Tue Jul 21 2020 13:44:19 GMT+0800 (Malay Peninsula Standard Time)
This commit is contained in:
commit
5d022bb672
|
@ -0,0 +1,3 @@
|
|||
\c 1 \v 1 Awa’i sina’u i Yesus Kristus, suru i Daud, suru i Abraham.
|
||||
\v 2 Si Abraham mahawata’ si Ishak. Si Ishak sumurumai Si Yakub. Si Yakub mahawata’ si Yehuda bo mangawognga.
|
||||
\v 3 Si Yehuda mahawata’ si Peres bo si Zerah be si Tamar. Si Peres mahawata’ si Hezron. Si Hezron mahawata’ si Ram.
|
|
@ -0,0 +1,3 @@
|
|||
\v 4 Si Ram mahawata si Aminadab. Si aminadab mahawata’ si Nahason. Si Nahason mahawata’ si Salmon.
|
||||
\v 5 Si Salmon mahawata’ si Boas be si Rahab. Si Boas mahawata’ si Obed be si Rut. Si Obed mahawata’ si Isai.
|
||||
\v 6 Si Isai mahawata’ si raja Daud. Si Daud mahawata’ si Salomoa karoang si Uria.
|
|
@ -0,0 +1,3 @@
|
|||
\v 9 Si Uzia mahawata’ si Yotam. Si Yotam mahawata’ si Ahas. Si Ahas mahawata’ si Hizkia.
|
||||
\v 10 Si Hizkia mahawata’ si Manasye. Si Manasye mahawata’ si Amon. Si Amon mahawata’ si Yosias.
|
||||
\v 11 Si Yosia mahawata’ si Yekhonya bo mangawognga a sêpe i mbeaneian a mBabel.
|
|
@ -0,0 +1,3 @@
|
|||
\v 12 Ihalewet mbeaneian a mBabel si Yekhonya mahawata’ Sealtiel. Si Sealtiel mahawata si Zerubabel.
|
||||
\v 13 Si Zerubabel mahawata’ si Abihud. Si Abihud mahawata’ si Elyakim. Si Elyakim mahawata’ si Azor.
|
||||
\v 14 Si Azor mahawata’ si Zadok. Si Zadok mahawata’ si Akhim. Si Akhim mahawata’ si Eliud.
|
|
@ -0,0 +1,3 @@
|
|||
\v 15 Si Eliud mahawata’ si Eleazar. Si Eleazar mahawata’ si Natan. Si Natan mahawata’ si Yakub.
|
||||
\v 16 Si Yakub mahawata’ si Yusuf karoang i Maria, ê nimahawata’ si Yesus ê patoton Kristus.
|
||||
\v 17 Yana du’utan bana : sangawulu bo êpat kasuru-suru be si Abraham mahad be si Daud, sangawulu bo êpat kasuru-suru be si Daud mahad mbeaneian a mBabel, bo sangawulu’ bo êpat kasuru-suru a mbeaneian a mBabel mahad si Kristus.
|
|
@ -0,0 +1,2 @@
|
|||
\v 18 Tinawon i Yesus Kristus awahêm kelewa’i : A sêpê i Maria, inang-A, mêkamaulêng bo si Yusuf, behahua sia mahali-ali sakum i Tutuh Lênas, a talawe, si landua imênonow kele makaroangan.
|
||||
\v 19 Apa’an si Yusuf karianga, êsatow êlud nate bo ahi’i mabog mawata’pia i ngalan i karoanga a ndior i pahasa, mapandung sia tumaredisia karêngan i kaêtê-têw.
|
|
@ -0,0 +1,2 @@
|
|||
\v 20 Sumata’ a sakum sia monili-nilih i aho pandung, malaekat i Tuhan belia’nga a niwi bo kumua : “Yusuf suru i Daud, na’ kow matalo mindo si maria kele karoangu, nde kedong a pahali-alina awahêm behe i Tutuh Lênas.
|
||||
\v 21 Mahawata’sia kedong tuama bo iwêngalan Sia si Yesus, apa’an si Siam ê mawawia i tow-Na a norowi latahula.
|
|
@ -0,0 +1,2 @@
|
|||
\v 22 Sakum wa’aho ihamoali saniboho lêkêwêm ê mbehukua i Tuhan be nabi:
|
||||
\v 23 kaulitana, wa’aho mangala’un mahali-hali bo mahawata’ai êsa hedong tuama, bo iwêngalan ilatahula Sia imanuel” ê mêkele wo : Ningumêlêd mahalas i hita.
|
|
@ -0,0 +1,2 @@
|
|||
\v 24 Ihawolohamai ambo’ona, si Yusuf kumi’it kele i pinêreta iaho malaikat i Tuhan be sia. Bendona si Maria kele karoanga.
|
||||
\v 25 Sumata ahi’i imêsawatangan bo si Sia mahad sia mahawata’ai i mbata’na tuama bo si Yusuf mêngalan i i Sia Yesus.
|
|
@ -0,0 +1 @@
|
|||
Pasal 1
|
|
@ -0,0 +1,3 @@
|
|||
\c 2 \v 1 Ahadêm si Yesus behatowai a Betlehem a toba i Yudea kasêpe i ndaja Herodes, mangahi mangatotumu, a ndoro Bahe’a Yerusalem,
|
||||
\v 2 bo mapêta’an : “bisana Sia, daja i tow i Yahudi ê wa’aho mbehatowe’mai? Imilahêm kamitahula i mbintang-A a ndoro’ Bahe? Kamitahula mahimoniri ‘ i Sia.”
|
||||
\v 3 A katanga’anoho i raja Herodes êni’aho, behahombo’ai sia teka lohow i Yerusalem.
|
|
@ -0,0 +1,3 @@
|
|||
\v 4 Osa sinêsênam pahasa imam kapala bo toutêh a Torat i tow i Yahudi, osa pinangeleina katerangan be silatahula, bisana ê towan i Mesias.
|
||||
\v 5 Kua i latahula we sia : “A mBetlehem a toba i Yudea, apa’an kelewa’ahom bana mbehawatih a suang i kitab i nabi:
|
||||
\v 6 bo sihow Betlehem, toba i Tudea, sihow ahi’i hêmoho ni’it i kisit a nêsa’an be silatahula a makolano’ i Yehuda, apa’an behowêm ê lêmboan i nêsa tow makolano’, ê momilag i tow Hu Israel.”
|
|
@ -0,0 +1,2 @@
|
|||
\v 7 Osa karêngan i kaête-têw si Herodes tumiang i aho mangatow i Majus bo karêngan i silsilah tuma’an be silatahula, ka isam pinêilahan iaho mbintang.
