Wed Aug 05 2020 14:33:21 GMT+0800 (Malay Peninsula Standard Time)
This commit is contained in:
commit
1007ac2984
|
@ -0,0 +1,3 @@
|
|||
\c 1 \v 1 Siri’ i Yakobus, a’ta i Ngeled tow bo si Tuhan Yesus Kristus a kasanga wulu bo ama siri a pinalau-lauran.
|
||||
\v 2 Marowo’ku ngawila tulidenange ihamutahula kele i kahahiin sa iwetan i pahasa sesepêd.
|
||||
\v 3 Awahêm kaemananu mamua' kaulitan.
|
|
@ -0,0 +1,2 @@
|
|||
\v 4 Bo tulidênange karêdêmani aho mamua' maulêng, sani boho kamutahula mainjo motolimomod bo ahêm da'na.
|
||||
\v 5 Sumata' sa bana êsaan behamutahula ahii lêkêw kohoba', mangelei ange sai a Ngêlêdtow. Ê mahehe a pahasa tow karua i nate ênow bo ahii panali-nalihu'den nde pahasa i aho behem be sia.
|
|
@ -0,0 +1,3 @@
|
|||
\v 6 Pangeleienange karua i kawaheman, osa naam mapelikako, nde tow likoko kelemange bohol i daloyon, isendohoho isendohai i kakab.
|
||||
\v 7 Totumu' kelewaaho naam me'dekereken, osa sia anahaere asia mange a Ningumêlêd.
|
||||
\v 8 Awahêm totumu' mo'dodu-do'duaan nate ahu ênow penonowana.
|
|
@ -0,0 +1,3 @@
|
|||
\v 9 Awahêm marowo'ku mande menonow a kalêngeian ta' iwêkahi' ku nde keataNga ahu a katawan telas.
|
||||
\v 10 Bo totumu' siha' apahasa kalêngeiana nde sia mahasa hatambulala kele bungang i noho.
|
||||
\v 11 Nde nêndo i ange sumulo moai kawasa'ana mawolatoi i moho, osa duma'kas bunganga osa hatalamoho konungaana. Kelea' boho hahi tow siha; pahasa tatawoina ihalambulalamoho.
|
|
@ -0,0 +1,2 @@
|
|||
\v 12 iwêkahi' ange tow imongi'gongi'gon a pahasa sesepêd, awahêm sia imaha' baya be êtêsen, nde sia mayo i tapel a pênonowan be nandi i Ningumêlêd be sisei e maheman i Sia.
|
||||
\v 13 Sa wana tow pinangêpe'an naam sia humua : "Ningumêlêd i mangêpe' besia" nde Ningumêlêd ahii mata'u pangêpe'an i ta'pia. Nde Sia ahii ana pangêpe' be sisei ange.
|
|
@ -0,0 +1,3 @@
|
|||
\v 14 Sumata' totumu' mapangêpe' i kaha'bogena mio osa sia be soyot bo be ayur i kahako'gena.
|
||||
\v 15 Bosaniaho ikaha'bo'gena i mua'am maleng itumulid sea' bo sa pahasa kasea'an imamoalim ahad iwetan i pawate.
|
||||
\v 16 Morowo'ku ngawila karua i mbele'ku, naam kamotahula ihawureng!
|
|
@ -0,0 +1,2 @@
|
|||
\v 17 Pahasa kewapahe maulêng bo pahasa kahomba' manunga, kehemoai i nambao, belolosai i Namang i pahasa sula; be Sia alahêm be hawalui suma palen apaan ahii pakasaolan.
|
||||
\v 18 Akahabogê Na tinulidNa hita kele kaulitan i kukua, sani boho hita mainjo kele he'dong matua pinomiaNa.
|
|
@ -0,0 +1,3 @@
|
|||
\v 19 Ei morowo'ku ngawila kamai mbeles, imunenange pahasa yai; matiro' matanga', sumata' ngerenen mapoho'dait bo ahii tapo'boro'.
|
||||
\v 20 Awahem boro' i totumu' ahii tumulid kaulitan andior Ningumêlêd.
