Tue Oct 24 2023 16:10:26 GMT+0800 (Singapore Standard Time)

11/09.txt

@@ -1,9 +1,8 @@
-\v 9 \v 10 9 Wo si Daud si limila’: 
+\v 10 \v 9 Wo si Daud si limila’: 
    “Ma’anouw en sesakeiyan nea 
     mamuali  we’etes wo en torak, 
            paseipan wo em pasuli’an 
-          i wee nisea.
-10 Wo i waya mola em beren nea 
+          i wee nisea. Wo i waya mola em beren nea 
      mareiydem, i ka’ayo sea reiy’ lumoo’, 
            wo siwonouw e ru’ur nea 
             reiy’ maena-ena’ mawengkur.”

11/11.txt

@@ -0,0 +1 @@
+Israel neiy i kasu’usu’, bangsa-bangsa walina minelawir \v 11 Takar niaku ku minueiy: Sapa ku’a re’en nisea se neiy i kasu’usu’ wo lewo’ sa reiy’ i ka’anu? Ma’an mekasa reiy’! Ta’an kaa eng kaselokan nea, eng kelawiran mina’ayo mouw wia se bangsa-bangsa walina, rio sumiwo nisea tumayur. \v 12 Karengan sa eng kaselokan nea makapenoron kakaya’an i wee eng kaoatan, wo eng kareiy’awesan nea eng kakaya’an i wee se bangsa-bangsa walina, eng kasa lebe-lebepe’ kasi eng kalekepan nea.

11/13.txt

@@ -0,0 +1 @@
+\v 13 Niaku ku lumila’me wia nikoo, hei bangsa-bangsa reiy’ Yahudi. Awes tare karengan niaku nyi’a mouw ku rasul i wee se bangsa-bangsa reiy’ Yahudi, niaku ku maloo’ola eng kapualitan i ti’i eng kalo’oran em pelayananku, \v 14 nyi’a i ti’i e wo’o wona’ niaku ku toro tumo’orla en tetayuren witu eng gorem e nate ne kaum kaa esa nge bangsaku i ki’it e le’ona wo toro lumawirla pirala tou wia nisea.

11/15.txt

@@ -0,0 +1 @@
+\v 15 Karengan sa em pasede’an nea makapenoron padamean i wee eng kaoatan, toro ku’a re’en en sinungkulan nea makapenoronla walina  waki patou-touan witu e nelet ne tou minate? \v 16 Sa wo’o wona’ e roti polon nyi’a mouw eng kudus, takar e minapekasa kinayo’an kangkasi eng kudus, wo sa wona’ eng kalat nyi’a mouw eng kudus, takar em pangana-pangana kangkasi eng kudus.

11/17.txt

@@ -0,0 +1,19 @@
+17 Kaa  ni’itu sakawisa em pirala panga  rinepu’ mola wo nikouw kouw tanume en suru siru  neiy mouw i cangkokla witu e neletna wo i ki’it minaka’ato weteng witu eng kalat e nakana en zaitun minawuta en sering, 18 Te’a mouw koo sumawa’ witu em pangana-pangana i ti’i! Sa wo’o wona’ koo sumawa’, ghenangenouw, kaa reiy’ nikouw kouw matobol eng kalat i ti’i, ta’an i te eng kalat i ti’i matobol nikouw. 19 Wo’o wona’ kouw laa lumila’: wawean em pangana-pangana  rinepu’la, rio ku i cangkokla witu e neletna tanume en suru. 20 Le’osouw! Nisea se rinepu’la karengan e reiy’ kapa’emanan nea, wo nikouw kouw taga’ neiy i kepa’asek karengan e iman. Te’a mouw kouw tingkeiy, ta’an meide’ mola! 21 Karengan sa si Empung si reiy’ mineupusla em pangana-pangana tulen, Nisia kangkasi si reiy’ laa meupusla nikouw. 22 Kaa ni’itu weeanola ghenang eng kamura’an ni Empung wo kangkasi eng kaketean-Na, nyi’a i ti’i eng kaketean wia se tou-tou  neiy mouw i ka’anu, ta’an wia nikouw eng kamura’an-Na, nyi’a i ti’i sa kouw minena-ena’ witu eng kamura’an-Na; sa reiy’, nikouw tu’u kouw laa ketoren kangkasi. 23 Ta’an nisea tu’u se laa i cangkokla sumeup, sa sea reiy’ minena-ena’ witu e reiy’ kapa’emanan nea, karengan si Empung si makakuasa laa mececangkokla nisea sumeup. 24 Karengan sa koo kinetoromi tanume em pangana waki akana en zaitun siru, wo minasu’usukan ampit eng ka’ada’annu i ti’i nikoo koo neiy mouw i cangkokla witu e nakana en zaitun sejati, sapape’ kasi nisea i yi’i,  i ki’it e nasal nea se laa i cangkokla witu e nakana en zaitun nea nuesa.
+ Linawiran e Israel.
+25 Karengan, patuari waya, rio kouw te’a mapokeiyla en toumu pande, niaku ku pa’ar rio kouw mamete’ula em pengiro-ngirong i yi’i: Esa nga weteng wia se Israel se mina kete ate mouw i ka’ayo eng kelakerna se wuta waki se bangsa-bangsa walina se ghimoremouw. 26 Ampit e lalan tuana se minapekasa Israel se laa lawiren, tanu wawean neiy’ i kepatik: 
+          “Waki Sion  laa meiy si Menenubuus, 
+             Nisia si laa sumingkirla e reiy’ sa mina’asa 
+             eng kalewo’an waki si Yakub.
+27 Wo  nyi’i mouw en teta’aran-Ku 
+      ampit nisea, 
+               sakawisa Niaku nu rume’ila en dosa  nea.”
+28 Tanume e Injil nea nyi’a mouw eng kesaru ni Empung kaa ni kouw, ta’an tanume em pineleng nea nyi’a mouw e nupus ni Empung kaa se nene moyang. 29 Karengan si Empung si reiy’ simeselela e nupus karunia wo eng kineretan-Nisia. 30 Karengan  masuat tanu nikouw eng ketarean kouw reiy’ lale’ wia si Empung, ta’an en teakan minaka’ato kamura’an kaa eng kareiy’lale’an nea, 31 tuanakan kangkasi nisea en teakan se reiy’ lale’, rio kaa eng kamura’an kina’atoan niouw mola, nisea kangkasi se laa maka’ato  kamura’an. 32 Karengan si Empung si kimurungouw em baya se tou witu e reiy’ kelale’an, rio Sia toro tumudu’la eng kamura’an-Na wia nisea nu waya.
+ 33 O, kumura ku’a re’en ee pasil eng keraremna eng kakaya’an, hikmat wo en tine’u ni Empung! E nuli-ulit reiy’ kaselidikan eng kaputusan-kaputusan-Na wo e nuli-ulit reiy’ keuntepan e lalan-lalan-Na!
+34 Karengan, seiy ku’a re’en si mete’ula 
+      eng genang ni Tuhan? 
+            Ka’apa seiy ku’a re’en si mekasa mouw
+             Minamualila penasehat-Na?
+35 Ka’apa seiy mouw si mekasa mouw 
+      mineela wo’o sapa wia-Nisia,
+              i ka’ayo Sia lewo’ sa reiy’ sumawelela nyi’a?
+36 Karengan e reiy’ sa mina’asa wo’o sapa e waki Nisia, wo kaa Nisia, wo wia Nisia: I wee Nisia mouw eng kamulia’an i ka’ayo eng keure-urena!