakainye neai pukore kena heahea katereaehakoboi neai kena uw beneng eme honokate waneng inyaibonde) Pele waneng peibuate romiyeare bu konaimile, nulu ekeiboi nawaneng Allahre Roh eyaiboi romiyea, reai me keele uw keelene nekate romiyea holone eyeisiy hului. \v 6 Romiyeara honowate yo, romiyea uw mekaijea koijate Allahre Rohra honowate yo Allahre Roh uw mekai jea koijate.

03/07.txt

@@ -0,0 +1 @@
+\v 7 Fanggere kulure ekoijea, naere reyea weare wawale, weyea beeneng Allah rera hononete a wawale weyea faaka eboijea. \v 8 Alu poye haleunge waneng, nawaneng anggeainye boroyea, peleyeare weyea eyeiteaiboi, mbelera alu poye eye  pele mekai mbai Allahre Roh yea neai keluomi nakena uweinye mokoumi.

03/09.txt

@@ -0,0 +1 @@
+\v 9 Nikodemus yea weunge, pele waneng a hareungebokea eleukokea,meahea mekai jea yembonde yakalambonde? \v 10 Yesus yea weunge, weyea Israel romiyeare itea habare keleaumi holona nahi niyea. Peleyeare a wawalere weyea iteaibam ayea warea. \v 11 Nahele yea rake a wawale, meyea meai iteaite nekande ayea wayembe namekai meyea ijoko yea erekande ayea iteayeayembe, peleyeare meai itea yeareyembe, peleayeare meai iteayemberearemayea nahelere elekoi kaube.

03/12.txt

@@ -0,0 +1 @@
+\v 12 Rake kani kelana romiyea nolone beate yakalate hambung ayea mare hummale peleyeare meyea nahele re eleikoijea kaube maehea mekai jea mare Surga neai hambung are yakalamayembe meyea nahele re elenggombe? \v 13 Romiyea hiyea roko mbai Surgare ei mo, Reyea Allahre bokora mekale, romiyea uwre yeubokale kiyea mo, Surgane eweufikale.

03/14.txt

@@ -0,0 +1 @@
+\v 14 Nabere Allahre yendo kayalo Musayea akalakalane ramiyea akewate ro miyea hole moloumiboke rami tembagara mokoiboke one nelungerike pele huluimbai akore kelu enai pumare enai hanainyele. \v 15 Romiyea nanemene neare rabo haleinainyele, pele romiyea wali hena enai hubanayende enai yaronate .

03/16.txt

@@ -0,0 +1 @@
+\v 16 Allah neai kena buhea kabang hele rake kani kelare heungekoke ne pelene nahinafa hoifa mbai sele, kinyeumiboke, pelene romiyea hinye nahila rabo neare halennele kiyea, weyea einundeiboi peleyeare wali hena neyea endowende. \v 17 Romiyeare me noremiyonde neaite bam, peleyeare neainya hesele rake kani kelana romiyea holere moloremibondere neaite. Pelene Allah neai kelureyea, rake kani kelare ukeuke mekale. \v 18 Hinye yea reai elalere hirarabo halendelena,me noyoi enoyoi nekenate peleyeare romiyea reai elalere pelere eihakoi, nawaneng raboreeihalei Allah yea meare me nommiwonde, na eare Allah nakelure rabo ehaleinye.

03/19.txt

@@ -0,0 +1 @@
+\v 19 Romiyea uw mekai nebangne ehe pukulu emmi wommiyonde, Allah neai wali hehelo rake kani kelare neneaijea meke peleyeare romiyea ougemde nakena uw pele einye mokoijate nawanen wali hehere kena bang, na me uw nebang meaite mokoijate. \v 20 Nebangde mokate romiyea, neyea wali hehe nibire ahi kenabang koijate pelene neyea pele wali hehe nibiri eihakoi, na eare neai meuw nebang nun keleaunge honate mokate. \v 21 Peleyeare hinye wali nahele einye harennele pele wali nehe nibi einye alonenggonde nawanen neai mokondene neyea Allah neai kena koye ijene mokombonde.

03/22.txt

@@ -0,0 +1 @@
+\v 22 Pelera Yesus na moita ohowate yo yoale, Yerusalem yora kulung ukate Yudea kanire eibuate, Yudea ne nekawate, pelene romiyea bu kola. \v 23 Nawaneng anuwau mbai naro ainon, pelene Yohanes bure koumi kiyea romiyeare bu koiboumi. Pelene bure kabang eke yaijeumi. \v 24 Pelehee Yohanes namman kawa einye eheikoi.

