Tue Aug 04 2020 14:18:34 GMT+0800 (Malay Peninsula Standard Time)

This commit is contained in:
bahasatech.indotengah 2020-08-04 14:18:34 +08:00
commit bb9ab24f5a
33 changed files with 129 additions and 0 deletions

1
00/title.txt Normal file
View File

@ -0,0 +1 @@
2 Timotius

1
01/01.txt Normal file
View File

@ -0,0 +1 @@
\c 1 \v 1 Besi Paulus, sisiu i Tialoh a pandung Ningumeled mēhēabar dandi kēlembisa menonow asuang Tialoh. \v 2 Besi Timotius bataku i halesku akohomba: komba bo beles, lenas be Ngeledtow bo Tialoh, Tuhan hita lumas behow.

1
01/03.txt Normal file
View File

@ -0,0 +1 @@
\v 3 Siahu dumayow a Ningumeled, sinelewiraku karua nate enow kele tinulid manganowoku. Bo salalu mawaimun behow asia papangeleienku, anendo bo wengi. \v 4 Bo sahu mangimun i lue belennu a beyuknu , siaho mabog milah ihow sumaliku, saboho tadoo kahahiiku \v 5 Nde ahu mangimun akawahemannu kele kamaulengan, waaho eman i tumow pahamunan itumow asuang nenenu Lois bo asuang mamamu Eunike bo ahu totuu itumow a suang batanganu.

1
01/06.txt Normal file
View File

@ -0,0 +1 @@
\v 6 Waaho kawalianoho iwawaimun behow tanu mawataan beles kohomba asia bana behow ambeatangan kamahu ambaonu. \v 7 Apaan Ningumeled i mehe behita ahii tutu kataloan, sumata tutuh mawalembo karowotan, beles bo keeluan.

1
01/08.txt Normal file
View File

@ -0,0 +1 @@
\v 8 wai naam monokia sumairi, sa angen Ngeledtow hita bo naam monokia nde ahu totumu be ukum nde sisia , sumata lumas makelam nde InjilNa, nde korowotan Ngeledtow. \v 9 Si sia imawalowid hita bo itumiang hita titing lenas, ahii mapig a tatawoy hita sumata mapig a kahabogen bo beles a kohomba i sia, ahad behombana behita suang Tialoh atalewe mamoali keletepo. \v 10 Bo yai talewe bewawaturuna a nahian Tialoh hita apa-apaan Injil i mawalekud kawasa patean bo meangai tumow ahii haerean mosabug \v 11 Tanu Injil wai, ahu tinantuna kele mapakua, kele Rasul bo kele guru

1
01/12.txt Normal file
View File

@ -0,0 +1 @@
\v 12 Waaho kawalianoho ahu kumelam pahasa iai, sumata ahu ahii monikia, nde ahu mahalah besiseiange ahu maheman bo ahu totuu awahem sia ekawasa amiaha asia niaho pahêmanena bēahu ahad nendo ahian Ngeledtow. \v 13 Kekemen asia niaho tinanganu bēahu kele contoh bēwaturu akamaulengan bo tawoyenu niaho asuang koēman bo beles asuang Ngeledtow \v 14 Sahaan kasihaan loor, bè ēmaneyNa behita, bo monggonguot metewio asuang inate.

1
01/15.txt Normal file
View File

@ -0,0 +1 @@
\v 15 Kalahanu pahasa silatahula asakumen Asia Kecil itu malihudem beahu kele Figelus bo Hermogenes \v 16 Ngeledtow i mehemai kohomba apamalean Onesiforus bo mebale. Waleng natehu. Sia hii monokia imogamat iahu asuang kurungan \v 17 Atepo a Roma, sisia irumameji mangilah iahu bo imetau iahu \v 18 Sarona Ngeledtow tumuru i kombana be sia anendo Na ahii hapang katadooan tinawoina a Efesus si how lēbē mahalah nde siahu.

1
02/01.txt Normal file
View File

@ -0,0 +1 @@
\c 2 \v 1 Kawalianoho hei kedoku, mamoali ētē ambeles kohomba asuang Ngeledtow. \v 2 Asia niaho kinataan bēahu, asasaangen tadoo sairi êmanenoho amangatow

1
02/03.txt Normal file
View File

@ -0,0 +1 @@
\v 3 Lumas akatanedan kēlē esa sururaho i memauleng ndē Tialoh. \v 4 Esa sururaho sèdang maperang, ahii mamiki-mikir batangana bo ahii mamiki-mikir penonowana, saniboho sia wetenaan bo a pahalasana. \v 5 Esa tow tapayayang dona mahaērē bētapē akohong kēlē juara, sa sia mayayang makiit bēwaturu tapayayang.