|
||||
\v 8 Osa sia masiu silatahula moho mBetlehem, kuana : “ moho bo pangita’un mau-maulêng a sakom wa’aho kedong bo tilaho a kaereanoho i homotahula Sia, iabarai we ahu sanihobo siahu hahu moniri i Sia.”
|
|
@ -0,0 +1,2 @@
|
|||
\v 9 A mahatanga’oho i mangahodait iaho ndaja, matang silatahula. Bo pilahên, bintang ê wa’aho pinêilah i latahula bi bahe’ mamuna we silatahula ahad nihoamat bo sumondo’ a mbao i lesad, a mbisana mbana niaho kedong.
|
||||
\v 10 A kawilahanoho i latahula niaho mbintang, imêkahi’imio’ silatahula.
|
|
@ -0,0 +1,2 @@
|
|||
\v 11 Yana sumuang silatahula wiboho a suang i mbale bo milah i aho kedong karua i Maria, inang-A, osa kumuru moniri’i Sia. Silatahula hahi muha i lesad i mangahukuwna bo mawalad i powalad be Sia, awa’aho mas, manyan bo mur.
|
||||
\v 12 Bo apa’an bewawaturu’ a niwi, saniboho na’ malengoho we si Herodes, yana maleng silatahula a ndo’onga mêbe a andalan balina.
|
|
@ -0,0 +1,3 @@
|
|||
\v 13 Matangoho hiaho mangatow i Majus, malaekat i Tuhan pilahên i Yusuf a niwi bo kumua : “Tumodêm, indon niana kedong teka i ninang-A, lumolahêm moho a Masir osa sumondo’io’ biboho ahad ahu kumua wehow, ênde si Herodes mangilah iana Kedong manutu’ lumimêd i Sia.
|
||||
\v 14 Yanasa tumod si Yusuf, indona niaho kedong teka i ninang-A a mbêngimio i aho, osa kumêndus a Masir,
|
||||
\v 15 bo mêto’op’ biboho ahad si Herodes mate. Ê wa’aho behamoali saniboho malêkêwêm ê mbehukua i Tuhan be nabi : “A Masir tiangêy-Ku mBata’Ku.”
|
|
@ -0,0 +1 @@
|
|||
\v 16 Kailahanoho i Herodes, awahêm sia pinêtondeiêm i aho mangatotumu’ i majus, mare’emio sia. Osa sua masiu mêlimêd i pahasa heding a mBetlehem bo sakumêna, wa’aho mangahedong mahaumur dua ngata’un osa iwa-wa’, mêtêna’an bo tepo ê kinailahana a mangatotumu’ i majus wa’aho.
|
|
@ -0,0 +1,2 @@
|
|||
\v 17 Karêngan iaho malêkêwêm kukua ê mbehukua i nabi Yeremia:
|
||||
\v 18 kinatanga’ anêm nunu’ a rama, kae’ bo isod ê tapemio’ ; si Rahel mapêkae i mangawata’na bo ahi’i sia mabog lêpeiên, apa’an silatahula alanêmoho.”
|
|
@ -0,0 +1,3 @@
|
|||
\v 19 A matemoho si Herodes, malaekat i Tuhan pêilahên i Yusuf a niwi’ a Masir, kuana:
|
||||
\v 20 Tumodêm, indonêm niana kedong teka i ninang-A bo matangêm moho a toba i Israel, apa’an silatahula ê mapandung lumimêd iana kedong, imatêm”.
|
||||
\v 21 Osa si Yusuf kahi tumod, beindona niaho kedong teka i ninang-A osa moho a toba i Israel.
|
|
@ -0,0 +1,2 @@
|
|||
\v 22 Sumata’ a tanga’anamoho, awahêm si Arkhelaus imamoalim daja a Yudea i sumaol si Herodes, amanga, matali sia moho wibonge. Apa’an besani a niwi, imohomange si Yusuf a sakumên i Galilea.
|
||||
\v 23 Inaho’ama’na moho wibonge mutun sia a nêsa kota mahangalan Nazaret. Sakum wa’aho behamoali saniboho lêkêwêm kukua êmbehukua i manganabi, awahêm Sia patoton Tow i Nazaret.
|
|
@ -0,0 +1 @@
|
|||
Pasal 2
|
|
@ -0,0 +1,3 @@
|
|||
\c 3 \v 1 Atepo wa’aho si Yohanes pembaptis tumod a padang tolandus i Yudea osa sumahai:
|
||||
\v 2 “Tumobatêm, ênde kaholano’an i sorga susutêm!”
|
||||
\v 3 kaulitana si Siam ê mbewanutu’ i nabi Yesaya a kakuana: “Bana nunu’ i totumu’ mane-nerewa’ a padang tolandus: Elurênêm ndalan tanu si Tuhan ; londolênêm ndalan tanu si Sia”.
|
|
@ -0,0 +1,3 @@
|
|||
\v 4 Si Yohanes malatang jubah bul i unta wokol bolulang, bo pakanêna borit bo biluh a talun.
|
||||
\v 5 Yanasa mahi we sia mangatow i Yerusalem, a kêsan i Yudea bo a kêsan i lukad tapirig i Yordan.
|
||||
\v 6 Osa karêngan i monge’e i sea’na silatahula binaptis i Yohanes a londola i Yordan.
|
|
@ -0,0 +1,3 @@
|
|||
\v 7 Sumata’a milah sia tado’o tow parisi bo tow Saduki mahi baptisên, kumua sia we silatahula : “Ei komotahula i suru i nulah dumerehe’. Siseiêm nihumua we komotahula, awahêm komotahula doro’na momorus a mboro’ ê niha-ahi?
|
||||
\v 8 Yanasa mamua’ange’bua’ iwêtêna’an pêtobatan.
|
||||
\v 9 Bo na’am dumeken, awahêm komotahula doro’na kumua a suang i natenu: Si Abraham awahêm amang i hamitahula ! Ênde ahu kumua we homotahula : Ningumêlêd do’na mawa-moali kedo-heding tanu si Abraham a mangawatu wa’i!
|
|
@ -0,0 +1,3 @@
|
|||
\v 10 Boliung sinadiam a namut i kayu bo a sanga-sanga tud kayu ê tahi’i mehe wua’ ulit tubangên bo irupul mbaha.
|
||||
\v 11 Si ahuh mabtis i homotahula i nahe maindo tanda’ i pêtobatan, sumata si Sia ê mahi lamalas be ahu ni’it moimbahut nde ahu bo siahu ahi’i iwêtêna’an lumoput i sapatu-Na. Si sia mahi maptis i homotahula i Tutuh Lênas bo i mbaha.