03/25.txt

@@ -0,0 +1 @@
+\v 25 Yahudi na ro mbai meke Yohanes neai moita hakainyekoke yo, neai eha hena kuikui a kenane kilewate. \v 26 Rake yo mekate Yohanes re wainye, Guru eambele nanembainye hebewande ro neai weyea iteaiwamea kiyea, mana Yordan wiy ene rike reubihine pele eke ro bu ekekoumi neai pukore romiyea nemene foemene hokoyeye ate.''

03/27.txt

@@ -0,0 +1 @@
+\v 27 Yohanes yea weumi, Yohanes ye weumi, rohi miyea hi yea heere hunde ehaisiy hului pele Allah yea wennele huluinye mo nuwenate mokonate. \v 28 Reyea mare iteai amale a boraukoke mo, reyea wali ondofolo bam peleyeare ukeuke neyea menderene bere holoyea mekale.

03/29.txt

@@ -0,0 +1 @@
+\v 29 Miyea neme weiboyainye pele rore weiboyainye kiyeare miyea pele ro nakahili wafeu napukone ayeukoke hebeyero, pelero neme miyea neme wainyeboke rei koye, a boroukoken kena foi hele nubaunge. Pele hului reai kena jea eukemelwuke. \v 30 Pele wiyea be ereite erenainyele. Reare moita yea bukenaitende.''

03/31.txt

@@ -0,0 +1 @@
+\v 31 Yohanes na man huweye, neyea Surgara meke romiyea, hinye meaning horo hiyea hayea neare eihameikoi reyea rake kani kelara nuleaitebokeni, rea itea haba rake kani kelana hambung-hambung neaimo raitea. \v 32 Yesus neyea Surgara meke kiyea, neai ijokoyea erowoye, neai anggeai jea borowoye a yea iteayeumi, peleyeare romiyea neai iteayeumire romiyea mbaijea eihakoiboi. \v 33 Romiyea hinye neai keleye iteayeumire rowende ambonde kiyea, pele niyea Allahre nahele re meai hira rabo haleunge.

03/34.txt

@@ -0,0 +1 @@
+\v 34 Allah neai hinyere releake nawaneng ukeunge neai ako feakore huwende pele romiyea Allah neai Rohyea elea molonele, nakalia mokonde emme ikai jeale penate uakalanate. \v 35 Ako Allah nakelure kena buhea heunge, nwaneng ako Allah neai me einya uw einya hambung nekainye, nakelu me eite namemene kinyewounge hakewounge.'' \v 36 Allah nakelu neai eleyere hilarabo halende romiyea wali hena bona hubayenggonde peleyeare romiyea hinye Allah kelure moi bulennele, neyea wali hena bonare eyereiboi, pele romiyea, Allahyea ehe pukulu wononnele.''

03/title.txt

@@ -0,0 +1 @@
+Pasal 3

04/01.txt

@@ -0,0 +1 @@
+\c 4 \v 1 Farisi romiyea borowate romiyea heleng Yesusre hakowainyele nawaneng bu koiboumi, romiyea namekelimo Yohanesre hakowainye. \v 2 Neainya hesele Yesus neneaijea ro miyeare bu ekoi, namoi ohowate yo yea bu koibaimi. \v 3 Farisi romiyea boraiboke Yesus iteayeubokene, Yudea kani nukeungeboke, Galilea kanire oro molouboke.

04/04.txt

@@ -0,0 +1 @@
+\v 4 Neai nibi endere, neyea Samaria kanira hele nensande fondere. \v 5 Samariana yo mbai Sikhar naro, pele kani Yahudi romiyea nayobe kabang Yakob yea nakelu Yusufre kinyeungeboke.

04/06.txt

@@ -0,0 +1 @@
+\v 6 Pelene Yakub neai bu reikouw pere weaukoke, enene Yesus eunuweuboke nauw keikei hele hubawounge pele uw no  yenggondere. Pele hee ikai yaukangne hului. \v 7 Pelene nekeye yea, Samaria na miyea mbai bu reikoiteme, Yesusyea weung reare bu yeite anerehim. \v 8 Yesus nembai nekeye, namoita ohowate yo hamang roweite yo eite ekate.

