Mon Aug 03 2020 22:46:58 GMT-0500 (Central Daylight Time (Mexico))
This commit is contained in:
commit
cb37ac6fbb
|
@ -0,0 +1 @@
|
||||||
|
\c 1 \v 1 Be si Paulus, ê pinandung i Ningumêlêd tiniang mamoali rasul i Kristus Yesus, be si Sostenes, pog i hita, \v 2 Tanu jama’at i Ningumêlêd a Korintus, ëwa’aho silatahula ê mbelênas a sahum si Kristus Yesus bo ê tiniang mamoali mangatow lênas, karêungan i pahasa totumu’a moro lesad, ê matiwa’ a ngalan i Ngêlêdtow i hita si Yesus Kristus, êwa’aho Ngêlêdtow i latahula bo Ngêlêdtow i hita. \v 3 Bêlês kohomba’ bo sononoi ênow i Ningumêlêd, Amang i hita, bo be si Ngêlëtow si Yesus Kristus malalas be homotahula.
|
|
@ -0,0 +1 @@
|
||||||
|
\v 4 Si Ahu mêlêtêh marayow be ningumêlêdku apa’an komotahula a mbêlês kohomba’i Ningumêlêd êmbehomba’-Na behomo tahula asakum si Kristus Yesus. \v 5 Apa-apa’an a sakum i Sia komotahula i mêsiha’an a pahasa: a morowalina kodait bo a morowalina pêngo’i ta’uan, \v 6 Mêtêna’an bo sasairian sakum si Kristus, ê mbeête’em a tutud i homotahula.
|
|
@ -0,0 +1 @@
|
||||||
|
\v 7 Kelewa’ahom homotahula ahi’i kaina’an a nêsa’an kohomba’ kahi karêpêt komotahula manonda-nonda i tatara i Ngêlêdtow i hita si Yesus Kristus. \v 8 Si sia hahi mawaête’i homotahula mahad a kasapêtana, ahad komotahula ahêm nda’i a nêndo i Ngêlêdtow i hita si Yesus Kristus. \v 9 Ningumêlêd, ê nitumiang i homotahula a patalian bo Bata’Na si Yesus Kristus, Ngêlêdtow i hita, awahêm mohundu.
|
|
@ -0,0 +1 @@
|
||||||
|
\v 10 Sata’ahu mehesasani homotahula, morowog karêngan i ngalan i Ngêlêdtow i hi ta si Yesus Kristus, sani’aho homotahula ma’atean bo na’am bana pêtêrian a tutud : homotahula, sata’ saliku’na saniaho homotahula mêtê bo mêsa nate msa nutêh. \v 11 Ênde, morowogku, be ahu kinua’anêm i manga tow a pamalean i Kloe sakum komotahula, awahêm bana pahisea’an a tutud i homotahula.
|
|
@ -0,0 +1 @@
|
||||||
|
\v 12 Ê êwa’i, awahêm komotahula êsa-êsa mapakua : siahu a ndoro’ i Paulus. Suma si ahu a ndoro’ i Apolos. Suma si ahu a ndoro’ i Kefas. Suma siahu a ndoro’ i Kristus. \v 13 Awa si Kristus pinêbeteng? Awa si Paulus kinalawat apa-apaan komotahula? Suma awa homotahula binaptis a sakum ngalan i Paulus.
|
|
@ -0,0 +1 @@
|
||||||
|
\v 14 Nde talalêm mande êsatow ange a tutud i homotahula ê mbinaptisku ihawalina si Krispus bo si Gayus. \v 15 Mahad alahêm totumu’ do’na humua, awahêm komotahula binaptis asakum ngalanku. \v 16 Bo pamalean i Stefanus siahu ê nimaptis. Ihawalina we silatahula ahi’i halahanku, mane’ banawe’ êtotumu’ ê mbinaptisku.
|
|
@ -0,0 +1 @@
|
||||||
|
\v 17 Apa-apa’an si Kristus imasiu iahu ahi’i tanu mawaptis, sata’ tanu sumahai i Kukua, bo wa’aho hahi ahi’i karêngan kosilihan i kodait, sani’aho kalawat i Kristus na’am mamoali alahêm toro.
|
|
@ -0,0 +1 @@
|
||||||
|
\v 18 Apa-apa’an panahaian sakum kalawat totu’u mamoali kawodohan tanu silatahhula ê motutus, sata’tanu hita ê mbewawawia pêsahaian i aho mamoali korowotan i Ningumêlêd. \v 19 Apa’an bana niwatih-watih: “si ahu mainjo mawawotutus i sisilih imangatotumu’ mahasisilih bo hasisilihhan i mangatotumu’ pandei mainjo iwawatambulala-Hu.
|
|
@ -0,0 +1 @@
|
||||||
|
\v 20 Bi sanam totumu’ ê mahasisilih? Bi sanam toutêh a Torat? Bisanam tapasaru a mbaoitoba i ai’i? Awa ahi’i Ningumêlêd niwawatulidêm i sisilih i mbaoitoba i ai’i mamoali kawodohan? \v 21 Apa-apa’an baoitoba, sakum kosilihan i Ningumêlêd, ahi’i mahahilala i Ningumêlêd i sisilina, yanasa Ningumêlêd imêtêna’an mawawia silatahula ê maheman i kawodohan pinasahaian i Kukua.
|
|
@ -0,0 +1 @@
|
||||||
|
\v 22 Mangatow i Yahudi mapandung tanda’bo mangatow i Yunani mapangilah kosilihan, \v 23 sata’ kamitahula mawasahai si Kristus ê mbehalawat : tanu mangatow i Yahudi êsa batu pakawisudan bo tanu mangatow ahi’i Yahudi êsa kawodohan,
|
|
@ -0,0 +1 @@
|
||||||
|
\v 24 Sata tanu silatahula ê tiniang, maulêng tow i Yahudi, sumahai korowotan i Ningumêlêd bo sisilih i Ningumêlêd. \v 25 Nde ê mbodoh i Ningumêlêd lebe wako sisilahna ênde totumu’ bo ê kawel a Ningumêlêd lebe morowot nde totumu?
|
|
@ -0,0 +1 @@
|
||||||
|
\v 26 Ihumên kêmoho, morowog, kelembisa ka’ada’an i homotahula, a noras komotahula tiniang : kumi’it a sosokad i totumu’ ahi’i tado’o totumu’ ê pandei, ahi’i tado’o totumu mahaturus, ahi’i tado’o totumu’ pawuli-wulian. \v 27 sata’asia ê mbodoh tanu mawasokia’ i totumu’ ê mahasisili, bo asia ê kawel tanu baoitoba, sinisir i Ningumêlêd tanu mawasokia’ i morowot,
|
|
@ -0,0 +1 @@
|
||||||
|
\v 28 bo asia ê tahu’i pawuli-wulian bo tanu baoitoba, ninisir i Ningumêlêd, bo hahi asia ê talahêm toro, sinisir i Ningumêlêd mawatala asia ê mahatoro, \v 29 sani’aho na’am bana nêsatotomu’ange mawasukag i mbatangan a ndior i Ningumêlêd.
