Tue Aug 04 2020 14:35:47 GMT+0800 (Malay Peninsula Standard Time)

00/title.txt

@@ -0,0 +1 @@
+Ibrani

01/01.txt

@@ -0,0 +1 @@
+\c 1 \v 1 Haworusange atelewe pinapebeleng iniNingumêlêd imapohodai a nawo-nawo ihita dinuluh i manga nabi-nabi. \v 2 Sumata yaitalewe sia mapehodaitem behita apapaan dinuluhem imBatana, nde betetuna sia tumirima ipahasaiboho, a sisia Ningumeled itumulid imbaotobayai. \v 3 Sisia sulo ikonungaan iningumeled bo gio iningumeled bo isumule ipahasa kukuana nde mawuliwuling i kuasana bo ihaworusange sia ihumese ipahasa sea, dumatuh sia andoro ikanoal ikahakoana, atampa matatangio.

01/04.txt

@@ -0,0 +1 @@
+\v 4 Bo lebe matatang a malaekat maka ekat, kele hahi ngalana behomba besia lêbe monunga ngalân ilatahulâ. \v 5 Kawalianisei niaho atutut imalaekat-malaekat iboho mahasa sia ihumu. “bataku ne how ! Endo nia how pinebatakum”. Nde ahu mamuali Amanga, bosia mamuali Bataku?

01/06.txt

@@ -0,0 +1 @@
+\v 6 Nde pineangam kahi mbatana ambaoitoba, osa kuana : “pahasa malaekat iNingumeled musti marayow be sia”. \v 7 Bohahi manga malaekat-malaekat kuana : “itumulid malaekat-malaekatNa mamuali bohol bo manga sosiuna imamuali elab imbaha”.

01/08.txt

@@ -0,0 +1 @@
+\v 8 Sumata niaho mbatana kuana : “DoratuhanNu, ya Allah iwenerunerus bo ahad kaetoeto, bo butul indajaNu hahi butul ikonungaan. \v 9 Si how moweles akamaulengan bo maree i katapiaan. Nde Ningumeled, Ningumelenu ihumombaanmi How sinawuan solo imehe tepai akahahi’in ilumebe amanga karuanu bo kadoronu.

01/10.txt

@@ -0,0 +1 @@
+\v 10 Bo atalewe, yatuhan, bewoanum butubutuan imbaoitoba, bo lângit tatawoi ikamanu. \v 11 Pahasaiboho mahasa moturasi, sumata sihow telas, bopahasaiboho mamuli kele latang pahimbitan. \v 12 Kelemange jubah beli’kunu silatahula bo kele taleyaasebu kinawaluyan silatahula; sumata sihow kelemio iboho, bo taun nu alahem karawotan.

01/13.txt

@@ -0,0 +1 @@
+\v 13 Sisei kinuaana esaan biboho a amanga malaekat : “dumatuh andoro ikanoalku, ahad tulideiku kasehe’nu, mamuali butubutuan inae-nu ? \v 14 Bo ahi silatahula i pahasa gonguat masali, bewasiu moho sumali besilatahula imapahaere konungaan.

02/01.txt

@@ -0,0 +1 @@
+\c 2 \v 1 Osa niboho lébe silihen bo tu’tulen mauleng asia niaho tinanga ihita saniboho hita hi’i hawali péangen i nduruh.

02/02.txt

@@ -0,0 +1 @@
+\v 2 Nde sa Kukua imbehua karuaa pinatolohan malaekat-malaekat menet paki’itan, bo pahasa pinesea’an bo hi’i mapahata’an mahaere têndan ê timbahel. \v 3 Tumosawa hita halêpot sa hita mawawo’ula’ kawia’an bak’o i aho a pinamuna’an. Besahai i Tuhan bo be’he silatahula i tumangaami aho’ behita larengan i tutul e ndona emanên. \v 4 Ningumêlêd mawarte’ sasairi’ilatahula teka manga tepai bo mujizat-mujizat bo hahi morowalina pawatara’an i kaimbahutan sononoi Tutuh Lenas, tanu pinebetenga mi’it kahabogenNa.

02/05.txt

@@ -0,0 +1 @@
+\v 5 Nde ahi’i malaikat-malaikat si sia i mawasese i mbao toba a mahahad eni pasirita’an i hita. \v 6 Bana tow mahasa i mehe sairi’ andalem esa nas, behuana : “asia totumu, nde How mimun i isia, suma kedong i totumu nde how mikaya i sia ?

02/07.txt

@@ -0,0 +1 @@
+\v 7 Ta’ tinulidNu sia tanu tepo e kopong molulu behen de malaikat-malaikat; bo i memakotai sia i kosononoian bosiri; \v 8 pahasa mange bewawaseseNu ambawa’i naeNa. Nde a mawasese asia mange we sia, mande esa alahem i hawalina, sa tahi’i sumese’ be Sia. Sumata yai talewe awe belilah, awahem, apahasa iboho be wawa sese be Sia.

02/09.txt

@@ -0,0 +1 @@
+\v 9 Ta Sia, tanu tepo e kopong tinulid molulu ambawa besi a malaikat-malaikat, aboho si Yesus, pinilah i hita, awahem a pahigonen a pawate, pimakota sia i kosononoian bo siri ; saniboho a mbeles kosononoia Ningumeled sisia i mahahelamen pawate tanu pahasa totumu. \v 10 Apa’an metena’an bo kaada’an Ningumeled e tanu sisia bo si siamio pahasa bo asia mange tuliden. Aboho Ningumeled i me’ang tado’o tow moho a kasononoian, bo itumilimomod si Yesus, i mator silatahula moho a kasononoian karua i pahigonen.

02/11.txt

@@ -0,0 +1 @@
+\v 11 Nde si Sia i mawa lenas, bo silatahula bewawalenas, pahasa silatahula a nesa mio’ samoai ; wa’aho kawalian ahi’i sia monokia’ kumua silatahula pogNga, \v 12 kuaNa : “ iwawasahaiHu ngalanNu a manga morowogku bo medayo-rayow i How a tutud i njamaat”

02/13.txt

@@ -0,0 +1 @@
+\v 13 bo hahi  “lepa’ku koemananku be Sia” bo hahi : “Totu’ure, wa’i Ahu bo manga hedong behe Ningumeled beaHu. \v 14 Awahem manga kedong ia’i apa’an i manga hedong i ndaha bo kêtê, aboho kawalian sia hahi mekele bo silatahula bo mahaêrê bêtêng a kotulidan i latahula. Saniboho a pinateanNa, iwawawotutusNa. Sia , si iblis, i mohimbahut a pawate. \v 15 Bo saniboho karua indalan i aho, sia mawalepot silatahula a kaeto’na menonow a pangata’an nde kawalian talona a pawate.

