tdn_mat_text_reg/25/41.txt

\v 41 Wo Sia si laa lumila’ kangkasi wia nisea se witu esa nga weka kawii-Na: Rumou’la witu en sinaru-Ku, heiy kouw tou-tou neiy i kutok, rumou’la mea witu eng gorem napi kekal en sadia mouw i wee si iblis wo se malaikat-malaikatna. \v 42 Karengan katoroan Niaku nu maarem, kouw reiy’ minee Niaku kumaan; katoroan Niaku nu re’o, kouw reiy’ minee Niaku kumoo’; \v 43 katoroan Niaku nu tou wo’oseiy, kouw reiy’ minee Niaku tete’upan; katoroan Niku nu poteiy, kouw reiy’ minee Niaku labung; katoroan Niaku nu rara’an wo witu eng gorem em penjara, kouw reiy’ limalesi Niaku.