Tue Aug 04 2020 14:36:52 GMT+0800 (Malay Peninsula Standard Time)

00/title.txt

@@ -0,0 +1 @@
+1 Yohanes

01/01.txt

@@ -0,0 +1 @@
+\c 1 \v 1 Asia ê ndali’im bana tu’os a katare,  ê tinanga’am i hamitahula,  ê pinêlilahêm i mbêlên i hamitahula, ê sinairianêm i hamitahula bo ê kinokamên i kama i hamitahula sakum kukua katowan-wa’ahom ê niwatih i hamitahula be homotahula. \v 2 Katowan wa’aho bewawa-taram, bo kamitahula imilahêm-i’aho bo ia’italewe, kamitahula sumairi bo sumahai be homotahula sakum katowan têlas, ê niwakuru-harua i namang bo ê mbewawa-taram be hamitahula.

01/03.txt

@@ -0,0 +1 @@
+\v 3 Asia ê mbelelahêm i hamitahula bo êtinang’an i hamitahula wa’aho, isahai i hamitahula be homotahula hahi, saniaho komotahula hahi mahaere pa’êsaan teka hamitahula. Bo pa’êsaan i hamitahula awahêm pa’êsa’an teka Amang bo teka Bata’Na, si Yesus Kristus.  \v 4 Bo pahasa wa’i iwatih i hamitahula tanu komotahula, sani’aho kobeatan i hamitahula mêtolomomod.

01/05.txt

@@ -0,0 +1 @@
+\v 5 Bo wa’im ê kohoyo, ê tinanga’am i hamitahula be Sia, bo ê nihua i hamitahula be homotahula Ningumêlêd awahêm keraw bo be Sia alahêmai karêndêman. \v 6 Sa hita kumua, awahêm kita imahaere pa’êsa’an teka si Sia, sata’ kita mênonow a karêndêman, kita itumowo bo kita ahi’i imatawoi i kaulitan. \v 7 Sumata’sa hita mênonow a sakum i keraw, mêkele-kele si Sia a sakum i keraw, yanasa kita mahaere pa’êsa’an a nêsa wa êsatow, bo daha’ i Yesus, bata’Na wa’aho, mawa-wayo i hita a pahasa orow.

01/08.txt

@@ -0,0 +1 @@
+\v 8 Sahita kumua, awahêm kita hi’i maha-orow, yanasa kita imomandeiêm i mbatanganio’ ihita bo kaulitan alahêm na sakumên i hita. \v 9 Sa hita monge’e i norow i hita, yanasa sia mo’eman bo timbahel, mahad sia mainjo mapung i pahasa orow i hita bo mawa-wayo i hita a pahasa kata’pia’an \v 10 Sa hita kumua, awahêm kita ahi’i itumawoi orow, yanasa hita itumulid i sia mamoali tatawon bo kukuaNa alahêm na sakum i hita.

02/01.txt

@@ -0,0 +1 @@
+\c 2 \v 1 Bata-wata’ku, wa’i ngawila niwatihku be homotahula, sani’aho homotahula na’amtu mawoi mahaorowan, sata’ sa êsa tow tumawoi mahaorowan, kita bana nêsatow toloh be namang, êwa’aho si Yesus Kristus, ê timbahêl. \v 2 Bo siSia awahêm mapawa sononoi tanu pahasa kaorowan i hita, bo ahi’i tanu kaorowan i hita hêmoho, sumata’ kahi tanu kaorowan lohow i mbaoitoba. \v 3 Bo êwa’im tanda’na, awahêm kita maha-hilala i Ningumêlêd, êwa’aho sa hita mawa-ki’it i mongapêretaNa.

02/04.txt

@@ -0,0 +1 @@
+\v 4 Siseisia kumua : siahu mahahilala i Sia, sumata’ sia ahi’i mawa-ki’it pêretaNa, sia awahêm êsatow tatowon bo a sakumêna alahêm kaulitan. \v 5 Sumata’ siseisia maki’it i kukuaNa, a totumu’ wa’aho ulit tolimomodêm mbêlês i Ningumêlêd ; karêngan wa’ahom kita mahailah, awahêm kita banam na sakumênNa. \v 6 Siseisia kumua, awahêm bana na sakumên be Sia, sisia musti mênonow mêkele-kele kawênonowêm i Kristus.