|
||||
\v 21 Waaho kawalian ipaamio' pahasa kata'dooan i kahulengan bo kata;piaan osa ayonange kukua karua i nate enow osa ipa' asuang i natenu nde imawabuli' i kanalunu.
|
|
@ -0,0 +1,4 @@
|
|||
\v 22 Sumata mamoali mange kamutahula mawa heman i kukua osa ahii sa bati' matanga'; nde sa ahii keleaho kamutahula momandei i hamutahula mio'.
|
||||
\v 23 Nde sahow bati' matanga i kukua, osa ahii mafeman kele itumio' sia tow manengo-nengo i tokia'na seremin.
|
||||
\v 24 ihaworusange sia enonengo-nengo i mbatangana, osa sia moho, konolingoana nemoho nggiona.
|
||||
\v 25 Sumata' siseiange tumikem i mikum maulêng, awahem nu'kum i aho mawawekar i totumu', osa sia kumundu asuanga, yanasa hii osa bati' tumanga' osa kolingoanaho, sumata' ulit tumulid i aho, nde sia mekahi' apaan tatawoina.
|
|
@ -0,0 +1,2 @@
|
|||
\v 26 Sawana niaho totumu' mangatam i mbatangana maibadah, sumata' ahii tumahang i ndila'na, sia momandei imbatangana, ahem toro i nibadahna.
|
||||
\v 27 ibadah motalimomod bo alahem da'ina andior i Ningumêlêd, Amang i hita, waaho niaho mahimbat i mangahe'dong alam ninang bo namang bo manga balu a tutud i kalengeian i latahula, bo miaha, saniboho batangana hahi ahii wawasokia' i mbaoito'ba.
|
|
@ -0,0 +1 @@
|
|||
Pasal 1
|
|
@ -0,0 +1,4 @@
|
|||
\c 2 \v 1 Mamga woku tamu tow maheman besi Yesus Keristus ngeled tow ihita a monunga, naam de enam ioho komotahula mehe karua monarah inamo.
|
||||
\v 2 Nde sawana esa tow sumuang asuang’i pasesenannu karua make sising emas, bo pakean loor bo i mahi hahi esa tow lengey bi boho karua i make latang ta’pia.
|
||||
\v 3 Bohamotahula i mising i tow i mak loor io bohumua besia wai’ tuang datuhan’ atampa mauleng; nde atotumu i lengey, i boho komotahula kumua: Tumod iloho biboho; suma: Dumatuhio ambelah atai nae ioho
|
||||
\v 4 hiire homotahula dona tumulid pahisalaan asuang inatenu bo tumulid tanu hakim, bo tumulid tanu hakim karua a kata’ piaan i nuteh?
|
|
@ -0,0 +1,3 @@
|
|||
\v 5 Tangaan nde manga po’ ihales, ahii re Ningumêlêd i sumi sir i manga tow abeangap, lengey ambao toba iai sa ma moali siha asuang i kaemanan, bo mamoali endo saleng i kolano amberandina besisei yange imahales isia.
|
||||
\v 6 Sumata komo tahula isumeroom itotumu lengey ahiire’ kelemanga totumu siha i humeleng i homotahu la a pahurusan?
|
||||
\v 7 Ahiire homotahula dumoros ingalan a monunga, apaan homo tahula imamoali sinisir i Ningumêlêd.
|
|
@ -0,0 +1,2 @@
|
|||
\v 8 Sumata homo tahula lumapang i lala’ut a pahamunan bewatih asuang kaol bayo: i hales kahelenu totumu kele batanganu mio, nde homo tahula i tumulid mauleng.
|
||||
\v 9 Awahem homotahula milah inamo, komo tahula itumulid kaseaan, i lala’ut wa’aho ihatara, nde homotahula tumulid kaseaan.
|
|
@ -0,0 +1,2 @@
|
|||
\v 10 Awahem sasisey kumiit pahasa ilala’ut ioho, sumata esa mange ahii kahiitana, kelemange masea pahasa.
