Tue Aug 04 2020 11:47:47 GMT+0800 (Malay Peninsula Standard Time)
This commit is contained in:
commit
9cc7ff4fd4
|
@ -0,0 +1 @@
|
||||||
|
GALATIA
|
|
@ -0,0 +1,2 @@
|
||||||
|
\c 1 \v 1 Sisiri i Paulus, êsa rasul, ahi’i’ apa’an i totumu’, ahi’i’ hahi apa’an i nesa totumu’, sumata’ pandung i Yesus Kristus bo Ningumêlêd, Amang, ê maleng imawatow i Sia a tutud i tow imamatem,
|
||||||
|
\v 2 bo a pahasa pog ê mbewakaru-harua, a manga jamaat a ngGalatia:
|
|
@ -0,0 +1,3 @@
|
||||||
|
\v 3 Bêlês kohomba’ bo sononoi ênow i Ningumêlêd, Amang i hita, bo Si Tuhan Yesus Kristus karuru i homotahula,
|
||||||
|
\v 4 ê nimehem i mbatangan-Na apa’an manga dosa karoan i hita, tanu malus i hita a kata’pia’an i mbaoitoba ia’i talewe’, mi’it a pandung i Ningumêlêd bo Amang i hita.
|
||||||
|
\v 5 Tanu si Sia hêmoho konunga’an kaêtoêto’. Amin.
|
|
@ -0,0 +1,2 @@
|
||||||
|
\v 6 Haeraku, awahêm kamotahula kele’aho kotiro’an itumalihut be Sia, ê napa’an bêlês kohomba’ i Kristus itumiangêm i hamotahula, ilumasêm a ninjil balina,
|
||||||
|
\v 7 ê kaulitana ahi’i moho injil. Bati bana ê totumu’imawa likeke i hamotahula bo ê manutu’ mowurisi i injil Kristus.
|
|
@ -0,0 +1,3 @@
|
||||||
|
\v 8 Sata’ mande hahi hamitahula suma êsa malaekat a sorga re moai ê kumua be hamotahula êsa injil ê mahisala’an bo injil ê behuam i hamitahula behow, kodorotan sia.
|
||||||
|
\v 9 Kele i mbehuam i hamitahula a pahamunan, ia’i talewe’ maleku ihua mahasa: sawana totumu’ kumua wehow êsa injil mahisea’an bo asia tiniriman i hamotahula, kodorotan sia.
|
||||||
|
\v 10 Yanasa kelembisa ia’i talewe’ : awa ahu mangilah kahabogên i totumu’ suma papandungên i Ningumêlêd? Awa êpe’aku iwêtêna’an i totumu’? Sahelemange ahu maibog mêpe’ iwêtêna’an i totumu’, yanasa ahu ahi’i sosiu i Kristus.
|
|
@ -0,0 +1,2 @@
|
||||||
|
\v 11 Nde tepu’unku be hamotahula morowogku, awahêm ni’aho ninjil behuahu ahi’i injil i totumu’.
|
||||||
|
\v 12 Apa’an ahu ahi’i itumirima i’aho a totomu bo ahi’i totomu’ ê nisumusui i’aho we ahu, sata’ahu itumirima i’aho a mbetuturu’ i Yesus Kristus.
|
|
@ -0,0 +1,2 @@
|
||||||
|
\v 13 Nde hamotahula itumanga’am sakum i kawenonowhu a pahamunan a nagama i Yahudi: ahêm pahadam ahu irumai i njamaat i Ningumêlêd bo i mangambut itumurasi silatahula.
|
||||||
|
\v 14 Bo a nagama Yahudi siahu ihuamio’ mi’it muna-muna endê naka doroan katado’oan karua mêdêngan bo siahu a tutud i mbangsahu kele totomu’ ê ndê’dêmio’ mahiaha i kanaraman i nawo-nawo’ku.
|
|
@ -0,0 +1,3 @@
|
||||||
|
\v 15 Sata’ a tepo Sia ê nisumi sirem iahu tu’os ahu a kanombalwe imamahu bo itumiang iahu karua i mbêlês kohomba-Na,
|
||||||
|
\v 16 maibog imawahilala i mbata’-Na we ahu, saniboho ahu mongahai i Sia a tutu i manga bangsa hi’i Yahudi, yanasa mande sangaoras kêmoho ahi’i ahu imangelei pêtimbangên a totumu’.
|
||||||
|
\v 17 osa hahi ahi’i ahu i’moho a Yerusalem manauw silatahula ê nimamoali Rasul pahamunan be ahu, sata’ahu imoho a toba i nArab osa wiboho maleng moho a nDamsik.
|
|
@ -0,0 +1,3 @@
|
||||||
|
\v 18 Osa ihaworusoho têlu ngata’un, moho ahu a Yerusalem moho milah si Kepas osa ahu manupang sangawulu bo lima ngando a mbalena.
|
||||||
|
\v 19 Sata ahi’i ahu imêlila mande bati êsa tow a mangarasul balina. Bana-hemoho si Yakobus pog i Tuhan Yesus.
|
||||||
|
\v 20 A ndior i Ningumêlêd têpu’unkumio’: asia mbewamatihku be motahula wa’i ulit. ahi’i ahu matowo.
|
|
@ -0,0 +1,4 @@
|
||||||
|
\v 21 Osa ahu mo a manga-sakumen i sisia a Kilikia.