02/07.txt

@@ -0,0 +1 @@
+\v 7 Moro-wog ê nihalês, ahi’i pêreta taleya ê niwatihku tanu homotahula, sumata pêreta êto’om ê mbanam behow a pahamunan. Pêreta êto’om wa’aho êwa’aho kukua ê tinanga’am i homotahula. \v 8 Sata, pêreta talaya hahi ê niwatihku tanu homotahula, behataram-nêmio’ a sakumênNa bo asakumên i homotahula ; apa’an karêndêman matambulalam bo keraw ê nulit isumulom.

02/09.txt

@@ -0,0 +1 @@
+\v 9 Siseisia kumua, awahêm sia a sakumên i keraw, sumata’ sia mare’e i pognga, sia a sakumên i karêndêman ahad ia’i talewe’ \v 10 Siseisia mahalês i pognga, sisia menenetio’ a sakumên i keraw, bo a sakumêna alahêm papawa-urengan. \v 11 Sumata’ siseisia mare’e i pognga, sisia a sakumên i karêndêman bo mênonow a sakumên i karêndêman. Ahi’i sia mahailah bisana mahahana, tatawoi karêndêman wa’aho imawa- wêbutam i mbêlêna.

02/12.txt

@@ -0,0 +1 @@
+\v 12 Siahu mamatih tanu homotahula, ei manga hedong, nde norownu beapunganêm apa’an ngalanNa \v 13 Siahu matih tanu homotahula, ei manga amang nde homotahula, imahahilalam i sia, ê mbana tumo’tol a katare ahu matih tanu homotahula, ei manga taletumow, apa’an komotahula imawai sesem i ta’pia. \v 14 Siahu matih tanu homotahula, ei manga hedong nde homotahula mahahilala i Namang. Siahu matih tanu homotahula, ei manga amang, nde homotahula mahahilala i Sia, ê mbana bumo’tol a katare. Siahu matih tanu homotahula, ei manga taletumow, nde homotahula morowot bo kukua i Ningumêlêd mututun a sakumên i homotahula bo komotahula imawa sesem i ta’pia.

02/15.txt

@@ -0,0 +1 @@
+\v 15 Na’am komotahula mahalês i mbaoitoba, yanasa bêlês a namang alahêm na totumu’ wa’aho. \v 16 Apa-apa’an pahasa ê na suang i mbaoitoba, êwa’aho kaewe’en i kêlêd bo kaewe’en i mbêlên, teka kasukagan mênonow, ahi’i a namang sa moai, sumata’ a mbaoitoba. \v 17 Bo baoitoba wa’i matambulalam i kaewa’ena, sumata’ ê totumu’ matulid i papandungên i Ningumêlêd maenet mênonow ahad kaêto-êto’na.

02/18.txt

@@ -0,0 +1 @@
+\v 18 Bata wata’ku, tepo wa’i awahêm  tepom ê sapêtanêm, bo kele i tinanga’am i homotahula, êsatow saru i Kristus mainjo moai, ia’i talewe’ imêlêmbom tado’o saru i Kristus. êwa’ahom tanda’na, awahêm tepo wa’i ulit-ulit awahêm tepo ê sapetanêm. \v 19 Totu’u silatahula a tutud i hita sa mahi, sumata’ silatahula ahi’i ulit-ulit sumua-suang be hita; apa-apa’an sa silatahula sumua-suang be hita, tatu silatahula menet iwakaru-harua teka hita. Sumata’ wa’aho ihamoali, saniboho ihatara, awahêm ahi’i wahasa silatahula nuli-ulit sumua-suang be hita.

02/20.txt

@@ -0,0 +1 @@
+\v 20 Sumata’ komotahula imahaerem totutuh i ê Lênas, bo karêngan kelewa’aho komotahula pahasa mahailah i aho \v 21 Siahu matih tanu wahow, ahi’i apa-apa’an komotahula ahi’i moho’ita’u i kaulitan, sumata mahaturu-turu’ apa-apa’an komotahula hahi moho’ita’u awahêm alahêm towo a kaulitan osa mahi.

02/22.txt

@@ -0,0 +1 @@
+\v 22 Sisei ni’aho tatowon ? Awa-ahi’i sisia ê nisumakal awahêm si Yesus awahêm si Kristus ? Sisia wa’aho sarui Kristus, êwa’aho sia ê sumakal maulêng namang tekahahi bata’ \v 23 Apa’an siseiange sumakal i mbata’, sisia hahi ahi’i maha Amang. Siseiange monge’e imbata’, sisia hahi maha Amang.