|
|
@ -0,0 +1 @@
|
||||||
|
\v 30 Sata’ apa’an i Sia komotahula asakumên i Kristus Yesus, ênapa’an Ningumêlêd imamoalim sisilih tanu hita. Si Sia imawaulit bo imawalênas i hita. \v 31 Kawalian i aho kele bana niwati-watih : “Siseiange ê masukag, ihamerot sia mawawasukag a sakumên si Ngêlêdtow.
|
|
@ -0,0 +1 @@
|
||||||
|
Pasal 1
|
|
@ -0,0 +1 @@
|
||||||
|
\c 2 \v 1 Keleaboho hahi, anoras ahu mahi behow, manga morowog, ahu ahi’i mahi bati’ mohoda-hodait monunga suma ê kaêna’an tanu sumahai bo sumairi i Ningumeled behamotahula. \v 2 Apa’an tinepu’kunemio i tahi’i moho’ tahu awa-awa a tutud i hamotahula, iwalina Yesus Kristus, awa’aho Sia e kinalawat.
|
|
@ -0,0 +1 @@
|
||||||
|
\v 3 Siahu hahi imahim behamotahula a ndalem kahawelaiku bo ni’itia matalo bo i hêleh. \v 4 Molai mio a kawakodaitku suma panerewa’anku ahi’i behhuahu i kodait kaenaan a mawaeman, sumata’ me’man i korowotan i tutuh, \v 5 Saniboho kawaheman ihamotahula na’am momelet a korowotan itotumu’, sumata’ a korowotan i Ningumeled.
|
|
@ -0,0 +1 @@
|
||||||
|
\v 6 Mandewe keleaboho kamitahula sumahai i kaêna’an a pêkombolan i latahula a matu’am, awahem ahi’i korowotan i mbaoi toba i’ai, bo ahi’i korowotan i manga imbahut imbaoi toba i’ai, awahem manga imbahut ê mbeanei. \v 7 Sumata ê isahai ihamitahula awahem koemanan a Ningumeled ê nirururu bo tahula, a talawe baoi toba i’ai bengêlêd, sinadiam i Ningumeled tanu konunga’an ihita.
|
|
@ -0,0 +1 @@
|
||||||
|
\v 8 Alahêmoho imbahut imbaoitoba i’ai mahahilala isia, awahem sawo i ande-ande mahahilala silatahula, ahi’i silatahula ihumalawat si Tuhan a konunga’ana. \v 9 Sumata kele bewatih : Asia tahi’i pinilha imbelen bo ahi’i tinanga’ italinga, bo ahi’i mahasa i lumembo a suang i nate totumu : pahasa sinadia i Ningumeled.
|
|
@ -0,0 +1 @@
|
||||||
|
\v 10 Apa’an be hita bewawataranêmai i monggonguot i Ningumeled, apa’an tutuh sumolusui asia mange, bo hahi ê manga dumururu a mbatangan i Ningumeled. \v 11 Sisei sia atutud ihita totumu e mahailaha, asia asuang imbatangan totumu, iwalina tutuh i totumu io a suanga imbatanga? Keleaboho hahi alahem totumu mahailaha, asia asuang i mbatangan i Ningumeled i walina tutuh i Ningumeled.
|
|
@ -0,0 +1 @@
|
||||||
|
\v 12 Ahi’i hita tumirima i tutuh imbaoitba, sumata’ tutuh i Ningumeled, saniboho kailahan i hita, assia be homba i Ningumeled be hita. \v 13 Bo apa’an kamitahula tumapsir perkara sarani be silatahula e mbana tutuh, kamitahula mohoda-hodait asakum manga komba’ i Ningumêlêd e kodait ê tahi’i besusui behamitahula i kaena’an i totumu, sumata asakum i tutuh.
|
|
@ -0,0 +1 @@
|
||||||
|
\v 14 sumata’ tow imbaoi toba ahi’i tumirima asia niaho êna’ tutuh i Ningumêlêd sa moai, apa’an sa sisia pahasa iboho awahem êsa kawodo’han ; bo ahi’i sia mahailah ; aho, apa’an pahasa iboho bati’ do’na silihen ihi’it a sarani. \v 15 Sumata’ tow sarani samilih i nasia mange, sumata’ sisia mio ahi’i silihen itow walina. \v 16 Apa’an : sisei ndo’na mahailah i kawahuteh i Ningumêlêd, ahad sia do’na misu’i Sia? Sumata’ kamitahula mahasawai pikiran i Kristus.
|
|
@ -0,0 +1 @@
|
||||||
|
Pasal 2
|
|
@ -0,0 +1 @@
|
||||||
|
\c 3 \v 1 Bo siahu, morowog, a tepo wa’aho ahi’i mata’u mohodait bo homotahula kele wo totumu’ sarani, sata’bati’ bo totumu’ ikawaitoba’an, ê talawe’ dewasa a sakum si Kristus. \v 2 Susu ê mbehehu be how, ahi’i, kakanên kêteh, nde homotahula awe; do’na tumirimaiaho. Bo ia’i talewe’ kahi komotahula awe’ do’na tumirima i aho.
|
|
@ -0,0 +1 @@
|
||||||
|
\v 3 Nde homotahula totumu’pe i kawaoitoba’an. Apa’an sa wana na tutud i homotahula bana kanat a nate bo papahisea’an awa ahi’i ni’aho tumuru, awahêm komotahula totumu’ i kawaoitoba’an bo awahêm komotahula menonow mi’it katotumu’an. \v 4 Apa-apa’an sa êsatow kumua : “siahu a ndoro’ i Paulus, bo ê mbalina kumua : “siahu a ndoro’ i Apolos”, awani’aho ahi’i tumuru’ awahêm komotahula totumu’ i kawaoitoba’an bo awe’ sarani? \v 5 Yanasa, awa si Apolos? Awa si Paulus? Manga tapasali si Ngêlêdtow ê tatawoi i homotahula imamoali maheman, êsa-êsa imêbe a tutulên behe i Ngêlêdtow be sia.
|
|
@ -0,0 +1 @@
|
||||||
|
\v 6 Si ahu nimayu’ si Apolos mato’to, sata’ Ningumêlêd ê mawatow. \v 7 Kawalian i aho ê pênting ahi’i ê nimayu’ suma ê nitu mo’to, sumata’ Ningumêlêd ê nimawatow.
