Tue Aug 04 2020 13:58:10 GMT+0800 (Malay Peninsula Standard Time)

00/title.txt

@@ -0,0 +1 @@
+Kolose

01/01.txt

@@ -0,0 +1 @@
+\c 1 \v 1 Behe i Paulus, sosiu i Tialoh, pinapandung i Ningumelêd, be si Timotius manga po’ hita. \v 2 Bo manga po’ Lenas i mercaya si Tialoh a Kolose. Beles Kohomba’ bo sononoi i Ningumelêd, Amang i hita, Miaha homotahula. \v 3 Le’têh kami tahula dumayow besi Ngeledtow amang Tuhan bo Tialoh, tebe masombayang i kamotahula.

01/04.txt

@@ -0,0 +1 @@
+\v 4 Tinanga’am i hamitahula koêmanannu besi Tialoh, bo kobelesannu a kahelenu tow lenas. \v 5  Pongea’an suma paharawannu Sina’dianam a Sorga, kele tinanga’num a kukuaNa mainjo katotu’uan a KukuaNa kele a Injil, \v 6 bo i motaha’dem behamitahulu kukuaNa niboho i mamua’am bo I sumerêbêm ambaoi toba le’be a pakarua’an i homotahula a pahamunan homo tahula tumanga’ suma mongilala I kohomba i Ningumelêd a katotu’uan.

01/07.txt

@@ -0,0 +1 @@
+\v 7 Pahasa niboho kinalahan i homutahula besi Epafras. Karua I sosiu I hales i hamitahula, osa behamutahula si I mamoali sosiu i Tialo moeman. \v 8 Besisia hahi hamitahula I tumanga kobelesannu a suang gongguot.

01/09.txt

@@ -0,0 +1 @@
+\v 9 Kawalian niaho ka tanga’i hamitahula, a hi’i sumondo hamitahula mangelei bo sumondo masombayang tanu kamutahula. Bo mangelei kamitahula kamutahula mahaere pongita’uan ulit mahailah pandung i Tuhan a kualitan. \v 10  Ahi’i saniboho penonowannu memauleng a sasa’angenNa bo metena’an besia ana wasiasia mange bo homotahula mehe bua’ a pahasa tatawoinu maulêng bo tumow a sakum i pongita’uan ulit sakum Ningumelêd.

01/11.txt

@@ -0,0 +1 @@
+\v 11 Bo iwawa ugat i nugat moimbahut mosononoi tumanggong asia mange karua i koêmanan bo kasabaran. \v 12 Bo mapowala’ karua i kahi’ besi amang i mehe kawia’an be hamotahula bo i mehe beteng awasia bewetenga tanu totumu lênas a suang i katerangan i kaholano’an.

01/13.txt

@@ -0,0 +1 @@
+\v 13 Sisia i lumepot i hita a karêndêman bo i rumeso I hita a kaholano’an i mbata’Na pina wele-welesNa. \v 14 Be sisia hita mahaera baer i saleng, waaho saleng pinese’an.

01/15.txt

@@ -0,0 +1 @@
+\v 15 Awahem sia Pael i Ningumelêd ta’ hi’i pa bulian a pahasa tinulid, \v 16 apa’an be siam  e pinengeledan inasiamange a sorga bo ambao i toba, e kawilahan boahi’i kawilahan, mauleng a singgasana bo hahi kerajaan bo makupania bo manga moimbahut i pahasa lolow i aho bengelêdNa tanu sisia. \v 17 Sisia pahamunan a wasia mange, bo asia mange be sisia.

01/18.txt

@@ -0,0 +1 @@
+\v 18 Sisia kohong i mbatangan i njamaat kedongmatu’a pahamunan, bo pahamunan maleng i tumow a tutud i tow i matem de a boho sisia pahamunan a nawasia mange. \v 19 Pahasa kalêkewan Ningumelêd metena’an be siSia. \v 20 Bo sisia i mawawêdame a sia mange teka batanganNa, mauleng ambao i toba, le’be a nasorga, a kalausan sia i mawawedame karua i ndaha sanib Tialoh.

01/21.txt

@@ -0,0 +1 @@
+\v 21 Keleaboho homotahula tempo menonow dekang besi Ngelêd tow bo i mainjo kasehe’Na a suang i nate, bo pongita’uan bo behataram e pahasa tatawoinu ta’pia. \v 22 Ia’ i talewe’ bewawawedamemNa a mbatangan i Tialo a pinateanNa tanu mepa’ homotahula lenas bo ahem da’i a ndiorNa. \v 23 Bohokawalian mo’e manangere a kamaulêngan ; mete-ete’ na’am meye, bo na’am maibog i seyet a paharawan i kukuaNa, tinanga i hamutahula bo be sairi’ a kauha’an bo ambawa’ i langit bo siahu wa’i Paulus I mainjo sosiuna.