1
02/06.txt Normal file
View File

@ -0,0 +1 @@
\v 6 Esa tow tumotawoy a karedemana kaiwiana êlokana. \v 7 Tulidenu asia niaho bēhuahu, Ngeledtow emehe behow pangartian anawasia mange.

1
02/08.txt Normal file
View File

@ -0,0 +1 @@
\v 8 Imuneniai: Tialoh, itumou atutud, i totumu tow i mate, bēwawatow kēlē belolosan Daud, waaho bewapakua a suang Injil. \v 9 Apaan bēwawataan Injil ahu mesusa, ahad tinorunggu kele tow tapia, sumata kukua i Ngeledtow ahii tinorunggu. \v 10 Kawalianoho aho nabar tumanggong pahasa boho amanga totumu sinisir Ngeledtow, saniboho silatahula mahaērē katowan lenas a Ngeledtow Tialoh ndē kalooran kaeto-eto.

1
02/11.txt Normal file
View File

@ -0,0 +1 @@
\v 11 Totuu kodait i yai: “sa hita mate ndē si sia, kita hahi dona menonow ndē si sia; \v 12 sa hita kumundu, kita hahi lumas maperenta nde sia, sahita hita sumakal i sia, si sia hahi hii sumakal i hita; \v 13 sa hita hii dedem, Sia tetap dedem, kawalian sia ahii sumakal imbatanganNa

1
02/14.txt Normal file
View File

@ -0,0 +1 @@
\v 14 Imunem bo ihua apahasa waaho karua kaulitan bēsilatahula asasaangen Ngeledtow, bo naam maputar ikodait, apaan waaho mekele hahi hii bereguna, torunggu mawalikoko tow i tumanga. \v 15 Damejinu saboho how wetenaan asasaangen Ngeledtow, kēlē totumu matawoi ahii mahalah sokia i wawataan ambeabar kodait a katotuuaniaho.

1
02/16.txt Normal file
View File

@ -0,0 +1 @@
\v 16 Sumata dumēkang akotowoan ahem suanga bo ahii bayo bo dumohang katapiaan. \v 17 Kodait ilatahula lumoyod kēlē mahados kanker. Atutud homotahula kēlē si Hemeneus bo Filetus, \v 18 i mawawetow kaulitan bo masusui awahem katowan ihita bēhalawusem bo a kēlē aho mawarusah kawahēman a tanu totumu

1
02/19.txt Normal file
View File

@ -0,0 +1 @@
\v 19 sumata saleh bewao Ngeledtow ētē bo bēwatiNa iaho: Ngeledtow mahilala sisei e sawaNa bo sisei totumu kumua ngalan Ngeledtow i lepotemoho katapiaan. \v 20 Asuang bale wako, ahii wati kaerean pakakas kele emas bo perak sumata iaho kele kayu bo toba, apahamunan pinake tanu i kahabogen akalooran bo akalawusan tanu kahabogen akahurangan i kalooran. \v 21 Sa esa tow mawa weresi mbatangana a pinatuli-tulina ahii mauleng, ahii sia mamoali pakakas imbale tanu kahabogen a kalooran sia a kalenasan a kawilahan mauleng a pahalasena bo sinadia tanu patawoyen a kalooran,

1
02/22.txt Normal file
View File

@ -0,0 +1 @@
\v 22 kawalianoho irēkang nawedu ataletumow, pelasen kaulitan, koēmanan beles bo damē medoro-roro bo silatahula maombal bēsi Ngeledtow karua natē loor. \v 23 Iworus pahasa pangila-ngilahen, mawawodoh bo ahii metulungan, sihow mahalah awahem waaho mawalembo pepatēan

1
02/24.txt Normal file
View File

@ -0,0 +1 @@
\v 24 Sēdangkow wapasiu Ngeledtow ahii rona mepepatē, sumata kou mahales apahasa totumu; sihow mahalah mahajar, sabar. \v 25 Bo ēmēng dona mēangitow mabog malawah, apaan Ngeledtow mēhē tēpo besilatahula tanu matobat bo sumopiwi silatahula saboho silatahula mahilala katotuuan. \v 26 Saniboho silatahula mamoali mawedis, saboho halepot a sosogow sètan bo sumogot latahula a pandunga.

