Tue Aug 04 2020 13:42:58 GMT+0800 (Malay Peninsula Standard Time)

01/01.txt

@@ -0,0 +1 @@
+\c 1 \v 1 Beai paulus, tanu pandang i Ningumeled maijo rasul Kristus Yesus, bo besi timotius pog ihita, tanu jamaat i Ningumeled a korintus kamai pahasa totumu bayo a sêrêb i akhaya \v 2 Bêlês be homba bo kosononoian bê ningumeled, amang i hita bo besi Tuhan Yesus Kristus makaum hamai hamutahula.

01/03.txt

@@ -0,0 +1 @@
+\v 3 Bayawen si ngeledtow, amang ningumeled i hita Yesus Kristus. Amang mawuling imbeles bo ningumeled lumkuhan i pahasa pangeboran. \v 4 Mahibor i hamitahula a pahasa papingigonen i hamitahula ahad kamitahula mahaelei iniibow silatahula, andalem tadoo papongingonen kelei pangiboran. Tiniimua i hamitahulamio a Ningumeled.

01/05.txt

@@ -0,0 +1 @@
+\v 5 Apaan mekele bo hamitahula mahere keteng tadoo mio a sakun pinoigigonan i Kristus, kelewaaho hahi bua Kristus kamitahula tiniaima pangiboran tadoo. \v 6 Sahamitahula mongigon, aho mainjo pangiboran bo kawiaan i hamutahula : sa hamitahula iboren, iboran iaho tonu pangiboran i hamutahula, ahad kamutahula mahaere igat bohahi elud mapongigon i kumeng mekele bo papongigonen i hamitahula hahi. \v 7 Bo mahanaw kamitahula tanu hamutahula êta, apaan kalahan i hamitahula, awaham mekele mange kamutahula daket minjo beteng a pangiboran i hamitahula.

01/08.txt

@@ -0,0 +1 @@
+\v 8 Awahem pandang i hamitahula, sa boho kalahan i hamutahula pangigonan kinelam i hamitahula a asia keeil tanggongan kehe palihuden i hamitahula bakoio bo tanêdio mahahad kamitahula alam pahanawen kahi e penonowan i hamitahula. \v 9 Lêbê-lebe kalêhaman i hamitahula, keleitu hamitahula ukuniêm paten \v 10 Mahi a patean mahatailan kelewaaho kewawa selamatnam bohahi iwawa selamat Na kamitahula: Besia kamitahula mêpa pahanawen i hamitahula awahem kamitahula maleng tiwawa selamat.

01/11.txt

@@ -0,0 +1 @@
+\v 11 Apaan kamutahula hahi daket imawa sombayang tanu kamitahula, sani baho tadoo totumu kumaa piawiaan haho nde kokomba kinaeiaan.

01/12.txt

@@ -0,0 +1 @@
+\v 12 Wai ê miwongaha i hamitahula, awahem kua i nateihami tahula i sumairi kehamitahula, awahem penonowan ihamitahula ambaitoba iai, sai na a sakum pesupahan i kamitahula bo kamutahula, andalem kawasa i kaênowan bo kalenoan i ningumeled ahii sa behe imbaoitoba, sumata kati esa koro wotanimbêlês kohomba ningumeled \v 13 Apaan kamitahula bati imatih behamutahula asia endona baca ihamutahula bo pangantian. Bo paharaweiku, mero-merotange niit pangantian ihamutahula. \v 14 Kelei kalahanem i hamutahula bana be hamitahula, awahem a nendoi Tuhan Yesus kamutahulah mapongaha i hamitahula, kele hamitahula hahi maindo mongaha i hamutahula.

01/15.txt

@@ -0,0 +1 @@
+\v 15 Hawali kawaheman iiai mahasam ahu mataan tanu mahiwe behamutahula sanibaho kamutahulah dona tumirima beles kohomba tanu karuana. \v 16 Akahadan maibo ahu tumeru a makedonia, esa a makedonia malengahu miri be hamutahula, sami baho kamutahulah tumulung i ahu a pangêbêaiku maho a Yudas

01/17.txt

@@ -0,0 +1 @@
+\v 17 Yanasa, bana onah tinulidku marosapid a sukum taaiku iai? Suma ahu tumulid i taaku iahu kumiit a pandulen mio, ahad beahu harenge mahaere "eyem" bo ahii' \v 18 Tanu ningumeled mahiit dandi i hamitahula be hamutahula ahii kasênge bo "eyem" bo "ahii".

01/19.txt

@@ -0,0 +1 @@
+\v 19 Apaan Yesus Kristus, bata i ningumêlêd, e mbewapaluwa waaho a tut ihamatahula, tanu siahu bo tanu siluanus teka si timotius, ahii sa"eyem" bo "ahii" sumata sombains a suangi sia bati bana "eyem" \v 20 Apaan Kristus makele wo "eyem" tanu pahasa dandi i ningumêlêd. Waaho kawalian tanu sisia kita kumua "ulit" tanu marayow i ngeledtow.

01/21.txt

@@ -0,0 +1 @@
+\v 21 Apaan sia e mawaête i hamutahula tekahahi kamutahula andalem Kristus makelewo Ningumeled e nitu-mutuh \v 22 Sinegel i tanda punya na hita bo mehe Roh Kudus andalêm i nateihita tanu bae a pahasa sinadiantanu hita.

01/23.txt

@@ -0,0 +1 @@
+\v 23 Sumata ahutumang e Ningumêlêd mamoali saiihu. Kailalaana ahu waaho kawalian ahu ahi mahi a Kristus tanu bêlês ku be hamutahula \v 24 Ahii sa kamitahulah maibo mapêreta asia ê emanen i hamutahula ia apaan kamutahula morowot a pahemanenu. Sombaina kamitahula mabo daket matawoi  tanu pekahi-anu.

01/title.txt

@@ -0,0 +1 @@
+Pasal 1

02/01.txt

@@ -0,0 +1 @@
+\c 2 \v 1 Andadelem natehu siahu maindo katatuan, Awehem ahu ahii mainjo moho be homotahula andalem matape \v 2 Apaan sa siahu mawatape i natenu, sisei kahi tumulid weahu mainjo mekahi sahii sisia i matape nde siahu.