|
||||
\v 11 Nde kuana; naam mapedetuhan, kumua hahisia, naam lumimed kawalian mande homotahula hii mapedetuhan, sumata imelimed, kele mange ilumawah i lala'ut.
|
|
@ -0,0 +1,2 @@
|
|||
\v 12 Kumua mange bo tulidenange kele mangatow e mainjo isaan ilala'ut e mawawebas itow.
|
||||
\v 13 Awahem apahahadan satahii bama belesna ihatuli hahi atotumu ahii bama belesna. Sumata belesna mautung a pahahadan.
|
|
@ -0,0 +1,4 @@
|
|||
\v 14 Manga woku, asia bereguna esa tow kumua sia moeman sumata sia ahii tumulid. Do'na onah kawahemana mawa enow isia bereguna?
|
||||
\v 15 Sawana tow po'ngu tuama bo wene ahem latang bo ahem kanen a tebei inendo
|
||||
\v 16 Awahem sawana esa tow kumua; lumapangem, make koso' osa kuman ahad i masuh. Sumata ahii sia mehe asia ioho kahabogen, imbatangana, asia bereguna ioho?
|
||||
\v 17 Kele aho hahi kawahemana; sa' kawahemana ahii i wekarua e kawatawoi, nde pahasa ioho kawaheman nen ahem bereguna, suma mate.
|
|
@ -0,0 +1,3 @@
|
|||
\v 18 Sumata bana tow kumua: behow bana eman bo beahu bana tinuli' sowatku behow: wai kaemanamku pahasa haturu a tatawoihu
|
||||
\v 19 sihow moeman, awahem bati esa Ningumêlêd? Waaho mauleng? Sumata manga tutuh mahalah pahasa ioho bo silatahula matalo.
|
||||
\v 20 Totumu ta'pia niaitalewe dona pangakunu, sa maheman ahii wakarua tatawoyen ahem moho bereguna.
|
|
@ -0,0 +1,4 @@
|
|||
\v 21 Awahem amang ihita Abraham, beulitan, nde pinatawoy – tawoyna; e kawalian sia mehe si isak bata'na ambao i mezbah.
|
||||
\v 22 Pilahen ihomotahula, matawoi-tawoi karua, imaheman awahem tatawoyen ioho mainjo loor
|
||||
\v 23 nde kele waaho malekewem nats ihumua i bohom si Abraham, maheman a Ningumêlêd i tumulid, aboho sia kele kaulitan. ibohom Abraham kalahan karua Ningumêlêd.
|
||||
\v 24 Pilahen ihomotahula, awahem totumu beulitan nde kawatawoi-tawoina, osa ahii bati kawaheman.
|
|
@ -0,0 +1,2 @@
|
|||
\v 25 Keleaho haki si Rahab, ta'pedetuh, beulitan nde kawa tawoi-tawoina ateposia irumuru mangatow ambewa siu sumuang ambalena, sa' turu'ana dalan balina bebean ilatahula.
|
||||
\v 26 Keleaboho hahi batangan alahem kamahi mate, keleaboho hahi kawaheman hii matawoi awahem mate.
|
|
@ -0,0 +1 @@
|
|||
Pasal 2
|
|
@ -0,0 +1,2 @@
|
|||
\c 3 \v 1 Morowoku na’am tado’o atutud ihamotahula maibog mamoali guru apa’an kalahan ihita awahêm kele guru kita mainjo isaang kumiit asosoka lebe tanêd
|
||||
\v 2 apa-apaan pahasa ihita tado’om penêsaan; siseiange tahi’i mêsea awakodaina sisia awahêm totumu tolimomod êndona tumulid imbatangan dona hahi mator imbatangana mio.
|
|
@ -0,0 +1,2 @@
|
|||
\v 3 Kita mepa tom ambaba ihawayo ahad sia makihi-hiit a pandung ihita; karengan i kelewaaho kita dona mator imbatangana
|
||||
\v 4 bo pilahanange manga kapal mande sia bako io bo bewawaeru i kakab depet, sata dona iatod i kamudi mande sia kisit, kumiit a pandung tapa kamudi.