02/16.txt

@@ -0,0 +1 @@
+\v 16 Nde a katotu’uanna, hi’i sa malaekat-malaekat e nihalesNa. Sumata suru  i Abraham i halesNa. \v 17 wa’aho kawalian a pahasa i aho si Sia musti i wekele bo manga pogNga, saniboho sia mainjo imam bako, bo mehe beles bo i menet besi Ningumêlêd tanu mawadame sea pahasa bangsa. \v 18 Nde aboho kahi sisia mio’ i mongigon nde pinangepe’an, saniboho si Sia do’na tumulung silatahula hahi pinangepe !

03/01.txt

@@ -0,0 +1 @@
+\c 3 \v 1 Kalian nemoho, hei morowog i lenas, tiniang mahaera weteng tawoyen a suang sorgawi, pilahen nange si rasul bo imam bako pahulitan i hita, sia si Yesus. \v 2 E moêman be Sia e tinatu-Nam, kelembisa si Musa hahi moêman a pahasa suang balêNa. \v 3 Nde Sia pilahen do’na mahaere konungaan lebe wako besi Musa, mekêlê bo mahahio bangunan lêbê pasiriin ndê mbale patulidena. \v 4 Nde manga balê patuliden i mahalahio i bangunan, sumata lêbê mahalahio i pahasa bangunan, niaho bo si Ngeledtow.

03/05.txt

@@ -0,0 +1 @@
+\v 5 Boo si Musa mêmang mo êmannio a pahasa suang mbalê Ngeledtow tanu sosisu mapahê kesaksian asakum asia niaho pahasa i wahatau a mahahad. \v 6 Si Kristus maki’it tanu kedong mahator i mbalê’Na; nde mbalena’Na i aho hita, sa hita ahad i mahahad mataka etê-etê a pa êmanen bo paharawen a konungaan i hita.

03/07.txt

@@ -0,0 +1 @@
+\v 7 Awaboho kêlê behuai i mongonguot : “Endo nia, sa hamotahula mahataan suara’Na. \v 8 Naam i etêhaho natenu bo koboroannu kêlê a tepo pencobaan a padang gurun.

03/09.txt

@@ -0,0 +1 @@
+\v 9 Bisana nawo-nawonu i mangepê i Ahu karua i andalan muji i Ahu, mandê silatahula i milahem pahasa petawo-tawoiKu, kaeto epat ngawulu ngataun. \v 10 Ahokawaliana Ahu imoboro a angkatan niaho bo humua : silatahula salilii taned natê bo silatahula hii mahailah i dalaKu. \v 11 Kalianemoho Ahu sumupah karua i mboroKu : Awahem kamotahula hii matau sumuang a tampa pasondoaKu.

03/12.txt

@@ -0,0 +1 @@
+\v 12 Mahatuatuh, e morowogku, saniboho atutud ihomotahula naan kaêrêan tow mahaatê tâpia bo ahii mahêman ndê sia i tumalihud a Ningumeled menonow. \v 13 Sumata turuan mangê esa tow bo tow balina tebé i nendo, kaeto do’nawe iwapakua. Inia, saniboho naan a tutud ihomotahula bana maijo ketêh natê ndê pinomandei i séa.

03/14.txt

@@ -0,0 +1 @@
+\v 14 Nde hita i mainjom bêtêng a suang i Kristus asakemoho tumaka etê-etê ahad i potahadan i pahêmanen ihitaamolai mio a talewe. \v 15 Sumata sa mahasa behua : “Endo i nia, sa homotahula mahataan suaraNa, naam iyetêh io natenu kelembisa kaboronu ;

03/16.txt

@@ -0,0 +1 @@
+\v 16 sisei be homotahula do’na mawawokoro i Ningumeled, mandewê silatahula i mahataan, i suaraNa ? Bo ahii silatahula pahasa i pahatorani Musa i lumuai a Mesir? \v 17 Bo sisei mbehoboroNa kaeto epat ngawulu ngataun ? Bo ahii silatahula aho nitumulid dosa osa mayat i latahula i motapohem a padang gurun ? \v 18 Bo sisei be supat’Na, osa silatahula hii matau sumuang atampa pasondoanNa ? Bo ahii silatahula aho tahii mawakiit ? \v 19 Kêlêaboho hahi pilahen ihita, awahem silatahula hii matau sumuang ndea katahiian koêmanan i latahula.

04/01.txt

@@ -0,0 +1 @@
+\c 4 \v 1 Kawalian niboho, mahatu-atuh ange hita saniboho na’am  de bana esa totumu a nepang behomotajula be anggap kinahadan, mande bana darandi i suanga a pawasondoaNa sumata bana we. \v 2 Nde behita hahi behua moai nabar kahahi’in  silatahula, sumatan kukua behua besilatahula i mapahataan.

04/03.txt

@@ -0,0 +1 @@
+\v 3 Nde hitai Imoêman, awahem kita sumuang a tampa pasondoan kêlê  behuana: Asuang i boroku ahu sumupa, silatahula hi i sumuang a tampa pasandoaku. Mandewê tawoyenNa behaom molai mio niiai baotoba tinulid. \v 4 Nde tanu niaho nendo kawituna mahasa behua a nas : Ningumêlêd i sumondo a nendo kawituna a pahasa petawo-tawoyeNa. \v 5 Bo  asuang i nas iboho binaca i hta: “Silatahula hii sumuang a tampa pasondoaku”

04/06.txt

@@ -0,0 +1 @@
+\v 6 yanasa kawilahanemio, awahem bana tatahula totumu sumuang a tampa pasondoan niaho awahem silatahula pinahamuan benabaran noho, nabar mauleng i oho ahi i sumuang nde silatahula hi i ma pahataan. \v 7 Nde awahem tinantunam hahi bana esa nendo, ababoho “Inia”, anoras sia beha etoom i makukua besi Daud kêlêmbisa behuaNa ambao : endo  Ini a, sa hamotahula maha taan suaraNa, naan de i hetêh natenu.