01/24.txt

@@ -0,0 +1 @@
+\v 24 Ia’i talewe’ mekahi’ ahu dona imongigon tanu kamu tahula bo i lemekêw a kêtê’ a sia be hahurang a pinongigoan i Tialo tanu batanganNa a njamaat. \v 25 I mamoalim ahu sosali njamaat wa aho mi’it a tatawoi be taro i Ningumelêd be ahu tanu lumaus i KukuaNa karengan i kaleke-lekew tanu kamotahula. \v 26 Wa’i tatahu’ be haruru a nabat moho a nabat a suru moho a suru ta’ ta’i talewe’ bewawataram manga totumu lênas. \v 27 Besilatahula Ningumelêd maibog kumua kahaya’an bo konunga’an tatahu’ i aho a pahasa bangsa-bangsa bo tou balina, wa’i si Tialo bana a tutu’i homotahula, si Tialo papaharawan moho a kasononoian.

01/28.txt

@@ -0,0 +1 @@
+\v 28 Sisia i wasahai i hamitahula, sa manga tow turu’an hamitahula toturu’ osa susuian i kamaulengan tanu matod i manga tou a kotolimomotan besi Kristus. \v 29 Wa’aho pongambutenku bo pongigoanku karengan I pahasa korowotan, mi’it kawasaNa e matawoi karêngan i ndowotku.

01/title.txt

@@ -0,0 +1 @@
+Pasal 1

02/01.txt

@@ -0,0 +1 @@
+\c 2 \v 1 I habo’ ku homo tahula mahala kelembisa katane’dan sasa’angeiku tanu hamotahula bosi latahula a Laudekia bo manga pahasa awe’ mohohilala i karua susut. \v 2 Saniboho atê beibor karua imbeles siniboho silatahula pangiboran maindo esa ambelês saniboho silatahula mahaere pahasa kahayaan bo ko’emanan pangartian moindo kumilala tatahu’ I Ningumelêd. \v 3 Nde be si Tialo Irururu kawedayan kaênowan.

02/04.txt

@@ -0,0 +1 @@
+\v 4 Wai ihuahu sani boho na’am kêlêtu momandey ikodait loor. \v 5 Mande ahu ahi’i wokarua harua I hamutahula sumata’ gonguot ku wakaru-harua I homotahula. Bo Pinilahkum karua i kahi’ kohi’itan bo kaugatan koemanan i kamaulêngannu besi Tialo.

02/06.txt

@@ -0,0 +1 @@
+\v 6 Hamotahula itumirima si Kristus Yesus Tuhan ihita. Wa'aho kawalian menonow ange bo sisia. \v 7 Be ihamerot hamotahula mamut asuang iSia i wangun ambaoNa, saniboho kamotahula lebe morowotkawaheman kelembisa miaho beturu be how bo mande atenu mawuling indayow.

02/08.txt

@@ -0,0 +1 @@
+\v 8 Mahatuh, saniboho ahem momandey ihow kele Fisafatna kuwow bo towo. Kele toturu’i najaran kasuru-suru bo kiong imbaoitoba, ta hi’i humi’it besi Kristus. \v 9 Nde asuang i Sia, metetew kelebatangan, pahasa mauhuhu e kehingumeledan.

02/10.txt

@@ -0,0 +1 @@
+\v 10 Osa hamotahula belekew be sia sisia niaho makupania a pahasa penguasa. \v 11 Besisia hamotahula sinunat, ahi’i sinunat kele pinatulid i tow tak sinunat i Tialoh, ê mbehamoali a pinamalusan i mbatangan ê maharow.  \v 12 Nde be sisia homotahula belebeng a baptisan, bo a suang isia hamotahulla wakarua bewawatow, nde bo a  kawahemanu a tatawoi i  kawasa i Ningumelêd. mawa tou i sia a tutud i tow i mate.