|
||||
\v 12 Iwataw a kama-Nam. Si Sia mahi mêrêsi i pakomoan-A osa sumêsên i nggandum-Na a suang i nggodong, sumata’ samut i kimuan ia’ho tutun-A a mbaha ê tahi’i hawatean”.
|
|
@ -0,0 +1,3 @@
|
|||
\v 13 Yana mahim si Yesus a ngGalilea moai a Yordan be si Yohanes tanu baptisêna.
|
||||
\v 14 Sumata’ si Yohanes sumukud i Sia, kuana : “Siahu ê pêrêlu baptisên-U, osa si How ê moai we ahu?
|
||||
\v 15 Osa si Yesus sumowat, kuaNa we Sia: “Mande nia’i ihamoali, apa’an kelewa’ahom tutula kita mawalêkêw i pahasa pandung i Ningumêlêd”. Bo si Yohanes kahi kumi’it i Sia.
|
|
@ -0,0 +1,2 @@
|
|||
\v 16 Pahawaptisênoho, si Yesus tilaho i lumuai a nahe osa a norasio’ waaho hahi langit ihawuyat osa sia. Mahawilah Tutuh Lênas kele melepad mombo mekad a mbaoNa,
|
||||
\v 17 osa katanga’anange nunu’ a sorga nihumua: “Wa’im mBataKu ê nihalêKu; be Siam Ahu mêtêna’an”.
|
|
@ -0,0 +1 @@
|
|||
Pasal 3
|
|
@ -0,0 +1,4 @@
|
|||
\c 4 \v 1 Yanasa si Yesus balin i Tutuh moho a padang tolandus tanu wangêpe’an i niblis.
|
||||
\v 2 Osa, mahawogindisoho êpat-nga-wulu’ nga-ndo bo êpat-nga-wulu’ nga-wêngi, a mahad male’om si Yesus.
|
||||
\v 3 Osa mahi ê niaho tapatena’ osa humua we-Sia: “Sa How Bata’ i Ningumêlêd, pêretanêm saniboho nia’i mangawatu mamoali roti”.
|
||||
\v 4 Sumata sumawot si Yesus : “bana niwati-watih : Totumu’ menonow ahi’i wati’ a roti mange, sumata’ a pahasa kukua i lumuai a mba’ba i Ningumêlêd”.
|
|
@ -0,0 +1,2 @@
|
|||
\v 5 Ahad i aho iblis mali i Sia moho a kota suci osa mêpa’ i Sia a mbung i mBale i Ningumêlêd,
|
||||
\v 6 osa humua we Sia: “ Sa how Bata’ i Ningumêlêd, iteleboho mbatangan-U a ndalêm, apa’an bana niwati-watih : A sakum si How pêretaNa mangamalaeka’Na osa silatahula mahi sumambat i How a palad i kamana, saniboho a’e-Nu na’am ihatukui a mbatu”.
|
|
@ -0,0 +1,3 @@
|
|||
\v 7 Si Yesus kumua we sia : “Bana hahi niwatih-watih : Na’am kow mangêpe’ si Tuhan, NingumêlêdNu”,
|
||||
\v 8 osa niblis mali i sia hahi a mbao i ndungusan matatangio’
|
||||
\v 9 osa mawawonarah be Sia: “Pahasa iaho iehehum be-How, sa How sumalimbuhu sumiri’ i ahu”
|
|
@ -0,0 +1,2 @@
|
|||
\v 10 Yanasa kumuam si Yesus besia : “sumenggot tapatena’! Apa’an bana niwati—watih : Sihow mulit sumiri’ si Tuhan, NingumêlêdNu, osa bati be Sia mange how mabakti!”
|
||||
\v 11 Osa si tapatena’ mêpa’ange i Sia, bo seren, mangamalaekat mahi mongimoh si Yesus.
|
|
@ -0,0 +1,2 @@
|
|||
\v 12 Sumata’ a katanga’anoho i Yesus, awahêm si Yohanes tiniho’om, kumêndusoho Sia a ngGalilea.
|
||||
\v 13 Mêpa’ange Sia i Nazaret osa mêtêwio’ a Kapernaum a sili’ i luah, a lukad i Zebulon bo si Naftali,
|
|
@ -0,0 +1,3 @@
|
|||
\v 14 aniboho lêkêwêm kukua mbehua i nabi Yesaya:
|
||||
\v 15 “Tana’ i Zebulon bo tana’ i Naftali, têmbêran moho a saloyon, tapirig i na tetela’ i londola Yordan, Galilea, lukad i mangabangsa walina,
|
||||
\v 16 bangsa ê mênonow a karêndêman, imêilahêm i keraw bako’ osa tanu silatahula imututun a ndo’ong uyu-uyungên i pawate, i lumêmbom keraw”.
|
|
@ -0,0 +1 @@
|
|||
\v 17 Tu’os tepo i aho si Yesus masahai : matobatêm ende kaholano’an i sorga susutêm!”
|
|
@ -0,0 +1,3 @@
|
|||
\v 18 Osa a mêlapa-lapang si Yesus matapirig i luah Galilea, mêlilah Sia dua tow mapog, awa’aho si Simon êpatoton Petrus, bo si Andreas, pog-nga. Silandua samantara malolombo a luah, apa’an silandua tapalolombo’ i nda’.
|
||||
\v 19 Si Yesus kumua we silandua : “Ayom, lumasêm i-Ahu, bo komondua indoy-Ku tapalolombo’ i totumu’
|
||||
\v 20 osa silandua hahi tilaho i mêpa’ange i lolombo’na bo mahalas i Sia.
|
|
@ -0,0 +1,2 @@
|
|||
\v 21 Osa ihaworusoho wiboho Sia belilaNga hahi dua tow mapog, awa’aho si Yakobus bata’ i Zebedeus bo si Yohanes pog-nga, karuru i namang i landua, Zebedeus, mawu’tu-wu’tul i lolombo’ a suang i mbolutu. Si Yesus tumiang si landua,
|
||||
\v 22 osa silandua tilahom imêpa’ange i mbolutu bo amanga, osa mahalas i Sia.
|
|
@ -0,0 +1,3 @@
|
|||
\v 23 Si Yesus kahi makêkêd a sêrêb i ngGalilea; si Sia mapêngajar a mangawale waibadatan bo masahai i Kukua i kaholanoan i Ningumêlêd teka mapawatala i pahasa mahados bo kahawelan a tutud aho mbangsa.
