Tue Aug 04 2020 11:22:03 GMT+0800 (Malay Peninsula Standard Time)

01/01.txt

@@ -0,0 +1 @@
+\c 1 \v 1 Si Paulus sosiu Kristus Yesus, a tiniang mamoali rasul akalênasa tanu mawataân kukua Aningumêlêd. \v 2 Kukua i aho a mberandiNa atawê atinutudâ i nabi-nabiNa a kitab-kitab baja. \v 3 Tanu BatâNa, a lumas aketê apimebatana a lolosan i Daud,

01/04.txt

@@ -0,0 +1 @@
+\v 4 bo lumas tutuh kalênasan be wawaturu a tinowaNa atutu totumu imate, awahêm sia Bata Ngêlêdtow e kawasa, Yesus Kristus Ngeledtow ihita. \v 5 Apaan karuruNa kamotahula tumirima beles kohomba bo bêpa rasul tanu meang pahasa bangsa, saniboho silatahula maheman bo moeman angalaNa. \v 6 Kamotahula hai waaho sumuang atutûi latahula, kamotahula a tiniang mamoali sinisir Kristus.

01/07.txt

@@ -0,0 +1 @@
+\v 7 Behamotahula ipahasa isumondo a Roma, de behales Ingêlêdtow, a tiniang bo tinulid manga totumu lenas : beles kehomba mahales be hamotahula bo sononoi a Ningumêlêd amang ihita, bo be si Tuhan Yesus Kristus.

01/08.txt

@@ -0,0 +1 @@
+\v 8 Apahamunan ahu dumayow a Ningumêlêd apaan Yesus Kristus ambao pahasa ihamotahula, apaan i sumêrê nabar apaan kawahêmannu, apahasa baitoba. \v 9 Kawalian Ngeledtow, isumêlêwir karua asuang inatêhu asuang pinawawataan injil a bataNa apaan sairihu, awahêm asuang sombayangku siyahu lêtêh mapangimun ihamotahula. \v 10 Siyahu sumombayang, saiboho akahabogan i Ngêlêdtow ahu akalawusan mahaêrê atepona tanu magamat bê hamotahula.

01/11.txt

@@ -0,0 +1 @@
+\v 11 Apaan ahu mabôg milâh i homotahula tanu mêhê kohomba i sarani behow apaan mwarewet hamotahula. \v 12 Waaho saniboho bana atutu i hamotahula be kumiit senang apaan êman ihita ipahasa, baê akoêmannu bo akoêmananku.

01/13.txt

@@ -0,0 +1 @@
+\v 13 Mangamerowuku siahu mabog saniboho kamotahula. Mahailah awahêm ahu mapikir mabog mogamat behow sumata aha yai talêwê ahu pahaparan. Atumu-tutuna mahaêrê bua. Kêlê a tutud bangsa ahii Yahudi ambalina. \v 14 Siahu benang maulêng bêhow totumu Yunani kelê iaho totumu ahii Yunani, baê atotumu pinahajar, kêlê aho totumu ahii be ajar. \v 15 Kawalian niho ahu mabog tanu mawataan kukua be homo tahula mio de sumondo aRoma.

01/16.txt

@@ -0,0 +1 @@
+\v 16 Apaan ahu bana kawêrjayaan bo êtêêsuang injil awahem kerowotan i Ngêlêdtow dê mawaselamat amang totumu mahêman papahamunan tow Yahudi, sumata hahi tow Yunani. \v 17 Apaan asuanga behaturu katotuuan Ngeled tow, atoton akawahêman bo sinapiwina akawahêman, kêlê bana bêwatih : “totumu maulêng sia mênonow akawahêman”.

01/18.txt

@@ -0,0 +1 @@
+\v 18 Kawalian boro Ngêlêd tow bêhaturu a sorga ambao pahasa katapiaan bo kaseaan totumu ambeuah akatotuan de kasêaan. \v 19 Kawalian asia nyaaho kinaêrêan homotahula kalahanu apaan Ngêlêd tow behaturu be hamotahula, de Ngêlêdtow be wawaturuna apahasa hamotahula.

01/20.txt

@@ -0,0 +1 @@
+\v 20 Kawalian asia nyaaho ahii kawilahan be Sia, waaho karowataNa a kaêto bo akaholaanna, kinaerean ambêlah bêhow imikir atatawojênNa molai baoitoba tinulid. \v 21 Ta mandê onah komotahula mahilala Ngêlêdtow komotahula hii lumoor sia tanu Ngêlêd tow suma dumayow isia. Balêngên pikiran homotahula mamoali ahêm bereguna bo natê homotahula immawawawodo mamoali dêdêm.

01/22.txt

@@ -0,0 +1 @@
+\v 22 Kamotahula itumawoi kêlêitu homotahula mawuling kawandêian, sumata komotahula imamoali bodoh. \v 23 Kamotahula isumalêng kalooran Ningumêlêd a tahii fana apaan gambar atolota kêlê manga totumu fana, manga mêlêpa : biagen-biagen a nae epat suma biagen-biage bo mawalosong.

01/24.txt

@@ -0,0 +1 @@
+\v 24 Kawalian nihoo Ningumêlêd itumaro behomotahula apaan kahabogan inate homotahula a katapian awaaho komotahula sumaoi kahatoran batangan homotahula. \v 25 Apaan homotahula isumalêng katotuan Ningumêlêd karua towo bo memuja bo kumuru tahi’i kawilahan kailuminga atinulid na kawalian musti wongaha kaêto-êto ulit.

01/26.txt

@@ -0,0 +1 @@
+\v 26 Kawalian nioho Ningumêlêd itumaro behamotahula apaan aka ewean aho mahasokian, de manga hareang hamotahula. I sumalengem ape detuhan atahii maulêng ka bo hii mauleng. \v 27 Kêlê hai boho manga tuama imepaam-mio ape detuhan ahii maulêng  medengan karoang homotahula be melala-lalaio asuang kahaboggan homotahula esa totumu asasaangên im balina, saniboho homotahula itumulid a kaoroaan, tuama bo tuama, bo kawalian niboho homotahula tumirima suang batangan homotahula balasan akêlê tanu kalikokoan homotahula.