04/08.txt

@@ -0,0 +1 @@
+\v 8 Nde sa yandê-andê kêlê si Yosua i mêang silatahula i sumuang a tampa pasondoan, ulit awahem Ningumêlêd hi i mohoda-hodait kêlêmbisa nendo walina. \v 9 Yanasa, banawe noras sinadia pasondoan, waaho endo kawituna, tanu umat i Ningumêlêd. \v 10 Nde so sisey yange ni sumuangem a tampa pasondoanNa, si sia mio hahi i sumondo a petawo-tawoyana, mekêlê Ningumêlêd i sumondo a petawo-tawonaNa. \v 11 Awaboho kawalian kaho hita maberusa tanu sumuang a pasondoan niboho, saniboho ahemai nesa tow i hatia nde mahulud a totumu ahi i mawa tanga.

04/12.txt

@@ -0,0 +1 @@
+\v 12 Nde kukua i Ningumêlêd enow bo etê bo lebe toboh nde pedanga maha dua bêlên bisana mange: sa sia su muê dalem mio, do’na mawatarêd i kanalu bo ngonguot, ahad i manga susum; do’na hahi sia sumilih bo tumimbang kelembisa utêh bo atê i hita. \v 13 Bo alahemai nesa makhluk i haruru a sasaangeNa, nde asia mange i heda-heda ai kawilaha nio i bêlêNa nde besia hita mehe tanggong jawab.

04/14.txt

@@ -0,0 +1 @@
+\v 14 Yai talêwê hita bonam Imam Boko Banggoronggang, i lûmeoti pahasa i langit, awaboho si Yesus, batâ i Ningumêlêd, saniboho tumaka kita mauleng karua netê a pangakuan i koemanan i hita. \v 15 Nde imam Boko i hita bana, hi i sa Imam Bako a tahi i mahahelam apahasa kahawelan i hita ta’ mekêlê bo hita, nde sia pinangepean ta’ sisia hi i matulid sea. \v 16 Awaboho kawalian,  ayom kita karua kawaraneyan sumusut i tahta bêlês kohomba saniboho hita tulungena a norasna.

05/01.txt

@@ -0,0 +1 @@
+\c 5 \v 1 Awahem pahasa imam bako, sinisir atutud ilatahula itotumu, betahum itotumu apinekodaitan bo Ningumeled, saniboho sia mapowalad, powalad bo pawasil tatawoi i sea. \v 2 Sisia dona mahailah manga totumu tapia bo manga ahii wu’tul de sisiamio mawuli-wuling kahawelana. \v 3 Awaboho kawalian silatahula mehe tanu powalad, pasil nde karua i sea. Ahii sawati umat sumata kahi tanu batangana mio.

05/04.txt

@@ -0,0 +1 @@
+\v 4 Bo alehamai nesa totumu minjo kaormatan ambatangana mio, suamta tanu teangen iNingumeled, mekele mimamoali besi karua. \v 5 Kelewaahohahi si Kristus hii itumulid imbatangana hii monunga nde sia imambako, sumata beatang sia kelembisa kukua besia : Annaku Engkau ! Sihow pinebatakum anendo inia :

05/06.txt

@@ -0,0 +1 @@
+\v 6 kelembisa kukuaNa asuang inas balina : sihow imam ahad kaeto-eto, ihiit anatouran i Melkisedek.

05/07.txt

@@ -0,0 +1 @@
+\v 7 Asuang penonowanNa disia totumu, imowalad sombayang sia, imangeleisia karua imekaêhaê bo imbulu besia, di sia dona mawatow apawate, bo karua koemanaNa imawatanga anem sia. \v 8 Ia mande sia kedong sisia imahajar maindo morowot asia pinakêlaNga,

05/09.txt

@@ -0,0 +1 @@
+\v 9 ahadem sia behoamatan kotolimomodaNa, sisia maindo kaenowan telas apaha totumua. \v 10 Tiniang sia iNingumeled mamoali imam bako behi’it anatoran i Melkisedek. \v 11 Bowai tadoo hahi nihua ihamitahula sumata kepe kumua iboho, de kamotahula ngêrênio matanga.

05/12.txt

@@ -0,0 +1 @@
+\v 12 Bo mandewe kamotahula, kinasilihanen temponu, donam kahi mamoali masusui mandêi kêlêaboho susuja pe kahi laud kukua iNingumêlêd, de hamotahula perekewê susu ahii kakanen ketêh. \v 13 Ndê sisêiyange mabopê susu sisia niaho tahii itumikêm imbêwa susui i konungaan dêsia kêdong kisit. \v 14 Sumata kakanen kêtêh kakanen itotumu bako, ndê tadoom bêlanga mahailahêm sia sumilah i maulêng botapia.

06/01.txt

@@ -0,0 +1 @@
+\c 6 \v 1 Awaboho kawalian ayomem hita mepa ange asas-asas pahamunan a bewa turu kelembisa si Kristus, bo rumeso a manga bewa turu mauleng, naam kahi hita mepa dasag patobatan a manga tatawoy kuow bo dosak koemanan besi Ningumêlêd. \v 2 Awaboho bewa turu a kata dooan baptisan, menumpangkan i kama, kebangkitan manga tou i matembo ukuman telas. \v 3 Bo wa aho e tuliden i hita, sa i yahe i Ningumêlêd.

06/04.txt

@@ -0,0 +1 @@
+\v 4 Awaboho kalian silatahula e tinerangem natena, a ni humelam kahomba i sorgawi, bo i mahaere beteng a suang monggoguot. \v 5 Bo i humelam kukua mauleng besi Ningumêlêd bo manga kohomba i baotoba anendo mengahi-hahi, \v 6 sumata niaho murtad kahi, alam mata u meleng petalêyan, ahad silatahula matobat, nde silatahula ni sumanib bata i Ningumêlêd tanu batangan i lataula bo i sumero i sia a sasaangen i tow.

06/07.txt

@@ -0,0 +1 @@
+\v 7 Nde toba masêsêw i nehê têka a noras lumolos ambaora, waaho ni mawatow i manga tinanem, maindo bereguna a tow matawoi, bo tumirima kamang i Ningumêlêd. \v 8 Sumata saniaho toba bati panowan aho pamatahan hi i sia maindo bereguna bo maindo mange kutuk amahahad panutunem sia.

06/09.txt

@@ -0,0 +1 @@
+\v 9 umata, manga morowogku i behales, mandêwê kamitahula mohodait kêlêaboho tanu kamotahula, emanenio i hamitahula, awahem kamotahula i me maulêngêm, biboho banam kaenowan. \v 10 Nde Ningumêlêd hi i sa sia hi i adil, osa sia molingo i tawoyenu bo bêlêsnu i bewawa turu hamotahula tanu ngalaNa tanu sali i homotahula a manga tow lenas, nde pa tuli-tuliden pê i hamotahula ahad yai talêwê.