|
||||||
|
\v 22 Sata paelku ahi’i kinahilala’an i mangajamaat i Kristus a Yudea.
|
||||||
|
\v 23 Silatahula bati’imahatanga’, awahêm sia ê napahamunan imapêda’i silatahula, ia’i talewe’ masahaiêm i kawaheman a mahiseaan wehaibog turanem.
|
||||||
|
\v 24 Osa silatahula imarayow i Ningumêlêd tatawoi hu.
|
|
@ -0,0 +1 @@
|
||||||
|
Pasal 1
|
|
@ -0,0 +1,2 @@
|
||||||
|
\c 2 \v 1 Ahadiaho ihaleotoho sangawulu’ bo êpat nga-ta’un, mohohahi ahu a Yerusalem. Si Barnabas bo si Titus kahi binalihu.
|
||||||
|
\v 2 Moho ahu mi’i’t a nêsa tatara. Osa we silatahula behayasku ninjil ê mbesahaihu a tutud i manga bangsa hi’i Yahudi. Sangapa’ be silatahula ê patoton pasiri’in saniboho na’am alahêm toro ahu mangambut suma imangambutem.
|
|
@ -0,0 +1,3 @@
|
||||||
|
\v 3 Sata’ mandehahi si Titus ê niwakaru-haruahu tow i Yunani, sumata sia ahi’i welese’ sunatên.
|
||||||
|
\v 4 Totu’u bana ndurusu i mangawog tondei ê nisumonawai, awa’aho silatahula ê nitumirih sumuang tanu matas i kawe basan i hita ê sawa i hita a sakum si Kristus Yesus, saniaho teka tutul ên wa’aho doro’na silatahula mongata i hita
|
||||||
|
\v 5 Sata mande wati’ sangaoras ahi’i hamitahula maibog ku mesut bo kumuru we silatahula, saniboho kaulitan i ninjil do’na i haenet be homotahula.
|
|
@ -0,0 +1,3 @@
|
||||||
|
\v 6 Bo asakum silatahula ê patoton pasiri’in wa’aho-kelembisa silatahula a pahamunan wa’aho hi’i wênting beahu, apa’an Ningumêlêd ahi’i mapogiwing mandehahi helembisa, silatahula ê posiri’in wa’aho ahi’i mahalêse’ asiamange mbalina we ahu.
|
||||||
|
\v 7 Sata’ saliku’na, kawilahanoho i latahula awahêm be ahu pinercayaan sumahai i kukua tanu mangatotumu’ hi’i sinunat, mêkele wo besi Petrus tanu mamoali Rasul tanu manga totumu’ sinunat,
|
||||||
|
\v 8 Apa’an Sia ê nimehem korowotan be ahu tanu mangatotumu’ ahi’i sinunat.
|
|
@ -0,0 +1,2 @@
|
||||||
|
\v 9 Bo mahawilahoho i mbêlês kohomba’ ê mbehomba’-Na we ahu, yanasa si Yakobus, Kepas, bo si Yohanes ê pinapilah kele pênu’ulan i njama’at, mahean i kama wo siahu bo teka si Barnabas mainjo têpai pina’atean, saniboho hamitahula moho a mangatotumu ahi’i suna-sunaten bo silatahula i manga suna-sunaten;
|
||||||
|
\v 10 Bati kamitahula musti menet mimun i mangatotumu’ lêngei bo memang wa’aho ê nuliulit ambutêku tawoiên.
|
|
@ -0,0 +1,2 @@
|
||||||
|
\v 11 Sata’ a tepo si Kepas mahi a Anthiokhia, ahi’i ahu manahu sumaru i sia, apa’an sia sea’
|
||||||
|
\v 12 Apa’an a talewe’ pêtahula’an totumu’ a tulung i Yakobus mahi, sia ihuman imedekom bo mangawog ê tahi’i suna-sunaten, sata mahimoho silatahula, imomorus sia bo irumekang be silatahula apa’an matalo i mangawog suna-sunatên.
|
|
@ -0,0 +1,2 @@
|
||||||
|
\v 13 Bo mangatotumu’ Yahudi walina hahi imogulud munapik bo sia, ahad si Barnabas kahi kinahosean i kamunapikan ilatahula.
|
||||||
|
\v 14 Sata a pelilahêku moho, awahêm gio i latahula wa’aho ahi’i metena’an bo kaulitan i kukua, kumua aho be si Kepas a sasa’angên i pahasa silatahula: “Sa how êsa tow Yahudi, mênonow kele kaper bo ahi’i kele Yahudi kelembisa how do’na melêse’ i mangawog ê tahi’i suna-sunatên tanu menonow kele Yahudi?”
|
|
@ -0,0 +1,2 @@
|
||||||
|
\v 15 Mi’it a kinatowan hamitahula awahêm tow i Yahudi bo ahi’i tow mahadosa a manga-bangsa walina.
|
||||||
|
\v 16 Kailahani hamotahula, ahêm mande êsatow ange ê mbeulitan apa-apa’an i maki’it a la’ut i torat, sata’ bati’ apa’an i kawaheman be si Yesus Kristus. Wa’aho kawalian kamitahula hahi imahemanêm be si Yesus Kristus, saniboho kamitahula beulitan apa’an kawaheman be si Kristus bo ahi’i apa’an matawoi i la’ut i torat. Apa-apa’an : “alahêmai nêsa totumu’ beulitan” apa-apa’an imaki’it a lala’ut i Torat.