04/09.txt

@@ -0,0 +1 @@
+\v 9 Peleyeare rake Samaria miyea weunge, ea naijebanghele, weyea Yahudi ro yea Samaria miyea bande bu re neufindere meeariyarea? \v 10 Yesusyea a weunge, Allah romiyeare earebammea foi yeijeumi.Naeaneng reyea ware bu andehindere riyawale kiyea, Allah yea ukeuke mekale pele a iteayeubokeana, weyea rare wali yeale bu riyeukehinde ware walire yeumi bu itete.

04/11.txt

@@ -0,0 +1 @@
+\v 11 Pele miyea yea weunge, Tuhan rake bu reikou waugau hele, weyea bu re reukondere wa ponggou mba. Nawaneng mbelera pele walire yeumi bu roukele. \v 12 Meahea waneng weai uw benera nekete, weyea kabang hele, meayobe Yakub rera?"

04/13.txt

@@ -0,0 +1 @@
+\v 13 Yesus ye weunge, hinye yea rake bu anensinde, beneng buki ennehu bande. \v 14 Peleyeare, reyea itembe bu anensimbe kiyea, bukire ehubaisi nekende reainya buyea anensimbe, naueinye bu o waneng yembinde, na hibi hibi rilendende, wali hena bona hubannende.

04/15.txt

@@ -0,0 +1 @@
+\v 15 Rake miyea yea Yesusre weungge, Tuhan buki yeale korelene, pele bu yeite. \v 16 Yesus yea weunge, eye weai ro molo kaneungekonde, rakere mebe.

04/17.txt

@@ -0,0 +1 @@
+\v 17 Rake miyea yea weunge, reyea ro bam molo bam ma.'' \v 18 Weyea ro ambai nekeukukea, nawaneng rake he nekeube pele weai ro molo bam.Pelene rake a elalene, weyea nahele yea eleukokea.''

04/19.txt

@@ -0,0 +1 @@
+\v 19 Rake miyeayea weunge, Tuhan mana yakala hele reyea hubanale, weyea ayendo kayalo nehi niyea. \v 20 Mea yobeneai rake moko mokone a rimayeke, peleyeare weyea eleyea Yerusalem niyea Allah pelene ebeli enaiponainyele.''

04/21.txt

@@ -0,0 +1 @@
+\v 21 Yesus yea rake miyea meanggere weunge, weai hilarabo reare haleukele pelehu peleya mende, meyea ako Allahre rake mokone meyea ei eimoloi hangga nawaneng Yerusalem ne bam. \v 22 Meyea rore eroiboi kiyeayea ei molaungele, meyea ro naneboke kiyea yea ei molannele, haubihinebang, meyea Yahudi neai nolora wali holere molouboke kiyea mekene.

04/23.txt

@@ -0,0 +1 @@
+\v 23 Neai ya mendere, mana na meke, ako Allah re ei molainye yo rakeya mekene, neyea Roh nahele einye mokonate, neai eare ako Allah neai kenare koye ijene, reare rokonainyele feaneainyele. \v 24 Allah neai uw niyea Roh, pelene romiyea hinye neare ei molonnele, pele romiyea Allahre Roh eita kena uw nahelere mokonainyele moloinainyele.''

04/25.txt

@@ -0,0 +1 @@
+\v 25 Rake miyea na aweunge, reai iteayeubokale, pele Mesias Kristus yea ro rainyeboke, neai uw mende, neyea meare iteayemmele, yakalammele hambung keleau nune honatere.'' \v 26 Yesus ye iteayeunge, wa eleyea kiyea, reyea niyea rakene wambelere are elende huwende ro.''

04/27.txt

@@ -0,0 +1 @@
+\v 27 Pelehe Yesus namurid-murid peaboke mekatera, neare erainye, miyea mbaite ane elete huwete re fakayea painyele, peleyea ehiyea are wennele hinenhindere nanemene kabewainye, weyea makayea neainyare kena koyea nawaneng pele miyeare meyea maka ayea elebe huweuube?"

04/28.txt

@@ -0,0 +1 @@
+\v 28 Rake miyea na habu pele anuwaunge haufike, oro molouboke, hebealeweke eke pele yona romiyeare weumi . \v 29 Mem mennerennobo, rineke ro mbai, rame uw mokalere nanemene naa ijenemo yakalauke, pele neyea wali ondofolo waneng? \v 30 Pele yona romiyea aibaleke eibate, ekate Yesus pukore.