06/11.txt

@@ -0,0 +1 @@
+\v 11 Sumata i habog i hamitahula, saniboho kamotahula nesa bo esa mawa tutu mekêlê kaulitan tanu mawa moali asia niaho paharawenu maindo bêtêng ahad i potahadanna. \v 12 Saniboho hahi kamotahula hi i ngêrên, sumata maindo makiit besi latahula nde koemanam bo kasabaran mahaêrê beteng asia niaho berandi i Ningumêlêd

06/13.txt

@@ -0,0 +1 @@
+\v 13 Anoras Ningumêlêd mêhê darandiNa besi Abraham, imasupa sia tanu batangaNa mio, nde talahem totumu lêbê matatang be sia. \v 14 KuaNa: Ulit-ulit ahu ma berkati ihow melêbê-lêbêsoho ba tumulid i how metado omio. \v 15 Si Abraham masondo karua sabar, awaboho kawalian kinaêrêana asia niaho darundi be sia.

06/16.txt

@@ -0,0 +1 @@
+\v 16 Nde totumu masupâ tanu totumu lêbê matatang supâ iboho maindo pawaêtêon besia,  tanu mawaahad i koto-hotongan kodait. \v 17 Awaboho kawalian, tanu mawa ulit besilatahula sa sisey do’na tumirima darandi iboho ulitNa tumuru,  nde Ningumêlêd be wakesNa batangaNa a supâ iboho. \v 18 Saniboho dua be wawa nyata hi i matau wo malu-malui, kêlêmbisa Ningumêlêd hi i sia matowo, nde hita mapangilah pahuyungan, saniboho mahaêrê korowotan tumulud tanu mahatukâ asia niaho paharawen i wao-wao mio a sasa angen i hita.

06/19.txt

@@ -0,0 +1 @@
+\v 19 Wahem paharawen ihoho sauh morowot bo aman tanu kanalu i hita, bo be wawa tapal a lihua i tabir. \v 20 Bisana si  Yesus ni mirang tanu hita, wahem sia i humiit a natoran i Melkisedek, i maindo Imam Boko ahad kaeto-eto

07/01.txt

@@ -0,0 +1 @@
+\c 7 \v 1 Awahem si Melkisedek dajai salem bo imam i Ningumelêd amatatang : mohosia sumuotange si Abraham awahem si Abraham lusuk pemar imawahalai daja-daja. Osa mehe kamang besia. \v 2 Besia si Abraham mehe seper ngawulu apahasaiboho saihiit ambeanda agalana Melkisedek dajai katelasam muna-muna, bo hahi daja salem, awaboho daja mosononoy. \v 3 Alahem namanga bo penonowana alahem suru belolosan, endona alehem pinolaian bo penonowana alahe, daeotan bosia tinuli’d mekelê bowata iNingumelêd, kawalianoho sia mamuali’ imam ahad’di kaeto-eto.

07/04.txt

@@ -0,0 +1 @@
+\v 4 Tikemen kelembisa kakoan totumu iboho, awahem si Abraham matua belolosa i hita imowalâd perpuluhan apahasa pinangandena bo isumisir imanga mauleng. \v 5 Bo manga morowata’ i Lewi, itumirima jabatan imam, binean tawoyen, be hiit a núkum itorat, nde mapulut iperpuluhani towi Israel, waboho manga morowok ilatahula, mandehahi silatahula ilumolos besi’ Abraham. \v 6 Mande hahi si Melkisedek ahii suru ilatahula mahinjo persepuluhan besi Abraham osa iwaberkatina mande hahi si Abraham binean i darandi.

07/07.txt

@@ -0,0 +1 @@
+\v 7 Totu’u ahii sakalen, totumu tinaaran ambawa tumaan a totumu tinaaran a metatang. \v 8 Manga imam-imam itumirima i penghowuluan iboho mamate. Sumata behuai Kaol siMelkisedek nde binean seperngowulu iboho totumu telas menonow. \v 9 Waleboho kawalian do’na ihua tatawoi i Abraham pinulutan kahi pangoeuluan besi Lewi, awahem siahahi papowaladan pengoowuluan. \v 10 Waaho kawalian sia asuape imbatangan amanga inawona osa si Melkisedek sumupah inamang nawona’

07/11.txt

@@ -0,0 +1 @@
+\v 11 Wa’boho, saiande si imamat Lewi behoamat a kotolomomodan awahem imamat umat Israel, itumirimam Torat, bo donawe tumuru imam bako ihiit besi Melkisedek bo karuruisia ahii behua behiit besi Harun ? \v 12 Awahem sa imamaat ihawalui, i hawalui hahi niaho nukumi Torat.

07/13.txt

@@ -0,0 +1 @@
+\v 13 Nde sia, pohodahodaitan biai, sumua-suang suku balina suky yai ahemai nesa tow mahasa itumawoi a mezbah. \v 14 Kalohanen ipahasa totumu, awahem si Tuhan suku Yehuda, si Musa ahii mahasa ihumua kelembisa niangei imam-imam.

07/15.txt

@@ -0,0 +1 @@
+\v 15 Waboho beterangemio kahi, sa betatu tow balina mamuali imam ihiit besi Melkisedek. \v 16 Sa mamoali imam ahii ihiit akahabogen itotumu, sumata bisana mange potahadan kumiit menonow enow, ahii sa mangilah. \v 17 Kawalianoho sia bewawasairim si How niboho imam ahad kaetoeto i hiit besi Melkisedek.

07/18.txt

@@ -0,0 +1 @@
+\v 18 Totu’u niaho nukum tinuli’d atalewe dona behelong, saniaho nukum alâhem pongugâtâna bo ahii bereguna. \v 19 Waahorekedeng ukumi Torat ahii meang akaulitan sumata yai talewe maharaw akaenowan, nde mawasusut ihita besi Ningumelêd.

07/20.txt

@@ -0,0 +1 @@
+\v 20 Bo pinekelêaniai ahii mamuali satahii be supa totu’u silatahula imamuali imam ahii besupa. \v 21 Sumata sia karuai supa, bewohodaina behuai kukuana si Tuhan i sumupam bosia ahii mahasa manesel ; sihow mamuali imam ahâd kaetoeto.