|
|
@ -0,0 +1,3 @@
|
||||||
|
\v 17 Sata’ sa hamitahula mange karêpêt kamitahula mapongugat mainjo ulitan sakum si Kristus mahaturu-turu’ , awahem mangatotumu’ mahasea’, awani’aho do’na ihua, awahem si Kristus tapasali i kaoroan? Mahasa-hasa ahi’i
|
||||||
|
\v 18 Apa’an,sa ahu maleng mawatod asia ê mbehuahum mawatara ahu i mbatangaku kele tapalawah i la’ut torat.
|
||||||
|
\v 19 apa’an ahu imatêm i lala’ut torat tanu lala’ut saniboho ahu mênonow tanu Ningumêlêt. Siahu behalawatêm teka si Yesus Kristus,
|
|
@ -0,0 +1,2 @@
|
||||||
|
\v 20 Sumata’ ahu mênonow, sata’ alam siahumio’ ê mênonow, sumata si Kristus ê niwênonowhu ia’i talewe’ sakum kahêtêdan, awahêm kawênonow i kawaheman a mBata, i Ningumêlêd ê nimahalêsêm i ahu bo i mehem i mbatangan-Na tanu siahu.
|
||||||
|
\v 21 Ahi’i Ahu tumulud i kamang kohomba’ i Ningumêlêd. Apa’an sahelemange bana kaulitan i la’ut torat, yanasa kuow ê kapate i Kristus.
|
|
@ -0,0 +1,3 @@
|
||||||
|
\c 3 \v 1 Ei mangatow i ngGalatia ê mbodoh, siseiêm i nimelowoiem i hamotahula? Awa ahi’i si Yesus Kristus mbehalawat wa’aho behataranemio’ a sa’angênu?
|
||||||
|
\v 2 Bati’ wa’i nihoibogku holahan be homotahula: awa hamotahula imahaerem tutuh apa’an maki’it a la’ut Torat sumaheman a sinahaian i kukua?
|
||||||
|
\v 3 Awa homotahula kelewa’aho kawodohan? Komotahula itumo’tolêm bo tutuh. Awa ia’i talewe’ komotahula maibog mawasepêt i a’ho a kahêtêdan?
|
|
@ -0,0 +1,2 @@
|
||||||
|
\v 4 Awahuow pahasa katadoro’an i’aho kinêlamên i homotahula. Ndeaho mahuow
|
||||||
|
\v 5 Mondo kelembisa ia’i talewe’, awa Sia ê nitumaromai i tutuh karêngan i ka’ayaan be homotahula bo nitumulid mahaunggangan a tutud i homotahula, tumawoi helewa’aho apa’an komotahula maheman a pinasahaian i kukua?
|
|
@ -0,0 +1,4 @@
|
||||||
|
\v 6 Kelewa’aho hahi si Abraham i meman be Ningumêlêd osa Ningumêlêd imêteba i aho besia mainjo kaulitan.
|
||||||
|
\v 7 Mondo pêlilahên i homotahula, awahêm silatahula ê menonow i kawaheman, silatahula ni’aho mangawata’ i Abraham
|
||||||
|
\v 8 Bo Kaol, ê pahamunana imahaela, awahêm Ningumêlêd imulit i mangatotumu’ ahi’i Yahudi apa-apa’an kawaheman, behamunan isumahai i kukua be si Abraham: apa’an siho pahasa bangsa mainjo kamang.
|
||||||
|
\v 9 Yanasa silatahula ê menonow a kawaheman, silatahulam ê kamangên mêdororo i Abraham ê wa’aho e maheman.
|
|
@ -0,0 +1,3 @@
|
||||||
|
\v 10 Apa’an pahasa totumu’ ê mênonow a patawoiên i la’ut torat a mbawa’ i ndororot. Apa’an bana niwati-watih: “Kodorotanange totumu’ ê tahi’i mo’eman maki’it a nasiamange êmbehamatih a kitab la’ut i Torat”
|
||||||
|
\v 11 Bo alahêm totumu’ beulitan a ndior i Ningumêlêd apa’an maki’it i la’ut Torat awahêm tara, apa’an: Totumu’ ulit mênonow i kawaheman.
|
||||||
|
\v 12 Sata sane i la’ut Torat ahi’ kawaheman, sumata’ sisei maki’it i sia, mainjo mênonow apa’an i sia
|
|
@ -0,0 +1,2 @@
|
||||||
|
\v 13 Si Kristus itumunduhem i hita a pahasa dororot i la’ut Torat karêngan bo mamoali tutulên i ndororot tatawoi i hita, nde mbana mbehawatih : “Kodorotan totumu’ beratong a kalawat!”
|
||||||
|
\v 14 Si Yesus Kristus imêngêledêm ia’i, saniboho be Sia kamang i Abraham motahad a manga-bangsa walina, mahad tatawoi i kawaheman kita tumirima Tutuh ê wa’aho ndali’in berandi.
|
|
@ -0,0 +1,2 @@
|
||||||
|
\v 15 Morowog, maulênga minjo ahu êsa conto a pênonowan ihita tebe i nêndo êsa darandi ê mbeulitanêm, mande hahi tinulid i totumu, ahi’i ro’na ihelong suma dohongan i seiange.