|
|
@ -0,0 +1 @@
|
||||||
|
\v 8 Maulêng ê nimayu’ suma ê nitumo’to awahêm mêkele ; bo êsa-êsa tumirima lawuna kumi’it bo patawoiênamio’. \v 9 Apa-apa’an komotahula makarua matawoi bo Ningumêlêd ; komotahula awahêm bondoi i Ningumêlêd, bangunan i Ningumêlêd.
|
|
@ -0,0 +1 @@
|
||||||
|
\v 10 Mêtêna’an bo bêlês kohomba’ i Ningumêlêd, ê mbehomba’ beahu, siahu kele êsatow beutêhan a mbangunan ê mahailahio’ itumulidêm pandasi, bo tow malina ê ê menet imomangun a ambaona. Sata êsa-êsa tow musti mawatu’tul, kelembisa sia momangun a mbaona. \v 11 Apa’an alahêmai mande êsatow ê ndo’na tumulid pandasi walina a pandasi ê mbetulidêm, êwa’aho si Yesus Kristus.
|
|
@ -0,0 +1 @@
|
||||||
|
\v 12 Mane’onah totumu’ momangun a mbao i pondasi mas, pera, batu kelana, kayu, oho wêla bo lêkat, \v 13 mahasa patawoiên i nêsa-êsa tow kawilahan. Apa’an êndo i Ngêlêdtow mawatara i aho, nde sia kawilahan teka baha bo kelembisa patawoiên i nêsa-êsa tow mainjo te’esên i mbaha wa’aho.
|
|
@ -0,0 +1 @@
|
||||||
|
\v 14 Sa patawoiên ê tinod i nêsatow mo’ote’, mahaere sia lawu. \v 15 Sa patawoiêna kaeketan imbaha, mainjo sia mahaere karugian, sata’ sisiamio’ mainjo iwawalowid, sata’ kele a suang imbaha.
|
|
@ -0,0 +1 @@
|
||||||
|
\v 16 Awa-ahi’ i hailahan i homotahula, awahêm komotahula awahêm bale i Ningumêlêd bo awahêm Tutuh i Ningumêlêd mututun be homotahula? \v 17 Sa wana totumu’ ê mawawotutus i mbale i Ningumêlêd, yanasa Ningumêlêd mainjo mawawotutus i sia. Nde bale i Ningumêlêd awahêm lênas bo bale i Ningumêlêd wa’aho awahêm komotahula.
|
|
@ -0,0 +1 @@
|
||||||
|
\v 18 Na’am bana ê totumu’ mo mandei i mbatangana mio’. Sa wana na tutud i homotahula makatam i mbatangana mahasisilih mi’it i mbaoitoba ia’i iwayai sia mawodoh, sani’aho sia mahasisilih. \v 19 Apa-apa’an sisilih i mbaoitoba ia’i awahêm kawodohan tanu Ningumêlêd. Nde bana niwati-watih : “si Sia ê tumiho’ i totumu mahasisilih a kawandeiana. \v 20 Bo a lesad balina : “si Ngêlêdtow mahailah i manga palitu-litudên i totumu’ mosilih, kaulitana pahasa i aho alahêm toro”.
|
|
@ -0,0 +1 @@
|
||||||
|
\v 21 Kawalian i aho na’am bana totumu’, ê mawasukag imbatangan a kahele totumu’, nde asia mange awahêm kapunya’anu. \v 22 Maulêng si Paulus, si Apolos, si Kefas, mauleng baoitoba, mênonow bo mate, maulêng êndo i nia, bo êndo malengai. Pahasa kapunya’an i homotahula. \v 23 Sata’ komotahula awahêm punya i Kristus bo si Kristus awahêm punya i Ningumêlêd.
|
|
@ -0,0 +1 @@
|
||||||
|
Pasal 3
|
|
@ -0,0 +1 @@
|
||||||
|
\c 4 \v 1 Keleahohahi maindo tow mapilah i hamitahula kele manga a’ta i Kristus, be sua enamanen tatahu i Ngeledtou. \v 2 Osa motahad ambeles amanga maselewir kelewai : awahem silatahula be haturu osa e manen.
|
|
@ -0,0 +1 @@
|
||||||
|
\v 3 Alam e torohu tanu siahu patepuun ihamotahula apengadilan itotumu. Sumata batangaiku ahii pinatepu. \v 4 Nde awahem ahu awe i mawedis anesaan, sumata ahii sawaaho ahu behatotuu. Si Sia matepu iahu, awaaho Ngeledtou.
|
|
@ -0,0 +1 @@
|
||||||
|
\v 5 Iboho kawalian naam matepu satalewe tepona saalawe Ngeledtoou i mahi. SuloNa hahi asi nioho emberuru a karendeman, bo iwawaturuNa a pataaren asuang inate. Osa manga tow mayo indarayow a Ngeledtou.
|
|
@ -0,0 +1 @@
|
||||||
|
\v 6 Morowog ngawila, kodait iai tumena mio beahu bo si Apolos, nde hamotaula, saniboho mbeturu i hamitahula, dona ajaren ihamotahula asia nioho sondait behua : “Naam leotan asia nioho mbewatih”. Saniboho naam esaan behamotahula motobaag imbatangan bo kawulian inesa kele anesa nde mbalina. \v 7 Nde sisei mongatam i how lebe wenting?. Bo sia nioho tanu sihow, e tahii benjo nu? Bo saniohho bennjonu, ndeaho e niwongahainu, sanioho ahii injonnu?
|
|
@ -0,0 +1 @@
|
||||||
|
\v 8 Kamotahula masuhem. Kamotahula i mesihaam, sa tahii kamitahula kamotahula imainjom daja. Oh, ahii gapang kamaulengan sa nioho totuu keleaboho , nde hamotahula i mainjom daja, osa hamitahulahahi dona maindo daja bo hamotahula. \v 9 Sa hele wendapaiku, naeledtow imehe behamitahula manga rasul, tampa lebe wehen kele manga tow beu’kum pa’ten, nde hamitahula bewawaturu tanu baoitoba, bo tanu Kiong i Ngeledtou bo tanu totumu.
|
|
@ -0,0 +1 @@
|
||||||
|
\v 10 Kamitahula bodoh nde si Kristus, sumata kamitahula matutul be si Kristus. Kamitahula kawel, sumata kamotahula morowot, kamotahula monunga, sumata kamitahula doros. \v 11 Ahad wai hamitahula maleo, kawelaan, kumeda-hedaai, pinamel bo menonow mahabebe,
|
|
@ -0,0 +1 @@
|
||||||
|
\v 12 kamitahula itumawoi tawoyen taned, sahamitahula i wamutung, iweberkati hamitahula, sahamitahula pawahen, kamitahula elud. \v 13 Sa hamitahula seroon, sowaten ihamitahula i lemei, sonowatem i hamitahula keleitu soiwot imbaoitoba, mekele bo kasa’mehan i pahasa, ahad iai talewe.