07/22.txt

@@ -0,0 +1 @@
+\v 22 Keleaahohahi si Yesus imamuali jaminan a nesa darandi maindo lebe morowot. \v 23 Bo tadoo mio silatahula i maindo imam, nde silatahula sinupah i ta’pia saniboho tetop tumaka-taka jabatan imam. \v 24 Sumata si Yesus menonow ahad kaeto-eto, kawalianoho tawoiena kele imamat ahii haresi akahele tow

07/25.txt

@@ -0,0 +1 @@
+\v 25 Waboho kawalian aha’d kaeto-eto si Yesus don’a mawatow itow mahi a Ningumeled nde dinulu’h silatahula. \v 26 Nde imam bako kele waaho nihabok i hita : awaboho koemanan, alahem sea, alahem sero’ bo behatare’d amanga tow sêa, bo lêbê matatang anderet i sorga.

07/27.txt

@@ -0,0 +1 @@
+\v 27 Bo ahii mekele tekai imam-imam bako balina, nde susud inendo mapahe pasil akaseaana mio bo haworusange niboho pinahasasanen tinulid ahâd kaeto-eto, ahadange sia imowalad imbatangaNa mio kêlê powalad. \v 28 Ukum i Torat itumuru tawoyen amanga totumu ahii telas mamuali imam-imam bako. Sumata ahadange a nukum iboho, Ngeledtow dumandi karui supa awahem sia tumuru imam agung, a kedong lenas monunga ahad kaeto-eto.

08/01.txt

@@ -0,0 +1 @@
+\c 8 \v 1 Pahasa pino hodaitan ihita : awahem kita mahapunya imam bako dumatu-ratuh akanoal ikaholanoan. \v 2 Sisia itumawoy itawoyen ni imam aguna atampa lenas asuang kemai i Tuhan batinad i Tuhan ahii tinad i totumu.

08/03.txt

@@ -0,0 +1 @@
+\v 3 Memang waange manga imam baka dali’im beator mahator ipapeangennai ijamaat iwa powalada waaho kawalian si Tialoh bana niaho dali’im besaketai eni baha bewowalad besi Tialoh. \v 4 Saoon siTialoh biai ambao toba siTialoh ahii sia mamoali imam awahem ambao toba iyai dalim bana manga totumu beator mahator ipowalad kele baetor i hukum Torat. \v 5 Tawoyen ilatahula awahem mamoali toturu itawoten a sorga. Mekela be behua besi Musa : atepo si Musa tumaken tumod ikema. Awahem berandi besi Musa kokomba iNingumeled tulidenu kelembisa beturu ambao indungusan.

08/06.txt

@@ -0,0 +1 @@
+\v 6 Sumata sisia iaitalewe imahaerem tawoyen lebe wako awahem sia imamoali imaturu itawoyen lebe lenas awahem bewao andarandi alebe matatang, \v 7 ande-ande kokomba akaha munan ahem ndaina, ahii imaleng mangilah tampa balina.

08/08.txt

@@ -0,0 +1 @@
+\v 8 Awahem pinerowna silatahula imohodait mahasa hemoho mahi terona keleaho Kukua Ningumeled. Siahu tumuli dorandian taleya komotahula itow Israel bo tow Yehuda. \v 9 Ahii mekele darandihhu, atinuliku amanga nawo ihamotahula. Atepo siahu itumaka ikama ihamotahula ilumuai atoba i Mesir. Awahem silatahula ilumawah indorandiHu waaho kawalian silatahula Ahii tinirimaHu waaho Ahu kokomba.

08/10.txt

@@ -0,0 +1 @@
+\v 10 Wai aho dorandi Hu behuahu atow Israel ataliwe. Waaho kawalian kokomba i Tuhan iepaku niai hukum ku asuang inate bo pikiran ihamotahula osa iwamatih Asuang inate ihamotahula. Awahem Ahu mamoali Ningumeled hamotahula bo hamotahula mamoali totumuku.

08/11.txt

@@ -0,0 +1 @@
+\v 11 Ba silatahula masusui akahele ilatahula bo amanga poknga osa mapakua kilalan Aho si Tuhan. Awahem silatahula bakoboikisit daketem mahahilala si Tuhan. \v 12 Awahem silatahula beaiku beles silatahula mande silatahula tadoo sea bo alan mahimun pahasa sea.

08/13.txt

@@ -0,0 +1 @@
+\v 13 Waaho kawalian sia mapohodait ikodait dorandi taleya : dorandian taleya iboho imawaturunam wa’aho dorandian akahamunan, awahem matuam iboho kawalian alam bereguna.

09/01.txt

@@ -0,0 +1 @@
+\c 9 \v 1 Awahem darandi apahamunan bana matoran tinulud tanu maibada bo tanu tampa lenas tinulid ikama itotumu. \v 2 Nde bana sinadia esa kema, waaho nasasaangena biboho bana nae dian bo meya bo roti pakanen. Waaho niwapakua tampa lenas.

09/03.txt

@@ -0,0 +1 @@
+\v 3 Alihud i tirai akaruana bana hahi kema esa waaho niwapaku tampa lenasio. \v 4 Biboho  bana mezbah patutuan ukupan emas bo tabut darandi, waaho pahasa sinawud i emas, asuang i tabut darandi waaho bana bepa buli-buli emas sinuangan i mana, butul iharun waaho mahasa ilumulun bo loh-loh batu bo pinatihan i darandi, \v 5 bo ambao ikaruana kerub konungaan imepa kolob kadamean. Sumata asakum iai awematau hifa tampa masirita karua inesawoesa.

09/06.txt

@@ -0,0 +1 @@
+\v 6 Awaboho kawalian kelewaaho mator tampa lenas. Awaboho kawalian manga ima-imam sumuang asuang i kema amuka mio tanu tumuli pawa sombayangan. \v 7 Sumata asuang kema kuruana bati imam bako dona sumuang, sanga taun mahasa hemoho, waaho patuliden ilatahula bo mapeaweang daha tanu iwowalad apapaan, batangana mio bo tatawoi tapia tinulid totumu ahii kalahan ilatahula.

09/08.txt

@@ -0,0 +1 @@
+\v 8 Karua i monggoguat mawatara, apa-apaan dalan moho atapa lenas alawe binuhaan, kaeto kema apaha munan banawe. \v 9 Waboho binangandean yaitalewe, niaho bewapasil bo pasil behena ahii dona mahaere etê besilatahula bo powalad ilatahula ihiit apandung inate ilatahula. \v 10 Kawalian pahasa iboho, asakum i kakanen, lekuun bo manga pahasa pêkesean, waaho bati’ manga atoran penonowan, nde niaho do’na kiitan ahad nihoamat mahi petaleyan i Ningumêlêd.