02/24.txt

@@ -0,0 +1 @@
+\v 24 Bo homotahula, asia tinanga’an i homotahula a pahamunan, wa’aho musti ienet sumondo’io’ a sakumên i homotahula. Sa asia ê tinanga’am i homotahula a pahamunan wa’aho menet be homotahula a sakum mbata’ bo asakum i Namang. \v 25 Bo êwa’im ê mberandiNa mio’be hita, êwa’aho mênonow ê têlasan. \v 26 Pahasa wa’aho iwatihku tanu homotahula, êwa’aho asakum manga totumu’ ê marameji mawa ureng i homotahula

02/27.txt

@@ -0,0 +1 @@
+\v 27 Apa’an a mbatangan i homotahula menet bana pêtutuhan ê tinirimam i homotahula be sia. Apa’an wa’aho ahi’i sama’ komotahula susuian i tow walina. Sumata kelembisa pêtutuhan Na masusui behomotahula sakum asia mange bo sosusui Na wa’aho ulit, ahi’i towo bo kelembisa sia a pahamunan isumusuiêm behomotahula, kelewa’aho hahi maulênga komotahula menet mutun a sakumen Na. \v 28 Yanasa ia’italewe’, bata-wata’ku, mêtêwio’ a sakumên i Kristus, sani’aho sa Sia mawatara i mbatanganNa, kita mahaere kawaraneian maheman bo ahi’i sama’ monokia’ be Sia a nêndo oianNa. \v 29 Sa kailahan i homotahula, awahêm Sia ulit, komotahula musti mahailah kahi, awahêm pahasa totumu’, ê matawoi kaulitan, ilumêmbo be Sia.

03/01.txt

@@ -0,0 +1 @@
+\c 3 \v 1 Pilahên, im’em ka ako’ana i mbêlês ê mbehomba’ i Namang be hita, mahad kita iwapakua bata wata’ i Ningumêlêd, bo dali’ kita awahêm  bata wata’i Ningumêlêd. Kawalian i’aho baoitoba ahi’i mahahilala i Sia. \v 2 Moro wogku ê nihalês, ia’i talewe’ kita awahem bata wata’i i Ningumêlêd, sumata’awe’ behatara asia ka’ada’an i hita alumalas; sumata’ kita mahailah, awahêm sa si Kristus mawataram i mbatanganNa, kita ihamoali mêkele kele si Sia, apa’an kita mêlilah i sia sakum apaNa totu’u. \v 3 Pahasa totumu’ ê mbana paharawên wa’aho be Sia, mawa wayo i mbatangan mêkele si Sia ê na wahêm bayo.

03/04.txt

@@ -0,0 +1 @@
+\v 4 Pahasa totumu ê matulid orow, ilumawah kahi i lala’ut i Ningumêlêd, nde norow êwa’aho pêlawahon i lala’ut i Ningumêlêd. \v 5 Bo komotahula mahailah, awahêm Sia imawataram i mbatanganNa, sani’aho kumus i pahasa orow, bo a sakumenNa alahêm norow. \v 6 Wa’aho kawalian pahasa totumu’ ê menet a sakumen Na alam kahi matulid orow, pahasa totumu ê menet matulid orow, ahi’i mêlilah bo ahi’i mahahilala i Sia.

03/07.txt

@@ -0,0 +1 @@
+\v 7 Bata wata’ku, na’am mamayai mande êsatow mawaureng i homotahula. Siseiange ê matulid kaulitan awahêm ulit, mêkele kele si Kristus awahêm ulit, \v 8 Siseiange menet matulid orow, a tapatena’ osa mahi, apa’an tapatena’ imatulid orow tumo’tol a katare. Tanu êwa’im Bata’i Ningumêlêd imawatara i mbatangan Na, êwa’aho sani’aho Sia mawawotutus i manga tatawoi i Tapatena’ wa’aho.