|
||||||
|
\v 16 Sa we si Abraham behua ê pahasa ni’aho pahasa sasani bo a suruna. hi’i we hua “a manga-suruna” keleitu mbewanutu’ a tow tado’o, sumata’ bati’ êsa tow: “ bo a surunu” awa’aho si Kristus.
|
|
@ -0,0 +1,2 @@
|
||||||
|
\v 17 Panutu’uku êwa’i : Sasani a pahamunan beulitêm i Ningumêlêd ahi’i ro’na ihelong i la’ut Torat, mbehalembo we’mio’ êpat nga-tus bo têlu nga-wulu’ ngata’un lumalas, mahad ni’aho sasani ihatala korowotana.
|
||||||
|
\v 18 Kawalian, sa asia tinatu i tumo’tol a la’ut Torat, ahi’i ni’aho itumo’tol a sasani, sumata mulit i mbesanim i Ningumêlêd nihumomba’awaim i mbêlês kohomba’-Na be si Abraham.
|
|
@ -0,0 +1,2 @@
|
||||||
|
\v 19 Sa helewa’aho, asia panutu’un iaho la’ut torat berohang sia apa-apa’an mangakalawahan- mahad mahi suruna ê pinanutu’ i aho sasani-bo wa’aho bewowalad betoloh a manga malaekat betaro a kama i nêsa toloh.
|
||||||
|
\v 20 Êsatow mawatoloh ahi’i siawati’ sumaol i nêsa totumu kêmoho, sa Ningumêlêd awahem bati’ êsa
|
|
@ -0,0 +1,2 @@
|
||||||
|
\v 21 Sa helewa’aho, awa masaruan ê la’ut Torat bo sasani i Ningumêlêd? Ahi’i hêmohoo. Apa-apa’an sahelemange la’ut Torat behemai do’na mawatow mbatotu’u kaulitan a la’ut Torat sa mahi.
|
||||||
|
\v 22 Sumata’ kaol ihumurungêm i pahasa a mbawa’ i ko’im bahutan ikaoroan saniboho a kawaheman be si Yesus Kristus wa’aho sasani betaro we silatahula ê maheman.
|
|
@ -0,0 +1,4 @@
|
||||||
|
\v 23 Apahamunan ni’aho kawaheman imahi, kita a mbawa’ i lala’ut tora, bo kinurung mahad ni’aho kawaheman bewawataram.
|
||||||
|
\v 24 Kelewa’aho la’ut Torat awahêm mainjo makahat i hita mahat mahi si Kristus, saniboho hita beulitan apa’an kawaheman
|
||||||
|
\v 25 Ia’i talewe’ ni’aho kawaheman imahim, kawalian i’aho alam kahi hita a mbawa’ pahiaha’an i tapakahat
|
||||||
|
\v 26 Nde pahasa homotahula imainjom bata-wata’ i Ningumêlêd tatawoi i kawaheman be si Yesus Kristus.
|
|
@ -0,0 +1,3 @@
|
||||||
|
\v 27 Nde pahasa homotahula binaptis be si Kristus, ka-awidêm i Kristus.
|
||||||
|
\v 28 Asakum wa’i alahêm tow Yahudi suma tow Yunani, alahêm nata suma tow merdeka, alahêm tuama suma bene, apa-apa’an pahasa homotahula êsam a sakum si Kristus Yesus.
|
||||||
|
\v 29 Bo homotahula totumu’ i Kristus hamotahula hahi suru i Abraham asa doro’na tumirima sasani i Ningumêlêd.
|
|
@ -0,0 +1,2 @@
|
||||||
|
\c 4 \v 1 Ê wa’i panutu’un : kaêto nesatow mahaweteng alawe matu’a, mande hisitange ahi’i sia mahisea’an bo êsa tow ata, mande hahi sia awo’ i nasiamange,
|
||||||
|
\v 2 Sumata’ sia a mbawa’i sosaol bo a pahiaha’an mahad anendo tinatum i namanga.
|
|
@ -0,0 +1,3 @@
|
||||||
|
\v 3 Kelewa’aho hahi hita: kaeto kita awe’ matu’a kita hahi talowe’ a manga tutuh i mbaoitoba.
|
||||||
|
\v 4 Sumata’ malekêwoho tepona, Ningumêlêd masiumai i mBata’Na, ê mbewahawata’ i nêsa wene bo talo a lala’ut torat.
|
||||||
|
\v 5 Si Sia bewasiumai mahi matun imanga talo a lala’ut torat, saniboho kita mainjo pêbata’an.
|
|
@ -0,0 +1,2 @@
|
||||||
|
\v 6 Osa nde homotahula i mainjow bata’, Ningumêlêd imasiunêmai i Tutuh i mBata’-Na a nate i hita ê nitumiwa’ : “O Abba, o Amang!”
|
||||||
|
\v 7 Yanasa alam kahi homotahula ata, sumata’ bata’, sa homotahula imainjom bata’ komotahula hahi manga-mahaweteng i Ninguêlêd
|
|
@ -0,0 +1,2 @@
|
||||||
|
\v 8 Atalewe’ komatahula imahahilala i Ningumêlêd, komotahula mapahiata a manga- ningumêlêd balina.