|
|
@ -0,0 +1 @@
|
||||||
|
\v 14 Kawalian noho bewati’kum hii sa mawasokia ihamotahula sumata merow ihamotahulai manga bata’ku ihale’ku. \v 15 Mande hamotahula tadoo moribu masusui be si Kristus Yesus ta kamotahula hii tadoo namang. Nde siahu besi Kristus Yesus i mainjo namangngu tanu kukua bewahatauhu behamotahula. \v 16 Iboho kawalian sasani iai ihuahu behamotahula hiitan nange osa poguludan.
|
|
@ -0,0 +1 @@
|
||||||
|
\v 17 Mahaturu-turu iboho kawalian ahu kumirim behamotahula si Timotius bata’ku paeleseiku bo dedem besi Ngeledtou. Mawaimun sia be hamotahula penonowan pa kiitaiku besi Kristus Yesus, kele be susuihu bisana mange anjamaat. \v 18 Sumata iwetahulai tow e matombag sombong, nde sangkan ilatahula, awahem mahu maleng mahi be hamotahula.
|
|
@ -0,0 +1 @@
|
||||||
|
\v 19 Sumataa ahu tilaho mahi be how, sa papandungen i Ngeledtow. Sumata kalahaiku hii sa manga kodait i tow matombag sombong, ta’ korowotan nio ilatahula. \v 20 Nde kolano i Ngeledtou hii sa bati akodait sumata a kawasa. \v 21 Asia nihabog ihamotahula ? Doro’na mahi behamotahula karuai cmbog suma karuai mbeles bo ate lemeleyem?
|
|
@ -0,0 +1 @@
|
||||||
|
Pasal 4
|
|
@ -0,0 +1 @@
|
||||||
|
\c 5 \v 1 Totu’u tinanga’ itow, awahem bana pêdêtuhan be hamutahula, bo pêdêtuhan ni’itemio; keleitu ahi’i mahasa imamoali a mangatou mahailala i Ningumêlêd, awahêm bana totumu menonow iwakaruai mama tirina. \v 2 Paladi aho matombag pe’ mio kahi. Ahi’i onah do’na kamutahula masusah mawarekang ê tou itumulid kelewaaho atutud i kamutahula?
|
|
@ -0,0 +1 @@
|
||||||
|
\v 3 Apaan ahu, saihiit ambatangaiku ahi’i wakarua, sumata saihi’it a kanaluhu biai ahu atutud ihamutahula. Yanasa tulidêku mio’ keleitu ahu wakaru -haruai hamutahula. Osa tumantu i nu’kuman besia, itumulid i pahasai oho. \v 4 Sahita masêsêsên asakum i roh, komotahula wakaru-haruahu, karuai kawasa Yesus, Ningumêlêd ihitai. \v 5 Totumu’ iaho itaro besi sumesenggot, sani’boho batangan i totumu’ i aho moruga’ bo sa helewaaho kanaluna lowudênange a nendo i Ningumêlêd.
|
|
@ -0,0 +1 @@
|
||||||
|
\v 6 Iwapengahanu ahi mauleng. Awa ahii kalahan i hamutahula, awahem “ki’dingio kabo’ mawa sêhai kêmui kukis! \v 7 Itia’ oho kabo’ eto’om, sa’boho kamutahula mamoali kêmu taleya, apaan kamutahula kele mio ahii kemu, ahii bepaan kabo. Apaan palo’oran i paskah ihita sina’diam waaho Kristus. \v 8 Waaho kawalian ayomem kita mapesta, ahii make kabo’eto’om, ahi’i hahi make i kabo’ta’ lo’or bo ta’pia sumata’ bo roti ahii be paan kabo’, waaho kalenasan bo kabenaran.
|
|
@ -0,0 +1 @@
|
||||||
|
\v 9 A surat bewatihku behamitahula, sa’boho kamutahula naam mekombolan bo manga tow orow. \v 10 Sumata’ ahi’i sa pahasa tou orow menonow ambaoitoba iai, sumata teka manga tou taela, bo tapomandei, suma bo pahasa masiri’ imbêrhala, apaan sa kelewaaho iepa’amio ihamutahula e mbaoitoba iai.
|
|
@ -0,0 +1 @@
|
||||||
|
\v 11 Sumata’ bewati’ku behamutahula, sani’boho kamutahula naam mekombolan bo manga totumu’ mapakua sia tou Kristen [sarani] sumata’ totumu iaho prpw, sumate taela, masiri imberhala, tapatena’, tapololango, suma matowo ; manga totumu’ kelewaaho naamde kamutahula moho mapekombolan. \v 12 Totu’u asia e imbahutku ahu matêpu’ silatahula i tahii a suangi jamaat? Kamutahula bati matepu’ silatahula sumua-suang anjamaat. \v 13 Sa waaho silatahula a luar i jamaat, Ningumeled kemange e tumepu. Ielei totumu’ mawatulid ta’pia a tutud ihamutahula.
|
|
@ -0,0 +1 @@
|
||||||
|
Pasal 5
|
|
@ -0,0 +1 @@
|
||||||
|
\c 6 \v 1 Awa bana nêsatow a tutud i homotahula, ê sa mahisea’an bo tow walina mangilah ka’adilan a manga totumu’ ê tahi’i ulit, bo ahi’i a mangatotumu’ lênas? \v 2 ahi’i homotahula mahailah, mangatotumu’ lênas ê misa’ i mbaoitoba? Bo sa pangisa’an i mbaoitoba a kama i homotahula, awa ahi’i homotahula mahabay tanu murus i mangawêrkara ê tahi’i ulit? \v 3 Awa homotahula ahi’i mahailah, awahêm kita mainjo misa’ i mangahiong? Yanasa nambom kahi mangawêrkara naram a pênonowan i hita susud i nêndo.
|
|
@ -0,0 +1 @@
|
||||||
|
\v 4 Mande helewa’aho, sa homotahula musti murus i mangawerkara naram, komotahula manaro i nurusan wa’aho be silatahula ê tahi’i iwatebe a njama’at? \v 5 Êwa’i ihuahu tanu mawasokia’ i homotahula. Awa alahêm êsatow a tutud i homotahula ê mahasisilih, ê ndo’na murus i mangawerkara i mangawognga? \v 6 Awabana nêsawog mapangilah ka’adilan tanu pog balina, bo ihuami’ a mangatotumu ê tahi’i maheman?
