tdn_2th_text_reg/03/06.txt

\v 6 Ta’an nikeiy keiy maower wia nikoo, patuari waya, witu e ngaran ni Tuhan Yesus Kristus, rio kouw ma’akatla en tou waki se susur patuari reiy’ matuanala em pepa’ayngenna wo se reiy’ maki’it en teturu’ sinungkul miouw mola wia nikeiy. \v 7 Karengan nikouw nuesa kouw mete’u, kumura kouw nu lewo’ sa reiy’ kumi’itla em pa’asa-asaran neiy, karengan nikeiy keiy reiy’ pepar mepa’ayang witu e nelet miouw, \v 8 wo reiy’ kumaan e roti ne tou ampit e reiy’ sipenoron, ta’an nikeiy keiy me’inakut wo mengente’ me’ulit oat o wengi, rio te’a mamuali pemesa’anen wia si seiy i te tu’u witu e nelet miouw. \v 9 E reiy’ karengan nikeiy keiy reiy’ mekehak i wee e ni’itu, ta’an i te karengan nikeiy keiy pa’ar mesesiwola en tou meiy pa’asa-asaran i wee nikouw, rio ki’itan niouw.