09/11.txt

@@ -0,0 +1 @@
+\v 11 Sumata si Kristus i mahim, nde sia imam bako tanu pahasa mauleng osa moai, be ê beana kemah kêlê kahakoan bo niitio motolimomoi, bo hii tinawoi i kamaitotumu, artina hii sumua-suang a tinulidan yai. \v 12 Bo sia i mahasam i sumuang ahad karto-eto, asuang tampa lenas, hii sa mapea-weang i daha domba tuama bo daha i kedonga lembu, sumata i meang i dahaNa mio. Awaboho kawalian biboho kinaerean belepotan i hita ahad kaeto-eto.

09/13.txt

@@ -0,0 +1 @@
+\v 13 Aboho kawalian, sawana domba tuama bo daha i lembu tuama bo percikan sebu i lembu muda, mawa londol silatahula a tahii wu’tul, kawalian silatahula bewana suci bati tanu lahiriah. \v 14 Ahi i toro kahakoan i daha i Kristus, karua i gongguot enow, imehe powalad waaho batangan mio a Ningumêlêd powalad akataluheman da’i, mawa weresi i nate hita a pahasa tatawoi ta’pia, saniboho hita do’na masombayang a Ningumêlêd karua nenow. \v 15 Awaboho kawalian sia tapatoloh a pahasa darandi taleya, saniboho silatahula kinatiangan tumirima beteng kaenowan a be randi, nde sua i matem tanu tumubus pahasa sea pinetawoi-tawoi a pinolaian i darandi

09/16.txt

@@ -0,0 +1 @@
+\v 16 Kawalian bisana bana wasiat, i wongitau moho kelemisa pinatean i matulid i wasiat. \v 17 Nde anesa wasiat do’na ulit, sa niaho mawatulid i wasiat i matem, kawalian sia hii mata’u, a kaeto niaho matulid i wasiat menonowe.

09/18.txt

@@ -0,0 +1 @@
+\v 18 Awaboho kawalian, a pahamunan i darandi ahii ulit, sa talahem daha. \v 19 Ahadem si Musa i humua moho pahasa ukum Torat a pahasa umat, i minjo sia daha i kedonga i lembu bo daha i domba tuama bo ahê, bo bulu meha bo hisop, i mawawercik a kitab iboho bo pahasa umat. \v 20 Osa kumua : wa i daha darandi be turu i Ningumêlêd be behamotahula.

09/21.txt

@@ -0,0 +1 @@
+\v 21 Bo hahi kemah bo pahasa pakakas ibadah bewa percikna kêlêaboho karua daha. \v 22 Bo hahi on asia mange bineresi i humiit a hukum Torat karua daha, bo ahem daha behatia bo alahem moho pinangapungan.

09/23.txt

@@ -0,0 +1 @@
+\v 23 Yanasa asia mange niaho melambangkan asia na sorga, damacin tahiren kêlêaboho, sumata tanu manga pakakas a sorga i boho, bana powalad maulengio. \v 24 Nde si Kristus hii isumuang a suang tampa lenas tatawoi i kama itotumu wekela i paela, sumata tanu moho sumuang a Ningumêlêd a suang i sorga maindo kaulitan hita.

09/25.txt

@@ -0,0 +1 @@
+\v 25 Bo pahasa yai ahii mebalê-walêng mowalad i batangaNa, kelembisa imam bako têbê ngataun sumuang a suang i tampa lenas karua i daha ahii dahaNa. \v 26 Awahem sa hêlêaboho sia mebale-waleng menderita a molai mio a pinolaian i baoitoba yai. Sumata yaitalêwê, bati mahasa sia i mawatara i batangaNa, a potahadan i zaman tanu kumusu pahasa sea nde powaladNa.

09/27.txt

@@ -0,0 +1 @@
+\v 27 Bo mêkêlê-kêlê totumu mapatê tinantu batî mahasa, ahadem nimate akimenem. \v 28 Kêlêaboho hahi si Kristus, batî mahasa sia imowalad i batangaNa, tanu tumanggong i sea katadooan i totumu, ahadem iboho mawatara hahi sia ibatangaNa mahasawê, ahii tumanggong i sea, sumata tanu mahi mepa kaenowan besi latahula, sa sisei manondo-nondo i sia.

10/01.txt

@@ -0,0 +1 @@
+\c 10 \v 1 A suang i nukum Torat bati bana palenan i kalowidan a mahahad, bo hi’i sasane i niaho kalowidan. Kawalian niboho karengan i mekele ndarahes a tebe i ta’un mene- enetange bewawarahes lala’ut i Torat ahi’i rona i hamoali mawatolimomod silatahula mahinjo beteng sakum niaho. \v 2 Sumata’ sa dona helewaaho, tantu totumu alam kahi mapowala’d nde silatahula mawa ibadah i oho ahi’i mobulig ai a norow ahad binayo bati’ mahasa tanu kaeto-eto. \v 3 Sa ta’ apa’an manga darahes i aho tebe i ta’un tow bewapaimun embana orownia. \v 4 Nde tahi toro sa ndaha i sapi tuama suma ndaha i domba tuama kumusu i sea’.

10/05.txt

@@ -0,0 +1 @@
+\v 5 Saniboho a talewe’ sia sumuang a mbaoitoba kumua sia : dahes bo powala hi’i i habogNu ta sinadiaNum beahu tanu batangaku. \v 6 Besi darahes patutun bo darahes makusu i noras hi’i wapandungeNu. \v 7 Osa ahu kumua : ulit, moai Ahu ; a suang kekehekedan i Kitab pinatihan tanu si Ahu. Tanu mawatulid kahabogenNu, ya Ningumeledku.

10/08.txt

@@ -0,0 +1 @@
+\v 8 Ambao sia kumua : “Darahes bo powala’, darahes patutun bo darahes makusu i sea hi’i ihabogNu bo ahi’i i wetenaNu. Kelewaaho’ mandewe’ berahes a kahabogen i nukum Torat. \v 9 Osa maleng kahi behuaNa : “ulit, moai Ahu tanu mawatulid kahabogenNu. Apolaian sia kumusu saniboho mawalondol i karuana. \v 10 Bo akahabogenNa ni a’i hita bewawalesNa mahasa hemeho tanu kaeto’ eto’ i powala batangan Yesus Kristus.