|
||||||
|
\v 9 Sumata’ Awa’i a maha-hilalamoho homotahula i Ningumêlêd, suma ni’it maulêng, ahad komotahula kinahilala’an i Ningumêlêd, kelembisa ndom komotahula maleng isumomba’i a manga tutuh i mbaoitoba ê kawel bo lengei bo maleng mawawongata i mbatangan be sia?
|
|
@ -0,0 +1,2 @@
|
||||||
|
\v 10 Komotahula karêngan i masilih mahiaha i manga-êndo tatu, manga-bulan, manga- oras lêtêh bo manga-ta’un.
|
||||||
|
\v 11 Ihalia-ku ndesa pinoloko-lokohu tanu homotahula i mahuowêm.
|
|
@ -0,0 +1,3 @@
|
||||||
|
\v 12 Pangeleiêku be homotahula, morowog, mainjomange kele siahu nde siahu hahi imainjom kele homotahula. Awe mahasahu kinêlam êsa ahi’i maulêng be homotahula.
|
||||||
|
\v 13 Kailahan homotahula, si ahu a mahasawe’mio’ isumahaiêm i kukua be homotahula bana mahados a mbatangaku.
|
||||||
|
\v 14 Mandewe’ helewa’aho ni’aho mbatangaku, ê nimainjo pongêpe’ be homotahula, sata’ komotahula ahi’i imilah i aho kele imawasokia’ bo mahataha’an, sumata’ komotahula isumupahêm i ahu, kele homotahula isumupah inêsa malaekat i Ningumêlêd, kepohahi kele isumapahio si Kristus Yesus
|
|
@ -0,0 +1,2 @@
|
||||||
|
\v 15 A tepo wa’aho ime’em kaêna’an i homotahula bo ia’i talewe’ bisanam ni’aho kaêna’anu? Apa-apa’an ahu do’na sumairi i homotahula, sa do’ namange homotahula imêsutêm i mbêlên i homotahula bo i mehem i aho weahu.
|
||||||
|
\v 16 Awa karêngan kumua i kaulitan be homotahula imamoalim ahu kasehednu?
|
|
@ -0,0 +1,2 @@
|
||||||
|
\v 17 Silatahula dêdêmio’ mapongika’an kumose i homotahula, sata ahi’i lo’or nate, nde silatahula mapandung mawa-raig i homotahula, saniboho homotahula dê’dêm malalas be silatahula.
|
||||||
|
\v 18 Totu’u maulêng a totumu’ dê’dêm mahika’ malepei i towwalina a manga kamaulêngan, asar a tebe i noras bo ahi’i wati’ iwakaruharua i homotahula.
|
|
@ -0,0 +1,2 @@
|
||||||
|
\v 19 Ei mangawata’ku apa’an komotahula ahu imapongigon i maleng mahawata, ahad tokia’ i Kristusa ihatara be homotahula.
|
||||||
|
\v 20 Ime’em tênêmku iwakarua i homotahula ia’i talewe’ bo do’na mekodaitan bo walina, apa’an ahu kinahawuam nutêh masa’ang i homotahula.
|
|
@ -0,0 +1,3 @@
|
||||||
|
\v 21 Ihuamoai weahu, ei komotahula i maibog mênonow a mbawa’ i lala’ut Torat, awahi’i homotahula mawa-tanga i lala’ut torat?
|
||||||
|
\v 22 Awahi’i bana mibewatih, si Abraham mahawata’ dua, êsa a mbene sosiuna bo êsatow a mbene merdeka?
|
||||||
|
\v 23 Sumata’ kedong a mbene atana wa’aho bewahawata’ mi’it a kêtêd bo wa’aho kedong bewahawata’ i mbene merdeka apa’an darandi.
|
|
@ -0,0 +1,2 @@
|
||||||
|
\v 24 Awahêm nia’i êsa wangandean. Apa’an wa’aho ndua wene awahêm katatuan i Ningumêlêd : êsa a ndungusan Sinai de mahi osa mahawata’ mangahedong a pangata’an, awa’aho si Hagar.
|
||||||
|
\v 25 Si Hagar sisiam ndungusan Sinai atana’i nArap- bo sia mêkele wo Yerusalem ia’i talewe’, apa-apa’an sia menonow a pangata’an teka i mangawata’na.
|
|
@ -0,0 +1,2 @@
|
||||||
|
\v 26 Sumata Yerusalem kaumbungan wa’aho mbene merdeka, bo sisia pahinangên i hita.
|
||||||
|
\v 27 Nde mbana niwati-watih : “Mêkahi’im, ei siwêsêl ê tahi’i mahasa imahawata’! Mobeat bo mosaha-saha’am, ei sihow ê tahii mahasa imahigon mahados mahawata’! Apa’an ê mbepa’io’ i natuamana mainjo ni’it tado’o kedong ênde mahaharoang.”
|
|
@ -0,0 +1,2 @@
|
||||||
|
\v 28 Bo komotahula morowog komotahula mêkele wo si lehak, manga-hedong darandi.
|
||||||
|
\v 29 Sata’ kele a talewe’, sia mbewahawata’ ni’it i kêtêd imuwah i mbewahawata mi’it i Tutuh, kelewa’aho hahi ia’i talewe’.