01/28.txt

@@ -0,0 +1 @@
+\v 28 De kawalian homotahula hii kumêlam perelu tanu mangaku Ningumêlêd de Ningumêlêd i tumaram behamotahula apaan kawapikir wikir ambesupa, saniboho homotahula tumulid asia nyaaho hii metenaan.

01/29.txt

@@ -0,0 +1 @@
+\v 29 Tadoo medengan morowalina ahii wu’tul, katapian, kasorondohan bo akawowowan, mawuling ka indêê, pinamatê papê-patêan, tatowon-nio bo katapian. \v 30 Homotahula awahêm tapasaliku, masêro taparêê Ningumêlêd, ahem nadat, mawasombong, sombong, pandêi suang katapian hii moêman amatua. \v 31 Ahêm nutêh, hii moêman, hii mahalês, hii mahailala kowêlêsan.

01/32.txt

@@ -0,0 +1 @@
+\v 32 Kawalian mandêonah homotahula mahailah tuntuan-tuntutan i hukum patêaian, hamotahula ahii re tumulid sia-nêsa, sumata kamotahula hahi totuu karua a tinulidna.

01/title.txt

@@ -0,0 +1 @@
+Pasal 1

02/01.txt

@@ -0,0 +1 @@
+\c 2 \v 1 Kawalian nioho ei mangatotumu sisêi angê how, amatepu totumu balina, sihow nêsa hii bebas kaseadan apaan asuang natepu totumu balina, sihow matepu batanga nu sihow nêsa, kawalian kow na matepu totumu balina, tumulid i manga uah imanga wa’aho amêkêlê. \v 2 Ta kita mahaila, awahêm ukuman Ningumêlêd wawalawus akajujuran be hamotahula de itumawoi kêlêaho.

02/03.txt

@@ -0,0 +1 @@
+\v 3 Be sihow ei totumu sihow mapatêpu homotahula itumawoi kêlêaho, sêda kau sia nêsa itumulid iaho awahow masangka-sangka awahêm kowdona halepot anukuman Ningumêlêd? \v 4 Mabog kow mahahelam ahem awa-awa kaayaan kawolahanNa? KasabaranNa bo kakoan inatêNa? Ahii how mahailah awahem panutuun kawalahan Ningumêlêd awaho sumopiwi i how a katobatan?

02/05.txt

@@ -0,0 +1 @@
+\v 5 Sumata akahe natênu ahii mabog matobat, sihow sume-sen imboro ambao imbatangannu sihow nêsa anêndo atêpo wai imboro bo ukuman Ningumêlêd atotuu ka bêwawaturu. \v 6 Sisia malas apaan makiit patawoiênna, \v 7 waaho menonow ahad bê hamotahula de amêdêngan kumêtêrio tumawoi maulêng, mangilah kalooran, kaormatan bo ahii amoturasi.

02/08.txt

@@ -0,0 +1 @@
+\v 8 Sumata mboro bo dee homotahula de pinangilahhio sia nesa apaan hii kumiit. Akatotuan tabati kumiit katapian. \v 9 A tanggongan bo akasusaan behapaio atanu nesa totumu amenonow de matawoi tapia lêbê-lêbê totumu Yahudi bo hahi totumu Yunani.

02/10.txt

@@ -0,0 +1 @@
+\v 10 Ta kalooran, kaormatan bo damesononoi dana kinaêrêan pahasa totumu de matawoi maulêng lebe-lebe totumu Yahudi bo hahi totumu Yunani. \v 11 Kawalian Ningumêlêd ahii monarah inutah. \v 12 Kawalian pahasa totumu imêsêa atahii nukuman i Torat sisia telas atahii Taurat; bo pahasa totumu sêaandalêm ukuman Taurat matêpu de nukuman Taurat.

02/13.txt

@@ -0,0 +1 @@
+\v 13 Kawalian ahii totumu tumanga lalaut Taurat akatotumu a sasaêngên Ningumêlêd, sumata totumu i tumulid lalaut Taurat iyai dona akatotuuan. \v 14 Apaan manga bangsa balinas ahii wana lalau i Torat dê bêhabog gange i batangan nu i nêsa tumulid asia niaho tinuntut laalaut i Torat ta mandêonah homotahula ahii wana lala’ut i Torat hamotahula mamoali lalaut i Torat abatangan homotahula i nêsa.

02/15.txt

@@ -0,0 +1 @@
+\v 15 Kawalian niaboho homotahula i mawaturuum awahêm suang lalaut Torat bana bêwatih asuang inatê hamotahula bo ênu inatê homotahula lumas sumairi bo utêh ihomotahula naam tumudu suma naam tumagas. \v 16 Kawalian nyaaho mawaturu a nêndo têpoawa Ningumêlêd kele mêdêngan kukua ambêabaran, amatêpu apahasa iboho am bêruru suang nate itotumu apaan Kristus Yesus.

02/17.txt

@@ -0,0 +1 @@
+\v 17 Sumata mandê komotahula kumua mbatangannu totumu Yahudi bo mapig a lalaut Torat, mêkahi suang Ningumêlêd, \v 18 bo kalahan nyaaho papandungeNa, bo a kawalian nioho beajar suang lalaut Torat, saimboho mahala asia nyaaho maulêng bo asia atehii, \v 19 bo totuu awahêm kow masopiwig totumu ahii mila, bo katêrangan be homotahula asuang karendeman, \v 20 masusui totumu kawodohan bo mapahajar totumu a tawê mêtua, totumu apaan suang lalaut Torat sihow kumêkêkêm kinalêkêwan pahasa kawandeian bo katotuuan.