03/09.txt

@@ -0,0 +1 @@
+\v 9 Pahasa totumu ê nitumow a Ningumêlêd, alam kahi matulid orow ; bua’i ngêlêdtow moênêt bana mbesia bo sia alam do’na matulid orow, nde sia itumow be Ningumêlêd. \v 10 Êwa’im tanda’na bata wata’ i Ningumêlêd bo bata wata’i tapatena’ : pahasa totumu’ ê tahi’i matulid kaulitan, ahi’i i lumêbo be Ningumêlêd, kelewa’aho hahi siseiange ê tahi’i mahalês i pognga.

03/11.txt

@@ -0,0 +1,2 @@
+\v 11 Nde wa’im koyow ê tinanga’am i homotahula a pahamunan, êwa’aho awahêm kita musti mêkahalêsan ;
+\v 12 hi’i kele si Kain, ê nilumêmbo be si ta’pia bo ê lumimêd i toalina. Bo asiam mahatatawoi sia ilumimêd i sia’. Apa-apa’an  pahasa tatawa’na ta’pia bo tatowoi i toalina ulit.

03/13.txt

@@ -0,0 +1 @@
+\v 13 Na’am komotahula maerang, moro wog, sa baoitoba mare’e i homotahula. \v 14 Kita mahailah, awahêm kita irumesom a sakumên i pawate a sakumên i katowan, êwa’aho nde hita mahalês i pog i hita. Siseiange tahi’i mahalês, sisia maenet a sakumên i pawate. \v 15 Pahasa totumu’ ê mare’e i  i pognga, awahêm êsatow tapêlimêd i totumu’. Bo komotahula mahailah, awahêm alahêm nêsatow tapêlimêd ê maenet maha wênonowan ê têlas a sakum i mbatangana.

03/16.txt

@@ -0,0 +1 @@
+\v 16 Kelewa’ahom kita mahailah i mbêlês i Kristus, êwa’aho awahêm Sia imasarêm i nasêngNga tanu hita, yanasa kita hahi musti masari i nasêng i hita tanu manga wog i hita. \v 17 Siseiange maha harta i mbaoitoba bo mêlilah i pognga malugon i kalipatan sumata tumakêw i mbonang i natena asakum pognga wa’aho, kelembisandom bêlês i Ningumêlêd do’na maenet asakum i mbatangana ? \v 18 Bata wata’ku, mayomêm kita mahales ahi’i teka i kodait suma teka dila’, sumata teka i tatawoi bo a sakumên i kaulitan.

03/19.txt

@@ -0,0 +1 @@
+\v 19 Kelewa’ahom kita mahailah awahêm kita a kaulitan sa mahi. Kelewa’aho hahi kita do’na mawatêtêng i nate a ndior i Ningumêlêd, \v 20 Sata’ sa hita katamêna, Ningumêled awahêm lebe wako’ nde nate i hita teka mahailah i nasiamange \v 21 Moro wogku ê nihalês, sa ate i hita ahi’i kumatam i hita, yanasa kita bana kawaraneian memantanu sumusut i Ningumêlêd, \v 22 Bo asia mange êpangeleiên i hita, kita maha ere i’aho be Sia, apa-apa’an kita mawa ki’it i pahasa pêretaNa bo mawa tulid asia ê mêtêna’an be Sia.

03/23.txt

@@ -0,0 +1 @@
+\v 23 Bo êwa’im pêretaNa wa’aho : sani’aho hita menaw i ngalan i Yesus Kristus, bata’Na, bo sani’aho hita mêkahalêsan mêtêna’an bo pêreta ê mbehe i Kristus be hita. \v 24 Siseiange mawaki’it a pahasa pêretaNa, sisia mututun a sakumên i Ningumêlêd bo Ningumêlêd a sakumêna. Bo kelewa’ahom kita mahailah, awahem Ningumêlêd bana nasakumên i hita, êwa’aho Tutuh ê mbehomba’Nam be hita.

04/01.txt

@@ -0,0 +1 @@
+\c 4 \v 1 Moro wogku ê nihalês, na’am meman i pahasa tutuh, sumata’ silehên manga tutuh wa’aho, awa silatahula a Ningumêlêd osa mahi ; apa-apa’an tao’o mangabalian towo ê nimêlêmbom bo imahahêm a lohow i mbaoitoba. \v 2 Kelewa’im kita mahahilala i Tutuh i Ningumêlêd : pahasa tutuh ê mong’e awahêm si Yesus Kristus imahim keletotumu ; a Ningumêlêd osa mahi, \v 3 bo pahasa tutuh, ê tahi’i monge’e si Yesus, Tutuh wa’aho awahêm tutuh saru i Kristus bo sakum sisia tinanga’am i homotahula, awahêm mainjo mahi bo ia’italewe’ banam na mbaoitoba.