|
|
@ -0,0 +1,2 @@
|
||||||
|
\v 30 Sata’asia mbehua i nas a kaol? “Ielei ni’aho nata wene teka wata’na nde mbata’ i nata ahi’i mamoali mahaweteng iwakarua mbata i mbene merdeka”
|
||||||
|
\v 31 Kawalianiaho, morowog, kita ahi’i bata-wata’ inatawene, sumata’ mangawata’ i mbene merdeka.
|
|
@ -0,0 +1,2 @@
|
||||||
|
\c 5 \v 1 Saniboho hita, uli-ulit merdeka, Si Kristus imawamerdekam i hita, kawalianoho tumod mête-ete’ mo’nam maibog pongatan
|
||||||
|
\v 2 Kaulitana, siahu, si Paulus kumua we how: sahele homotahula mawasunat i mbatanganu, si Kristus alanêmoho torona we how.
|
|
@ -0,0 +1,2 @@
|
||||||
|
\v 3 Mahasawe’ kahi ihuahu be siseiange ê mawasunat i mbatangana awahêm sia ahi’i toro satahi’i tumulid i pahasa u’kum torat.
|
||||||
|
\v 4 Kamotahula alam be si Kristus, sahomotahula alam be si Kristus, sa homotahula mahararaw i kaulitan i u’kum torat, komotahhula mênonow a luar i mbeles kohomba’
|
|
@ -0,0 +1,4 @@
|
||||||
|
\v 5 Nde tatawoi i tutuh, bo apa’an kawaheman, kita masondo’ i kaulitan ê paharawên i hita
|
||||||
|
\v 6 Apa’an tanu mangatotumu’ ê karuru i Kristus Yesus wa’aho sinunat suma ahi’i sinunat alahem mehe katoroan, bati’ kawaheman ê matawoi karêngan i mbêlês.
|
||||||
|
\v 7 Atalewe’ kamotahula mapêleleotan mauleng sisei ê makahapi-hapil i homotahula ahad komotahula alam kahi maki’it a kaulitan?
|
||||||
|
\v 8 Polepei tanu alam kahi maki’it i sia ahi’i we sia remahi, ê nitumiang i homotahula.
|
|
@ -0,0 +1,2 @@
|
||||||
|
\v 9 Kabo keleawa imawahapet i andonan.
|
||||||
|
\v 10 Asakum i Ningumêlêd emanêku sakum i homotahula, awahêm komotahula alahêm, pêtakaan i hawalina a pêtakaan wa’i. Sata siseiange ê mawalikoko i homotahula tumanggong sia nu’kumana, mande sisei angge sia.
|
|
@ -0,0 +1,2 @@
|
||||||
|
\v 11 Hahi wa’i ahu, morowog, sa mawasahaiwe’ i sunat, nde’aho ahu pakulehulengên pe’? Apa’an sahele wa aho, kalawat alam mainjo batu pakawisudan.
|
||||||
|
\v 12 Mauleng silatahula ê masusub i homotahula wa’aho mawahabirim i mbatangana!
|
|
@ -0,0 +1,3 @@
|
||||||
|
\v 13 Morowog, totu’u homotahula tumiangên mainjo merdeka. Sata, na’am komotahula mogimano i aho kamerdek’an kele kasêmpatan menonow sakum i kaoroan sumata mesasalian ange êsa wo êsa ambêles.
|
||||||
|
\v 14 Apa-apa’an lolow i lala’ut torat behahêsan a nêsa kukua wa’i awa’aho : “ Ihalesange kahelenu totumu’ kele batanganumio’!”
|
||||||
|
\v 15 Sata sa homotahula mêkihi’kian bo mêtêtêpêsan, mahatuhange, saniboho homotahula ahi’i mêpawa tutusan.
|
|
@ -0,0 +1,3 @@
|
||||||
|
\v 16 Panutu’uku êwa’i : Menonowange i Tutuh, yanasa homotahula ahi’i maki’it a pandung i kêtêd.
|
||||||
|
\v 17 Apa’an kahaibongên i kêtêd masaruan bo kahaibogen i Tutuh bo pandung i Tutuk matalihudan bo pandung i kêtêd- apa’an wa’aho ndua mekasaru ahad homotahula susud i tahi’i tumulid i papandungên i homotahula.
|
||||||
|
\v 18 Sumata’ sa homotahula mehe imbatangan iatod i Tutuh, yanasa homotahula hi’i mênonow a mbawa’ i la’ut torat.
|
|
@ -0,0 +1,3 @@
|
||||||
|
\v 19 i kêtêd behataram wa’aho: Pêdêtuhan, kasamêhan, kaewe’en maponiri’ i mberhala, sihir, pêtokolan, pêpawasea’an, kanat, boro’ mahimun i mbatangana mio’ papêpatean, tutuh tapêteri,
|
||||||
|
\v 20 makuru amberhala, sihir, metatanedan, mahisalan mahate ta’pia, mapoboro, mabog i pandunga mange, mawasilaka tu’tuh mawa tared.
