Wed Aug 05 2020 14:36:26 GMT+0800 (Malay Peninsula Standard Time)

01/01.txt

@@ -0,0 +1 @@
+\c 1 \v 1 Êwa’im tatara i Yesus Kristus, ê mbehomba’i Ningumêlêd be-Sia, asna’aho ituru’-Na a manga-sosui-Na asia musti tilaho ihamoali. Bo kiong-Nga ê mbesiu-Na, Bawawatara-Nam besi Yohanes Sosiu-Na. \v 2 Si Yohanes isumairim sakum kukua I Ningumêlêd bo sakum sasairian ê mehe I Yesus Kristus, ê wa’aho asiamange ê pinêlilahnam. \v 3  Maênowêm sia ê niwamacam bo silatuhula ê nimaga’am I manga-kodait tatara wa’i, bo ê malu’it asia ê mbehawatih a suanga, apa-apa’an tepona susutêm.

01/04.txt

@@ -0,0 +1 @@
+\v 4 Be si Yohanes sa moai tanu pitu jema’at a Asia Kecil : Bêlês kohomba’ bo sonouoi ênow malalas be homo-tahula, be siasa moai, ê mbana bo ê mbanam bo ê mainjo mahi, bo a pitu tutuh ê na undior I undoratuhan-Na, \v 5 bo be si Yesus, Sairi mo’eman, ê katare maleng I tumow a tutud I towimate bo maha-imbahut a manga-daja I mbaoitoba. Tanu si Sia, ê mahalês I hita bo ê nimawa-walusêm I norow I hita I ndaha-ndaha-Na. \v 6 Bo ê ni tumulidêm I hita mamoali êsa kaholano’an, mamoali mangabalian tanu Nigumêlêd, Amang-Nya. Tanu siSiam konunga’an bo imbahut ahad koloko-lokona. Ulit.

01/07.txt

@@ -0,0 +1 @@
+\v 7 Pilahên, sia boai karêngan I manga-kambur ba pahasa bêlên mainjo mêlialah I Sia, bohahi silatuhula ê nisumahul I sia. Bo pahasa bangsa a mbaoitoba mainjo tumabi I Sia Ei, Ulit.  \v 8 “Si Ahu awahêm To’tolan bo sepêtan, kukua I Ngêlêdtow Ningumêlêd, ê mbana bo bayam bo ê mainjo mahi, Ê Mpimbahut niit.”

01/09.txt

@@ -0,0 +1 @@
+\v 9 Siahu, si Yohanes, pog bo karuanu a kaipitan, a kaholano’an bo a kahunduan manondo-nondo’ si Yesus, mututun a libuton ê mahangalan Patmos tatawoi I kukua I Ningumêlêd bo sasouirian ê mbetaro I Yesus. \v 10 A nêndo I Ngêlêdtow ahu kinaimbahutan I Tutuh bo ahu imahatanga’ a talihudonku êsa ênu’ mo’arid, keêpo ênu’ I têrumpet, \v 11 kuana: “Asia ê pilahênu, iwatih a nêsa kitap bo ihirim a kawitu jama’at wa’i a Epasus, a Smirna, a Pergamus, a Tiatira, a sardis, a piladelpia bo a Laodikia.”

01/12.txt

@@ -0,0 +1 @@
+\v 12 osa ahu sumeleng. Tanu milah I nênu’ ê nimohodait beahu. Bo sumelengoho ahu, bewawa-wilah be ahu pitu a’e isosoloan mas.  \v 13 Bo a tutud I oho na’e I sosoloan bana nêsatow mêkele bo bata’ I totumu’, malatang juba katangan ahad a na’e, bo da’da’nga kêkêkêdan bokol mas.

01/14.txt

@@ -0,0 +1 @@
+\v 14 Kohongo bo utah-Nya budo’ kêpo mbul budo’io’, bo bêlênNa kêpom nêlab I mbaha. \v 15  Bo a’e – Na mhêndaw kêpom besitambaga I mawaham a papêbaha’an, ênu-Na kêpom nggonggor I nahe I mêluba’ai. \v 16 Bo akamakanoal-Na tumaka-taka’ Sia pitu bintang a mbawa-Na lumua-luai êsa simala têbêl dua wêlêna, bo tokia’-Na sumulo-sulom kêpom korangad I nêndo.

01/17.txt

@@ -0,0 +1 @@
+\v 17 A mahawilahoho ahu I Sia, bahasuma’amio’ ahu a ndior I na’e-Na mêkele wo totumu I mate; sumata’Sia Imao I kama kanoal-Na be abu, osa kumua : “Na’ matalo! Si Ahu awahêm Ê To’tolan bo Ê sapêtan,  \v 18 bo Ê mênonow. Si ahu imatem, sata’ pilahên, si Ahu mênow, ahadkolokolokona bo Si Ahu tumaka-taka’ I pahasa kusi’ I pawate bo kaholano’an I pawate.

01/19.txt

@@ -0,0 +1 @@
+\v 19 Kawalian I aho iwamatih asia ê pinêlilahnum, maulêng ê nimamoali ia’italawe’ suma ê mainjo I hamoali I haleot nai’i.  \v 20 Bo rahasia I kawitu bintang ê mbelilah-Num a kama kanoal-Ku bo kawitu a’e I sosoloan ma wa’aho : kawitu bintang wa’aho awahêm kiong a kawitu jama’at bo kawitu a’e I sosoloan wa’aho êwa’aho kawitu jemaa’at.

01/title.txt

@@ -0,0 +1 @@
+Pasal 1

02/01.txt

@@ -0,0 +1 @@
+\c 2 \v 1 Iwatihêm tanu a kiong I njama’at a Epesus: êwa’im kukua-Na, ê tumaka-taka’ I aho mbintang a kama kanoal-na bo imalepang a tutud I kawitu a’ei sosoloan mas wa’aho.  \v 2 Kailahan-Ku pahasa patawoiênu : maelêng a poloku-lokoanu suma kohunduanu. Kailahan-Ku, awahêm sihow ahu’i êlud a mangatotumu’ ta’pia, awahêm sihow imangêpe’em silatahula ê mapakua sia siou, sumata ê kaulitana ahu’i helewa’aho, awahêm kinoamatanum silatahula tatowon.

02/03.txt

@@ -0,0 +1 @@
+\v 3 Bo sihow imenet êlud bo iamhigon apa’an ngalan-Ku; bo sihow ahi’i mahaêlam palo’. \v 4  sumata’Ahu monero-nero I how, apa’an imêpa’amio kow I mbêlêsnu ê pahamunan. \v 5 Kawalian I aho imunên ime’em karalêmana how bahatia! Matobatêm bo maleng tuliaên asia napahamunan tinulidnu. Sa tahi’i halewa’aho, malengai ahu we how bo injon-Ku ê na’e isosoloanu a totodana, sa how hi’i matobat.

