tdn_act_text_reg/24/10.txt

\v 10 O laa si wali em banua i ti’i si minee tanda wia si Paulus, kaa nisia si toro lumila’. Takar lumila’ mouw si Paulus: “Niaku ku mete’u, kaa mina te’u-te’unouw eng keurena nikoo koo minamuali akim wia se bangsa i yi’i. Kaa ni’itu niaku ku reiy’ meware-wareng merapitla em perkaraku i yi’i witu en sinarumu: \v 11 Nikoo koo toro tumantula, kaa e reiy’ lebe witu  mapulu’ o rua nga endo limangkoiyla niaku ku mineiy wia Yerusalem kaa meiy mereraghes. \v 12 Wo reiy’ ma’an mekasa se tou minatola niaku ku kasuatan me’ising ampit siesa tou ka’apa matuanala eng huru-hara, le’os witu eng gorem em Bait ni Empung, ka’apa tu’u witu eng gorem e wale ibadat, ka’apa witu en tampa walina waki kota. \v 13 Wo nisea se reiy’ i katuru’la wia nikoo sa sapa en teakan ni’i pature neala wia en touku.