|
|
@ -0,0 +1,2 @@
|
|||
\v 5 Kelewaaho hahi ndila, mande tihad imbatangan ê kisitange sata dona manirayo i manga perkara bako. Pilahen, mande kelembisa kahisitan imbaha sisia dona tumutu italun bako.
|
||||
\v 6 Dila kahi awahêm baha, sisia kele lêsad i katapiaan bo ambatangan ihita dona mawatatah ilohow imbuligan bo maelab i kawapurisi i pênonowan i hita, awahêm sisia mio benanag imbaha naraka.
|
|
@ -0,0 +1,2 @@
|
|||
\v 7 Pahasa biagên silu, mangamelepad, bo manga biagên maloyod bo biagên i saloyon dona iwawalalam bo bewawalalamen i ngio itotumu.
|
||||
\v 8 Sata mande êsa towange êndona mawawolalam i ndila; sisia awahêm êsaan a nahas ê tahii haatoran bo mauhuhu indiara ê mahawate.
|
|
@ -0,0 +1,2 @@
|
|||
\v 9 Karengan indila kita marayow si Ngeletow, Amang i hita; bo têka dila kita dona mamutung itow ê mbengêlêd kumi’it pael i Ningumêlêd.
|
||||
\v 10 A nêsa baba lumuai kamang bo ponapa sakum wa’i morowogku, ahii matau i hamoali.
|
|
@ -0,0 +1,2 @@
|
|||
\v 11 Awa bana lumbuhan malumbuh ahe tewang bo ahe wêtu a lumbuhan êsa?
|
||||
\v 12 Morowogku awa bana tud i nara dona mamua zaitun bo awa bana tud i nanggor mamua ara? Kelewaaho hahi lumbuhan i nahe moasin ahi’i rona mawaluai ahe tewang.
|
|
@ -0,0 +1,2 @@
|
|||
\v 13 Siseyêm a tutud behamotahula ê nêlud bo mosononoi? Maulênga sia karêngan i kawawenonow maulêng mawaturu i tatawoina i kasononoian ê nilumêmbo a koemengana.
|
||||
\v 14 Sahomotahula mahepapa kêhêlam kahanatên i natê bo komotahula bati mapangimun imbatanganamio naam komotahula sumukag bo naam maponowo malawah i kaulitan
|
|
@ -0,0 +1,4 @@
|
|||
\v 15 waaho ahii kasononoian ambao de mahi sata a mbao toba sa mahi, a kahabogen i totumu a manga tapatena.
|
||||
\v 16 apa-apaan bisa mbana kahanaten i nate bo mapangimun imbatangan mio, biboho bana kahurasian bo moro tatawoi tapia.
|
||||
\v 17 Sata kasononoian e nambao samahi awahem apahamunan leno, lumalas tapasononoi kalawusan moêlêd, mohi’it, tadoo mbewêlês bo bua-wua maulêng ahi’i mapogiwing bo hi’i tapomurisi,
|
||||
\v 18 bo bua i kaulitan bewêpês asakum sononoi tanu silatahula tapasononoi.
|
|
@ -0,0 +1 @@
|
|||
Pasal 3
|
|
@ -0,0 +1,3 @@
|
|||
\c 4 \v 1 Bisana remahi pinaseaan bo pinepatean ihamotahula? Ewaaho kawalian ni mahimai pinongaweduan bo pinapepatean ihamotahula waaho kawalian nimahimai pinongaweduan imekunduan, asuang imbatanganu?
|
||||
\v 2 Kamotahula bananihabog ihamotahula sumata kamotahula ahii mahaere, osa kamotahulla mamate i ikanat ihamotahula, sumata ahii kamotahula ahii ihoamat apataarenu, osa kamotahula mepate bo mekure, waaho kawaliaan kamotahula ahii mahaere awa-awa, apa-apaan kamotahula sumombayang.
|
||||
\v 3 Suma hamotahula sumombayang kahi, sumata’ kamotahula ahi’i mahaere wasia-sia, awahêm kamotahula mesea sumombayang, awahêm komotahula imangeley ioho bati komotahula mawahawu tanu kahabogen kêtêd’nu.