|
||||
\v 24 Yanasa beharerem sahai sakum si-Sia a sêrêb i Siria osa binalimai pahasa totumu’ ta’pia paela, ê mahigon i moromahados bo dorot, ê papongaluman, ê mboringongotên bo ndupende, osa si Yesus imawamaulêng silatahula.
|
||||
\v 25 Yanasa tow tado’o malulu-lulut i Sia. Silatahula a ngGalilea wo Dekapolis sa mahi, bo a Yerusalem bo Yudea bo a tetela’ i Yordan.
|
|
@ -0,0 +1 @@
|
|||
Pasal 4
|
|
@ -0,0 +1,4 @@
|
|||
\c 5 \v 1 A pêilahênoho i Yesus ni aho tow tado’o, momao sia a mbao i libuton osa dumatuhoho Sia, mangahi mangamuriNa we Sia.
|
||||
\v 2 Si Yesus kahi molai mohodait bo mapêngajar silatahula, kuaNa:
|
||||
\v 3 “Maênowange totumu’ ê lêngei a sa’angên i Ningumêlêd apa’an silatahula ê mahasawa i kaholano’an i sorga.
|
||||
\v 4 Maênowange totumu’ ê manape-nape, apa’an silatahula mahi iborên.
|
|
@ -0,0 +1,4 @@
|
|||
\v 5 Maênowange totumu’ ê moêmengio’, apa’an silatahula ê mahasawa i mbao i toba.
|
||||
\v 6 Maênowange totumu’ ê male’o wo hawêla’an i kaulitan, apa’an silatahula iwawawêde’.
|
||||
\v 7 Maênowange totumu’ mo’imun natena, apa’an silatahula mahaere koimunan.
|
||||
\v 8 Maênowange totumu’ bayo matena apa’an silatahula mahawilah i Ningumêlêd.
|
|
@ -0,0 +1,2 @@
|
|||
\v 9 Maênowange totumu’ mapawasononoi, apa’an silatahula panoton mangawata’ i Ningumêlêd.
|
||||
\v 10 Maênowange totumu’ ê kinulêng apa’an i kaulitan, apa’an silatahula ê mahasawa i kaholano’an i sorga.
|
|
@ -0,0 +1,2 @@
|
|||
\v 11 Maênowange homotahula, sa apa’an si-Ahu komotahula sinero’ bo dina’i bo be homotahula tinena’an pahasa ê ta’pia.
|
||||
\v 12 Mêkahi’ bo mobeatêm, apa’an lawunu bako’ a sorga, apa’an kelewa’aho pinêda’im manganabi ê na muna i homotahula.
|
|
@ -0,0 +1,2 @@
|
|||
\v 13 Komotahula awahêm asin i mbao i toba. Sa niaho nasin mêtêwang, asia malêng mawawo’asin i sia? Alannêmoho torona iwalina nitia’ bo tumidan i tow.
|
||||
\v 14 Komotahula awahêm keraw i mbao i toba. Kota iratu-ratuh a mbao i ndungusan ahi’i monah iharuru.
|
|
@ -0,0 +1,2 @@
|
|||
\v 15 \v 16 Osahahi totumu’ ahi’i tumutu a sosoloan osa ituli’na a ndalêm i mbatang, sumata’ a mbao i kaki dian mahad ihaheraw i pahasa totumu’ biboho a suang i mbale.
|
||||
Kelewa’ahom merotange kerawnu sumulo a sasa’angên i tow; saniboho silatahula mêlilah i tatwaoinu ê maulêng bo mêdayow i namangu a sorga”.
|
|
@ -0,0 +1,2 @@
|
|||
\v 17 Na’am komotahula kumatam, awahêm ahu mahi tumala i lala’ut i Torat suma kitab i manganabi. Mahi ahu ahi’i tumala i sia, sumata’ maindo lumêkêw i sia.
|
||||
\v 18 Ende aku kumua wehow : kaulitana kaeto’ alawe behatambulala langit bo bao i toba ia’i, sangawis suma sangatitigahe alahêm niwawatala a lala’ut i Torat, satalawe’ pahasa wehamoali.
|
|
@ -0,0 +1,2 @@
|
|||
\v 19 Wa’aho kawalian sisei ê mawatala i nêsa’an pêreta i lala’ut i Torat mande ni’it i kisitio’, bo masusui helewa’aho a tow walina, sia iharatuh a lesad ni’it oi mbehen a suang i kaholano’an i sorga; sumata’ sisei ê mawatulid bo mawasusui i mangawêreta i lala’ut i Torat, sia iharatuh a lesad matatang a suang i kaholan’an i sorga.
|
||||
\v 20 Yanasa ihua-hu wehow: sa towan i kaagama’anu ahi’i lebe ulit nde towan i kaaamaan i mangatoutêh i Torat bo mangaparisi, kaulitana homotahula ahi’i ihasuang a suang i kaholano’an i sorga.
|
|
@ -0,0 +1,2 @@
|
|||
\v 21 Komotahula itumanga’am ê mbehekua we nawo-nawo’ i hita : Na’ mêlimêd; sisei ê mêlimêd mulit u’kumên.
|
||||
\v 22 Sumata’ si Ahu kumua wehow: Êsa-êsa ê totumu’ mare’e i pog-nga mulit u’ kumên; sisei ê kumua a pognga : Kaper! Mulit iwêsa’ang ngGohuta i nAgama bo sisei ê kumua : Samêh! Mulid iwêkaroho a suang i naraka kumulu-kulubange.
|
|
@ -0,0 +1,2 @@
|
|||
\v 23 Apa’an wa’aho sa how mowalad i powala’nu mbao i mesbah bo how mahaimun i nawa-awa ê na suang i nate i pogngu wehow,
|
||||
\v 24 iêpa’io’ powala’nu a ndior ia’ho mesbah bo moho mêsononoiwe’ bo wogngu, osa sumomba’ i mahi mowalad i aho powala’nu.
|
|
@ -0,0 +1,2 @@
|
|||
\v 25 Tilahomange sumononoi bo hasarunu kaeto’ kow makaru-karuawe’ boo sisia a tutud i ndalan, saniboho niaho kasarununa’ tumaro i how a nggola’tung osa wa’aho nggola’tung tumaro i how a kumaruana osa sihow iwawaruwa’ a torunggu.
|
||||
\v 26 Si Ahu kumua wehow: kaulitana sihow ahi’i ihaluai wiboho, satalawe’ kow imaer i mbênangu ahad lêkêw.