02/21.txt

@@ -0,0 +1 @@
+\v 21 Jadi, kêlêmbisa how a mahajar totumu balina, hii how mahajar batanganu nêsa ? \v 22 Sihow mapêngajar naam manahow, deahow sihow nesa manahow? Sihow ihumua : “naam mapedêtuh : “deahow sihow nêsa mapêdêtuh? Sihow mahataha apahasa patong deaho sihow nêsa kumandet imbalê i patong?

02/23.txt

@@ -0,0 +1 @@
+\v 23 Sihow mekahi a nukum Torat, dêaho how sihow nêsa sumêro Ningumêlêd karengan lumawa hukum Torat iaho? \v 24 Kêlê bana bewatih akawalian noho kamotahula ngalan Ningumêlêd be ojat atutud manga bangsa balina.

02/25.txt

@@ -0,0 +1 @@
+\v 25 Unat memang bana bêrêgunana, sa how kumiit nukum Torat; sumata sahow lumeat nukum Torat, iboho suratnu ahem moho mbaera. \v 26 Jadi sa totumu ata hii sinunat tumutul papangêlêiên nukum Torat, ahii sia anggapên mekêlê karengan totumu apaan sinurat? \v 27 Sa hêlê aho, apaan totumu atahii sinunat, sumata itumulid nukum Torat, apaan itumêlas ihomotahula apaan bana nukum imbêwatih bo sunat, sumata apaan ilumeot nukum Torat.

02/28.txt

@@ -0,0 +1 @@
+\v 28 De apaan iwapakua Yahudi ahiirê sunat apaan be têrus apael inate. \v 29 Sumata totumu Yahudi moeman waaho sia apaah ahii haturu akaYahudia na bo sunat waahom asuang inatê, pael sarani, ahiirê pael nurujo apaan pinuji be sia mahi ahii atotumu awahêm aNingumêlêd.

03/01.txt

@@ -0,0 +1 @@
+\c 3 \v 1 Saheleaho, asiare kalêbêan totumu Yahudi bo asiare bereguna na sunat? \v 2 Tadoo mio, bo asuang pahasa ioho iwamuna-muna : dea awahem komotahula pinerjaya kukua Ningumêlêd.

03/03.txt

@@ -0,0 +1 @@
+\v 3 Jadi kelembisa saatutu hamotahula bana atahii moêman, awa nyaaho akaweraan iaaho mawasondo koemanan Ningumêlêd? \v 4 Sama skali hii pêbalêngên : Ningumêlêd awahem totuu bo pahasa totumu tatwon, kêlê bana bewatih sabohow ihaturu totuu suang pahasa kukuana, bo muautung sahow bêukum”.

03/05.txt

@@ -0,0 +1 @@
+\v 5 Sumata sahii katotuuan ihita mawaturu katotuan Ningumêlêd, da asia anah kita kumua? Hii adil Ningumêlêd siahu kumua kêlê totumu sa sia mawaturu imboroNa? \v 6 Ihua-hua moho hii kêlê kodait kêlê aho, kêlêmbisa na Ningumêlêd mawatepu baoitoba?

03/07.txt

@@ -0,0 +1 @@
+\v 7 umata sa katatuan Ningumêlêd towahu lêbê lumêbês a kaloona, de aho ahu malêng tinêpu kêlê itu totumu imêsêa? \v 8 Awahêm ahii wutul be tudu totumu i papakua, awahêm kita kumua : mahinêm kita tumawoi a tapia, saiboho amaulêng lumebo be Sia”. Totumu kêlê waaho apaan donamangê mahaêrê nukuman.

03/09.txt

@@ -0,0 +1 @@
+\v 9 Yana kêlêmbisa? Banare hita mahasawa akalêbêan de a totumu laêng ? Makêlê ata ihii apaan ambao i hita tinuduh baêtotumu Yahudi baê Yunani, awahêm komotahula pahasa bana andalêm kawasa isalah’h. \v 10 Kêlê wana bêwatih : ahêm moho êm butul, totumu iyaho ahi,

03/11.txt

@@ -0,0 +1 @@
+\v 11 ahêm moho mangatotumu iyaaho utêh maulêng, ahêm moho mangatotumu iyaaho osa’h mangilah Ningumêlêd. \v 12 Pahasa totumu ioho ilumola’h komotahula pahasa ahem bêrêguna, ahem moho tumawoi maulêng totumu iyaaho ahii.

03/13.txt

@@ -0,0 +1 @@
+\v 13 Alogoyong homotahula kêlê kubur a ngu manga nga-nga dila’a hamotahula mêlêpêi-lêpêi semu i hamotahula mawali-wali imbisah. \v 14 Ba’ba homotahula tadoomio saputar balê.

03/15.txt

@@ -0,0 +1 @@
+\v 15 A êê homotahula motiro io mahiyu indaha. \v 16 Kalolohan bo imaturasi homotahula bepaam mio andalan homotahula, \v 17 bo dalan damê hii hamotahula mahailala;  \v 18 kumêlam matalo apaan Ningumêlêd hii ia manga totumu iaho;

03/19.txt

@@ -0,0 +1,2 @@
+\v 19 sumata kita mahailala, awahêm pahasa iaaho ipapa asuang kitab Torat, saiboho hahêtêw ambaba bo pahasa baoitoba hatia andalêm nukuman Ningumêlêd. \v 20 Kawalian ahii manga totumu io amahaêrê akatotuan asaangên Ningumêlêd yanasa i tumulidêm nukum Torat totumu mahailala isea.
+Totumu akatotuan apaan

03/21.txt

@@ -0,0 +1 @@
+\v 21 Sumata yaitalêwê, ahem nukum Torat katotuan Ningumêlêd be wawaturu, kêlê mbewawasairi asuang kitab Torat bo kitab-kitab manga nabi. \v 22 Waaho katotuan Ningumêlêd kamotahula maheman suang Yesus Kristus apahasa totumu a mapêrsaya apaan ahem moho pahisalaan.