02/03.txt

@@ -0,0 +1 @@
+\v 3 Bo waaho panutuun i surat-hu, wai êwaaho saniaho sa ahu mahi, naam mahu pawatapen latahula, Ê musti mawa-wêkahi i ahu. Apaan ahu moheman be homotahula awahem kahiku mainjo kahinu. \v 4 Siahu mamatih be homotahula karêngan i nate likeke bo kisêl, bo karengan i mawatis i tadoo lue, ahi. Saniaho homotahula matape. Sumata saniaho komotahula mahailahi i meem kahakoan i mbêlêsku be homotahula.

02/05.txt

@@ -0,0 +1 @@
+\v 5 Sumata sa bana totumu mawa tape, yanasa ahi nate-hu bewawatape, sumata nate i pahasa homotahula, suma kahura-huranganan, saiaho naam wawaroha-rohangaiku, ate i tatahula tow a tutud i homotahula \v 6 Tanu totumu kelewaaho doro nisu i sangawalas tadoo i homotahula \v 7 Mahad komotahula sombaina musti mêwêngapung bo mibor sisia. Sani aho sia naam silaka i katapean ê niit io taned.

02/08.txt

@@ -0,0 +1 @@
+\v 8 Waaho kawalian ahu misu i homotahula, sani aho homotahula muli-ulit mahalês i sia \v 9 Ênde apaan waahom panatuuna ahu matih surat be homotahula, Nêwaaho tanu sumilih be homotahula, awa homotahula makiit a nasia-mange.

02/10.txt

@@ -0,0 +1 @@
+\v 10 Nde siseiange ê napungan i homutahula ê kaseaana, apungaku kahi sia. Apaan sa siahu mangapung, saande-ande bana e musti apungeiku, yanasa ê waaho tinawoihu i napaan komotahulah a ndior i Kristus, saniboho sumesenggot ndaan mainjo kautungan be hita, nde kita mahailah i panutuuna. \v 11 Ihahoamatoho ahu a troas tanu sumahai i kukua i Kristus, kinaera-Ku, awahêm si ngêlêtow i muham dalan tanu patawoiên bibali

02/12.txt

@@ -0,0 +1 @@
+\v 12 Sumata nate hu ahi mahahêlan êna, apaan ahu ahii imêtauw bo pogku si titus. Waaho kawaian ahu a permisi bo matang moho a makedonia. \v 13 Sumata dayou be ningumêlêd, ê na sakum si Kristus lêtêh mawali i hamatahula a ndalan kasinggugatan-na. Karengan i patolohan i hamitahula si sia imawasêrêb i kasapêngan pekahilalan i sia bisa-winsanamange.

02/14.txt

@@ -0,0 +1 @@
+\v 14 Apaan tanu ningumêlêd kamitahula awahem bow ê sapeng i Kristus a tutud i latahula ê mbewawawia bo a tutud i latahula ê motutus. \v 15 Tanu ê kahadanio kamitahula bow i kawatean ê mahawate bo tanu a katare bow i penonowan ê mawatow. Sata siseiêm e mahabaya lumapang i tawoiên.

02/16.txt

@@ -0,0 +1 @@
+\v 16 Apaan kamitahula ahii mêkele karengan tow tadoo balina mapangilah kauntungan a kukua i Ningumêlêd, salikuna kamitahula a sakun i Kristus mahoda-hodait kelembisa katotouana karengan manga-panatuun leno a pereta i ningumêlêd bo a ndior-na \v 17 Awahem kamitahula ahii tele tau balina ende mapanilah kalebean asuang kaol NIngumeled totou hemoho asuang Kristus kamitahula mapahodait asia hioho totouu Pereta Iningumeled bo Asasa-angena.

02/title.txt

@@ -0,0 +1 @@
+Pasal 2

03/01.txt

@@ -0,0 +1 @@
+\c 3 \v 1 ahu kamitahula malengem kahi dumayow imbatan I kamitahula mio? Suma-sama kamitahula kele tow kalina tumusu surat mongaha-oigahai hamutahula sama iwapongahai kamutahula? \v 2 Awahem kamutahula niaho surat darayow I hamitahula kehawatihêm a suang I nate hamitahula, kailalaan bo sarona kauracaan I pahasa tou. \v 3 Apaan kehataram awahêm kamutahula niaho surat I Kristus, bewatih a pasalian I hamutahula, bewatih ahi’i make tinta sumata a loh-loh keted, awaaho andalêm nateintotumu.

03/04.txt

@@ -0,0 +1 @@
+\v 4 Yanasa kakoan ika waheman I hamitahula besi ningumêlêd tanu Kristus. \v 5 Tanu batangan i hamutahula, kamitahula ahi'i mahaelei tumaia awahêm kamitahula tumawoi i tawoiên iai, sumata Ningumêlêd e mehe ugat iaho be hamitahula. \v 6 Beawo dana hamitahula mainjo masali a panandian taleya, panandian ahi’i a nikum be watih sumata a Roh, nde ukum wapatih mawawate sumata san Roh meang kaenowan.

03/07.txt

@@ -0,0 +1 @@
+\v 7 Pasalian mahatod a patem be hagambar irurup a loh-loh batu. Paladikelewaaho eraw I Ningumêlêd  sumulo sulo mange atohia I musa motahad ambêlêm tou Israel milah I sia nde sula a tokianaiho mapekawelem. \v 8 Meem kahi kakoan I konungoan e uiurakamai pasaliani Roh.