02/13.txt

@@ -0,0 +1 @@
+\v 13 Hamotahula hahi mande tempo imatem i kawa hio hionu, bo hi’i si nunat ambatanganu maleng bewawatow i Ningumelêd wakaruharu bo sia. Ahadem beapungaNa pahasa sea i hita, \v 14 bo i kumusu surat imbênang, Nde naturon-natoran nukum dumakwa bo mê’têng i hita bo aho be wawatalam Na a pinakuanNa akayu sinanib. \v 15 Sisia nimalus i kupania bo mangamahator, bo itumulid silatahula pinapilah itow tado’o a kinamenanganNa besilatahula.

02/16.txt

@@ -0,0 +1 @@
+\v 16 Awaboho kawalian naam ilingo moho tow i mukuan i homotahula asakum kakanen bo paleku’an suma endo wako bo bulan taleya, suma aho endo sabat; \v 17  Pahasa iboho bati palenan i nasia aho musti mahi sakum sia si Tialow.

02/18.txt

@@ -0,0 +1 @@
+\v 18 Naam ilingo kamenaganu i wawahelong mapura-pura mawahisit imbatanga bo itow ma ibadah a malaikat bo mamelet a pelilahan a talahem sêbab mebako-wako imbatangan pikirana a kaduniawian. \v 19 Sakum sia hi’i sia tumaka mauleng a kohong, nde pahasa batangan beugatan bo sinogot mainjo esa i manga ohat bo wulangan tumirima katowan ilahiNa.

02/20.txt

@@ -0,0 +1,2 @@
+\v 20 Sa homotahula i matem karua Tialow bo perei a sumosengot imbaoitoba nde aho kamu tahula, mawasese i mbatanganu a pahasa natoran kelemio homotahula menonowe ambaotoba. \v 21 Naam amosen niai, na’am nanaman niana, na’am saiten nia’i.
+\v 22  Pahasai boho bati kele barang imotutus pinakean bo behiit anatoran-anatoran ngajaran bo beajar itotumu. \v 23 Atoran-atoran iai, mande kawilahan keleitu mawuling kamaulengan bo ibadah pinatuli-tinulid kele itu mawahisit imbatangan. Sumiksa imbatangan ahem moho beregunana nde bati mawawedei menonow ambaoitoba.

03/01.txt

@@ -0,0 +1,2 @@
+\c 3 \v 1  Saniboho, nde kamotahulah be wawantow esa karua i Kristus pangilahen nange  perkara nambao, bisana si Kristus, dumaturatuh a kanoal i Ningumêlêd.
+\v 2 Imunen de perkasa nambao, hii sa perkara ambao i toba. \v 3  Nde kamutahula i matem bo penonowannu bewawaruru karua i Kristus bo Ningumelêd. \v 4 Sa si Kristus penonowan i hita, mawa tumuru i imbatangana a mahahad, kamotahula hahi mahasa hemoho wakarua mawanyata imbatangan a suang i kaleresan.

03/05.txt

@@ -0,0 +1 @@
+\v 5 Awaboho kawalian paten niaho pahasa. Ambatanganu anawasia waape i nduniawi, pedetuhan, kaaroan, ta’pia, bo kaewe’an ta’pia wa’aho kahi kasulamohan, pahasa i boho mekele bo maponiri simosenggot. \v 6  Pahasa iboho moindo boro i Ningumêlêd (Tou tadoo sea). \v 7 Atalewe’ kamotahula menonow kele’aho; kamutahula natuli-tulid i oho. \v 8 Sumata yaitalewe, i tia am pahasaiboho, waboho, boro’ geram, kata’piaan, sero, bo manga kadait Ta’pia maluai a semu’nu.

03/09.txt

@@ -0,0 +1 @@
+\v 9 Mo’nam kamotahula metetowoan, nde betia’am i homotahula bo kawahiohionu tepo i oho. \v 10 Bo i makemlatang tou taleya tanu meneru-nerus petaleyan saniboho melatangaan pongita’uan ulit  mekele pael i khalikNa. \v 11 Saniboho alam ni’aho tou yunani suma yahudi, tou besunat sumatow hi’i sinurat, tou barbar suma tou skit, ata suma merdeka, sumata tialo sisia suang i pahasa boho bo anasia-siamange.

03/12.txt

@@ -0,0 +1 @@
+\v 12 Saniboho tanu tou sinisir i Ningumêlêd bo bewawalenas bo imbehale’na, melatangaan imbele’Na, kamurahan, kaelu’an i nate bo kasabaran. \v 13 Sabarenoho i homotalu  esa bo esa tow suma sisei ange bo apunganange silatahula sa silatahula mepa io pa pendamen a tou balina. Ke’le si Tuhan i mapungem i hita, tuliden kahi pesakedan bo mapawaesa i homotahula kele aboho. \v 14 Bo ambao pahasaiboho, pakenange beles, maindo a kotolmomotan.