03/23.txt

@@ -0,0 +1 @@
+\v 23 Kawalian pahasa totumu i matawaoisea bo de katalaan kalooran Ningumêlêd. \v 24 Ka karua bêlês bêhomba de katotuuan iyehena mio kêlê ana kawalian tinêbusan suang Kristus Yesus.

03/25.txt

@@ -0,0 +1 @@
+\v 25 Kristus Yesus tinatunam Ningumêlêd mamoali dalan kadameian apaan kawahêman, suang dahaNa. Awa i tinaweina tanu mawaturuum kaadil-laNa kawalian sia i lumingo nemoho pinesea-sean de dona mamoali atepo ioho akasabaranNa. \v 26 PanutuunNa waaho tanu wawaturuun kaadilanNa atepo iaii sainiboho haturu awahêm sia totuu bo ka imawatotuum totumu imaheman be si Yesus.

03/27.txt

@@ -0,0 +1 @@
+\v 27 Sahelewaaho asia nde saleinga tanu mapekahi? Alahêm pêdalêhan ioho? Irumalêhêm kawatawoi? Ta sumata irumalêhêm kaêmanan! \v 28 Kawalian kamitahula totuu awahêm totumu atotuu apaan kawahêman, bo ahii apaan sia itumulid nukum Torat.

03/29.txt

@@ -0,0 +1 @@
+\v 29 De banare Ningumêlêd batie Ningumêlêd totumu Yahudi mio? Ahii’re sia toton awahêm Ningumêlêd bangsa-bangsa balina? Ia totuu. Sia dê awahêm Ningumêlêd bangsa-bangsa balina! \v 30 Kele, waaho bana nesa Ningumêlêd, dê kawahêman, kahabogan manga totumu hii sinunat dê kawahêman.

03/31.txt

@@ -0,0 +1 @@
+\v 31 Sa hêlêaho bana rê kamitahula mawasondo nukum Torat de kawahêman? Mekêlê a tahii sinombaiNa, kamitahula imwaeto-io.

04/01.txt

@@ -0,0 +1 @@
+\c 4 \v 1 Yana da sia ona ihua hita tanu Abraham, amang pato’ton jasmani hita? \v 2 De sasi Abraham akabênaran apaan akawatawoi na, iboho sia dona iralêh tanu mêkahi, sumata ahii asasaaengen Ningumêlêd. \v 3 Asia nde behua nas Kitab bayo? “yanasa pahêmanên nangê Abraham be siTuhan, bo Ningumêlêd itumebem nyaaho be sia kêlêituh katotuuan.

04/04.txt

@@ -0,0 +1 @@
+\v 4 sa wana totumu matawoi, tanusia ahii tinebean kêlê be wowalad, sumata tanu sawana. \v 5 Sumata sawana totumu ahii matawoi ta mahêman be sia akatotuuan totumu tapia kawahemanan na atinebem na mamoali katotuuan.

04/06.txt

@@ -0,0 +1 @@
+\v 6 Kêlê hahi iboho Daud ihumua a mekahi totumu akatotuuan Ningumêlêd ahii irumaleh akawatanawoi na: \v 7 mekahi iyo totumu ambeapungan pinesa-seahana, bo kinolobana. \v 8 Mekahiiyo tow de kaseanna hii tinebe Ningumêlêd besia.

04/09.txt

@@ -0,0 +1 @@
+\v 9 Banare behua mekahi iyai bati mamoali totumu sinunat suma hahi bati totumu hii sinunat? De ambehua awahem be si Abraham akawaheman atinebem mio kele katotuuan. \v 10 Asuang nasia nyaaho ahii tinebena? Awesuma nyaaho sia sinunat? Ahii nyaaho sinunat; sumata atalewe.

04/11.txt

@@ -0,0 +1 @@
+\v 11 Bo tanda sinunat nyaaho tinirima kêlê mêtêrai katotuuan be woralêh kawaheman ambeturu na, atalawê sia sinunat. Kele hahi imboho sia mahaere mamoali amang pahasa totumu maheman a tahii sinunat, saiboho katotuuan atinêbênam be hamotahula. \v 12 Bo hahi mamoali amang mangatotumu asinunat, waaho homotahula ahii bati asinunat sumata iaho lumas a kahêmanan i Abraham amang patoton i hita, atinepo sia awê sinunat.

04/13.txt

@@ -0,0 +1 @@
+\v 13 Kawalian ahii apaan nukum torat ambêhâna dandi be si Abraham bo ambêlolosana, awahêm sia dona imahaere baoitoba, sumata a katotuuan beworaleh kawaheman. \v 14 Kawalian sa homotahula bati maharaw ange a nukum Torat, tumirima tanu amberandi Ningumêlêd, pahasa ioho ahem baera kawaheman bo mawasondo berandi na. \v 15 Kawalian nukum Torat i mawalembam borah, sumata bisana tahem bana nukum Torat, biboho ahem mainjo pahisalaan.

04/16.txt

@@ -0,0 +1 @@
+\v 16 Kawalian niaho katotuuan bewaraleh koemanan saimboho kele itu beles behomba, saniboho dandi waaho mamoali apahasa ambelolosan Abraham, ahii bati be homotahula a menonow a nukum Torat, sumata hahi homotahula a menonow a kawaheman Abraham. De Abraham awaheman amang apahasa ihita. \v 17 Kele bana bewatih sihow detinantum mamoali amang. Katadooan bangsa asasaangen Ningumêlêd ka bêsia Sia mahêman waaho Ningumêlêd i mawatow totumu i mate bo imamoalim medengan kukuaNa asia nyaaho tahem mamoali bana.