03/09.txt

@@ -0,0 +1 @@
+\v 9 Apaan sa pasalian I mahatod a pahu kuman I aho ndambom kahi konungaani pasalian mahatod a kamaulengan. \v 10 Dona ihua awahem asia kodarawan behabotêm, alam modarau apaan kodarawan iai talewe. \v 11 Mande mêkawelêm saiwakaruai manunga, monunga mambom sa hii hawel iwakaruai kodarawan tantu monunga mio

03/12.txt

@@ -0,0 +1 @@
+\v 12 Apaan kelewaaho paharaweni hamitahula, yanasa kamitahula matawoi imbawanei \v 13 Ahii kele si musa mumulobi tokiana sa beho bangsa israel ahii memilah i suloi ningumeled mêkawelêm esa ihatambulalan a tokiana

03/14.txt

@@ -0,0 +1 @@
+\v 14 Kawareken ilatahula kehatakeusêm osa motahadai inia kelewe mio i aho liunkukungên mekele bo tempo silatahula mawaca i parandian koyongan kukungiaho bati Kristus endona muha. \v 15 Yai talewe kahi sa silatahula macai kitab musa kukungiaho awebehauha \v 16 Sumata sawana esa tou mahi sumaang si Tuhan. Kukungiaho aho iatang a tokiana

03/17.txt

@@ -0,0 +1 @@
+\v 17 Yanasa, Tuhan êpakaodaitan biai si sia maho Roh. Osa bisana mbana Roh i Tuhan biboho hahi bana kawêrean. \v 18 Yai talewe tokia ihitai pahasa ahii takê-takêwape, oasa hita mawasuloi kodarawan i Tuhan Yesus. Osa apaaniaho hita mêlawu-lawus iwawalui manoali kelei sia maha êto kita mamoali maha mêdaraw pêdarawan i ahi a Roh sa mahi bo Roh iaho sia ê Ningumêlêd.

03/title.txt

@@ -0,0 +1 @@
+Pasal 3

04/01.txt

@@ -0,0 +1 @@
+\c 4 \v 1 Apaan im beles i ngêlêd tow kamitahula i tumirima i nimasali. Iboho  kawalian ahii sa i hahunang i nate i hamitahula. \v 2 I kamitahula tumulid i kawahio-hio tapia. A nimawasokia ahii kamitahulla i tumulid toowo osa i malui i suang kaol. I kawalengai kamitahula mawasairi i kaulitan osa kamitahula sumarakan i mbatangan osa petimbangen i pahasa tow a saaangen i Ngêlêd tow.

04/03.txt

@@ -0,0 +1 @@
+\v 3 Sa kukua i Ninjil ahii betorewak (kinoloban) sisiaha hahi kumolob silatahula osa mawohoa. \v 4 Bo waaho manga tow ahii moeman, osa kauteh kinokoman i mbelen i silatahula ahii imêilah i tenang i nonjil a kaenowan i Yesus a mekele bo gambar i Ngeled tow.

04/05.txt

@@ -0,0 +1 @@
+\v 5 Apaan ahii sa kamitahula mioo ê tumorewak be hamitahula ta si Yesus Kristus a Ngeled tow, osa kamitahula mainjo ata a papandungen i Yesus. \v 6 Apaan kukuana a kaol a suang i demdem sumullo terang a kawauteh kaenowana a kinawillahan a tokia i Yesus.

04/07.txt

@@ -0,0 +1 @@
+\v 7 Ia kasihaan i hamitahula bê pa a kurek i toba. Saniboho mainjo sairi nde keten musah-usahange si iralod ê nimahe ahii kamitahula. \v 8 A pahasa patuliden i homotahula, kamitahula pinauan, ta ahii kamitahula beharasael, kinahawuan kamitahula dalan ta ahii be haureng. \v 9 Kamitahula dina i ta ahii mahasa bê paio kamitahula bêsambêt ta ahii i mate. \v 10 Pineang i hamitahula ê pawate i Yesus am batangan i hamitahula, sani boho pinenonowan i Yesus mainjo sairi ambatangan i hamitahula.

04/11.txt

@@ -0,0 +1 @@
+\v 11 Kawalian behita i menonowe lumawus im be taro a pawate nde si Yesus, sani boho mainjo sani ambatangan i. \v 12 Nde i keleaboho pawate i hita bo penonowan leteh mamoali behamotahulla.

04/13.txt

@@ -0,0 +1 @@
+\v 13 Ta mande kamitahula mekek kawaheman keleim be watih emanaiku, nde ahu mohodai, kamitaula maheman, apaan kamitahula hahi mohodait. \v 14 Kalahn i hamitahula sisia ni mawatow si Tuhan Yesus bo mawatow hahi i hamitahua i wakatua i Yesus. Iwesaanga kamitahula a sasaange Na. \v 15 Apaan pahasa waaho i mamoali nde kamotahula, saniboho beles kohomba a lêbê wako metalian  nde lebem tadoo tow mainjo moeman, osa lêbê ne mio tadoo darayow tanu konungaan i Ngêlêd tow.

04/16.txt

@@ -0,0 +1 @@
+\v 16 Êkawalian oho hamitahula ahii metewang inate, sumata mandewe batangan ihamitahula makurangem, sumata batangan ikanalu hamitahula tineleta atenei inendo.  \v 17 Sumata kasusaan iai talewe, mawatawoi tanu hamutahula konungaan eto lumebe awasia mange, lebe bako a kasusaan i hamitahula. \v 18 Sumata hamitahula ahii tumakira asia pakawilahan, sumata, ahii kawilahan, nde enioho kawilahan bati samentara, sumata ahii kawilahan kaeto-eto.

04/title.txt

@@ -0,0 +1 @@
+Pasal 4

05/01.txt

@@ -0,0 +1 @@
+\c 5 \v 1 Apaan kalahan i hamitahula sa penonowan ambaoi toba yai uhaiên, sina'diam i Ningumêlêd êsa utunan a sorga tanu hita, pahutunan têlas ahii tinulid i kamai totumu'. \v 2 Kaêto' kita a pênnowaniai, mo'balu hita ma'boo io' kita moho mutun ambaleihita a sorga. \v 3 Nde bi'boho kalêkêwan i pênonowan ihita, mênonow taleya.

05/04.txt

@@ -0,0 +1 @@
+\v 4 Kaêto' mênonow ambaoitoba mo'bolu-bolu hita nde tanêd io' kumeunehumeng apaan kita ma'bo menonow taleya, sumata ahii hita ma'bo lumêpot imbehaleotêm, sani'boho pahasa penonowan ahii têla ia i belamêd i katowan. \v 5 Sumata' Ningumêlêd kemoho do'na lumêkêw ihita tanu pahasaioho bo mehe Roh Na be hita tanu i waer.