1
03/01.txt Normal file
View File

@ -0,0 +1 @@
\c 3 \v 1 Kalahanu awahem anendo kalawusan sia mahi atepo kasusaan. \v 2 Totumu lebe mahales imbatangaNa. Nesa bo mamoali sosiu. Kupang/doit kamotahula mongaha-ngaha bo mo sombo sombong imbatangan. Kamotahula awahem mamoali mo sero, kamotahula awahem malewah amatua bo ahii mahala kumua makase, ahii marduli i agama. \v 3 Ahii mahala mahales, ahii mabok medame, mabok masia-sia tow, ahii mabog tumahang gio imbatangan, ahii mabo i mauleng. \v 4 Mabo mawatapia, ahii mapikir katangan. Tumuru mahalah, lebe lumas anawedu nde lumas a Ngeled tou.

1
03/05.txt Normal file
View File

@ -0,0 +1 @@
\v 5 Kele akahelaman kamotahula lumapang ibadah i hamotahula, sumata i sasane kamotahula sumakal korowatana dumekang be silatahula. \v 6 Kawalian atutu i homotahula kinadapatan tumirih ambale itow balina bo kumeres i mangawene kawel tadoo sea bo kereheresan i pahasa anawedu, \v 7 Mande onah leteh susuian ta ahii mahasa mahahilala kaulitan.

1
03/08.txt Normal file
View File

@ -0,0 +1 @@
\v 8 Mekele si Yanes bo Yambres i lumawah si Musa, keleahe silatahula i lumawah ulitan. Uteh i hamotahula tapia bo kawaheman i homotahula ahem totumu. \v 9 Sumata to tuu kamotahula ahii te lebe mamuna nde kele a suang i Yanes bo Yambres. Kawodohan i homotahula waaho haturu a pahasa totumu.

1
03/10.txt Normal file
View File

@ -0,0 +1 @@
\v 10 Sumata kau lumas a wapakuahu bo penonowaiku, giohu kawahemanku. Kasabaranku, beleku bo koemananku. \v 11 De how re lumas kumelam apauahen bo kumelam kele akinahelamaiku Antiokhia bo a Ikonium bo a Listra pahasa mapauah-uah waaho kenelam ku bo si Ngêlêd tow imawalepot iyahu be sia. \v 12 Awahem si seiyange totumu mabo menonow maibadah a suang Tialoh, sia kumelam mbeuah. \v 13 Sedang totumu tapia bo motowo lebe me doharohang tapia kamotahula mawahisel ba kinisel.

1
03/14.txt Normal file
View File

@ -0,0 +1 @@
\v 14 Sumata papandungenna leteh kekemen akatotuuan. Asia niaho tinirima bo how totuu de salalu mangimun totumu mainjo i mahajar be how. \v 15 Imunen atepo i kedope kow mahalahem ikaol bo mahalahimehe komba be how bo meang i how a kalowidan apaan kewaheman a Ngeled tow.

1
03/16.txt Normal file
View File

@ -0,0 +1 @@
\v 16 Pahasa be watih bewawaiwi Ngeledtou mawawemauleng, osa bewawaturu kaseaan, isusui atow a kaulitan. \v 17 Iboho kawalian manga tow beteng i Ngeledtou belekew nde pahasa tatawoi mauleng.

1
04/01.txt Normal file
View File

@ -0,0 +1 @@
\c 4 \v 1 Asaangen i Ningumeled bo Kristus Yesus, mahi matepu a totumu menonow, bo totumu imatem, wai ihoyowhu uli-uliten behow, miit kelembisa sia imawaturu bo miit kaholanoan-Na. \v 2 Iwahasereb Kukua, sadianem mauleng bo ahi mauleng anendona, asia niaho sea, paperowen bo maturu karengan kaêledan bo katoturuan.

1
04/03.txt Normal file
View File

@ -0,0 +1 @@
\v 3 Awahem mahi-hahi anendona, tow alam maibog maya itoturu kanyamanan, sumata silatahula hahi sumesen mangaguru kumiit akahabogena tanu mawawede kahabogen i talingana. \v 4 Silatahula hahi sumeleng talingana ahii maibog tumanga boho kaulitan bo buhaana tanu dongeng. \v 5 Sumata imbahuten natenu apahasa behamoali, êluden mapongigon, tulisan tawoien mapawasêreb kukua bo lêkêwen tawoien apaselewiranu !

1
04/06.txt Normal file
View File

@ -0,0 +1 @@
\v 6 Awahem batangaiku, dahaku be walaim beusah kele powasil bo a susut i pateanku. \v 7 Siahu mawamorusêm apabertandingan mauleng, ahu behoamat kahadan karis bo beiahaanêm êmanhu kawahemaiku. \v 8 Yaitalewe sinadiam tanu siahu bêtapêl a kohong kaulitan mahi behomba beahu i Tuhan matepu ulit, anendo-Na, sumata ahii bati beahu, sata kahi apahasa tow mahatênê anahim-Na.