|
|
@ -0,0 +1 @@
|
|||
\v 27 Komotahula itumanga’am i kukua: Na’ mêdêtuh. \v 28 Sumata si Ahu kumua wehow: Êsa-êsa totumu’ ê tumotong bene osa maewe’ i sia, imêdêtuhêm bo sisia a suang i natena.
|
|
@ -0,0 +1,2 @@
|
|||
\v 29 Yanasa sa bêlênu a kanoal mawaureng i how, su’sun bo itia’am niaho, apa’an lebe maulêng behow sa êsa a nitingan i mbatanganu ndusah nde batanganu iente-enteru iwasotoho a naraka.
|
||||
\v 30 Bo sa kamanu a kanoal mawaureng i how, powotên bo itia’am niaho apa’an lebe maulêng behow sa êsa a nitingan i mbatanganu ndusah nde mbatanganu mente-enteru sumuang a naraka.
|
|
@ -0,0 +1,2 @@
|
|||
\v 31 Bahukuam kahi : Sisei ê mawatared i karoangan mulit mehe surat cere we sia.
|
||||
\v 32 Sumata’ si Ahu kumua wehow : Êsa’an totumu’ ê mawatared i karoanga songad apa’an nêdetuh, si sia mawawêdêtuh i karoanga; bo sisei ê kumaroang bo wene ê mbewawataradêm, sisia imêdêtuh.
|
|
@ -0,0 +1,3 @@
|
|||
\v 33 Komotahula itumanga’am kahi ê mbehukua a nawo-nawo’ i hita: Na’ mawasupa towo, sumata’ tikêmên supanu a ndior i Tuhan.
|
||||
\v 34 Sumata’ si Ahu kumua wehow: Na’am mahasa masupa, maulêng na ngalan i langit, apa’an langit doratuhan i Ningumêlêd,
|
||||
\v 35 suma a ngalan i mbaoitoba, apa’an baoitoba kohêmbangan i na’e-Na, suma-hahi a ngalan i Yerusalem, apa’an Yerusalem kota i kolana’ bako’; na’am kahi how masupa a ngalan i kohongu, apa’an sihow ahi’i mahasipapa mawasudo’ suma mawawuling i songoiting nutah.
|
|
@ -0,0 +1,2 @@
|
|||
\v 36 sa eyêm, pandungên i homotahula ihua : eyêm; sa ahi’i, pandungên i homotahula ihua: ahi’i. Asia ê nihaleot biboho a pana’pia’an sa mahhi.
|
||||
\v 37 Komotahula itumanga’am kukua: Bêlên têbus bêlên bo ba’ang têbus ba’ang. Sumata’ si Ahu kumua wehow: Na’am komotahula sumaru i totumu’ itumawoi ta’pia wehow, sumata’ siseiange.
|
|
@ -0,0 +1,2 @@
|
|||
\v 38 Komotahula itumanga’am kukua: Bêlên têbus bêlên bo ba’ang têbus ba’ang.
|
||||
\v 39 Sumata’ si Ahu kumua wehow: Na’am komotahula sumaru i totumu’ itumawoi ta’pia wehow, sumata’ siseiange sumepe' i piwi hanoalu, iehe-hahi wesia piwi holodinu.
|
|
@ -0,0 +1,3 @@
|
|||
\v 40 Bo a totumu' ê mapandung mahata' u i how apa'an maewe' i latangu, iehemange-hahi njuba'ngu.
|
||||
\v 41 Bo siseiange lumêse' i how lumapange êsa-mil karekang, lumapangange iwakaruana dua mil karekang.
|
||||
\v 42 Mehe a totumu' ê mangelei wehow bo na'am tumulud i totumu' ê maibog tumombêng behow. hehow bo na'am tumulud i totumu' ê maibog tumobêng behow.
|
|
@ -0,0 +1,3 @@
|
|||
\v 43 Komotahula itumanga'am kukua: ihalêsange kahelenu totumu' bo ihare'e kasehe'nu.
|
||||
\v 44 Sumata' si Ahu kumua wehow: Ihalêsange kasehe'nu bo sumobayangange tanu silatahula nihumulêng i homotahula.
|
||||
\v 45 Apa'an kelewa'aho komotahula maindo bata-wata' i Namangu a sorga, niwawaluai i nêndo tanu tow ta'pia bo tow maulêng bo mawaêkad têka tanu totumu' ulit bo totumu' sea'.
|
|
@ -0,0 +1,3 @@
|
|||
\v 46 Sa homotahula mahalês i totumu' mahalês i homotahula, asia ê nupagngu? Hi'indom tapasa'aw i cukai kahi mawakelewa'aho?
|
||||
\v 47 Bo sa homotahula bati-ange mawasiri'i mangawogngu asiam lebena a tinawoi i tow walina? Hi'indom totumu' ahi'i mahahilala i Ningumêlêd kahi mawakelewa'aho?
|
||||
\v 48 Kawalianoho mulitange homotahula tolimonod, kelehahi amangu a sorga awahêm tolimomod.
|
|
@ -0,0 +1 @@
|
|||
Pasal 5
|
|
@ -0,0 +1,2 @@
|
|||
\c 6 \v 1 “Imunên, na’ komotahula tumulid i kawajiban i agamamu a sa’ angên i tow saniboho seren i latahula, ênde sa helewa’ aho, komotahula ahi’ mahaere upag be Namangu a sorga.
|
||||
\v 2 Yanasa sa how mehe wowalad, na’ am kow tumerewa’ sakum wa’ aho, kele pawatulidên i tow kaliut a mangawale pawaibadatan bo a mangalorong, saniboho silatahula dayowên i tow. Si Ahu kumua wehow: Kaulitana silatahula imahaerem i nupa’ nga.
|
|
@ -0,0 +1,2 @@
|
|||
\v 3 Sumata’ sa how mehe wowalad, na’ am kailahan i kama holodinu asia ê tinulid i kama hanoalu.
|
||||
\v 4 Merotoho niaho powala’ nu ihaehe haêtêtêw, yanasa Amangu ê mêlilah i ndumururu mehe bowalas behow.”
|
|
@ -0,0 +1,3 @@
|
|||
\v 5 “Bo sa homotahula sumombayang, na’ am sumombayang kele totumu’ kaliut. Silatahula maibog mawapakua i sombayangnga karêngan matod a mangawale waibadatan bo a mangawolenggo’ an i têmbêran, saniboho silatahula seren i tow. Si-Ahu kumua wehow: Kaulitana silatahula imahaerem i nupa’ nga.
|
||||
\v 6 Sumata’ sa how sumombayang, sumuang a suang i kamaru, itakêw mbonang osa sumombayang be Namangu ê na lesad iru-ruru. Yanasa Namangu ê mêlilah i niru-ruru mehewalas behow.”