|
|
@ -0,0 +1,2 @@
|
|||
\v 4 Ei komotahula mangatow ahi’i maheman ahi’i kailahan ihomotahula, awahêm mêkalasan a mbao i toba ihare’e Ningumêlêd? awa’aho kawalian sisei how mabog iwakarua imbao i toba ia’i sisia ihare’e i Ningumêlêd.
|
||||
\v 5 na’am komotahula kumua mange awahêm pedalehan kaol kumua: “monggonggu’ot bepa i Ningumêlêd a mbatangan ihita ihabog ga karua ikanat!”
|
|
@ -0,0 +1,2 @@
|
|||
\v 6 sumata’ sononoi, e mbehomba namai behita. Lebe waho a pahasa ioho, sumata’ behuana; Ngêlêtow mare’e i totumu’ sombong sumata’ mahalês itotumu’ doros nate.
|
||||
\v 7 awa’aho kawalian kumi’it besia, osa lawahên setang osa sia dumekang be hamotahula!
|
|
@ -0,0 +1,3 @@
|
|||
\v 8 Sumusut a Ningumêlêd saniboho sia sumusud be homotahula. Bêrêsin kamanu osa kamotahula tow imêsea osa bêrêsin ê natenu nde kamotahula mododua nate.
|
||||
\v 9 imunênange kasoednu, katanêdan inate bo kumae: osa kêkênu saolên i kae bo kasenangan i natenu bo katanêdan inate.
|
||||
\v 10 kumênêngêmoho batanganu asa’angên i Ningumêlêd, sanibooho iatanga komotahula.
|
|
@ -0,0 +1,2 @@
|
|||
\v 11 1mangamorowogku, na’am komotahula matêtêna’an! Sa’ sisei matêna’ suma’ matêpu’ i pog’nga, sia maponero’ i hai lau bo matêpu’ i sia; sa how matêpu’ i nu’kun, yanasa how ahi’i maki’it a nukum, sumata’ tapatêpu,
|
||||
\v 12 bati bana nêsa i nukum bo matêpu awa’aho sia ê mahahawasa tapatulid i lala’ut bo tapahisa awa’aho si Sia mahaimbahut mawaaia bo mawawotutus, sumata sisei how, awahêm kow mainjo matêpu i kahelenu tow?
|
|
@ -0,0 +1,2 @@
|
|||
\v 13 yanasa ia’i talewe kamotahula ê nihumua ini’a suma sando matang kamitahula moho a kotanu, bo biboho kamitahula mutung sangata’un bo mapajual sa mahaere utung
|
||||
\v 14 osa hamitahula ahi’i mahalah asia mamuali sando. Asia toro i pênonowannu? Pênonowannu ioho mêkele mange bo kakap ahi’i êto kawilahan osa ilumeotêm.
|
|
@ -0,0 +1,3 @@
|
|||
\v 15 totu’u kamotahula doro’na kumua; sa ponge’ean i Ningumêlêd, a pênonowan ihamilatula bo tumawoi wa’i bo wa’aho;
|
||||
\v 16 sumata’ ia’i talewe kamotahula mawasêrê imbatangan a kasombongannu, bo pahasa konungan’an ioho i mêsea
|
||||
\v 17 sumata’ sa êsa tow mahalah kelembisa sa tumawoy maulêng, sumata hi’i tawoyêna, imêsea sia.
|
|
@ -0,0 +1 @@
|
|||
Pasal 4
|
|
@ -0,0 +1,3 @@
|
|||
\c 5 \v 1 Yanasa ia’i talewe ei komotahula manga totumu’ siha, mêkaeem bo mongisodêm a nigogêm ê tumema i hamotahula!
|
||||
\v 2 Kasihaannu kawowowêm, bo latangu kinanêm i nêngat!
|
||||
\v 3 Mas bo peranu tinai kayongêm, bo taikayonga mainjo sairi asakum ihamotahula bo mainjo suda’ i kêtêdnu kele baha , komotahula imanêsênêm gaidan a manganendo masusutêm i hasapêt.