04/18.txt

@@ -0,0 +1 @@
+\v 18 Mande onah ahem pedalehan tanu maharaw, ta Abraham maharaw wiyo bo maheman awahem sia dona mamoali amang tadoo bangsa, lumas asia nyaaho ikukuaNa kele hahi oho tadoo mio masondo apelolosanna”. \v 19 Emanna ahii mamoali mekawel mande onah sia imahalahem awahem batangana apaan lebe hawel, apaan umura apa ngate-ngaten matusem ataun, bo awahem a tian isara de behaholobem.

04/20.txt

@@ -0,0 +1 @@
+\v 20 Sumata tanu berandi Ningumêlêd sia ahii malikoko apaan atahii akaheman, suma sia bewaworowot asuang kawahemanna bo sia imeloor i Ningumêlêd. \v 21 Medengan tadoo ka perjaan, awahem Ningumêlêd ma kawasa tanu asia nyaaho berandim, \v 22 kawalian niaho waiatinebem besia apaan ka totuuan.

04/23.txt

@@ -0,0 +1 @@
+\v 23 Manga kodait iyai waaho de wai tinebenam be sia,” ahii be watih tanu Abraham ia, \v 24 sumata bewatih hio tanu hita, kaa behita Ningumêlêd i tumebem mio, kawalian nioho maheman be sia, apaan dana imawatow si Yesus, Tuhan ihita, atutu totumu imate, \v 25 waaho abesarakan apaan kasalaan ihita bo bewawatow apaan akatotuuan ihita.

05/01.txt

@@ -0,0 +1 @@
+\c 5 \v 1 Waaho kita a kabênaran apaan kawahêman, kita menonow asuang dame sononoi ka Ningumeled yanasa Tuhan ihita, Yesus Kristus. \v 2 Dêsisia kita dona mahaêrê dalan sumuang a kawaheman apaan bêlês behomba yai asuang bêlês behomba yai hita tumod be mekahi asuang apaharawan dona tumirima kalooran Ningumêlêd.

05/03.txt

@@ -0,0 +1 @@
+\v 3 Bo ahii bati waaho mio. Kita lebe mapêkahi waaho asuang ikatanêdan nio mawalembo a kasabaran. \v 4 Bo kasabaran mawalembo katahangan lepei bo katahangan i lepei mawalembo apaharawan. \v 5 Bo apaharawan ahii imawasêsêl, apaan bêlês Ningumêlêd dona beyuna asuang i nate ihita de tutuh lênas de behomba na be hita.

05/06.txt

@@ -0,0 +1 @@
+\v 6 Kawalian atêpo hita akahawêlan, Kristus dena imatê tanu hita manga totumu tapia atêpo a tinantum a Ningumêlêd. \v 7 Apaan hii ne esa totumu mabog matê tanu totumu atotuu sumata kahi tanu totumu amauleng bana totumu baranei mate,

05/08.txt

@@ -0,0 +1 @@
+\v 8 ta sumata Ningumêlêd itumurum imbelesna be hita, yana sa Kristus dona mate tanu hita atepo hita dalii a sea. \v 9 Lebe-lebe apaan kita iyai talewe dona tinotuuan de dahaNa, kita tatu dona iwawaselamat amboro Ningumeled.

05/10.txt

@@ -0,0 +1 @@
+\v 10 Apaan sare hita, atepo dona mepate, bewawadamemyem karua Ningumeled de pinatean imbataNa, lebe-lebe hita, iyai talewe dona be wawadamena, tantu dona iwawaselamat na de penonowan Na! \v 11 Bo ahii bati ioho kita lebe papekahi asuang Ningumeled de Yesus Kristus, Tuhan ihita de sia kita itumirima pedamean ioho.

05/12.txt

@@ -0,0 +1 @@
+\v 12 Kawalian nioho, mekele sêa dona sumuang asuanga baitoba de esa totumu bo sea ioho hahi meang patean, kêlê aho hahi patêan ioho i lumosong apahasa totumu apaan pahasa totumu itumawoi sêa. \v 13 Awe bana nukum Torat daliim bana sea ambaoitoba. Sumata sea ioho ahii tinêbêan sa ahii bana nukum Torat.

05/14.txt

@@ -0,0 +1 @@
+\v 14 Totuu akêlêaho patean dona kumuasa atepo iyadam ahaa atepo Musa hahi ambao homotahula ahii matawoi sea ka pael amêkêlê apaan atinulid iadam awahem begambarem sia awahem sia mahi. \v 15 Sumata komba Ningumêlêd ahi mêkêlê kasalahan i Adam akawalian nioho kasalahan inesa totumu pahasa totumu behatia suang kahausaan patean, dekang lebe wako hahi bêlês behomba Ningumêlêd bo bêhombana, de imêlêbês io apahasa totumu apaan esatow, waahoo Yesus Kristus.

05/16.txt

@@ -0,0 +1 @@
+\v 16 Bo bêlês behomba ahii mêkêlê bo sêa inêsa totumu. De amawatepu ambao kasalahan nioho iwawaturu um apa tepuun, sumata powaladan kohomba ambao tadoo kasalaan nioho mawawêang katotuuan. \v 17 De sa sea inesa totumu mate dona ahuasaan i nesa totumu io, da lebe totuuhahi homotahula adong i tumirima aka tadoan bêlês bêhomba bo bewowala katotuuan, apaan tumow bo akuwasa yanasa esa totumu iyo waaho Yesus Kristus.

05/18.txt

@@ -0,0 +1 @@
+\v 18 De waaho amêkêlê esa kasalahan pahasa totumu mahaere ukuman, kelehahi dê kawatawoi katotuuan pahasa totumu mahaêrê katotuuan tanu penonowan. \v 19 Yana amekele atahii a koêmanan nesa totumu pahasa totumu dona mamoali totumu mapesea kêlêaho hahi koemanan nesatotumu pahasa totumu mamoali totumu butul.