02/06.txt

@@ -0,0 +1 @@
+\v 6 sumata’a wa’i ê mabana wehow ê wa’aho sihow mare’e I pahasa tatawoi I manga-malalas si nikolaus, ê nihare’e-Huy hahi.  \v 7 Sisei maha-talinga, imerot sia tumanga’ asia ê mbehua I tutuh a manga-jema’at; siseiange mahasinggugat, sisia bean-Ku kakanên I tud I katowan ê mbana na taman Pirdaus I Ningumêlêd”

02/08.txt

@@ -0,0 +1 @@
+\v 8 “Bo I wamatihêm tanu kiong injama’at Smirna: Êwa’im kukua I n To’tolan bo A sa pêtan, ê nimatem bo maleng I tumow:  \v 9 kailahan-Ku kaipitanu bo kalêngeianu – sata’ sihow siha’ - bo doros ilatahula, ê mapakua sisia tow I yahudi, sumata’ ê kaulitana hi’i helewa’aho ; saliku’na silatahula awahêm jema’at I tapatena’

02/10.txt

@@ -0,0 +1 @@
+\v 10 Na’ matalo a nasia ê mustinu igonên! Kaulitana tapatena’ mainjo masot tatahulatow a tutud I honotahula a torunggu sani’aho komotahula êpe’an bo komotahula mahaere kasusa’an kaêto’ sangawulu’ ngando. Imerot kow kundu ahad I mate, bo ahu mainjo kumomba’ behow balalugi I katowan.  \v 11 Sisei maha-talinga., imerot sia maha-tanga’a sia ê nihua I Tutuh a magol jema’at: Siset mahasinggugat, sisia ahi’i mainjo mapongigon awa-awa a patean karuana”.

02/12.txt

@@ -0,0 +1 @@
+\v 12 “Bo iwamatiêm tanu kiong I njama’at a Pergamus: Êwa’im kukua-Na, ê mapake simala têbêl bo dua mbêlêna. \v 13 Kailahan-Ku bisana nututunanu, êwa’aho bibuli’, a lesad doratuhan I tapatena’; bo sihow mataha’ a ngalan-Ku, bo sihow hi’i isumakal kawaliemanu be Ahu, bo hahi hi’i a sinêpean I Antipas, sairi-itu, ê kundu be – Ahu, ê mbelimêd a sasa’angên I homotahula, a nututunan I tapatena’.

02/14.txt

@@ -0,0 +1 @@
+\v 14 Sumata’ ahu bana tatahula katanêdan be how a tutudnu  bana tatahulatuw ê malalas a sosusui I Bileanu, ê mapahe tutur’ besi balak tanu mawaureng I tow Israel, sani’aho silatuhula makan I pawasil a mberhala bo mêwêdêtul.  \v 15 kelewa’aho hahi bana mbe-how mangatotumu’ê mataka’ asusui I Nikolaus.

02/16.txt

@@ -0,0 +1 @@
+\v 16 Kawalian I’aho matabeêm ! Satahi’i kelewa’aho, tilahonêm Ahu mahi wehow bo ahu mêrang silatahula teka simala ê na mbaba-Hu wa’i.  \v 17 Sesei mahatalinga, imerot sia managa’ asia nihua I Tutuh a manga-jemaat: siseiange mahasinggugat, be sia mainjo bean-Ku imana dumururu, bo mehe ahu be how batu wudo’, ê na mbaona pati-watihan ngalan telaya, e tahi’i hailahan siseiange, ihawalina a tumirimaisia.

02/18.txt

@@ -0,0 +1 @@
+\v 18 “Bo iwanatuhêm tanu kiong I njama’at a taitira: Êwa’im kukua I mBata’i Ningumêlêd, ê mbêlên-A kêpom nêlab I mbaha bo a’e-Na kêpom besi tambaga;  \v 19 kailahan-Ku pahasa pawatawoiênu: mauleêng bêlêsnu bohahikawahemanu, maulêng kawasalinu bo hahi kahunduanu. Kailahan-Ku, awahêm pinatawoinu a kahadaan lebe tado’o nde a pahamunan.

02/20.txt

@@ -0,0 +1 @@
+\v 20 Sumata’ Ahu menero’ I how, apa’an kow imayai I mbene si Tzebel, ê mapakua sisia balianbene, mawasusui bo mapawa lireng I manga-sosiu-Hu sania’ahomawa-pêdetuh bo mawu-Kan I manga-bewasil a mberhala.  \v 21 Bo imehem Ahu tepo be sia tanu matobat, sumata’sia ahi’i maibog matobat I ndêtuhna.

02/22.txt

@@ -0,0 +1 @@
+\v 22 Pilahên, si Ahu mainjomasot I sia a mbao I nggowot I tow pahadosan bo silatuhula ê mêwê-detuh bo si sia mainjo iwasot-Ku a kasusa’an bako’, sa silatuhula ahi’i matobat a manga-tatawoi I aho mbene.  \v 23 Bo manga-wata’na mainjo iwawa-wate Hu bo pahasajema’at mainjo mahailah awahêm si Ahum  ê nitume’es I kêhê Ahu mainjo malas tanu homotahula a pahasatow ê maki’it a tatawona.

02/24.txt

@@ -0,0 +1 @@
+\v 24 Sata’tanu homotahula, êwa’aho mangatowalina a Tiaatira, ê tahi’i malalas I aho sosusui bo ê tahi’i imasilih asia ê niwapakua ilatahula popotalian I tapatena’, be homotahul kumua Ahu : Si Ahu ahi’i maibog mawalihud tangongan balina be how.  \v 25 Sata’ asia ê mbana wehow, tikêmên ni’aho ahad Ahu mahi.

02/26.txt

@@ -0,0 +1 @@
+\v 26 Bosiseiange suminggugat bo tumulid I tawoiên – Ku mahad a kasapêtana, besia mainyo komba’an – Ku imbahut a manga-bangsa; \v 27  bo sia mainyo paêreta silatahula teka butul besi; silatuhula mainjo pawehên kale kure’ I tapatulid kure – mêkele kele ê tinirima-Hu a numang-Ku- \v 28 bo bisia mainjo komba’an – Ku bintang timur. \v 29 Sisei mahatalinga, imerot sia tumanga’ asia ê nihua I Tutuh a manga-jema’at.

02/title.txt

@@ -0,0 +1 @@
+Pasal 2

03/01.txt

@@ -0,0 +1 @@
+\c 3 \v 1 Bo I wamatihêm tanu kiong I njama’at a Sardis: Êwa’im kukua-Na, ê mahasawa I kawitu Tutuh. Ningumêlêd bo wa’aho kawitu bintang. Kailahan-Ku pahasa pawatawoine : sihow iwwapakua mênonow, kandati how imate!  \v 2 Tumodêm, bo I wawa-rowatêm asia ê toyo’ta’am mate, apa’an alahêmai mande êsa a patuwoiênu kinaeran-Ku tolimomod a ndior I Ningumêlêd-Ku.