|
|
@ -0,0 +1,3 @@
|
|||
\v 4 kaulitana imahatangaamahu sawang bawakalea, apa-apaan i humutang i lawu i manga mapanguwu ambondoinu, bo imotahadêm a talinga i Ngelêtow lohoi i kaayaan.
|
||||
\v 5 Asakum kahêlian kamotahula imenonowêm bo i monayo-nayo a mbaoitoba komotahula i mawêdêêm i natenu mêkele a nendo pinêlusaan
|
||||
\v 6 komotahula imukumêm bo hahi imêlimêd i totumu’ ulit bo ahi’i mahabaya lumawah i hamotahula.
|
|
@ -0,0 +1,2 @@
|
|||
\v 7 aho kawalian, mangamorowog, mêludêm ahad anahian i Ngêlêtow! Kaulitana tapanguma masondo i mbua êmbana baera a tanana bo mêlud ahad imêkadêm têka a musung mêdondang bo têka a musung mêlulun.
|
||||
\v 8 Kamotahula hahi musti mêlud bo musti mawaête i natenu, nde nahian i Ngêlêtow susutêm.
|
|
@ -0,0 +1,3 @@
|
|||
\v 9 Morowog na’am komotahula masosa-sosamong bo mêseseaan saniaho homotahula na’am ukumên. Kaulitana tapasiha itumodêm ambaba imbonang.
|
||||
\v 10 Morowog makiitange tuturu i pinahagon bo kaulêdan i moro nabi ê nimapohodaitêm tanu ngalani Ngêlêtow.
|
||||
\v 11 Kaulitana kamitahula ihumua silatahula imaenow, ê wa’i silatahula ê ihumundum; kamotahula itumangaam kahunduan i Ayub bo komotahula mahailahêm asia ê napahadan besadia i Ngêlêtow tanu sisia, nde Ningumêlêd wowêlês io mauhuhu i kobêlêsan
|
|
@ -0,0 +1 @@
|
|||
\v 12 sata ihatud morowog, na’am komotahula masupah tanu sorga suma baoitoba asiamange mbalina. sa eyem, musti komotahula kumua eyêm, sa tahi’i musti komotahula kumua ahi’i, saniboho kamotahula natênan inukuman.
|
|
@ -0,0 +1,3 @@
|
|||
\v 13 Sawana êsa tow atutud ihamotahula mahigon maulênga sia sumombayang! Sawana ê nêsa tow mekahi-hahi maulênga sia makatar!
|
||||
\v 14 Sawana esatow atutud ihomotahula pahadosan, maulênga sia tumiang i moro penatua i njêmaat, saniaho silatahula sumombayang isia bo sumawu i solo karêngan ingalan Ngêlêtow.
|
||||
\v 15 Bo sombayang enilumêmbo a kawaheman mainjo mawia itow pahadosan iaho bo si Ngêlêtow mawawolo isia; bo sa sia imaorowêm yanasa kaoroana waaho mainjo apungan.
|
|
@ -0,0 +1,3 @@
|
|||
\v 16 Kawalianiaho musti komotahula mêpawawa’haan inorownu bo mêsosombayangan, saniaho komotahula mênyaman. Sombayang i totumu’ ulit sa karêngan ikaemanan isombayang, bako ia imbahutna.
|
||||
\v 17 Si Elia awahêm totumu’ biasa kahele ihita. Bo sia imuliu-liutêm isumombayang saniaho na’am tuka, bo tekana na’am mêkad atoba kaêtona têlu ngataun bo ênem ngaulan.
|
||||
\v 18 Osa sia hahi sumombayang bo langit imawaêkad têka bo bao itoba ahi’i imehe wuana.
|
|
@ -0,0 +1,2 @@
|
|||
\v 19 Morowogku sawana atutud ihamotahula sumea ikaulitan bo êsa tow tumuli isia sumomba’i,
|
||||
\v 20 kalahande awahêm sisei sia tumulid itow tumalihud andalan ikaseana, sisia mainjo mawawia ikanalu itotumu waaho a pawate bo kumolob i manga kaoroana.