|
||||||
|
\v 21 Kahanatan, kawapololango, mowesta-westa bo asia ngawila. A pahasa wa’aho isu’uku homotahula- kelem itinawoihum a pahamunan awahêm siseiange a matulid imanga wa’aho, ahi’i sia mahaere weteng a kaholano’an i Ningumêlêd
|
|
@ -0,0 +1,3 @@
|
||||||
|
\v 22 Sumata’ bua i tutuh ê wa’i : beles beat sononoi ênow, kaeludan, ko’ imunan, kamaulêngan, kasatia’an,
|
||||||
|
\v 23 Koêmengan, mewenahang i mbatangan, Alahêm ê lala’ut sumaru i manga wa’aho.
|
||||||
|
\v 24 Siseiange mainjo totumu’ i Kristus sia ihumalawatêm i kêtêd teka pahasa kahahi’in bo kahaibogêna.
|
|
@ -0,0 +1,2 @@
|
||||||
|
\v 25 Sa hita menonow i Tutuh maulênga hita iwahatod i Tutuh,
|
||||||
|
\v 26 bo na’am kita gila sisiri, na’am mêlalawahan bo mekahawatan.
|
|
@ -0,0 +1,2 @@
|
||||||
|
\c 6 \v 1 Morowog, sawanahêm nêsatow ko’amatan itumulid êsa kalawahan, yanasa komotahula i saranim, mainjo kumahat i aho totumu’ a ndalan ulit sakum tutuh kaêmengan, osa karêngan niaha i mbatanganumio’, sani’aho hahi homotahula na’am tênan i pangêpêan.
|
||||||
|
\v 2 Mêbawotunganange maluha i pape’angen i homotahula! kelewa’ahom homotahula lumêkêw i lala’ut i Kristus.
|
|
@ -0,0 +1,3 @@
|
||||||
|
\v 3 Apa-apa’an sa êsatow mahahêlam, awahêm sia mahatoro, padahal sia alahêmai toro, i momandeiêmio’ i sia.
|
||||||
|
\v 4 Maulênga’ êsa-êsatow, sumilih i patawoiênamio’ yanasa sia do’na monirayo milah i ka’adaanamio’ bo ahi’ ka’ada’an i towalina.
|
||||||
|
\v 5 Apa’an êsa-êsatow mainjo maluha i tanggonganamio’
|
|
@ -0,0 +1,3 @@
|
||||||
|
\v 6 Bo maulêng sia, ê tumirima sosusui a kukua, mebeteng i nasia ngawila ê mbana wesia bo totumu’ ê nimehe i aho sosusui be sia.
|
||||||
|
\v 7 Na mombureng! Ningumêlêd ahi’i mayai i mbatangan-Na payayangên. apa’an asia mbêwepes i totumu’, wa’aho hahi ê tiwu’una.
|
||||||
|
\v 8 Apa-apa’an siseiange sia malulumbo a kêtêdna, mainjo sia muwu’ a kotutusan i kêtêd, sumata’ siseiange malulumbo asakum Tutuh, mainjo sia menonow têlas a Tutuh i aho.
|
|
@ -0,0 +1,2 @@
|
||||||
|
\v 9 Na’am kita talon matawoi kamaulêngan, apa-apa’an sa imahim tepona, kita mainjo manguwu, sa hita ahi’i mêkawel.
|
||||||
|
\v 10 Kawalian i aho kaêto’ banawe kasempatan i hita, mayom kita tumawoi maulêng a pahasa totumu’ sata itudio’ a manga harua i hita ê mekele kawaheman
|
|
@ -0,0 +1,3 @@
|
||||||
|
\v 11 Pilahên, kelembisa kahako’an i mangahurup ê mbewatih i kamahumio’
|
||||||
|
\v 12 Silatahula ê mi’it a kawatangan maibog mapawa-labo i mbantangan, silatahula ê mangambut lumêse’ i homotahula sunatên, bati karêngan manutu’ saniboho silatahula hi’i wêkulêngên apa’an kalawat i Kristus.
|
||||||
|
\v 13 Apa’an silatahula ê nimawa sunat i mbatanganahahi, ahi’i mahiaha i la’ut torat sumata silatahula mapandung saniboho homotahula mawa-sunat i mbatangan, sani’aho silatahula do’na monirayo a ka’ada’anu ê kawilahan.
|
|
@ -0,0 +1,3 @@
|
||||||
|
\v 14 Sumata’ siahu ahi’i maibog monirayo, ihawalina a sakum kalawat i Ningumêlêd i hita si Yesus Kristus, nde apa’an si Sia baoitoba behalawatêm tanu siahhu bo siahu tanu baoitoba.
|
||||||
|
\v 15 Apa’an mahasunat suma ahi’i mahasunat alahêm torona, sumata’ mamoali bengêlêd taleya, awa’ahom ê mbana torona.
|
||||||
|
\v 16 Bo Pahasa Totumu’, ê mehe i mbatangana beatot i sasane wa’i, merot lumolosa sononoi ênow bo kamang be silatahula bo a Israel tow i Ningumêlêd.
|
|
@ -0,0 +1,2 @@
|
||||||
|
\v 17 Kalawusana na’am bana ê totumu’ mawasusa iahu, nde na mbatangaku bana mangan-tanda’ sawa i Yesus.
|
||||||
|
\v 18 Bêlês kohomba’ i Ngêlêtow i hita si Yesus Kristus mawi-awit i tutuh i homotahula! Ulit.