05/20.txt

@@ -0,0 +1 @@
+\v 20 Sumata nukum iTorat dinohongan saiboho kasalahan mamoali lêbê tadoo : bo isana bana sea lebe karohangan tadoo biboho bêlês behomba mamoali malêbê-lêbês soho, \v 21 saiboho de mekêlê isea kawasa asuang alam patêan, kêlê aho bêlês behomba a kwasa de katotuuan tanu tumow a kaêto, de Yesus Kristus Tuhan i hita.

06/01.txt

@@ -0,0 +1 @@
+\c 6 \v 1 Sa heleaho, da asia pandung ihita ihua? Dona re hita kumuru asuang isêa, saiboho lebe karohangan beles kohomba ioho? \v 2 Sekali-kali ahem ! Ahire hita dona mate tanu sea kelembisa re hita dona mahaere penonowan asuanga? \v 3 Suma ahii mahaila komotahul, awahem kita pahasa awahem binaptis asuang Kristus, de binaptis asuang pinateanna?

06/04.txt

@@ -0,0 +1 @@
+\v 4 Akele aho hita akinuburem medoro-roro bo sisia de binaptis suang kapatêna, saiboho, amêkêlê Kristus bewawatow ew atutu totumu imate de kalooran inamang. Keleaho hahi hita dona tumow suang penonowan ataleya. \v 5 Yana sa hita dona mamoali esa mêdêngan asia amekêlê medengan a pinatêana. Kita hahi dona mamoali esa bo asia mêkêlê atinowana.

06/06.txt

@@ -0,0 +1 @@
+\v 6 Kawalian kita mahala awahem tow etoom dona lumas asinalib, saiboho sea imbatangan i hita hatala kuwasana, saiboho naam kita mamoali atah ioho akasêan. \v 7 De sisêi endona matê sia dona halepot asêa.

06/08.txt

@@ -0,0 +1 @@
+\v 8 Yanasa sa hita dona matê karua Kristus. Kita mahêman awahem kita dona tumow de karua isia. \v 9 Kawalian kita mahala awahêm Kristus, atepo sia tumow atutu totumu imatê, hii matê hahi patêan hii kawasa hahi besia.

06/10.txt

@@ -0,0 +1 @@
+\v 10 De kapatena awahem pinatêan asinaang isea, bati mahasa bo tanu kaeto-eto io, bo penonowanna awahem penonowan tanu Ningumêlêd. \v 11 Keleaho hahi pandunga komotahula ponarehaNa. Awahem kamotahula dona mate tanu sea sumata komotahula tumoe tanu Ningumêlêd asuang Kristus Yesus.

06/12.txt

@@ -0,0 +1 @@
+\v 12 Kawalian ioho pandung isêa naam kawasa hahi asuang batangan nu a fana, sumata komotahula naam kahi lumas kahabogna. \v 13 Bo naa re kamotahula sumarakan pahasa batangannu a sea tanu pinake kele sinapang kawomadeyana, sumata isarakande batangan nu a Ningumeled kele manga totumu a atepo imate, sumata yaitalewe menonow. Bo iyehenu pahasa batangan nu a Ningumeled tanu mamoali sinapang-sinapang katotuuan. \v 14 De komotahula ahii de kahuasaan kahi isea, kawalian komotahula ahiire adalem nukum Torat, sumata andalêm beles kohomba.

06/15.txt

@@ -0,0 +1 @@
+\v 15 Yana kelembisa? Awa hita dona tumawoi sea, yanasa hita ahii a dalêm nukum Torat, sumata adalêm bêlês kohomba? Ahii totuu. \v 16 Awa komotahula hii mahaila awahem kele iaho komotahula imêhê mio imbatangan nu mekele sosiu tanu makiit io, kamotahula awahem sosiu totumu ioho, a tatuu kamotahula moêman bae andalem isea ambinali kamotahula a patêan, bo asuang koemanan ambinali komotahula akatotuuan?

06/17.txt

@@ -0,0 +1 @@
+\v 17 Sumata dumayow re a Ningumeled atêpo dali komotahula sosiu isêa sumata iyatalêwê komotahula mêdêngan entêru i natê dona makiit pahajaren andana i terus behow. \v 18 Komotahula dona wawamerdeka de sea bo mamoali sosiu katotuuan.

06/19.txt

@@ -0,0 +1 @@
+\v 19 Siahuu ihumuamio iyai kele tow apaan kahawêlan komotahula. Dêrê mekêlê komotahula dona imêhêm nemio pahasa batangan nu mamoali sosiu akawêsaêan bo akadurhakaan . Apineang homotahula akadurhakaan, keleaho hahi komotahula iyatalewe musti imêhêm nemio pahasa batangan nu mamoali sosiu katotuuan de imêang homotahula a kalênasan. \v 20 De atepo homotahula binebasêm moho akatotuuan. \v 21 Bo bua nasia ioho be homotahula atiniwu be sia? Pahasa ioho tinulidem mio hamotahula mahahêlam monokia iyai talêwê apaan kahawuan pahasa ioho waaho patêan.

06/22.txt

@@ -0,0 +1 @@
+\v 22 Sumata iyai talêwê andona kamotahula be wawamerdekaaan a sea bo dana homotahula mamoali sosiu Ningumêlêd, komotahula mahaêre bua a meang kamotahula akalênasan bo kêlê kalamusan-na waaho tumow akaeto. \v 23 De baêr sêa waaho patêan; sumata komba Ningumêlêd waaho tumow akaêto asung Yesus Kristus Tuhan  ihita.

07/01.txt

@@ -0,0 +1 @@
+\c 7 \v 1 Awa komotahula hii mahailalah manga morowog de ahu kumua be hamotahula mahailalah io nukum awahem nukum kumuasa ambao manga totumu kaeto totumu ioho tumow?

07/02.txt

@@ -0,0 +1 @@
+\v 2 De esa totumu kinaroang sinogot nukum akaroanga kaeto karoangga ioho menonow. Ta sumata sa karoanga waaho mate binebasem sia anukum ambewawasogot akaro anga ioho. \v 3 Yana kaeto karoanga menonow sia masangka taoedetuh, sasia mamoali karoang manga tuama balina ; sumata sa karonga mate sia binebas a nukum, saniboho sia ahii re mapedetuh de sia mamoali karo ang manga tuama balina.