04/31.txt

@@ -0,0 +1 @@
+\v 31 Pelera namoita ohowate yo yea, mekate Yesus re wainye, Guru ehamam aneikoba. \v 32 Peleyeare Yesus yea weumi, meyea reai ehamam honaukere, pelere meyea eyei teaiboi. \v 33 Neai ehamam a eloukokene, namoita yo, nauw mbembare elate huwate.

04/34.txt

@@ -0,0 +1 @@
+\v 34 Yesus yea weumi, reai anerele ehamam, rake niyea, reyea neai ukeuke mekale peleremo nekerele mokorele, earele riyau uwkembonde. \v 35 Hekene ani eha bolu auma einye moloisayate me, honounge meye aninebeye, mei maluweibiyate, pele yahu mekainye Yesus yea iteayeumi. \v 36 Rake he anire koloye, na me buhea roibu nehalo hubayate nawaneng aniha arileye koloye pele wali hena meai iynyale, pelene mere moloye kiyea nawaneng mere maluweye kiyea, nabene bene reimai mbainye akabonete.

04/37.txt

@@ -0,0 +1 @@
+\v 37 Neai a hele rake kainye auboke, ehi yea molonde, ehi yea malui maluwende. \v 38 Reyea ukamale emokoi anuwaungare meyea eng maluwembe, romiyea ehiyea aimoloukoke, pelene meyea mekaube na roibu paleumikoke enye mekau maluwaube.

04/39.txt

@@ -0,0 +1 @@
+\v 39 Rake Samaria miyea yea meke romiyeare weiboumi, na uw mekai wamekai mokowoye Yesus naneme foeme yakalane koloukoke, pele a boraibokera nenea ekate erewainye boroiwainye, ahele yea elewainye, nahelere ewaite. \v 40 Samariana romiyea mekate Yesus pokore, na a wainye riyainye, neai pukone nekendere. Peleyone ya bee hele nekeukoke.

04/41.txt

@@ -0,0 +1 @@
+\v 41 Nawaneng romiyea erewainye borowainyere. Heleng ahele naheleyea elewate nila rabo halewate. \v 42 Pele yona romiyea, rake miyeare wainye, meyea hilarabo haleanne pele weyea ukeamea a earene mo bam. Haubihine bam meyea meneai boranneboke iteayean boke nahele neyea wali hole ro ya.

04/43.txt

@@ -0,0 +1 @@
+\v 43 Yabee Samaria yone nekeukokera, Yesus kulung uke, Galilea re oro molouboke. \v 44 Yesus neai uwre neneaijea eleukoke. Ayendo kayalo nayone yanne foi neare ei ehawei, nawaneng neare bee hneite ehinei. \v 45 Pelehe Galilea yone eke, Pelene ro miyea na kena uw foi hele ei haubainye Yesus na me uw paskah ya kabang ne ekate, mokowoyene na neneai anggeai ijoko yea erewainye.

04/46.txt

@@ -0,0 +1 @@
+\v 46 Pelera Yesus beufoke, Galilea kanina, Kana romiyea nekate yore meke bere meke bu horora mokouboke Anggur bure yeuboke anuwaunge. \v 47 Neyea borouboke Yesus Yudeara Galileane meke, neneaijea eke Yesusre riyeunge Kapernaum yore mende nafa eha hereinyeng hereinyeng koiboye onomi inyendere.

04/48.txt

@@ -0,0 +1 @@
+\v 48 Meyea emeha hambung meneai ijokoyea ereboinya, meyea pelere nahelere eyeleikoi eihakoiboi. \v 49 Ondofolo kaliare mokoyero, Yesus kolipeunge, weunge Tuhn uwhaleyea meye reai fa neeherei. \v 50 Yesus yea weunge, eye! Wafa onomi hubayeukoke.Rake ro Yesus na aukenge waneng, neyea nahele boroungeboke, beufoke imeare eiboye.

04/51.txt

@@ -0,0 +1 @@
+\v 51 Nibine peufoke neai imeare meiboye, nauw mokoiyoyea wainye, wafa ninea onomi rouke. \v 52 Pelewaneng ne rake yore hineumi, embele heyea nauw foirouke rake yo yea wainye, wena rai hujoko mbainye, uw naume hireungeboke."