|
|
@ -0,0 +1 @@
|
||||||
|
\v 7 Bati’ pe’ mange perkara atutud i homotahula a nêsatow bo a mbalina imamoalim kinasesean i homotahula. Nde’aho homotahula hi’i maibog imahigon i tahu’i adil? Ndeaho homotahula maibog lebe iwawarugi? \v 8 Sata’ komotahulamio’ matulid i talahêm ka’adilan bo komotahula mio’ mawalimai karugian, bo ê wa’aho patulidên i homotahula a mangawogngu.
|
|
@ -0,0 +1 @@
|
||||||
|
\v 9 Suma ahi’i homotahula mahilah, awahêm mangatotumu’ ê tahi’i adil ahi’i mahaere weteng a kaholano’an i Ningumêlêd? Na’am mombureng. Totumu’ tapasiri’ i mberhala, totumu’ mêdêtuhan, pêsêl, totumu’ tapatekol, \v 10 tatahow, totumu’ panesen, tapololango, tapêdoros bo tapomandei ahii’i mahaere weteng a suang i kaholano’an i Ningumêlêd. \v 11 Bo latahula tow a tutud i homotahula kelewa’ ahom natalewe’. Sata’ komotahula imehem i mbatangan i homotahula bewawa-wayo, komotahula bewawa-ênasêm, komotahula beulitanêm a sakum ngalan i Ngêlêdtow si Yesus Kristus bo a sakum Tutuh i Ningumêlêd i hita.
|
|
@ -0,0 +1 @@
|
||||||
|
\v 12 Asiamange ahi’i indis tanu si ahu, sata’ ahi’i wahasa ê mbana toro. Asiamange ahêm nindis tanu siahu, sata’ ahu ahi’i mayai imbatanganku pangatan i nasiamange. \v 13 Kakanên awahêm tanu tian bo tian tanu kakanên : sata wa’aho ndua iwawawotutus i Ningumêlêd sata’ batangan ahi’i tanu pêdêtuhan, sumata’ tanu si Ngêlêdtow, bo si Ngêlêdtow tanu batangan.
|
|
@ -0,0 +1 @@
|
||||||
|
\v 14 Ningumêlêd, ê maleng iwawatow si Ngêlêdtow, ê maleng mawatow i hita hahi i nimbahutNa. \v 15 Awa ahi’i kailahan i homotahula, awahêm batanganu anggota i Kristus? Awa indonku nanggota i Kristus tanu mehe i sia a pêdêtuhan? Mande mahasa ahi’i!
|
|
@ -0,0 +1 @@
|
||||||
|
\v 16 suma awa ahi’i homotahula mahailah, awahêm sisei ê mawasogot i mbatangana a mbene sundal, mapawaêsa i mbatangan bo si sia? Nde kelewa’im behua i nas : silandua mamoali kêtêd êsa”. \v 17 Sata’ sisei mawasakêd i mbatangan be si Ngêlêdtow, mamoali êsa tutuh bo si Sia.
|
|
@ -0,0 +1 @@
|
||||||
|
\v 18 Irekangange mbatanganu a pêdêtuhan ! Manga orow balina ê tinulid i totumu’, bahamoali a luar i mbatangan. Sata’ totumu’ ê matulid pêdêtuhan maorow sakum batangan mio’.
|
|
@ -0,0 +1 @@
|
||||||
|
\v 19 Suma awa ahi’i homotahula mahailah, awahêm batanganu bale i Tutuh Lênas ê mututun be how, Tutuh Lênas ê kinaerean i homotahula be Ningumêlêd, bo awahêm komotahula ahi’i punya i homotahula mio? \v 20 Apa-apa’an komotahula tinêlêsanêm bi baera imalêkêwêm: Kawalian i aho ponunganêm Ningumêlêd i mbatanganu!
|
|
@ -0,0 +1 @@
|
||||||
|
Pasal 6
|
|
@ -0,0 +1 @@
|
||||||
|
\c 7 \v 1 Bo yaitu lêwê asia niaho bêwamatih ihamotahula bêahu ihumiit angê amangatuama, satihii sia mekaroang, \v 2 Sumata mimun katapia’an imapedetuh, waboho kawalian pahasa tuama bana karoang bo pahasa bênê bana hahi karoanga.
|
|
@ -0,0 +1 @@
|
||||||
|
\v 3 Waaho kawalian karoang tuama uling i karoang bênê, kêlêaho hahi karoang bênê a' sasangen karoang tuama. \v 4 Karoang bênê ahi'i makiit apandunga mio, sumata karoang tuama, kêlêaho hahi karoang tuama ahii makiit a pandung mio, sumat karoang bene.
|
|
@ -0,0 +1 @@
|
||||||
|
\v 5 Nadêre kamotahula medêrêkangan songadi bana pinekodaitan a têpo imbêtatu waboho kamotahula mahaêtê têpo sumombayang. Haworus angê iboho kamotahula maleng menonow makaru-harua, waboho kawalian kiona imbaotoba ahii lumepêi ihamotahula, ndê kamotahula ahii mahatahang ikahabogen. \v 6 Ewai ihuahu bêhamotahula kêlê imbata kawalohan, ahi'i kêlê perêta. \v 7 Mandê kêlêaho lêbê mauleng kahi, sa pahasa totumu kêlê siahu, sumata pahasa totumu kumiit a Ningumêlêd nde kohomba Na, Ndê bana totumu kinobaan kêlê wai, bo hahi kinombaan kêlêwaaho.
|
|
@ -0,0 +1 @@
|
||||||
|
\v 8 Sumata bohiha silatahula ahi'i imekaroang bo manga balu ihuahu, sarona silatahula kumi'it kêlê siahu. \v 9 Sumata sa silatahula ahi'i mahabaya batanga, sahêlêaho kamotahula kumaroang ndêsa kamotahula masengit ikahabogen ihamotahula.
|
|
@ -0,0 +1 @@
|
||||||
|
\v 10 Emanga totumu mekaroanganem siahu-ahi'i, hi'i siahu, sumata Ningumêlêd- i merêta, waboho kawalian karoang bênê ahi'i matau mapedêkangan a'karoang tuama. \v 11 Sasia metaêdan, menonow sia karua talahem karoang bohahi mekamaulengan bo karoanga mio. Bo hahi karoang tuama ahi'i matau mapetarêdan bo karoang bênê.