|
||||
\v 7 Osahi biboho a sombayangu na’ am komotahula melaya-layah kele kanaraman i totumu’ ahi’ i mahahilala i Ningumêlêd. Kuanange i latahula awahêm apa’ an katado’ oan i kodait a sombayangnya do’ na kawonge’ ean.
|
|
@ -0,0 +1,3 @@
|
|||
\v 8 Yanasa’ na’ am komotahula hele silatahula, apa’ an Namangu mahailah asia ê pêrêlun i homotahula, atalawe’ komotahula mengelei we-Sia.
|
||||
\v 9 Apa’ an wa’ aho sumombayangange helewa’ i : Amang i hamitahula a kaumbungan, podayowênange ngalan-Nu,
|
||||
\v 10 Moaiêm kaholano’ an-U, ihamoalimange pandung-U a mbao i toba kele a kaumbungan.
|
|
@ -0,0 +1,3 @@
|
|||
\v 11 Beanai hamitahula a nêndo inia, kakanên i hamitahula ê niharoro’
|
||||
\v 12 bo apunganai hamitahula a kasea’ an i hamitahula, kele hamitahula hahi imapung a totumu’ imêsea’ behamitahula
|
||||
\v 13 bo’ am mali i hamitahula a pêtena’ an, sumata’ ilopotai hamitahula sakumên i ta’ pia. [Apa’ an Sihowêm ê maha-kaholano’ an bo imbahut bo konungaan ahad i koloko-lokona. Amin.]
|
|
@ -0,0 +1,2 @@
|
|||
\v 14 Apa’ an sa homotahula mapung i kasea’ an i tow, Amangu a sorga mehe apung behow hahi.
|
||||
\v 15 Sumata’ sa homotahula ahi’ i mapung i tow, yanasa Amangu hahi ahi’ i mehe apung a kasea’ anu.”
|
|
@ -0,0 +1,3 @@
|
|||
\v 16 “Bo sa homotahula mapuasa, na’ am leho tokia’ nu kele totumu’ kaliut. Silatahula malui i nggio i tokia’ na, saniboho tow mêlilah awahêm silatahula mêpua-wuasa. Si Ahu kumua wehow: Kaulitana silatahula imahaerem i nupagnga.
|
||||
\v 17 Sumata’ sa homotahula mapuasa, solonange kohongu bo beresin tokia’ nu,
|
||||
\v 18 saniboho na’ am pilahêm i tow awahêm kow mêpua-wuasa, sumata’ bati Amangu ê na lesad iru-ruru. Yanasa Amangu ê mêlilah i niru-ruru mehe bowalas behow.”
|
|
@ -0,0 +1,3 @@
|
|||
\v 19 “Na’ am komotahula mamêsah i narta a mbaoitoba; a mbaoitoba êgat bo ta’ ikayong mêdusah iaho bo totahow mahi mobuhai osa tumahowi’ aho.
|
||||
\v 20 Sumata’ semêsênêm tanu sihow arta a sorga; a sorga êgat bo ta’ ikayong ahi’ i medusah iaho bo totahow hi’ i mahi mobuhai osa tumahow iaho.
|
||||
\v 21 Apa’ an bisana mbana nartanu, biboho hahi ê natenu.
|
|
@ -0,0 +1,3 @@
|
|||
\v 22 Bêlên awahêm koheraw i mbatangan. Sa bêlênu mauleng, ihaheraw lohow i mbatanganu;
|
||||
\v 23 sa bêlênu ta’ pia, dêndêm kahi lolow i mbatanganu. Yanasa sa heraw ê mbehow dendem, me’ e ndêndênga i karêndêman iaho.
|
||||
\v 24 Ahêm mande êsatow doro’ na mata a ndua awo’. Apa’ an sa hele wa’ aho, dume’ e i nêsa bo mêlês i mbalina, suma sia mceman mata’ u mata be Ningemêlêd bo be mamon.”
|
|
@ -0,0 +1,2 @@
|
|||
\v 25 “Apa’ an wa’ aho Ahu kumua wehow: Na’ am maliang i katowanu, awasia ê kanên i homotahula suma luku’ un, bo ma’ am kahi maliang i mbatanganu, awasia ê latangên i homotahula. Hi’ indom niaho katowan mbanamai torona ênde kakanên bo batangan mbanamai torona ênde latang?
|
||||
\v 26 Ponarahên mangamelepad a langit, ê tahi’ i mawalulumbo bo ahi’ i mêwênguwu’ bo ahi’ i mawasêsên i mbalun a nggodong, sumata’ pawean kan i namangu a sorga. Hi’ indom komotahula ê ni’ it mana-wana a mangamelepad wa’ aho?
|
|
@ -0,0 +1,3 @@
|
|||
\v 27 Siseiêm a nêsa’ an be how ê napa’ an kaliangana dona mawarohang sangaloasange a tutul i katowana?
|
||||
\v 28 Bo ndeaho homotahula saliang i latangên? Tu’ tulanange mbungang bakung a mbondoi, ê nitumou hi’ imai matawoi bo hi’ imai makendong,
|
||||
\v 29 sata’ Ahu kumua wehow: Si Salomo asakum pahasa kasiha’ anamange ahi’ i malatang kele halo’ orang i nêsa’ an a mbungang wa’ aho.
|
|
@ -0,0 +1,2 @@
|
|||
\v 30 Yanasa hele wa’ aho Ningumêlêd imawalo’ or i noho a mbondoi, ê na nêndo inia bana bo sando itia’ a mbaha, ahi’ indom Sia mindo wehawana hahi mawalo’ or i homotahula, ei totumu’ ahi’ i totoh maheman?
|
||||
\v 31 Apa’ an wa’ aho na’ am komotahula maliang bo humua: Asiam ê kanên i hamitahula?
|
|
@ -0,0 +1,3 @@
|
|||
\v 32 Pahasa iaho eren i mangabangsa ê tahi’ i mahahilala i Ningumêlêd. Ta’ sumata’ amangu ê na sorga mahailah, awahêm komotahula mapêta’ ar i pahasa iaho.
|
||||
\v 33 Sumata pengereype’ kaholano’ an i Ningumêlêd bo kaulitana, yunasa pahasa iaho iwawarohang behow.
|
||||
\v 34 Kawalian iaho na’ am komotahula maliang i nêndo sando, apa’ an êndo sando bana kasusaana i nêsa. Kasusaan i sangando tênamio’ tanu sangado.”