04/53.txt

@@ -0,0 +1 @@
+\v 53 \v 54 Yudea kanira Yesus bukeufike Galilea kanine meke, heera neyea hambung emere haemere mokowoyera, rake roko bee nengdo yea mokouboke.

04/title.txt

@@ -0,0 +1 @@
+Pasal 4

05/01.txt

@@ -0,0 +1 @@
+\c 5 \v 1 Mainyekeukokera mo, Yahudi neai ya kabang na hamam bulau ya belene Yesus Yerusalem yora kulum uke Gallilea kanira oro molouboke eiboye. \v 2 Yerusalem yore, dombare ele yanainyekoke kate romau nenene, bu kou mbai yaye, Ibrani neai a feaubea Betesda yea rainye, nawaneng pelene beanggo yeale norofa mehea mbai, yang bea heaikoke. \v 3 Pele anuwaunge ehayo puloyo heleng mekai honate, ro miyea ijoko kumba yo oro rebeite rebeaiteyo oro me nimewaimi yo yeale honate. \v 4 Haubihinebam, pelebukoune rokombemba Allahre malaikat oyowoye pele bukou na bu neunge kuba eyakoye. Hinye yea bere oro molombonde enensinde kiyea neha pulo koye hubaye nameahea horohele releunge, pelene onomi roweye.

05/05.txt

@@ -0,0 +1,2 @@
+\v 5Rake anuwaune ro mbai yaloyakama 38 hele ehe pulo koumeke.
+\v 6Pelero honowoyere Yesus erekeungene, nawaneng iteayeuboke, napelemekai mo yea heki hele honowekere, pelene Yesus yea hineunge weyea onomi roweyere kena koyea?"

05/07.txt

@@ -0,0 +1 @@
+\v 7 Pele royea weunge Tuhan rakena romiyea bu eiakowoyene heene reare rowendele rake bukou eite handebonde neaite u. Reneaijea pele buer nakeleijale hee, ehiyo moi woyaitele neyea bena eyakoikiyate. \v 8 Yesusyea weunge ainyu wakewa yungmake yaroiko aloinyoko eye.''

05/09.txt

@@ -0,0 +1 @@
+\v 9 Na pelehemo rake ro onomi rouke makewa yungmakere mo yaroukoke aloungekoke eiboye.

05/10.txt

@@ -0,0 +1 @@
+\v 10 Pelene Yahudi romiyea yea, rake ro onomi re rouke wainye, mana Sabat ya eai Yahud neai wali heere foloukuke homo huluinye Sabat ya kabang ne eyea kewa yungmake ekeaiboi ei hulu. \v 11 Peleyeare rake ro neai a weumi, reare onomire ikeuke ro yea ukeuke huluinye pelene rakena yungmake yaroukoke aloungekokale male.

05/12.txt

@@ -0,0 +1 @@
+\v 12 Peleyeare rake ro neai a weumi, reare onomire ikeuke ro yea ukeuke huluinye, pelene rakewa yungmake yaroukoke aloungekokale male. \v 13 Peleyeare onomire rouke ro, neyea itiyang hinye yea onomi ikeunge haubihineban, Yesus pele ikainye oro molouboke, eke ro heleng miyeaheleng nolone euyaneukoke.

05/14.txt

@@ -0,0 +1 @@
+\v 14 Pelera, Allah neai yoimea ralo imea einye, Yesus onomire ikeunge rore hubayeukoke mo, na weunge, weai uwna huba ungehike waneng nahimi weyea onomi roukea, beneng uwnebang wanebang eimokoijea. \v 15 Pelero iteayeubokera, Yesusyea onomi ikeunge, pelene eke Yahudi romiyea hinewainyelere Yesusre ro yakalau miboke.

05/16.txt

@@ -0,0 +1 @@
+\v 16 Sabat ya kabangne rake rore onomi ikeunge earene, Yahudi romiyea Yesusre anebang feaunebang mea eleiko huwekore koibuate. \v 17 Peleyeare rake yore Yesus yea weumi, meako Allah neai hambung na yane mokoijeye, reyea neai mbai jea mokale. \v 18 Yesus Pele a ukeumine, Yahudi honaibonde nibiyea beabate, Yesusre honaibondere naeare, Yahudi neai ha henane Sabat yaneeimokoi kiyea Yesus moi woke mokouboke nawaneng Allahre Yesus neai eleye walora Allah neai uw Mbaija.