03/15.txt

@@ -0,0 +1 @@
+\v 15  Asakum sononoi i tialow maindo marenta i suang natenu. Ndewaboho kawalian kamotahula tiniang maindo esa batangan. Bo marayowde. \v 16 Ta dere kodait i Kristus metewio bo pahasa kahayaan Na andedet i homotahula saniboho kamotahula pahasa  kamaule’ngan maturu bo masaga esa i tow bo esa tow balina makatari Mazmur bo darayow bo katar rohani kamutahula, marayow besi Ningumêlêd a suang i natenu. \v 17 Bo pahasa mange tatawoi bo kodait i homotahula, tuliden nange pahasa i boho asuang i ngalan i Tialow, karua kumua i ndarayow besia, besi sia Ningumêlêd, Amang i hita.

03/18.txt

@@ -0,0 +1 @@
+\v 18 Ei manga bene mahaharoang kiitan karoangu tuama kelembisa how kumiit besi Tuhan. \v 19 Manga tuama mahaharoang i hales ange karoangu osa naan timulid Ta’pia besia. \v 20 Ei moro hedong, emanen nange matu’anu a nasia mange, nde waboho loor besi Tuhan. \v 21 Ei manga amang, naam de mawa ado-ados ate i manga batanu, saniboho natena hi i matêwang.

03/22.txt

@@ -0,0 +1 @@
+\v 22 Ei manga ata, ki’itan naange pahasa tuangu ambaotoba a na wasia mange, na’an bati a sasaangen i latahula mange tanu mawa era’ ilatahula, sumata’ karengan i kawolahan i nate enow a pa’an talo besi Tuhan. \v 23  Asia mange tawoyenu, tawoyen nange karua i nate enow kele tanu Tuhan, hii tanu si manga totumu. \v 24  Kailahan i homotahula, Besi Tuhan kemoho komo tahula tumirima beteng be turu behow tanu te’te’ nga, Tialow tuang i kamotahula bo kamotahula sosiuna. \v 25 Sa sisey Tumulid kasea’an sisia mio tumanggong i seana, nde si Tuhan hii masisir i tou.

04/01.txt

@@ -0,0 +1 @@
+\c 4 \v 1 Hei tuang-tuang: Matulid de adil bo jujur a maya atanu imunen, nde kamotahula hahi bana tuang a doong lenas.

04/02.txt

@@ -0,0 +1 @@
+\v 2  Ate-atena ma sombayang bo asuanga i oho, ma tenga-tengamange sa salalu marayow. \v 3 Iwa sombayangange hamitahula, saniboho buhaan Ningumêlêd bonang tanu asia miaho i wasahai i hamitahula. Saniboho hamitahula do’na mohodait asia rusu i Kristus awahem ahu besuang a penjera. \v 4  Kawalian miaho do’na iwawa taruku, asia niaho ni humiit.

04/05.txt

@@ -0,0 +1 @@
+\v 5  Menonow karua mawuli-wuling kamaulengan a manga tou am beta oho, osa pakenoho noras sinadia. \v 6 Da mejin pahasa kodaitnu mawuli-wuling i  amaulengan, hii tobokang, saniboho kalahanu, kelembisa how ma sowad i manga tou.

04/07.txt

@@ -0,0 +1 @@
+\v 7 Pahasa riwayêtku i huahu be homotahula besi Tikhikus, pog i hita mauleng, sosiu moêman bo manga karua i Ningumêlêd. \v 8 Bewa siuhu sia be homotahula saniboho kamotahula mahailah i riwayêt hamitahula bo serona sia mibor inate homotahula. \v 9 I wasiuhu sia makarua bo si Onisemus, pog i hita moeman bo behales, esa tou andedet hamotahula. Silatahula kumua moho be homotahula asia niaho mamoali biai.

04/10.txt

@@ -0,0 +1 @@
+\v 10 Wa’i siri’i Aristarkus tanu kamutahula karuahu a penjara bo si Markus, pawataan i Barnabas. Be sisia kamotahula tumirima koyow; tiriman nde sia, sasia moay be homotahula. \v 11 Bo besi Tialow, bewengalan Yustus, bati silatelu a pahasa iboho sinunat maindo karuhu matawoy tanu a kaholanoan Ningumêlêd; pahasa silatahula maindo pangiboran beahu.