|
|
@ -0,0 +1 @@
|
|||
Pasal 5
|
|
@ -0,0 +1,27 @@
|
|||
|
||||
# License
|
||||
## Creative Commons Attribution-ShareAlike 4.0 International (CC BY-SA 4.0)
|
||||
|
||||
This is a human-readable summary of (and not a substitute for) the [license](http://creativecommons.org/licenses/by-sa/4.0/).
|
||||
|
||||
### You are free to:
|
||||
|
||||
* **Share** — copy and redistribute the material in any medium or format
|
||||
* **Adapt** — remix, transform, and build upon the material
|
||||
|
||||
for any purpose, even commercially.
|
||||
|
||||
The licensor cannot revoke these freedoms as long as you follow the license terms.
|
||||
|
||||
### Under the following conditions:
|
||||
|
||||
* **Attribution** — You must attribute the work as follows: "Original work available at https://door43.org/." Attribution statements in derivative works should not in any way suggest that we endorse you or your use of this work.
|
||||
* **ShareAlike** — If you remix, transform, or build upon the material, you must distribute your contributions under the same license as the original.
|
||||
|
||||
**No additional restrictions** — You may not apply legal terms or technological measures that legally restrict others from doing anything the license permits.
|
||||
|
||||
### Notices:
|
||||
|
||||
You do not have to comply with the license for elements of the material in the public domain or where your use is permitted by an applicable exception or limitation.
|
||||
|
||||
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.
|
|
@ -0,0 +1 @@
|
|||
Yakobus
|
|
@ -0,0 +1,88 @@
|
|||
{
|
||||
"package_version": 7,
|
||||
"format": "usfm",
|
||||
"generator": {
|
||||
"name": "ts-desktop",
|
||||
"build": "2"
|
||||
},
|
||||
"target_language": {
|
||||
"id": "tnw",
|
||||
"name": "Tonsawang",
|
||||
"direction": "ltr"
|
||||
},
|
||||
"project": {
|
||||
"id": "jas",
|
||||
"name": "James"
|
||||
},
|
||||
"type": {
|
||||
"id": "text",
|
||||
"name": "Text"
|
||||
},
|
||||
"resource": {
|
||||
"id": "reg",
|
||||
"name": "Regular"
|
||||
},
|
||||
"source_translations": [
|
||||
{
|
||||
"language_id": "en",
|
||||
"resource_id": "udb",
|
||||
"checking_level": "3",
|
||||
"date_modified": "2017-11-29T00:00:00+00:00",
|
||||
"version": "12"
|
||||
}
|
||||
],
|
||||
"parent_draft": {},
|
||||
"translators": [
|
||||
"sweet tenda"
|
||||
],
|
||||
"finished_chunks": [
|
||||
"front-title",
|
||||
"01-title",
|
||||
"01-01",
|
||||
"01-04",
|
||||
"01-06",
|
||||
"01-09",
|
||||
"01-12",
|
||||
"01-14",
|
||||
"01-17",
|
||||
"01-19",
|
||||
"01-22",
|
||||
"01-26",
|
||||
"02-title",
|
||||
"02-01",
|
||||
"02-05",
|
||||
"02-08",
|
||||
"02-10",
|
||||
"02-12",
|
||||
"02-14",
|
||||
"02-18",
|
||||
"02-21",
|
||||
"02-25",
|
||||
"03-title",
|
||||
"03-01",
|
||||
"03-03",
|
||||
"03-05",
|
||||
"03-07",
|
||||
"03-09",
|
||||
"03-11",
|
||||
"03-13",
|
||||
"03-15",
|
||||
"04-title",
|
||||
"04-01",
|
||||
"04-04",
|
||||
"04-06",
|
||||
"04-08",
|
||||
"04-11",
|
||||
"04-13",
|
||||
"04-15",
|
||||
"05-title",
|
||||
"05-01",
|
||||
"05-04",
|
||||
"05-07",
|
||||
"05-09",
|
||||
"05-12",
|
||||
"05-13",
|
||||
"05-16",
|
||||
"05-19"
|
||||
]
|
||||
}
|
Loading…
Reference in New Issue