03/03.txt

@@ -0,0 +1 @@
+\v 3 Kawalian I aho imunên, kalembisa how itumirimam bo itumanga’isia, ku’itan ni’ahobo matobatêm! Nde sahow hi’i mahia-iaha, si ahu aminyo mau kale totahow ba sihow ahi’i mahailah a tepo mbisa Ahu mêtalwê’ai mahi wehow.  \v 4 Sata’a Sardis bana tatahulatow ê tahi’i imawatatah I lataga; silatahula mainjo lumapang bo si Ahu a malatang budi’, nda silatuhula mêtêna’an tanu kale wa’aho.

03/05.txt

@@ -0,0 +1 @@
+\v 5 Siseinge suminggugat, pêlatungan sia latang budo’ kalewa’aho, si Ahu ahi’i kumusu I ngalana a kitap katowan, sumata’ si Ahu mainjo monge’ei ngalana a ndior I Namang-Ku bo a sasa’angên I manga-kiong-Nga.  \v 6 Seisei maha-talinga, imerot sia mahatanga’ asia ê nihua I tutuh tanu manga-jama’at.

03/07.txt

@@ -0,0 +1 @@
+\v 7 “Bo iwatu hêm tanu kiong I njama’at a piladelpia: Êwa’im ê kukua I Ê Lênas, Ê Nulit, ê tumaka-taka’i kusi’ I Daud; sia sia muha, alahêm ê mahaelei tumakêw; sa sia tumaêw, alahêm ê makaelei muka.  \v 8 Kalilahan-Ku pahasa pawatawoiênu: pilakên si Ahu imuham I mbonang tanu si how, ê tanu’i mata’u itaêw imande êsatow. Kailahan – Ku awakêm korowotanu ahi’i helembisa, sata’ sihow mawaku’it I kukua-Hu bo sihow ahi’i isumakal I ngalan-Ku.

03/09.txt

@@ -0,0 +1 @@
+\v 9 Pilahên, tatahulatow jama’at I Tapatena’, êwa’aho silatahula ê mapakua I sia tow I Yahudi, sata’ ê nulitna ahi’i helewa’aho, sumata’ towo, mainjo iayo-Hu be how, kaulitana si Ahu mainjo masiu silatahula mahi bo ihahêpa’ a sa’angên I na’enu bo mangaku, awahêm Ahu mahelês I how. \v 10 Apa-apa’an kow maki’it akukua-Hu, tanu kundu manondo-nondo’ I Ahu, yanasa si Ahu hahi mainyo muyung I how a nêndo pangêpêan ê malengai I lohow imbaoitoba tanu mangêpe’ silatahula ê maututun a mbaoitoba. \v 11 Si Ahu tilaho mahi. Tikêmên asia ê mbana we how, sani’aho alahêm mande êsatow mindo I mbalaluginu.

03/12.txt

@@ -0,0 +1 @@
+\v 12 siseiange mahasinggugat tulidên-Ku sia mamoali tu’ul ête’ ambele Lênas I Ningumêlêd-Ku bosia alam kahi lumuai wiboho; bo besia patihan-Ku ngalan I Ningumêlêd-Ku, ngalan ikota I Ningumêlêd-Ku, êwa’aho Yerusalem taleya, ê na sorga sa lumolasai a Ningumêlêd-Ku, bo ngalan-Ku taleya.  \v 13 Sisei maha-talinga, imerot sia mahatanga’ asia ê mbehua I Tutuh a manga jema’at”

03/14.txt

@@ -0,0 +1 @@
+\v 14 Bo iwatihêm tanu kiong I njama’at a Laodikia: Ê wa’im kukua ulit, sairi ê kundu bo ulit, tino.toluan I mbengêlêd I Ningumêlêd; \v 15 Si Ahu mahailah I pahasa pawatawoiênu: sihow hi’i utin bo hi’i waso’. Ime’em kamaulêngana sa how utin suma waso’! \v 16 Yanasa nole how ndate, bo hi’i utin sumawaso’, si Ahu mainjo a mba’-ba-Hu mêlua’i how.

03/17.txt

@@ -0,0 +1 @@
+\v 17 Apa’an kow ihumua: siahu siha’ bo siahu imawa-wêsiha’am I ahu mio’ bo siahu ahêm kahurangan wasi-wasia, bo apa’an ahi’i how moho’ita’u, awahêm ahi’i how moho’ita’u, awahêm kow ipit, bo silaka, lêngei, buta bo kêda’ai,   \v 18 Yanasa Ahu meheturu’ behow, sani’aho how tumêlês be Ahu mas ê udinuduwêm a mbaha, sani’aho how mêsiha, bohahi latang budo’, sani’aho latangênu, sani’aho ha’ kawilahan kahêda’aianu ê maha-sokia’an; bo bahi solo tanu sumawu I mbêlênu, sani’aho how do’na mêlilak.

03/19.txt

@@ -0,0 +1 @@
+\v 19 Sasiange nihalês-Ku sia parowên-Ku bo sambêtan-Ku, kawalian iaho iake natenu bo matobatêm.!  \v 20 Pilahên, si Ahu tumotoda ndior imbonang bo tumêkol, sa wana totumu’ mahatnga’ I nênu’-Ku bo muha I mbonang, mainjo Ahu sumuang sumauwisia bo ahu kuman makarua wo sisia; bo sisia iwakarua-Hu.

03/21.txt

@@ -0,0 +1 @@
+\v 21 sisuage suminggugat, iwawaratuh-Kusia makarua wo si Ahu a mboa indoratuhan-Ku, mêkele hahi wo si Ahu imaha-singgugatem bo dumatu-ratuk bo Amang-Ku a mbao I ndoratuhan-Na,  \v 22 siseiange mahatalinga I merot sia mahatanga’ I nasia ê nihua I Tutuh a manga-jemaat.”

03/title.txt

@@ -0,0 +1 @@
+Pasal 3

04/01.txt

@@ -0,0 +1 @@
+\c 4 \v 1 Lumalas bibowa mêlilah aku: kaulitauna, êsa wenang behawulia a sorga bo êniê ê na pahanuman tinanga’kum, kemua we ahu kêpo nênie I turumpet, kuana: kumapetêmoai bo ahu mainjo tumuru’ be how asia musti ihamoali ihaleotoho nia’i. \v 2  Tilahun ahu beamasan I Tutuh bo pilahên, êsa doratuhan behatulid a sorga, bo biboho a udoratuhan dumatu-ratuh Êsatow. \v 3 Bo siseaê mêdatu-ratu boboho a ndona-tuhan kawilahan kêpom kelana yaspis bo kelana sardis, bo êsa duni’ kumêkêkêd I aho ndoratuhan mênda-êndawêm kêpo kelana mata-mata’an.