|
|
@ -0,0 +1 @@
|
||||||
|
\v 12 Amanga tow balina siahu, ahi'i Ningumêlêd, ihua: sawana niaho pog ihita mapeka roang bênê totumu ahi'i moêman bo bênê boho mabog menonow wakaru-haruana, naamrê kêding ppog iboho mawatarêd isia. \v 13 Bo hahi sawana karoang bênê mahaharoang karoang tuama a'tahii mahêman bo tuama aho mabog menonow mawaru-haruana, naam sia metarêdan bo waaho tuama. \v 14 Ndê karoang tuama hii mahêman tinolomomod karoang bênê bo karoang bênê hii moêman tinolimomod ikaroanga tuama. Satahi'i kêlêaho, mangamoro hêdong saho indalan, sumata yai talêwe silatahula imamoali kêdong lenas.
|
|
@ -0,0 +1 @@
|
||||||
|
\v 15 Sumata sawana hahi niahototumu ahi'i maheman mabog metarêd lingonoho sia metarêdan; asakumen boho morowogku tuama bo morowogku bênê ahii kinasogotan. Sumata Ningumêlêd itumiang ihamotahula menonow a konungaan. \v 16 Bo kêlêmbisa ndom kalahanu, hei karoang bênê awa howahii mawawoêman ikaroangu tuama? Bo kêlêmbisa ndom kalahanu, hei karoang tuama awahem ndomkow ahi'i mawawoêman ikaroangau bênê?
|
|
@ -0,0 +1 @@
|
||||||
|
\v 17 Kawawusan niai pahasa totumu menonow kêlê bêtatu i Ningumêlêd bêsia bo kêlê atêpoitu sia tiniang i Ningumêlêd waahoom niaho betatu bêhêhu a pahasa jamaat. \v 18 Sototumu tiniang daliim sinunat, nadêrê sia mawatala itepai sunat. Bo sawana totumu tiniang awe sinunat naam sia mabog sunaten. \v 19 Ndê sinunat bo ahi'i sinunat ahi'i penting. Ndê penting makiit bo mahêman a nukum i Ningumêlêd.
|
|
@ -0,0 +1 @@
|
||||||
|
\v 20 Mauleng kahi pahasa kamotahula sumondo io andali, kêlê a têpo sia tiniang i Ningumêlêd. \v 21 Awa how ata' atêpo how tiniang? Waaho hii awa-awa! Sumata sa how mahaêre tepo iwekar, tuliden niaho. \v 22 Ndê totumu ata' tiniang i Ningumêlêd atutud ipasalia-Na, totumu bêwekar, bêtêng i Ningumêlêd. Kêlêaboho hahi totumu bêwekari tiniang i Kristus, sisia sosiu-Na. \v 23 Kamotahula binaêranem bo baêra belêkewem waboho kawalian naam kamotahula namoali masali a'totumu. \v 24 Manga morowogku mêro-mêrotange manga morowogku sumondi io asasa'angen i Ningumêlêd mekêlê bo tepa sia tiniang.
|
|
@ -0,0 +1 @@
|
||||||
|
\v 25 Yai talêwê tanu manga mangalaun. Tanu silatahula ahi'i ahu bêwasiu i Ningumêlêd. Sumata ahu mêhê songotaga kodait a totumu dona êmanen ndê kohomba bêayo a'Ningumêlêd. \v 26 Siahu mawarêkên, ndê mangimun bati bêgarua'ai yai talêwê, mauleng a totumu ahii imalui inggiona.
|
|
@ -0,0 +1 @@
|
||||||
|
\v 27 Ndêsa how konasogotanen imbênê? Nadêrê how tumulid metarêdan! Totu'u how ahi'i sogo-sogoten imbênê ? Nadêrê how mangilah totumu! \v 28 Sumata, sa how kumaroang, ahi'i how mesêa. Bo samangala'un kumaroang ahi'i sia itumulid sêa. Sumata totumu kêlêwaaho iwetauw ikahadosan imbatangan ndê ahu mabog mawalêot ihamotahula a kalengeian iaho.
|
|
@ -0,0 +1 @@
|
||||||
|
\v 29 Morowogku ngawila wai niaho papandungenku, waaho : kopongem têpo! Kawalianoho wai têpo bêhapa io mangatotumu mahaharoang bênê tuliden ilatahula kêlê silatahula ahem karoang bênê. \v 30 Bototumu mapakaê tulidenange kêlêahi'i mekaê-hae; bo mangatotumu mekahi-hahi tulidenganê kêlêahi'i mekahi-hahi; bo mangatotumu mapaneles tuliden kêlê alahem moho asia niaho tinelesa ilatahula; \v 31 Nde hahi mangatotumu masia-sia pakakas imboitoba kêlêmangê ahi'i masia-sia boho. Ndê baoitoba kêlê ipenililah ihita yai talêwê mahasa ihaworus.
|
|
@ -0,0 +1 @@
|
||||||
|
\v 32 HabogKu saniboho kamotahula menonow ahi'i matalo-talo. Totumu ahii mahaharoang bênê mawalulut indêrêna a tawoien i Ningumêlêd, kêlêmbisa Ningumêlêd metenaan bêsia. \v 33 Totumu mekaroang bênê lumulut indêrêkêna a kasiha'an imbaotoba, kêlêmbisa sia mawawobêat ikaroanga bênê. \v 34 Ndê kêlêaho pedêkê rêkênena mebêtêteng. Bênê ahii mahaharoang bo mangahêdong mangaluan lumutut indêrêkên ilatahula a kahabogan i Ningumêlêd, saniboho batangan bo kanalu ilatahula lenas. Sumata bêhê mahaharoang lumutut sia ipedêkê-rêkênena a kasihaan imbaotoba, kêlêmbisa sia mawawobêat i karoanga.
|
|
@ -0,0 +1 @@
|
||||||
|
\v 35 Pahasa yai ihuahu tanu kamotahula mio, ahii osa mapawata-watas ihomotahula atutud ikolanggoian ihamotahula, sumata sumalikud kamotahula mahio-hio mauleng bo ihumiit bo masali a Ningumêlêd karuai talahem nawa-awa.
|
|
@ -0,0 +1 @@
|
||||||
|
\v 36 Sumata sawana totumu mapendam, awahem sia ahi'i mahip-hio mauleng a' sasaangen imangalauna, samangaulina kinarohanganem katua'ana bo hahi sia ihumelamem, awahem silatahula hii toro satahi'i kumaroang, sa hêlêwaaho kumaroang, saniboho kahabogena sahêlêwaaho hi'i sêa. \v 37 Sumata sawana totumu ahi'i bêlesê tumulid kêlêwaaho tumotutotu'u a'suang inatêna bo totu-totuu andêrêkêna, ndê niminjo katatuan ahi'i kumaroang ikamaulenga, sisia itumuli kamaulengan. \v 38 Kawalianoho totumu ihumaroang ikamaulenga itumulid kamaulengan, bo totumu ahi'i ihumaroang bo kamaulenga itumulid kamaulengan.