05/06.txt

@@ -0,0 +1 @@
+\v 6 Kawalianiahho morowt natei hamitahula. Mande kalahan i hamitahula awahêm kaêto' menonow kamitahula maki'it a pandungi katanganiai, dekang besi Tuhan. \v 7 Penonowan i hamitahulla, mênonow nde apaan maheman besi Kristus, ahii sa asia mapilah. \v 8 Waaho kawalian morowot natei hamitahula bo bako' kahi' i hamitahula mamoali batangan iai iwakoruai Ningumêlêd.

05/09.txt

@@ -0,0 +1 @@
+\v 9 Kawalia niaho ni'itio kamitahula ma'berusa tanu mawa senang i nateNa, mauleng a tempo hamitahula a mbalei kamitahula abiai, suma bi'buia sorga. \v 10 Awahem ahii sakalên kitai pahasa sumangi pa pirisaan i Kristus, bo êsa bo êsa mahaere balasan iwetimbaêlam bo pinatulidna ambaoi to'ba ia i tatawoi mauleng suma ta'pia.

05/11.txt

@@ -0,0 +1 @@
+\v 11 Kalahan I hamitahula asia sondait I mataloi Ningumêlêd. Waaho kawalian ma'bêrusa hamitahula mawaemani tou asakum batangan i hamitahula, Ningumêlêd mahaibalai hamitahula motahad a karalêman, bo paharaweiku kamutahula hahi mahailala i hamitahula andalêm inatenu. \v 12 Karenganian hii wangeleiên i hamitahula sa'boho kamutahula marayow i hamitahula. Bati kamitahula ma'bo mehe êsa maulêng behamutahula sani'boho iwêkahi i hamitahula kamitahula. Sani'boho kalahani hamitahula sumowat i mangatow mapongaha i patulidêna ahii osai kawahatena.

05/13.txt

@@ -0,0 +1 @@
+\v 13 Sumata hamitahula, ahii moimbahut imbatangan, waaho mahai pasalian tanu hamitahula. \v 14 Awahêm bêlêsi Kristus i maoibahut i hamitahula, apaan kalahan i hamitahula, sabana  totumu i mate tanu pahasa tou, yanasa pahasa silatahula i mamatem. \v 15 Osa Kristus i mate tanu ppahasa tou, sani'boho silatahula monowe', ahii menonow tanu katangana mio', sumata' tanu si ê nimatem bo maleng be wawatow tanu silatahula.

05/16.txt

@@ -0,0 +1 @@
+\v 16 Kawalianiaho hamitahula alam mate'be i tou kelei kawa tebe i totumu. Bo sa kamitahula mahasa i matebe si Kristus keleikawa tebe i totumu, yaitalewe kamitahulla alam kahi mate'be kelewaaho. \v 17 Yanasa sisei e nasakum i Kristus, mamoali totumu taleya. Pahasa koyongan alane moho sinaolanem i taleya.

05/18.txt

@@ -0,0 +1 @@
+\v 18 Osa pahasa iai besi Ningumêlêd sa mahi. Kristus mawadameihita bo batangaNa, osa bewawa akenam e pasaliani pa'samean iaho be hamitahula. \v 19 Apaan Ningumêlêd mawa'damei baoitoba bo batanganNa bua'tatawoi i Kristus osa ahii imate'bei ppinese'an ilatahula. Bewawa akenam kataraan i pê'damean iaho be ahmitahula.

05/20.txt

@@ -0,0 +1 @@
+\v 20 Yanasa kamitahula iai manga sosiu Kristus. Keleitu Ningumêlêd isumasani i hamitahula i lumeot be hamitahula karuai ngalani Kristus pangeleiên i hamitahula : iwawa dame mange êmbatangan bo Ningumêlêd. \v 21 Sia e tahii ahailala i sea' hawali kita i pahasa sani'booho asakum i Sia kita pinongeanem i Ningumêlêd.

05/title.txt

@@ -0,0 +1 @@
+Pasal 5

06/01.txt

@@ -0,0 +1 @@
+\c 6 \v 1 Nde hita daket makarua matawoi, i hua i musi sarona naam kamotahula ê beles i kohomba, maindoo ahem toro. \v 2 Nde kukua i Firman : A tepo ahu metenaan tumanga ahu be tow. Osa a nendo ahu mawawia i how, owodaiku how apaan i ai taleweem e tepo i wetenaaku, osa i nia ê nendo pawawiaan. \v 3 Ana sia mange ahii hamitahula i mawawisud i tow saniboho a pasalian i hamitahula a hihi maere soro.

06/04.txt

@@ -0,0 +1 @@
+\v 4 Maleng i hawalengai a pahasa tunilid i hamitahula i turu i hamitahula apaan kamitahula masali a Ngêlêd tow. Waaho i tumahang karua i nelud bo papongigon, kahenengan, bo kasusaan. \v 5 Animigon a suang i torunggu bo kaurasian a nimapalo-waloh osa êmahiaha bo i mogindis. \v 6 A kataran i nate, kawa ute, elud, koimunan i nate a suang i Roh Kududs bo beles ahii haliut. \v 7 A suang i kaulitan i kawasa i Ngêlêd tow a mawake  mangakelid kaasan tanu suma tumogas.

06/08.txt

@@ -0,0 +1 @@
+\v 8 A Noras pinoniri, anoras e noras, anoras, pinoonapa anoras pinedayow, anoras pinakatam sata pinaheman. \v 9 Kele tow ahii kailalaan mainjo pawulian, kele tow toyo ta i mate, ta tetap kamitahula menonow, kele tow bine, takahii i mate. \v 10 Kele tow imatape, tak mainjo mekahi-kahi lengei tak i mawasiha i manga tow-kele tow alahem mohore, mandewe kahi kamitahula tadoo kapunyaan.

06/11.txt

@@ -0,0 +1 @@
+\v 11 Ei manga tow i korintus i hua i hamitahula be homotahula ate i hamitahula binuhaananto tanu kamutahula \v 12 Osa hahi bana tampa loas a nate i hamitahula, tanu hamitahula si nadi tampa keneng  a nate i homotahula. \v 13 Osa i ai talewe mainjo masalikuan, juahu kele a  manga hedoku i habowang nate.