10/11.txt

@@ -0,0 +1 @@
+\v 11 Osa hahi tebe nendo sa imam tumulid pelayanan-pelayananna bo mebale-waleng mapowala’ darahes mekele, wa’aho hahi ahi’i rona mawahusu i sea. \v 12 Sumata’ si sia a bati’ mahasa mowata darahes tanu i sea. I rumatuhem sia ahad kaeto’-eto’’ andoro’ i kanoal i Ningumeled. \v 13 Bo ia’i talewe’. Si Sia masondo’o, tepona, kelembisa pahasa kasehedNa tuli’denNa pawatondoan i na’eNa. \v 14 Nde bati’ wa’aho esa ndahes bewawa tolimomodNa ahad kaeto-eto silatahula bewawa lenasNa.

10/15.txt

@@ -0,0 +1 @@
+\v 15 Osa tanu wa’aho monggoguot nehe sairi be hita, \v 16 nde halawus oho sia kumua Kukua : “ e wa’im pedandian e mainjo petulideku i teka silatahula, i pakawus oho niaho sisia kumua hahi” : iwawa epa’ku nukumku andalem inate akal budi ilatahula, bo iwamatihnga a ndalem i kosononoian i latahula.

10/17.txt

@@ -0,0 +1 @@
+\v 17 Bo alam kahi Ahu mangimun pahasa orou bo sea ilatahula”  \v 18 waboho kawalian, sa tanu pahasa iboho bana napungan, alama rona hahi papowaladan darahes tanu sea.

10/19.txt

@@ -0,0 +1 @@
+\v 19 Yanasa, manga morowog, apa’an daha’ i Yesus hita ia’i talewe’ baraneiem mio’ dona suma’ang a lesad lenas, \v 20 nde sisia i muha’am ndalan taleya bo kaenowan tanu i hita mebe a kêndir ê waaho batangan Na mio. \v 21 Bo hita bana esa tow imam bako tanu hapala bale Ningumeled. \v 22 Boho kawalian mayom de hita suma’ang Ningumeled karua ate enow bo kawahemanan koêmanan ê nête, nde kawalian ate ihita biyayom a kawahate e ta’pia bo batangan i hita bineresim i nahe leno.

10/23.txt

@@ -0,0 +1 @@
+\v 23 Mayom hita tumaka’ io a pinangkuan tanu paharawan i hita, nde si-sia dumandi mo’eman. \v 24 24Osa mayom hita karua mepewilahan saniboho mekambea’an a mbeles bo patawoyen mauleng. \v 25 25Na’am nde hita marekang i mbatangan a pawawosipunan  i ibadah, kele pinabiasa i latahula tow, sumata’ mayom hita mepeweimunan bo mi’it matulid i aho a lakapui endo i Tuhan masusutem.

10/26.txt

@@ -0,0 +1 @@
+\v 26 Nde sahita masangaja matulid i sea, a hita i mongita’um i kabenaran, alanemoho hahi darahes tanu mawahusi i norow i aho. \v 27 Ta’ bati’ bana ni aho kawatean mahaliangan bo baha i ta’ mêri tanu mawatutus i pahasa tow seli’ba.

10/28.txt

@@ -0,0 +1 @@
+\v 28 Sa bana tow tumulud u nukung Musa, sia beu’kum pinate alahem kobêlêsan a mbewaha’ i ndua sumatêlu sairi. \v 29 Ni’it tio taned ukuman i yehe be sia, i motumi-tumid batâ i Ningumeled, a makatam samêh ê ndaha darandian ê mawalênas i sia bo emawasero’ Tutuh i mbêlês bêlês kohomba.

10/30.txt

@@ -0,0 +1 @@
+\v 30 Nde hita i mahahilala i sia i humua :  “sumaliku’ awahêm betengku siahum ê tumuntut i pesaliku’an’ bo kahi : “si Ngêlêdtow misa’ i totumu’na. \v 31 Totu’u mahayuyungan sa i hatia’ a ndalem kama i Ningumeled ê menonow.

10/32.txt

@@ -0,0 +1 @@
+\v 32 Imunen nde a talewe’, a katirima i homotahula i terang, tado’o mio pinapongigon i hamatula ta’ awahem kamutahula i tumahang ngoho i pangambutan taned. \v 33  A noras kamutahula tunulid pawatengon i powopos bo pongigoan, bo hahi kamutahula i minjom beteng a pinopangogion i latahula pinatulid kelewa aho. \v 34 Totu’u kamutahula i minjom beteng a pinapongigon i mangatotumu u’ukuman bo a teo i harta i homotahula kinadet, tinirima i homatula a kahi’in nde kalahan i hamatula, awahem kamutahula mahasawa harta le’be mauleng bo ni’it i haenet nggiona.

10/35.txt

@@ -0,0 +1 @@
+\v 35 Aho kawalian na’am nde komotahula mawalepot i kawehemannu, nde bako têtêh masondo i how. \v 36 Awahem kamutahla manguani kahunduan, saniboho halaus oho kamutahula matulid i kahabogen i Ningumeled, kamutahula mahaere asia ni’aho berandiNa. \v 37 Nde kiding, bo kidingemio’ noras hahi, si Sia e maheaiem, wa’i mbanam hi’i sumoyot i noaianNa.

10/38.txt

@@ -0,0 +1 @@
+\v 38 Ta manga touHu ulit, menow i koemanan, ta’ sa sia kumelong ahi’i Ahu metena’an besia. \v 39 Ta hita ahi’i moho manga tow i humelong bo i motutus, sumata manga tow i moeman tanu mahaere katowan.

11/01.txt

@@ -0,0 +1 @@
+\c 11 \v 1 Koemanan maindo totumu asia mange paharawen i hita bo pahasa tahii penelilah i hita maindo tara. \v 2 Nde bati koemanan ni mehe sairi a mangaa nawo-nawo i hita. \v 3 Awahem koemanan hita mangarti, wa’aho kauhaan bao toba tinulid i kukua Ningumêlêd, awaboho kawalian asia niaho belilah i hita i mamoali, a tahi i koamatan pelilahen i hita.

11/04.txt

@@ -0,0 +1 @@
+\v 4 Nde koemanan i Habel i tumulid powalad maindo manunga a Ningumêlêd nde dahes tinulid e Kain asia niaho tinulidna i maindo sairina, awahem niaho mauleng, nde Ningumeled mekahi milah i powaladna, bo karua i koemanona do’na wê sia masirita, ahadem sia i mate.