07/04.txt

@@ -0,0 +1 @@
+\v 4 Waaho, manga morowogku, komotahula hahi dana mate tanu nukum Torat apaan batangan Kristus, saiboho komotahula mamoali sawa totumu balina, waaho sawa isia, adona itumow atutu totumu inate apaan kita immamua tanu Ningumeled. \v 5 Atepo ihita amenonow asuang iketed, akobeaten isea, be wawasohar apaan nukum Torat, tinawoi asuang pahasa batangan ihiita de hita mamua tanu sea.

07/06.txt

@@ -0,0 +1 @@
+\v 6 Sumata iyaitalewe kita dona binebas anukum Torat, de hita dona mate tanu sisia, ihumurung ihita, saniboho hita iyai talewe sumelewir asuang kaadaan taleya kumiit a tutu’h bo ahii suang kaadaan etom kumiit anurup nukum Torat.

07/07.txt

@@ -0,0 +1 @@
+\v 7 Saheleaho, asia re apandung ihita ihua? Aware nukum Torat waaho sea? Ahem moho pebalengena, apaan de nukum Torat siahhu dona mahailala isea de ahu hahi mahaila asia nyaaho kahabogan de nukum Torat hii behuana; “naam ihabog!” \v 8 sumata asuang prenta yai sea mahaere atemponam tanu imawatow asuang imbatangan-ku bali-balina kahabogen : de hii nukum Torat sia mate.

07/09.txt

@@ -0,0 +1 @@
+\v 9 Atepo ahu tumow hii nukum Torat. Ta sumata haworusoho mahiin prentah ioho sea molai tumow. \v 10 Pebalengena ahu mate. Bo prentah atotuu mio meang a penonowan haturu beahu apaan meang apatean.

07/11.txt

@@ -0,0 +1 @@
+\v 11 De suang prentah ioho sea mamate tepona tanu momandei iahu bo dona prentah ioho sisia mamate iyahu. \v 12 Yana nukum Torat awahem lenas bo prentah ioho hahi awahem lenas totuu bo mauleng.

07/13.txt

@@ -0,0 +1 @@
+\v 13 Sahalewaaho banare amaulêng ioho mamoali pinatêan ku? Sama skali ahii sumata saiboho beturu awahêm sia sêa, de sea tinulidêmio a maulêng tanu mawaweangai patêanku saiboho de prentah ioho sea lêbê haturu hahi kaadaanny kêlê sea. \v 14 De hita mahailah, apaan nukum Torat awahem sarani sata ahu gio i keted, bejual andalem kawasa isea.

07/15.txt

@@ -0,0 +1 @@
+\v 15 Deasia atinawoi hu siahu hii mahaila de ahii ahu mabog tumawoi sata asia ahu marêe, waaho ahu tumawoi. \v 16 Yana sa ahu tumawoi asia nyaho tahii ihabog ku siahu setuju mio apaan nukum tahii Torat waaho maulêng.

07/17.txt

@@ -0,0 +1 @@
+\v 17 A hêlêaho ahi ahu hahi a tinawoina, sata sea abana asuang iyahu. \v 18 De kahalaiku apaan asuang iyahu, waaho asuang iyahu kêlêtow, ahahêmoho nya’aho mauleng.

07/19.txt

@@ -0,0 +1 @@
+\v 19 De tahem moho nihabog, ku waaho a maulêng, atinawoi hu kawalian asia ta ahii ahu maboh, waaho atapia siayahu itumulid. \v 20 Yana sa ahu tumulid asia tahii ihabogk, ta hii ahu itumulidêm  sata sea imêtêwêm asuang iyahu. \v 21 Kêlêwaaho ahu mahaêrê nukum iyai : sa ahu mabog iy tumulid asia nyaho maulêng, akatapian nioho bana beahu.

07/22.txt

@@ -0,0 +1 @@
+\v 22 De asuang kahelamaku mabog a nukum Ningumêlêd, \v 23 ta asuang pahasa batanganku ahu milah nukum balina a mongugat lumawah nukum isea bana asuang pahasa batangku.

07/24.txt

@@ -0,0 +1 @@
+\v 24 Sia yahu tow silaka! Siseidona mawalêpot iyahu ambatangan patêan yai? \v 25 Dumayow a Ningumêlêd de Yesus Kristus, Tuhan ihita, yana karua anggiohu ahu sumêlêwir nukum Ningumêlêd, sata karua imbatangan insaniku siahu sumelewir sea.

08/01.txt

@@ -0,0 +1 @@
+\c 8 \v 1 Kele iaho iyaitalewe ahem moho nukuman be homotahula apaan bana asuang Kristus Yesus. \v 2 Tutub imamehem penonowan de imawamêrdêkam komotahula asuang Kristus de nukum isêa bo nukum patêan.

08/03.txt

@@ -0,0 +1 @@
+\v 3 Asia tahii rona tulidênna nukum Torat apaan ahêm daya dê akêtêd, dona tulidêmnioho dê Ningumêlêd. Karua dalan imasiu imBataNa inesa asuang i kêtêd awêkêlê karua kêtêd a kinahuasaan sea apaan sea sia imawatia am anukuman sea asuang ikêtêd. \v 4 Saniboho tututan nukum Torat bêlêkêw ma asuang ihita, ahii mênonow lumas a kêtêd, mamikir io a kêtêd; sata lumas a tutuh. \v 5 De hamotahula a menonow a lumas a kêtêd, mamikir io a kêtêd; komotahula menonow lumas i tutuh, mamikir mio tanuh a tutuh.