06/14.txt

@@ -0,0 +1 @@
+\v 14 Naam kamotahula kele tu kateteb a tahii timbahel kele tow ahii noeman nde asia pekelean a nepang i kaulitan bo keselibaan bo kelembisa e tenang mainjo esa bo demdem? \v 15 Asia pekelean a nepay i Yesus bo sumesenggot. Asia beteng i toow maheman bo ahii moeman? \v 16 Asia petauang imbale i Ningumêlêd bo berhala? Apaan kita i menonowe bale i Ngêlêd tow-kukus i kaol metewe wio ahu i wakarua i latahulla, osa ahu menonow nepang i latahula. Osa mamoali ahu Ningumêlêd besi latahula, silatahula hahi mamoalli manga tow.

06/17.txt

@@ -0,0 +1 @@
+\v 17 I boho kawalian lumuai hamotahula a nepang i latahula, bo tu mared besi latahula kukua i Ngêlêd tow. Naam mamos asia niahoo e samen. Osa ahu tumirima i hamotahul. \v 18 Majadi ahu amang i hamotahula osa bataku tuama bo ba taku wene kele a boho kukua i suang i kaol, e mahaimba hut niit.

06/title.txt

@@ -0,0 +1 @@
+Pasal 6

07/01.txt

@@ -0,0 +1 @@
+\c 7 \v 1 manga morowogku karua imbeles apa'an kita imeang e waaho dorandi, mayom kita mamawa'yo i mbatangan a pahasa pesamehan bo sarani nde i kelewaboho mawatolimomod i kalenasan i hita a matalo besi Ngêlêd toow.

07/02.txt

@@ -0,0 +1 @@
+\v 2 beanange tampa kamitahula a nate i hamotahu ! Ahi'i hamitahula i tumulid sa besi seiange ahemange wawarugi i hamitahula, osa ahem be wawautung. \v 3 I huahu kele'aboho ahii sa mawarabas tinu akumuan be hamotahula, nde waaho tadi behuahum kamotahula mahaere tampa a nate i hamitahula, ate tumow kita makarua harua. \v 4 I huahu be hamotahula ange i hamotahula ta ahu mawasukat i hamotahula. A pahasa papongigonen i hamitahula, e mahaere pangi'boran bo kahi melebe-lebesoho.

07/05.txt

@@ -0,0 +1 @@
+\v 5 Bo' hahi anoras kamitaulla be hoamat a makedonia ahii hamitaulla i mahaere katetengan ambatangan i hamitaulla. Bisana mange kamitahula i mahahelam kasusaan bo'ai ndekang i papepatean bo matalo. \v 6 Ta si tialog a  ni mibon itow keneng nate, ta i mibor i hamitahula a bo i Titus. \v 7 Ahii sahati be tak kahi pangiboran bo beni ni mana a tutud i hamotahula. Apa'an behuanam be ahmitahula a katenemana imbutu, kaulitan, tanu i mapung i ahu, sampe ahu lebe mio i medayo-nayow.

07/08.txt

@@ -0,0 +1 @@
+\v 8 Ta mande ahu i mawatape i natenu karua koyoku, ta ahu ahii manesel ta amasa ahu i manesel, apaan beilaku a koyouhu imawatape i natenu mandewe bati sangahundaw kaeto'ana. \v 9 Iboho kawalian ahu kumua bako darayow, ahii sa hamotahulla behaleotem tappe, ta apaan i tappenu i tumuid kau mawedis. Awahem waaho tapenu maki'it a pandung i Ningumêlêd sampe hamotahula mande kisit tange ahi'i mawarugi apaan kamitahula. \v 10 Apaan tape kami'it i patuliden i Ngêlêd tow, mamua kawedisan meang kalowidan osa a tahii paneselang tape am boai toba mamua pawate.

07/11.txt

@@ -0,0 +1 @@
+\v 11 Nde tutulan nange i meem tape kumiit a pandung i Ningumêlêd. Mawatulid i hamotahula kaulitan bako, bo hahi , mawatogas imbatangan, katuraraan, kataloan, kateneman, kare'deman, bo panguku'man. A pahasa waaho mawatara i hamotahula, ahii masea a pperkara waaho. \v 12 Nde keleaboho saaho manalis koyou be homotahula, ahii sa tow ni mesea bo tow mapongigon kawahio mesea apaan sakawalohan i nate be ahmitahulla mainjo totu'u be hamotahula a saaangen i Ngêlê tow.

07/13.txt

@@ -0,0 +1 @@
+\v 13 Nde hamitahula i mahahela pangibooran. Ahii sa bati pangiboran e kinaerean, lebeh hahi kamitahula mekahi, apaan iwekahi i Titus, apaan mawatomboi i natena. \v 14 Mawatirayoo ahu ihamitahula besisia osa hamotahulla ahii mawahisit be si Titus i humiitem.

07/15.txt

@@ -0,0 +1 @@
+\v 15 Osa belena medoha-rohang kakoana be hamotahula, sa sia mimun kawaheman i hamotahula, kelembisa hamotahula tumirima i noaianNa karua i talo bo heleh. \v 16 Bako darayouhu nde ahu doona mepa kawaheman be hamotahula a nasiamange.

07/title.txt

@@ -0,0 +1 @@
+Pasal 7

08/01.txt

@@ -0,0 +1 @@
+\c 8 \v 1 Manga morowog, wa'i kamitahula maindo sumahai behamotahula asakum bêlês kohomba' a mbehomba' a manga jama'at a Makêdonia. \v 2 Mande apa-apa'an pinangêpe'an tanêd a papongigonên, sumata' kahi' i latahula mêlebe-lebes bo mande silatahula lêngey io, sumata' silatahula siha a kamaulêngan.

08/03.txt

@@ -0,0 +1 @@
+\v 3 Sumairi ahu, awahêm silatahula imehem mi'it a kaeleian ilatahulaa, osahahi lumebe a kaeleian ilatahula. \v 4 Bo karua' i kawolahan, silatahula mangelei bo mangambut behamitahula, saniboho silatahula mahaere bêlês kohomba tanu minjo beteng a pêsalian a manga tow lênas. \v 5 Silatahula imehe lebe tado'o e paharawên i hamitahula. Silatahula imehe imbatangan ilatahula, pahamunan be Ningumêlêd, ahad iboho apa'an pandung i Ningumêlêd kahi behamitahula.