04/04.txt

@@ -0,0 +1 @@
+\v 4 Bo a tambulehe’ I aho udoratuhan bana ndua nga-wulu’ bo êpat doratuhan, bo a manga-doratuhan wa’aho dumatu-ratuh dua-ngawulu’ bo êpat matu-matu’a, ê malatang budo’ bo balalugi mas kohong I latahula.  \v 5 Bo bilboho a ndoratuhan I lumuai kilat bo genggori kuruhud matana’ bo pitu koheraw mêlalab a sa’angên I aho ndoratuhan, êwa’aho kawitu Tutuh I Ningumêlêd.

04/06.txt

@@ -0,0 +1 @@
+\v 6 Bo a sa’angên I aho ndora-tuhan bana soloyon kaca kêpom mandas, a tutud I aho ndoratuhan bo a tambulehe’na bana nêpat bengêlêd mawuli-wuling I unbêlên, a ndoro’ I sa’angên bo andoro’ I lihud.

04/07.txt

@@ -0,0 +1 @@
+\v 7 Awahêm bengêlêd pertama mêkele kele singa, bo bengêlêd ê karuana mekele kele kedongani sapi, bo bengêlêd ê katêluna mahatokia’ kele tokia’ I totumu’, bo bengêlêd kapatua kêlê mekepad balilangan ê mêlepa-lepad.  \v 8 bo kaêpat beugêlêd ma’ahu êsa-êsa maha-halekeb ênêm, tambulehe’na bo atuluung I suanga mawuli-wuling I mbêlên, bo karêngan I tahi’i sumondo’ silatuhula materewa’ êndo wo wêngi; “ Lênas, lênas, lênaêm ngêlêdtow Ningumêlêd, Ê moimbahut, ê mbanam boêmbana bo ê mainjo mahi.”

04/09.txt

@@ -0,0 +1 @@
+\v 9 bo susud ni’aho manga-bengeled mowalad darayowen, bo sisiri’ bo darayow be sia, e nduma turatuh ambao I aho ndoratuhan bo ê mênonow ahad I koloko-lokona, \v 10 yanasa behahêpam ni’aho ndua ngawulu’ bo epat matu-matu’a andior-na e ndumatu-ratu a mbao i’aho ndoratuhan bo silatuhula moniri’i sia e menonow ahad koloko-lokona. Bo silatuhula I mamasat I mbalalugina a sa’angen I aho ndora tuhan , osa kumua: \v 11 “O ngeledtow bo nigumeled I hamitahula, sittow tena tumirima I ndarayow bo sisiri’ bo imbahut; apa-apa’an sitow ê nimêngeledem I pahasa; bo apa’an I padung-Ngu pahasa I aho bana bo bengeled.

04/title.txt

@@ -0,0 +1 @@
+Pasal 4

05/01.txt

@@ -0,0 +1 @@
+\c 5 \v 1 Yanasa ahu mêlilah a kamahanoal I sia ê nolumaturatuh a mbao i’aho ndoratuhan, sanga-likun kitap, ê pinatihan a suang bo a luara bo sinegel I pitu segel.  \v 2 Bo ahu imêlilak êsatow kiong ê mbangun, ê tumerewa’ karêngan bawakalea, kuana: “ Sisei ê mê tena’an muha i’aho likunan I kitap bo muha I manga-segala?”

05/03.txt

@@ -0,0 +1 @@
+\v 3 sata’a alahemai mande esatow e na sorga suma a mbaoitoba suma a ndalem I toba, e ndo’na mahawulia I likunan I aho kitap suma do’na milah I suanga. \v 4 Yanasa ahu mekae’ ni’it io’ matape apa’an alahemai mande esatow e katamen matema’an tanu muha I likunan I aho kitap sumahahi milah I suanga. \v 5 Osa mohodait e satow biboho a matu matua’a beahu: “na’am kow mekae! Kaulitana singa a mbala I Yehuda, êwa’aho sisina I Daud isuminggugatem, mahad sia dona muha I aho likunan I kitap bo muha i’aho kawitu segela.”

05/06.txt

@@ -0,0 +1 @@
+\v 6 Yanasa ahu mahawilah atutud I ndoratuhan bo kaepat bengeled wa’aho bo a tutud i’aho mangamatu-matua’ tumotod êsa Bata’ I ndomba kepom belusam, mahasapah pitu bo maha-welen pitu: ê wa’ahom e kawitu Tutuh I Ningumeled e mbesiu a sereb I mbao I toba.  \v 7 Osa mahi ni’aho mbata’i domba bo tumirima I aho likunan I kitap a kamaNa ê ndumatu-ratuh a mbao i’aho ndoratuhan.

05/08.txt

@@ -0,0 +1 @@
+\v 8 A moras Sia nindo i’aho likunan I kitap, behasuma’am ni’aho kaepat bengeled bo karua-ngawulu’ bo êpat matu-matu’a a ndior I mBata’ I nDomba wa’ aho, êsa-êsa tumaka-taka’ êsa kacapi bo êsa kowêr mas, mawuli-wuling I manyan êwa’ahom sombayang I manga-totumu’ lênas.

05/09.txt

@@ -0,0 +1 @@
+\v 9 Bo silatahula makatar êsa kahatarên taleya kuana: “ Si how metena’an tumirima i’aho likunan I kitap bo muha I manga segela; apa’an siitow belusam bo teka daha’-Nu sihow itumelesesem silatuhula tanu ningumeled a nesa-esa bala’ bo tutul bo manga-bala bo bangsa. \v 10 bo sihow itumulindem silatuhula imamoali êsa kaholano’an, bo imamoali manga-balian tanu Ningumeled I hita, bo silatuhula mainjo mapereta kele daja a mbaoitoba.”

05/11.txt

@@ -0,0 +1 @@
+\v 11 Yanasa ahu mahawilah bo mahatanga’ ênu’ tado’o I Kiong kumêkêd I ndora-tuhan, manga-bengeled bo matu-matu’a wa’aho; du’utan ; latahula molaksa-laksa bo moribu-ritu laksa,  \v 12 kuana bewakelea: “ Bata I nDomba ê mbelusa wa’aho tumena tumirima I nimbahut, bo kasiaha’an, bo turus, bo korowotan, bo sisiri’ bo konunga’an, bo dara-yowên!”

05/13.txt

@@ -0,0 +1 @@
+\v 13 bo ahu imahatanga’, pahasa bengeled e na sorga bo e na mbaoitoba bo e na saloyon bo pahasa e nasuanga, kumua: “ tanu si sia e ndumatu-ratuh a mbao I ndoratuhan bo tanu Bata’ I nDomba, ewaêm darayowên bo sisiri’ bo konunga’an bo imbahut’ ahad koloko-lokona!  \v 14 Bo kaepat bengeled wa’aho kumua: “ulit”. Bo wa’ahu manga-matu-matu’a behasalikokob bo moniri”.