|
|
@ -0,0 +1,27 @@
|
||||||
|
|
||||||
|
# License
|
||||||
|
## Creative Commons Attribution-ShareAlike 4.0 International (CC BY-SA 4.0)
|
||||||
|
|
||||||
|
This is a human-readable summary of (and not a substitute for) the [license](http://creativecommons.org/licenses/by-sa/4.0/).
|
||||||
|
|
||||||
|
### You are free to:
|
||||||
|
|
||||||
|
* **Share** — copy and redistribute the material in any medium or format
|
||||||
|
* **Adapt** — remix, transform, and build upon the material
|
||||||
|
|
||||||
|
for any purpose, even commercially.
|
||||||
|
|
||||||
|
The licensor cannot revoke these freedoms as long as you follow the license terms.
|
||||||
|
|
||||||
|
### Under the following conditions:
|
||||||
|
|
||||||
|
* **Attribution** — You must attribute the work as follows: "Original work available at https://door43.org/." Attribution statements in derivative works should not in any way suggest that we endorse you or your use of this work.
|
||||||
|
* **ShareAlike** — If you remix, transform, or build upon the material, you must distribute your contributions under the same license as the original.
|
||||||
|
|
||||||
|
**No additional restrictions** — You may not apply legal terms or technological measures that legally restrict others from doing anything the license permits.
|
||||||
|
|
||||||
|
### Notices:
|
||||||
|
|
||||||
|
You do not have to comply with the license for elements of the material in the public domain or where your use is permitted by an applicable exception or limitation.
|
||||||
|
|
||||||
|
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.
|
|
@ -0,0 +1 @@
|
||||||
|
Galatia
|
|
@ -0,0 +1,103 @@
|
||||||
|
{
|
||||||
|
"package_version": 6,
|
||||||
|
"format": "usfm",
|
||||||
|
"generator": {
|
||||||
|
"name": "ts-desktop",
|
||||||
|
"build": "2"
|
||||||
|
},
|
||||||
|
"target_language": {
|
||||||
|
"id": "tnw",
|
||||||
|
"name": "Tonsawang",
|
||||||
|
"direction": "ltr"
|
||||||
|
},
|
||||||
|
"project": {
|
||||||
|
"id": "gal",
|
||||||
|
"name": "Galatians"
|
||||||
|
},
|
||||||
|
"type": {
|
||||||
|
"id": "text",
|
||||||
|
"name": "Text"
|
||||||
|
},
|
||||||
|
"resource": {
|
||||||
|
"id": "udb",
|
||||||
|
"name": "Unlocked Dynamic Bible"
|
||||||
|
},
|
||||||
|
"source_translations": [
|
||||||
|
{
|
||||||
|
"language_id": "en",
|
||||||
|
"resource_id": "ulb",
|
||||||
|
"checking_level": "3",
|
||||||
|
"date_modified": "2017-11-29T00:00:00+00:00",
|
||||||
|
"version": "12"
|
||||||
|
}
|
||||||
|
],
|
||||||
|
"parent_draft": {},
|
||||||
|
"translators": [
|
||||||
|
"james",
|
||||||
|
"bahasatech.indotengah"
|
||||||
|
],
|
||||||
|
"finished_chunks": [
|
||||||
|
"front-title",
|
||||||
|
"01-title",
|
||||||
|
"01-01",
|
||||||
|
"01-03",
|
||||||
|
"01-06",
|
||||||
|
"01-08",
|
||||||
|
"01-11",
|
||||||
|
"01-13",
|
||||||
|
"01-15",
|
||||||
|
"01-18",
|
||||||
|
"01-21",
|
||||||
|
"02-01",
|
||||||
|
"02-03",
|
||||||
|
"02-06",
|
||||||
|
"02-09",
|
||||||
|
"02-11",
|
||||||
|
"02-13",
|
||||||
|
"02-15",
|
||||||
|
"02-17",
|
||||||
|
"02-20",
|
||||||
|
"03-01",
|
||||||
|
"03-04",
|
||||||
|
"03-06",
|
||||||
|
"03-10",
|
||||||
|
"03-13",
|
||||||
|
"03-15",
|
||||||
|
"03-17",
|
||||||
|
"03-19",
|
||||||
|
"03-21",
|
||||||
|
"03-23",
|
||||||
|
"03-27",
|
||||||
|
"04-01",
|
||||||
|
"04-03",
|
||||||
|
"04-06",
|
||||||
|
"04-08",
|
||||||
|
"04-10",
|
||||||
|
"04-12",
|
||||||
|
"04-15",
|
||||||
|
"04-17",
|
||||||
|
"04-19",
|
||||||
|
"04-21",
|
||||||
|
"04-24",
|
||||||
|
"04-26",
|
||||||
|
"04-28",
|
||||||
|
"04-30",
|
||||||
|
"05-01",
|
||||||
|
"05-03",
|
||||||
|
"05-05",
|
||||||
|
"05-09",
|
||||||
|
"05-11",
|
||||||
|
"05-13",
|
||||||
|
"05-16",
|
||||||
|
"05-19",
|
||||||
|
"05-22",
|
||||||
|
"05-25",
|
||||||
|
"06-01",
|
||||||
|
"06-03",
|
||||||
|
"06-06",
|
||||||
|
"06-09",
|
||||||
|
"06-11",
|
||||||
|
"06-14",
|
||||||
|
"06-17"
|
||||||
|
]
|
||||||
|
}
|
Loading…
Reference in New Issue