|
|
@ -0,0 +1 @@
|
||||||
|
\v 39 Karoang bênêsogo-sogoten kaeto karoang tuama menonow. Sakaroang tuama imatêm dona sia kumaroang sisei angênihabognga, awahem totumu ioho totumu moêman. \v 40 Sumata tanu siahu, si Sia mosononoi, sasia sumondo-sondo io anggiona. Bo tan siahu hai, api-apigen i monggoguot i Ningumêlêd.
|
|
@ -0,0 +1 @@
|
||||||
|
Pasal 7
|
|
@ -0,0 +1 @@
|
||||||
|
\c 8 \v 1 Pahasa i hita mahailah asia niaho pasil. Kita i pahasa daket binean uteh. Kawahuteh iboho tumulid i tow mamoali matombag, sumata beles momangun. \v 2 Sa wana tow mapakua sia wandei, awahêm sia alawe beutêhan, kelembisa o’on ni’aho tanu sisia. \v 3 Sumata’ tow mahalês i Ningumêlêd, kahilala’an i Ningumêlêd sia.
|
|
@ -0,0 +1 @@
|
||||||
|
\v 4 Asakum kakanên benjo pasil kailahan nio i hita; alahêmoho ni’aho allah balina i walina Allah Ningumêlêd, Empung Ba’ilan. \v 5 Apa’an tado’o mange tow mapakua awahêm tado’o kiong a sorga suma ambaoi toba. \v 6 Sumata kailahanio i hita awahêm bati’esa Ningumelêd awo boho Bapa itumulid i pahasa. Kita menonow tanu si Sia. Bo Ningumêlêd bati’êsa hahi, awa’aho Yesus Kristus. Sisia i tumulid i pahasa, bo si Sia nimehe kaênowan be hita.
|
|
@ -0,0 +1 @@
|
||||||
|
\v 7 Sumata’ mande apa’an keleabo’ho, ahi’i pahasa tow mahailah iboho. Bana niaho tow atalewe ahadai wa’i mawa pasil a tahi’i wêlilahën. Kawalian asakum niholo ahadai i’ai talewe silatahula mangutêh awahêm kakanên be wasil, awahêm kakanên i tahi’i wêlilahên.
|
|
@ -0,0 +1 @@
|
||||||
|
\v 8 Awahêm kakanên ahi’i me’ang ihita lebe hasusut a Ningumêlê. Alahemoho dugima, sa hita ahi’i human bo alahêm lebena sa hita ahi’i human niaho pasil. \v 9 Kawalian ate-aten noho, sa niboho ahi’i maindo ureng besilatahula itow hawel. \v 10 Apa’an sa wana tow melidah i how bana koitauan osa dumatuh bo kuman i a’ho bewasil, awahêm tow hawel kawahutê’nga ihahi’it sia kuman i aho be wasil.
|
|
@ -0,0 +1 @@
|
||||||
|
\v 11 Keleaboho hahi tow hawel, awa’aho pog’ngu awahêm Kristus i mate tanu sisia. Sa kawahemanu kawel pakiitan i tow walina mainjo hahi sia ihaureng. \v 12 Sewogngu tumulid sea a kahele wog sarani, awahêm sihow hahi dumusah i kawaheman i latahula i kawel. \v 13 Kawalian i boho sa kakanên mawamoali itow a kaoroan, awahêm ahu tia’am kuman i keted iboho. Saniboho e pogku ahi’i kaoroan apa’an tatawoihu.
|
|
@ -0,0 +1 @@
|
||||||
|
Pasal 8
|
|
@ -0,0 +1 @@
|
||||||
|
\c 9 \v 1 Awa ahi’hi ahu Rasul? Awa ahu ahi’i tow pêrei? Awa ahu alawe i melilah si Yesus, Tuhan i hita? Awa hamatahula ahi i bua’i pesaliaiku a suang i Tuhan? \v 2 Mande apa’apa’an pakua’an itow ahi’i Rasul, sumata kamotahulu mahailah io i ahu awahem ahu awahem ahu sosiu i Ningumelêd. Awahem menonow how a suang i Tuhan pahasa i boho bua’i sasalihu behamotahula.
|
|
@ -0,0 +1 @@
|
||||||
|
\v 3 Wa’i niaho niwawawila’ku be silatahula asia niaho tutul i latahula ahi’i wu’tul. \v 4 Awa hamitahulah ahi’i mata’u tumirima kakanen bo leku’un asakum ahu metawo-tawoi? \v 5 Awa ahu ahi’i mata’u me’ang i tow asebuhu sarani iwalalaiku asakum patutuleyku, kele tinulid i mange pogkukarua imbeles i Yesus Kristus bo manga sisiu-sisiu balina, kele si Petrus. \v 6 Suma bati Barnabas bo siahu niaho tahi toro satahi’i mangilah kakaneiku.
|
|
@ -0,0 +1 @@
|
||||||
|
\v 7 Alahemoho sururaho musti mo’kos imbatangana mio asakum sia asuang i mbowirang. Alahemoho tow mamayu anggor a mbedenga satahi’i sisia kuman imbuana? Suma sisei mahiaha sangawalas domba osa ahi’i luku i’susui domba i boho? \v 8 Awasia nihuahu ya’i ahi’i osa uteh i totumu. Awa Hukum Torat ahi’i humua kelewaboho?
|
|
@ -0,0 +1 @@
|
||||||
|
\v 9 Awahem asuang i Hukum i Musa bewatih: Na’de how sumeben i mbaba i sapi karengan sia manando-nando i gandum bo lumepot imbua’i gandum. Awa sapi e pilahen i Ninggumelêd? \v 10 Suma kita panutu’un i Tuhan? Eyem tanu hita ni’aho mbewatih, awahem tapawitad ahi’i toro satahi’i mitad osa maharaw mero-merotange tumirima sia i lokona. \v 11 Kawalian sa hamitahula i marut’em i mbibit rohani tanu hamotahula, pantas sa hamitahula manguwe i mbua’i mbaoi toba ihamotahula.
|
|
@ -0,0 +1 @@
|
||||||
|
\v 12 Sa tow balina bana hak tanu mongea asia mange behamotahula, awa ahi hamitahula bana hak lebe wako? Sumata’ kamitahula ahi’i manuntut i hak iboho. Iwalengai kamitahula lumihud i pahasa, saniboho hamitahula ahi’i maindo kohapil asakum sumahai i ninjil Kristus. \v 13 Awa ahi’i hailahan i hamotahula, awahem silatahula e masali andalem i lesad lenas mahaere penonowana a lesad lenas i boho bo awehem silatahula e masali i mezbah, mahaere beteng ilatahula a mezbah i boho. \v 14 Keleaboho hahi si Tuhan i tumatum, awahem silatahula masahai i ninjil ahi’i toro sa tahi’i menonow a sakumen mapasahai i kukua i boho.