11/05.txt

@@ -0,0 +1 @@
+\v 5 Nde koemanan i Henokh behaatang, saniboho hii sia kumelam pawate, bo ahii sia bewêtau, nde sia beatangem i Ningumêlêd alawê sia behaatang, i imahaere sairi, awahem sia ulit Ningumêlêd. \v 6 Sumata sa talahem koemanan hii sia tiriman a kaulitan i Ningumêlêd, nde sa sisei yange tumalihudai iNingumêlêd, musti hapercayaan awahem bana niaho Ningumêlêd, bo Ningumêlêd mehe beteng sa sisey niaho ulit-ulit mangilah i Sia.

11/07.txt

@@ -0,0 +1 @@
+\v 7 Nde koemanan i Nuh, karua tuturu i Ningumêlêd asia niaho talawê, kawilahan, sumata karua i koemanan tulidena niaho bolutu wako, tanu mawawia i pomaleana, nde awahem koemanan iaho ukumena baoitoba, bo tinantuna tanu tumiriman kaulitan, kelembisa tatawoy koemanan.

11/08.txt

@@ -0,0 +1 @@
+\v 8 Nde koemanan i Abraham, a noras sia tiniang tanu moho a doong tinirima maido pusakana, tilahonem sia ê matang mandê awê kalahana bisana nohoan. \v 9 Karua koemanana mêtêwio sia a tanâ bêrandi, mande niaho tanâ balina bo biboho sia mutunio a kemah bo si Ishak bo si Yakub, surû tumaka-taka betêng ndarandi i aho. \v 10 Nde sia manondo-nondo katulidan ê kota, a pinarêkên bo pomangunen i Ningumêlêd.

11/11.txt

@@ -0,0 +1 @@
+\v 11 Kawalian i koemanan kahi, si Sara i mahaêrê korowotan tanu mawalolos i surû molai a kedong ahad i poyo, mandêwê umura bêhalêotêm, nde kalahana mio sia imêhê darandi ulit. \v 12 Awaboho kawaliana, molai mio a nesa tow, nde kalahan i hita mande sia pinatêanem i luluna, sumata biboho belolosanoai i surû bako, kêlê katadooan i buâ i langit bo kêlê katadooan i nelis a saloyan, hii katabêan katadoona.

11/13.txt

@@ -0,0 +1 @@
+\v 13 Akoemanan i pahasa latahula yaitalêwê i matêm, kêlê manga totumu ahi i mahaêrê i darandi taboho, sumata batî a dêkang mahawelilah, bo makawê-hawêy besia, bo mangaku, awahem silatahula tow balina bo tow i mahiwê ambaoitoba. \v 14 Nde silatahula i humua kêlêaboho, awahem silatahula akateneman mangilah sa ro’na mahaêrê tanâ i latahula mio.

11/15.txt

@@ -0,0 +1 @@
+\v 15 Sa haimunan i latahula tanâ tinowan, a belolahanemai asakum banawê noras do’na silatahula malêng mebalêng biboho. \v 16 Sumata ya i talêwê silatahula mahaêrê saro’na mahaêrê tanâ maulêng, awaboho esa tanâ Lenas, kawalian niaho Ningumêlêd hii monokia, kumua Ningumêlêd i latahula nde bana kota sinadianam tanu silatahula.

11/17.txt

@@ -0,0 +1 @@
+\v 17 Nde koêmanan i Abraham, a pinangepêan, moho mowalad si Ishak. Si Sia itumirima darandi, bêwowaladnga moho natêna mowalad i batanâ tulong. \v 18 Mandêwê banam behua bêsia : suru ambesi Ishak de ani wapakua surunu. \v 19 Nde sia mikir, awahem Ningumêlêd mahimbahut mawabangkit manga totumu, mandê a tutud manga totumu i mamatêm, bo biboho sia kêlê mange malêngêm tumirima.

11/20.txt

@@ -0,0 +1 @@
+\v 20 Nde koemanan osa si Yakub, monarah sia a karêkangan ponarahena, mêhê kamang besi Yakub bo si Esau. \v 21 Nde koemanan osa si Yakub, anorasem sia susutem matê, mapi-apig a kohong i tongkana. \v 22 Nde koemanan a susutem si Yusuf mate, mawasereb sia kêlêmbisa tow i Israel lumuai bo mêhê sia koyow kêlêmbisa manga duhina.

11/23.txt

@@ -0,0 +1 @@
+\v 23 Nde koemanan si Musa, ahadêm sia i tumow, beruru sia i matuana têlu ngaulan, nde silatahula milah, awahem niange kedong elû io kawilahan bo silatahula hii matalo perêta i daja. \v 24 Nde koemanan si Musa, ahadem siia melitow betuludna sia wapakua batâ i putri Firaun. \v 25 Awahem lêbê habognga sia mangigon i pahigonen wakarua i numat Ningumêlêd, nde tanu samantara wakaru-harua mangela-ngelam. \v 26 Anggapena niaho pêdorosan ndesi Kristus tanu mehe kaayaan bako, ende a pahasa harta i Mesir, nde pilahena niaho batî kêlê têtêh ambaotoba.

11/27.txt

@@ -0,0 +1 @@
+\v 27 Nde koemanana belolahanna bepa’namio Mesir, karua talahemai talo’na a daja. Tumahangio sia mekêlê sia imilah asia niaho tahii kawilahan. \v 28 Nde koemanana tumulid sia paskah bo pamepesan daha. Saniboho pahasa tapelimed i manga kedong matua, ahii sêkê ên ilatahula

11/29.txt

@@ -0,0 +1 @@
+\v 29 Nde koemanan silatahula i lumêot saloyan mêha mekêlê bo lumêot a toba welâ, sumata manga tow i Mesir bêha lênêt,anoras silatahula mepe’ isia. \v 30 Nde koemanan, bêhaêlêt manga temobok Yerikho, ahadem niaho kota kinekedem latahula pitu ngando kaetona. \v 31 Nde koemanan awahem si Rahab, waaho bene tape detuh, hii sia i mate wakarua i latahula tow seli’ba, nde sia i sumupah manga mata-mata ioho karua nenow.

11/32.txt

@@ -0,0 +1 @@
+\v 32 Bo asia we do’nahu i huahu ? Nde ahu alam doro noras, sa ahu masiritawe kêlêmbisa, Gideon, Barak, Simson, Yefta, Daud, Samuel bo manga nabi. \v 33 Bo koemanan, i mawahala silatahula manga kerajaan-kerajaan, i tumulid kaulitan, i mahaere asia niaho dorandi tumakew i bata manga singa. \v 34 Imate baha melalanbange, silatahula beha lepotem a belen i pedang, i mahaerem korowotan a kahawelan, imedowot a suang i paperangan bo imawaundur manga pasukan sururaho asing.