08/06.txt

@@ -0,0 +1 @@
+\v 6 De kahabogen ikêtêd awahêm patêan, sata kahabogan tutud awahêm mênonow bo dame sonoi. \v 7 De kahabogan i kêtêd awahêm pêpatêan bo Ningumêlêd, desia hii kumisit a nukum Ningumêlêd, wai dali ahii rona be sia. \v 8 Komotahula menonow asuang kêtêd ahii rona iwêtênaan Ningumêlêd.

08/09.txt

@@ -0,0 +1 @@
+\v 9 Sata komotahula hii menonow a kêtêd sumata asuang i tutuh sa ta tutuh Ningumêlêd mêtêw asuang homotahula. Sumata totumu hii bana tutu’d Kristus sia ahii sawa Kristus. \v 10 Sumata sa Kristus bana bêhamotahula da batangan dali matê apaan isea, sumata tutuh awahêm penonowan yanasa a katotuan.

08/11.txt

@@ -0,0 +1 @@
+\v 11 Bo sa tutud sia, andom imawatow wai Yêsus a tutu’d totumu imatê, mêtêw asuang-asuang homotahula, apaan sia, andona imawatow-wai Kristus Yêsus a tutu’d totumu imatê dê mawatow mêmhahi imbatanganu apona waaho de tutu’Na ka mêtêw asuang komotahula.

08/12.txt

@@ -0,0 +1 @@
+\v 12 Yana, manga morowoku kita awahêm totumu mahawenang. Sata tahii a kêtêd, saniboho menonow lumas a kêtêd. \v 13 De, sa komotahula menonow lumas a kêtêd. Komotahula hahi matê; sata sa tutu’h komotahula imawawatêm patuli-tulidên imbatangannu, komotahula dona menonow.

08/14.txt

@@ -0,0 +1 @@
+\v 14 Pahasa totumu asinopiwi tutu’h Ningumêlêd, awahêm bata Ningumêlêd. \v 15 De homotahula hii i itumirima tutu’h mapauh itumulid kamotahula mamoali matalo hahi, sata komotahula itumirima tutu’h imamoalim komotahula bata Ningumêlêd. Dê tutu’h ioho kita mawasawang yaaba ya amang!”

08/16.txt

@@ -0,0 +1 @@
+\v 16 Tutu’h ioho isumairi medo-roro karua Tutu’h i hita, dê hita awahêm manga wata Ningumêlêd. \v 17 Sa hita kêlê kêdong da hita hahi awahêm ahli waris. Panutuunna manga totumu andona tumirima bewawa-randi. Ningumêlêd andona atirimana mêdo-roro karua Kristus, waaho sa hita tumangkong mêdo-roro ka sisia, saniboho hahi kita bêwe-loorêm medo-roro ka sisia.

08/18.txt

@@ -0,0 +1 @@
+\v 18 Sia yahu totuu apaan itumanggong iyai talêwê wai hii i hawêkêlê a kalooran  ambê wawaturu bê hita. \v 19 Dê karua niit katênêman pahasa pinahiohaan masondo mangawata Ningumêlêd bewawaturuum.

08/20.txt

@@ -0,0 +1 @@
+\v 20 Nde pahasa atinulid akinuasaan atahêm a kawêrugunaan ahii nyaho kahabogaku nêsa, sata kahabog Na, dona kinahuasaanana, \v 21 sata suang apaharawan, apaan atinulid nesa hahi dona iwawa merdekaam ambeatam akotutusan bo mawasuang akawêbasan kalooran manga wata Ningumêlêd. \v 22 Dê hita mahaila, awahêm aha’d iyaiatalêwê pahasa pahiahanun medo-roro panapean bo mêdo-roro mahahêlam mahados mahawata.

08/23.txt

@@ -0,0 +1 @@
+\v 23 Bo ahii bati komotahula hahi, sata kita dona tumirima komba muna itutuh, kita hahi matape a natê ihita sakum masondo natenganna kêlê kedong waaho kawebasan imbatangan ihita. \v 24 De hita bêwawalowiuhan asuang paharawan. Sumata paharawan ambêlilah, ahi’i paharawehahi, de kêlêmbisa totumu doona mapaharaw assia nyahoo ambêlilahna? \v 25 Sumata sa hita maharaw ata hii bêlilah kita sumondoom karua kumudu.

08/26.txt

@@ -0,0 +1 @@
+\v 26 Kêlê aho hahi tutuh itumulung i hita akahawêlan i hita’, de hita hi’i mahaila, kêlêmbisa totuu amasombayang, sumata Tutu’h inêsa masombayang tanu i hita a Ningumêlêd karua panapean a tahii bêhahuam. \v 27 Bo Ningumêlêd sumilu inate bêrêsi’h, amahaila panutuun Tutu’h ioho, waaho sia, hawekêlê, karua kahabogan Ningumêlêd, masombayang tanu manga totumu lenas.

08/28.txt

@@ -0,0 +1 @@
+\v 28 Kita mahaila iyaitalêwê, awahêm Ningumêlêd i tumawoi apahasa ioho tanu mawaruêangai kamaulêngan be homotahula imahales isia waaho homotahula a tiniangem amekêlê pataarem Ningumêlêd. \v 29 De pahasa totumu sinisirna apolaiyan, homotahula tinantuna apahamunan tanu mamoali iwekêlê tokia imbataNa saiboho sia batanaiyaaho, mamoali a pahamunan atutud katadooan i mangawo. \v 30 Bo homotahula a tinatunam apahamunan, komotahula hahi tinianga bo homotahula atiniangem. Komotahulaa hahi akatotuuanNa bo homotahula akatotuuana, homotahula hahi apinêlooranna.

08/31.txt

@@ -0,0 +1 @@
+\v 31 Da asia anah kumua asakum pahasa ioho? Sa Ningumêlêd a tulung i hita, da sisei lumawah i hita? \v 32 Sia hii mahales imbataNa nesa, sumata be henamai be hita i pahasa, kelembisa na osa sia ahii kumomba am apahasa ioho be hita amêdo roro karua isia?