Mon Oct 30 2023 17:14:05 GMT+0800 (Singapore Standard Time)

15/03.txt

@@ -0,0 +1 @@
+\v 3 Laa o Sia lumila’la em peulurela i yi’i wia nisea: \v 4 “Seiy ku’a re’en si witu nelet miouw si makapunya se esa nga atus domba, wo sa wona’ sia kaliongan siesa nga ipus witu e nelet nea, sia reiy’ tumele’ula se siouw nga pulu’ o siouw nga ipus waki padang gurun wo mea sumero si neiy i kaseip i ti’i i ka’ayo sia ka’atoanna? \v 5 Wo sa sia kina’atoanna mola, sia rumeta’la nisia witu natas em palukana ampit e mepa’a-pa’ar,

15/06.txt

@@ -0,0 +1 @@
+\v 6 wo i kekeka’ayona waki wale sia kumeret se kalo-kalona wo se ketana’-ketana’na kasuatan lumila’ wia nisea: Mepa’a-pa’arola mewali-wali ampit niaku, karengan si dombaku neiy i kaliong i ti’i si niatoku mouw. \v 7 Niaku ku lumila’me wia nikoo: Tuanakan kangkasi e laa wawean eng kepa’a-pa’aran waki sorga karengan siesa tou berdosa si minakedo’, lumantouwla witu eng kepa’a-pa’aran eng karengan se siouw nga pulu’ o siouw tou ulit se reiy’ mepadungla em pakedo’an.”

15/08.txt

@@ -0,0 +1 @@
+\v 8 “Ka’apa wewene wisa ku’a re’en si makapunya e mapulu’ dirham, wo sa sia kaliongan e nesa witu nelet nyi’a, sia reiy’ tumutungla solo wo sumapu em bale kasuatan masero nyi’a ampit eng kasa maato-ato i ka’ayo sia matola nyi’a? \v 9 Wo sa i tu kina’atoanna mola nyi’a, sia kumeret se karia-karia wo se ketana’-ketana’na kasuatan lumila’: Mepa’a-pa’arola mewali-wali ampit niaku, karengan en dirhamku neiy i kaliong i ti’i e niatoku mouw. \v 10 Niaku ku lumila’me wia nikoo: Tuanakan kangkasi e laa wawean kepa’a-pa’aran wia se malaikat-malaikat ni Empung karengan siesa tou berdosa si minakedo’.”

15/11.txt

@@ -0,0 +1 @@
+\v 11 Yesus si limila’ kasi: “Wawean siesa tou makapunya rua oki’ tuama. \v 12 Pokeiy ni taweng wia si ama’na: Ama’, i wee mola wia niaku e weteng eng harta kapunya’an ta e minamuali wetengku. Laa o i pemete-metengla ni ama’na eng harta kakaya’an i ti’i witu e nelet nea.

15/13.txt

@@ -0,0 +1 @@
+\v 13 Em pira mola nga endo kamurian sioki’ taweng i ti’i si minangker e minapekasa wetengna i ti’i laa o mea waki wanua wa’akat.  Manamome o sia meghio-ghiola eng harta kapunya’anna i ti’i ampit e memoya-moya. \v 14 Ni’itu nu kina’apuna mola em baya nyi’a, o lumentutouw eng kelalenan witu em banua i ti’i wo sia tu’u muleiy mapedis.

15/15.txt

@@ -0,0 +1 @@
+\v 15 Laa o sia mea wo ma’ayang wia siesa pemema’ayangan witu em banua i ti’i. Sitou i ti’i si rimeo nisia mea waki uma kaa mea tumayur wia se tieiyna. \v 16 Laa o sia pa’ar mekekaanla e nampas minamuali kekaanen ne tieiy i ti’i, ta’an reiy’la siesa tou tu’u si mineela nyi’a wia nisia.

manifest.json

@@ -344,6 +344,11 @@
 		"14-31",
 		"14-34",
 		"15-title",
-		"15-01"
+		"15-01",
+		"15-03",
+		"15-06",
+		"15-08",
+		"15-11",
+		"15-13"
 	]
 }