04/04.txt

@@ -0,0 +1 @@
+\v 4 Komotahula a Ningumêlêd sa moai, bata wata’ku bo komotahula imawa sesem i manga balian towo wa’aho; apa’an Tutuh ê mbana we homotahula, lebe wako’ ênde tutuh a suang i mbaoitoba. \v 5 Silatahula ambaoitoba osa moai, kawalian i’aho silatahula makodait sakum manga kawaoitoba’an bo baoitba mêwê-nanga’ silatahula. \v 6 Kamitahula a Ningumêlêd osamoai : siseiange mahahilala i Ningumêlêd, sisia mêwênanga’ i hamitahula, siseiange tahi’i a Ningumêlêd osa moai, sisia ahi’i mêwê-nanga’ i hamitahula. Êwa’ahom tanda’na Tutuh kaulitan bo tutuh ê mapawa-ureng.

04/07.txt

@@ -0,0 +1 @@
+\v 7 Moro-wog ê nihalês, mayomêm kita mêbêwêlêsan, nde mbeles wa’aho a Ningumêlêd osa moai ; bo pahasa totumu bo mahahilala i Ningumêlêd. \v 8 Siseiange tahi’i mowêlês, sisia ahi’i mahahilala i Ningumêlêd, nde Ningumêlêd awahêm bêlês.

04/09.txt

@@ -0,0 +1 @@
+\v 9 A sakumên êwa’im bêlês i Ningumêlêd bewawa-taram a tutud i hita, êwa’aho awahêm Ningumêlêd imasiu i mBata’-Na ê tulong moai a mbaoitoba, sani’ahohita mênonow be Sia. \v 10 Êwa’im mbêlês wa’aho : Ahi’i hita ê nimahalêsêm i Ningumêlêd, sumata’ Ningumêlêd ê nimahalêsêm i hita bo ê nimasiumai i mBata’-Na pêsononoian tanu dosa-rosa i hita.

04/11.txt

@@ -0,0 +1 @@
+\v 11 Moro-wogku ê nihalês, sa Ningumêlêd itio’ mahalês i hita, yanasa kita hahi mustim mêbêwelêsan. \v 12 Alahêm mande êsatow ange ê mahasa inilah i Ningumêlêd. Sa hita mêbêwêlêsan, Ningumêlêd maenet asakumên i hita, bêlês-Na tolimomod asakumên i hita. \v 13 Kelewa’ahom kailahan i hita, awahêm kita maenet bana na sakumên i Ningumêlêd bo si Sia asakumên i hita : Sia ihumomba’am kita mahaêre beteng asakumên i Tutuh-Na. \v 14 Bo hita imêlilahêm bo sumairi, awahem Amang imasium i mBata’na mamoali pêmia i mbaoitoba.

04/15.txt

@@ -0,0 +1 @@
+\v 15 Siseiange monge’e, awahêm si Yesus Bata’ i Ningumêlêd, Ningumêlêd maenet a sakumena bo sisia a sakumên i Ningumêlêd. \v 16 Kita imahahilalam bo imahemanêm i mbêlês i Ningumêlêd be hita. Ningumêlêd awahêm bêlês, bo siseiange menet a sakumên i mbêlês, sisia maenet a sakumên i Ningumêlêd bo Ningumêlêd a sakumêna.

04/17.txt

@@ -0,0 +1,2 @@
+\v 17 Asakum êwa’im bêlês i Ningumêlêd tolimomod a sakumên i hita, êwa’aho sahita bana kawaraneian maheman a nêndo pangisa’an, nde mêkele kele si Sia, kita hahi a sakumên i mbaoitoba.
+\v 18 Asakumên i mbêlês alahêm kataloan : bêlês ê tolimomod ; apa-apa’an kataloan bana nu’kuman bo siseiange matalo, sisia ahi’i tolimomod asakumên i mbêlês.