08/06.txt

@@ -0,0 +1 @@
+\v 6 Kawalian i boho kamitahula lumêse be si Titus, saniboho sia mimbat i hamotahula bo mawahao imbêlês pêsalian kelembisa sia nimolai. \v 7 Osa i'ai talewe, mekele bo hamotahula siha'a nasia mange, a kawaheman, a kawakodait, a kawahutên, a kaulitan tanu mowod, bo a bêlêsnu bêhammitahula keleahohahi kamotahula siha a pêsalian bêlês i boho.

08/08.txt

@@ -0,0 +1 @@
+\v 8 Sa ahu kumua i'ai ahi'i osa pêreta, sumata tumutru' i tinawoi i manga tow balina tanu mowod, mabog ahu tume'esi kawolahan i nate imbêlês ihamotahula. \v 9 Apa'an kamotahula mahailahêm iboho bêlês kohombai Tuhan ihita Yêsus Kristus, awahêm sia, imêlêngei apa'an tatawoi ihamotahula,mande apa-apa'an sia siha; saniboho kamotahula meêsiha'asakum kalengeianNa.

08/10.txt

@@ -0,0 +1 @@
+\v 10 Wa'i ndereiku asakum iboho, manedo'na madoro behow. Awahêm i molaim a ta'un ilumeotêm kamotauhla molai mawalapang bo mindo kaêpu tanu mawahao hahi, \v 11 Yanasa i'ai talewe, sua-suaiênem kahi tawoien iboho. Mero-merot tawoiên iboho mekele bo kaela'anu, bo tawoiênêmange pahasa i. \v 12 Apa'an sa hamotahula ela tanu mehe, yanasa awasia mbehenu maindo tiriman, sa asia mbehenu bealêd awasia ni'aho behow, ahi'i bealed awasia ni'aho talahem behow.

08/13.txt

@@ -0,0 +1 @@
+\v 13 Apa'an kamotahula bana palihu'den ahi'i osaniboho mangatow balina mahaere kawolahan, sumata saniboho bana katimbahêlan. \v 14 Yanasa merot-merot i'ai talewe kalebeanu lumêkêw i kahurangan ilatahula, saniboho kalebean ilatahula do'na hahi lumekew kahurangan ihamotahula, saniboho bana katimbahêlan. \v 15 Kele be watih: Tow ê mawasêsên tado'o, ahi'i halebe bo tow mawasêsên ahi takura, ahi'i hahurang.,

08/16.txt

@@ -0,0 +1 @@
+\v 16 Dumayow be Ningumêlêd, ênapa'an i hamotahula behomba'a kaulitan kekaboho a nate i Titus tanu mowod behamotahula. \v 17 Yanasa sia tumirima ii mbehua ihamitahula, sumata andalem kako'an kaulitana i boho, sia mi'it a kahabogena moho behamotahula.

08/18.txt

@@ -0,0 +1 @@
+\v 18 Iwakaru-harua teka sisia kamitahula imasiu i pog ihita, ê niharayow a pahasa jama'at apa'an patawoiêna a pesahaian i kukua iNinjil. \v 19 Sumata' ahi'i wa'aho ! Sia hahibeturu'um i manga jama'at tanu iwakarua i hamitahula a pesalian beles i'ai, e tinawoi ihamitahula tanu konunga'an i Tuhan bo kele sairi kawolahan inate ihamitahula.

08/20.txt

@@ -0,0 +1 @@
+\v 20 Yanasa pandung ihamitahula mawaworus i'ai: awahem bana tow sumero ihamitahula a pesalian beles noras tinawoi ihamitahula bo bako' mbua'na. \v 21 Apa'an kamitahula mawapikir i kamaulengan, ahi'i bati a ndior i Ningumêlêd, sumata' kahi a saa-saangen i totumu.

08/22.txt

@@ -0,0 +1 @@
+\v 22 Iwakaru-harua i latahula iwasiu i hamitahula esa tow balina hahi, awahem pog ihita, e lêtêh pawate'esên bo awahêm pahasa iboho tanu mowod. \v 23 Titus awahem karuahu e niwakaru-haruahu tanu kamotahula: manga morowog ihamitahula balina awahem bewasiu i manga jama'at pahasa i boho maindo konunga'an i Kristus. \v 24 Kawalian ituru' be silatahula a sa'a-sa'angen i manga jama'at tara imbêlêsnu bo tara ka-anggorangku tanu hamotahula.

08/title.txt

@@ -0,0 +1 @@
+Pasal 8

09/01.txt

@@ -0,0 +1 @@
+\c 9 \v 1 Sakum pêsalian tanu manga-totumu lênas alam sama ahu kumuai aho be homotahula. \v 2 Kailahankum e kawolahan i natenu a sakum asia ahu mawa-wobeat i homotahula be mangatow makedonia. Ihuahu akhaya i sumadian tumotol a taua behaleotêm. Karêdêmaan i mamoalim poisu a tadoo totumu.

09/03.txt

@@ -0,0 +1 @@
+\v 3 Siahu imasiu i mangawog waaho, sani aho kobeatan i hamitahula a sakum wai tanu homotahula naam i hatara mamoali mahuow, sata sani aho komotahula uli-ulit i sumadian kele i mbehuahum. \v 4 Sani aho sa mangatow i makedonia mangahi makaru-harua wo siahu. Noam silatahula komotahula alawe imahasadia, kawalian hamitahula tanu ahii kumua i komotahula mahalêlam monokia a kawaheman i hamitahula waaho. \v 5 Kawalian i aho ahu mahahêlam pêrêlu dumasu i mangawog waaho tanu matang mamua we ahu, sani aho silatahula pahamunan marus powalad ê mberandim i homotahula a pahamunan sani aho mahasa i hasadia kele tatara i kawolohan i nate i homotahula bo ahii hele powalad ê mbewêlêse.