05/title.txt

@@ -0,0 +1 @@
+Pasal 5

06/01.txt

@@ -0,0 +1 @@
+\c 6 \v 1 Yanasa a melilah wa’aho nbata’ indomba pertama muha a kawitu segel wa’aho, bo mahatanga’ahu e pertama boho a kapat bengeled kumua kepom nenu’ I koruhud: “Mayom !”  \v 2 Bo ahu mahawilah: kaulitana, bana nêsa kawayo wudo’ bo totumu’ ê sumakesake isia tumaka-taka’ êsa pana bo besia pinowaladan êsa balalugi. Osa sia dumior kele imaha-singgugat imangambut I kasinggugatan.

06/03.txt

@@ -0,0 +1 @@
+\v 3 Bo anoras ni’aho mBata I nDomba muha I segel karuanan, mahatanga’ahu bengeled karuana kumua: “Mayom!”  \v 4 Bo dumiorai êsa kawayo walina, êsa kawayo meha’oi’ bororumu’ ê sumake-sake wesia kinomba’an imbahut tanu mindo I sononoi ênow imbaoitoba, ahad silatahula melilimedan, bo besia kinomba’an êsa simalabako’

06/05.txt

@@ -0,0 +1 @@
+\v 5  Bo anoras ni’aho m Bata’ iDomba muha I segel katêluna, mahatanga’ ahu bengeled kateluna kumua: “Mayom!” Bo ahu mahu-wila: kaulitana, bananêsa kawayo wuling bo totumu’ sumake-sake wesia tumaka-taka’ êsa patumbi’an a kamana. \v 6 Bo ahu imahatanga’ kelembana ênênu’ a tutud i’aho kaepat bengeled kumua: “Mahasa I cupa bukeran êsa dinar, bo mahatêlu I cupa njelai êsa dinar sumata’na’am dusakên ni’aho solo bo anggor.”

06/07.txt

@@ -0,0 +1 @@
+\v 7 bo anoras ni’aho mBata’ I nDomba muha I segel kaepatua, mahatanga’ahu ênu’ I mbengeled kaempatna kumua: “Mayom!” \v 8 Bo ahu I melilah: kaulitana, bana nesa kawayo mata’mohero bo totumu’ sumake-sake wisia maha-ngalau si pawate bo kaholano’an I pawate malalasisia. Bo besilatahula bimean kawasa a niwahapat I mbaoitoba tanu niêlimêd teka kobit bo karêngan kale’oan bo limud, bo karêngan manga-biagên ahas ê na mbaoitoba.

06/09.txt

@@ -0,0 +1 @@
+\v 9 Bo anoras ni’aho mBata’ in Domba muha I segel kalimana, melilah aku andalem I mesbah manga-hanalu I lalatula ê mainjo pinate apa’an kukua I Ningumeled bo tatawoi I kawairian ê mbesilatahula. \v 10 Bo silatahula tumerewa’ bewakalea, kuana: “Tahulawe kaêto’an, o mahaimbahut ê lênas bo ulit, sihow hi’i misa’bo malas I ndaha’ I hamitabula be silatuhula ê mututun a mbaoitoba?” \v 11 bo besilatahula êsa-êsa binean êsa jubawudo’, bo silatuhula musti lumêmêt alam êto’ ahad malêkêw Ndu’utan manga-harua masali bo bomanga-wog I latahula, ê mainjo paten mêkele kele silatuhula.

06/12.txt

@@ -0,0 +1 @@
+\v 12 Yanasa ahu mahawilah, anoras ni aho mbata’ I ndomba muha I segel kaenemna, kaulitana behamoalim mangoawa’ ê ta’mêri bo êndo mêbuling kêpom karong I nutah bo bulan imêmeha’ pahasa kêpom udaha’. \v 13 Bo manga-bintang a langit I mêdabasoai a mbaoitoba kêpom kayuara imawa-rabas I manga-bua’na ê mata’ sa sia irandu’ i kakab dêpêt. \v 14 Yanasa I humêsutêm langit kêpom likunan i kitap êmbelikun bo besoyoêm mangadungusan bo manga-libuton a tampana.

06/15.txt

@@ -0,0 +1 @@
+\v 15 Bo manga-daja a mbaoitoba bo manga-towako’ taka mangapatona’asên, bo manga-tosiha’ teka mangatow maha-imbahut, bo pahasa ata teka totumu’ merdeka imêduru a manga-bilahu’ bo manga-êmpang imbatukarang a ndungusan. \v 16  Bo silatahula kumua a mangadungusan bo a maya-batukarang wa’aho: “Ihawiowêm tumênamoai ihamitahula ba iwawa-ruru kamitahula andior-Ra, ê ndumatu-ratuh a mbao I ndoratuhan bo andior I tokia’ i’aho mBata’ I nDomba.” \v 17 nde mbeho’amaêm nêndo wako’ boro’ I latahula bo sisei ê udo’na tumo’unoi?

06/title.txt

@@ -0,0 +1 @@
+Pasal 6

07/01.txt

@@ -0,0 +1 @@
+\c 7 \v 1 Ihaleotoho ni’aku, mêlilah ahu êpat kiong tumotod a kaêpat du’u I mbaoitoba bo silatahula isumukud I kaêpat kakab I mbaoitoba, sani’aho alahêm kakab sumeputai a andarat, suma a saloyon suma a manga-mahatud. \v 2 Bo ahu mêlilah êsatow kiong balina ilumêmbo a pawaliaian I nendo. Sia mape’aweang segel I Ningumeled e menonow; tumerewa sia karengan I nenu’ bawakalea a mepat kiong e mbewasiu tanu medusah I mbaoitoba bo saloyon, \v 3 kuana: “Kanawe’ mêdusah I mbaoitoba suma saloyon suma manga-mahatud atalawe’ kamitahula I sumegel I namo I latahula!”

07/04.txt

@@ -0,0 +1 @@
+\v 4 Bo ahu mahatanga’ du’utan ilatahula ê sinegel wa’aho pahasa bala’ suru I Israel. \v 5 A mbala’ I Yuheda sangawiluluboruan ribu ê singel, a mbala’i Ruben sangawulu’ borua ribu, a mbaka’i Gad sangawulu’ borua ribu, \v 6 a mbala’ I Asyer sangawulu’ borua ribu, a mbala’i Naptali sangawulu’ boruan ribu, a mbalai Manasye sangawulu’bo rua ribu,

07/07.txt

@@ -0,0 +1 @@
+\v 7 a mbala’ I simeon sangawulu’ bo rua ribu, a mbala’ I Lewi sangawulu’borua ribu a mabala’i I Isakhar sangawulu’ borua ribu.  \v 8 a mala’ I sebulon sangawulu’ borua ribu, a mbala I Yusup sangawulu’ borua ribu, a mbalai Benyamin sangawulu’ bo rua ribu.