|
|
@ -0,0 +1 @@
|
|||
Pasal 6
|
|
@ -0,0 +1,2 @@
|
|||
\c 7 \v 1 “Na’ komotahula gumola’ tung, saniboho homotahula hi’i gola’ tungên.
|
||||
\v 2 Apa’ an karêngan i pagola’ tungan ê nindon i homotahula hi’ i gola’ tungên bo sosokad ê niwasokad i homotahula, isokad kahi wehow.
|
|
@ -0,0 +1,3 @@
|
|||
\v 3 Ndeahondom kow mahawilah i songoitung a mbêlên i pogngu, sedangndom mbalah a suang i mbêlênu ahi’ i ho’ ita’ uanu?
|
||||
\v 4 Kelembisandom kow do’ na humua a pogngu: Iehemai siahu mawaindo iana songoiting a mbêlênu, saraimbo bana mbalah a suang i mbêlênu.
|
||||
\v 5 Ei tow kaliut iwawaindowe’ mbalah a mbêlênu, yunasa how mahawilah totu’ u mawaluai iaho songoiting a mbêlên i pogngu.”
|
|
@ -0,0 +1 @@
|
|||
\v 6 “Na’ komotahula mehe i narta lênas a mbaled bo na’ komotahula mowasot i mutiaranu a tiei, saniboho hi’ i wohêmbangana i na’ ena, osa sia sumaliku’ mêdayat i homotahula.”
|
|
@ -0,0 +1,4 @@
|
|||
\v 7 7Mangelei, yanasa sihow kawean; mangere, yanasa komotahula mahaere; têkolên, yanasa mbonang buha’ an tanu sihow.
|
||||
\v 8 Apa’ an sanga-sanga (sasanga) tow ê mangelei, tumirima bo sasanga tow mangere, mahaere bo sasanga tow tumêkol, tanu sisia bonang buha’ an.
|
||||
\v 9 Awawana nêsa’ an behomotahula ê mehe watu a mbata’ na, sa sia mangelei roti,
|
||||
\v 10 suma mehe ulah, sa sia mangelei da’?
|
|
@ -0,0 +1,2 @@
|
|||
\v 11 Yanasa homotahula ê ta’ pia mahailah mehe bewehe ê maulêng a mangawata’ nu, nambon namangu ê na sorga! Si Sia maindo mehe ê maulêng be silatahula ê mangelei we-Sia.”
|
||||
\v 12 Pahasa asiamange ê papandungên i homotahula tulidên i tow be homotahula, tulidên kele wa’ aho hahi be silatahula. Wa’ ahom suang i sakumên i lala’ ut i Torat bo pahasa kitab i moronabi.
|
|
@ -0,0 +1,2 @@
|
|||
\v 13 Sumuangêm mebe a mbonang kisêl wa’ aho, apa’ an moang mbonang bo bêladên têmbêran ê mogamat a kotutusan, bo tado’ o totumu’ sumuang mebe wiboho;
|
||||
\v 14 apa’ an kisêlêm mbonang bo kênêngêm ndalan ê mogamat i katowan, bo toyo’ totumu’ ê mahaere iaho.”
|
|
@ -0,0 +1,3 @@
|
|||
\v 15 Mahatuh a moronabi towo ê mangahi wehow karêngan tumotalang kele domba, sata’ kaulitana silatahula awahêm serigala ahas.
|
||||
\v 16 A mbua’ nam komotahula maindo mahahilala silatahula. Awaro’ na totumu’ tumiwu’ bua’ i nangor a mangamahawatoh suma bua’ i nara a noho watoh?
|
||||
\v 17 Kele sa’ ahom êsasa ngatud maulêng mamua’ maulêng, sata’ tud ta’ pia mamua’ ta’ pia.
|
|
@ -0,0 +1,3 @@
|
|||
\v 18 Ahi’ i ihamoali niaho tud maulêng samua’ i ta’ pia, suma hahi niaho tud ta’ pia mamua’ i maulêng.
|
||||
\v 19 Bo êsasa ngatud ê tahi’ i mamua’ i maulêng, nulit tubangên osa iwasot a suang i mbaha.
|
||||
\v 20 Yana a mua’ nam komotahula maindo mahahilala silatahula.
|
|
@ -0,0 +1,3 @@
|
|||
\v 21 Ahi’ i êsasan totumu’ tumerewa’ be Ahu: Tuhan, Tuhan! Ihasuang a suang i kaholano’ an i sorga, sumata’ sisia ê tumulid i papandungên i namay-Ku ê na sorga.
|
||||
\v 22 A nêndo hasapêtan tado’ o totumu’ manerewa’ be Ahu: Tuhan, Tuhan, hi’ indom kamitahula imaposahai mi’ it a ngala-Nu, bo imelei i setang mi’ it a ngala-Nu, bo mawawana i kaunggangan mi’ it kahi a ngala-Nu?
|
||||
\v 23 A tepo wa’ ahom Ahu momoha’ be silatahula osa humua: Ahi’ i Aku mahasa imahahilala i homotahula! Sumenggot be Ahu, pahasa homotahula i tapatulid kata’ pia’ an!”
|
|
@ -0,0 +1,2 @@
|
|||
\v 24 “Êsasa totumu’ nitumanga’ ia’ i kukua-Hu bo tulidêna, sisia mêkele wo totumu’ mosilih, nitumod i mbalena a mbao i mbatu.
|
||||
\v 25 Ahad iaho mêkadai têka osa mahi ndunuh, osa kakab lumisoi iaho mbale, sata’ niaho mbale ahi’ i wehaelet apa’ an tinod a mbao i mbatu.
|
|
@ -0,0 +1,2 @@
|
|||
\v 26 Sata’ êsasa totumu’ nitumanga’ ia’ i kukua-Hu bo ahi’ i tulidêna, sisia mêkele wo totumu’ bodoh, nitumod i mbalena a mbao i nêlis.
|
||||
\v 27 Ahad iaho mêkadai têka bo mahi ndunuh, osa kakab lumisoi iaho mbale, mahad ihaelet niaho mbale bo ime’ e karusahana.”
|
|
@ -0,0 +1,2 @@
|
|||
\v 28 Bo ahadêm si Yesus imawasapêt ia’ i kukua-Na, imobebem niaho tow tado’ o nitumanga’ i sasani-Na,
|
||||
\v 29 Apa’ an sia imasai silatahula kele totumu’ mahaimbahut, ahi’ i hele mangatoutêh i Torat i latahula.
