Tue Oct 24 2023 15:28:05 GMT+0800 (Singapore Standard Time)

10/01.txt

@@ -1,2 +1 @@
-\c 10 10. 1 Patuari waya, eng kepa’aran nateku wo en sombayangku wia si Tuhan nyi’a mouw, rio sea lawiren. 2 Karengan niaku ku toro mee kasairian  tanume nisea, se uli-ulit mengente’ i wee si Empung, ta’an  reiy’ ampit em pangartian e ulit. 3 Karengan, kaa nisea se reiy’ makasine’u eng kaulitan ni Empung wo kaa nisea se me’inakut kaa laa mereredeiyla eng kaulitan nea nuesa, takar nisea se reiy’ tu’utuk witu eng kaulitan ni Empung.
-
+\c 10 \v 1 Patuari waya, eng kepa’aran nateku wo en sombayangku wia si Tuhan nyi’a mouw, rio sea lawiren. \v 2 Karengan niaku ku toro mee kasairian  tanume nisea, se uli-ulit mengente’ i wee si Empung, ta’an  reiy’ ampit em pangartian e ulit. \v 3 Karengan, kaa nisea se reiy’ makasine’u eng kaulitan ni Empung wo kaa nisea se me’inakut kaa laa mereredeiyla eng kaulitan nea nuesa, takar nisea se reiy’ tu’utuk witu eng kaulitan ni Empung.

10/04.txt

@@ -0,0 +1,26 @@
+ Kaulitan karengan e iman
+ 4 Karengan si Kristus nyi’a mouw si kalekepan e nukum Taurat, i ka’ayo eng kaulitan kina’atoan ne susur tou si ma’eman. 5 Karengan si Musa si minatik tanume eng kaulitan kaa e nukum Taurat: “Sitou matuanala nyi’a, si laa tumou karengan nyi’a.” 6 Ta’an eng kaulitan karengan e iman limila tuana: “Te’a meila’la witu eng gorem e natemu : Seiy ku’a re’en si laa lumongkot waki sorga?”,  nyi’a i ti’i: kaa laa ma’alimi si Yesus tumumpa, 7 ka’apa: “Seiy ku’a re’en si laa tumumpa witu e ri’iping maut?”, nyi’a i ti’i : kaa laa ma’alimi si Kristus lumongkoti waki elet ne tou minate. 8 Ta’an sapa ku’a re’en em pokeiyna? E nyi’i: 
+          “Nuwu’ i ti’i en tawi witu nikoo, 
+                 nyi’a i yi’i witu eng gorem en sumamu
+                wo witu eng gorem e natemu.”
+Ni’itu mouw e nuwu’ iman, neiy i abar meiyla. 9 Karengan sa kouw makaredeiy ampit en sumamu, kaa si Yesus nyi’a mouw si Tuhan, wo ma’eman witu e natemu, kaa si Empung si timo’orola Nisia witu nelet ne tou minate, takar nikouw kouw laa lawiren. 10 Karengan ampit e nate sitou ma’eman wo i ulitla, wo ampit en suma sitou makaredeiy wo  lawiren. 11 Karengan eng Kaol Suci limila’: “Seiy i te si ma’eman wia Nisia, si reiy’ laa i papairangla.” 12 Karengan reiy’la si mange’an e nelet ne tou Yahudi wo ne tou Yunani. Karengan, si Empung esa i ti’i nyi’a mouw si Tuhan em baya ne tou, si kaya i wee em baya ne tou se maaleiy wia-Nisia. 13 Karengan, seiy i te si maaleiy witu e ngaran ni Tuhan, nisia si laa lawiren.
+ 14 Ta’an kumura sea toro maaleiy wia-Nisia, sa sea reiy’ ma’eman wia Nisia, sa sea reiy’ liminga en tanume Nisia. Kumura sea luminga en tanume Nisia, sa reiy’la si mabarla-Nisia? 15 Wo kumura  sea toro mabarla-Nisia, sa sea reiy’ neiy i toke? Tanu wawean neiy i kepatik: “Kumura eng kewangunna kine’e eiy nea se maali-ali  e nabar le’os!”
+Reiy’ kapa’emanan ni Israel
+16 Ta’an reiy’ em baya ne tou se simungkulola e nabar le’os i ti’i. Yesaya nuesa si limila’: “Tuhan, seiy ku’a re’en si ma’eman witu em pinaabaran neiy?” 17 Jadi, iman limentuti waki lelinga’an, wo e lelinga’an kaa e nuwu’ ni Kristus. Ta’an niaku ku minueiy: Sapa ku’a re’en nisea se reiy’ liminga nyi’a? Memang nisea se liminga mouw nyi’a: 
+      “En suara nea mina’ayo 
+       waki   minapekasa eng kaoatan, 
+                wo e lelila’an nea  mina’ayo 
+                waki  tempok em bumi.”
+19 Ta’an niaku ku minueiy: Sapa ku’a re’en si Israel si liminga makaleo-le’os nyi’a?  Ketare-tare si Musa si limila’:
+          “Niaku ku simiwola nikouw 
+          tetayuren wia se tou-tou 
+           reiy’ umat 
+                wo timo’orla e nupi’mu 
+                wia se bangsa ba’abal.”
+20 Wo ampit em berani si Yesaya limila’la: 
+     “Niaku ku minepa’arouw niato neala 
+           se reiy’ masero niaku,
+           Niaku ku minapa’ato mola en tou 
+            wia nisea se reiy’ 
+             mawueiyla  Niaku.”
+21 Ta’an en tanume si Israel nisia si limila’:  “Kelabotan e nendo Niaku ku kimaya’ mola e lawas-Ku wia se bangsa reiy’ lale’ wo se mapero.”