04/19.txt

@@ -0,0 +1 @@
+\v 19 Kita mahalês, apa-apa’an Ningumêlêd pahamunan imahalês i hita. \v 20 Sa êsatow kumua : “siahu mahalês i Ningumêlêd,” bo sia mare’e i pognga, yanasa sia awahêm tatowon, nde siseiange tahi’i mêngalês i pognga ê pêlilahêna, ahi’i hahi mahalês i Ningumêlêd ê tahi’i kawilahana. \v 21 Bo pêreta wa’i tinirima i hita we Sia : siseiange mahalês i Ningumêlêd, sisia musti hahi mahalês i pognga.

05/01.txt

@@ -0,0 +1 @@
+\c 5 \v 1 Pahasa totumu’ ê maheman, a Ningumêlêd osa tumow; bo pahasa totumu’ ê mahalês i Sia ê niwawa-tow, mahalês kahi i Sia ê nitumowai we sia. \v 2 Êwa’im tanda’na, awahêm kita mahalês imbata-wata’i Ningumêlêd, êwa’aho sa hita mahalês i Ningumêlêd teka mawa-tulid i manga-pêreta-Na. \v 3 Nde êwa’im mbêlês be Ningumêlêd, êwa’aho, awahêm kita mawaki’it i manga -pêreta-Na wa’aho ahi’i tanêd,

05/04.txt

@@ -0,0 +1 @@
+\v 4 Apa-apa’an pahasa ê nitumowai Ningumêlêd, mawa sese i mbaoitoba. Bo êwa’im kasinggugatan ê nimawa-sese i mbaoitoba : kawaheman i hita. \v 5 Siseiêm ê nimawa-sese i mbaoitba, ihawalina be sia ê maheman, awahem  si Yesus Bata’i Ningumêlêd ?

05/06.txt

@@ -0,0 +1 @@
+\v 6 Êwa’im Sia ê nimahim karengan i nahe wo daha’, êwa’aho si Yesus Kristus, ahi’i wa’teka ahe, sumata’ teka ahe bo teka daha’. Bo Tutuhêm ê nimehe sasairian, apa’an Tutuh awahêm kaulitan. \v 7 Apa-apa’an bana têlu imehe sasairian [a sakumên i sorga : Amang, kukua bo Tutuh Lênas; bo silatahula aawahêm êsa. \v 8 Bo bana têlu imehe sasairian a mbaoitoba] : Tutuh bo ahe bo daha’ bo silatêlu awahêm êsa.

05/09.txt

@@ -0,0 +1 @@
+\v 9 Kita itumirima sasairian i totumu’, sumata’ sasairian i Ningumêlêd lebo morowot. De kelewa’ahom sasairian ê mbehem i Ningumêlêd sakum Bata’Na \v 10 Siseiange maheman a mBata’i Ningumêlêd, sisia bana sasairian wa’aho a sakumên i mbatangana; siseiange tahi’i maheman be Ningumêlêd, sisia itumulid i mbatangana mamoali tatowon, apa-apa’an sia ahi’i  maheman ê mbehe i Ningumêlêd sakum BataNa.

05/11.txt

@@ -0,0 +1 @@
+\v 11 Bo êwa’im sasairian wa’asho : Ningumêlêd ihumomba’am katowan ê telasan be hita bo katowan wa’aho bana a sakumen i mBata’Na \v 12 Seseiange maha sawa i mBata’, sisia maha sawa katowan; siseiange tahi’i maha sawa i mBata’, ahi’i sia maha sawa katowan.

05/13.txt

@@ -0,0 +1 @@
+\v 13 Lohowna wa’aho iwatihku tanu homotahula, sani’aho homotahula ê maheman a ngalan i mBata’ i Ningumêlêd, mahailah, awahêm komotahula maha sawa pênonowan ê têlasan. \v 14 Bo êwa’im kawaraneian kawaheman i hita be Sia, ewa’aho awahêm sia imonge’e i sombayang i hita, sa hita mangelei asiamange be Sia, mi’it apandungnga. \v 15 Bo sa hita mahailah, awahêm sia imonge’e i nasia mange ê pinangelei i hita, yanasa kita hahi mahailah, awahêm kita imahaerem i nawasia mange ê pinangeleiêm i hita we Sia.

