tdn_mat_text_reg/15/36.txt

\v 36 Ni’itu nu reiy’ mouw Sia medo em pitu roti wo se sera’-sera’ i ti’i, tumotorla en syukur, mengebi-ngebi’la nyi’a wo meela nyi’a wia se murid-murid-Na, laa se murid-murid-Na mineela nyi’a kangkasi wia se tou kelaker. \v 37 Wo em baya nea se kimaan i ka’ayo wesu. Kamurian se tou se minerurla eng kaketor-kaketor e roti tele’u, em pitu lo’olo’ wuta. \v 38 Se kimi’it kimaan sea mouw se epat ngariwu tuama, reiy’ neiy i kaghorem se wewene wo se oki’. \v 39 Laa si Yesus rumeo se tou kelaker i ti’i mareng. Sia sumeret lodeiy wo tumodome waki daerah Magadan.