tdn_mat_text_reg/25/10.txt

\v 10 Ta’an, witu eng kasuatan sea minea kaa meteteles nyi’a, o meiy mouw si peredegom i ti’i wo nisea se timiro’-tiro’ mouw sea ghumorem mewali-wali ampit nisia witu e woang pesakeiyan kimaweng, laa o kusi’in em pepalen. \v 11 Kamurian meiy kangkasi se reraa-reraa walina i ti’i wo lumila’: Tuang, tuang, wuka’ane’la keiy pepalen! \v 12 Ta’an sia si miningkot: Niaku lumila’me wia nikoo, kaulitna niaku ku reiy’ maka sine’u nikouw. \v 13 Kaa ni’itu, mategha-teghamouw, karengan nikouw kouw reiy’ mete’u e nendo ka’apa tu’u e nedona.”