07/09.txt

@@ -0,0 +1 @@
+\v 9 ihaletoho ni’aho siahuimahawilah: kaulitana, sangaruduan bako’ towtado’o ê tahi’i hatebean katado’oana, a marowalina mbanga bo bala’ bo sanganah bo tutul, tumotod a ndior I ndoratuhan bo andior I mbata’i nDomba, malatang juba wudo’ bo tumaka-taka’ manga-tu’nana I palêm a koma I lalatahula. \v 10 Bo karenan I nenu bewakalea silatuhula tumerewa’ : “ kawia’an tanu Ningumeled I hamitahula ê ndumatu-ratuh a mbao I ndoratuhan bo tanu Bata’i nDomba!”

07/11.txt

@@ -0,0 +1 @@
+\v 11 Bo phasa kiong tumotod tumambu-tambulehe’ I ndoratuhan bo mangamatu-matuah’ bo kaepat bengeled wa’aho, silatuhula beha-hepa a ndior I aho ndoratuhan bo moniri’ I Ningulêlêd,  \v 12 osa kumua: “Ulit! Drayow bo konunga’an, bo kaêluran bo darayow, bo sisiri’ bo kaimbahutan bo korowotan tanu nigumeled ahad koloko-lokoma! Ulit!”

07/13.txt

@@ -0,0 +1 @@
+\v 13 Bo êsatow biboho a matu-matua’a kumua weahu: “siseipo’ silatahula ê malatang jubawudo’ wa’aho bo bisanapo’ sasilata, hula mahi?”  \v 14 Yanasa kuaku besia: “Tuaku, situang mahailahiaho.” osia sia kamuaweahu: “silatuhula wa’i awahêm manga-totumu’ ê nilumuai a kasusa’an bako’ ; bo silatahula imagenmesem I njuba I latahula bo imawawudo’ a sakum I ndaha’ I mbata’ I ndomba.

07/15.txt

@@ -0,0 +1 @@
+\v 15 Kawalian iaho silatuhula tumotod a ndior I ndnatuhan I nigumeled bo masali I sia êndo wowengi a mbale lenas-Na. Bo si sia ê ndumatu-ratu a mboa i’aho ndoratuhan mainjo mawa-welad I ndasing-Nga ambao I latuhula. \v 16 Silatuhula alam nigon I male’o bo hahi kawelaan bo endo suma kose’engan alam kahi tumena silatuhula. \v 17 apa’an mBata’ I nDomba  ê natutud i’aho ndoratuhan, mainjo miaha silatuhula bo matod silatuhula a lumbuhan I nahe kaenowan. Bo nigumeled kumusu I pahasa lue’ a mbêlên I latahula.”

07/title.txt

@@ -0,0 +1 @@
+Pasal  7

08/01.txt

@@ -0,0 +1 @@
+\c 8 \v 1 Bo anoras ni’aho mBata’i nDomba muha I segel kawituna, yanasa imêlaliaiêm na sorga, iêpa’io iwarua ngaoras kaêto’ana.  \v 2 Osa ahu mahawilah kawitu kioang, ê tumotod I ndior I Ningumêlêd, bo be silatuhula binean pitu têrumpet.

08/03.txt

@@ -0,0 +1 @@
+\v 3 Yanasa mahi nêsatow kiong balina, bosia moho tumod susut I mesbah teka êsa pawatutuan I manyan mas. Bo besia binean mayan tado’o tanu iwowalaona mederoro’ teka sombayan I pahasa totumu lênas a mbao I mesbah mas a sa’angên i’aho ndoratuhan. \v 4 Yanasa kumapet ê nobol I mayan mêdo-roro’ teka sombayang I mangatow lênas wa’aho a kama i’aho kiong moho a ndior I Ningumêlêd. \v 5 Osa ni’aho kiong mindo i’aho pawatutuan I mayan, suangana baha I mesbah, bo masot i’aho a mbaoitoba. Yanasa tutohai nênu’ I koruhud, iwalalas I kilat bo mangoawo’

08/06.txt

@@ -0,0 +1 @@
+\v 6 Bo kawitu kiong ê tumaka-taka terumpet wa’aho mateke-tekebêm sumêput I têrumpet.  \v 7 Osa kiong pertama sumêput I têrumpetna bo behamoalim têka eis, bo baha, kêmuhêmuan daha’ ; bo pahasa wa’aho bewasot a mboaitoba; yanasa kinatutuanêm iwatêlu I mbaoitoba bo iwatêlu I manga-mahatud bo imasêungitêm pahasa-oho-oho mata’

08/08.txt

@@ -0,0 +1 @@
+\v 8 Osa kiong karuana semêput I têrumpetna bo bana nêsa kêpom dungusan bako’, ê melalabange I mbaha, betepa a saloyon. Bo inatêlui aho saloyon imamoali daha’,  \v 9 bo mamate iwatêlu I pahasa bengêlêd ê maha-aseng a saloyon bo imatutuseêm niwatêlu I pahasa kapal.

08/10.txt

@@ -0,0 +1 @@
+\v 10 Osa kiong ê katêluna sumêput I têrumpetna bo a laingit dumabasoai êsa bintang bako’, mêlalab kele koheraw, bo dumatung I watêlu imanga-londola bo manga-lumbuhan inahe.  \v 11 Ngalan I aho mbintang Apsintus. Bo iwatêlu I pahasa ahe mamoali apsinbus, bo tado’o totumu’ imamete tawoi i’aho mahe, apa’an imêpêtu’um.

08/12.txt

@@ -0,0 +1 @@
+\v 12 Osa kiong kaêpatna sumêput I têrumpetna bo kinawakuranêm ni watêlu i nêndo bo iwatêlu I mbulan bo iwatêlu I manga-bintang, mahad iwaêluna imêdêdêm bo iwatêlu I kauha’an ahi’i tumêrang bo kelewa’aho hahi ê mbêngi.

08/13.txt

@@ -0,0 +1 @@
+\v 13 Osa ahu mahawilah: ahu imahatanga’ êsa melepad balilangan lumepad a mbêtu’ i langit bo kumua karenên ênu mo’arid: “silaka, silaka, imasilakam silatahula ê mututun a mbaoitoba tatawoi I nênu’ I têrumpet I katêlu kiong balina, ê mainjo sumêputwe’ i terumpetna.”

08/title.txt

@@ -0,0 +1 @@
+Pasal 8

09/01.txt

@@ -0,0 +1 @@
+\c 9 \v 1 Osa kiong kalimana sumeput I terumpetna, bo ahu mahawilah êsa bintang ê mirumabasoai a mbao itoba, bo besia niean êsa kusi’i mboso i kitob i pawate.  \v 2 Yanasa binuha’anam mbonang imboso kitob ipawata wa’aho, osa kumapetai nobol a mboso wa’aho kêpom nobol i papêbaha’an bako’, bo êndo bo baoilangit mêdêndêm I nobol a mboso wa’aho.