05/19.txt

@@ -0,0 +1 @@
+\v 19 Pelene Yesus rake yore weumi, reyea nahele yea wamale reyea Allah re kelu pelene reai kena huluinye hambung ehire emokoi hului meakoyea mokoye ijene, reyea pelene erale mokale. \v 20 Meako reyea neai kelune buhea heuke, neai hambung mokowoye nemene reare keleijeuke, rake rore onomi ikanalera beneng hambung emere emere emeikai jeale, pele meako yea kelendebonde reyea pele hambung eremokondene meyea faka yea embombe.

05/21.txt

@@ -0,0 +1 @@
+\v 21 Meako yea romiyea herewate yore ainyainyu koibuomi wali yemmile waneng mbai, reyea kena korele romiyeare wali itemile. \v 22 Nawaneng romiyea walire, meakoyea hulu ekoloi. Pelene walire kolommilere nanemene reyea nakelu niyea kinyeukeboke hakeikeboke. \v 23 Pelene earene romiyea nanemene meakore be hinenainyele yo, pele hului mba reyea na kelure be hinenatele, romiyea hinye nakelure ehineiboinya, pele kiyea ako Allah rake ukeuke mekale kiyeare be ehinei.

05/24.txt

@@ -0,0 +1 @@
+\v 24 Reyea nanahele yea wamale, hinye yea reai elalere borombonde, namekai reare ukeuke mekale kiyeare  A eleyere hila rabo halendena, walihena bona rowende. Walire hului ekoloi pele romiyea Allah yeale waheukoke wali waneng wekeunge, reyea wali ondofolo yea keleamale wali nibine ohoye.

05/25.txt

@@ -0,0 +1 @@
+\v 25 Reyea mare iteayamale, nayahu mendere mana peleya meke romiyea ai herekate yo neanggeai aleinate Allah nakelu a boroibonde walire enai anayunde.

05/26.txt

@@ -0,0 +1 @@
+\v 26 Haubihinebang, meako neyea walino, pele hului mbai reyea nakelu mokoukeboke wali nore meiyeubokale. \v 27 Reyea Allahre pukura mekale romiyea uwre meuyeubokale earene romiyea nawali huluinye koloremile meai elea Allah yea reare kinyeukeboke hakeukeboke.

05/28.txt

@@ -0,0 +1 @@
+\v 28 Enaibende neai a yakalamalene, meyea fakare eboijea hele pele naya mensembonde, herewate bule einye honate romiyea nanemene reai a boronate. \v 29 Pelera bule eita menaibalende romiyea uw mekai foite mokayeke holona wali hena bona emmi yende, peleyeare uw mekai nebang de mukayee holona me emmi noyonde neai amminunde.

05/30.txt

@@ -0,0 +1 @@
+\v 30 Reai huluinye reyea hambung mbai sambai emokoiboi hului meakoyea wendele huluinye romiyea neai wali hului kolameale nawaneng naijene hele reyea wali hului kolameale, haubihinebam reai kenare korele ijene ehakoi, meako reare mekale kiyea kena konde ijene mokorele. \v 31 Reai uwra neneaijea a iteatemilena, romiyea ehiyo reai elalere a hele bam bea elenate. \v 32 Reai aiteayamale hinye yea yakalammile pelere reyea iteayeu bokale pele neyea ukeukere a heleyea yobounge.

05/33.txt

@@ -0,0 +1 @@
+\v 33 Reai uw meaite iteayembomberene ehiyore ykaimile Yohanes bukoumi kiyea pukore ekate nawaneng neyea reai nahele re neyea ahele feauhele yakalambe. \v 34 Reai uw meaite iteayembomberene ehiyore ykaimile Yohanes bukoumi kiyea pukore ekate nawaneng neyea reai nahele re neyea ahele feauhele yakalambe \v 35 Yohanesre ako feauko pele iy hehe neaikiyoye waneng mare neamggokombe peleyeare meyea na mom mbai keng pele hehe neakokere reimai kena re mo molom bokombera eweufike.

05/36.txt

@@ -0,0 +1 @@
+\v 36 Reai uw neai a feau iteayamale, na be roiboite Yohanes yea iteayewombe meakoyea reare ukeuke kaliare nammam mokale, pele meuw yea mo keleijembe, nahele meako Surgana rare ukeuke mekale. \v 37 Meako ukeuke mekalere. Niyeare mare iteayembokombe, meyea neai are eboroiboi, namekai neai uw meyea eyereiboja. \v 38 Namekai meakore eugara eleyea feay makena ei uw einye ehonoi haubihi bam, ako Allah reeare ukeuke mekalere peleyeare reai elalere meyea hila rabo ehalei.