|
|
@ -0,0 +1 @@
|
||||||
|
\v 15 Sumata’ ahi’i ahu mahasa manuntut mande esa a hak iboho. Ahi’i ahu imatihi pahasa i’ai saniboho ahu tuliden keleaboho apa’an ahu lebe mabog mate ende katala’an kobeatan ulit, kobeataiku alahem do’na mawasondo mande siseiange. \v 16 Kawalian asakum ahu sumahai i ninjil, alahemoho podalehan ahu motombag. Apa-apaan pahasa i boho ahi toro satahi’i tulideiku. Mawasilaka i’ahu, satahi’i ahu sumahai i ninjil.
|
|
@ -0,0 +1 @@
|
||||||
|
\v 17 Sawo i ande-ande ahu tumulid ihi’itku beahu mio, awahem mahasa ahu tumirima i mbaer i lokohu.Sumata apa’an ahu tumawoi ahi’i ihi’itku beahu, sumahai i boho awahem niaho tawoyen bewawa-waluha beahu. \v 18 Sahelewa’aho awasia mbaer i lokohu? Awahem baer i lokohu? Awahem baer i lokohu kelewa’i awehem ahu do’na i sumahai i ninjil ahi’i teka i mbaer iloko, bo awahem ahu ahi’i manuntut i boho nbaer i loko sateng i sumahai i ninjil.
|
|
@ -0,0 +1 @@
|
||||||
|
\v 19 Mande apa-apaan ahu pêrei a pahasa tow, sumata’ tulideiku mbatangaiku babu a pahasa tow, saniboho ahu doro’na mutung mahaere tow tado’o. \v 20 Keleaboho hahi silahatahula i tow Yahudi siahu mamoali kele tow i Yahudi, saniboho utungeiku ni’ange mangatow i Yahudi.Tanu manga tow menonow ambawa’i Torat ahu mamoali kele tow menonow ambawa ‘i Hukum Taurat, mande apa-apa’an ahu hi’i menonow ambawa,i Hukum Torat.
|
|
@ -0,0 +1 @@
|
||||||
|
\v 21 Tanu manga tou ahi’i menonow ambawa’i Hukum torat siahu mamoali kele manga tow ahi’i menonow a hukum torat, mande apa-apa’an ahu hi’i menonow a luar i hukum Allah, apa-apa’an ahu menonow ambawa hukum Kristus , saniboho ahu do’na mutung besilatahula a tahi’i menonow ambawa hukum torat. \v 22 Tanu silatahula i mangatow kawel siahu mamoali hahi kele silatahula i tow kawel, saniboho ahu do’na mawalowid si latahula i kawel. Tanu pahasa tow ahu imamoalim lo lowna, saniboho ahu do’na mahaere utung besilatahula mande tahulamange. \v 23 Pahasa i boho tulideiku apa’an i ninjil saniboho ahu mahaere baer i loko.
|
|
@ -0,0 +1 @@
|
||||||
|
\v 24 Awa ahi’i halahan i hamotahula, awahem a suang i lesad papesimna’an pahasa tow mahi wekalas malolah, sumata bati’esa tow mahaere pereseng? Kawalian malolah mahawe’e saniboho hamotahula mahaere têtêh. \v 25 Pahasa tow ilumas apesimba’an iboho, mawa ete imbatangan apahasa pawasian. Tumulid silatahula keleaboho saniboho silatahula mahaere balalugi poho, sumata kita tanu mahaere balalugi telas. \v 26 Kawalian iboho ahi’i ahu malolah sa alahem panutu’un bo siahu ahi’i osa tapedihu sabarangan dumihu. \v 27 Sumata ‘ahu lumatih imbatangaiku bo kumuasa i pahasa, saniboho i haworus aho sumahai i ninjil a towalina ahi’i ahu itulud i latahula.
|
|
@ -0,0 +1 @@
|
||||||
|
Pasal 9
|
|
@ -0,0 +1 @@
|
||||||
|
\c 10 \v 1 I haboku sarona kamatahula mahailak i manga pog i hamatahulah kelembisa nawo i hita a suang i towuod bo silatahula i lumeod i saloyon. \v 2 Mainjo i walalas i Musa si latahula bi nabtis a suang i towuod bo a saloyon. \v 3 Pahasa si latahula i human kakanen sarani mekele. \v 4 Osa silatahula i luku i palekuun sarani yang mekele osa hahi i luku am batu karang sarani bo silatahulah melas am batu karang i Ningumelêd.
|
|
@ -0,0 +1 @@
|
||||||
|
\v 5 Mande i keleaboho ahii behe i ngeled tow apa-apa’an i mawohodem a padang gurun. \v 6 Pahasa wai mainjo pa ponarahen be hita ba i wapa wa imun behita saniboho hita naam mabog i tapia kele tinulid i latahula.
|
|
@ -0,0 +1 @@
|
||||||
|
\v 7 Osa naam kita mainjo tapemasil kele i payuliden i esa rua tow be silatahula. Kele im be watih. Dumatuh pahasa si latahula osa kuman bo luku, i tumod bo marayo-rayow. \v 8 Naam kita tumulid medetuhan kele wa tuliden i esaan be silatahula sampe sagando i mate dua ngawulub telu ngoribu tow.
|
|
@ -0,0 +1 @@
|
||||||
|
\v 9 Naam kita mahepe i ngeled tow kele pa tuliden i esa, rua tow a tutud i latahula. Osa si latahula i mate tinoko i nulah. \v 10 Naam kita sumbu-sumbutanga kele tinulid i esa rua tow a nepang i latahula osa moai powasen i malaikat maut.
|
|
@ -0,0 +1 @@
|
||||||
|
\v 11 Pahasa i boho i mamonu ki nelan i latahula mainjo pahuludan bo be watih mainjo pangimunem behita a menonowe ahad i potahadan. [kaeto-eto]. \v 12 I boho kawalian sisei mahara-raw amened tio tu molod mapilah saniboho ahii haeled. \v 13 Pahasa pa kelamen i hamotahulah bati kele mio i boho, ahii lumeod a keter/ugad ihita. Awahem Ngelet tow satia i boho kawalian ahi’i ilingona kamotahulah beêpean lumeod i ketenu. Atempo kamotahulah beêpean bi neana kamolahulah dalan sampe hamotahulah mampu i tumanggong.
|
Some files were not shown because too many files have changed in this diff Show More
Loading…
Reference in New Issue