1
04/09.txt Normal file
View File

@ -0,0 +1 @@
\v 9 Dumameji mongikaya ibokom tilaho mahi beahu. \v 10 Awahem Demas mebilesem lebe mahales imbaoitoba iai bo belingoman ahu. Sia imatangem moho a Tesalonika. Kreskes imohom a Galatia bo Titus imohoma Dalmatia.

1
04/11.txt Normal file
View File

@ -0,0 +1 @@
\v 11 Bati Lukas i sumondo be ahu. Mohoijon Markus bo peangenai Sia biai, apaan paselewirana perlu sia beahu. \v 12 Tikhikus besiuhu moho a Efesus. \v 13 Osahow moai meang ngio juba ambepakumio a Troas ambalēi Karpus bo hahi mangahitapku, katudan waaho perkamen.

1
04/14.txt Normal file
View File

@ -0,0 +1 @@
\v 14 Aleksander tapatulid bēsi waaho, tadoo tinulidna tapia bēahu, Ningumēled mahi mēhēwalas miit tatawoina. \v 15 Mero-merot how hahi mahatuh asaangana, awahem sia niit lumawah a bēwaturu hita. \v 16 Anendo patugasanku amuna ahem esa tow ihumarua iahu, pahasa ilumolahai beahu merotange pahasa waaho ahii wawatanggong bēsilatahula,

1
04/17.txt Normal file
View File

@ -0,0 +1 @@
\v 17 sumata Ningumēled e nimapiwid bēahu, bo mēhē korowotan bēahu, boho apakaruaanku kukua ihasereb diitēna teka pahasa tou ahii Yahudi tangoana. Kēlēwaaho ahu behalepot ambaba singa. \v 18 Bo Ningumēled hahi mawalepot iahu a nesa tawoien ahii mauleng, sisia mawalowid iahu akah ahu i hasuang atampaNa lenas. Bēsia akalooran kaeto-eto! Ulit.

1
04/19.txt Normal file
View File

@ -0,0 +1 @@
\v 19 Siri bēsi Priska bo Akwila bo a pamaleanan Onesiforus. \v 20 Erastus isumondo a Korintus bo Trofimus bepakumio a sakum pahadosan a Miletus. \v 21 Damejinu kow moai atalewe tepo ikolotin. Siri be Ebulus bo Pudes bo Linus bo Klaudia bo pahasa morowog. \v 22 Ningumēled mahalas tutunu. Beles behombaNa mahalas homotahula!

27
LICENSE.md Normal file
View File

@ -0,0 +1,27 @@
# License
## Creative Commons Attribution-ShareAlike 4.0 International (CC BY-SA 4.0)
This is a human-readable summary of (and not a substitute for) the [license](http://creativecommons.org/licenses/by-sa/4.0/).
### You are free to:
* **Share** — copy and redistribute the material in any medium or format
* **Adapt** — remix, transform, and build upon the material
for any purpose, even commercially.
The licensor cannot revoke these freedoms as long as you follow the license terms.
### Under the following conditions:
* **Attribution** — You must attribute the work as follows: "Original work available at https://door43.org/." Attribution statements in derivative works should not in any way suggest that we endorse you or your use of this work.
* **ShareAlike** — If you remix, transform, or build upon the material, you must distribute your contributions under the same license as the original.
**No additional restrictions** — You may not apply legal terms or technological measures that legally restrict others from doing anything the license permits.
### Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

71
manifest.json Normal file
View File

@ -0,0 +1,71 @@
{
"package_version": 6,
"format": "usfm",
"generator": {
"name": "ts-desktop",
"build": "2"
},
"target_language": {
"id": "tnw",
"name": "Tonsawang",
"direction": "ltr"
},
"project": {
"id": "2ti",
"name": "2 Timothy"
},
"type": {
"id": "text",
"name": "Text"
},
"resource": {
"id": "reg",
"name": "Regular"
},
"source_translations": [
{
"language_id": "en",
"resource_id": "ulb",
"checking_level": "3",
"date_modified": "2017-11-29T00:00:00+00:00",
"version": "12"
}
],
"parent_draft": {},
"translators": [
"Merchy Pandey"
],
"finished_chunks": [
"00-title",
"01-01",
"01-03",
"01-06",
"01-08",
"01-12",
"01-15",
"02-01",
"02-03",
"02-06",
"02-08",
"02-11",
"02-14",
"02-16",
"02-19",
"02-22",
"02-24",
"03-01",
"03-05",
"03-08",
"03-10",
"03-14",
"03-16",
"04-01",
"04-03",
"04-06",
"04-09",
"04-11",
"04-14",
"04-17",
"04-19"
]
}