09/03.txt

@@ -0,0 +1 @@
+\v 3 Bo biboho a nobol mêluaiai manga-borit a mboaitoba bo be silatuhula binean kawasa kele kawasa I manga-lamu-lamu a mboaitoba.  \v 4 Bo be silatahula behoyow, sani’aho silatahula hi’i mêdusah I mangaoho a mbaoituba suma mangalumolulun sumahahi manga-tudikayu, sumata’ bati’ totumu’ ê tahêm segel I Ningumêlêd a namosia.

09/05.txt

@@ -0,0 +1 @@
+\v 5 Bo silatahula bewonga’e ahi’i tanu mamate I totumu’ sumata’ bati’ kumulêng silatuhula lima-nga ulan kaêto’ana, kuhulêng wa’aho kele kuhulêng I lamu-lamu siasia sumehed I totumu’  \v 6 Bo a tepo wa’aho manga-totumu’ mainjo mangilah pawate, sumata silatahula ahi’i mahasauwisia, bo silatuhula maiog mate, sumata’ pawate lumolahai be silatuhula.

09/07.txt

@@ -0,0 +1 @@
+\v 7 Bo gio iaho manga-borit mêkele kele kawoyo ê mbetekeb tanu papêraugan, bo a mbao I kehong I latuhula bana nêsa keleitu balalugimas, bo tokia’i lata-hula mêkele wo tokia’ I totumu’, \v 8 bo utah I latahula mêkele wo utah I mbene bo ba’ang I latuhula mêkele bo ba’ang isinga, \v 9 bo adadah I latahula mekele wo latang besi, bo ênu’i kalekeb I latuhula kêpom nonggor I manga-kareta ê pakosen tado’o kawayo, ê mêlola-lolah moho a lesad I peperangan.

09/10.txt

@@ -0,0 +1 @@
+\v 10 Bo wai I latahula mêkele wo lamu-lamu bo bana sosehedna, bo a suang I nuri I latehula wa’aho bana kawasa I latahula tanu mawa-ados I totumu’, lima nga-ulan kaêto’ana. \v 11 Bo daja ê nimêreta silatahula êwa’aho kiong a kitob I pawate, ngalana atutul I Ibrani si Abadon bo atutul Yunanai si Apolion. \v 12 Silaka a pahamunan kbehalewatêm. Ja’i talewe’ mainyo lumalas duawe’ kahi silaka

09/13.txt

@@ -0,0 +1 @@
+\v 13 Osa kiong kaênêmua sumêptu i têrumpetna, bo ahu mahatanga’ êsa ênu lumuai a nêpat sapah I mêsbah mas ê na ndior i Ningumêlêd, \v 14 bo kumua a Kiong kaênêmua ê tumaka-taka’ turempet wa’aho: “Ilêpotêm nêpat kiong ê nisogosogot a tai londola wako’ Efrat wa’aho.” \v 15 Yanasa belêpotêm nêpat kiong ê sinadia tanu jam bo êndo, bulan bo ta’un tanu mamate iwatêlu I mangatow totumu’

09/16.txt

@@ -0,0 +1 @@
+\v 16 bo du’utan I sururaho wa’aho duangawulu ribu laksa mahusar; ahu imahatanga’ I ndu’utan I latahula.  \v 17 Yanasa kelewa’ahom ahu imilah a pêlilahen wa’i manga-hawayo bo manga-totumu’ ê sumake-sake I sia; silatahula malatang latangbesi, meha’i mbana bo bulow bo kera I mbalelang kêlurna; kohong Iaho manga-kawayo mêkele wo kohong I singa bo a mbana ilumuai baha, bo obol bo belelang.

09/18.txt

@@ -0,0 +1 @@
+\v 18 Tatawoi ia’i têlu kasilaka’an pinate iwatêlu imanga-tow êwa’aho tatawoi imbana, bo obol bo balelang, ê nilumuai a mbabana.  \v 19 Apa’an imbahut imanga-hawayo wa’aho kaerean a suang I mbana bo a suang I nurina. Apa’an urima mêkele wo ulah; silatahula maha-halong bo teka I kohong I latahula wa’aho silatuhula mawawêdusah.

09/20.txt

@@ -0,0 +1 @@
+\v 20 Sumata’ totumu’ balina, ê tahi’i imate I aho kasilaka’an, ahi’i hahi mawêdis a tatawoi I kama I latahula : silatahula ahi’i sumondo’ maponiri I manga-tutuh ta’pia bo manga-berhala mas bo pera, a tambaga, batu bo kayu ê hati’i mahawilah suma mahatanga suma malapang,  \v 21 bo silatuhula hi’i matobat a papêlimêndan, sihri, pêdêtuhan bo katahowan.

09/title.txt

@@ -0,0 +1 @@
+Pasal 9

10/01.txt

@@ -0,0 +1 @@
+\c 10 \v 1 Bo ahu mahawilah êsatow kiong balina ê morowot a sorga sa lumolos, sapu-saputeên I kambur, bo duni’bana nambao I kohonga bo takia’na mêkelwo êndo, bo a’ena kêpom tu’ul baha.  \v 2 A kamana sia kumêkêkêm êsa likunan kitap kisit ê muha-wuha. Sia imawatando’i na’e-hanoalna a saloyon bo a’e-holodina a mbaoitoba.

10/03.txt

@@ -0,0 +1 @@
+\v 3 Bo sia tumerewa bewakalea kele singa I manguang. Bo ihaworusoho sia nitumerewa, wa’aho pitu koruhud mawatanga I mêrutna.  \v 4 Bo ihaworusoho ni’aho pitu koruhud behaom mênunu’, mapandung ahu matih i’aho, sumata mahatanga’ahu ênu a sorga kumua: “Isegelêm asia ê mbehua i’aho pitu koruhud bo na’am kow matih i’aho!”

10/05.txt

@@ -0,0 +1 @@
+\v 5 Bu diong ê mbelilahku tunotod a mbas I soloyon bo ambaoitobe, mailang I kawa hanoala a langit, \v 6 Bo sia iwasupa tanu si Sia ê nênonow ahad kaêto-êto’na, ê ninêngêlêdêm i langit bo pahasa suanga, bo baoitobe bo paluasa ruanga, bo saloyom bo pahasa suanga, kuana: “alam kehi ê niharotyot! \v 7 Sumata’ anaras nu’i têrenupet i kiong kawituna, êwa’aho sa sia sumeput i têumpetna, Yonasa, i nainji lekewen tinepuau i mbetahu’ i ningemeled, kale ê umbehilia nam a manga sosiu-Na, ê wa’aho moanabi”.