|
|
@ -0,0 +1 @@
|
|||
Pasal 7
|
|
@ -0,0 +1,2 @@
|
|||
\c 8 \v 1 setelah Yesus turun dari bukit, orang banyak berbondong-bondong mengikuti Dia. \v 2 Ahadêm si Yesus ilumolos a mbetel, mahi nêsa totumu’ ê nadosên i kusta, osa kumêpa moniri’ i Sia bo humua: “Tuang, sa si Tuang mabog, si Tuang do’na mawawayo i ahu.”
|
||||
\v 3 Osa si Yesus mayomoho i kama-Na, tumikêl iaho totumu’ osa humua: “Mabog Ahu, mamoalimange how bayo.” A noras iahomio’ bayom niaho totumu’ a kustana.
|
|
@ -0,0 +1 @@
|
|||
\v 4 Osa si Yesus kumua wesia: “Imunên, na’am kow mêkua-hua sakum ê wai’i besiseiange, sata’ mohonêm, iwawaturu’ mbatanganu be si Imam osa mowalad powalad ê mbewêreta i Musa, maindo sairi we silatahula.”
|
|
@ -0,0 +1,3 @@
|
|||
\v 5 Atepo si Yesus sumuang a Kapernaum, mahi nêsa tonaas sumauw i Sia osa mamohong be-Sia:
|
||||
\v 6 ’Tuang, atahu melelet a mbale apa’an adosên i ndupened bo ni’itio’ sia mapongigon.”
|
||||
\v 7 Si Yesus kumua wesia: “Mahihêmange Ahu mawamaulêng i sia.”
|
|
@ -0,0 +1,3 @@
|
|||
\v 8 Sata’ sowat iaho tonaas be-Sia: “Tuang, siahu hi’i iwêtênaan tumirima si Tuang a suang i mbalehu; kumuamange songotaga’ kodait, yana niaho natahu mêmaulêng.
|
||||
\v 9 Apa’an siahu mange êsa tow a mbawa’, bo a mbawa’ku banahahi mangawiong. Sa ahu humua a nêsa’an piong ê wa’aho: Matang!, yana matang sia, bo a nêsa hahi: Moai!, yana moai, suma hahi a nataku: Tawoiên nia’i!, yana tumawoi sia iaho.”
|
||||
\v 10 Amorus si Yesus itumanga’am sakum wa’aho, maerang Sia osa kumua we silatahula ê mahalas be-Sia: “Kumua Ahu we homotahula, kaulitana eman kelewa’i kaako’an ahi’i mahasaHu wewêtauw a mande êsatow a tutud i tow Israel.
|
|
@ -0,0 +1,3 @@
|
|||
\v 11 Kumua Ahu wehow: Tado’o tow mangahi a Timu bo a Malad osa dumatuh kuman makaruaan bo si Abraham, si Ishak bo si Yakub a suang i kaholano’an i sorga,
|
||||
\v 12 saraimbo mangahedong a Kahoano’an wa’aho maindo itia’a suang karêndêman ê ni’itio’ dêndêm, biboho kaerean I tabi wo kalêkêt i mba’ang.”
|
||||
\v 13 Osa si Yesus kumua wiboho a tona’as: “Malengêm bo mamoalimange wehow kele ê mbeemanu.” Yana a noras wa’ahomio imêmaulêngêm natana.
|
|
@ -0,0 +1,2 @@
|
|||
\v 14 Iho’amatoho a mbale i Petrus, si Yesus kahi mêlilah si mamaepo i Petrus melelet apa’an makolotin.
|
||||
\v 15 Yana tinaka’-Na kama iaho mbene, osa tumala i makolotina.
|
|
@ -0,0 +1,2 @@
|
|||
\v 16 Susutêm mawêngi balinai we si Yesus tado’o totumu’ ê pinongaluman i setang bo bati’i sangakêku’ kodait si Yesus melei iaho mangatutuh bo imawamaulêng i mangatotumu’ pahadosan.
|
||||
\v 17 Sakum wa’aho behamoali saniboho malêkêwêm kukua ê mbesahai i nabi Yesaya: “Si Siam ê lumihud ikahawelan i hita bo tumanggong i mahados i hita.
|
|
@ -0,0 +1,3 @@
|
|||
\v 18 Anoras si Yesus mêlilah tow tado’o melipungêm i Sia, masiu Sia mêru’um a tetela’.
|
||||
\v 19 Osa mahi nêsatow toutêh i Torat kumua we-Sia: “Guru, siahu lumaêm i-How, bisana mangenohoan-Nu.”
|
||||
\v 20 Kumua si Yesus besia: “serigala mahalaig bo melepad maharum, sata’ Bata’ i Totumu’ ahi’i mahalesad maindo waoan i kohong-A.”
|
|
@ -0,0 +1,2 @@
|
|||
\v 21 Êsa totumu’ balina, awa’aho nêsa’an a muri’-Na, kumua we-Sia: “Tuhan, iwonge’emai ahu mohowe’ kumubur si wapahu.”
|
||||
\v 22 Sata kumua si Yesus besia: “Lumasêm i-Ahu osa iwayaioho mangtow imate kumubur I mangatow imate I latahula.”
|
|
@ -0,0 +1,3 @@
|
|||
\v 23 Osa si Yesus sumake a suang i mbolutu osa mangamuri’-Na hahi lumas i Sia.
|
||||
\v 24 Mêkombo’ monganusai kakab dêpêt biboho a luah, mahad niaho mbolutu, sinokuban i mbohol, sata’ di Yesus mêbo-o’o.
|
||||
\v 25 Yana mahi ê mangamuri-Na mawawolo i Sia, kuana: “Tuhan, tulungênai, kita mawowasêm.”
|
|
@ -0,0 +1,2 @@
|
|||
\v 26 Kumua Sia we silatahula: “Ndeaho homotaula matalo, komotahula ê toyo’ neman?” Osa tumodoai si Yesus mobor’ I kakab bo wa’aho luah, yana niaho luah imêlênasio’.
|
||||
\v 27 Osa maerang hiaho mangatotumu’, kuana: “Totumu’ asia nia’i Sia, mahad kakab bo uah kahi be Sia?”
|
|
@ -0,0 +1,2 @@
|
|||
\v 28 Iho’amatoho a tetela’, awa’aho na lukad i tow i ngGalilea, A kubur sa mahi moai dua totumu' solo-solongan i setang tuwauw si Yesus. silandua mahasilaka'anio, wa'aho kawalian ahêm mande êsatow baranei mêbe wiboho a ndalan.
|
||||
\v 29 Osa silandua êwa'aho tumerewa': "Asia ê nurusan-Nu wo hamitahula, ei Bata' i Ningumêlêd? tepona?"
|
Some files were not shown because too many files have changed in this diff Show More
Loading…
Reference in New Issue