09/06.txt

@@ -0,0 +1 @@
+\v 6 Tenêmêa niai: Toturu ê malulumbo keleawa, mainjo muwa keleawa hahi. Bo totumu e malulumbo tadoo, mainjo muwa tadoo hahi. \v 7 Ihamaot êsa-êsa mapowalad makiit kawolahan i natena, naam karêngan inados i nate apaan belêsê, nde ningumêlêd mahalês i totumu ê mapahe karêngan i kahi.

09/08.txt

@@ -0,0 +1 @@
+\v 8 Mahabaye mawalipa i pahasa beles kahombabe komotahula, sani boho homotahula mainjo doro a nasia ngawila bo donaihua mahalipapaa mangakaumalengan. \v 9 Kele bana i watih: Sia i mapêbeteng, si sia imangombaa mangatotumu lêngei kaulitan na i haeret ahad kaêto-êto.

09/10.txt

@@ -0,0 +1 @@
+\v 10 Si sia ê mawasadia i nimawalulumbo tanu homotahula bo mawalipa bo mawatow bua-bua i kaulitan. \v 11 Komotahula mainjo iwawasiha a nasia mange kaênaan i nate, ê mawalêmbo i ndayou a ningumêlêd i homotahula.

09/12.txt

@@ -0,0 +1 @@
+\v 12 Apa-apaan pêsalian i mbêlês sumua-suang niai powalad, ahii bati wawaroro i mangakapêrluan mangatow lênas. Sumata kahi mawalipa kumua indaroyow be ningumêlêd. \v 13 Bo apa-apaan komotahula imêtêm a pasalian niaho, silatahula imonunga i ningumêlêd apaan koemanan i homotahula a pangeean i kukua i Kristus. Bo apaan kawolahan i natenu a paapêbeteng i nasia mange teka silatahula bo a pahasa tow. \v 14 Sedape moho a sakum sombayang silatahula, silatahula hahi mahatênêm i komotahula, apa-apaan bêlês kohomba i ningumêlêd malipa be homotahula. \v 15 Darayow be si ningumêlêd apaan kohombana niaho ê tahi ihahua.

09/title.txt

@@ -0,0 +1 @@
+Pasal 9

10/01.txt

@@ -0,0 +1 @@
+\c 10 \v 1 Siahu, Paulus, êsatow ê tahi'i waraney sa matotongan bo homotahula, sumata' baraney be homotahula sa mêdekangan, siahu mawaimun be homotahula tanu si Kristus ê moêmang bo luboi. \v 2 Pangeleiênku be homotahula: Na'am komotahula mêlêse i ahu tanu mawaturu i kawaraneyanku a susut kelembisa ahu mata'ar kumêteh a mangatow tinatum ê matatam awahêm kamitahula mênonow kele i mbao i toba.

10/03.txt

@@ -0,0 +1 @@
+\v 3 Totu'u kamitahula menonow we a mbao i toba, sumata' hamitahula ahi'i mangambut kele i mbao i toba. \v 4 Apa'an kelid i hamitahula a pangamdutan ahi'i kelid a mbao i toba. Sumata kelid be wawalêkêw karêngan imbahut i Ningumêlêd ê mahaeley mawawêru i mangakota'

10/05.txt

@@ -0,0 +1 @@
+\v 5 Kamitahula mawasukud i pahasa tuli-tulidên i tow bo mawawê i pahasa kota' tinod i kasukagan i totumu' tanu sumaru pekahila'an i Ningumêlêd kamitahula itumorunggu i pahasa utêh bo mawasese a sakumên i Kristus. \v 6 Bo hamitahula i sumadia hahi tanu mahu'hum i pahasa kasêliba'an, sa kohi'itan i homotahula imamoalim tolimomod.

10/07.txt

@@ -0,0 +1 @@
+\v 7 Totongan ê tara a sa'angên i mbêlên i homotahula! Sa bana êsatow muliulit-ulit maheman, awahêm sia sawa'i Kristus, mêrotange sia mahutêh a sakum i natena, awahêm hamitahula hahi sawa'i Kristus kele si Sia. \v 8 Lebe-lebe sahele ahu ê malebe-lebe i mobeat a mbao i nimbahut, ê mbehomba i Ngêlêdtow be hamitahula tanu mawatod bo ahi'i mawawêru i homotahula yanasa a sakum ia'ho ahu ahi'i mainjo mawasokia.

10/09.txt

@@ -0,0 +1 @@
+\v 9 Sumata' ahu ahi'i maibog kawilahan kelemio ahu mawatalo-talo i homotahula a mangasuratku. \v 10 Ende, kua i tow, mangasuratna totu'u tepu bo kêtêh sumata sa mêtotongan giona kawes bo mangakawakodaitna alahêm toro.

10/11.txt

@@ -0,0 +1 @@
+\v 11 Sumata' merotange mangatow ê mokodait kelewa'aho manêsêl, awahêm tatawoi i hamitahula, osa mêrotange, kele i kodait i hamitahula a mangasurat i hamitahula sa ahi'i mêrotange. \v 12 Totu'u hamitahula ahi'i waraney dumoro i mbatangan be si suma mawaotow i mbatangan bo mangatotumu tinatum ê marayow i mbatanganamio. Silatahula sumokad i mbatangan teka i sokad i latahulamio; bo mawaotow i mbatangan teka i mbatangan i latahula mio ! I me'en kawodohan i latahula.

10/13.txt

@@ -0,0 +1 @@
+\v 13 Salikuna hamitahula ahi'i maibog mobeat lumeot a suwuah. Sumata menet a sakum a manga suwuan i patawoiên ê tinatum Ningumêlêd tani hamitahula, ê nihasêrêb mahad be homotahula hah. \v 14 Nde a sakum mawasahai i ninjil i Kristus, kamitahula behoamatêm be homotahula, ahadiaho hamitahula ahi'i lumoet i suwuan i patawoiên hamitahula, kelemio hamitahula awe' behoamad be homotahula.