05/16.txt

@@ -0,0 +1 @@
+\v 16 Sa wana nêsatow milah i pognga tumulid orow, êwa’aho norow ê tahi’i me’angai pawate, imerot sia sumombayang be Ningumêlêd bo Sia mainjo mehe pênonowan besia, êwa’aho silatahula, ê nitumulid orow ê tahi’i me’angai pawate. Bana norow ê me’angai pawatem : sakum wa’aho ahi’i ihuahu, awahêm sia musti sumombayang. \v 17 Pahasa kata’pia’an awahêm orow, suamta’ bana norow ê tahi’i me’anga pawate.

05/18.txt

@@ -0,0 +1 @@
+\v 18 Kita mahailah, awahêm pahasa totumu’ ê nitumowai a Ningumêlêd, ahi’i matulid orow ; sumata’ Sia ê nitumowai a Ningumêlêd muyungisia, bo si ta’pia hi’i mahasipapa mamos-isia. \v 19 Kita mahailah, awahêm kita a Ningumêlêd osa mahi bo sêrêb i mbaoitoba a mbawa’ i kawasa i si ta’pia.

05/20.txt

@@ -0,0 +1 @@
+\v 20 Sumata’ kita mahailah, awahêm Bata’ i Ningumêlêd imahim bo ihumomba’am pangartian be hita, sani’aho hita mahahilala i Ê Nulit ; bo hita bana na sakumên i Ê Nulit. A sakumên i mBata’Na si Yesus Kristus. SiSia awahêm Ningumêlêd ê nulit bo mênonow ê têlasan. \v 21 Bata wata’ku, mahatuh ange a pahasa berhala.

LICENSE.md

@@ -0,0 +1,27 @@
+
+# License
+## Creative Commons Attribution-ShareAlike 4.0 International (CC BY-SA 4.0)
+
+This is a human-readable summary of (and not a substitute for) the [license](http://creativecommons.org/licenses/by-sa/4.0/).
+
+### You are free to:
+
+  * **Share** — copy and redistribute the material in any medium or format
+  * **Adapt** — remix, transform, and build upon the material 
+
+for any purpose, even commercially.
+
+The licensor cannot revoke these freedoms as long as you follow the license terms.
+
+### Under the following conditions:
+
+  * **Attribution** — You must attribute the work as follows: "Original work available at https://door43.org/." Attribution statements in derivative works should not in any way suggest that we endorse you or your use of this work.
+  * **ShareAlike** — If you remix, transform, or build upon the material, you must distribute your contributions under the same license as the original.
+
+**No additional restrictions** — You may not apply legal terms or technological measures that legally restrict others from doing anything the license permits.
+
+### Notices:
+
+You do not have to comply with the license for elements of the material in the public domain or where your use is permitted by an applicable exception or limitation.
+
+No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

manifest.json

@@ -0,0 +1,82 @@
+{
+	"package_version": 6,
+	"format": "usfm",
+	"generator": {
+		"name": "ts-desktop",
+		"build": "2"
+	},
+	"target_language": {
+		"id": "tnw",
+		"name": "Tonsawang",
+		"direction": "ltr"
+	},
+	"project": {
+		"id": "1jn",
+		"name": "1 John"
+	},
+	"type": {
+		"id": "text",
+		"name": "Text"
+	},
+	"resource": {
+		"id": "reg",
+		"name": "Regular"
+	},
+	"source_translations": [
+		{
+			"language_id": "en",
+			"resource_id": "ulb",
+			"checking_level": "3",
+			"date_modified": "2017-11-29T00:00:00+00:00",
+			"version": "12"
+		}
+	],
+	"parent_draft": {},
+	"translators": [
+		"Erika"
+	],
+	"finished_chunks": [
+		"00-title",
+		"01-01",
+		"01-03",
+		"01-05",
+		"01-08",
+		"02-01",
+		"02-04",
+		"02-07",
+		"02-09",
+		"02-12",
+		"02-15",
+		"02-18",
+		"02-20",
+		"02-22",
+		"02-24",
+		"02-27",
+		"03-01",
+		"03-04",
+		"03-07",
+		"03-09",
+		"03-11",
+		"03-13",
+		"03-16",
+		"03-19",
+		"03-23",
+		"04-01",
+		"04-04",
+		"04-07",
+		"04-09",
+		"04-11",
+		"04-15",
+		"04-17",
+		"04-19",
+		"05-01",
+		"05-04",
+		"05-06",
+		"05-09",
+		"05-11",
+		"05-13",
+		"05-16",
+		"05-18",
+		"05-20"
+	]
+}