04/12.txt

@@ -0,0 +1 @@
+\v 12 Siri i Epafras tanu behomotahula; Sisia esa tow andedet i homotahula sosiu i Tialow; lê’têh ma rongigon bo ma  sombayang tanu homotahula, saniboho homotahula me’tê kele, tou talê tumou bo moemanio a pahasa kahabogen i Ningumêlêd. \v 13 Nde ahu do’na mawasairi kelembisa sia, awahem imahawe’e-we’e tanu kamotahula bo tanu silatahula a Laodekia bo Hierapolis. \v 14 Siri behow behe i tabib Lukas imbehales bo behe i Demas.

04/15.txt

@@ -0,0 +1,2 @@
+\v 15  Ihuamio siri i hamitahula a manga pog a Laodikia; bo hahi Nimfa bo jamaat asuang ambalena.
+\v 16 Sa surat i yai binacam andedet i homotahula, damejin nde, saniboho bean kahi bacan a jamaat Laodikia; bo saniboho surat tanu a Laodikia bacan kahi behow. \v 17  Bo i wongita u moho besi Arkhipus; Pilahanio, saniboho pasalian tinirimahu besi a Ningumêlêd do’na i lapaku i nate enow.

04/18.txt

@@ -0,0 +1 @@
+\v 18 Wa’i siri’ku; Paulus, jiri’iai betulisku mio i kamahu,  imunen nio asia niaho misumogot iyahu; be’les sononoy wakarua i homotahula.

LICENSE.md

@@ -0,0 +1,27 @@
+
+# License
+## Creative Commons Attribution-ShareAlike 4.0 International (CC BY-SA 4.0)
+
+This is a human-readable summary of (and not a substitute for) the [license](http://creativecommons.org/licenses/by-sa/4.0/).
+
+### You are free to:
+
+  * **Share** — copy and redistribute the material in any medium or format
+  * **Adapt** — remix, transform, and build upon the material 
+
+for any purpose, even commercially.
+
+The licensor cannot revoke these freedoms as long as you follow the license terms.
+
+### Under the following conditions:
+
+  * **Attribution** — You must attribute the work as follows: "Original work available at https://door43.org/." Attribution statements in derivative works should not in any way suggest that we endorse you or your use of this work.
+  * **ShareAlike** — If you remix, transform, or build upon the material, you must distribute your contributions under the same license as the original.
+
+**No additional restrictions** — You may not apply legal terms or technological measures that legally restrict others from doing anything the license permits.
+
+### Notices:
+
+You do not have to comply with the license for elements of the material in the public domain or where your use is permitted by an applicable exception or limitation.
+
+No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

front/title.txt

@@ -0,0 +1 @@
+Kolose

manifest.json

@@ -0,0 +1,78 @@
+{
+	"package_version": 6,
+	"format": "usfm",
+	"generator": {
+		"name": "ts-desktop",
+		"build": "2"
+	},
+	"target_language": {
+		"id": "tnw",
+		"name": "Tonsawang",
+		"direction": "ltr"
+	},
+	"project": {
+		"id": "col",
+		"name": "Colossians"
+	},
+	"type": {
+		"id": "text",
+		"name": "Text"
+	},
+	"resource": {
+		"id": "udb",
+		"name": "Unlocked Dynamic Bible"
+	},
+	"source_translations": [
+		{
+			"language_id": "en",
+			"resource_id": "ulb",
+			"checking_level": "3",
+			"date_modified": "2017-11-29T00:00:00+00:00",
+			"version": "12"
+		}
+	],
+	"parent_draft": {},
+	"translators": [
+		"Kelompok-2",
+		"bahasatech.indotengah"
+	],
+	"finished_chunks": [
+		"front-title",
+		"01-title",
+		"01-01",
+		"01-04",
+		"01-07",
+		"01-09",
+		"01-11",
+		"01-13",
+		"01-15",
+		"01-18",
+		"01-21",
+		"01-24",
+		"01-28",
+		"02-01",
+		"02-04",
+		"02-06",
+		"02-08",
+		"02-10",
+		"02-13",
+		"02-16",
+		"02-18",
+		"02-20",
+		"03-01",
+		"03-05",
+		"03-09",
+		"03-12",
+		"03-15",
+		"03-18",
+		"03-22",
+		"04-01",
+		"04-02",
+		"04-05",
+		"04-07",
+		"04-10",
+		"04-12",
+		"04-15",
+		"04-18"
+	]
+}