10/15.txt

@@ -0,0 +1 @@
+\v 15 Ahi'i hamitahula mobeat a patawoiên ê tinulid  i tow balina a sakum patawoiên i tahi'i tinatu tanu hamitahula. Sumata' paharawên i hamitahula, awahêm osa kawahemanu ni'itên i hatow, hamitahula mahaere pasiri'in bako'io' kahi a tutud i homotahula, sa imêkele bo sakuêm pawatawoian ê tinatum tanu hamitahula. \v 16 Ei, kamitahula mênonow, saniboho hamitahula do'na mawasahai i ninjil a manga sakumên ê lebe rekang a sakumen i homotahula bo ahi'i mobeat a pahasa mangabua' i kinaerean tow balina â sakumên i patawion ê tinatum tanu silatahula.

10/17.txt

@@ -0,0 +1 @@
+\v 17 "sumata siseiange mobeat, mêrotange Sia mobeat a sakum i Ngêlêdtow" \v 18 Nde ahi'i totumu i marayow i mbatangana ê moêtê, sumata' tow ê ndinayou i Ngêlêdtow.

10/title.txt

@@ -0,0 +1 @@
+Pasal 10

11/01.txt

@@ -0,0 +1 @@
+\c 11 \v 1 Imehe kamaulêngana, sa kamutahula êlud a kawodohan kisitkuiai. Apaan kamutahula totu'u elud beahu. \v 2 Waaho kawalian ahu manganat behamutahula kele kanati sumesenggot. Apaan bewara wekamauleku'm kamutahula bo êsa tuama tanu meangi kamotahula kelemio mangala'un besi Kristus.

11/03.txt

@@ -0,0 +1 @@
+\v 3 Sumata ahu matalp ndesa kawareken i hamutahula iwawaureng a paki'itan besi Kristus, kele si Hawa pinomandai i nulah iaho karuai kataponandeiana. \v 4 Apaan kamutahula êludio, sawana esa tou mawatara Yesus balina kelei bewawatarai hamitahula, suma aneke behamutahula roh balina mahisalaan bo tinirima suma Injil ahii mekele bo tiniruma'm i hamutahula.

11/05.txt

@@ -0,0 +1 @@
+\v 5 Sumata saihi'it a kawarekei'ku, mande hisit ahii hurang ahu a manga rasul a talahem e miwê keleinaioho. \v 6 Sa ahu hii totoh mahalahi mapoho'dait, ahii hahi kelewaaho asakumi kawandeian, apaan kamitahula imawataram behamutahula a pahasa tepo bo asiamange.

11/07.txt

@@ -0,0 +1 @@
+\v 7 Awa ahu mêsea', sa ahu kumi'ding imbatangan tanu mawatatang ihamutahula apaan ahu mawatara i Ninjil i Ningumêlêd be hamutahula karuai ahii sama imbaeran? \v 8 Manga jemaat balina kinandetaku baerilokoilatahula sani'boho ahu mahaelei masali i hamutahula. \v 9 Bo anoras alon a kahurengan a tutudi  hamutahula ahii ahu mawasusa mande êsatou, apaan asia ahi lêkêw beahu belêkew i nanga morowo' a Makedonia sa mahi. A pahasaioho ahu mahialai batangaiku sani'boho na'am moali palihudên i hamutahula, osa ahu kelewaahomio..!

11/10.txt

@@ -0,0 +1 @@
+\v 10 Tau kaulitan i Kristus a snang imbatangaiku tepu eiku mio, awahem kasukad'aiku ioho ahii kaaparan i siseiange a pahasa sakumen i Akhaya. \v 11 Nde aho ahii? Awa hawali ahu ahii mahalês i hamutahula? Ningumêlêd mahalah iaho.

11/12.txt

@@ -0,0 +1 @@
+\v 12 Sumata asia e tatawoihu, ene-eneteiku tanu mapar silatahula saniboho silatahula alahem po'dalehan tanu nawantara, awahem silatahula mêkele bo hamitahula assakum ipahasainde'na i wapongaha. \v 13 Apaan manga totumu iaho manga rasul bo tow, matawoi lunggi, mapohereb kelei manga rasul Kristus.

11/14.txt

@@ -0,0 +1 @@
+\v 14 Pahasaioho ahii ihaekang, apaan iblis kahi mapohereb kele kiongi sulo. \v 15 Yanasa alam niaho sa hii wiasa sa manga tapasalina mapohereb keleitu tapasali a kaulitan. Amahahad silatahula hahi tumirima i tênda iwêhumbi'an i pahasa pintulid i latahula.

11/16.txt

@@ -0,0 +1 @@
+\v 16 Maleku pê'balengênoho: na'am bana totumu' mapakuaiahu bo'doh. Bo samutahula hahi mapakua kelewaaho, tinimanange ahu kele totumu' bo'doh saniboho hahi mongaha kisit. \v 17 Asia êmbehuahu, behuahu niaho ahii kele esatow moho'dait kumi'it i kuai Ningumêlêd, sumata' kele esatow bo'doh maheman, awahem sia do'na mongaha. \v 18 Apaan ta'do'o totumu mapongahai baoito'ba kele waaho hahi ahu.

11/19.txt

@@ -0,0 +1 @@
+\v 19 Apaan kamutahula meêlud a tow bo'doh, nde mahahêlaman kamutahula pandei. \v 20 Apaan kaêlu' dan i hamutahula injonemio kamutahula suma êrêsotên bo minjo kountungan be hamutahula suma mahahêlam do'na pase'en. \v 21 Karuai bako' sakia' pangakuku moho awahêm sa kelewaaho kawelio' kamitahula a mawawkelewaaho. Sumata' sa tou balona, benanei mongaha, siahu hahi do'na mapoho'dait keleitu totumu' bo'doh.

11/22.txt

@@ -0,0 +1 @@
+\v 22 silatahula toui Ibrani? Siahu hahi tou Ibrani! Sa silatahula tou Israel, siahu hahi tou Israel. Awa silatahula kata' i Abraham? Siahu hahi suru i Abraham. \v 23 Awa silatahula masila si Kristus? Kataana ahu keleitu alam kinasalusuian, sumata'  ahu totu'u tapasali lebe mauleng, mapongugatio' ahu, mahata'do'o ahu isuang a torunggu; dina'i motahad toyo'ta mate.