\v 14 Ne balinnawe, yemmi a rawige a dessa mi pabare dengngagage a buoto. \v 15 Yemmi do'u mi paddege, jemaat Filipi, wali kawunage bapadukkige li'i, walipoge baku duddakage tana Makedonia, daima jemaat a nau pabare dengngagage ne a buoto bamabare monno bamadeiba, iggipoge yemmi. \v 16 Bakan, banega tana Tesalonika, yemmi mi pangiddiga bantuan tangana pabutugu  louka wali sadekka. \v 17 Linnamowe, dangiamayi bantuan pangaddogu, ne pangaddogu wu'ah a pakaladagage pautugu.