05/39.txt

@@ -0,0 +1 @@
+\v 39 Allahre homofea meyea uw niheisiyaunge, iteayeaube, mai uw benera nekayembe. Pele homo fea walora wali hena yarombe peleyeare Allahre homo feana a feauko hameungekoke reai uw neai ayea mai iteameyayembe. \v 40 Peleyeare meyea wali hena bona yarombere, reai mekele uw kelene nekembere ahi hele elaube.

05/41.txt

@@ -0,0 +1 @@
+\v 41 Reai foi neaite hinye meanin mea elenate neai reyea ereai. \v 42 Peleyeare, mai kena ei uw einye nekembe ha reyea iteayeubokale mawali nekaube Allah kena buheare u hele ya.

05/43.txt

@@ -0,0 +1 @@
+\v 43 Meakore ro yea reyea mekale. Peleyeare meyea ei hawe yaunge. \v 44 Meyea rare hila rabo ehalei hului, haubihi mae bam romiyea mai uwre kanembe neaite meyea ebeayei?

05/45.txt

@@ -0,0 +1 @@
+\v 45 Ako Allah nakendang wamerang bene, mai uw mekai nebang earene reyea mare a ehoroi, pele Musayea mare a horonenggombe meyea uw bene nekayembe neai a moloukokere hubara heaita yanaunge walora wali hole molonembombe. \v 46 Musare A nahele yea elaukoube yea, reai a elalere meyea nahele yea elau be, haubihinebam Musa neneaijea reai neai a neneai ja moloukeke. \v 47 Musayea moloukoke are meyea pelere rabo eihaleinya meahea yea reai elalere meyea nahele peambombe?"

05/title.txt

@@ -0,0 +1 @@
+Pasal 5

06/01.txt

@@ -0,0 +1 @@
+\c 6 \v 1 Pelera nekaikoke, Yesus oro molouboke Galilea bukou enere, bukou Tiberias yea rainye. \v 2 Romiyea heleng buleng neai moita hakainyekoke, erewainye romiyea heleng ehayo puloyore foite mokowoumi onomi yarowate. \v 3 Pelera Yesus hemunggea mokone na murid-murid yeale ane raiboke nuwaikoke.

06/04.txt

@@ -0,0 +1 @@
+\v 4 Yahudi neai ya kabang Paskah meunobeungekoke. \v 5 Pelene nuweuboke nekeye ijoko ereumi romiyea heleng buleng alainyekoke neai uw pukore maite, pelera meubeke Filipusre hineunge, romiyea nanemene aneneaikonde meai, eyea mbelera roija feu hubaye makonde. \v 6 Rake a mekai neyea Filipus reuw malire hubaungehike, na eare neai uteaite nekeunge makayea neyea harennembonde mokombondere.

06/07.txt

@@ -0,0 +1 @@
+\v 7 Filipus yea weunge, "Roi 200 dinar yea yarandekoube feu hului rake romiyea hokoimiyeyere na hului bam, meahea mekai horo nanemene anenaikonde feu ebimbinde nawaneng Romiyea ehi heleng elaggoi hului. \v 8 Na moita ohowate ro hi naro Andreas, Simon Petrus naka beake yea Yesusre weunge, \v 9 Rakena fambai na feu meahea mbai yeale ka bee yeale honainyele peleyeare haubihire eyeiboi emeanggoi hului, rake ro heleng miyea hele de meufokoubokere?"

06/10.txt

@@ -0,0 +1 @@
+\v 10 Pele anuwau kee yealene Yesus yea weumi pele romiyeare kee ranne anggeng ronaibonde. Pele romiyea meuhokoubere ro mo me maibeaikoke nanemene 5000 hului. \v 11 Yesus pele feu, ka yea yaroukoke, neako Allahre heleng foitemo ukeunge kaiwoye na moita ohawate yore yeiboumi, neyea rake romiyea heleng de wahewaimi, nanemene hubayewate angbuate uw wandere hubawate. \v 12 Uw wande roukatera, pelera Yesus namoita hakanyebo yore weumi ehamang anewate wande yea hubainye nukewaitere, emme arilenggombe na foi jea mengkolonggombe.''