10/08.txt

@@ -0,0 +1 @@
+\v 8 Bo ênu ê tinanga’kum a langit osa mahi wa’aho, kumuahahi weahu, kuana: “Mohonêm, indou likunan i kitap muha-wuha a kama i kiong, ê tumotod a saloyon bo a mbaoitoba wa’aho.  \v 9 Osa ahu mohoa kiong wa’aho bo mangelei wesia, sani’aho sia mehe i aho likunan i kitap beahu. Kuana weahu: “Indonêm bo kanênêm sia; tuliêna tianu mahahelam petu’, sumata’a mbabanu kahêlaman sia êma kele biluh.”

10/10.txt

@@ -0,0 +1 @@
+\v 10 Osahu mindo iaho kitap a kamaiaho kiong, bo kumanisia, tianku kahaleman mêpêtu’.  \v 11 Yanasa kumua sia weahu: “sihow musti maleng mawatara a tado’o mbangsa bo a sanganah bo tutul bo daja”

10/title.txt

@@ -0,0 +1 @@
+Pasal 10

11/01.txt

@@ -0,0 +1 @@
+\c 11 \v 1 Lumalas bineanêm ahu sanga-londolan naog kuanamolo kele butul sosokad, karêngan i kodait ê wa’i : “Tumodêm bo sokadenem i mbale Lenas i Ningumeled bo mesbah bo silatuhula ê ma’ibadah a suanga.  \v 2 Sata’ isaketai lesad i mBale Lênas a tulung i luar, na’am kow sumokadisia, nde sia mbehem a bangsa-wangsa walina bo silatuhula mainjo mohembang i kata Lênas êpat-nga-wulu’ bo rua nga-ulan kaêto’ana.”

11/03.txt

@@ -0,0 +1 @@
+\v 3 Bo ahu mainjo mehe tawoiên a ndua sairi-Hu, sani’aho silatuhula mano-buat kerêngan i matapa, sanga-ribu dua nga-tus ênêm nga-wulu’ Kaêto’ana. \v 4 Silatuhula awahêm dua nga-tud saitun bo dua a’ei sosoloan ê tumotod a ndior i Ngêlêdtow i lohow i kayoba’an. \v 5 Bo sabana totumu’ ê mapandung kumulêng silatuhula, lumuaiai mbaha a mbaba i latahula mawasêngit i pahasa sehed i latuhula. Bo sa bana totumu’ ê mapandung kumulêng silatuhula, yanasa totumu’ wa’aho musti mate kelewa’aho.

11/06.txt

@@ -0,0 +1 @@
+\v 6 Silatuhula maha-rowot tumakêw a langit, sani’aho alam mêkad têka kaêtosilatahula manobuat; bo silatahula maharowot a lohow i nahe tanu malui-isia mamoali olaha’, bo tanu makur i mbaoitoba bo lohow i manga-silaka, atebe silatuhula mapandung-i’aho.  \v 7 Bo sa silatuhula imawahaom i sasairian i latahula, yanasa biangên ê nilumuaioai a kitab i pawate, mainjo sumaru silatuhula bo mawa-sese osa mêlimêled silatuhula.

11/08.txt

@@ -0,0 +1 @@
+\v 8 Bo bangke i latahula mainjo iwao-waomio’ a têmbêran i kotawako, ê mi’it a kawaheman iwapakua sodom bo masir, bisana siNgêlêdtow kahi bahalawati i latuhula.  \v 9 bo manga-totumu’ a moro-bangsa bo bala’a bo tutul bo sanganihan, mêlilah i mbangke i latuhula kuburên.

11/10.txt

@@ -0,0 +1 @@
+\v 10  Bo silatahula ê mututun a mbaoitoba mobeat bo mêkahi’ sakum silatahula wa’aho bo mapesta bo mapê-kiriman pêrêseng, apa’an ni’aho ndua nabi totumu’ ê mutu-utun a mbaoitoba. \v 11 Têlu wo-wêta’ ngando lumalas sumolong tutuh katowan i Ningumêlêd be silatuhula, mahad silatahula tumod bo pahasatow ê melilah silatahula imatalomio. \v 12 12Bo mangatolumu’ wa’aho maka-tanga’ êsa êno mo’arid a songa modi kumoa be silatahula : “ Kumapetemoai!” osa silatahula mangapet i langit sinapuat i kamber, sinapuat i kamber, sinairian mangakasehed i latahula.

11/13.txt

@@ -0,0 +1 @@
+\v 13 Anokas wa’ahoimangoawo’om dêpêt bo iwa_sangawulu’ tihad i aho kota behaweru’, bo pitu-ngo-ribu totumu’ i mamete i aho mangoawo’ bo manga totumu’ balina imatalomio’, osa maponunga i Ningumêlêd a sorga.  \v 14 Silaka karuana behaleotêm: pilahên, silaka katêluna tilaho lumalas.

11/15.txt

@@ -0,0 +1 @@
+\v 15 Osa kiong kawituna sumeput i terumpetna, bo kinatanga’an manga-enu’ mo’arid a sorgakana : “ Pakolano’an a mbaoitoba taka-taka’an i Ngeledtow i hita bo sisia ê tinutu-Na , bo sia mainjo mapêreta kele daja mahad kaêto-êto’na.”

11/16.txt

@@ -0,0 +1 @@
+\v 16 Bo karua-nga-wulu’ bo êpat matu-matu’a, ê ndumatu-ratuh a ndior i Ningumêlêd a mbao i ndoratuhan i latuhula, behahêpa bo moniri’ i Ningumêlêd,  \v 17 karengan kumua: “Kamitahula kumua dayow be-How, o Ngêlêdtow, Ningumêlêd, Ê mahaibahut, ê mbana bo ê mbanam, apa-apa’an sittow itumahuwên i kaimbahutan nu ê mbako’ bo itumo’tolêm mapênreta kele daja,

11/18.txt

@@ -0,0 +1 @@
+\v 18 bo pahasa bangsa imobaro’om sata’ boro’-Nu imahim bo arasên tanu manga-totumu’ imamatem isi’an bo mehetêndan a manga-sosiu-Nu, manga-nabi bo manga-totumu lênas bo besilata hula ê matalo i ngalan-Nu, a manga-tohisit bo manga-towako’ bo tanu mawa-wotutus i mbaitoba.”

11/19.txt

@@ -0,0 +1 @@
+\v 19 Yanasa behawuham ê mpoale Lênas i Ningumêlêd a sorga, bo kinawi lahanêm piti i ndarandian-na a suang i mBale Lênas wa’aho bo behamoalim kilat bogongori koruhud bo bangguang bo têka eis dêpêt.

11/title.txt

@@ -0,0 +1 @@
+Pasal 11

12/01.txt

@@ -0,0 +1 @@
+\c 12 \v 1 Yanasa belihahem esa tanda’bako’ a langit: Esa wene makukung êndo, teka bulan a mbawa’ i na’ena bo êsa balalugii sangawulu’ orua mbintang a mbao i kohonga.  \v 2 Sia mahali-alim bo a nimbulu bo papongingonêna a nimbulu bo papongigonêna a mahawata’an sia mapauasawang i kaadosan.